رواية عشقتك ولكن للقدر رأي اخر كاملة بقلم رباب السيد
المحتويات
اعتذرت فماذا اذن. ....حتى نامت من كثرة الارهاق......عاد عمرو إلى المنزل وجد زوجته نائمة فحمد ربه وقرر ان غدآسوف يآخذها للغداء فى الخارج ليتحدث معها بهدوء....
وكالعادة استيقظوا عند أذان الفجر وصلوا فرضهم ولكن ريم هذه المرة أسرعت إلى السرير فهى تكاد تختنق ولا تريد ان تحتك به نهائيآ
فهى رغم أنها تم تخطئ اعتذرت ولكنه لم يقبل.....اذن فلتحافظ على كرامتها قليلآ....
في الصباح الباكر .....استيقظت ريم بأرهاق شديد فوجدت عمرو يرتدى ملابسه سريعآ...ويقول لها
عمرو شكرآ ع التأخير بس الزعل اللى بينا مالوش دعوه بمسئولياتك وتركها وغادر نظرت ريم فى الساعة فوجدتها الثامنة والنصف .....
لا تعلم كيف لم تستيقظ ولكنها وإلى الان تشعر بالوخم الشديد.....ولكنها تحاملت على
نفسها وذهبت لعملها وهي يظهر عليها الأعياءالشديد
وفي مكتبها .....
معلا مالك ياريم شكلك تعبان....
ريم آه فعلآ حاسة انى مرهقه شويه...
معلا طيب ماتستأذنى....
ريم أنتى عارفة انه صعب ....يلا مش مشكلة....ان شاءالله الوقت هيعدى بسرعة
حتى وجدوا البشمهندس حسين يدخل عليهم مكتبهم ومعه ضيف. ....وعندما رأت ريم الضيف رددت فى سرها ربنا يستر
حسين ازيكو يابشمهندسين
الموجودين فى المكتب تمام يابشمهندس
ووجه حسين كلامه لريم حبيبتى البشمهندس مازن كان عندى واصر يسلمك عليكي....مع انى قلتله ان ابعتلك. ...بس هو عايز يجي بنفسه. ....
ريم احم ....الله يسلمه ..
مازن والله يابشمهندسة فرحت جدآ انى عرفت انك بتشتغلي هنا وانا داخل شغل مع البشمهندس حسين فإن شاء الله تكونى من ضمن الفريق...
ريم وهى تنظر إليه نظرة غيظ ربنا يسهل.....
مازن ان شاءالله وياريت تقبلى منى بوكيه الورد ده اعتذار عن سوء التفاهم اللى حصل....وان شاء الله ممكن يتحل...
ريم بس حضرتك مش هينفع .....
حسين متدخلآ عيب ياريم تكسفى البشمهندس ....ده مش غريب.....
فآخذت ريم ڠصب عنها.. ميرسي
مازن العفو ....ديه حاجة بسيطة ياريت يجي اليوم اللى تقبلى بيه تبقى صداقتى
حسين ياخبر يابشمهندس احنا اصلا بقينا أصدقاء..
مازن اتمنى.....يلا اشوفك بعدين يابشمهندسه. ..
ولسوء القدر رأى عمرو مازن وهو يخرج من مكتب ريم....ودخل لريم وعندما رأته استشهدت وخصوصآ عندما رأت وجه عندما نظر للورد فى يديها
عمرو وهو يحاول السيطرة على غضبه ريم تعالى ورايا....
دخلت ريم مع عمرو مكتبه.....
عمرو وهو يمسكها من ذراعها هو الزفت ده كان عندك....
ريم آه طيب سيب ذراعي. .....آه
عمرو وهو اللى جاب الورد
ريم وهى تحاول الا تبكى ياعمرو بالراحة وافهم الموضوع .....
عمرو جاوبينى من غير رغى كتييير
ريم آه بس......
ريم انت ازاى تعمل كده....!!!!
عمرو القلم ده عشان يفكرك انك ست متجوزه وعيب انك تقبلي ورد من حد بيقولك بحبك وانتي بتقوليله وانا كمان
ريم وهى يكاد يغشى عليها مازن
لما جه المكتب كان مع حسين ......وحسين هو اللى ڠصب عليا انى آخد الورد يعني آخويا كان موجود .....
عمرو ولو يعني واحد يطلب ايدك امبارح وتقبلى منه ورد النهارده ...ده احترام
ريم أنا ما اسمحلكش....ومش هستنى عشان اسمع تخريفك.....
تركته ريم وذهبت للحمام وفى طريق عودتها لمكتبها كانت تشعر بۏجع شديد في بطنها ولم تقدر رجليها على حملها فسقطت مغشيآ عليها......
وبدأ التوتر في الشركه.....وحاولت إحدى السكرتيرات إفاقتها ولكنها لم تفلح......حتى ذهب أحدهم لعمرو وابلغه بما حدث فذهب إليها فزعآ وحملها للسيارة وعلى أقرب مستشفى......
دخلت ريم الاستقبال ومنها لغرفه العمليات.....
وبعد ان خرجت ذهبت لغرفة عاديه ولكنها كانت نائمة. ...
فذهب عمرو للطبيب ليطمئن على زوجته......
عمرو بتوترشديد دكتور بعد اذنك.....انا زوج ريم عزالدين. ....
الطبيب تشرفنا...بص حضرتك هى المدام دلوقتي كويسة....بس.
عمرو بس ايه يادكتور
الطبيب للأسف البيبى نزل
عمرو بيبى...
الطبيب هو انت ماكنتش تعرف ان المدام حامل....
عمرو وهو يهز رأسه بالرفض ....
الطبيب انتو لسه الامر قدامكوا طويل
_
ذهب عمرو من عند الطبيب وهو يشعر بالحزن فهو السبب فيما حدث لزوجته ولابنه. .....ولكن هل سوف تسامحه ريم
وهو فى طريقه إليها قابل حسين جاء فورآ حين علم لما حدث. .....
حسين ايه اللى حصل
عمرو ريم كانت حامل والولد نزل.....
حسين طيب وريم عاملة ايه....
عمرو نايمه ولسه ماتعرفش...
حسين طيب تعالى ندخلها
دخل عمرو على ريم وكانت قد فاقت......
وعندما رأته نظرت جانبآ. ......
عمرو اقترب منها وأمسك يديها ....الف سلامة
وعندما دخل حسين .....تعاملت معه عادي....
حسين حبيبتى .....الف سلامه عليكي
ريم الله يسلمك ياحبيبى......هو انا ليه حاسة انى معدتى وجعانى آوى آوى.....هو ايه اللى حصل
فنظر عمرو لحسين بأن يخرج.......واستأذنها حسين قليلآ
فجلس عمرو بجوارها على السرير...وأمسك يديها
عمرو حبيبي انتى عارفة ان ربنا مابيعملش حاجة وحشة فى حد
ريم بقلق ايه ياعمرو ھموت يعنى
عمرو بعد الشړ عليكى...هو بس كان فيه هنا حاجة وشاور على بطنها بس ربنا ما كتبلهاش انها تستمر
ولم يكمل عمرو كلامه حتى ابتدت ريم فى البكاء
فهي كان ترى ان حياتها لاينقصها سوى كلمه ماما
وأخذت تردد قدر الله وماشاء فعل.....قدر الله وماشاء فعل....بس انا كان نفسي فيه....
عمرو حبيبى العمر قدامنا
ريم وافتكرت ماحدث منذ ساعات قليله وليه مايجوش احسن عشان مش هينفع يشوفوا امهم مل شويه بټضرب
عمرو أنا آسف والله ڠصب عنى بقالى كام يوم فى ڼار
عمرو أنا مراعى حالتك.....
ريم حالتي!!!! .....يا ارحمنى وصبرنى......
عمرو وهو يقترب
ريم من فضلك ابعد وعايزة انام ....ممكن تخرج
عمرو تمام انا هخرج اتصل بماما وبابا....
وبعد خروج عمرو ابتدت ريم
فى البكاء وآخذت تدعو خالقها يارب انا مش معترضة بس كنت عايزاه يارب عوضنى واخلف عليا يا ارحم الراحمين
....قلمك ياعمرو هو السبب فى ضياع ابنى مني ومش هعرف أسامحك ولا لأ
البارت الخامس والعشرين
فى المشفى الذى ترقد فيه ريم .....
آتى والدها ووالدتها وأختها مهرولين إليها....
الام بنتى حبيبتي .....الف سلامه عليكى
ريم اللى جابك بس انا كويسه والله....مافيش حاجة
مريم وهى تبكى ازاى انى مش شايفة وشك عامل ازاي والمحاليل
المتعلقة ديه....
قابلت ريم كلامه بإبتسامه صفره. ...
الاب هو الدكتور قالك هتخرج امتى. ...
عمرو بكرة ان شاء الله....
الام طيب يلا خدوا بعضكوا وروحوا كده عشان الوقت وانا هعقد مع بنتى
مريم لا انا اللى هبات...
عمرو ولا انتى ولا حضرتك ياماما ...بعد اذنكو انا اللي هقعد مع مراتى
ريم ياجماعه بتتخنقوا عليه ايه انا اصلا كويسة ومش محتاجة حاجة....
عمرو معلش ياماما ماتتعبنيش. ...روحى انتى وبابا...
الام طيب خلى بالك منها وهجيلك بكرة
ريم ياحبيبتى وتتعبى نفسك ليه انا هروح بكرة
__
ذهب الجميع وجلس عمرو بجوار زوجته ومسك يديها فسحبتها منه...
عمرو مش عايزة حاجة
ريم لا شكرآ .
ريم من غير نفس أنا بكره هروح عند اخويا....
عمرو لا طبعآ
ريم ماتخفش مش هروح اقابل رجاله هناك
عمرو بتنهيده يابنت الحلال انا عمرى ماشكيت فيكى عشان تقولي كده....بس انتي مش بترتاحى هناك....
ريم ديه مشكلتي وعادى هستحمل.....
عمرو ريم انتى هتروحى على بيت ابويا لحد ماتقومى بالسلامه....وتركها وخرج. ...
وعندما عاد وجد تغمض عينيها فأعتقد انها نائمة...
فجلس بجوارها وأمسك يديها....وقال آسف اني دايما بوجعك والمرة ديه التمن كان غالى بس مش عايزك تنسى اني ابوه وأكيد والله تعبان طول جوازنا وانا مستنى اليوم اللى تقوليلي فيه انك حامل
طول جوازنا وانا بحلم بالبنوته اللى شبهك
كانت ريم تسمع كل كلمه مما يقولها زوجها....نعم هو ابنه ايضآ وزوجها بطبيعته حنين جدآ ويعشق الأطفال من الممكن جدآ ان يشعر بنفس الۏجع الذي اشعر به بالأضافة إلى شعوره بالذنب....
اتتحمل كل هذا لوحدك..... ولكن وجعى لايجعلنى قادرة على أن اطيب خاطرك .....يارب الهمنى الصبر والقوة
_
خرجت ريم من المشفى على بيت عمها بالطبع ......ومر أسبوع وريم تشعر انها فى حداد على ولدها الذى حتى لم تفرح بوجوده ولو قليلآ....
كان يحاول عمرو دائما ان يهون عليها وكانت امام العائلة تعامله كأن كل شئ طبيعى وعندما ينفردون تقسو عليه لذلك كان عمرو يحاول يقدر الإمكان ان لايجلس معها الا وهناك شخص من العائله
الا أن جاء يوم وجلست الاختان. ....
مريم حبيبتى بقيت احسن .....
ريم آه الحمد لله..ده قدر ربنا وان شاء الله تكون قده
مريم يستاهل الحمد ....فيه ايه بقا بينك وبين عمرو
ريم مافيش حاجة
مريم حبيبتى انا اختك واعرفك من عينيكى
مريم طيب بالراحة كده ومن غير عياط على رأى عمرو دموعنا حنفيه. ...
ريم اخوكى ضربنى.....
مريم بتهزرى....صح
ريم لا والله....حصل
مريم وايه اللى وصل عمرو للنقطه الصعبه ديه ....
وحكت ريم لمريم كل ماحدث حتى هذه اللحظه....
مريم ماتزعليش منى ....
ريم غلطينى بقا وانصفى اخوكي كالعادة
مريم أنتى عارفة انى دايما مع الحق وقدامه حتى لو غلطانه. ..ببقى معاكة
ريم بس انا ما غلطتش فى الحفلة كان موجود...ولما مازن جه المكتب اخويا كان موجود والله لما جه يدينى الورد قلتله لا لولا حسين
مريم فى الحفلة المفروض كان مهما حصل كنت فضلتى مع جوزك. ....وعمرو راعى انه اخوكى كان السبب وعدى اللى حصل وماركزش عليه....وموضوع الورد كنت تقدرى تقولى جوزي مش هيعجبه وتصرى
ريم أنا فى اوضه فيها 4مهندسين غيرى....وكنت عايزة
مريم طيب لو شفتى واحده اكتر من مرة بتقابل عمرو وبتدلع عليه وجابتله هديه ....هتعملى أيه....
مريم مابالك بقا ان هو راجل وبيجتمع عنده الغيرة مع الكرامه....
مريم واهو ربنا عاقبه بعقاپ هيفكر الف مرة قبل مايمد ايده عليكى.....واحساسه بالذنب عامل ازاي مابتشفيهوش وهو بيصلى وبيدعى ربنا انك تسامحيه
ريم بصي هو موضوع البيبى عمرو السبب ومش السبب...
مريم عروستى
ريم يوم خروجى من المستشفى الصبح الدكتور بيكشف قالى ان الرحم بتاعى. ...بصي قالي اسمه بس مش فاكرة ...المهم انه فيه انقباضات بتحصله لما بكون زعلانه او اكون ضاغطة على اعصابي فده بيخلى الرحم يتفتح وبالتالى البيبى بينزل......وحتى لو القلم عمره ما كان هينزله لانى ماوقعتش او
اتحركت حركة مش طبيعيه.....قالي اهم حاجة فى الحمل الجاى ان نفسيتى دائمآ تكون متظبطة.....افرح وبس ..الزعل ممنوع نهائى...وفعلا الفترة اللى فاتت كنت بضغط على نفسي جامد مسئولية البيت وعمرو والشغل ...فكنت باجى على نفسي كتيير...
مريم وعمرو عرف..
ريم
لا مش هقوله خليه يعرف أن ضربه هو السبب ...على الأقل مايعملهاش تانى
مريم طيب والمفروض اللى بينكو يخلص امتى. ...
ريم بعيدآ عن وجعى على ابنى ... بس صعب دلوقتى لازم عمرو يتعلم أنه يسمعنى وبعد
كده يتصرف....
مريم ربنا يهديلك الحال....
ريم يارب ....بقولك انا بقيت كويسه وهروح بكرة
مريم لأ خليكى شويه
ريم بس طول ما انت هنا مش عارفة اعاقب عمرو وماتقلقيش انا كلمت حسين يبعتلى واحده من عنده تجيلى كل يوم ماعدا الجمعة والسبت....
مريم قلتي لعمرو ...
ريم برده لأ...
مريم ماتلعبيش پالنار ...
ريم عمرو لازم يتعود ان ايده ماتترفعش عليا تاني مهما حصل....فهمتى.
وبالفعل ذهبت ريم لمنزلها. ...
ولكنها اول ما وصلت دخلت على غرفة الاطفال مباشرة ...ولكن عمرو ذهب إليها مباشرة
عمرو أنتى هتعملى ايه هنا....
ريم هنام هنا. .
عمرو اكيد بتهزرى احنا اتفقنا مهما حصل اللي بتعمليه ده مايحصلش ....
ريم عمرو انا تعبانة....وعايزة انام. ...
فتركها عمرو وغادر. ..
وبعد اكثر من ساعتين دخل عليها مرة اخرى ليوقظها...
عمرو قومى ياريم عشان الغدا....ماما كانت ادتنى اكل وانا سخنته
ريم شكرآ.....انتهت ريم من طعامها....
عمرو ريم انا عايز اتكلم ....
ريم ايه ده انت عندك لسان انا بحسب ان ايدك بس اللى بتتكلم ...
عمرو بعد اذنك انتى عارفة مابحبش اسلوبك ده فى الحوار
ريم فعلآ....
عمرو ياريم عشان خاطر ربنا سامحيني....انا آسف....ومش همد أيدى تانى وهعسمك واعذرك بس عشان خاطرى كفايه خصام
ريم وانت بعد ماقضينا ليلة حلوة وخاصمتنى وقهرتنى ماكنش كفايه.....لما تقولي اني فيه راجل ييقولى بحبك بورد وانا لما اخدته يبقى بوافق ماكنش كفاية....انا كفاية انى لسه بحاول اني احافظ على اللى بينا وماقلتش لحد ......عن اذنك.....
فى اليوم التالى قامت ريم لتجهز نفسها للعمل وتقوم بعمل نفس الروتين اليومى....ودخلت لايقاظ عمرو....
ريم قوم ياعمرو الساعة بقت عمرو 6 3والفطار جاهز
عمرو شكرآ ياحبيبتى...
ريم العفو....
وعلى السفرة
ريم بقولك انا طلبت من حسين انى عايزة واحده معايا تشتغل فى البيت يعني من 10الصبح مثلآ ل 7 او 8 مش هتبات يعني وهتيجى من النهاردة
عمرو أنتى بتبلغيتى ولا بتستأذنينى
ريم عمرو ديه حاجات تخص البيت
عمرو ومرتبها كام بقا...
ريم انت رفضت اني احط من مرتبى فى البيت فهى جايه تريحنى انا وتساعدنى عشان البيت وكده وبقالى اكتر من أسبوع غايبة من الشغل فمش هينفع امشى بدرى....ومش عايزة اقصر فى مسئولياتى اللي بينا مالوش دعوه....
عمرو طيب يلا ...
ريم أنا هجى فى عربيتى. ..
عمرو ماقدام مش هتيجى بدرى وانا حاسس انك لسة تعبانه....فبعد اذنك هتيجي معايا ولو اللى بينا دلوقتى بقا مسئوليات فده من مسئولياتى....
ام تعرف ريم لأى مدى ستظل العلاقة بينهما هكذا ولكنها تريد أن تضمن انه لن يمد يده عليها ثانيآ..
عدى أسبوع على هذا الحال علاقة ريم وعمرو فقط تنحصر في العمل و تحدثه فقط حين تصحيه لصلاة الفجر والعمل فقط
حتى جاء اليوم علمت ريم فيه ان عمرو سينتقل لمكتب آخر به
سكرتارية....
ذهبت ريم مثلها مثل اى احد في المكان لتهنئه ....
استئذنت ريم السكرتارية للدخول ولكنها طلبت منها الانتظار فى الخارج..
ريم فعلآ ....بصي ياحبيبتى احنا انا هنا في شغل يعني توقفينى وتعطلى الشغل ده ممنوع
منى السكرتيرة خلصتى يافندم عن اذنك اديله خبر
كانت منى جديده فى هذه الشركه جاءت خصيصآ لمكتب عمرو فلم تكن تعلم علاقة عمرو بريم
خرجت السكرتارية من عند عمرو وسمحت لها بالدخول ....
ريم استنى تعالى معايا.....ووجهت كلامها لعمرو ....بعد اذنك قول لسكرتيرتك طول ما انت مش معاك حد يبقى ادخل من غير استئذان
عمرو لمنى الكلام اللى هى قلته يتنفذ....تمام
منى تمام يافندم
عمرو ريم هانم بنفسها جاية عندى
ريم آه قلت آجى اباركلك عشان ماحدش يتكلم وكده
عمرو بس انتى قبل كده قلتى اني ماينفعش تهنينينى زى اى حد....
ريم معلش مش هينفع
عمرو عشان خاطر ربنا تقبلى....
ريم وقد اشتاقت له كثيرآ تمام اوك
يجلس عمرو مع ريم فى مطعم فاخر للغاية
ومسك يديها..
عمرو وحشتينى .....كفايه طول وبعد بقا... كفايه خصام لحد كده ....ريمتى حقيقى مش عارف اعيش.....15يوم لحد دلوقتى وكل واحد فينا قاعد فى قوضة لوحده....مابقتش قادر
ريم لا تتحدث...
عمرو طيب بصي لو حصل وايدك اتمدت عليكى تانى ابقى ياستى مع انه صعب ابقى ابعدى عنى خالص....
ريم بآبتسامة بس انا ماقدرش اعيش من غيرك
عمرو ايوه بقا...بذمتك مش بتحبينى ....
ريم ما اعرفش ...
عمرو ياسلااام....بس انا بقا بمۏت فيكى وبعشقك وبحبك....بس عندى ليكى رجاء ...عارف اني عصبي وانتي المفروض انك عرفانى بس بلاش نتخاصم على كل مشكلة كتيير الوقت مافيهوش عمر نضيعه فى خصام. ....
ريم هفكر. ...
عمرو يابت هضربك..
ريم
ماتقدرش
عمرو وريم ههههههههههه
ريم بص انا طلبت من حسين أنه لو عايز يشتغل مع مازن مش هو اللى يبقى مسئول عن تعاملات الشركة يا أما بلاها..
عمرو وحسين قالك ايه
ريم وافق طبعآ ....لانى حكيتله شويه من اللى حصل ووجود مازن فى المكان هيسبب مشكله بينى وبينك ...
عمرو ربنا يخليكى لي
ريم ويخليك.....
عمرو مايلا نروح وحشتينى. ...
ريم وانت كمان ياقلبى
عمرو اموت ان
مرت الحياه بينهم على وعد منهم بإسعاد بعضهم البعض مرة آخرى.......
وفي أحد الأيام كانت ريم وزوجها يبيتون عند
ابويهم حتى دخلت عليهم مريم بحجابها...
فرح الجميع لها بذلك ولكن شعرت ريم ان أختها مريم ليست فرحة على الإطلاق..
فجلسوا مع بعضهما البعض
ريم مبرووك يامريومتى...بس انا ليه مش حاسه انك فرحانة
مريم لا طبعآ
ريم مريم انتى مالك بقالى فترة كده مش مرتحالك حاسه انك متغيرة فيه حد دخل فى حياتك...
مريم بتوتر لا طبعآ انى بتهزرى
ريم مريم أعتقد انى عمرى ماخبيت عليكى حاجة...وبقالى فترة مستنية انك تحكى....فعايزة كل حاجة بالتفصيل.....
مريم بصى هو الموضوع بدأ من اخر شهرين فى الجامعه واحده صحبتى اخوها جه عندها وكان معاه واحد صاحبة ....بس ولفت نظرى من اول يوم وانا كمان لفتت نظره وأقعد كذا فترة يجيلى ويحاول...يعني
ريم لحد ما استسلمتى ..
مريم والله حبيته
ريم فأتنازلنا عن مبادئنا..
مريم پبكاء والله انا اسفة ڠصب عني.
ريم وانتي ناويه على ايه ولا اخركو ايه
مريم يعنى شهر ولا شهرين وهيحى يتقدم
ريم ومافكرتيش فى عمرو...
مريم أنتى هتقوليله....
ريم بتهزرى اكيد لأ ...بس تفتكري مش هيبان وانتي بتتعاملى معاه انى فيه معرفة....
مريم مش عارفة بقا....
ريم هو اللى خلاكى تتحجبى
مريم آه
ريم وهو اللى قالك ممنوع تشتغلى فى السياحة
مريم وهى تبلع ريقها.....
ريم وانتى ضعيفة وماشية وراه وحلمك طظ فيه
مريم على اساس انك مش بتسمعى كلام عمرو في كل حاجة
ريم بصراحة عندك حق مع ان فيه فارق انك عارفه واحد بقالك شهرين ومش جوزك حتى ...وانا عمرى كله مع شخص الثقه هنا بتفرق....وبالرغم ده عمرو عمره مافرض عليا حاجة مس عيزاها....يتحكم يتعصب يتخانق....بس كان عند مستقبلى ما اعتقدش انه وقف قدامى....
مريم انا آسفة مش قصدى
ريم ياحبيبتى عارفه ...احتمال كبير انى اكون ضعيفة قدام عمرو بس ادينى بعلمك انك من اول يوم يبقى ليكى شخصيتك معاه....
مريم حاض
ريم بس من اللحظه ديه ياريت تراعي انك بلاش تكلميه مش هخليكى توعدينى عشان انا واثقة فيكى....ومن الاسبوع اللى جاى تيجى هتشتغلى معانا هرتب الدنيا بس...
مريم ان شاءالله...
فى الشركة طلب عمرو اجتماع طارئ مع جميع المهندسين. ....ولكن للاسف كانت ريم قد رحلت.....
عمرو باجماعة انا جمعتكو عشان الأستاذ عاصم اللى احنا شغالين فى مشروعه آخد قطعه ارض تانيه وكان فيه شويه تعديلات...فعايزين نتفق عليها عشان مانضيعش وقت. ...
الموجودين تمام يابشمهندس ....
ومر يوم واثنين وثلاثه وجاء وقت مراجعه مشروع أستاذ عاصم وفى وجود الجميع حتى ريم
قدمت كل المهندسين مشاريعهم وما وصلو إليه وقدم عمرو اضافاته....حتى جاء دور ريم....وعندما قدمت لوحاتها قام عمرو بتقطيعها وقال ايه اﻵرف ده مافيش اي حاجة من اللى اتكلمنا فيها من يومين
ريم حضرتك بتقطع شغل أسبوعين ..
عمرو ماقدام غلط يبقى مالوش لازمه عندى
ريم يابشمهندس حضرتك انا ماخرجتش عن ملاحظات حضرتك. ..
م أحمد متدخلآ بشمهندس آخر اجتماع البشمهندسة ماكنتش حاضره.
عمرو تمام وده اهمال تاني في الشغل انا ما اقبلوش ياريت
خرج الجميع ولكن ريم ظلت
عمرو انا قلت اتفضلو
ريم يابشمهندس حضرتك طلبت منى شغل 15يوم فى 24ساعة وده صعب .
عمرو يعنى شغلى هقدمه بعد بكرة المفروض انا اعمل ايه.
ريم بس انا معرفتش ان كان فيه اجتماع...
عمرو ماحدش قلك امشى بدرى
ريم شكرآ يابشمهندس..... وصفعت الباب خلفها بقوه
ذهبت ريم لمكتبها وهي تشعر بالڠضب
رواية رائعة للكاتبة رباب السيد الجزء الخامس
البارت السادس والعشرين
فى مكتب ريم
طلبت ريم من ال م علا ان تشرح لها ماحدث فى الإجتماع السابق.....ثم استئذنت للرحيل
وقد ذهبت لمنزلها لكى تركز في عملها.....
أرسل عمرو في طلبها ولكنه عرف انها رحلت....
وصلت ريم لمنزلها وطلبت من مها التي تهتم بشئون منزلها انها لاتريد الازعاج مطلقآ ولها طلب صغير كوب نسكافيه كل ساعة .....
وانكبت ريم على عملها حتى جاء عمرو الساعه الثامنه وسأل مها عليها وقالت له انها داخل الغرفة منذ الواحده ظهرا
فطرق الباب...ودخل ....
عمرو حبيب قلبى عامل ايه....
ريم عمرو ابعد عنى الساعة ديه عشان مش طايقاك...بس والله لاهوريك....
عمرو ضاحكآ طيب تعالى اساعدك...
ريم لا شكرآ وبطل تعطلنى ..... ماشى ياعمرو ده لو حد غيرك كنت .....
عمرو كنتى ايه
ريم بغيظ ماعرفش....
عمرو طيب عارفة انتى لو حد جه يورطنى قبل ميعاد تسليم شغلى بيومين كنت رفدته....
بس انتى مشيتى بدرى من يومين ايه..
ريم كان عندى ميعاد مع الدكتوره
عمرو بقلق أنتى تعبانة
ريم لا ياحبيبى. ...ديه دكتورة نسا متابعة كده...
عمرو وماقولتيش ليه
ريم خفت تقلق
عمرو طيب يلا عشان الاكل...
ريم معلش ياحبيبى...مش هقدر اضيع وقت....
خرج عمرو ورجع بطعام.....
عمرو اشتغلى وانا هأكلك.....
ريم تسلملى....ياعمرى. ...بس مهما تعمل مش هنسى ها.....
تأخر الوقت وطلب عمرو من ريم ان ترتاح قليلآ...
ريم حبيبي نام انت
عمرو ياشيخه بلاش تحسسينى بالذنب اكتر من كده....بصي هأجل الاجتماع يومين تلاته ...
ريم حبيبى. ...اولا ماينفعش ديه سمعه مكان .....وثانيآ عايزهم يقولو انك عملت كده عشانى....وبعدين انت مش واثق فيا. ..
عمرو طبعآ ياقلبى...طيب بصى بقا انا هفضل معاكي. ..
ريم طيب ياحبيبى افرد جسمك على الكنبة
ولم يمر ساعة حتى ذهب عمرو فى سبات عميق
وطلبت منه زوجته ان يجهز هو اليوم ملابسهم والافطار ولم يعترض عمرو....وجلست تكمل عملها ولم يتبقى سوى عمل ساعة سوف تنهيها فى المكتب.....
وعدت هذه المشكله بينهم على خير حتى اقترب عيد زواجهم وقد قرر عمرو ان يأخذ ريم أسبوع عسل هديه لعيد جوازهم ......
فى منزل العائلة
تجلس الاختان يفكران فى مفاجأة لعمرو
في عيد زواجهم.....
ريم بصى مش لاقيه
فكرة جديده خالص خالص ....يارتنى كنت حامل كانت هتبقى احلى هدية....
مريم بقولك ماتعملى عشا رومانسى فى مركب وتسافروا بيها لاى حته
ريم والله فكرة جامده جدآ .....ميرسي ياقلبى
بكرة بقا ننزل ندور ونسأل وانتى معايا اكيد
مريم بقلق ماشي...
ريم بقولك يوم الأحد انتى اكيد هتنزلى الشركة
مريم لا ياحبيبتى ....ما انا خلاص قدمت فى شركه على قدى كده.....
ريم أنتى بتهزرى. ...
مريم بصى هي أقرب من بتاعتكو وانا خلاص قدمت وهنزل يوم الأحد
ريم ومين بقا اللى جبهالك....
........نظرت مريم فى الأرض ....
ريم هو احنا مش اتفقنا ماتتكلميش معاه
مريم هو كلمنى عشان موضوع الشغل
ريم راح معاكى ....
مريم والله ابدآ هو كمان بېخاف عليا وعلى سمعتى
ريم يامريم انا مش عايزاكى تغلطى.....
مريم هو شهر لو مجاش هسيبه نهائيآ ...
ريم ربنا يستر يامريم...قومى بقا اعمليلى كوبايه كابتشنو
مريم من عنيا....
ذهبت مريم للمطبخ ولكن عمرو دخل ورائها
عمرو بصي بقا من غير لف انا عارف انكو مجتمعين عشان عيد جوازنا ....فهي هتعمل ايه عشان مش عايز يحصل تضارب فى المفاجأت ....
مريم انت عارف ان ماينفعش اقولك...بس عندى فكرة قولى انت ناوى على ايه....وانا هرتبلك الدنيا....
عمرو انا واثق فيكى ....بصى انا عايز اسافر اسبوع تركيا. ..
وقال ربنا يخليكى ليا.....
_______________________________
ذهبت ريم ومريم لحجزالمركب وقررت ريم انها تسافر بها لشرم الشيخ ولكن مريم اتفقت مع المكتب انها سوف تكون لتركيا واعتطهم لهم الباسبورات.....حجزت الاوتيل هناك وكل شئ عن طريق الإنترنت
______________________________
جهزت ريم شنطتى سفر ووضعتهم فى سيارتها وقالت لزوجها انها تريد ان تقضى يومين فى الاسكندرية فوافق عمرو سريعآ....واعتقد انه بعد مفاجأه ريم سوف يسافرون من المطار هناك.....
ولكن ريم طلبت منه الذهاب للمينا....
ونزلو الاثنين....ودخلوا سويآ للمركب وكانت مجهزة لعروسين بالفعل
ريم كل عيد وانت معايا....
عمرو ربنا يخليكى ليا...
وأخذوا يتجولون فى المركب ....اتصل عمرو بمريم ليعرف كيف تسير مفاجأته لزوجته فأخبرته ان هذه المركب سوف تسافر بهم....فشكرها كثيرآ
قضى المحبين يومين فى سعاده لايفكرون الا فى أحدهم الاخر حتى وصلوا اسطانبول. ..وقد تفاجأت ريم كثيرآ
عمرو ديه بقا مفاجأتى كل سنه وانت طيبه ومعايا ومليا حياتى.....
ريم اوعى تقول انك كنت عارف بهديتى ومثلت عليا الفرحة
عمرو لا البت مريم هى اللي ظبطت الاتنين مع بعض....
ريم يابنت اللاعيبة ...البت ديه جامده وهخاف على دماغها من الحسد
عمرو هو احنا جايين نفكر في مريم ....ياستى نجبلها هديه حلوة.
قضوا احلى أيام حياتهم هناك كأن القدر أعطاهم
رزق سعادتهم مرة واحده ....
عادوا مرة آخرى الى القاهرة وكانوا يتمنون أن شهر العسل الذى جاء متأخر سنه لاينتهى.....
انتظموا فى عملهم مرة آخرى ....
كانت ريم تجلس فى مكتبها حتى قامت مريم بالاتصال بها...
ريم حياتي اخبارك وحشتينى
مريم تمام ...بقولك كنت عايزاكى ضرورى ....
ريم نتقابل
برة. ...بعد شغل
مريم طيب تكونى عندى 6 بالدقيقة
ريم حاضر. ..
استأذنت ريم من عمرو انها سوف تذهب لمريم العمل ويذهبون لشراء بعض الأشياء ....
وبالفعل الساعة السادسه
كانت تقف ريم إمام المكان الذى تعمل به مريم وكان مكان من وجه نظر ريم دون المستوى ولا تعرف كيف استطاعت أن تقنع عمرو بهذا المكان......اتصلت ريم بمريم
ريم أنتى يابنتي اخلصى مش بحب الانتظار
مريم . 5 دقائق واكون عندك
____________________________________
تجلس الاختان معآ فى أحد الكافيهات وتضع ريم يدها على خدها في انتظار ان تتحدث مريم. .
ريم بقالك ربع ساعة ساكتة. ....
مريم بصى إبراهيم كلمنى عشان عايز يجى يتقدم
ريم آبراهيم مين
مريم زهايمر هو فيه غيره. ..
ريم آآه ....بس انتى اصلا ماقلتيش اسمه...
مريم المهم اعمل ايه!
ريم فى ايه
مريم هى مش ناقصة غباء. ....انتى خوفتينى أن عمرو يعرف ...
ريم آه فهمت شوفى صحبتك...
مريم هو انا مابقتش اكلمها. ....بصى هى فيه حاجة كده ممكن تنفع
ريم ها
مريم الشركة اللى انا شغالة فيها آخوه فيها فكنت بفكر اقول ان العريس جه عن طريق أخوه...
ريم وعمرو هيتقبل عادي ان ليكى كلام مع حد فى الشغل لدرجه انه يحب يعرفك على آخوه...ده ممكن يخليكى تسيبى الشغل فيها...
مريم ماتخفيش كده كده هسيبه..
ريم ليه ان شاءالله
مريم مش مرتاحة....
ريم وشك بيقول غير كده خليكى صريحة وقولى انه هو اللى أمرك بكده....طيب كان وافق ليه من الأول ....
مريم من غير زعيق هو كان يعنى احم ....فيما معناه بيشوف تعاملاتى مع الناس....يعنى وكده
ريم هو انتى كنتى تعرفى ان اخوه شغال هناك
مريم وهى تنظر فى الأرض لا
ريم يعنى كان بيختير أخلاقك ....بصي بقا انا مش مرتاحة للى اسمه إبراهيم ده داخل كده وعمال يحرك فيكى على كيفه وانتى ماشاء الله كرسى...
مريم فى سرها سبحان الله وهو كمان بس انا بحبه. ...
ريم أنتى اكيد كاتبه فى ورق الانترفيو رقم تليفون تانى للطوارئ. ...فهو كأنه آخد رقماخوكى.....ولا بصي خليها ابوكى بلاش عمرو وانه هو جه الشغل لاخوه وشافك وكده
مريم حلوه الفكرة ديه وانا اتفاجئ بقا وكده. ...
ريم ياستى هبقى ساعتها انا اللى افاتحك....تمام...
مريم ربنا يخليكى ليا ويسترها للأخر.....
جاء يوم الرؤيه الشرعيه الخاص بمريم ....
قأشترت مريم ملابس جديده محتشمه جدآ جدآ بناءآ على كلام إبراهيم لان والدته تدقق فى هذه الأمور...
دق جرس الباب فأنتفضت مريم ومسكت يد ريم....
ريم بت أهدى هتفضحينا ....
مريم مش قادرة مبسوطة اوى اوى ...
ريم المفروض انك ماتعرفيهوش. ...ولو وسعت منك آخرك تكونى شفتيه قبل كده .... اخوكى رخم. .
دخل عمرو عند هذه الكلمه ....
عمرو أخوها مين اللى رخم. ...
ارتبكت مريم ونظرت فى الأرض
ريم اكيد انت ياحبيبى....اختك مش عايزة تتطلع وبتقول مش عايزة تتجوز وانا بقولها آخرجى يمكن يعجبك برده بتقول لأ......قلتلها اخوكى هيظبتك
اقترب عمرو من أخته ياحبيبتى هو انتى هتتجوزيه دلوقتي والله لو معجبكيش مش هغصبك
مريم بصوت هادى حاضر .....
عمرو ونكزها فى كتفها وبعدين عايزين نخلص منك....
مريم اوف عليك ما انا كنت حنين دلوقتي....
عمرو بلاش دلع هاتى العصير وتعالى قدميه....
ريم حاضر ياعمرو......يلا يامريم وزى ما اتفقنا وشك فى الأرض وماتتكلميش خالص ولما تقوموا تعقدوا مع بعض صوتك يبقى واطى ومافيش الا ابتسامة كسوف ....ربنا يستر..
دخلت ريم أولا تسلم على الضيوف ولكن يكن موجود سوى العريس ووالده ووالدته .....
ودخلت العروس وقدمت العصير لوالده ثم والدته
.....اسمك ايه بقا......
مريم بصوت هادئ للغايه مريم
والدة العريس شكلك هاديه كده ومؤدبه وحجابك الله أكبر منور وشك.....
ووجهت كلامها
لريم هو انتى مش محجبه ليه زى اختك
نظرتلها ريم بأستغراب ربنا الهادى ياطنط
والدة العريس بس الحجاب كده احترام ....
ريم اهم حاجة الأخلاق ياطنط...
والدة العريس طبعآ اكيد ..
ريم أنا بقول نسيبهم يتكلموا شويه مع بعض....
والده العريس عندك حق بس الجواب باين من عنوانه..
خرج الجميع ماعدا ريم وعمرو ليكونوا محارم فى هذه الجلسة. .
جلس عمرو وريم يتحدثون ولكن كان عمرو مركز تركيزآ كليا مع العروسين
عمرو لريم مش عارف ليه مش مرتاح حاسس ان البت ديه عارفاه وهو عارفها...نظراتهم مش نظرات ناس اول مره تشوف بعض...
ريم وهى تحاول أن تدارى ارتبكها حبيبى ماهو قال شافها قبل كده....
عمرو ومش عارف ليه شاكك فيكى انتى كمان
ريم وقدرت بعد عشرة 15سنه تشك فيا اهئ اهئ..
عمرو والله .....ماشى
نمشي شويه صغيرين لحد مانوصل للعروسين
مريم انا مړعوپة ان عمرو يعرف ..
إبراهيم ماتخفيش من حد طول ما انا موجود
مريم ربنا يخليك ليا.....بس انت مش بتشوفه ده حتى ريم تحسها كده قوية بس معاه فرخة
إبراهيم هقولك على حاجة وماتزعليش اختك مع اني مش مقتنع بكلمة اختك ماعندهاش ذوق كانت بترد على ماما كلمة بكلمة
مريم ياحبيبى ماتشغلش بالك..
إبراهيم انا اصلا زعلان منك بقى تبعتى رسالة وتقوليلى اختى عرفت فمش عايزانى اكلمك.... بتسمعى كلامها وكلامى انا لأ...انا جيت عشان اثبتلك اني راجل وقد كلمتى....
بس شرط
عليكى عشان الجوازة ديه تكمل اختك ماتدخلش فى اى حاجة تخصنا....هى حتى من وقت ماحكتيلى انها كانت عايشة فى امريكا وكده وانا مش مرتاح لها ولبسها واخوكى سايبها بتشتغل وبتروح وبتيجى كده عادى....
مريم على فكرة انا وريم ام واحده اللي ربتنا. ...وعمرو شديد جدآ عليها وآه بتروح وبتيجى بس بأمره والشغل هى مش بتشتغل عند حد....
هقولك على حاجة مع انها مالهاش مجال ومتخصيناش....ريم ليها فى الشركة زى عمرو وزى أخوها وكمان هى نسبتها أعلى من عمرو بكتيير
وبالرغم كده عايشة معانا وبنفس مستوانا....
ريم طبية جدآ بس انت لما تقرب منها هتحبها
إبراهيم عارفة انى بان على ماما انها ما ارتحتش ليها وبصراحة انا بثق فى رأى امى
مريم بزعل يعنى مامتك لو قالتلك لأ عليا هتسمع كلامها
إبراهيم اكيد.....بس ماتقلقيش ياقلبى انتى شفتيها وافقت خلاص...
ولكن عمرو قطع كلامهم ......
عمرو تمام يا استاذ إبراهيم ولا فيه حاجة تانى عايز تعرفها
إبراهيم لاتمام كده ...وانا اديتك عنوان البيت وعنوان الشغل وان شاءالله ماتتأخرش عليا فى الرد
عمرو ربنا يقدم اللى فيه الخير. .
فى غرفة البنات
ريم اخوكى لو دخل سألك قوليله هصلى صلاة استخارة. ...هو اصلا مش مرتاح عينيكو انتو اللى اتنين فضحتكوا...
مريم بليز بلاش تعكننى عليا عشان انا مبسوطة اوى .... وانه ماطلعش بيضحك عليا
ريم هو هيلاقى زيك فين ياجميل...هنقوم نمشى بقا...
مريم ماتباتى معانا ..
ريم خاېفة من اخوكى بصراحة يشوف فرحتك فنتقفس اكتر ما احنا...
مريم تصدقى معاكى حق يلا غورى من هن
ريم يابت احترمينى ده اللى هظبطك..
مريم احبيبتى ياريم اوعى تزعلى
ريم امشى يابت يابيئة
_________________
في بيت عمرو
عمرو بصى ياحبيبتى بكرة هستغل انه إجازة وخروج اسأل عليه...
ريم بس انت واحشني عايزين نخرج نروح سينما اى حته. ....وهريحك فى موضوع السؤال ده..
عمرو هتعملى ايه....
ريم هبعت لحسين كل التفاصيل وهو يتصرف ....وتريح نفسك وتقعد مع مراتك
عمرو تصدقى فكرة. .
ريم طيب ايه...
عمرو ايه فى ايه....
ريم واحشني دلعك الاسبوع كله جد جد....شويه هلس بقا
عمرو هلس !!!!! بس تعالى ياريمتى....هسألك لآخر مرة البت مريم كانت تعرف إبراهيم من قبل كده....
ريم انت بجد فظيع ماتريح دماغك شويه كانت تعرفه ولا لأ الراجل اهو جه فى الآخر واتقدملها...
وبعدين انت بتحلل الحب ليك وتحرمه على غيرك
عمرو لاياختى ما انا بحبك بقالى سنين وماتكلمتش الا لما اتقدمتلك .
ريم ايوة يعنى اتقدمت ليا الأول وبعد كده اهلى....
يعنى عادي كده..
عمرو انتى عبيطه ده انا اطين عيشتها. ..يعنى تكون اتكلمت معاه وهئ ومئ وتقوليلى عادي
ريم انت هتتعصب و احنا بنتكلم فى افتراضات...
عمرو بت ياريم ....هو انتى عمرك ماعرفتى حد
قبلى
ريم لا ياخويا اطمن ....انت اول راجل اطسيت فى نظرى وحبيتك. ..
عمرو حبيبتي....اطسيت وحبيتك مش ماشين مع بعض ....لا بجد حبيتينى
امتى. .
ريم اسمها عرفت انك بتحبينى امتى ....
عمرو طيب اوك عرفتى انك بتحبينى امتى...
ريم تقريبآ من تانى يوم فى الجامعة...لما لاقيت البنات بيحبوا فيك قدامى ...البت ياسمين هى اللى لفتت نظرى ومن ساعتها وانا كل ما أغمض عينى و أتخيل نفسي عروسه ماعرفش غيرك عريسى...
عمرو طيب عارفة قبل ما احس اني بعشقك....كنت لما بكون زعلان بغمض عينيك بفتكر ابتسامتك وشقاوتك....بنسى زعلى وابتسم..
ريم ربنا يخليك ليا يارب .....أنت احلى هدية من ربنا ليا
عمرو بحبك....وقام بحملها. ...ماتيجى بقى اقولك على حاجة
ريم لسةفاكر ده انا نسيت. ....ههههه
عمرو بس انا عمرى ما انساك ياجميل....
البارت السابع والعشرين
جاءت تجهيزات خطوبة مريم على إبراهيم ......
فقد وافق والد مريم عليهم حيث وجد انهم ناس بسطاء ولكن لهم سمعه طيبة وسط الجميع ... وكان اعتراضهم ان السكن في بيت مايسمى ببيت العائلة ولكن اصرار مريم جعلهم يرضخون لطلبها كما طلب ابراهيم منهم كتب كتابه عليها ولكن عمرو رفض وبشده رغم موافقه مريم وبشده ...وهذا ما جعل عمرو يشك اكتر فى وجود علاقة سابقة بينهم...
اصر إبراهيم الذهاب مع خطيبته وعمرو وريم لاختيار القاعة....وكان مريم لا توافق على شئ الا بموافقه إبراهيم وهذا ما جعل ريم تغتاظ بشده ....
ريم أعتقد بقا القاعة ديه احلى واحده شفناها في الأربعة
مريم ايه رأيك يا إبراهيم ...
إبراهيم لا مش اوى .....فهمس إبراهيم لريم بصوت سمعته ريم...هو انا مش قلتلك مش عايز ريم تتدخل فى حاجة ايه اللى جابها....
مريم وطى صوتك.....
حزنت ريم لذلك فهى لم تفعل ما يجعله ينفرها بهذا الشكل ..... فكانت تفسر معاملته لها لأنه مازالوا غرباء بالنسبة لبعضهم البعض ....
عمرو مالك ياريمتى ...
ريم مافيش ياحبيبى بس حاسة انى تعبانه وعايزة اروح ممكن تكمل لف معاهم...
عمرو طيب حاسة بأيه
ريم شوية دوخه بس....مريومه انا همشى وعمرو هيكمل معاكو ... وابقى كلمينى عشان نشترى الفستان......
إبراهيم بس انا اتفقت مع مريم خلاص وكمان اخواتى هيروحوا معاها عشان يأجروا هما كمان ....
ريم بس احنا كنا هنشتريه...
مريم انا مش هشتريه خلاص مش هيبقى ليه لازمة ومش هلبسه بعد كده .......
ريم طيب تمام براحتك عن اذنكوا
_________________________
جاء يوم الخطوبة واصر أيضا إبراهيم على
بيوتى سنتر معين بحجة أن الذى ريم اختارته غالى وهو يريد ان يدفع كل شئ من ماله الخاص....وبالطبع اقتنعت مريم بذلك.....
اختارت مريم فستان فسدقى منفوش
اختارت ريم فستان من جزأين مصنوع من الجلد الأبيض عليه ورود حمراء وتركت شعرها ينساب على ظهرها .....
ذهبت ريم مضطرة لهذا البيوتى سنتر حتى لاتترك أختها بمفردها....
ريم غير متكبرة بطبعها ولكنها تخاف من المواد التي تستعمل على الوجه والشعر لذلك تفضل أن تذهب لأماكن معروفة تخاف على سمعتها.....
لذلك جلست في سيارتها وجهزت نفسها بنفسها....
وهذا جعل اخوات إبراهيم ينظرون إليها بإشمئزاز وهذه النظرات تجعل ريم تريد أن تبكى
كانت مريم تسمع كلام اخوات إبراهيم فى كل شئ وقد ندمت ريم كثيرآ انها ذهبت معها
وكانت تريد ان ترحل لكنها لاتريد ان تكسر فرحة اختها....
وذهبوا إلى قاعة الأفراح كانت مريم جميلة وهادئة ولكن ريم كان لها ترتيب آخر لآختها
ولكن كل شئ لم يتم كما تمنت ...فتمنت ريم لها الفرحة فقط وان تعيش سعيده حتى لو كانت بعيد عنها....
انتهى الفرح على سلام ولكن كانت ستحدث مشكلة بسبب رقصة العروسين لرفض عمرو الموضوع نهائيآ ولكن كلامه نفذ فى آخر الآمر .....
ذهب عمرو وريم لمنزلهم تحت اصرار من ريم بالطبع. .....
عمرو مالك ياحبيبتى....
عمرو ايه ياحبيبتى ليه كل ده....
عمرو ياحبيبتى ديه سنة الحياة انها تتجوز ويبقى ليها بيت.....
ريم طيب ما انا اتجوزت ومابعدتش
عمرو وياستى ان شاءالله هى مش هتبعد....
ريم يارب....
_______________________________
مر شهر واثنان وثلاثة وريم تقلق للغاية بسبب موضوع الحمل وكانت زوجة عمها فى كل زيارة تسألها عن سبب التأخير واحتمال ان يكون اجهاضها الأول سبب لها مشكلة وان ابنها ليس به عيب وكان كل هذا يجرح ريم كثيرآ ويجعلها تشعر بأنها ناقصة....وكانت الدكتورة دومآ تطلب منها أن تعيش حياتها ولا يشغلها شئ ولكننا لانعيش وحدنا.....
____________________________
تحدد زواج مريم وإبراهيم بعد شهرين وتقرر السفر لدمياط لشراء الموبيليا ....كان إبراهيم رافضآ تمام لسفر ريم ولكن مريم أوضحت له ان هذا الطلب صعب للغاية وخصوصآ ان عمرو سيذهب معهم.....
ركبت جميع السيدات مع ريم فى سيارتها من امها والعروسه وام العريس وأخته
اما مع عمرو فركب ابيه والعريس وأخوه ووالده....
ووصلو لدمياط ودخلو محل واثنين وثلاثة ولاحظت ريم ان معاملة أهل العريس لها سيئة للغاية حتى اختها لم تأخذ برأيها وكانت دائما
ريم عمرو حبيبى هروح اصلى فى جامع هنا وهستناك هناك ولما تخلصوا ابقي اتصل ليا
عمرو مالك ياريم..
ريم السواقة تعبتنى ولسه هسوق لما نرجع ...عشان خاطرى...وافق وتابعنى فى التليفون
عمرو ماشي ياحبيبتى من غير رجاء....
ذهبت ريم للجامع فوجدته مغلق فذهبت إلى كافيه تجلس فيه وتأكل شيئا لعلها تتحسن.....ولكن بعد أن انتهت من الطعام ركضت إلى الحمام وافرغت ما فى معدتها....وقررت الذهاب لاى مشفى قريب....وهناك قررت الدكتورة عمل
متابعة القراءة
