رواية النور من 27-33

ياحبيبتى انتى جايباه شعر طبيعى وانتى متضمنيش شعرهم فيه ايه .. ده ممكن العدوى تتنقل لشعرك كله .. وانتى مش ناقصه ياحبيبتى ...
فهمت نهله تهكمها خاصه بعد تعالى صوت ضحكات احمد المكتومه فاحمر وجهها ڠضبا قائله ...بقى كده ماشى ياست نور انا رايحه لهبه فى السبا 
نور بهمهمه بالسلامه يلا اهو تنضفى شويه من السواد اللى جواكى
وما ان خرجت حتى اڼفجر احمد ضاحكا ... فوضعت نور يديها اعلى خصرها متسائله .. ممكن افهم ايه اللى بيضحك دلوقتى ..
احمد وهو يتحدث بصعوبه من كثره الضحك كان ايه لازمتها التمثيلية اللى عملتيها دى يعنى 
نور اه طبعا ماانت اما تصدق تقولك يابيبى
وتنزل فيك بوس زى قبل كده وانت تقول اصلى مكنتش اعرف انها حتبوسنى .. وتعد تتلكك وهو على قلبك زى العسل .. صح ولا مش صح 
زادت ضحكات احمد وعجز عن السيطره عليها وبعدفتره ليست قليله اخيرا توقف عن الضحك واستعاد رباطه جأشه وهو يقول ايه يانور دى بتسلم عليا .. بوس برىء
نور والله برىء طب خليها تنفعك بقى ياعم البرىء واعتبر اتفاق النهارده ملغى 
احمد لا لا استنى بس بلاش جنان كله الا ده .. وهو انا عندى اغلى منك يانورى 
نور ايوه ياعم ثبتنى ثبتنى .. طب قولى بقى جهزت بدلتك
احمد عيب عليكى .. طبعا مجهز كل حاجه
نور انت بردو ولا ماما نجوى اللى عملتلك كل حاجه
احمد ها .... تقصدى ايه
نور اقصد انى عرفت كل حاجه ياخفيف ياللى مبتتبلش فى بقك فوله .. انا حروح اجهز بقى احسن بقينا الظهر
احمد انتى زى القمر مش محتاجه تجهيز يانورى ... اه اعملى حسابك كمان ساعتين حيجى الميكت ارتست والهير دريسر عشان يظبطوكى يااحلى عروسه
نور بفرحه انت بتتكلم بجد .. مقلتليش ليه
احمد حبيت اعملهالك مفاجأة .. مش كفايه نزلتى جبتى الفستان لوحدك .. خلى الباقى عليا بقى
نور ربنا يخليك ليا يا حب .... يااحمد
احمد ايه لا ايه الكلمه التانيه دى
نور بس بقى انا مش حخلص من كلامك ده انا حروح اجهز ..
واقتربت منه فجأه هامسه ... يا حبيبى 
ثم ابتعدت مسرعه متوجهه الى الدرج وهى تراقب ابتسامته الصافيه التى تبرز اسنانه البيضاء .. ووجهه المشرق 
فتمتمت قائله .. واخيرا بقى القمر ده بقى بتاعى .. اه يانى ياقلبى
مر الوقت سريعا وبدأ الضيوف فى التوافد حيث وقف احمد ونبيل فى استقبال المدعوين ونجوى تستعد للنزول الى الحفل .. اما نور فقد انتهت من وضع اللمسات الاخيره لزينتها بمساعده صديقتها ساره بعد مغادره الميكب ارتست بعد انتهاء عمله ..
فصديقتها ايضا لاتعلم مفاجأه الحفل .. فقد انبهرت بجمال نور تلك الليله ووجهها المضىء السعيد خاصه بذلك المكياج الهادىء والذى ابرز ملامحها الرقيقه وعينيها البريئتين ..
فقد ارتدت نور فستانا ارجوانيا مرصع بحبات من اللؤلؤ الصغير المتناثر بعشواءيه من اعلى الصدر حتى اسفل الخصر .. 
فقد ابرز الفستان جمال خصرها المتناسق وانسدل بنعومه الى الارض ينتهى بذيل رقيق فى الخلف ...
بينما تزين كلا من جيدها بعقد لؤلؤى بسيط واذنيها باقراط طويله متلألأه ..
بينما ضمت شعرها على احدى جانبى وجهها وتركت احدى شعيراتها تنسدل فى الجانب الاخر .. 
فظهرت بمظهر رقيق للغايه خاصه بذلك اللون الارجوانى والذى ابرز بشرتها البيضاء الناصعه ..
فبدت كاالملائكة ..
نور وهى تنظر لنفسها فى المراه بجد ايه رايك حلو 
ساره حلو ده تحفه يابنتى يجنن ده عليكى احلى من المنيكان اللى كان عليه 
يالهوى يانور ده انتى حتطلعى احلى من العروسه
نور لا لا متقوليش كده بجد مش عاوزه ابوظ عليها يومها
ثم اكملت متمتمه .. بس انا فعلا حبوظ عليها يومها اما احمد يعلن خطوبتنا .. مش عارفه حتفرح ولا حتضايق عشان خبينا عليها .. الله يسامحك يااحمد ماكنا اجلنا الموضوع شوية
ساره بتقولى حاجه يانور
نور ها .. لا لا ابدا .. استنى البس الشوز عشان ننزل 
تصاعدت اصوات الزغاريد بالخارج ...
فاضافت نور يالهوى زمان العريس جه .. عاجبك رغيك ده يلا هاتى الشوز الى جمبك ده خلينا ننزل قبل العروسه ماتنزل
ساره طيب طيب براحه .. اتفضلى ....واااو ايه الشوز الحلو ده جبتيه امتى
نور وهى ترتدى حذاء باللون الاوف وايت مرصع ببعضا من السترسات باللون الموف وكعب زجاجى رفيع ... ده احمد كان جايبهولى من ضمن الحاجات او يعنى هبه هى اللى جابته
ساره وهى تغمز يسهلووووووو ياعم 
نور طب بطلى لماضه ويلا بينا ننزل 
فوجئت نور باحمد ونجوى بانتظارها بالخارج وكادت نجوى تهم بطرق الباب اثناء فتح نور لباب الغرفه للخروج ...
نور اهلا ياطنط .. ايه طلعتوا ليه انا نازله خلاص معلش اتاخرت 
نجوى لا ابدا ياحبيبتى احنا طلعنا عشان احمد عاوزك تنزلى معاه
نور ليه .. طيب ماشى
اقتربت نور من احمد وهى تهمس .. ايه المفاجات دى ياعم متفقناش على كده 
احمد النهارده يومك ياعروسه ولازم تتدلعى ..
نور بس انت المفروض تاخد هبه من اوضتها ..
احمد هبه لسه نزله من شويه وسلمتها لعريسها وسبناها تحت مع الناس يباركولها وخلاص حيلبسوا الدبل .. انتى اللى اتاخرتى ياحلوة
نور ياربى طب محدش قالى ليه انا محستش بنفسى واخدنى الكلام انا وساره فى الاوضه 
احمد طب يلا دورك ياعروسه .. وشبك ذراعها بذراعه وبدءا فى الهبوط للاسفل ..
وقفت ساره بالخلف تفتح فاها باندهاش غير مصدقه ماترى ..
فنور تظهر بالفعل كالعروس فى يد عريسها .. احمد ..
الفصل التاسع والعشر
اتجهت انظار جميع من بالحفل الى تلك الحوريه المعلقه بيد احمد .. فقد بدت نور كحوريه من الجنه تمشى على الارض .. فمعظم من بالحفل من اقارب واصدقاء عائلة احمد لم يتعرفا عليها بعد ..
تسمرت نهله فى موضعها عند رؤيتها لذلك المنظر ..خصوصا وان نور تتأبط ذراع احمد كالعروس .. فاتجهت بانظارها ناحيه معتز والذى كان يستشيط ڠضبا وتنفر عروقه من رقبته .. فازداد ضغط يده تلقائيا على يد هبه والى كان ممسكا بها ليقبلها منذ دقائق ..
هبه اى يامعتز بتوجعنى
هبه
من ايه
معتز انتى مش شايفه اللى بنت عمتك بتعمله
هبه نور مالها 
معتز مالها شابكه فى ايد احمد كده ليه يعنى كأنها مراته
هبه مش فاهماك وانت ايه اللى مزعلك يعنى
معتز لا مش حكايه زعلان .. قصدى على نهله اكيد اضايقت وبعدين وبعدين يعنى .... انتى مش واخده بالك ظى سړقت منك الاهتمام كله
هبه لا لا هى متقصدش يعنى .. بس احسن نهله جايه علينا 
نهله عاجبك عمايل اخوكى دى .. مش مراعى منظرى خالص قدام الناس .. ازاى ينزل معاها بالطريقه دى
هبه اهدى بس يانهله هو اكيد ميقصدش ونور كمان ....
نهله مقاطعه انتى لسه بتدافعى عنها بعد اللى عملته
هبه عملت ايه
نهله انتى مش ملاحظه انها لابسه فستان درجه لونه قريبه من لون فستانك ..وكمان نزلت بعد ماانتى نزلتى ... والمفروض انتى العروسه كله يبقى فى انتظارك انتى .. انما هى حبت ټخطف الانظار منك وتبوظ حفلتك 
هبه لا لا استحاله نور تعمل كده وكمان هى مشافتش الفستان بتاعى عشان تلبس نفس لونه
نهله بسخريه حتفضلى طول
عمرك هبه كده ياهبه .. بس قريب اوى حتعرفيها على حقيقتها .. مش كده ولا ايه يامعتز
هبه وايه اللى دخل معتز فى الموضوع
نهله لا يعنى اقصد انه بيعرف يقرا الناس كويس 
معتز خلاص ياجماعه احسن هم جاين علينا 
وسلم عليه معتز قائلا .. طب ومفيش مبروك للعريس ولا ايه 
احمد بضحكه متصنعه اه طبعا طبعا مبروك ياعريس خلى بالك منها بقى 
نهله طبعا ماهو بيحبها لازم حيخلى باله منها 
احمد متجاهلا ماقالته طب يلا ياجماعه نقرا الفاتحه عشان عندى مفاجأة ليكوا 
جلست هبه على الاريكه المخصصه لها هى ومعتز واجتمع الاقرباء حولهم وبدأوا فى قراءه الفاتحه ومان انتهوا حتى اخرج معتز اسوره ماسيه ومحبس وقام
بالباسهم لهبه مع تعالى اصوات الزغاريد وما ان انتهى معتز حتى اقترب احمد ووالدته الى هبه وقام بتقبيلها واخرج احمد من جيله علبه زرقاء وقدمها هديه لهبه ... فاذا بها سلسله من الذهب الأبيض رقيقه للغايه وتنتهى بعده ماسات صغيره متناسقه تكون حرف ال H ..
قامت نجوى بالباسها لهبه والتى فرحت بها جدا وقامت بشكرا والدتها واحمد ...
واقبل الجميع على هبه يقبلها ويقوم بماباركه العروسين .. وما ان انتهوا حتى ارتفع صوت نجوى قائله ...
طيب ياجماعه دلوقتى عندنا مفاجأه احمد محضرهالكوا ...عشان تبقى الفرحه فرحتين .. اتفضل يااحمد ...
تقدم احمد للامام وهو ممسك بيد نور وبدا فى الكلام وهو يضغط على يدها برقه ..
معلش حبدأ بخطبه صغيره كده وبعد كده اقلكوا على المفاجأه ..
الواحد مبيبانش مين جمبه او مين بيحبه بجد الا فى الازمات .. ساعتها بيبان مين خاېف عليه ومين مستبيع .. عشان كده انا فى ازمتى اللى حصلت دى قدرت اعرف مين يستاهل يكون جمبى ومين حطرده من حياتى ... 
وطول الوقت اللى فات ده كان فى انسانه واحده بس جمبى فى جميع حالاتى .. مع انى كنت بتعامل معاها وحش فى الاول بس استحملتنى وقدرتنى وكان سبب فى انى ارجع اضحك تانى من قلبى بعد ماكنت قفلت من الدنيا والناس ... 
الانسانه دى ياجماعه هى نور .. بنت عمتى .. كتير منكم ميعرفهاش ولا شافها قبل كده ..
بس هى دى نور اللى نورت حياتى بوجودها فى عيلتنا وسطنا .. عشان كده ياجماعه انا النهارده بعلن خطوبتى انا ونور ...
الټفت اليها احمد ممسكا بكلتا يديها قائلا .. نور تتجوزينى ..
واخرج من جيب بنطاله علبه صغيره حمرا وقام بفتحها واذا بخاتم ماسى يطل منها بجانبه دبله فضيه ...
لم تستطع نور السيطره على دعتها المنهمره وضحكتها الواسعه فهى لم تتصور انه سيقوم بهذا العمل الرومانسى ...
واخيرا اجابت اه يااحمد موافقه اتجوزك
تعالت اصوات التصفيق من الجميع وناولته نجوى الخاتم الماسى ومدت نور يدها فالبسها احمد الخاتم وقبل يدها والبسته نور الدبله ...
وهنا تعالى صوت وليد نوفيق ... مبروك مبروك ... مبروك عليكم وعلينا 
وتعالت مره اخرى اصوات الزغاريط والصفير والتصفيق من الجميع الا من معتز ونهله ...
بالطبع نهله لم تتحمل الوضع فقد صدق حدسها منذ ان اعلن احمد عن وجود مفاجأه ولكنها فضلت التأكد ... وما ان نطقها احمد حتى اخذت شنطتها وسارعت بالخروج ...
اما معتز فقد استعاد ربتطه جأشه ونجح فى السيطره على انفعلاته خاصه وهو يرى احمد يقبل يد نور ...
ولم يستطع سوى ان يقول لهبه بهمس .. معاها حق نهله اما قالت انها عاوزة تبوظ عليكى يومك ..
يعنى ملقوش غير يوم خطوبتنا ويعملزع يوم خطوبتهم .. وبعدبن هم مقالولكيش ليه ولا انتى كنتى عارفه 
هبه بذهول لا محدش قالى 
معتز بسخرية اااااه يمكن نسيوا بقى ولا حاجه
نظرت له هبه قائله .. انت فصدك ايه
معتز لا مفيش يلا يلا عشان نباركلهم .. ماهو بقى يومهم بقى ...
استعرت الڼار بداخل هبه بعد ماقاله معتز وتقدمت من احمد ونور وهى تستصطنع الابتسامه ... مبروك يااحمد مبروك يانور ..
نور طب ايه مش حتحضنينى بقى ولا ايه ..
ولم تنتظر نور رد هبه والقت بنفسها تحتضن هبه بقوه وهبه تربت على ظهرها بشرود تفكر فى كلمات معتز
انتهى الحفل بسلام وطلب معتز الخروج مع هبه والعوده بعد ساعات قليله .. اما احمد ونور ففضلا الجلوس بالمنزل والاحتفال بطريقتهما الخاصه ....
قامت هبه بتغيير فستانها وارتداء ملابس كاجوال ورفع شعرها للاعلى مع ارتداء كوفيه وبالطو اتقاءا لبروده الجو بالخارج ..
وما ان ركبت السياره مع معتز حتى اخبرها عن محادثه نهله له وحالتها النفسيه المدمره بعد ماقاله احمد واخبرها بانه طلب من نهله مقابلتهم حتى تهدأ قليلا ...
رحبت هبه بالفكره .. فهى الان على اقتناع تام بان نور غير ماتراها وبأن لها وجه اخر لاتعرفه وبأن نهله هى المجنى عليها ..
قامت نور بتغيير فستانها وهى تتأمل خاتم خطوبتها فهى الى الان لاتصدق ماحدث ومالبثت ان حاثت والتها تطمأنها وتخبرها بماحدث وارسلت لها بعضا من صور خطوبتها وفرحت لها والدتها فرحا جما ودعت لها بان يكمل لها الله الامور على خير .
ازالت نور مكياجها وارتدت بيجامتها وقامت بالنزول للاسفل بعد اتفاقها مع احمد على تغييى ملابسهم وارتداء ملابس مريحه لتمضيه باقى ليلتهما بجوار المدفأه فى غرفه المعيشه ..
فقد ارتدت بيجامه من الستان الابيض الناعم ولكلوك ابيض من الريش..
هبطت النور الدرج متوجهه الى غرفه المعيشه فإذا بها ترى احمد جالسا على مقعده المفضل .. مرتديا بيجامه باللون الكحلى الدافىء وبنطاله يمتزج فيه اللونين الابيض والكحلى ليكون كاروهات متماشيا مع التيشيرت .. ويرتدى فى قدميه لكلوك من نفس خامه ولون التيشيرت..
وتجلس بجواره والدته تهنأه بخطبته ..
نجوى مبروك يااحمد عقبال الليله الكبيره
احمد الله يبارك فيكى ياماما .. ايه رايك نور كانت مبسوطه النهارده
نجوى جدا يااحمد .. الدنيا مكنتش ساعياها وضحكتها مفارقتهاش طول الحفله 
احمد عجبها الخاتم ياماما
نجوى دى
طول الحفله تبص عليه وكمان الاسوره اللى جبتهالها كانت حتاكل من ايديها حته
احمد كان نفسى اشوفها اوى النهارده ياماما
نجوى هانت ياحبيبى بقى .. ان شاءالله تخف بسرعه ونفرح بيك انت وهبه فى يوم واحد
وهنا تدخلت نور ..
نور احم احم .. حقطع عليكوا خلوتكوا ولا ايه
نجوى لا ابدا ياحبيبتى تعالى .. تعالى اما ابوسك واباركلك بقى احسن متلمتش عليكى فى الحفله
احتضنت نجوى نور بحنان وقبلتها من راسها ..
نجوى مبروك يامرات ابنى 
نور ضاحكه الله يبارك فيكى ياماما نجوى 
نجوى مابلاش ماما نجوى دى .. محسسانى انى فاضلى بقلظ .. قوليلى ياماما بس
نور حاضر ياماما 
نجوى طيب اسيبكوا انا بقى واروح انام
نور ايه ياماما ماتخليكى معانا شويه
نجوى لا مش قادره افتح عينى خلاص .. اسهروا انتوا ياعرسان بقى احتفلوا .. يلا تصبحوا على خير 
رد عليها كلا من احمد ونور التحيه .. 
ومالبثت ان احتلت نور مقعد نجوى المجاور لاحمد 
نور الحلو ساكت