رواية اعاني الفصول الاخيرة
المحتويات
انتي اختفيتي انتي وجوزك ورحتو فين ليكي ١٥ يوم مش بتيجي من ساعة ما جه واتكلم معاكي ورجعتي معاه ها
خديجة ابدا ياستي بعد ما ساب الشغل الي فيه مقصوفة الرقبه وغير ارقامه قالي نسافر سافرنا في الخباثه الغردقه بس يالهوي عالجمال لازم تروحي انتي ويونس
رقية الله يسهلك ياعم يعني خلاص اتراضيتو
خديجة انا عارفه انه بيحبني واعتبرتها غلطه غفرتهاله بس منستهاش لأننا سهل نغفر انما اننا ننسي فدا مستحيل المهم متجبيش سيرة سفرنا لحد انا قولتلهم اننا كنا مشغولين في ظروف سلفتي وتعب ام منعم وخلاص
رقية هو
صحيح جوز سلفتك اتجوز عليها
خديجه ايوة والله اتجوز واحده من بلد قريبه مننا اهلها علي قد حالهم فقبلوا يجوزهالوا من غير ما حد يدري مننا بس اتاريه عمل فرح وعاش حياته
رقية يالهوي وهي عرفت ازاي
خديجة احكيلك ياستي بصي هي قالت لحماتي اني بعمل اسحار وكده عشان منعم يبقي تحت طوعي وتاني يوم ما رجعنا كنت بعمل شاي ليا ولمنعم ولحماتي قلت خلاص هنسي كل حاجه وكل الزعل وابدا معاه هو وامه من جديد الا دي لقيتها جاتلي في المطبخ شافتني بعمل شاي وبحط عليه قرنفل ليا كنت حطاه فجيبي عشان حماتي مش بيبقي عندها وانا بحبه بقرنفل زي ما انتي عارفه طلعت قالت لحماتي اني كنت بحط حاجه من جيبي جه منعم يشرب قامت راميه الكوبيات في الارض وفضلت تصرخ وتقولي بتحطيله ايه سالتها تقصدي ايه ما انا مفهمتش راحت قالتلي شيماء شافتك بتحطي حاجه من جيبك قلتلها ده قرنفل ومنعم اتنرفز قالها قرنفل ياما مالك وقالتلي اني كدابه اقسم بالله ما حسيت بنفسي وانا پصرخ فيهم واقول كفايه بقا حسبي الله ونعم الوكيل فيكم جه منير علي صوتنا ولما حكناله ضړب مراته بالقلم وقالها بتتهمي الناس طب انا هقولك حاجه تشغلك عن الناس شوية انا اتجوزت عليكي بس ياستي سكتنا كلنامن الصدمه واهه من سعتها هي في شقتها وهو عند العروسه ربنا يستر ما بينهم والله اللهم لا شماته
رقية ياه بس صعبه قوووي عليها اكيد ان جوزها يطلع متجوز عليها مش حاجه سهله ولا بسيطه ابدا
خديجة بصي يارقية هي كانت بتعايرني من تحت لتحت بحوار العيال والخلفه وكانت نفسها جوزي يتجوز عليا فسبحان الله جوزها اتجوز عليها رغم انه مش ناقصه حاجه وعنده ولاد بس ملقيش معاها راحته كانت دايما مشغوله بالناس ومش بتسأل فيه.
رقية ياه فعلا الراجل من دوول لو مرتاح مع مراته مش بيهمه اي نقص منها وحتي لو ربنا مرزقهوش بولاد بيكون مرتاح معاها ومستكفي بيها وهي كمان مستكفيه بيه
خديجة يالا بقا عقبال ما اشوفك مبسوطه ومرتاحه مع يونس ياغاليه
رقية ربنا يخليكي ليا
طرقت فاطمه الباب بزغروطه خفيفه نظرا لظروف ۏفاة علي كان نفسي ازغرط اعلي من كده لولولولي
رقية تشكري يافاطمة عقبال ولادك يارب
جاءت زينب وزغرطت ايضا فنظروا لها متفأجئين
زينب مالكم في ايه فرح اخويا الي عمره ما زعلني ورقية الغاليه الي لسانها زي الشهد وعمرها ما ضايقتني يبقي لازم نفرح اندهي العيال ياخديجه وۏلعي الاغاني وتعالوا نهيص الحي ابقي من المېت
رقية انا مش عارفه اقولك ايه دا انا كنت مكسوفه ان بابا حدد كتب الكتاب وخۏفت انك تضايقي.
زينب اضايق ايه بس انا الفرحه مش سيعاني ولولا الملامه لازغرط في البلكونه انتي متعرفيش يونس غالي علييا ازاي وانتي كمان
جاءت الحاجه سعاد ولم يشأ الوقت ليلين قلبها علي رقية
الحاجه سعاد جرا ايه اغاني وزغاريط الناس تقول علينا ايه
رقية وقد شعرت بالخجل
فاطمة في ايه ياما ما خلاص الي ماټ ماټ
زينب ايوة هو احنا هنعيشوا عمرنا حزنانين عليه كفايانا هم ونكد هينكدني في حياته ومۏته
الحاجه سعاد انا مش علي الي ماټ دا كفايانا الناس الي بتجيلنا وتقولنا هاتوا الي علي المرحوم مسابش حد مستلفش منه انا علي الناس والخدم يقولوا ايه علينا
سمعهم الحاج فاروق فجاء نحوهم مسرعا
جرا ايه ياحاجه خلي البنته تفرح بكفيانا حزن واحنا في الدوار محدش له حاجه عندنا والي زي علي كفاياه اربعين يوم حزن يالا الله يرحمه بقا افرحي يارقية يابتي الف مبرووك ليكي وليونس
رقية مبتسمه الله يبارك فيك يابابا وربنا يباركلنا فيك ويطولنا في عمرك
خرج الحاج فاروق من غرفته وقابله آدم علي الدرج
الحاج فاروق عقبالك ياولدي.
آدم تعيش ياابوي فحياتك ان شاء الله بس ادعيلي بالنجاح نفسي ادخل طب يابا وافرحك بيا
الحاج فاروق ربنا ينجحك ياولدي انت تستاهل كل خير ويونس كلمني علي الفسحه الي نفسك فيها تجيب نتيجتك وتسافر مبسوط ان شاء الله.
آدم صح ياابوي يعني موافق
الحاج فاروق انا معنديش اغلي منك انت واخواتك ياولدي ربنا يفرحني بيكم
في منزل خديجة وفي شقة ام منير بالتحديد
منير ياما قولتلك اني تعبت من النكد والهم الي معيشاني فيه دي سبب كل المشاكل الي حصلت بينك وبين خديجه
ام منير قوم تتجوز عليها ياولدي طب انصحها زعقلها خاصمها
منير ياما ياما قلت وياما نصحتها ارجع من شغلي بقها ده زي الراديو فلانه عملت وفلانه سوت ودي جوزها جابلها وانت مبتجبش ودي جوزها قالها وانت مبتقولش وعايزة اشتري زي فلانه وعايزاك تعملي زي علانه والحقد بقا كله علي خديجه دي مرتاحه وجوزها بيحبها مع انها مجبتش عيال وتحكي وتحكي اقولها كفايه اسأليني عن حالي اهتمي بيا خليكي جمبي وبرضك تتكلم عن الناس وتشوف عيوبهم عمرها ما شافت عيوبها وعلي يدك اخر مرة اتهمت خديجه انها بتسحر
لاخويا منعم والبنيه طلعت القرنفل من جيبها ياما انا كده مرتاح ومراتي التانيه مريحاني عالآخر وهي اهه فوق وكل طلباتها مجابه ومش بقصر الايام مقسمها بما يرضي الله.
ام منير اقولك ايه ياولدي بس برضك انت استعجلت وكمان متقولناش الي حصل حصل اهم حاجه ياولدي تعدل بينهم عشان هتتحاسب عليهم
منير اهم حاجه رضاكي عني ياغالية
ام منير ربنا يسترها معاك انت واخوك. ويفرحني بعوضه عن قريب كان نفسي هو الي يتجوز
منير ياما ما انا عندي عيال بس مرتحتش الراحه مش بالعيال ياما ربنا يكرمه بالذرية الصالحه من خديجة ان شاء الله
ام منير يارب ياولدي يالا بقا عشان نروحوا بيت عمك كتب كتاب يونس هتاخد انهي من مرتاتك هههههههههه..
منير ولا وحده بلا هم هرن علي علي ونروحوا سوا
ام منير ماشي ياولدي
في شقة شيماء كانت تطالع نفسها بالمرآة وتحدث نفسها بقا كده يامنير تعمل كده فيا وانا الي كنت بدور علي عروسه لمنعم قوم انت تتجوز بس انا الي غلطانه ذنب خديجة ربنا يصبر قلبي ويغفرلي ويهدي جوزي يمكن يطلق الموكوسه الي خطفته مني بس انا مش هسكت لازمن اخرب عليها واخليه يطلقها... مش انا الي اسيبه يعمل عملته دي واسكت....
كان منعم يحادث خديجه هاتفيا قبل ذهابه اليها
منعم ليه مستنتيش نروحوا سوا.
خديجه يوه ما قولتلك قولت اساعد اخواتي في الطبيخ ورقية كمان
منعم انا بحس اني من غيرك زي العيل الي مش لاقي امه
خديجه ياسلام يعني انا زي امك
منعم انتي امي وحبيبتي وروحي وكل حاجه ليا لما
خديجة وقد دمعت عيناها ربنا يخليك ليا يامنعم انا من غيرك مقدرش اعيش في الدنيا دي انا بحبك قوووي يالا بقا متتأخرش عليا .
منعم وحشتك يابت
خديجة يوه بقا يالا سلام انت رغاي قوي
منعم سلام ياقلب قلبي
رقية عيني ياعيني ايه ده كله
خديجة يوه انتي كمان يالا بقا زمان يونس جاي بالمأذون
رقية ايه ده يونس بيرن عليا يالهوي جاي عالسيرة هههههههههههه
خديجة طب ياختي انا هطلع اجهز البنات فوق مع زينب وفاطمه واسيبكم تتسهوكوا شويتين
رقية ضړبتها بالمخده امشي وخدي الباب في ايدك
خديجه هههههههههه ماشي
رقية السلام عليكم
يونس وعليكم السلام بس ايه الرسميه دي مفيش ازيك يايونس ولا حتي وحشتني
رقية الله بقا متكسفنيش امال
يونس عارفه انا من امبارح منمتش من الفرحه اخيرا جه اليوم الي تكوني فيه مراتي وكمان برضاكي
رقية شفت بقا اخيرا رضيت عنك
يونس ېخرب بيت التواضع هههههههههه بس اقولك حاجه انتي زي العسل باللي انتي لابساه ده
رقية وقد كانت ترتدي فستان حمالات لم تكن قد استكملت ملابسها يالهوي انت شايفني ازاي
يونس ههههههههههه متتخضيش بس انا قصدي ان اي حاجه بتلبسيها بتكون حلوة عليكي
رقية حرام عليك يايونس خضتني
يونس سلامتك ياقلب يونس من جوه ربنا يخليكي ليا واقدر اسعدك وافرحك يارب الا قوليلي انتي حاسه باايه فرحانه ولا متاخده ولا نفسك تهربي بجلدك ههههههههه
رقية اقولك ايه بس...
يونس قولي الي حساه كله انا سامعك وكأني شايفك قدامي
رقية بص يايونس انا لما كنت بشوفك كنت بحس باآمان كده وبراحه من قبل موضوع الجواز لانك كنت دايما واقف فضهري ولما بابا فاتحني في موضوع جوازنا انا خفت رغم اني كنت كل ما اصلي اقول يارب لو في خير طمني ليه وقربني منه اكتر وده الي حصل انا حصلتلي حاجات كتير قربتك مني تعبي والحړق وكل التفاصيل دي خلتني ادي قلبي فرصه بس الصراحه وانت مع ورده انا مكنتش قادرة احس بحاجه نحيتك ولما جيت وصارحتني انا لقتني عايزة اقرب منك ويوم ورا يوم في رابط بينا حسيته بيقوي بس انا.....
يونس بس ايه قولي...
رقية انا انا يعني لما هبقي معاك بعد شويه انا انا مش قادرة اقول
يونس خلاص خلاص فهمتك بصي يارقية انا بحبك وقولتلك اني مش بس هحميكي من اي حد انا بوعدك احميكي حتي من نفسي وانا مش عايزك تقلقي من حاجه طول ما انتي معايا وانا علي كد ما اقدر وزيادة هقدرك واقدر احساسك المهم ربع ساعه وانزلي هتشوفي المفأجاة الي وعدتك بيها وانا متأكدانها هتعجبك قوووي
رقية بجد يايونس طالما متأكد كده يبقي اكيد هتعجبني ربنا يخليك ليا يارب
يونس يالا بقا اجهزي بسرعه
وفي سيارة سعد كانت معه مفأجاة يونس والتي لم يتوقعها احد علي الاطلاق وكانا قد وصلا لمنزل الحاج فاروق و يونس في انتظارهم بشغف مرحبا...
يونس اهلا اهلا رقية هتفرح قوووووي
الحاجه سعاد متفاجئه مين يايونس
فاطمهمين ياتري
زينب والله ما عارفه
خديجة ولا انا اعرف والله ما اعرف متبصوليش
رقية وهي تهبط الدرج ولما شاهدت الضيفه وقفت ساكنه مصدومه روفيدة
اختي ياااااااااه
كثيرا بدموع الفرحه والاشتياق
روفيدة وحشتيني ياروكا وحشتيني اوووووووي
رقية وانتي كمان وحشتيني انتي
يونس ايه رآيك في مفأجئتي ياروكا
رقية دي احلي مفأجأة فحياتي يايونس بس برضه ازاي قدرت توصلها وتجيبها
يونس انتي مستهونه بجوزك ولا ايه انا اعرف اجيبلك لبن العصفور لو حبيتي المهم فرحتك هسيبكم مع بعض عشان المأذون في المنضرة والرجالة الغدا ياحاجه يالا يابنات سيبوا الاخوات سوا شويه
وبعد الترحيب بروفيدة من الجميع صعدت مع رقية لغرفتها
رقية انا مش مصدقه اني شيفاكي ازيك وازي جوزك والعيال وليه مجوش معاكي
روفيدة ياستي انا قدرت اجي بس الولاد وابوهم مرتبطين بحاجات مقدروش يجوا بس قريب هينزلوا.
رقية طب ازاي يونس وصلك
روفيدة شكله عرف ارقامنا من السفارة وكلمني انا وجوزي وحكالي كل الي حصل من ساعه ۏفاة جوزك وقالي انه عايز يفرحك وحجزلي وجهز كل حاجه عشان اجيلك وبعتلي صاحبه المطار وجابني علي هنا عشان افاجئك واكون معاكي كده كام يوم
رقية انا مبسوطه قوي مش عارفه اقولك ايه وحشتيني جدا
روفيدة شكل يونس ده بيحبك اووووي ياروكا
رقية يونس ده نعمه من ربنا ليا ولبناتي بس انا خاېفه
روفيدة ليه ياحبيبتي خاېفه من ايه بس
رقية خاېفه مقدرش اسعده زي ما هو بيسعدني كده
روفيدة هو شكله حد كويس ومحترم وبيحبك وبحبه ليكي هتقدري تحبيه
واخرجت روفيدة فستانا من اللون الذهبي مع اللون الاسود وطرحه ذهبية ابرزت جمال رقيه اكثر واكثر
رقية واو ايه الجمال ده
روفيدة نزلت جبتهولك وقلت ليونس يبعتلي صورة تكون جديدة ليكي بعتلي صور الخطوبه ولقيت ده قلت يارب يعجبك وما شاء الله انتي قمر
رقية وقد اختها بجد ربنا يخليكي ليا ياغاليه
ما ان تجهزت رقية حتي طرقت خديجة الباب مستئذنه
رقية اتفضل
خديجة واو ايه الجمال ده الله اكبر عليكي اتاري يونس لابس بدله بكرافته دهبي كمان عيني ياعيني
رقية وقد رمقت روفيدة بنظرها لانها فهمت انها قد اتفقت مسبقا مع يونس
روفيدة يعني قلت لازم اقوله وكده ههههههههه
رقية ماشي
خديجة يالا ياعروستنا بيندهوا عليكي عشان تمضي علي كتب الكتاب
اصر يونس علي عمل قائمه بمبلغ كبير وموخر صداق رغم معارضة رقية ولكنه همس لها قولتلك هجبلك حقك حتي مني وده حقك
مع كل كلمة تخرج من المأذون كان قلب العاشقان يدق اعلي واعلي مع فرحه وخوف وتوتر من رقية فاق خۏفها عند زواجها الاول سرحت ثم افاقت علي قول المأذون بارك الله لكما وبارك عليكما وجمع بينكم في خير
هنائهم الجميع مع الدعاء لهم حتي بناتها كانوا في سعادة عارمه فيما عدا الحاجه سعاد والتي كانت تطل پحقد ثم همست لفاطمه خلاص دبست الواد وخدت عقله وجابلها اختها مخصوص
فاطمه ياما افرحي وباركيلهم هو مبسوط كده فخلاص
الحاجه سعاد بكره نقعدوا عالحيطه ونسمعوا الزيطه
الحاج فاروق مبروك ياولاد زغرطي يابت
الحاجه سعاد بس يابت بلا تزغرط
الحاج فاروق انا قلت تزغرط دا واد فاروق السوهاجي وفرحته مش هتكون كتيمي واصل شغل ياآدم الاغاني وارقصوا وهيصوا بكفيانا حزن علي الي راح
آدم بتحمس عنيا يابوي
يونس مبروووك ياقلبي
رقية بخجل الله يبارك فيك
تعالت الانغام وسط فرحة الجميع ورقص يونس مع رقية علي نغمات هادئه رومانسيه في داخل المنزل وتحمست خديجة ومنعم وكذلك احمد وزينب وشاركوهم الرقص الهادئ وكان هناك من ينظر لزينب نظرات خاطفه بالطبع سعد والذي كان يتمني ان يشاركهم تلك الفرحه ولكن كل شيء بميعاد
انقضي اليوم علي خير وحان الوقت الأصعب علي رقية حينما
........
الفصل الثامن عشر
هناك علاقه تنهي الحياة وهناك علاقه
متابعة القراءة
