يسرية من 9-13
المحتويات
احد فتابع إياد
يعنى لازم تخرج
ايوة
طب خلاص ماشى مع انى مكنتش ناوى اخرج بس هجيلك بس مش هنقعد كتير ساعة كده
تمام انا مش عاوزك اكتر من كده
تمام هقابلك فى كافيه بعد ساعة إن شاء الله
اوك
اغلق إياد الهاتف ونظر لوالدته
انا هقوم عندى ميعاد مع صحبى
مش قلت هتقعد معانا النهاردة !!
هشوف بس الزنان ده عاوز ايه وارجع
تمام يا حبيبى
وبعد ساعة كان أمجد ينتظر إياد فى الكافيه فأتى إياد من خلفه ووضع يده على كتفه
ده ايه الانتظام ده كله للدرجة دى وحشك
فأبتسم أمجد
بصراحة عاوزك فى موضوع
موضوع ايه خير
وجلس إياد فظل امجد متوتر فرفع إياد حاجبه
مالك يا وااااد ما تنطق
طيب طيب يا ساتر بص يا سيدى انا قررت اتجوز
فنظر له إياد
ومين تعيسة الحظ دى
فأبتسم امجد
بص بصراحة كده انا عاوزك تكلملى عمى عامر عشان عاوز اقابله
فرفع إياد حاجبه
ما تقول يا بنى فى ايه ! انا مش فاهم حاجة
ماهو تعيسة الحظ دى تبقى نهال بنت عمك
فرفع إياد حاجبه
انت بتقول ايه !! ازاى يعنى
انا بحبها اووووى يا إياد وعاوز ارتبط بيها فعلا وعشان تعرف انى فعلا بحبها انا بس كلمتها النهاردة وخدت رأيها ولما حسيت انها موافقة ومش معارضة قلت اكلمك ع طول تكلم عمو عامر عشان كل حاجة تبقى ع نور
كان إياد يشعر بالضيق وهو يقول
نهال موافقة عليك انت وبتقابلوا بعض فين
فى النادى وانا قلت بس اخد رأيها ٠٠ هو فى حاجة يا إياد انت مش موافق
فأبتلع إياد ريقه
لا وانا مالى اصلا انا هكلم بابا وشوف انت عاوز تيجى امتى
تمام من بكرة إن شاء الله الميعاد اللى يناسبوا
تمام انا هكلم بابا وهبقى ارد عليك
تمام
طب انا هروح بقى عشان اقول لبابا ومحتاج انام كمان
تمام يا إياد
انصرف إياد وكان يقود سيارته وهو يشعر بالضيق ويحدث نفسه
يعنى هى موافقة ع أمجد !!
تنهد قليلا ثم تابع
طب وانت مالك ما تحبه ولا تتنيل معاه انا مالى متضحكش ع نفسك يا إياد انت كنت ابتديت تعجب ايوة كنت ابتديت ابتديت لكن ما أعجبتش بيها انا مالى اصلا
وصل إياد إلى المنزل كان سيدخل على مكتب والده ولكنه قرر ان يتحدث معها فى البداية فصعد ناحية غرفتها كان سيفتح باب الغرفة لكنه تراجع وظل يطرق باب الغرفة فردت نهال من الداخل
ثوانى
وارتدت نهال الحجاب ثم فتحت الباب فنظر لها إياد وابتلع ريقه فظلت نهال تنظر له
فى حاجة !
عاوز اتكلم معاكى 10 دقايق
طب اتفضل
فدخل إياد الغرفة وتركت نهال الباب مفتوح وجلست بجواره
خييير
انتى انتى بتحبى أمجد
فأحمر وجه نهال ونظرت لأسفل
ايه اللى بتقولوا ده !
فعقد إياد حاجبيه ثم تابع
امممم شكلك بتحبيه انا بس قلت اتأكد قبل ما اقول لبابا اصل امجد كلمنى النهاردة عشان عاوز يخطبك رسمى
امممم طيب
فنظر لها إياد وعض شفتاه بغيظ ثم قال
طيب انا هروح اقول لبابا
اوك
ظل ينظر لها بشدة وشعر بالضيق فقد كان يريد ان يسمع رفضها وبشدة او معارضتها فى ان يتحدث مع والده ولكنه خرج خاارج غرفتها وهبط بالأسفل ليتحدث مع والده ما أن دخل مكتبه حتى قال
بابا
خير يا حبيبى تعالى اقعد
لا الموضوع ميخصنيش كل ما فى الموضوع ان أمجد عاوز يخطب نهال
ايه !
اه فكان بيقول لو ممكن يشوفك بكرة إن شاء الله عشان يتفق معاك
امممم طيب تمام خليه يجى يقابلنى بكرة
تمام يا بابا
فى الصباح كانت نهال تعمل فى مكتبها وتشعر بالسعادة فطلب عمها ان يقابلها فى مكتبه فذهبت لكى تراه
هاااى ازيك يا عمى
ابتسم عامر ثم بدء بالتحدث قائلا
ازيك يا حبيبتى انا عارف ان ده مش مكان للكلام بس عاوز اعرف
خير يا عمو
أمجد كلم إياد انه عاوز يخطبك
فأحمر وجه نهال فتابع عمها
خلاص يا حبيبتى شكلك موافقة
شعرت بالخجل قائلة
شكرا يا عمو
فأبتسم عمها واقترب منها وقبل رأسها ٠٠
وفى المساء كانت نهاال تجلس فى غرفتها فسمعت صوت هاتفها فوجدت ان أمجد هو من يتصل
الو
ازيك يا نهال وحشتينى اوووى
ميرسى انا الحمد لله انت عامل ايه
انتى لسه مكسوفة منى يا نهال
فأرتبكت نهال
ف٠٠ فى ايه قصدى ليه بتقول كده
فأبتسم أمجد
بحب مچنونة عموما انا كلمت عمك وخطبتك والخطوبة إن شاء الله الجمعة الجاية
اتسع فم نهال دهشة ثم قالت غير مصدقة
بالسرعة دى
طبعا
بس انت مشوفتش حتى مامى ولا اتكلمت مع بابى
يا ستى ابوكى اكلمه فون ومامتك اشوفها فى اى يوم وسط الأسبوع
فأبتسمت نهال
زى ما تحب
بحبك يا نهال
اسكت بقى
مش عاوزك تتكسفى منى خاالص
طب اسكت شوية
بعد إن انهت نهالمكالمتها مع أمجد جلست فى غرفتها ففكرت ان تهبط للإسفل وان تروى أزهارها بالماء فأرتدت ملابسها وذهبت للأزهار لترويها وجدت إياد يجلس فى الحديقة على مقعد بالجوار ظلت تنظر له كان يجلس بصمت ينظر امامه لم يلاحظ وجودها ثم وجدت دمعة تنزل من عينه فرفعت حاجبها واقتربت منه وقالت بصوت عالى
مراااد
فنظر لها وعندما وجدها امامه التف للأتجه الأخر ليمسح دمعته وظلت هى تنظر له وتابعت بدهشة
انت بټعيط يا مراد
فنظر لها وهو يبتسم وقال
قولتلك اسمى إياد 100 مرة حتى أسمى مستخسرة تحفظيه
اوووه سورى بجد بنسى بحس ان مراد اسهل يا إياد
فأبتسم قليلا ونظر لها
ايه اللى مسهرك لحد دلوقتى ! الساعة 11 بليل وانتى بتنامى بدرى
نظرت له بشك ثم قالت
متغيرش الموضوع انت كنت بټعيط
انا !!! لا طبعا انتى بس اكيييد نظرك ضعيف سمعت ان اللى عيناهم خضرا نظرهم ضعيف
هزت نهال رأسها نافية وهى تقول
انا متأكدة انك بټعيط
وهعيط ليه اصلا !!
يعنى كان بيتهيئ ليا
طبعا
فعوجت فمها وظلت تنظر له ثم صمتت فنظر هو امامه فى صمت
انت كنت قاعد لما أمجد جاه
لا انا لسه راجع من بارة
بيقول خطوبتنا يوم الجمعة اللى جاية إن شاء الله
فنظر لها مطولا وهو صامت ثم ابتلع ريقه
مبروووووك ٠٠ بس مش بسرعة
انا برده بقول كده بس هو بيقول مفيش داعى نأخر مادام كل حاجة جاهزة
هز إياد رأسه بتفهم قائلا
معاه حق
فأبتسمت قليلا وقالت بصوت خاڤت
اقولك ع سر مقولتوش حتى ل أمجد
فرفع حاجبه
سر ايه ده !!!
انا بحبه اوووووى
ظل ينظر لها ثم نظر امامه وابتسم قليلا ثم قال على مضض
ربنا يسعدك
انا حقيقى بحس اننا friends وبثق فى رأيك رغم انى نفسى تبطل انك تبقى بتاع بنات
تنهد قليلا وقال
مين قالك بس انى بتاع بنات !!
فرفعت حاجبيها استنكارا
شفتك بعينى مرتين انت و داليا
مرتين !!!
ايوة فى مرة شفتك بعينى معهها فى المكتب ده غير مرة اللى ضربتك فيها بالقلم
فإبتسم سخرية من نفسه
يبقى عمرك ما هتصدقينى ٠٠ بس عموما صدقتى او لأ انا مش بلمس أى بنت حقيقى زى مانتى فاهمة
ظلت تنظر له وشردت قليلا ثم قالت بصوت خاڤت
اصدق عينى ولا اصدقك
وصل صوتها إلى مسامعه فقال
عينك طبعا
بس عندك فرصة تبطل
إن شاء الله
ثم تابع
انا هطلع انام يا نهال
براحتك انا كمان طالعة تصبح ع خير
وانتى من اهله
وتركها وذهب وهى صعدت خلفه دون ان يتكلما
مرت الأيام وتقابل أمجد مع والدة نهال التى شعرت بإنه الشخص المناسب لإبنتها وكانت سعيدة من اجلها كثيرا وجاء يوم الجمعة كانت نهال ترتدى فستان لونه فضى وكانت معاها سما فى الغرفة فى منزل عادل تضع لها المكياج وهى تقول
وااااو يا نهال اعتقد أمجد هيغم عليه لو شافك
بس يا بكاشة
طب هنشوف
فأبتسمت ٠٠
وحين وصل أمجد خرجت نهال وهى تشعر بالخجل حين رأها أمجد هكذا ابتسم واقترب منها وقال بصوت خاڤت
قولتلك قبل كده انى بحبك
اتسعت اعين نهال قائلة
ها !!!
انا بحبك اوووى يا نهال
ابتسمت ونظرت ﻷسفل فإبتسم هو لها وتابع
مش ناوية تقوليها بقى
فقالت بخجل
اقول ايه
مش متعود منك ع الكسوف ده
فرفعت حاجبها
انت كنت شايفنى بجحة
هز رأسه نافيا
لا لا مقصدش اقصد يعنى ان الكسوف لايق عليكى
فإبتسمت
ما تيجى نرقص
لا
ليه !
مش عارفة
يلا بس متكسفيش
فوقفت نهال وهى مترددة وبدأت فى ان ترقص معه فى تلك اللحظة دخل إياد كان يرتدى بذلة لونها رمادى وقعت عيناه على نهال وهى ترقص مع أمجد فأبتلع ريقه ثم نظر للسقف فلاحظ عامر ان إياد صامت فأقترب منه
مالك يا إياد
مالى ايه بس !
انت عارف انى صاحبك قبل ما اكون ابوك
طبعا يا بابا
انا حاسس ان بقالك فترة متغير
لا وبعدين ده مش وقته نكلم فيه ولا مكانه
معاك حق بس انا قلقان
متقلقش يا كبير
بينما نهال وهى ترقص لمحت إياد وهو يرتدى بذلته تلك ويبدو وسيما للغاية ويتحدث مع عمها فإبتسمت
وااااو إياد جاه
فنظر أمجد تجاه إياد وابتسم قليلا
ده ايه الشياكة اللى هو فيها دى هو جاى يقطع عليا
فأبتسمت نهال
احنا عيلتنا كلها قمامير وشيك
بقولك ايه
ايه
لمى الدور وارضى بنصيبك
فأبتسمت نهال
طب مانت امور
انا ايه !
فنظرت لأسفل فتابع أمجد
لا كملى انا ما صدقت كلمة تخرج منك
اسكت بقى
فظل يضحك عليها فأبتسمت هى ونظر إياد لهم وشعر انهم يشعرون بالسعادة فأخذ نفسا عميقا وابتعدا عنهم قليلا وبعد ذلك بدأ أمجد فى ان يضع الدبلة فى يد نهال وهى ايضا انتهى حفل الخطوبة ٠٠
ومر اسبوع ولم يحصل اى جديد فقد كان إياد
يحاول ان يتجنب رؤية نهال وكانت نهال سعيدة بوجود أمجد فى حياتها ٠٠
وفى يوم الأحد بداية عمل نهال كانت تجلس على مكتبها وتراجع بعض الأوراق حتى وجدت ضابط يدخل عليها فرفعت حاجبيها ووجدته متجه على مكتب عمها فأوقفت الضابط وقالت
لو سمحت
فنظر لها الضابط فتابعت نهال
هو فى مشكلة
مطلوب القبض ع عامر العرابى
نظرت نهال للضابط وهى لا تصدق
ايه !!!!!
الحلقة الحادية عشر
نظرت نهال للضابط وهى لا تصدق ثم تحدثت قائلة
طب ليه ايه اللى حصل
جالنا بلاغ من شركة العزبى ان البضاعة اللى لسه مستلمها امبارح كلها اتكسرت مجرد ما وصلت للمعرض والخشب مش هو النوع اللى متفق عليه
فرفعت نهال أحدى حاجبيها وكانت لا تصدق ما سمعته توا وتركها الضابط ودخل مكتب عامر والقى القبض عليه ٠٠
ظلت نهال تبكى فى مكانها ثم اخرجت هاتفها وحاولت الأتصال ب إياد فى تلك الاثناء كان إياد يجلس فى النادى حينما رأى رقم نهال حاول تجاهله ولكن وجدها تطلبه العديد من المرات فشعر بشئ ما فأجاب عن الهاتف
فى ايه يا نهال
أتى له صوت نهال وهى تبكى
الحقنى يا إياد
فى ايه انتى بتعيطى ليه
تعالى بسرعة ع شركة عمى بسرعة يا إياد
ايه اللى حصل طيب
قولتلك تعالى بسرعة ومتكلمش كتييير انا مش قادرة اتكلم
طب خلاص نص ساعة بالكتير إن شاء الله وهكون عندك
اوك
ثم خرج إياد مسرعا خارج النادى وقاد سيارته ليذهب إلى شركة والده ٠٠
فى مكتب عاصم
دخل عليه رامى وهو سعيد بشدة
اللى عاوزينه حصل يا باشا اخيراا
نظر له عاصم ببرود
خير يا زفت
عامر العرابى اتقبض عليه
فأرتسم على وجه عاصم ابتسامة عريضة
انت بتقول ايه ! حصل
ايوة يا باشا الخطة اللى عملناها نجحت واتقبض عليه
ده احسن خبر النهاردة
حط فى بطنك بطيخة صيفى يا باشا كده مفيش قدام شركة العزبى الا احنا اللى تتعامل معانا
ياااااه اخيرااا انا كنت فقدت الأمل
فأبتسم رامى
متقلقش يا باشا وانا جنبك
حيث كده هصرفلك مكافاءة كبيرة
لا يا باشا لما نمضى العقد مع العزبى الحق حق
فأبتسم عاصم
حقانى اوووى انت يعنى !!
فجابه رامى بخبث قائلا
امال ايه يا باشا
بينما كانت سما تجلس فى غرفتها تشعر بملل وكانت تقرأ فى الصفح الأخيرة من الكتاب الذى أخذته من أدم حتى وصلت للصفحة الأخيرة وانهت الكتاب ولاحظت انه يوجد خط قلم جاف على ظهر الورقة فقلبت الصفحة لكى ترى ما مكتوب بتلك الصفحة فوجدت
إلى من عشقها قلبى ولا تعرف مدى عشقى لها احبك وسأظل احبك وسأفعل ما بوسعى لتحبينى ٠٠ فقط اراقبك من
ظلت سما تنظر لتلك الكلمات وتبتسم رغم عنها وتقرأها مرارا وتكرارا وحدثت نفسها
معقول يا أدم تكون اتغيرت كده لا وكاتب كلام رومانسى كمان
تنهدت ووضعت يدها على وجنتها ووجدت نفسها تتخيل صورته فى مخيلتها وبعد بضع ثوان هزت رأسها لتستفيق وهى تقول
ايه اللى بيحصل ده !!! انا بفكر فيه ليه انا معتقدش انه اتغير اوعى تضعفى يا سما انتى عارفة أدم كويس يعمل اى حاجة بس يوصل للبنت اللى عاوزها اوعى تبقى سهلة بالنسبة ليه ٠٠
بينما وصل إياد إلى الشركة ووجد حركة فى الشركة غير عادية فصعد مسرعااا وهو يسأل عن مكتب نهال حتى وصل ودخل مكتبها وجدها تجلس وهى تبكى على المكتب فإقترب مسرعا منها
ايه اللى حصل يا نهال بتعيطى ليه كده !
فظلت نهال تبكى
عمى عمى يا إياد
ماله بابا
اتقبض عليه
فأتسعت عينان إياد
انتى بتقولى ايه !
كنا داخلين فى طلبية مع شركة العزبى الخشب اللى عمى جابه من دمياط ده احسن انواع الخشب شركة العزبى بتقول مجرد وصول البضاعة للمعرض الحاجة اتكسرت لأن الخشب جودته رديئة ده مستحيل يحصل يا إياد انا بنفسى اشرفت على البضاعة وهى بتتحط فى عربيات النقل استحالة تتكسر بالسهولة دى رفعوا علينا قضية وبالتأكيد هيكسبوها انت مش متخيل الشرط الجزائى ده اد ايه ده اضعاف اضعاف اضعاف تمن البضاعة الخسارة المادية كبيرة والمعنوية اكبر سمعة الشركة والمصنع بتوعنا هيبوظوا ومفيش اى شركة ولا معرض هيطلب مننا طلبيات
فنظر إياد ل نهال بصمت وتنهد
انا هروح لبابا
وهنعمل ايه فى الشركة !
طظ انتى اصلا ازاى تفكرى فى الشركة وابويا فى السچن
افهم يا إياد احنا لو ملاقناش حل فى الشركة ولا اثبات يثبت برائتنا عمى هيفضل فى السچن احنا مش هينفع نخرجه عمى متهم بالغش فى البضاعة ومش سهل يخرج منها الا لو لاقينا البضاعة الحقيقية اللى اصلا المفروض انها اتكسرت وانا مش قادرة اتخيل انها اتكسرت
فتنهد إياد قليلا
برده هروح لبابا مش هقدر افكر ولا اعمل اى حاجة الا لما اروح ليه
فمسحت نهال وجهها
طب خلاص هاجى معاك
فوقف إياد وخرج خارج المكتب وكانت نهال تتبعه ٠٠
بينما جلس أدم فى مكتبه يجلس ويتذكر سما وابتسامتها فأبتسم حين تذكرها وحدث نفسه وهو يرجع بمقعد مكتبه للخلف
ياا ترى قريتى الكلام ولا
لسه موصلتيش لأخر صفحة يلا كلها نهاية الأسبوع ده إن شاء الله وهنبقى فى وش بعض وهخليكى تحبينى يا سما زوق عافية هتحبينى مش انتى اللى تقولى ﻷ ليا
وصل إياد و نهال إلى قسم الشرطة وطلب إياد مقابلة عامر وجده يعرض على التحقيق فركض نحو والده
ايه اللى حصل يا بابا
فنظر عامر ل إياد
مش عاارف انا مصډوم مش ده الخشب اللى اتعملت بيه البضاعة
اومال البضاعة الأصلية راحت فين
تنهد عامر بإسى
انا مش فاهم حاجة
فقالت نهال
عمى رقم العربيات اللى نقلت البضايع لمعرض العزبى لازم نستجوب كل اللى نقلوا البضايع والحرس اللى كانوا فى المخزن
فتنهد إياد
انا مش هسيبك يا بابا لو هفضل ادور ع مين اللى عمل كده مليون سنة حتى هدور لحد ما اثبت برائتك
انا بس عاوزكوا تاخدو بالكوا من الشركة احنا كده بنقع لو مكناش وقعنا فعلا
فقالت نهال
متخافش يا عمى انا هعمل المستحيل عشان اوقف الشركة تانى ع رجلها
ثم نظرت ل إياد
هتبقى معايا مش كده
فهز إياد رأسه بالإيجاب
وفى المساء كانت نهال تجلس فى غرفتها اتاها اتصال من أمجد ففتحت الهاتف
الو
ايوة يا أمجد
اخيرااا رديتى انا قلقان عليكى طول اليوم مش بتردى ايه اللى حصل
عمى يا أمجد اتقبض عليه
صدم أمجد قائلا
ايييه !
فقصت له نهال ما حدث فشعر أمجد بالحزن
اممم و إياد عامل ايه دلوقتى
من ساعة ما رجعنا من عند عمى وهو قاعد فى اوضته معرفش عنه
انا هحاول اكلمه
انا مش عارفة اعمل ايه !!
كل حاجة هتتحل بإذن الله
ياااارب
طب اهدى ونامى دلوقتى ومتفكريش فى حاجة وبكرة إن شاء الله لما تصحى فكرى هتعملى ايه
إن شاء الله مع السلامة
مع السلامة
اغلقت نهال الهاتف ثم استلقت على الفراش وغطت فى نوم عميق ٠٠
كان أمجد يحاول الاتصال ب إياد طوال الليل ولكن دون جدوى
متابعة القراءة
