يسرية من 9-13

حد سئ بالعكس
انا كنت فاهماه غلط
فإبتسم أمجد
انا بقالى فترة كنت حاسس انه عاوز يتغير
هو فعلا بقى حد مختلف حتى بقيت اشوفه بطريقة تانية
فنظر لها أمجد وابتسم قليلا
ايه يا هانم احنا جايين نحلل شخصية إياد اللى اتغيرت ولا نكلم عنا
ابتسمت نهال قائلة
نكلم عنا طبعا
اتى النادل وطلبوا الطعام سويا وماهى الا بضع دقائق حتى عاد النادل ومعه الطعام فظلوا بتناولون الطعام ويتحدثون ويضحكون حتى انتهوا وقام أمجد بتوصيلها ٠٠
فى ذلك الوقت كان إياد يجلس فى مكتب والده فسمع صوت سيارة بالقرب من شباك المكتب ففتح الستار لينظر وجد نهال تخرج من السيارة وخرج خلفها أمجد فقال أمجد هائما
ملحقتش اشبع منك
ابتسمت نهال قائلة
هو انا اكلة ولا ايه !!
فإبتسم أمجد
انتى احلى حاجة فى حياتى
ايه يا أمجد ده 
انا بس بعبر عن حبى
كان إياد ينظر لذلك المشهد وهو يبتلع ريقه وشعر پغضب شديد ضم قبضة يده بقوة كاظما غيظه
فى تلك اللحظة قالت نهال
بلاش كده ارجوك لو عملت كده تانى هزعل منك
طب خلاص حقك عليا
ابتسمت قليلا
تمام انا هدخل بقى تصبح ع خير
وانتى من اهله يا حبيبتى
اشارت له بيدها مودعة إياه ودخلت للداخل وعندما دخلت وجدت ضوء المكتب يسطع من الداخل فذهبت للداخل وجدت إياد يجلس على المكتب وينظر إلى الحاسوب الذى امامه فنظرت له بشدة
انت لسه صاحى !
فنظر لها ببرود قائلا
ايوة
انت بتتفرج برده ع السيديهات مش بنعمل كل حاجة سوا 
انتى مكنتيش هنا ومكنتش عاوز اضيع وقت 
لاقيت حاجة 
لا لسه انا فى السى دى العاشر ومفيش جديد
اممممم
ثم اقتربت منه
طب تعالى نكمل
فتثائب إياد محاولا التهرب من الجلوس معها
انا مرهق ومحتاج انام يا نهال سبينى انام دلوقتى وبكرة نكمل حتى اطلعى انتى نامى قدمنا بكرة إن شاء الله يووووم طويل الشغل كتر علينا
اوك 
ثم ذهبت لتصعد وقبل ان تصعد الټفت له مرة اخرى
تصبح ع خير يا إياد
وانتى من اهله
فإبتسمت له ثم صعدت بينما اغلق هو الحاسوب وتنهد قليلا وصعد هو الأخر غرفته
فى صباح اليوم التالى ذهب إياد مبكرا إلى العمل وكان يراقب باقى السيديهات فى تلك اللحظة دخلت عليه نهال وهى ترمقه بغيظ
انا زعلانة منك يا مراد
فأبذتسم إياد
مادام رجعتى تقولى ليا مراد يبقى الموضوع كبير اوووى زعلانة من ايه
انا عملتلك حاجة يا سكر
سكر !!!! اسكت خااالص
فإبتسم لها
لا بجد فى ايه 
عشان روحت الشركة لوحدك ومش استنتنى نروح سوا
انا صاحى من بدرى وقلت بلاش اصحيكى معايا اسيبك براحتك
حدثته بلووم شديد
بس احنا بقالنا كذا يوم بنروح سوا ونرجع سوا
كان قصدى بس اسيبك تنامى براحتك
طب خلاص مش زعلانة يا إياد
فإبتسم إياد
كل لما تقوليلى يا مراد هعرف انك مضايقة منى لحد ما تقولى إياد بعرف انك صالحتينى
فأبتسمت له
هو كده
خلاص ده سرنا لو زعلتى قوليلى مراد وانا هفهم
ماشى
طب تعالى نكمل فرجة ع السيديهات
اوك
وظلوا يشاهدون السيديهات حتى وصلوا للسى دى رقم 15 ووجدوا ان عامر قد اخذ التصاميم فنظر إياد ل نهال
ده بابا هو اللى خد التصاميم
طب وهو حطها فين بقى
احنا لازم نسأل بابا
طب يلا نروح ليه حالا
صمت إياد قليلا
تمام يلا
ذهبوا إلى حيث يحتجز عامر وطلبوا مقابلته فخرج لهم عامر ونظر لهم 
خيير يا ولاد
بابا انا عاوز اعرف انت لما خدت التصاميم من خزنة مكتبك ودتها فين
تصاميم اخر مجموعة اثاث 
ايوة يا عمى
خدتها لمكتبى فى البيت
فنظر له إياد بشدة
يعنى التصاميم دى لسه فى البيت لحد دلوقتى ولا انت نقلتها فى حتة تانية
لسه فى البيت
فنظر إياد ل نهال
طب تعالى نشوفها فى البيت
فنظر لهم عامر
انتوا ناويين ع ايه 
إن شاء الله خير يا بابا احنا شاكييين ان فى حد سرق التصاميم بس وصمم الاثاث اللى راح لل العزبى
ربنا يوفقكوا
فقالت نهال
ادعلنا بس انت يا عمى عشان نعرف نثبت برائتك
ربنا معاكوا ياااارب
فذهب كل من إياد و نهال إلى المنزل وفتحوا خزنة المكتب وجدوا بها التصاميم كما هى
فنظر إياد إلى نهال
ايه ده معقول التصاميم متحركتش من مكانها
فى حاجة غريبة يا إياد
شعر إياد بالريبة ثم تحدث قائلا
إن شاء الله هنعرف قريب السر فى كده
مر ذلك الأسبوع كان إياد و نهال يتابعون النجاريين فى المخازن بإستمرار ويشرفون عليهم لم يتوصلوا إلى جديد فى من سرق تلك التصاميم وكانوا يشعرون بالحيرة الشديدة ٠٠
فى بداية الأسبوع الجديد ارتدت سما فستان لونه بينك بسيط وهادئ عليه حجاب باللون الأبيض وقررت ان تذهب إلى عملها الجديد وهى تشعر بالسعادة ثم ذهبت إلى الشركة ودخلت مكتب أدم نظر لها أدم حين رأها بشوق وابتسم فقد كانت تبدو فاتنة وجميلة ابتسم لها فدخلت سما وقالت
السلام عليكم
وعليكم السلام
اخرجت من حقيبتها الكتاب
ميرسى جدا ع الكتاب انا اتبسطت وانا بقراه
فنظر لها أدم بخبث
اتبسطتى من الكتاب بس !!
فنظرت له سما وقد فهمت ما يرمى اليه بإنه يقصد تلك الكلمات المكتوبة فيه فرفعت احدى حاجبيها وقالت
اه طبعا من الكتاب بس هو كان فى حاجة تانية !
فإبتسم أدم وحدث نفسه
دايما تعباااانى
ثم قال بصوت مرتفع
ابداااا كان فى مجرد اهداء كده من حبيب لحبيبته
فإبتلعت سما ريقها وقالت بصوت خاڤت
حبيبته
ثم نظرت له محاولة منها من تغيير مسار الحديث
انا شغلى فين 
فأبتسم أدم على طريقتها
تعالى اوريكى مكتبك
وخرج بها خارج مكتبه ووجدت ان مكتبها بجانب مكتب أدم فإبتلعت ريقها
ده مكتبى !!!
ايوة
جنب مكتبك كده ع طول
مانا هدربك ع الشغل
نظرت له بذهول قائلة
انت !!!
جرى ايه امال اسيب واحد تااانى يدرب خطيبتى لا ده انا غيووور جدا
رددت سما بخفوت
خطيبتى !!
فأقترب منها أدم
هو انا مقولتلكيش
قلت ايه 
مانا مش هسيبك لغيرى
ارتبكت سما قائلة
ا٠٠ انت بتقول ايه يا استاذ أدم
استاذ ايه بس انا أدم وبس
أدم متخوفنيش انت كده مش هتخلينى اجى الشركة احنا متفقناش ع كده
تنهد أدم
مانا بحبك يا سما وانتى مفيش فاااايدة مش راضية تحسى بحبى
بس قلت انك هتثبتلى انك اتغيرت
وكل ده شايفة انى انا زى مانا
فإبتلعت سما ريقها
مش يمكن بتكدب عليا
ليييه يعنى هكدب ليه هستفاد ايه 
فصمتتت قليلا
انت قلت مش هتغصب عليا حاجة
تمام معاكى حق المهم ده مكتبك واه انا اللى هدربك لأنى مش هطيق اشوف راجل تانى قريب منك فاااهمة
اجابته بنبرة مهتزة
ا٠٠ اه فاااهمة
فأبتسم لها
يلا بقى انا حاطتلك الملفات اللى هتبدى فيها والتصاميم المطلوبة منك ابتدى وورينى واى حاجة مش فاهمها قوليلى وانا افهمك
بس انت متخرج زيى زيك بالظبط ازاى هتدربنى ! ده غير انى الاولى ع حضرتك
فنظر لها بثبات
سما انا كنت بنزل من فترة للتانية اباشر الشغل مع بابا واتعودت ع جزء عملى كبيير اه مكنتش منتظم فى الشغل بس عندى خبرة كويسة جدا واكييد الخبرة اهم من انى ابقى الأول ع الدفعة
نظرت له ببلاهة قائلة
هاا
فأبتسم لها
يلا ع شغلك 
وتركها وذهب
فى المساء كانت نهال تجلس مع إياد فى المكتب فى القصر
ازاى التصاميم حد قلدها وهى هنا طول الفترة فى خزنة مكتب البيت
فإبتلع إياد ريقه وقال
انا كمان هتجنن هتجنن يا نهال
انا بقالى اسبوع بفكر
مانا زيى زيك بس 
ثم تذكر إياد شئ ما فقالت نهال
فى ايه 
ها ولا حاجة
انت هتخبى عليا
اصل 
فى تلك اللحظة دخلت داليا ومعها كوب من القهوة
القهوة يا إياد بيه
فأبتسم إياد حين رأى داليا
ازيك يا دودو بقالى فترة مكنتش بشوفك
تحدثت داليا بحزن مصطنع
ما حضرتك طول اليوم بارة فى الشركة
اخص عليا بجد 
فظهرت
ابتسامة على وجه داليا بينما ظلت نهال تنظر له بشدة وهو يبتسم ل داليا بتلك الصورة ثم نظر إياد ل نهال
بقولك ايه يا نهال 
ايه 
اطلعى انتى اوضتك دلوقتى مفيش شغل خاالص انا تعبت من الشغل
ثم نظر ل داليا وهو يبتسم فأبتسمت له داليا فظلت نهال تنظر له وترمقه بنظرات ڼارية وبدأت تشعر بالڠضب ٠٠
الحلقة الثالثة عشر
ظلت نهال تنظر له بشدة وكانت تشعر بالڠضب وقالت بنبرة غاضبة
اوك اوك يا مراد
فظل إياد ينظر لها وهو لا يفهم شئ وحدث نفسه قائلا
مرااد !!! زعلت ليه المچنونة دى !!!
وذهبت نهال من امامهما ولكن نظر إياد إلى داليا فتحدثت له داليا
كنت نستنى خااالص اليومين اللى فاتوا
فنظر لها إياد
انا كنت مش طايق نفسى خاالص يا داليا اټصدمت باللى حصل لأبويا تعبت اووووى فى الشغل كنت عاوز اعوض الخساير
وهو ايه اللى حصل ل عامر بيه انا معرفش
نظر لها بإستنكار قائلا
معقول !! يعنى عايشة معانا ومتعرفيش !
مش كده بس انا معرفش ايه السبب
وانا لو قولتلك السبب هتعملى ايه يعنى
مش يمكن الاقيلك حل
فأبتسم إياااد
بصراحة يا داليا كده اللى حصل لبابا ان التصاميم بتاعتنا بتاعت الأثاث اللى كنا هنديه لمعارض العزبى اتسربت
وده حصل ازاى 
مش عااارف بس اكييد حد من الشركة اللى عمل كده انا براقب كل السيديهات الخاصة بمكتب بابا عشان ممكن توصلنى لحاجة
عشان كده عااامر بيه اتقبض عليه
طبعااا البضاعة اتغشت يا داليا واتسرقت بس انا فكرت فى فكرة ممكن انقذ بيها والداى
لمعت اعين داليا قائلة
هتقولى عليها ولا هى سر
ابتسم إياد بخبث قائلا
وانا اقدر اخبى عليكى حاجة يا دودو ده انتى اللى فى القلب
أبتسمت داليا
بس هفضل طول عمرى خدامة فى نظرك مش هتجوزنى فى يوم
لا ازاى بس انا لو الموضوع ده اتحل هنتجوز
بجد
اه بس فى السر انتى عارفة لو يسرية هانم شمت خبر انتى هتضيعى للأبد وانا خاېف عليكى يا روحى
مش مهم المهم ابقى جنبك
فأبتسم لها فتابعت داليا
طب قولى بقى هتعمل ايه 
بس الموضوع ده سر محدش يعرفه
سرك فى بير يا إياد بيه
انا طلبت من المصمم بتاع الشركة يعملنا تصاميم جديدة وفريدة من نوعها وهعرضها ع العزبى واكييد هو هيوافق انا خليت اكبر مصممين الشركة يتولوا الموضوع ده وحتى لو موفقش كونه يشترى التصاميم من عندنا مكسب لينا كبييير 
اهاااا بس تفتكر ان ممكن العزبى باشا يوافق يرجع الثقة بينكوا بعد ما انكسرت كده
مفيش حاجة بعيد عن ربنا ٠٠ وهو هيتهبل ع التصاميم دى اكيييد
اه 
عموما انا هطلع انام انا تعباااان اووووى دلوقتى
ثم أبتسم لها إياد وتابع قائلا
اخلص بس من الهم اللى فوق دماغى وافوقلك يا قمر
فأبتسمت داليا
تمام
تركها إياد وصعد غرفته وكان سيفتح باب غرفته ولكنه تذكر ان نهال غاضبة منه ولا يدرى السبب فذهب إلى غرفتها وطرق باب الغرفة كانت نهال فى ذلك الوقت تشعر بالڠضب ولا تدرى ما السبب وحين سمعت صوت الباب قالت
مين 
انا إياد يا نهال
فشعرت نهال پغضب شديد يعتريها ثم أرتدت اسدال طويل وفتحت الباب وهى ترمقه پغضب
عاوز ايه 
ممكن نتكلم
مفيش كلام بينا
مالك فى ايه مش احنا اتفقنا لما تقوليلى مراد هفهم انك زعلانة زعلتى ليه طيب انا معملتش ليكى حاجة
ظلت ترمقه بشدة
لا انا اتلغبطت فى اسمك نسيته هزعل منك ليه انت اقل من انى ازعل منك واحطه فى دماغى
ظل إياد ينظر لها وابتلع ريقه
انتى متأكد من كلامك ده 
ايوة
ماشى يا نهال بس افتكرى اللى قولتيه ده
ثم تركها وذهب إلى غرفته ظلت نهال تنظر له بشدة ثم نفخت وقالت
يوووووه بقى انت اصلا قليل الأدب وسااافل ومش هتتغير وكل ما احس اننا ممكن نكون friends بتثبتلى العكس
وأغلقت باب غرفتها بشدة وهى غاضبة ٠٠
فى الصباح كان رامى فى مكتب عاصم وعلى وجهه سعادة كبيرة
حصل يا باشا اللى احنا عاوزينه
ايه 
كمال الدسوقى مدير اعمال العزبى باشا كلمنا عشان نتعاقد معاه
طب مجهز التصاميم الجديدة
طبعااا يا باشا وهعرضها عليه
فأبتسم عاصم بسعادة
دخلت نهال مكتب عامر عمها ووجدت إياد ظلت تنظر له بحدة ثم تحدثت بجدية
ناوى تروح فين النهاردة هتروح معايا عند النجاريين
اه بس بعد ما اخلص شغل
نظرت له بعدم فهم
شغل ايه ده 
شغل كده ورايا
احنا شركا فى كل حاجة لازم افهم
فنظر لها بشدة
ماهو لو احنا شركا زى ما بتقولى لازم يبقى فى بينا احترام لكن مفيش واحد يقول لشريكه انت اقل من انى ازعل منك
فأبتلعت نهال ريقها
عشان انت مش هتتغير
فنفخ إياد وقال بصوت مرتفع قليلا
انتى عاوزة ايه يا نهال منى 
شعرت بالخۏف قليلا من نبرة صوته ثم قالت
ولا حاااااجة انا غلطانة
ثم توجهت نحو الباب وذهبت للخارج ٠٠
بينما كانت سما فى مكتبها تجلس وترى التصميمات التى لم تنتهى بعد وتحاول ان تكمل ما عليها فدخل عليها أدم
عاملة ايه فى الشغل 
محتاسة جدااا
نظر لها بقلق قائلا
لييه بس 
استاذ رفعت طالب منى شئ شبه مستحيل
انك تكملى تصميمات المهندس على
بالظبط انا هعرف دماغه منين خصوصا
ان التصميم كان لسه فى بدايته بصراحة بحاول افهم هو كان ناوى يعمل ايه بس مش قااادرة
انا اصلا مش مرجح الفكرة دى بس انا عااارف دماغ ابويا ابويا عارف ان على سابه فى وقت هو محتاجه فيه فعاوز ېحرق عليه التصميم عشان ميستخدموش فى شركة تانية
انا عندى تصاميم جديدة ومبتكرة ومتعملتش فى مصر قبل كده ولا فى اى حتة بس لو استاذ رفعت يدينى فرصة
تحدث أدم بثقة
اعملى اللى انتى عاوزه يا سما
اجابت سما معارضة
يا سلااام عشان استاذ رفعت يهزقنى
يا بت انا مديرك محدش يقدر يهزئك غيرى
فرفعت سما احدى حاجبيها فأبتسم أدم
يا مچنونة افهمى انا هكلم بابا وانا واثق فيكى وواثق انك بتتعملى بسرعة
بجد يا أدم !! اقصد يا استاذ أدم
فنظر لها أدم وابتسم
قولتلك انا أدم بالنسبة ليكى وبس مش عاوز اسمع استاذ دى تانى
فأرتبكت سما
اه اه طيب عموما بلغنى لما تقول لأستاذ رفعت
ماااشى يا تقيل
فشعرت سما بتوتر كبير فنظر أدم فى عيناها
من زمان نفسى اسألك سؤال 
تحدثت سما بجدية
ايه 
عينك دى عسلى طبيعى كده ولا انتى حاطة عدسات لاصقة
فنظرت لأسفل وشعرت بالخجل وقالت بلهجة شبه آمرة
ادم ع مكتبك
فأبتسم أدم
انا المدير ع فكرة
فنظرت له ورفعت حاجبها فتابع
اهااا امال ايه اى حد هنا يسمع كلامى بس انا محدش يمشينى الا سمااا
فتحدثت سما بنبرة صوت عالية قليلا
اااادم
انا داخل مكتبى اهو بطلى قلة ادب بقى البنات الفاضية دى اييه اول مرة تشوفى واحد امور معندكيش اخوات ولاد يا شيخة
فإبتسمت له وهزت رأسها بإسى وهى تقول
ربنا يهديك
فكان أدم على وشك ان يدخل مكتبه فإلتف ونظر لهااا قائلا
ياااارب 
ظهر على وجهها ابتسامة خاڤتة فدخل هو مكتبه وابتسم ايضا ٠٠
بينما كان إياد فى مكتبه يفكر فى نهاال فقرر ان يذهب لها لكى يطمئن عليها وما إن وصل إلى مكتبها وفتح باب المكتب وجدها تنظر للنافذة وهى حزينة فقال بصوت هادئ
نهال
فحين سمعت صوته نهال مسحت دموعها بإنمالها ونظرت له ولكن اثار دموعها وعيناها الحمراء مازالت تبدو على وجهها فقالت بصوت خاڤت
نعم
فنظر لها إياد ووجد عيناها تبدو محمرة واثار للدموع بهما
انتى كنتى بتعيطى !!!
فإبتلعت ريقها ثم قالت بكذب
ا ٠٠ ابدااا
انا مش عاوزك تزعلى منى خااالص انتى اللى نرفزتينى بكلامك امبارح
وانت كمان ضايقتنى انا كنت مبسوطة انك بطلت تكلم بنات وبقيت بتاع شغل وبس
وانا صدر منى ايه غير كده يا نهال !
تحدثت نهال بعصبية
امبارح انت والزفتة اللى اسمها داليا دى انت حتى طلعتنى انام عشان يخلالك الجو معاها
اڼفجر إياد ضاحكا ثم قال
انتى مجنوووونة افهمى يا نهال
فإلتفت نهال للإتجاه الاخر وهى تشعر بالڠضب فمسك إياد يدها وجعلها تنظر له
اسمعى قبل ما تظلمى
سيب ايدى
ترك يدها وتكلم
اسمعى انا من اول ما جت داليا دى وانا مش مرتاحلها وكنت بشوفها وهى بتحاول تغرينى وعشان كنت صايع زى مانتى بتقولى قلت اتسلى شوية بس امبارح واحنا بنكلم ع ان التصاميم مخرجتش من البيت فمعنى كده اللى اخد التصاميم حد من البيت مش من بارة لأنه خدها ورجعها تانى 
فإنتبهت نهال لحديثه
يعنى ايه 
فى مرة كنت راجع البيت وداخل المكتب ولاقيت داليا جو فى مكتب بابا
انتى !! انتى بتعملى ايه هنا 
ارتبكت داليا قليلا ثم قالت
إياد بيه !! ابداا انا بنضف المكتب
دلوقتى !!!!
ايوة حضرتك عارف اوامر يسرية هانم بقى اعمل ايه 
فإبتسم إياد واقترب منها
بس ايه الحلاوة والجمال ده
فأحمر وجه داليا خجلا مصطنعا
إياد بيه مينفعش كده
فإقترب منها وهو يقول
امال ايه اللى ينفع بس
وحاول ان يمسك يدها فركضت داليا نحو الخارج وهو ظل ينظر لها ووضع يده خلف رأسه وهو يقول
امووووت