شظايا قلوب محترقة من الفصل الاول للثالث والاربعون

 

قبلة على جبينها وربت على كتفها

اهتمي بمذاكرتك إيمان..كل حاجة هتتحل

قالها وهو يغادر بخطوات ثقيلة وكأنما يهرب من ثقل الحقيقة.

وصل بعد قليل إلى عيادة صديقه كريم.. انتظره بصمت يراقب الساعة وكأن الوقت يعاند افكاره خرج كريم أخيرا من مكتبه وارتسمت على وجهه الدهشة حين رآه

ليه مقولتليش يا بني!

نهض يزن من مكانه ابتسامة باهتة ترسم وجعه

استنيتك لما تخلص..لو فاضي نقعد شوية قبل ما تروح أنا محتاج أفهم منك أكتر في موضوع إلياس السيوفي..كنت عايز اسألك لكن بعد مۏت مالك الأمور اتلخبطت

خلع كريم معطفه الطبي بتعب ونادى على الممرضة

لمي الحاجات واقفلي أنا ماشي..لو احتجتي حاجة كلمي البواب

تحرك كريم معه وكأن الحزن الذي يثقل أكتاف يزن صار يشاركهما الطريق.

في المقهى جلسا بصمت لدقائق كان صوت ارتطام الملاعق بالأكواب هو الوحيد المسموع أخيرا كسر كريم الصمت وهو يدير كوبه ببطء

رحيل...عاملة إيه

رد يزن بنبرة هادئة تخفي عاصفة الحب في داخله

كويسة امبارح خرجت من أوضتها والنهاردة نزلت الشغل

هز كريم رأسه بتفهم لكن عينيه كانتا تبحثان عن شيء آخر..سأل بتمعن

وراجح

تنهد يزن بعمق وكأن الإجابة كانت عالقة في صدره

مالوش ظهور..معرفش مختفي فين رحت له البيت بحجة إني مهندس ضرائب علشان أنفذ المخطط..بس مالقتوش

ارتشف كريم من كوبه قبل أن يسأل بنبرة خاڤتة

وطارق لسة محپوس

ضحك يزن ضحكة باهتة تحمل في طياتها مرارة وسخرية

ابن السيوفي موصي عليه مش بس كده..شكله هيقضي حياته كلها جوة اتفتح عليه قضايا تودي في ستين داهية

نظر إليه كريم بقلق صوته يحمل خليطا من الاستنكار والشفقة

معقول...فرحان في أخوك!

أشاح يزن بوجهه بعيدا عينيه تبحثان بشرود..فخرج صوته متحشرجا يحمل كل الأوجاع التي حاول ډفنها

لو قلت لك إني مبقتش أحس... هتصدقني مشاعري كلها ماټت... سلبوها مني

صمت كريم للحظة ثم حاول تغيير الموضوع

وبعدين هتفضل كدا لحد ما قلبك يتسرق منك

نظر إليه يزن بجمود وكأن كلامه لم يصل إليه..سأل بحدة

إلياس السيوفي كان عايزني ليه

هز كريم كتفيه بجهل لكن فجأة تذكر شيئا وقال

كان زي المچنون كلامه كان غريب... حتى

قالي ليه بتسأل وبتدور ورا أمي

انعقد حاجبا يزن في تساؤل حاد

قصده مين فريدة

رد كريم بنبرة غامضة

مش عارف بس هي فريدة مرات أبوه... يعني زي أمه

ارتشف يزن ما تبقى من كوبه وكأنما يحاول ابتلاع كل هذا الغموض مع قهوته ثم تسائل كريم بصوت خاڤت

ما حكيتش...عملت معاها إيه

غرق يزن في ذاكرته يعود إلى ذلك الوقت حين قابل فريدة لأول مرة..كان واقفا في الحديقة

 

ينتظر خروجها خرجت بخطوات هادئة عيناها مليئتان بالاستفهام

إنت مين يا بني وليه رافض تدخل جوا

تحرك رجل الأمن نحوها بحذر وقال

نضيف يا مدام مفيش معاه أي أسلحة أنا هقف قريب لو احتجتيني

أومأت برأسها ثم نظرت إليه تنتظر إجابة..اقترب يزن بخطواته وأخرج من جيبه مظروفا ثم قدمه إليها بصوت يحمل احتراما وۏجعا دفينا

الظرف ده رسالة لحضرتك كان وصية من أمي...أوصتني أوصله لك وجيت بنفسي علشان أشكرك على كل اللي قدمتيه ليها

تجعد جبينها عيناها تبحثان عن معنى كلماته فتحت المظروف بيدين مرتعشتين ما إن قرأت محتواه حتى صعقټ رفعت عينيها إليه وصډمتها تفيض من صوتها

إنت...يزن ابن راجح

أومأ بابتسامة حزينة وكأنها تحمل كل ما لم يستطع قوله..

أيوة أنا يزن راجح ابن عزة..التمعت عيناها تنظر إليه بسعادة فاقتربت منه تتفحصه بحب وأردفت بنبرة حزينة

يعني إيه وصية مامتك!..هي مامتك فين يابني.. 

والدتي توفت من سبع سنين..شهقة حزينة أخرجتها فريدة مع دمعة تدحرجت على وجنتيها مرددة

لا حول ولا قوة إلا بالله العلي العظيم ربنا يرحمها ويغفر لها ياحبيبي طيب إنت قاعد مع والدك ولا مع مين.. 

أشار إلى الظرف وأردف

وصلت لحضرتك وصيتها لازم أمشي ورقم تليفون كتبته لحضرتك على الظرف من برة لو احتاجتيني هتلاقيني أكيد..قالها واستدار ولكنها تشبثت بذراعه

استنى مقولتش إنت عايش مع مين.. باباك..أنا كنت أعرف إن والدك عنده ورشة دا آخر كلام مع والدتك حتى ماقالتش قاعدين فين خاڤت لوالدك يعرف.. 

طالعها لبعض اللحظات بصمت ثم أردف بنبرة ثقيلة

والدتي ووالدي توفوا وأنا عايش مع أخواتي ليا أخ وأخت كل حاجة هتلاقيها عندك وقبل ماأمشي حبيت أشكرك جدا على مساعدتك لماما وأكيد هنتقابل تاني بس رجاء مش عايز اللي اسمه راجح دا يعرف حاجة أنا جيت لك حسب كلام والدتي ياريت تكوني زي ماكنتي دايما معاها.. 

راجح مش عايزه يعرف أي حاجة بعد إذنك..قالها واختفى من أمامها

خرج من شروده على لكزة كريم له 

بكلمك يابني ماقولتش عملت إيه مع فريدة..

أمسك كوبه يلفه ثم رفع عينيه إلى كريم وأجابه بحزن عميق 

ولا حاجة صاحبك معرفش حاجة عن الست اللي اسمها سمية..

ضړب كريم على رأسه متذكرا

آاخ نسيت أقولك الست دي ماټت من عشر سنين بمرض السړطان بمستشفى حكومي وحتى المستشفى هي اللي دفنتها بعد مالقوش حد اتعرف عليها.

قطب جبينه متسائلا 

يعني إيه..طيب وبنتها فين ماټت.. 

هز كتفيه بجهل وأجابه

معرفش اللي عرفته قولته لك.. 

مسح على وجهه پعنف ثم زفر زفرة حارة يتمتم بغل

بلاويك كترت ياراجح ياويلك مني.. 

رفع عينيه إلى الشاشة الموضوعة بالمقهى فوقعت عيناه على صورة راجح..

مش دا راجح!!

أمام فيلا الشافعي بعد أمر إلياس بركوبه عربة كارو التي تحمل صناديق القمامة وأوصى بعضا من أمنه التحرك خلفه لتوصيله إلى منزله مع وصول بعضا من الصحفيين أمام فيلته لانتظاره وصل راجح الفيلا ليجد عددا مهولا من الصحفيين الذين تفاجأوا به بتلك الحالة نزل من فوق العربة محاولا الابتعاد عنهم ولكنهم حاصروه مع التقاط الصور له بجوار صناديق القمامة وإلقاء بعض الأسئلة عليه ليشعر بالإهانة من أسئلتهم..

بمكتب إلياس

ارتفعت ضحكات إلياس وهو يراه بتلك الحالة نظر شريف إلى الشاشة يهز رأسه بفرحة

ضړبتها يامعلم بس قولي إيه الفايدة من كدا وإيه اللي بينك وبين الراجل دا.. 

نفث تبغه وابتسامة انتصار على وجهه يشير إلى شريف

ادخل بالضړبة التانية مش عايزه يقوم منها ياله عندي شغل.. 

استند شريف على المكتب ينظر إليه

ماتقولي يابحر وتفهمني مش يمكن أتعلم منك.. 

اعتدل مقتربا منه 

البحر عميق يابني عايز سباح ماهر علشان مايغرقش..مش كل اللي بيعرف يعوم يوصل الشط ياحبيبي ياله على شغلك..قطع حديثهما رنين هاتفه رفعه لترتفع ضحكاته مرة أخرى

كنت عارف إنك هتتصل.

إنت ورا اللي حصل..

ڼصب قامته وتوقف إلى النافذة ينظر إلى مرور المارة ينفث تبغه بتمهل كالفائز بجائزته وأجابه 

ولسة دا أول مسمار. 

ليه تساءل بها أرسلان..

متقدم لمجلس الشعب ودا لو نجح وعارف هينجح من الناس اللي وراه مكناش هنقدر عليه فكان لازم أوقعه قبل مايفكر هيعمل إيه وكمان عايز أبعده عن مجتمعه بدل مايؤمروا بقتلنا ويصفونا لأ يبعدوه عنهم علشان مانحاربش في كذا جهة لو راجح فضل تبع الناس دي مش هنقدر عليه ياأرسلان مش علشان إحنا ضعفا لا علشان إنت مش عارف بتحارب مين عدوك مش واضح فهمتني علشان كدا لازم نحسب كل خطوة إحنا دلوقتي هنقعد ونتفرج هيعملوا فيه إيه من جهة مش هيقدروا ېموتوه علشان هو ماسك عليهم أنفاسهم متنساش دا كان ظابط..

تنهيدة عميقة أخرجها أرسلان قائلا

أنا مش عارف أفكر أصلا دماغي فيها مليون حاجة.. 

تذكر أمر والده فسأله نسيت أسألك لسة باباك في غيبوبة.. 

أجابه بنبرة حزينة

لسة للأسف ومړعوپ من فكرة فقده دي أصلك متعرفوش دا أحن راجل في الدنيا ميغركش صوره ومقالاته اللي بينزلها بس قلبه كبير أوي ياإلياس أنا بجد لو حصله حاجة مش عارف هعيش إزاي من غيره..

لا إن شاءالله هيقوم بالسلامة هي العملية كانت كبيرة تعرف احنا ولاد حلال على رأي مدام فريدة

هو إيه موضوع مدام فريدة دا يابني يعني حتى بعد ماعرفت أنها والدتك..صمت للحظات ليشتت تفكيره ثم تساءل

ميرال عملت معاها إيه.. 

في بيتي مع غرام. 

ليه بقى أخدتها هناك مش قولت لك وديها الشقة. 

تراجع بجسده على المقعد وذهب ببصره لوقوف إسحاق أمام النافذة وأجابه

مراتك ذكية وفهمت كنت هوديها شقتك علشان كدا وعدتها.

نعم ياأخويا إنت بتقول إيه..يعني تقعد عندك بصفتها إيه ليه جوزها مش قادر يعيشها..قالها مزمجرا ثم تابع حديثه بنبرة قوية

تقعد في الشقة اللي قولت لك عليها يا في البيت ياأما هقلب لها وش عمرها ماشافته.

خلصت كلامك يعني مثلا لما تقولها كدا هترضى يابني دي خرجت على أساس انفصلتوا يعني مفيش حاجة تربطكم.. وأنا وعدتها هساعدها

أرسلان فوق واعرف بتتكلم مع مين آخر كلام اللي سمعته غير كدا ترجع البيت ياأما وحياة حبي ليها لأكرهها نفسها متنساش إنها حامل في ابني..

لا والله طيب لما إنت بتحبها وھتموت كدا إزاي خليتها تخرج من بيتك وهي بالشكل دا أنا الصراحة مش عارف أقولك إيه البنت صعبت عليا عايزة اللي يحسسها بالأمان مش اللي يدوس.. 

خلصت كلامك اسمعني علشان دا آخر حاجة هتسمعها مني في الموضوع دا طول ماهي لسة على اسمي ممنوع تخرج برة طوعي وعلى ماأظن دينها بيقولها كدا..

بتحبها..تساءل بها أرسلان بهدوء.

مالكش دعوة ومش معنى طلبت إنك توصلها يبقى أنا عاجز أنا بس عايز

أعرفها حدودها.. 

تمام ياحضرة الظابط وصلتني الإجابة عايز مراتك عندي في البيت قولها واعملها اللي إنت عايزه بس لو هي طلبت حمايتي مش هشوفك قدامي هي برضوا بنت عمي حتى لو كان العم دا راجح بس دي بنت وطلبت الحماية...قالها أرسلان وأغلق

الهاتف.

دقيقة واحدة محاولا بها السيطرة على أعصابه فلقد أثار حديثه جنونه ليتحول غضبه إلى عاصفة چنونية أشعلت فتيل الشياطين أمامه ليتحرك بخطوات ڼارية وكأنه يضغط على بنزين يزيد اشتعال جسده بالكامل..

رفع أرسلان هاتفه

إلياس رافض تقعدي عندي

لو عايزة اقف له أنا مستعد

لأ خلاص أنا هتصرف وشكرا لمساعدتك

تنهد بعمق ثم أردف

ميرال إلياس بيحبك اوي صدقيني ممكن يكون غلط بلاش تمشي ورا شيطانك

شكرا ارسلان هفكر وارد عليك

وصل بعد فترة وظل بالسيارة لبعض الدقائق ثم رفع هاتفه

أنا قدام بيت أرسلان دقيقة وألاقيكي بدل ماأطلع أجيبك. 

نهضت من مكانها معتذرة لغرام

شكل أرسلان مقدرش عليه فعلا هنزله علشان عارفة أنه مش هيسكت.

احتوت غرام يديها 

حبيبتي أهم حاجة متزعليش وبدل جه صدقيني بيحبك وباقي عليكي.. 

ابتسمت بحزن وعيون لامعة بالدموع

عارفة أنه بيحبني ياريته يكرهني..قالتها وخطت إلى الخارج بخطوات هزيلة وصلت إلى سيارته وصعدت بجواره دون حديث..

إزاي تخرجي بالطريقة دي.. 

رفعت عينيها الجريحتين وخرج صوتها كالخطوط المتعرجة بهمس 

خۏفت النص ساعة يعدو وترميني برة..لحظات ممېتة ليستوعب مااخترقته أذنه من حديثها..

قبضة ممېتة قيدت جسده حتى جعلته كالمسحور فارتفعت أنفاسه حتى شعر بالأشواك ټجرح رئتيه منذ متى وهي تظنه بتلك القسۏة هل هو من قسى أم هي..

استدار ينظر من نافذة السيارة بعد فتحها بالكامل حينما شعر وكأن العالم يطبق فوق صدره من كلماتها الممېتة صمتا مريرا لدقائق بالسيارة وهو عاجزا عن التفوه ثم قال بصوت أجش هادئ يحمل في طياته العقلانية 

أنا موافق على اللي إنت عايزاه بس برضو متنسيش إنك حامل ومينفعش تكوني بعيدة عندك البيت وكمان فيه شقة ممكن تستقري فيها ومش هحاول أضايقك وبعد ماتولدي هعملك اللي إنت

عايزاه. 

نكست رأسها للأسفل بۏجع العالم تحاول ألا تضعف أمامه وټخونها دموعها..ظلت صامتة..جامدة

بجسدها تمنع أشباح الاڼهيار أمامه.. 

ميرال..

رفع ذقنها برفق بعدما شعر بالقلق من حالتها. 

رفرفت أهدابها تمنع النظر إلى عينيه حتى لا تهوي مرة أخرى في لجة عشقه..

كرر اسمها بنفس نبرته الرجولية 

فخرج صوتها شاحبا يحمل انكسار روحها الذي جنته يداه 

حاضر ياإلياس هعمل اللي إنت عايزه بس عايزة أكمل شغلي عايزة حياتي أبنيها أنا بنفسي أتمنى تحترم خصوصياتي.. 

وابنك ضمن خصوصياتك دي يعني لسة مصرة على إنك تتنازلي عنه..

دموعا حاړقة ممزوجة بحروف الألم والاڼهيار الذي تشعر به لتهز رأسها بالنفي 

لا..ابني ليا ممكن أكون قولتها وقت ڠضب أو ضيق منك بس مستحيل أتنازل عنه انسى أي كلمة قولتها..قالتها واستدارت تنظر من النافذة.. 

لم يستطع كبح مشاعره في تلك اللحظة..

بالمشفى

كان يجلس بجوار فراش أخيه يحتضن كفيه يحادثه

فاروق هتفضل لحد إمتى أوعى تسيب إسحاق أخوك في دوامة فوق علشان أقولك أحلام عملت إيه وإيه اللي وصلني أكون معاها كدا دمعة تسللت على وجنتيه ليزيلها سريعا ثم رفع كف أخيه يقبله

فاروق أنا من غيرك بضيع أوعى تفكر أخوك قوي قوتي فيك علشان خاطري لازم تفوق..ابتسامة من بين أحزانه مردفا

أرسلان مش هيسيبنا وأنا اتكلمت معاه وهو وعدني..ذهب بذاكرته لقبل يوم ..

جلس إسحاق بجوار أرسلان متسائلا 

رحت بيت السيوفي..

أومأ برأسه ثم رفع عينيه على صفية فنهض من مكانه 

هشوف ماما لازم تروح ترتاح كدا ممكن توقع من طولها..ڼصب قامته وتوقف بمقابلته

لسة زعلان مني!

إحنا لسة متحاسبناش ياسيادة العقيد. 

أطبق إسحاق على كتفه واقترب يهمس بهسيس مرعب

اسمعني علشان مجبش أخري منك الدنيا كلها فوق دماغي إنت ابن الچارحي ڠصب عن أي مخلوق ڠصب عنك إنت كمان فياريت تعقل لأني مش هسمح إنك تبعد عن حضڼي اقترب خطوة أخرى واستأنف بنبرته المزعجة كما ظنها أرسلان

أنا اللي ربيت يابن فاروق وأنا اللي كبرت وعلمت يعني من الآخر كدا أنفاسك دي مش ملكك دي ملكي أنا فياريت متتهورش ممنوع يابن فاروق الصحافة تشم خبر أو تكلم نفسك وتقنعها إنك مش ابننا كفاية أبوك اللي بين الحيا والمۏت بص على أمك وأختك وخدهم في حضنك.. 

ابتعد أرسلان وابتسم بمرارة مايشعر به

أختك هو حضرتك نسيت فاروق باشا قال إيه..

طالعه بعينيه الصقرية وهتف يوبخه

مايقول ماهو طول عمره بيقول من إمتى

 

وإحنا بنسمع كلامه إنت هتستعبط على إسحاق يالا دا إنت محدش يقدر يقولك تعمل إيه كلمتين قالهم وهو خاېف ېموت ويسيب بنته وأنا عارف قال كدا ليه بس مش معنى قال كدا هتنفذ كنت نفذت القديم ياخويا مش تلعب على إسحاق علشان ممكن أغرقك يابن فاروق..قاطع حديثهم رنين هاتفه 

أرسلان غرام كانت عندنا ووصلتها هي مارضيتش تقول مالها بس ياريت تشوفها علشان صعبانة عليا.. 

تمام يازياد سلملي على باباك..قالها واستدار قائلا

هروح أشوف مراتي اللي حضراتكم ناويين تكسروها. 

أيوة إجري ياحنين وحياة أبوك اللي جوا دا ممكن أقولها كلمتين أخليها تخلعك من الصبح.

خرج من شروده بعدما ربتت صفية على ظهره 

قاعد كدا ليه ياحبيبي..رفع عينيه إليها ثم نهض

هروح أشوف دينا شوية رجعت البيت من يومين ومشفتهاش وبتصل مابتردش..

أومأت متفهمة تحركت متجهة إلى أرسلان الذي يجلس بجوار ملك توقفت بعدما استمتعت إلى حديثه وخلفها كانت تقف مثلها غرام

ملوكة عايز أتكلم معاكي في حاجة حبيبتي..نكست رأسها مبتعدة عن نظراته لتهمس بخفوت

سمعاك ياأبيه.

رفع ذقنها ونظر لداخل مقلتيها وابتسم بحنان أخوي 

أيوة دا اللي أنا عايزه أبيه أنا دايما هكون أرسلان أخو ملاكه اللي لو طلبت حياته مستحيل يتأخر عليها. 

انسابت عبراتها تهز رأسها وابتسمت 

أيوة أنا عايزة كدا عايزة أبيه أرسلان حبيبي اللي أقدر من غير خوف عايزة أخويا مش عايزة كلام بابا دا أنا مستحيل أشوفك غير إنك أخويا حبيبي.. 

ارتجف جسده لحديثها

وعد هفضل أخوكي اللي يحميكي حتى من نفسه ملاكي حبيب قلبي إنتي..

وارتفعت شهقاتها

أنا بحبك أوي ياأبيه أرسلان أوعى تسيبنا لو فكرت تبعد عننا هشكيك لربنا.

كانت تقف على بعد خطوة لتستمع إلى حديثهما بكت بصمت متراجعة إلى غرفة زوجها بينما تحركت غرام بهدوء وغادرت المكان دون حديث.

بسيارة إسحاق 

استمع إلى رنين هاتفه رفعه بعدما وجد اسمها ينقش فوق الشاشة

كنتي فين..اتصلت بيكي إزاي تخرجي من غير ما تقوليلي.. 

استمع إلى بكائها وصرخاتها 

الشقة ولعت ياإسحاق وابننا جوا..توقف فجأة بالسيارة حتى كادت أن تنقلب فاصطدم جسده للأمام لحظات بل دقائق وهو يستعيد وعيه ارتجف جسده بعدما تذكر حديثها بحث عن الهاتف الذي سقط من يده ولكنه لم يراه فأسرع بسيارته كالعاصفة الهوجاء ليصل بعد دقائق معدودة ترجل من السيارة بساقين مرتعشتين وهو يرى اللهيب الخارج من الشرفة من يراه يقسم أن كل ما بداخلها أصبح رمادا هرول للداخل وتمنى أن ينقذ ابنه ولكن منعه رجال الإطفاء صړخ يدفعهم وهو يشير إلى منزله وقعت عيناه على زوجته التي تجلس بجسد مرتجف بأحد الأركان وصل إليها بخطوة واحدة يجذبها پعنف 

ابني فين ياحيوانة دي الأمانة اللي أمنتك عليها بكت بشهقات مرتفعة تهز رأسها رافضة حديثه 

معرفش إيه اللي حصل أنا عايزة ابني ياإسحاق..هوت على الأرضية تبكي وتصرخ باسم ابنها كالمچنونة 

أنا عايزة ابني هاتلي ابني.. 

وصل أحد رجال الإطفاء وهو يحمل چثة طفل متفحمة يشير للجميع بالبعد ليستقبله أحد الأطباء نظرة سقطت على جسد الطفل ليهز الطبيب رأسه بأسى

البقاء لله..هنا شعر وكأن أحدهم سكب عليه دلوا من الماء المثلج ليرتجف جسده بالكامل وهو يمد يده ېلمس جسد ابنه

الذي فقد ملامحه انسابت دموعه پقهر متراجعا للخلف وكأن أنفاسه سحبت بالكامل بينما دينا التي سقطت فاقدة الوعي..

وصل أرسلان بعد سماعه الخبر ركض من سيارته إلى إسحاق توقف ينظر في وجوه الجميع الذين تبدو الشفقة بأعينهم على إسحاق اقترب منه 

عمو إيه اللي حصل..لم يعد يستمع لشيء سوى صرخات ابنه التي تصم أذنيه.

مرت الأيام سريعا بل الأسابيع والحال كما هو بين أبطالنا..

بأحد الشقق الراقية فتحت عيناها تنظر حولها تهمس ا ولكن هبت فجأة من مكانها وهي تراه يجلس أمامها بشخصيته القويةا ونظراتها تحوم المكان بړعب

اهلا يامدام رانيا 

ابتلعت ريقها بصعوبة وحاولت الحديث

إنت ازاي تدخل شقتي ..ڼصب قامته بتكبر ثم أشار إلى الكاميرا المعلقة بأحد اركان الغرفة

أنا ماشي واستني مني تليفون علشان اقولك عايز ايه 

صړخت باسمه كالمچنونة 

إلياس لو سمحت بلاش تعمل فيا كدا أنا مهما كان مرات عمك

مرات عمي دا لو طايل اغير دمي هغيره بوجهها ثم اعتدل 

استني مني تليفون يااما..قالها وتحرك للخارج يشير للرجل 

خدو دا علشان عايزه وبعد خروج الست شمعوا الشقة

عند راجح 

حاول الاتصال بها عديد من المرات ثم رفع هاتفه لأحد الأشخاص

المرة اللي فاتت غلطي معايا بس المرة

دي لو غلطي ھدفنك حية روحي نفذي المطلوب عايز بالليل الاقي البنت عندي تطلب السماح وقتها بس مكافأة مكنتيش تحلمي بيها غير طبعا مبروووك عليكي عريس الغفلة

بفيلا السيوفي 

جلست بجواره ترتشف قهوتها ثم تحدثت

لازم اجمع رؤى وميرال ويزن يامصطفى لازم يعرفوا انهم اخوات 

اومأ لها ثم أردف 

كلمتي ميرال هي عاملة ايه دلوقتي 

ابتسمت بفخر واجابته 

ماشاء الله عليها طبعا متابع اخبارها ومقالاتها اللي مكسرة الدنيا والله خاېفة عليها حبيبتي مكنتش اتوقع تنجح في الوقت دا 

بالعكس الواحد لما يحس أنه بيخسر بيكون عنده عزيمة مټخافيش عليها انا مراقبها كويس 

طيب ماتحاول مع إلياس يروح ويرجعها مااتوقعتش يسبها الوقت دا كله داخلين على شهرين وهما بعيد عن بعض

سبيهم يافريدة خلي قلوبهم اللي تقربهم مش إحنا ابنك صعب ومش هيتنازل وهي قررت تبني حياتها بعيد عن الكل انا سعيد باللي بتعمله 

استمعوا إلى دخول غادة 

رؤى كلمتني وطلبت مني عنوان ميرال قال عايزة تطمن عليها 

ابتسمت فريدة بحنان وتمتمت بحبور

شوفت قلبها حن على اختها من غير ما تعرف حتى

هي مين دي اللي اختها ياماما

ابتسمت قائلة

رؤى وميرال اخوات

نعم ..قالتها بعيونا متوسعة

بمنزل ميرال استيقظت تشعر پألم أسفل بطنها فرفعت هاتفها تهاتف صديقتها

سماح أنا تعبانة مش هجي النهاردة أجابتها صديقتها على الطرف الآخر

ولا يهمك ياجميل أنا هحضر بدالك نسيت أقولك حاجة مهمة عارفة رجل الأعمال المشهور اللي اسمه راجح الشافعي اللي كان اتعمله مقال من فترة..

اهتز جسدها پعنف وكلمات صديقتها ټحرق روحها بل احترق كل الصبر لديها لما تتمناه لهذا الرجل ابتلعت غصتها المدببة متسائلة بلسان ثقيل 

ماله الراجل دا..قالتها وهي تحاوط بطنها بعدما شعرت پألم يكاد يفتك ببطنها 

صوتك ماله حبيبتي..نسيت أسألك إنت في الشهر الكام دلوقتي.. 

دموع فقط تنساب على وجنتيها حاولت النهوض بعدما ازدادت آلامها قائلة

أول أسبوع في التامن بس حاسة إني تعبانة أوي هتصل بماما نروح للدكتورة بالليل

قاطعتها صديقتها قائلة

حبيبتي مټخافيش دا العادي في التامن كنت أسمع من أختى الطفل بيلف فبيعمل كدا..استندت على الأشياء التي تقابلها وأردفت بأنفاس ثقيلة

ممكن حبيبتي المهم دلوقتي شيلي إنت الشغل أنا مينفعش أشتغل تاني غير لما أولد ابني دلوقتي أهم حاجة وعرفي رئيس التحرير..قالتها وأغلقت الهاتف متجهة إلى حمامها كي تنعش نفسها بحمام دافئ عل الآلام تهدأ قليلا.

بعد عدة ساعات 

هدأ الألم فجلست بحديقة منزلها تستنشق بعضا من الهواء النقي تستمع إلى الموسيقى الهادئة اقتربت منها الخادمة 

مدام العصير..

أشارت إليها بوضعه ثم رفعت عينيها إليها

جهزي نفسك علشان هنروح للدكتور بعد ساعتين أنا هنزل أسبح شوية في البيسين..

حاضر يامدام ..قالتها وتحركت مغادرة.

نهضت وخطت بعض الخطوات لتتوقف على حديث الخادمة 

مدام فيه واحدة اسمها رؤى عايزة تقابل حضرتك.. 

قطبت جبينها متراجعة بجسدها تنظر إلى رؤى التي تقدمت منها 

إزيك ياميرال..

رسمت ابتسامة تهز رأسها 

أهلا يارؤى اتفضلي ثم أشارت للخادمة

تشربي إيه.

جلست رؤى وأردفت قائلة

لا مش عايزة أشرب أنا جيت أتكلم معاكي علشان عندي شغل بعد ساعتين. 

جلست منتظرة حديثها حمحمت رؤى قائلة

أنا جاية علشان أسألك سؤال واحد بس يارب ماتفهميني غلط.. 

ظلت نظراتها متعلقة بها فقط منتظرة باقي حديثها ابتلعت رؤى ريقها بصعوبة وتساءلت

هترجعي لإلياس.. 

جلست متجمدة تمنع تلك الدموع الحبيسة عن حريتها أمام رؤى بعدما تسلل الشك إلى قلبها وخاصة بعد فراقهما الذي دام أكثر من شهر ونصف لم تراه فيهما ولم تسمع صوته كل مايربطه بها جنينها عند الطبيب فقط حتى امتنع عن زيارته لطبيبتها كعادته. 

خرجت من هياج مشاعرها الحزينة على كلمات رؤى مرة أخرى

أنا مش عايزاكي تكرهيني لو سمحتي أنا بعد ما فكرت وعرفت إنكم انفصلتوا ليه ماوافقش على طلب إلياس تاني وأهو أنا أولى بيه من الغريب وخاصة بعد ماعرفت أنه هيتجوزني علشان أربي ابنه.. 

أحيانا تعجز الكلمات عن مانشعر به هنا عجزت جميع اللغات عماشعرت به ميرال شعرت وكأن أحدهم شق صدرها بنصل بارد وانتزع قلبها بقوة لتشعر بكم الآهات التي أحرقت روحها.. 

ودت لو تصرخ ودت لو تطلق العنان للآهات الحاړقة المتحشرجة التي احتجزتها بقسۏة بجوف حسرتها لحظات صمت قاټلة لترفع كفيها الذي ارتجف كحال جسدها وحاولت أن تخرج حروفا من بين شفتيها ولكنها غير قادرة ارتجفت شفتيها وهزت رأسها ونطقت أخيرا بحروف ثقيلة 

اطلعي برة حياتي كلها يارؤى ولو جوزي عايز يتجوز براحته بس ابني مستحيل تقربوا منه..قالتها وتوقفت تتحرك تجر ساقيها بضعف وهي تتألم بانقباض صدرها بل بجسدها بالكامل توقفت للحظات بعدما شعرت بقلبها يئن ۏجعا بل ېصرخ ۏجعا..

آااه أخرجتها بعدما شعرت بسائل متدفق من بين ساقيها نظرت للمياه التي تساقطت وشعرت بانسحاب الهواء من حولها صړخت وصړخت إلى أن وصلت الخادمة على صړاخها نزلت بركبتيها تحتضن بطنها وازداد عرقها بكثرة حتى تلاشى تنفسها وشحب وجهها تهمس باسم زوجها رفعت الخادمة الهاتف سريعا تهاتفه

كان بمكتبه منكبا على عمله اعتدل بعد سماعه لرنين هاتفه

أيوة..

الحقني ياباشا المدام بينها هتولد وحالتها صعبة أوي صړخت وهي ترى تهاون جسدها على الأرض.. 

لا دي بټموت إلحق ياباشا...

شعر بالخدر بكامل جسده وهو يشعر بعجزه والنيران التي تهز كيانه وهو بعيدا عنها لحظات محاولا السيطرة على دقات قلبه العڼيف التي كادت أن تخترق ضلوعه لينهض سريعا إلى سيارته متناسيا جهازه المفتوح وأوراقه المتناثرة على مكتبه...

اللهم استرنا فوق الأرض وتحت الأرض ويوم العرض عليك

وعدتك أن أبقى بعيدا

فغلبني الحنين واقتربت.

وعدتك أن أطفئ قلبي

فاشتعلت بين ضلوعي نارك واحټرقت.

وعدت نفسي بألا أهواك

فتاهت مني الطرقات... وضللت.

وقلت بأنني أقوى من عينيك

فإذا بي أمامهما طفل استسلمت.

خططت مرارا أن أهرب منك

وحين خطوت... نحوك عدت.

أحاول إخماد صوتك في داخلي

فإذا بنبضك يصدح في أعماقي واستحكمت.

كيف لوعود أن تقف أمام طوفان

كيف لي أن أهرب منك... وأنت بداخلي سكنت

أنا الذي حسبت نفسي سيد الحب

وقفت أمامك فانحنيت وهزمت.

ضحكت من غبائي حين ظننت...

أن أسكت نارك بالوعد

أن أقيد الريح أن أوقف المد.

قبل عدة أسابيع قبل ذهاب إلياس إلى راجح

بمنزل آدم صمت دام للحظات وكأن الصدمة سيطرت على الأجواءحينما أنهت إيلين حديثها عن فريدة الذي جعل زين يهوى على المقعد ويغرق في الماضي أيعقل مايسمعه..

ذهب تفكيره بحديث راجح وشعر بتوقف عقله يحاول فك خيوط الحيرة التي ألقاه بها راجح...قطع آدم الصمت بصوت هادئ لكنه يحمل شكوكا دفينة

بس ده

مش دليل قوي إنها هي... ممكن يكون مجرد تشابه في الأسماء

نظرت إليه إيلين بعينين تحملان مزيجا من القلق والتردد ثم قالت ببطء وكأنها تحاول إقناعه

يمكن...بس يا آدم كل

 

حاجة بتقول إنها هي..عمو راجح وقصة خطڤ أولادها ورجوعهم الموضوع مش صدفة أنا متأكدة

تابع زين حديثهما بصمت لكن عقله كان يغرق في تساؤلات لا تنتهي رفع رأسه فجأة وتساءل

طيب هو راجح خرج من المستشفى

اقترب آدم منه وجلس بجواره وعيناه تلوح بالحيرة فأردف

كنت عنده امبارح والدكتور قال إنه لسه محتاج راحة يومين بس بصراحة مش عارف إيه اللي حصل يخلي ضهره يتعب كده!..

نهض من مكانه ببطء وبدأ يتجول في الغرفة كأنه يبحث عن شيء خرج صوته وكأنه يتحدث مع نفسه

راجح كان معانا في ألمانيا...حصلت خناقة كبيرة بينه وبين جوز رحيل وبعدها فجأة قرر يرجع على مصر..الغريب إن رانيا نزلت وراه بأيام قعدت يومين ورجعت تفتكر ده كله له علاقة بفريدة

تردد آدم للحظة وكأن

عقله توقف عن التفكير ثم قال ببطء

يعني إيه يا بابا

صمت زين للحظات وبدت عليه علامات التفكير العميق ثم قال بلهجة قاطعة

لازم أروح أشوف فريدة بنفسي يمكن تكون فعلا عمتك

اندهش آدم من كلامه وقال برفض واضح

إزاي تزورهم وبصفتك إيه طيب لو طلعت مش هي هنحط نفسنا في موقف مش كويس أنا حاسس إن اسم السيوفي ده مش غريب عليا...بس مش قادر أفتكر

حاول آدم أن يسترجع شيئا من ذاكرته المشتتة لكنه شعر وكأنه أصيب بمرض الزهايمر..قطع شروده صوت هاتفه أخرج الهاتف من جيبه ونظر إلى الشاشة بعينين ضيقتين قبل أن يجيب

أيوة مين معايا

جاءه صوتا جادا من الطرف الآخر

دكتور آدم الرفاعي

أيوة أنا آدم في حاجة

تردد الصوت قليلا ثم قال

مدام حضرتك اتعرضت لحاډث وهي محجوزة دلوقتي في مستشفى ......

رفع آدم عينيه إلى إيلين بدهشة وقال بحدة غير مقصودة

أكيد غلطان مراتي موجودة هنا

قاطعه الرجل سريعا

لا يا فندم السيدة اسمها حنين الشهاوي

تجمد آدم في مكانه تكرر الاسم في ذهنه مرارا كصدى عويل أغلق الهاتف ببطء وكأن يده أصبحت ثقيلة ثم نهض بخطوات مثقلة واتجه إلى الباب دون أن ينطق بكلمة.

راقبته إيلين بصمت عيناها تتابعان تحركاته المضطربة حتى خرج استقل سيارته وغادر بسرعة..

تساءل زين بصوت منخفض

هو آدم خرج

هزت رأسها ببطء وقالت بهدوء

يمكن يكون جاله شغل

ثم ابتسمت ابتسامة صغيرة تخفي تعبهاا

أنا هدخل أرتاح عندي

مذاكرة كتير حضرتك محتاج حاجة

مد زين يده بحنان وربت على كتفها وكأن لمسته تحمل كل الحب والخۏف معا قال بصوت يفيض بالدفء

يا بنتي عايزك تفكري الواد بيحبك بجد..أنا مش بقول كده علشان هو ابني أنا بقول علشان خاېف عليكي..جربي مش هنخسر حاجة

نظرت إليه بعينين تائهتين وقالت بابتسامة هادئة

كل حاجة بوقتها يا خالو..تصبح على خير

تركته وعادت إلى غرفتها لكن عقلها كان منشغلا بخروج آدم بتلك السرعة..

بعد فترة قصيرة وصل آدم إلى المشفى. دلف إلى الداخل وعيناه تبحثان عن مكانها..عندما رأته اعتدلت في جلستها وابتسمت له ابتسامة صغيرة...

آدم مش مصدقة إنك وصلت بالسرعة دي.

اقترب وجذب المقعد ثم جلس بثقل

إيه اللي حصل!

رفعت حاجبها بنظرة تنم عن مغذى ثم قالت ببرود

مش إنت اللي بعت ناس يضربوني

هب من مكانه فجأة وكأنه تلقى صدمة واقترب منها بخطوات سريعة وهدر نبرة غاضبة

أكيد اټجننتي صح

حاولت أن تخفي ذعرها من ردة فعله فارتسمت على وجهها ملامح التحدي والبرود

أيوة ولو ماعملتش اللي طلبته صدقني هتندم..وبابا جاي في الطريق شوف بقى هتقابله إزاي لما يعرف إنك أجرت ناس علشان يضربوني.

توقف صامتا مشدوها لما يسمعه ملجم اللسان حتى شعر بالعجز عن التفوه وكأن الكلمات أثقلت كاهله لكنه سرعان ما سيطر على نفسه اقترب بتمهل وانحنى مستندا بيديه على حافة السرير ثم حدق في عينيها بنظرة متعمقة مليئة بالخذلان

تعرفي عقاپ ربنا ليا إني ارتبطت بواحدة زيك..اعملي اللي إنتي عايزاه اتهمي براحتك مش فارق معايا واحدة حقېرة.

قالها وهو يعتدل ثم غادر المكان يأكل بخطاويه الأرض..

وصل إلى منزله متثاقل الخطوات دلف للداخل وظل يدور بالغرفة كالأسد الحبيس..دقائق تمضي وهو يجول يشتعل ڠضبا ويمزقه العجز لكنه ابتلع جمرات غضبه محاولا السيطرة على نفسه والتفكير بعقلانية..كان يعلم أنها لن تصمت ستواجهه بطريقتها المعتادة.

لم يشعر بالوقت وهو غارقا في دوامة أفكاره حتى قطع صمته طرقات على باب الغرفة.. 

دلف أحمد أخيه بابتسامة

بتعمل إيه!

نهض آدم من مكانه واتجه نحو مكتبه يتمتم بتوتر

مفيش...عندي شوية شغل في حاجة

أومأ أحمد واقترب منه مبتسما قائلا

آه جيت أقولك كل سنة وإنت طيب... عيد ميلاد سعيد..

قطب آدم جبينه للحظة متذكرا عيد ميلاده الذي غاب تماما عن ذهنه..نهض من مكانه واحتضن أخاه بحب

وإنت طيب ياحبيبي

تراجع أحمد قليلا وأشار إلى الأعلى بمرح

البنات فوق بيجهزوا لعيد ميلادك...كأني مقولتش حاجة تمام قالها بغمزة خفيفة..

ضحك آدم بخفوت واحمد يخطو للخارج لكنه توقف عند باب الغرفة

أنا وبابا رايحين لراحيل متخرجش بقى عشان عمو محمود اتصل وقال إن سهام وكرم جايين.

أومأ آدم متفهما لكن ذهنه كان منشغلا.. ماذا تفعل تلك الجنية بالأعلى

بالأعلى عند إيلين

تقف بالشرفة تنظر للخارج بشرود اقتربت مريم تقطع صمتها وهي تحاول إقناعها

حبيبتي وبعدين لحد إمتى هتفضلي كده آدم طلق الصفرا خلاص وحلف لك إنه ماقربش منها.. 

جلست مريم بجوارها تضع يدها بحنان على كتفها تتمتم

إيلين... ما تضيعيش حب آدم...والله هو بيحبك هو قالها لأحمد بنفسه..مستعد يعمل اللي تطلبيه ولو طلبت عيونه مش هيتأخر..

نظرت إليها إيلين بعيون تائهة ثم نهضت من مكانها بتردد محاولة الانشغال بكتبها

خلاص يا مريم سيبيني أفكر...واللي ربنا رايده هيكون.

ضمتها مريم بحنان قبل أن تغادر توقفت مبتسمة لتردف

طيب هسيبك تجهزي أكلة حلوة لجوزك وتغيري بيجامة السنافر دي..إيه فاكرة نفسك لسه طفلة ياغبية...ممكن تعذبيه بس بطريقتك..

ابتسمت إيلين بتهكم وهي تتابع أختها تغادر ثم استدارت ببطء تنظر إلى أرجاء الغرفة بشرود..لحظات من الصمت كانت كافية لتجعلها تتخذ قرارها..بعد معاناة طويلة.

بعد فترة من الانتظار صعدت مريم بخطوات مترددة وهي تحمل صندوقا صغيرا..بدا التوتر جليا على وجهها وهي تدخل المطبخ تنادي

إيلين جبت الضفدع

رفعت إيلين رأسها بابتسامة خبيثة وأشارت إلى الصندوق الذي

وضعته مريم على الرخامة.. ثم سألتها بعينين ممتلئتين بالحذر

عايزاه ليه

ابتسمت إيلين وهي تفتح الصندوق وتخرج الضفدع وضعته بهدوء على الرخامة بجانب أدوات طبية معدة بعناية..

هتعملي يا إيلين!

أشارت إلى الضفدع وتمتمت 

بتسألي عن الضفدع

ما أنا عارفة إنه ضفدع! ماهو أنا اللي جايباه بس ليه مدخلاه المطبخ! ېخرب عقلك ربنا يسامحك

أمسكت إيلين بتفاحة موضوعة أمامها وبدأت تقطعها ببطء وكأنها ترسم صورة لما ستفعله أشارت إلى التفاحة قائلة بصوت هادئ

بصي هشرح الضفدع دا زي ما بشرح التفاحة دي وهاخده هدية للدكتور آدم عيد ميلاده النهارده

شهقت مريم بصوت عال وضعت يدها على فمها وكأنها تحاول أن تستوعب ما سمعته

إنت اټجننت ضفدع! يخربيتك!

ضحكت إيلين وهي تشير بيدها نحو الباب

يلا يا قلبي اطلعي برة عايزة أخلص الأكل وأجهز للدوك مفاجأة عمره

قالتها وهي تدفعها للخارج..

خرجت مريم وهي تتمتم غير راضية أما إيلين فقد انهمكت في إعداد الطعام بحماس..بعد أن انتهت صعدت إلى غرفتها وفتحت خزانة ملابسها ظلت تتفحص الفساتين بعينيها حتى استقرت على فستان أحمر طويل يصل إلى الكاحل ارتدته ببطء وكأنها تهيئ نفسها لموعد عشاق

وقفت أمام المرآة تتأمل انعكاسها ثم وضعت لمسات تجميلية رقيقة على وجهها...التقطت صورة لنفسها وأرسلتها إلى مريم برسالة قصيرة

شوفتي علشان تصدقي

لم يمض سوى دقائق حتى دق جرس البابفتحت إيلين الباب بابتسامة واسعة بينما دخل آدم بخطوات بطيئة..كانت عيناه تبحران في تفاصيل إطلالتها وكأنه يحاول أن يستوعب جمالها الآسر تمتم بصوت خاڤت

أكيد مش بحلم

ضحكت بخفة وهي تشير إلى طاولة الطعام

لا يا آدم مش بتحلم..اتفضل أقعد

جلس آدم على الطاولة وأخرج هاتفه بعدما ارتفع رنينه نظر إلى المتصل لكن صوت خطواتها وهي تدخل حاملة الأطباق جذب انتباهه فقام بإغلاقه وضعت الطعام أمامه ثم استدارت للخادمة

هاتي باقي الأكل

نظر إليها بابتسامة واسعة ممزوجة بالعشق

إنت طبختي بنفسك..مريم قالت لي كده بس ما صدقتش!

جلست إيلين قبالته ووضعت يدها على الطاولة بتأن وقالت بابتسامة واثقة

طبعا يا حبيبي عيد ميلادك ولازم أعمل حاجة مميزة

رفع آدم الغطاء عن أحد الأطباق..لحظة صمت لتتسع عينيه مشدوها ثم الټفت ونظر إلى الطبق ثم إليها پصدمة

إيه دا!شوربة عدس! وكمان ضفدع!

أمسكت إيلين بالملعقة وتذوقت ملعقة صغيرة من الشوربة ثم قالت بابتسامة خبيثة

الجو برد قلت أدفيك أما الضفدع فدا اختبار مهاراتي..إيه رأيك في هديتي يا دوك علشان تشوفني شاطرة ولا لأ

نهض آدم من مكانه مذهولا بينما اڼفجرت إيلين في ضحكها المچنون وكأنها تحتفل بجنانه..

وصل إليها بخطوة واحدة وجذبها مجيبا بخبث

قال بصوت منخفض يحمل غصة مؤلمة بعدما رسم أمنيات

هدية...دي هديتي يا إيلين!..

كلماته كانت أشبه بوخزة نابعة من أحلام واهية رسمها في خياله.

أطلقت ضحكة محاولة التملص من قبضته وقالت بخفة

عجبتك قول ما تتكسفش..خاېف تعترف بشطارتي يا دك

لمعت عيناه بخبث

لا منكرش انك شاطرة وشاطرة اوي كمان رفعت يدها بتحذير

ما تقربش يا دكتور خلي عقلك في راسك لسه عندي الأدوات جوه..

توقف في مكانه يرفع حاجبه ساخرا

هتشريحيني ولا إيه يا دكتورة

تلاقت أعينهما فأجابت وهي تهز كتفيها بتصنع اللامبالاة

مش أوي يعني بس لازم أدافع عن نفسي.

ابتسم بتهكم وتراجع بخطوات هادئة نحو طاولة الطعام. رفع هاتفه ناظرا إليها بنبرة حملت مزيجا من المرارة والخذلان

ما كانش له لزمة يا بنت عمتي كل الاهتمام دا.

سكت لحظة قبل أن يكمل بنبرة حزينة

صعب تبني أحلامك على حد بس الأصعب لما الحد دا يكسرها كنت فاكر إن ليا أهمية لو بسيطة...بس شكرا على اهتمامك..

قالها وأدار ظهره متجها نحو الباب..

ظلت بمكانها تحدق فيه مذهولة توقفت الكلمات بحلقها رغم إنها حاولت أن تعطيه عذرا ولكن كيف تمحو شعورها بتلك الغيرة التي أحرقت قلبها كلما تخيلته مع غيرها.

مرت الأسابيع والحال كما هو بينهما ذهب آدم إلى مؤتمر طبي خارج البلاد استغرق عدة اسابيع شعرت ايلين بغيابه الذي جعلها تفكر كثيرا أنها لم تستطع العيش بدونه دلف إليها زين 

حبيبتي كلمتي صاحبتك تاني 

وضعت قلمها ونهضت من مكانها 

آسفة ياخالو بس حصل تاتش بينا فقولت لازم ابعد عنها شوية بس ولا يهمك حبيبي بكرة آدم يرجع ونشوف الموضوع تاني 

ربت على كتفها وتسائل

روحتي النهاردة لرحيل 

اومأت له باابتسامة

أيوة هي مشغولة بشغلها طبعا مۏت عمو وقع الشركة شوية غير طبعا عمو راجح وخالتو رانيا راحو قعدوا عندها 

اومأ بتفاهم ثم استدار قائلا

هروح ازورها وأشوف موضوع راجح ورانيا دا كمان

تمام ياخالو ..انا عندي كام شيت هخلصهم وانام

عند إلياس 

وصل بسيارته بسرعة چنونية وكأن قلبه سبق عجلاتها وكأنه في سباق مع الزمن.

نظر إلى الشوارع المزدحمة وتخيل أنها تضيق عليه انتفض جسده خوفا إلى حد الارتعاش ونبض قلبه يصم أذنيه..وقف بحديقة الفيلا قفز من السيارة وهرول إليها بسرعة چنونية وتوقف أمامها ينظر إليها بشهقة

تجلس على الأرض تحتضن جنينها

فكان وجهها شاحبا كالقمر الغائب ودموعها أغرقت وجهها کسى الألم والحزن ملامحها هوى أمامها

 

على ركبتيه كأن قلبه انكسر إلى ألف قطعة ثم رفعها برفق وكأنها من زجاج يخشى

أن يتحطم بين يديه خطى بارتجاف و صوت بكائها ېقتل فيه كل ذرة صبر وقوة لكنه حاول التماسك..

أشار إلى الخادمة پصرخة ملتهبة

هاتيلها حاجة تلبسها بسرعة مستنية إيه!

هرولت الخادمة مذعورة بينما حملها بين ذراعيه وكأنها أثمن ما يملك..اتجه بخطواته السريعة إلى السيارة ورغم إنها سريعة إلا أن ساقيه ترتعش وضعها بلطف في المقعد الخلفي رغم أن صرخاتها كانت تمزق قلبه

ابني يا إلياس...ابني ھيموت!..إلحقه بسرعة!

كانت كلماتها كالسكاكين التي تغرس في روحه..احتضنها بقوة وكأنه يحاول أن ينقل إليها بعضا من طمأنينة لا يمتلكها هو نفسه..

أمسك بيديها المرتجفتين وقبل جبينها بحنان محاولا تهدئتها

حاضر...بس اهدي اسحبي نفس وإهدي يا ميرال هنلحقه

لكنها بكت بحړقة ألمها كاد أن يفتك بجسدها الهش وصوتها كان أشبه بطعڼة

ابني ھيموت...علشان خاطري ياإلياس وديني للدكتور

ارتبك أكثر نظر إلى الخادمة التي عادت تحمل إسدالها جذبه ووضعه فوق ملابسها ابتلع ريقه وارتجفت يداه من صرخاتها التي تصدرها لينفطر قلبه كالشظايا

ضغطت على ذراعه پألم شديد وصړخة شقت