ملوكة
المحتويات
حنان
تعالي معايا يا ملك مش هأذيكي
ردت وهي بتفتح عيونها ببطئ
خايفة اصدقك
اتنهد تنهيدة طويلة بعدها سألها بهدوء
تتجوزيني؟
ردت بذهول
نعم اتجوزك!!
كان لسه هيرد لكن الباب اتفتح مرة واحده ودخل شخص قال بصوت غليظ وخشن
انت مين ياولدي؟
لف رأسه لمصدر الصوت بأستغراب اما عن ملك جالها حالة ذهول وصدمة خلت أطرافها تتجمد اول ما عيونها
جت علي الشخص العجوز اللي اقتحم الأوضة فجأة!
غيث وهو بيرد بثبات
حضرتك اللي مين ؟
بص نحية ملك اللي ارتجفت وهي بتهمس بخوف
ج جدو
قرب الشخص من غيث وهو بيبصله من فوق لتحت بتعمق وفضول لحد ما وقف قدامه مباشرة وقال بهدوء وسخرية
ياتري أنت بقي اللي ضحك عليها بكلمتين وخلاها ترمي نفسها من الشباك وتعمل التمثيليه دي عشان جوزها يطلقها؟
رد غيث بأستغراب
افندم ايه الكلام اللي حضرتك بتقوله ده
قرب من ملك فجأة وسحبها من شعرها وهو بيجز علي أسنانه وبيقول بصوت خشن وغليظ
بقي أنتِ يطلع منك كل ده تبعتي عشيقك يهدد جوزك اما يطلقك او يموت امه ويقهر قلبه عليها!
هزت راسها بدموع وخوف
لا لا ياجدو والله العظيم لا محصلش ا انا انا.....
غيث بعصبية وغضب وهو بيبعده عنها
ده بقي الكلام اللي قالهولك الحقير وانت صدقته؟!
رد بسخرية وهو بيشاور نحيته بعكازه
اومال عايزني اصدق نكرة زيك إياك!
ضغط فوق أسنانه وهو بيتنهد وبيحاول يسيطر علي أعصابه المسلوبة ورد بهدوء
انا مش هرد عليك عشان حضرتك راجل كبير بس اللي حصل غير كدة تماماً اللي حصل أن ياسين بيه كان عايز يضرب ملك وهي وقفت فوق الكنبة وفجأة وسط الكلام داخت ووقعت وهو جابها رماها هنا في المستشفي كان بيدفع الفلوس وراميها ولا حتي بيسأل عنها ولا هو ولا أمه وانا ا احم انا دكتور هنا كنت كل ما اجي اشوفها مش بلاقي حد بيزورها سألت عن
رد بغيظ
انا لو عليا مطايجش اشوف وشها انا جاي اغسل عاري بيدي
حتي بعد اللي حكتهولك؟؟
وانا اضمن منين انك بتجول الحجيجةالحقيقة
ردت ملك بدموع
هي دي الحقيقه يا جدو والله العظيم صدقني انا مش خاينة ا انا كنت بحب ياسين اوي و والله كنت بحبه اكتر من نفسي
رد بقسوة
اعملي حسابك هتيجي تعيشي معانا
في الصعيد وهجوزك عابد ابن عمك عقاباً ليكي انا هربيكي يابت عثمان
رد غيث بأندفاع
وهي عملت ايه عشان تتعاقب ولا تتربي!!
بقول لحضرتك جوزها مكانش بيحبها ومتجوزها عشان يلهف فلوسها واخترع قصة عشان يبان هو الملاك البرئ وهي الخاينة مع أنه علي حسب كلام الجيران كان بيضربها كل يوم و.....
قاطعه بخشونه
شكراً لأفضالك علينا يا ضاكتور تجدر تروح تشوف شغلك عطلناك
ايوه بس......
جالك تُشكر يا ضاكتور بلاش عطلة
لف لمصدر الصوت لكن المرة دي كان شاب لابس جلباب صعيدي وعمة فوق رأسه وواضح علي ملامحه الخبث والشر
بص لملك وهو بيبتسم ببرود
ازيك يابت عمي والله ليكي وحشة
الجد بصوت غليظ
يالا ياعابد شيل بنت عمك وحصلني علي تحت خلينا نمشي
ملك بصتله بعدها بصت لغيث بأستنجاد فأخد نفس عميق وقال بحدة
ملك مش هتمشي من هنا
رفع عابد حاجبه وهو بيتسم بأستهزاء وبيشاور
جولت ايه يا ضاكتور؟
رد غيث بثبات
قولت ملك مش هتمشي من هنا
رد عابد بعصبية
وبصفتك مين بتمنعنا؟
بصفتي واحد بيحبها ومنتظر بقاله سنه تفوق من غيبوبتها عشان يتجوزها
ضحك عابد بسخرية وهو بيبص لجده
شكله مجنون إياك وعقله طاير
رد جده وهو بيبصله بأبتسامه ذات مغزي
وماله ياولدي نرجعله عقله
وفجأه وبدون اي مقدمات ضربه عابد فوق دماغه بالمسدس اترنح غيث وغاب وقتها عن الوعي فوراً
شهقت ملك وهي بتحط ايديها فوق بوقها وبتبرق
انت عملت ايه حرام عليك يا حيوان يا....
قرب منها عابد وحط أيده فوق بوقها وبنبرة غليظه ونظره تحذيريه وكلها تهديد قالها
اخرسي مش عايز اسمع صوتك انتِ فاهمة؟
الجد بتوتر
يالا ياعابد بسرعة خلينا نمشي
عابد بنفس النبرة وهو بيرميلها شنطة جواها لبس
انتِ هتلبسي لبس الممرضة ده وهتخرجي تنزلي علي تحت هتلاقي عربيه سودا مستنياكي تركبي فيها وتستني لحد ما نجيلك قسماً بالله لو نطقتي بكلمه هفرغ المسدس ده في دماغه أنتِ فاهمة؟
هزت راسها وهي بتترعش وبتعيط وبالفعل نفذت كلامه وفي خلال خمس دقائق كانت في العربية
مفاتش ثواني إلا ووصل عابد وجدها وركبوا هما كمان العربيه وفورا اتحركوا
اتحركوا لمكان مجهول وحياه مجهولة
مكانتش قادره
تصدق اللي بيحصلها
كل حاجه في حياتها غلط
كل حاجه عكس إرادتها
كل اهلها بيكرهوها
حتي حبيب عمرها طلع بيكرهها
وأخيراً بعد ما لاقت الشخص اللي بيحبها اللي منتظرها تفوق من سنه بعد ما لاقت الامان والراحة في وجوده في أحلامها وحتي في واقعها يروح كل ده في لمح البصر
تضطر تعيش وتتأقلم علي حياه مش بتاعتها
تتجوز شخص بتكرهه
تعيش حياه مأسوية للمرة الثانيه
غمضت عيونها وسندت رأسها علي الكنبه وهي بتتنهد تنهيدة طويله
مالك
بصتله بأحتقار ومردتش عليه
مكانش عندها طاقه او حتي كلام تقوله
فضلت تتأمل الطريق من الشباك
رفعت عيونها للسما وبصوت خفي وقلب بيتنفض من الخوف دعت وقالت ياااارب
ولأن ربنا بيسمع كل تنهيده وكل دعاء
ولانه مطلع علي كل دمعه وكل خوف جوانا
استجاب لندائها اللي كان وراه كلام كتير وخوف وقهر
فجأه العربيه عملت حادثه واتقلبت علي الطريق
كان في اعتقادها انها النهايه
نهايه الألم والوجع والخوف
وبدايه الراحه عند ربنا
من لا يظلم من لا يقهر
في مكان تاني وخاصه في بيت بسيط في قلب الصحراء
كان في نقاش داير بين راجل وست باين علي ملامحهم الطيبة.
برضو لسه مفاقتش؟
سأل الراجل الست اللي هزت راسها بيأس
ياحبة عيني بقالها يومين علي الحال ده تفوق ثواني تسأل هي فين ومين احنا بعدها تروح تاني في النوم
ضرب كف فوق الثاني وهو بيبصلها بشفقة
لا حول ولا قوه إلا بالله اكيد أهلها قالبين عليها الدنيا
ردت بعتاب
انا مش فاهمه بس يامحروس انت ليه مأخدتهاش علي اي مستشفي قريبه
رد وهو بيبص لملك
وانا بحاول أخرجها من العربيه كانت لسه في وعيها قالتلي انا مخطوفة خوفت اوديها المستشفي يجرالها حاجه الناس اللي كانوا معاها في العربيه باينلهم عصابه
ردت بتوتر
طب طب وماتوا ؟
هز أكتافه بجهل
معرفش أنا كلمت الإسعاف وقولتلهم علي المكان اللي هما فيه ومقولتش اسمي وفورا اخدت البنت وجريت بيها علي هنا
بصت نحيتها وهي بتدعي من قلبها
لا حول ولا قوه الا بالله ربنا يشفيها يارب وتفوق في اقرب وقت وترجع لحضن امها
يارب
يالا يا سعاد خلينا نسيبها ترتاح
طب ما نجبلها دكتور!
رد بقلق
لا طبعاً البنت شكلها بنت ناس ويمكن يكون حد من أهلها مبلغ أن هي مختفيه
ياباي عليك يا عبده هتفضل جبان كده طول عمرك خاطفينها ازاي بس
متابعة القراءة
