رواية اعاني الفصول الاخيرة
كشفلي وردة وخلاني ابعد عنها تفتكري كل دي صدف انا مش هطلب منك تنسي اخويا لاني لنا منستهوش ومش هنساه وربنا يعلم ان الوصل بينا لازال متصل بالدعاء والصدقات بس كل الي طالبه منك تديني فرصه متخفيش مني ولا تقلقي ولا تحسي بالذنب الي احنا فيه ده شرع ربنا وشرع ربنا بيتبني عالحب والموده وانا بحبك يارقيه بحبك من كل قلبي وعايزك تكوني مراتي وحلالي برضاكي فهماني..
ما كان من رقية بعد ان سمعت كلامه بقلبها قبل أذنيها
يونس وقد تفأجا ولكنه علم انها محتاجه لحنانه قام بتهدئتها ايه ياروكا ليه الدموع دي كلها انا جايبك هنا عشان تنبسطي مش عشان ابكيكي لو وجودي في حياتك هيخليكي تعيسة كده يبقي بلاش مني
رقية وقد رفعت راسها اليه وعينيها بعينيه تحدثه قبل صوتها يونس انا بحبك........
وفي منزل فاروق السوهاجي
الحاجة سعاد يالا يازينب يابتي مش قولنا هنروحوا لأختك
زينب حاضر انا بجهز اهه انا والعيال
آدم .صباح الخير يا قمر
الحاجه سعاد صباح الخير ياولدي مالك ياواد عنيك حمرا ليه منمتش اياك
آدم نتيجة الامتحانات بكره ياما عايز افرحكم بيا واحقق حلمي ادعيلي
الحاجة سعاد دعيالك ياولدي من قلبي ربنا ينجح مقاصدك
آدم مفيش يرزقك ببنت الحلال طيب هههههههههه
الحاجة سعاد مستعجل اياك ياواد انت لسه صغير ولا يكون ناوي تعمل زي اخواتك وتجبلي وحده بحراوية ولا يمكن أجنبية حكم انا عرفاك هتطلع لمين
آدم والله ما اخد الا الي تشاوري عليها وترضي عنها ياما انا مش كدك
الحاجة سعاد وقد انفرجت أساريرها يهديك ويراضيك ياولدي انت الي مريحني في البيت ده مش كيف اخوك الي كايدني
آدم ياما حرام عليكي والله البت غلبانه
الحاجه سعاد طب امشي من قدامي لاحسن بدل ما بدعيلك ادعي عليك
آدم لا وعلي ايه الطيب احسن هههههههههه
زينب يالا ياما احنا جاهزين
آدم انا هوصلكم
الحاجة سعاد ماشي يالا بينا...
وفي منزل خديجة
صحيح اخبار منير وشيماء ايه
بالعافيه سامحها بعد ما اهلها قالولها عيشي وانتي ساكته محدش هيتحملك بعيالك
خديجة نصيبها ربنا يصلح الحال
خديجة بس سيبك انت مكنتش متخيله ان الحجز عند الدكتور هيبقي بالسرعه دي وكمان اني الاقي رقيه فيها الخير بعتالي رساله باارقامه وعنوانه قبل ما تسافر وا فتكرتني انا شفت الرساله متاخر بس فرحت
منعم دي
تساهيل ربنا تصدقي اتفائلت لما قالنا ان في ميعاد بكره مع انه زحمه جدا
خديجة احنا يادوب نسافر ونوصل عالميعاد
منعم طب ايه هتتصلي برقية ويونس
خديجة لا طبعا ايه الرخامة دي اكيد لا احنا نشوفوا فندق قريب من الدكتور اتصل بصاحبك الي عايش هناك وخليه يحجزلنا
منعم عندك حق هتصل بيه
خديجة وهي تجهز الشنطة بقولك يامنعم انت هتقول لامك اننا مسافرين
منعم لا مش هقول لحد خالص
خديجة بس انا هتصل باامي اقولها احسن انت عارفها ههههههههه
منعم يارب
منعم طبعا انتي هتقوليلي خلاص ماشي اتصلي بيها لحد ما اتأكد من التذاكر واجيب عيش وجبن لزوم السفر
خديجة متنساش اللب بقا
منعم عنيا ياروحي
في الشاليه حيث البحر والهواء وغروب الشمس
يونس ها نمتي كويس.
رقية مش انت كنت جمبي
يونس عشان كده بطمن
رقية عايزة اقولك اني منمتش كده من وقت طويل اووووي انا فعلا برتاح معاك
يونس يابووووي علي رزقك يايونس
رقية ربنا يزيدك بس اي رزق فيهم
يونس رزقي فيكي ياست البنات انا بقولك ايه انا عايز عيال منك بسرعه قدامك ٩ شهور من دلوقتي
رقية هههههههه انت بتهزر
يونس دي مفيهاش هزار بعد ارادة ربنا اكيد
رقية ان شاء الله خي
يونس طب كلي بقا اهه مية وهوا ويونس عايزة ايه تاني
رقية ياسلام علي غرورك بقولك ايه نكلم خديجه لو تحب اشوفلها الدكتور يعني احنا كده كده نازلين نتفسح وهنبقي قريبين منه
يونس مع اني مش عايز دوشة ومش عايز غيرك من الدنيا بس وماله نروح ونحجزلهم ولو جم ياخدوا الشاليه الي جمبنا كمان
رقية حبيبي يايونس ربنا يخليك ليا
يونس حبيبي لا ده انتي تكلمي خديجه والعيله والبلد كلها لو حابه ههههههههه مدام هتقوليلي حبيبي
رقيه حبيبي حبيبي حبيبي
يونس حبيبتي حبيبتي حبيبتي
رقية هطمن عالبنات الأول
يونس
رقية وحشوني اول مرة نبعد عن بعض وبعدين قالولي انهم رايحين لفاطمة عايزة اشوفهم عاملين ايه
يونس ماشي ياستي وانا هروح اخد حمام كده واجهز عشان نخرج
رقية ماشي هحصلك بس اخلص
يونس ماشي ياقمر
وفي منزل فاطمة ورقية تهاتف زينب
زينب طمنيني ياعروستنا اخباركم ايه
رقية الحمد لله تمام انتي عاملة ايه اخبارك ايه انتي وماما وفاطمة والعيال
زينب الحمد لله تمام اطمني العيال في عنيا بس هما بيلعبوا في الجنينه تحت
رقية كنت عايزة اكلمهم وحشوني اووووي هتصل بيهم كمان شوية بس اديني ماما اسلم عليها
اشارت لها الحاجه سعاد باانها لا تود الحديث معها فااضطرت زينب للكذب معلش اصل امي في الحمام خدي اهي فاطمة معاكي
فاطمة ازيك يارقية وازي يونس
رقية الحمد لله انتي عامله ايه
فاطمة الحمد لله تمام
رقية وخديجه اخبارها ايه
فاطمة دي لسه مكلمانا وفي السكة لاسكندرية عشان تكشف
رقية بجد هي حجزت
فاطمة ايوة اتصلوا بالتليفون حجزوا الدكتور الي قولتيلهم عليه ده
رقية طب كويس انك قولتيلي هي مكلمتنيش ليه طيب لدلوقتي
فاطمة ما امي قالتلها روحي ليونس بس هي اتكسفت قالت دول عرسان اروحلهم ليه بس
رقية لا ازاي انا هكلمها واشوفها هتوصل امتي واقابلها دي متعرفش اسكندرية
فاطمة لا لا متتعبيش نفسك واحد صاحب جوزها هيستناهم وبتقول هيحجزلهم في فندق باين
رقية ميصحش لا خلاص انا هكلمها دانا معنديش اغلي منكم
فاطمة تشكري يابنت الاصول ابقي سلمي علي يونس
رقية الله يسلمك يارب مع السلامه
وما ان اغلقت فاطمة الخط حتي استلمتها الحاجه سعاد
الحاجه سعاد ايه ياختي الحنيه دي كلها عالهانم اتغيرتي يافاطمة
فاطمة ايه ياما هو انا عملت ايه ولا قولت ايه
الحاجه سعاد لا ابدا مقولتيش حاجه لا وكمان خايفين عالسنيورة انتي واختك وخديجه مش عايزة تروحلهم
زينب تروح فين دول عرسان
الحاجه سعاد متقوليش كده قدامي يابت انتي
فاطمة ياما خلاص بكفياكي هتفضلي في حړق الډم ده لامتا كفاية حرام عليكي انتي الي بتتعبي انا خاېفه عليكي
الحاجه سعاد انتي الي بتقولي كده انتو ايه الي جرالكم خلاص بقت غاليه عليكم كده قوووووي يالا يابت هاتي العيال عشان نروحوا
فاطمة تروحوا فين لسه بدري هو انتو بتيجو كل يوم
الحاجه سعاد لا شكرا ياستي كتر خيرك
لم تفلح محاولات فاطمة وزينب في تهدئتها واصرت عالمغادرة
وفي الطريق للمعمورة بالإسكندرية حيث الملاهي كانا يونس ورقية بالسيارة التي استأجرها يونس فترة وجودهم بالإسكندرية حيث يسهل عليهم الانتقال
يونس ها كلمتي خديجة
رقية اخيرا وافقت عالأقل اني اقابلها في المحطة ونروح معاهم للدكتور وهتبات بس في الفندق مرضتش ابدا نحجزلها الشاليه
يونس اها والله ومنعم اللاخر مكنش عايز يتعبنا ومكسوف جدا
رقية اها والله هما الاتنين
يونس سيبك انتي زي القمر كده ليه
رقية يووووه يايونس سوق وانت ساكت داخلين عالزحمه
يونس امرك ياهانم
وفي الملاهي استمتعا سويا بكل الالعاب
رقية كفايه يايونس انا تعبت ودخت اوووووووي
يونس مش ممكن لازم نقضي اليوم صح
رقية انا مع اني متعودة عالالعاب بس في حاجات جديدة ظهرت ومرعبه
يونس المهم انتي مبسوطه
رقية اها وجعانه
يونس عيوني تعالي ناكل سوا
رقية يالا يامدوخني
ياني ههههههههه
يونس ماشي ياستي بس لسه قدامنا كام لعبه هنصلي وناكل وبعدين نكمل
رقية ماشي يالا بينا
وقد سعدت رقية في نفسها انه لم ينسي الصلاة وتذكيرها بها فمن يتقي الله ويعرف حقوقه لا يبخسها حقها شيئا
وبعد الصلاة اكملا جولتهما سعداء جدا لا سيما تلك النغزة التي كانت تشعر بها رقية رغما عنها كلما صادفتها ذكري كانت تجمعها بمصطفي من قبل ومضي اليوم سريعا فالسعادة تسير بسرعة الرياح عكس الهموم فهي تثقل الوقت...
وفي الشاليه بعد العودة
يونس انبسطتي يارقية
رقية طبعا انت مخلتش حاجه معملتهاش عشان تفرحني كفاية اللعب الي جبتها ليا وللعيال دي واعتبرتني عيلة كمان ههههههههه
يونس ومين قالك انك مش عيلة عشان احبك واخاڤ عليكي لازم اعتبرك بنتي قبل ما تكوني مراتي عشان مفيش اب بينسي ولا يقسي علي بنته
رقية
يونس انا بقيت بتفائل بكلمة انا بحبك دي بصراحه ههههههههه
رقية يوووه متكسفنيش بقا
يونس ياريي عالخدود اما تبقي فراولة
ابتسمت رقية داعيه الله ام يديم يونس لها نعمه ويحفظها من الزوال.
جاء الصباح والقلق يعتري قلب آدم فاليوم نتيجته ولأن يونس هو الاخ الحنون أيضا قد شعر بنفس قلق آدم
رقية مالك يايونس مش هتفطر عشان شوية ونروح لخديجه يادوب ولا عشان منمتش كويس مالك
يونس النهاردة نتيجة آدم بس معرفش مالي قلقان ليه كده
رقية ياشيخ خضتني ان شاء الله خير ياحبيبي وعلي الضهر كده يتصل يطمنا ونكون كلنا سوا انا وانت وخديجة ومنعم ونفرح كلنا
يونس يارب ياروكا
ايه ده منعم بيرن استني
الو يامنعم خير وصلتوا فين
منعم احنا وصلنا وروحنا الفندق علطول هنفطر ونرتاح شوية وممكن نقابلكم في محطة الرمل كمان ساعة
يونس ماشي يامنعم عقبال ما اجيلكم يدوب المشوار
منعم والله ما له لازمه نتعبكم
يونس ياراجل دي اختي وانت اخويا انت بتقول ايه مفيش تعب ولا حاجه
منعم ربنا يباركلك يارب
وفي منزل فاروق السوهاجي
الحاج فاروق مالك ياولدي ما تقعد تاكل زين ايه عينيك فالزفت المحمول ده
آدم معلش يابا بتابع النتيجه لا مبدهاش انا هروح لواحد صاحبي النت هنا تقييل
الحاجة سعاد ياولدي خير متقلقش
آدم معلش ياما ادعيلي
الحاجة سعاد دعيالك ياولدي خلي بالك من نفسك تغور النتيجة المهم انت
آدم ان شاء الله تبقي ام الدكتور آدم.
الحاج فاروق يارب ياولدي احنا نطولوا
وفي الاسكندرية حيث الموعد المحدد للطبيب كانت خديجة قلقة كلما اقترب دورها تزداد قلقا ولا تعرف سبب الغثيان الذي تشعر به فلربما السفر وعدم النوم
نادت الممرضة خديجة فاروق السوهاجي
رقيه ايوة احنا هنا
يالا يارقية ادخلي انتي ومنعم هنستناكي هنا
خديجه لا تعالي معايا
يونس معلش ياخديجة ادخلي انتي وجوزك متحرجهاش واحنا مش هنمشي هنستناكم
منعم وقد فهم مقصد يونس خلاص يالا ياخديجه عيب كده الدكتور يستني.
وفي غرفة الطبيب وبعدما راي الاشعه والتحاليل
الدكتور استاذ منعم حضرتك واضح انك ماشي علي علاج من زمان زي ما شرحتولي بس التحاليل قديمه معدتش التحاليل ليه
رغم انك مواظب عالعلاج فترة كبيرة
منعم انا باخد العلاج عشان يبقي عندي امل وعشان افرح خديجة لكن خفت اعيد التحاليل والاقي ان مفيش فايدة خفت اټصدم
واحنا جاين لحضرتك عشان لو في امل في الحقن المجهري نتكل عالله ونعمله
الدكتور انتي يامدام خديجه تحاليل كويسه ودي كانت من ٣ شهور مبدائيا هنحتاج تحاليل منكم انتو الاتنين جديده بس ياريت حضرتك تقوليلس اخر ميعاد لدورتك الشهرية كان امتي
خديجة بصراحه مش فاكره بس انا حاسه انها اتاخرت لدرجة اني مش فاكراها بس كان بيحصلي كده لما اكون متوترة بتلخبط
الدكتور تمام اتفضلي حضرتك علي اوضة الكشف نعمل سونار مبدائيا ونطمن عالتبويض
وبعد الكشف
الدكتور هو انتي جاية عشان ايه
منعم ايه يادكتور خير ليه بتسال السؤال ده ما احنا قولنا لحضرتك
الدكتور المدام حامل
خديجة وقد اغمي عليها من الفرحه ولم يصدق منعم نفسه
بعد ما قام الطبيب باافاقتها
الدكتور شدي حيلك انتي يدوب شهرين لسه في البداية اخرجوا بقا من هنا اشربوا عصير واعزمها علي ايس كريم عزة بقا واهه كتبتلها علي فيتامينات وتحاليل عشان نطمن عليها بس الجنين كويس جدا
خديجة انا مش مصدقه يادكتور ربنا يباركلك
خرجت خديجة وهي تبكي دموع الفرح
انا حامل يارقية حامل متخيله حامل
منعم هبقي اب يايونس ربنا اراد اني ابقي اب
رقية الف مبرووووووك
يونس مبروووك يامنعم الف الف مبرووووك
ايه ده آدم بيتصل
الو ياآدم طمني نجحت ياخويا نجحت يايونس
الف مبرووووك امك فين عايز اكلمها
آدم لا انا في الشارع اهه مروح اصلي طلعت اتمشي من القلق وبعدين روحت لصاحبي واطمنا مجموع عالي ان شاء الله طب
وفجأة انقطع الصوت وتشوشت الاصوات وتداخلت ولا احد يجيب يونس
يونس آدم آدم في ايه طمني في ايه
منعم في ايه يايونس
آدم
سامع حاجه
رقية طب اقفل واتصل يمكن شبكة متقلقش
يونس وقد عاود الاتصال حتي اجابه شخص لا يعرفه
آدم في ايه قلقتني
الغريب حضرتك انا مش آدم بس صاحب التلفون عربية خبطته وودوه المستشفي
يونس ولم يتمالك قدماه لا يارب آدم لا يارب متحرمنيش من اخواتي الاتنين يارب
وبعد سماع الخبر من يونس انطلق فاروق السوهاجي والعائله للمشفي ومن بالاسكندرية انطلقوا بالطائرة الي سوهاج رغم معارضة رقية لسفر خديجه بالطائرة
رقية تعالو انتو ورانا باالقطر عشان الحمل
خديجة وهي تبكي مش هقدر استني لازم اروحله بسرعه انا آدم ده ولدي مش اخويا
يونس وقد كان منشغلا بااتصالاته بالمشفي
منعم طمنا يايونس
يونس في العمليات لسه
منعم ان شاء الله خير ويقوم منها بخير وسلامة
رقية متقلقش يايونس ان شاء الله خير
وفي المشفي والجميع كانوا هناك
الحاج فاروق ليه ٥ ساعات في العمليه يايونس
يونس ان شاء الله خير
الطبيب محتاجين ډم فصيلة نادرة مش لاقينها هنا ولا في بنك الډم
يونس يعني ايه ازاي فصيلة ايه دي واحنا نهدوا الارض ونجبوها
الطبيب مفيش وقت المړيض ڼزف كتير لازم بسرعه الفصيلة Ab دي نادرة جدا
رقية حضرتك دي فصيلتي انا وهقوم مع حضرتك
الطبيب اتفضلي بسرعه حضرتك عندك اي امړاض مزمنه ضغط سكر
رقية لا
الطبيب اتفضلي بسرعه من فضلك
كانت الحاجه سعاد وحولها ابنائها يواسونها تعلقت بالله فهو املها الوحيد لانقاذ ابنها
سعد ليونس متقلقش يايونس
احمد اجمد ياحاج فاروق ان شاء الله خير
مرت ساعه ثم خرج الطبيب مطمئنا لهم الحمد لله الڼزيف وقف ولولا استاذة رقية مكناش قدرنا ننقذه
الحاجه سعاد سجدت لله شكرا وكذلك يونس والحاج فاروق الحمد لله يارب الحمد لله
هرولت الحاجه سعاد لرقية لتقبل يديها فابعدتها رقية خجلا منها
ايه ده ياماما بتعملي ايه بس
انا بعد الي عملتيه مع ولدي لو حصل ايه مستحيل ازعل منك انتي السبب بعد ربنا كتر خيرك يابنيتي انا غلطت فيكي سامحيني كنت فاكره انك السبب في مۏت مصطفي والنهارده عرفت ان ربنا باايده كل شئ خد مني واحد وانا راضيه ونجا التاني وجعلك سبب لو مكنتيش هنا مكنش آدم هيعيش سامحيني
رقية وقد بكت فرحا آدم ده اخويا واخو الغاليين وابن الغالية وانا مسمحاكي واسمحيلي ياخديجه افرحها واقولها الخبر
فاطمة خبر ايه
زينب طمنونا
خديجة قوليلهم يارقية
رقية خديجة حاااااااامل
فرح الجميع وفرحت ام منعم واخيه فكانوا في المشفي أيضا وبعد مرور وقت افاق آدم ولكنه كان متأثرا بكسوره
آدم انا فيين
الطبيب الحمد لله كده نطمن تماما ونخليه تحت الملاحظه
برضه ٢٤ ساعه ويقضي معانا ١٥ يوم وهيبقي بخير ويجلنا تاني لما يفك الجبس بقا الف حمد الله علي سلامته
الحاج فاروق شكرا يادكتور
يونس شكرا يادكتور شكرا يارقيه
رقية العفو انا عملت واجبي ومظنش ان آدم لما يتخرج ويبقي دكتور هياخد مني تمن الكشف
يونس هههههههه بس يفوق ونشوفه
مر يوم كامل وبقيت رقية مع يونس بالمشفي بعد ما اقنعوا الجميع بصعوبة ان يغادروا وها قد افاق ادم بشكل تام
آدم عرفت يامرات اخويا انك انتي الي اتبرعتيلي پالدم مش عارف اشكرك ازاي
رقيه عيب عليك يادكتورنا المستقبلي بس تاني مرة متخليش الفرحه تاخدك وركز في العربيات
يونس ياه ياآدم دا احنا كنا هنموتوا عليك ياولدي ليه بس تستعجل وقبضوا عالراجل لحد ما تفوق
آدم لا اتصل بالظابط خليه يجي انا الي غلطت مش هو
يونس كده كده الظابط جاي يقفل المحضر وابقي احكيله الي حصل بالتفصيل
آدم انا اسف قطعت عليكم السفرية بس فرحتوني بخديجه الحمد لله
يونس السفرية تتعوض المهم انت
رقية طبعا تتعوض المهم انك تقوم بالسلامه
وبعد مرور خمسة عشر يوما بالمشفي تغيرت خلالهما اشياء كثيرة فخديجة تابعت مع دكتور من سوهاج
وامور فاطمة واحمد مستتبه وكذلك الحاجة سعاد التي فتحت قلبها اخيرا لرقية والخبر الاكثر سعادة هو مفاتحة يونس لزينب للزواج من سعد والموافقه المبدئية منها نظرا للظروف الراهنه وموافقه ابيها
مرت الشهور سريعا فاليوم هو كتب كتاب زينب وسعد والجميع في سعادة وفرح وخديجة تحمل مولودتها ببن يديها والتي أسمتها رقية ايضا ولكن الجميل حقا هو حمل رقية من يونس وفد عرفوا مؤخرا انه ولد وقرر يونس تسميته مصطفي
