يسرية من 9-13

فقد كان إياد نائما على فراشه ينظر بشرود لسقف الغرفة ويبكى فى صمت ولا يجيب على اتصالات احد حتى اغمض عينه ارهقا من التفكير
وفى الصباح ارتدت نهال ملابسها وقررت أن تذهب إلى شركة العزبى ثم طلبت من السكرتير أن تقابل المدير فدخل السكرتير ليبلغ مديره بوجود نهال بالداخل وماهى الا دقائق معدودة حتى دخلت نهال ووجدت المدير يجلس فنظر لها فقالت 
السلام عليكم
وعليكم السلام
فأبتلعت نهال ريقها فتابع المدير
انتى جاية عشان تدفعى الشرط الجزائى 
مش بالظبط
فرفع المدير حاجبه
امال ايه 
يا استاذ كمال انا بس عاوزك تسمعنى
خييير
فأبتلعت نهال ريقها
انا عارفة ان ميعاد التسليم فات بس حضرتك لازم تتأكد ان لما روحت المخازن البضاعة كانت سليمة والخشب كان كويس جداا
نظر لها بسخرية قائلا
امال ايه اللى حصل فجاءة بقى اسوء انواع الخشب
انا عارفة ان كلامى مش مقنع بس البضاعة اتغيرت ازاى وامتى انا مش عااارفة
انتى عاوزة ايه 
دى مش اول مرة تتعاملوا معانا
دى حقيقة
بس دى اول غلطة نقع فيها
ودى مش غلطة هينة لما يبقى الناس شافت التصاميم ومنقية البضاعة يجى من شهر واجى اخد منكم بضاعة متنفعش ومتكسرة ولا تصلح دى خسارة كبيرة لشركتنا
وخسارة لينا اكبر
انتى عاوزة ايه يا نهال 
اسبوعين تدينى مهلة اسبوعين بس وهعملك نفس البضاعة بإجود انواع الخشب
والبضاعة اللى كانت بتتعمل من شهريين هتلحقى تعمليها فى اسبوعين وبعدين المبدأ مرفوض انتوا ادفعوا الشرط الجزائى وكل حاجة انتهت بيين الشركتين
انا كل اللى طلباه اسبوعين بس مهلة ونفس البضاعة هتيجى لحضرتك وييقى فى سرية تامة بالصفقة دى عشان ابين لحضرتك انى فى حد عاوز يوقعنا فى السوق فظل كمال ينظر لها بشدة وفكر قليلا ولكنه ما لبث إن قال
انا مقدرش اديكى قرار بده انا اه مدير الشركة بس الرأى الأول والأخير لل العزبى بيه
تمام خد رأى العزبى بيه وبلغنى اعتقد اسبوعين مش مهلة كبيرة الضغط كله هيبقى ع المصنع بتاعنا
تمام
عموما انا هستأذن دلوقتى بس هستنى رأى سعادتك فى اقرب وقت
تمام
خرجت نهال وقررت ان تذهب للشركة ودخلت مكتب عمها لتبحث عن اوراق فوجدت إياد فى المكتب فظلت تنظر له وهى لا تصدق انه بالشركة
انت ٠٠ انت بتعمل ايه هنا 
انا همسك الشركة ولازم اعرف مين اللى عمل كده فى بابا
فظلت تنظر له وهى لا تصدق 
طب حيث كده انت لازم تعرف باللى فى دماغى
خيير
انا روحت لشركة العزبى وطلبت يدينا مهلة أسبوعين وهنديله نفس البضاعة بأدود انواع الخشب خلال الأسبوعين دول
نظر لها إياد بشدة ثم تحدث پغضب شديد
انتى مچنونة يا نهال كان فين عقلك اللى بتقوليه ده مستحيييل فاااهمة يعنى ايه انتى كده ورطتى الشركة زيادة مش حليتى الموضوع
اسمعنى بس
تحدث إياد بضجر
اسمع ايه واهبب ايه انتى مجنوونة هنلحق نسافر امتى دمياط ونجيب نفس الخشب
المخزن فيه خشب من دمياط يكفى الطلبية دى عمى كان جايب كمية اخشاب كبيرة
فنظر لها بشك
حتى لو ٠٠ اسبوعيين ايه ده لو اشتغلوا ليل ونهار مش هيكفى
بس ده هيكلفنا اقل بكتير من الشرط الجزائى
ده لو اللى بتقولى عليه حصل خلال اسبوعين بس ده مسحيييل
مستحيييل يا نهال
انا هضاعف عدد النجاريين بتوع المصنع
وهنجيب منين نجاريين بس وبكفاءة عالية زى بتوع المصنع
عمى عنده 3 مصانع هجيب كل النجاريين اجمعهم ليل ونهار يشتغلوا
ده اڼتحار بالنسبة ليهم
لازم نعمل اى حاجة انت مش متخيل لو دفعنا الشرط الجزائى هتفلسوا ادعى بس ان العزبى يوافق
تنهد إياد ودخل عليه سكرتير المكتب
إياد باشا سواقيين العربيات اللى نقلوا الطلبية قاعدين بارة
دخلهم بسرعة
فخرج السكرتير لأحضارهم بينما نظرت له نهال
انت ناوى ع ايه
هتعرفى
دخل مجموعة من السائقين فنظر لهم إياد بحدة قائلا
انا عاوز اعرف بقى الطلبية ازاى اتغيرت وازاى نقلتوا بضاعة تانية
فأرتبك السائقين وتكلم احدهم
دى البضاعة اللى كانت فى المخزن اخدنها زى ماهى
ازاى يعنى بابا بنفسه راجع الطلبية يومها بليل وانتوا استلمتوها الصبح
فرد سائق اخر
يا باشا ده اللى لاقناه ساعتها قلت لبتاع الأمن ان الخشب خفيف واحنا بننقل
قال انه بيتهئ لينا
فعض إياد شفتاه ونظر ل نهال التى بادلته نفس النظرة فتحدثت نهال قائلة
احنا لازم نروح للمخزن ونفهم ايه اللى حصل بعد مانا وعمى رجعنا الطلابية بليل
يلا يا نهال
استقلت نهال السيارة مع إياد ونظرت له وهى تقول
مكنتش اعرف ان ممكن يطلع حد مسئول من master loser
فأبتسم إياد رغم عنه
انتى مقربتيش منى عشان تعرفينى كويس يا نهال
بس متنكرش انك حد مستهتر وبتاع بنات 
هز كتفاه بلا مبالاة قائلا
الناس هى اللى عايزة تاخد الفكرة دى عنى
يا سلاااام وليه مش بتقول انت اللى بتدى الفكرة دى للى قدامك
صمت قليلا إياد ثم هز رأسه
صح معاكى حق
يعنى انت قاصد توصل الفكرة دى للكل
تحدث إياد ببرود
ايوة يا نهال
طب ليه !!
اعتقد ان ده مش وقته نكلم فيه
فأبتلعت نهال ريقها ثم قالت
صح
وصل كل من إياد و نهال للمخزن نظر لحراس الأمن الذى بدوا متوجسين حين رأئوا كلا من نهال و إياد فنظر لهم إياد بشدة وقال بصوت عالى
انا عاوز اعرف بالتفصيل ايه اللى حصل عشان انتوا مرفوديين كلكوا من اصله ومينفعش تشتغلوا هنا تانى
فأبتلع افراد الأمن ريقهم وقال احدهم
يا باشا اللى حصل ان يومها بليل 
توقف حارس الأمن عن الحديث خوفا من نظرات إياد فقال إياد پغضب شديد
ايوة كمل بسررعة قبل ما افقد اعصابى
ابتلع الحارس ريقه ثم قال
فى اتنين جولنا بليل وكان معاهم اكل وقالوا ان عامر باشا باعت لينا العشا ده احنا مستغربناش لأن ساعات فعلا عامر بيه بيبعت لينا واجبات من فترة للتانية
وبعدين
كلنا الأكل من هنا ونمنا صحينا بعدها
بساعتين كده مجاش فى دماغنا اصلا ان الأكل ممكن يبقى فيه منوم احنا قولنا يمكن تقلنا فى الأكل مش اكتر
انتوا اغبياااا كان لازم تبلغوا اى حد باللى حصل
فرد شخص اخر
يا باشا افهم ساعتها دخلنا نطمن ع البضاعة لأقنها موجودة زى ماهى فى اماكنها فإستبعدنا ان ممكن يبقى حرامى مثلا مكنش فى حاجة مسروقة 
واما السواق قالكوا ان الخشب خفيف
برده يا باشا احنا حسينا ان الخشب خفيف واحنا شايفين السواقين بتنقل البضاعة بس برده قلنا يمكن الطلبية كده خصوصا مش احنا اللى شلناها اصلا اللى بيشيل الطلبيات السواقيين والمساعديين بتوعهم 
فنفخ إياد فقال احد افراد الامن
يا باشا احنا ملناش ذنب احنا ع طول شايفين شغلنا ع اكمل وجه و 
فقالت نهال
متخافوش انتوا مش مرفوديين ولا حاجة ومن هنا ورايح كل يوم ليكوا واجبات اكل هتستلموها من شخص بعينه انا هعرفكوا عليه ولو اى حد تانى مهما كان جاه وادكوا اى اكل غير الشخص اللى هعرفكم بيه مش هيحصلكوا كويس فاااهمين هقدم فيكوا بلاغ كلكوا
فقال احدهم
ربنا يخليكى يا هانم احنا اتعلمنا من غلطنا احنا يعنى مش مبسوطيين باللى حصل ل عامر بيه بس ڠصب عنا بجد مكنش فى اى حاجة مسروقة هنعرف منين بس ان فى حد دخل المخزن وغير البضاعة ببضاعة من نفس الشكل وكل حاجة
فنظرت نهال إلى إياد
التصاميم
فنظر لها إياد
تصاميم ايه 
تصاميم البضاعة حد خدها ونفذ بضاعة بخشب جودته زى الزفت ده يعنى فى حد فى الشركة اداهم التصاميم
فمسك إياد رأسه وفكر قليلا ثم قال
فى كاميرات مراقبة اكيد مش كده
اكييييد
احنا هناخد كل الفيديوهات اللى كانت خلال الشهر ده
دول كتييير جدا
عندك حل تااانى ما لازم نوصل للى عمل كده
تمام يلا بينا ع الشركة هنروح لأوضة الكاميرات وناخد السديهات
تمام
وفى المساء كانت نهال فى المطبخ تصنع كوبين من القهوة ثم دخلت على غرفة المكتب وجلست هى و إياد يشاهدون السيدهات الخاصة بكاميرات المراقبة وكانوا يجلسون على اريكة ما بجانب بعضهم ويضعون اللاب على منضدة امام الأريكة ينظرون إلى الفيديوهات تثئابت نهال وهى تقول
ده خامس سيدى نشوفه ومفيش اى حاجة
لسه بدرى يا نهال لو تعبتى اطلعى نامى انتى
انت كمان لازم تريح نفسك انت صاحى من بدرى
هو شكله مفيش نوم اليومين اللى جايين دول
لا ازاى انت لازم تريح نفسك
قومى يا نهال
لا هقعد معاك لحد ما تخلص ونطلع ننام مش هسيبك
متنشفيش راسك انا مش هنام
مش هينفع لازم تنام كويس احنا الايام دى صعبة ولازم
اعصابنا تبقى هديه
بس
مبسش انت لازم تسمع الكلام
فى تلك الاثناء كانت يسرية واقفة عند باب المكتب تنظر لهما وهما يتحدثون بغيظ فهى لا تريد لإبنها ان يكون على علاقة ب نهال ٠٠
الحلقة الثانية عشر
فدخلت يسرية لداخل غرفة المكتب ثم تحدثت بشئ من الحدة
انتوا ايه اللى مسهركوا لحد دلوقتى
فأرتبكت نهال فنظر إياد لوالدته
بنحاول نلاقى حل للمشكلة اللى حصلت لبابا
دلوقتى !!!
اجاب إياد بضيق
وهو مطلوب وقت معين لحل المشاكل !!
فنظرت يسرية ل نهال فشعرت نهال بالقلق والخۏف ثم قالت
انا هطلع انام طنط معاها حق
فنظر إياد إلى نهال
اوكيه
خرجت نهال بينما نظرت يسرية بشدة إلى إياد
مش قولتلك تبعد عن البنت دى
ماما دى بنت عمى
دى مش محترمة
شعر إياد بغيظ شديد
ماما لاحظى انك بتكلمى ع بنت عمى
وهو فى واحدة محترمة تبقى مخطوبة لراجل وسهرانة مع راجل تانى
احنا مكناش قاعدين نهزر احنا قاعدين بنشتغل
انا مش عاوزك تشتغل معاها شايف من ساعة ما اشتغلت مع ابوك دخل السچن ع طول
وهى ذنبها ايه يا ماما بس
اكيييد هى السبب معتقدش ان الموضوع جاه صدفة
ماما انا تعبان وهطلع انام ومش فايق للكلام ده
براحتك بس قلت اللى عندى
ماشى يا ماما
فى الصباح كان كمال يجلس مع العزبى فى مكتبه يحاول اقناعه بما قالته له نهال
زى ما بقول لحضرتك
ضحك العزبى كثيرا قائلا
البنت دى مچنونة وهتقدر تنفذ طلبية زى دى فى اسبوعين
حضرتك شايف نديها فرصة ولا نقولهم اننا عاوزيين الشرط الجزائى
فكر العزبى قليلا
المشكلة ان عامر عمره ما عمل فينا حاجة زى كده
هى بتقول اكيد فى حد ليه مصلحة
عموما قولها ماشى انى موافق رغم انى عارف ان ده جنان بس الصفقة الجديدة اتفق فيها مع عاصم البنهاوى مقدمناش غيره فى السوق وانا مقدرش اعتمد ع كلام البنت المچنونة دى بس 
حضرتك معاك حق
تمام
عموما انا هبلغها بالكلام ده
جلست نهال فى مكتبها ومعها إياد وكانت تشعر بتوتر كبير فنظر لها إياد مستفهما
مالك 
مدير العزبى متصلش بيا
يا بنتى اكيييد هيرفض الشرط الجزائى عنده احسن
تحدثت نهال بغيظ شديد
بس ده مش عدل احنا اتعاملنا معاه كتير
فى تلك الأثناء رن هاتف نهال فنظرت للهاتف ووجدت ان المتصل كمال
هو هو انا هرد اهو
فنظر لها إياد وهو يهز رأسه فأجابت نهال على الهاتف
ايوة يا كمال يا بيه
انا كلمت العزبى ووافق ع العرض
بجد !
ايوة شدى حيلك انتى وورينا الهمة
بس ارجو من سيادتك ان الموضوع ده يبقى سرى ومحدش يعرفه عشان ميحصلش زى ما حصل قبل كده
إن شاء الله
واغلقت نهال الهاتف ونظرت ل إياد
وافق يا إياد العزبى وافق
فرفع إياد حاجبه
ايه 
وافق خلاص
انتى كده ورطينا
ولا توريط ولا حاجة احنا لازم نجمع النجاريين كلهم ونتفق
تمام احنا هنعدى ع مصنع مصنع ونكلم مع كل النجاريين وبعدين هما يتجمعوا فى المخزن
تمام
كان أدم يجلس فى مكتبه فدخل عليه رفعت والداه يبدو على وجهه العبوس
خير يا بابا
كنت جاى اعرف زميلتك دى هتيجى امتى 
الأسبوع اللى جاى إن شاء الله بتسأل ليه 
مفيش عندى عجز فى المهندسين حصلت مشاكل كده ومن ال CV بتاع زميلتك عرفت انها الأولى ع دفعتك فمش هتاخد وقت كبير فى التدريب إن شاء الله
تحدث أدم بهدوء
متقلقش يا بابا كلها بتاع 5 ايام وتيجى مش حاجة يعنى
تمام
كان إياد مع نهال فى احدى المصانع متجمعين مع جميع النجاربين وكانت نهال تقص عليهم ما حدث
بصوا بقى احنا فى حد عاوز يغطى علينا فى السوق وعمل كده عشان احنا نخسر بس لحد دلوقتى مش عارفة احدد انى منافس لينا عمل كده لو عمى دفع الشرط الجزائى فى ناس كتيير هتمشى من المصانع وانا مش عاوزة كده
فرد احد النجاريين
واحنا مطلوب مننا ايه 
مطلوب مننا نعمل نفس البضاعة بنفس الجودة الأولى خلال اسبوعين
نظر النجاريين إلى بعضهم البعض وهم يهمهون بالكلام وبالرفض وبأستحالة أن يحدث هذا فنظر لهم إياد
افهموا بس احنا بنعمل كده مش عشانا بس لا عشانكوا كمان عشان ننقذ ابويا من السچن اللى فيه وعشان مندفعش كل المبلغ ده اللى هو اضعااف اضعاااف اضعاااف اللى ممكن يكلفنا لو عملنا البضاعة من اول وجديد و العزبى وافق بكده فدى فرصة لازم نستغلها
فنظر له احد النجاريين
بس ده مستحيل يا باشا
تحدث إياد بصرامة
نشتغل ليل ونهار نعمل كده بس عشان المصانع ترجع فيهم الثقة من اول وجديد احنا لو معملناش كده هنضطر نضحى بمصنعين بالعمال اللى فيهم حد مستعد فيكوا يسيب شغله 
نظروا إلى بعضهم البعض ولم يردوا بإى اجابة فتابع إياد
يبقى نحط ايدينا فى ايد بعض ونستحمل الأسبوعين دول عشان محدش يسيب مكانوا مننا
صمت إياد قليلا ثم قال
انا هخرج انا و نهال نسبكوا تتكلموا شوية وتاخدوا رأى بعض ولما تتفقوا بلغونا
فخرجت نهال مع إياد وجلسوا فى مكتب بالخارج بمفردهم فنظرت له نهال وابتسمت
انا مبسوووطة اوووى انك بقيت تتحمل المسئولية كده انا مش حاسة انك إياد بتاع زمان
كان إياد يجلس وهو ينظر ﻹسفل فرفع عينه ببطئ لها ونظر لها نصف نظرة
انتى
ليه مش قادرة تفهمى انى بنى ادم ليا عيوبى وليا مميزاتى برده
فأبتسمت له
انا كنت ظلماك
مش مهم
ثم تابع بأهتمام
عاملة ايه مع أمجد ٠٠ مبسوووطة 
كنت مبسوووطة فى اول اسبوع خطوبة لكن بعد اللى حصل مضايقة ومش قااادرة احدد اى حاجة معاه دلوقتى
نظر لها بعدم فهم
ليه كده !
مقصدش اللى فهمته انا بحب أمجد بس انا مش بعرف اعبر اقصد مادام مضايقة باللى حصل لعمى يبقى مش هعرف احس بالحب غير لما الموضوع يخلص
فإبتسم إياد
بس الحب ملوووش دعوة 
مانا قلت بحبه بس مضايقة ومشغولة ومش عارفة ابقى معاه
اه اوك 
فخرج النجاريين من المكتب الأخر وقالوا
موافقين نقدر نستلم الشغل ده من النهاردة لو تحبوا
ابتسم إياد و نهال وهم ينظرون إلى بعضهم البعض وقال إياد
تمام جدا تقدروا تروحوا للمخازن من النهاردة واكلكوا وشربكوا وكل حاجة مسئولة مننا ومش هنسبكوا انا دايما بإستمرار إن شاء الله هعدى عليكم
تمام يا باشا
فقالت نهال
بس الموضوع ده يبقى بسرية تامة ومش عاوزيين حد يعرف
تمام يا هانم
بعد ان انتهت نهال من العمل كانت تجلس فى غرفتها اتى لها اتصال من أمجد فأ
جابت على الهاتف
الو
اجاب أمجد بأشتياق
اخيرااا يا نونا ٠٠ وحشتينى اوووووى يا نهال
انت كمان يا أمجد وحشتنى بس انت عااارف الظروف
عاارف يا حبيبتى ومقدر بس ممكن بقى اشوفك عاوز نتعشى سوا
ابتسمت قليلا قائلة
تمام ع الساعة 8 كده نتقابل
اوك
كانت سما تجلس فى غرفتها فدخل عليها عادل فقد شعر بتغير حالها وانها لم تعد تمزح معه كما كانت نظر لها وبدء بالتحدث
انا حاسس انك مضايقة وع طول ساكتة
نظرت له مستفهمة
ليه بتقول كده يا بابا
مش عااارف انا شايف كده صامتة وفى اوضتك ع طول
صمتت سما وتذكرت انها تريد ان ترى ادم فتنهدت وصمتت
ده ملل عشان القعدة فى البيت بس إن شاء الله لما هنزل الشغل بداية الاسبوع اللى جاى اكييييد هبقى احسن متقلقش انت يا بابا
بس متنسيش هتدربى فى شركتى برده
نظرت سما إلى والداها بإستعطاف قائلة
بس مش من اول اسبوع كده يا بابا
ابتسم والداها قائلا
ماشى يا ستى
فأبتسمت سما لوالدها
ارتدت نهال فستان لونه ازرق يحيطها من الخصر شريط لونه ابيض وفوقه حجاب لونه احمر و فى تمام الساعة السابعة ذهبت إلى حيث ينتظرها أمجد فوجدته ينتظرها وجدته جالس على احد الطاولات فذهبت إليه وتحدثت قائلة
قاعد من بدرى 
فنظر لها بشوق شديد
وحشتينى اوووى يا نهال
فإبتسمت له
انت كمان
وجلست بجانبه
احكيلى بقى اخبارك ايه 
ولا حاجة الشغل ٠٠ وانتى 
انا كمان الشغل بس تعرف إياد اتغير اوووى بقى حد مسئول وحاسة فعلا انه عاوز يظبط المصانع ويرجعه تانى وينقذ عمو عامر
شعر أمجد بسعادة لتحمل صديقه المسئولية
بجد !
ايوة
عموما إياد مش مستهتر ولا