رواية اعاني الفصول الاخيرة

حبا وفرحا وحزنا وكرها لا شيء دائم سوي الحب الصادق ف يبقي صامدا ساكنا لا يتغير... فاللهم حبا صادقا ساكنا صامدا والي الأبد.....
التفتت رقية لتري آدم وبصحبته الاولاد لم تسعها الفرحه فقفزت في مكانها كاالأطفال بعفويه وفرحة و الاولاد جميعهم.... 
يونس انا كنت واثق اننا لما نيجي هنا مش هتكوني مبسوطه ابدا من غيرهم وانا وعدتك اني مش هكون غير سبب في سعادتك
رقية بحب انا مش عارفة اقولك ايه بجد ربنا يباركلي فيك ويخليك ليا 
آدم ايه يعني انا مفيش شكرا هات العيال خد العيال وبس يعني
يونس ماشي يالمض شكرا ياسيدي المهم عملتلي الحاجه التانيه 
رقية خير ياتري 
آدم اقولها ياكبير ولا ايه الدنيا
يونس انت تاخد بعضك وتلاعب العيال وتسكت خالص.
رقية لا بقا دا انا لازم اعرف هو انا مش مراتك ولا ايه
يونس وهو يهمس لها بحب اعترفتي انك.. مراتي يعني وليكي حقوق طب فين حقوقي
رقية بخجل الله بقا خلاص مش عايزة اعرف استنوني ياعيال
ومن لعبة لأخري ظل الجميع في غاية السعادة ورقية كانت كالأطفال وهي تمسك بيد يونس خائفه من لعبة ما وهو سعيد بكونه الآمان بالنسبة لها
سما انا بحبك اووووووي ياعمو
سجي وانا كمان بحبك ياعمو
يونس وانا بحبكم ياروح عمو بس ممكن اطلب منكم طلب.
رقية بااستعجاب طلب ايه
يونس امكم دي لازم تعرف كل حاجه معلش بقا ياست رقية كلي انتي غزل البنات الي في ايديكي وانا هاخد بناتي لان الطلب الي هطلبه سر ومينفعش حد يسمعنا 
رقية بقا كده ماشي 
كادت رقية ان تجن من أفعال يونس وايضا من عدد المكالمات الوارده له وكان يستأذن منها ويجيب بعيدا 
وعلي الجانب الآخر كان يونس يحادث بنات اخيه
يونس بصوا بقا انا عارف انكم بتحبوني وبتحبوا امكم قوي
بس انا عايز اخد ماما مشوار كام يوم كده عشان الدكتور قال لازم نسافر ونكشف بس فحته بعيده وهنغيب عنكم كام يوم هتزعلوا لو فضلتوا مع تيتا وجدو وعمتو زينب ولا انتو شطار وهتقعدوا مودبين
سما بعد تفكير يعني مش هينفع نيجي معاكم
سجي ايوة نروح معاكم ياعمو.
يونس بصوا المرة دي هاخد ماما بس وعد مني لما نرجع هاخدكم ونسافر الغردقة ونبقي كلنا سوا مع بعض انا وانتو وماما كمان وليكم عليا لو وافقتوا هجبلكم هدايا كتير اوووووي واحنا راجعين ها قولتوا ايه
بصوت واحد موافقين بس هتجبلنا عروسة باربي الجديدة
يونس باربي مين دي
سما يووه ياعمو حد. ميعرفش باربي
يونس انا معرفش الا عروسة واحده اسمها رقية
سما ماما رقية لكن العروسه باربي
يونس ماشي ياستي موافق هشوف باربي دي حاضر كده اتفقنا
سما وسجي اتفقنا
يونس انتو دلوقتي بعد ما نتعشي هتروحوا مع عمو آدم وانا وماما هنروح مشوارنا بس اهم حاجه محدش يحكي لماما حاجه عشان انا عاملها مفأجاة عشان ترضي تروح معايا
سما حاضر سر ياعمو مش هنقولها حاجه
قاطعتهم رقية مش كفايه كده
يونس ادينا خلصنا ايه هو الواحد ميعرفش يحكي مع بناته شويه ياست رقية
رقية بغيظ مفتعل بقا كده ماشي
يونس وهو يخرج قطعة شيكولاته من جيبه وبينما الاطفال منشغلين باللعب مع آدم وكانت رقية شاردة اغمض عيون رقية بكفيه علي حين غفلة منها
رقية ايه ده مين
يونس المفروض تشوفيني بقلبك
رقية ياسلام.
يونس انتي زعلانه صح
رقية لا مش زعلانه
يونس طيب خلاص افتكرتك زعلانه وكنت هصالحك بدي وهو يمسك بيديه الشيكولاته
رقية واو شيكولاته بس لا انا زعلانه 
يونس بصي ياستي انا عارف انك مضايقه عشان الاتصالات الي جتلي وعارف انك نفسك تعرفي آدم عمل ايه وھتموتي وتعرفي حكيت ايه مع البنات بس خدي الشيكولاته وساعة زمن وهتعرفي كل حاجه باذن الله
رقية يعني واخد بالك مني انت!
يونس لازم اخد بالي منك لانك كل حاجه ليا انتي اغلي حاجه عندي ياروكتي
رقية برضا وابتسامه رقيقه ربنا يخليك ليا بس انا جعت اووووي
يونس بس كده دا انا اسلقني واقليني واقبك تعالي وكليني
رقية هههههههههههه لا بعد الشړ عنك انا جعانه بجد ولو اكلتك يبقي مش هلاقي حاجه تفتح نفسي بعد كده
يونس حبيبتي انتي ياست البنات
ذهب الجميع لاحدي الكافيهات المجاورة للملهي وبعد تناول العشاء طلب يونس من آدم ان يوصل الاطفال للبيت
رقية ايه هما البنات مش هيركبوا معانا
يونس لا هيركبوا مع آدم زي ما جم وانا وانتي ورانا مشوار كده
رقية مشوار ايه
يونس مشوار صغير لحد اسكندريه
رقية اسكندية ازاي بس!!!
يونس لو قلقانه عالبنات فاانا قولتلهم وهما موافقين وعارفين وزينب كمان عارفه وهتاخد بالها منهم واطمني ولو مش مصدقه اتصلي بيهم
اتصلت رقية فورا علي هاتف آدم واطمئنت لصدق يونس معها واطمئنت لموافقة البنات ولكنها ظلت قلقه طيب البنات وربنا يستر وميتعبوش زينب طيب وماما وبابا ياتري هيقولوا ايه علينا
يونس هيقولوا ايه يعني عريس وعروسته ومسافرين سوا فيها ايه يعني
رقية طب انا مجبتش هدوم ولا انت
يونس احنا هنوصل الضهر هنطلع بمساعدتك لانك اسكندرانيه نفطر عالبحر وبعد كده نشتري لبس زي ما نحب احنا مفيش حاجه توقفنا
رقية طيب وهنقعد فين بس انامجبتش مفتاح شقة اسكندريه
يونس ومين قالك اننا هنقعد في شقة اسكندرية التليفونات الي جتلي كنت بخلص فيها شالية اشتريته عشانا قبل كتب الكتاب بعت صاحبي بتوكيل وخلصلي كل حاجه انا بس كنت بتأكد من تنضيفه وتجهيزه
رقية كل ده يايونس بس دي تكاليف كتير اووووووووي
يونس انتي مراتي يعني لو الدنيا كلها جبتهالك مش هكفيكي ولا اوفيكي حقك وحبي ليكي
رقية ربنا يخليك ليا ويباركلي فيك طب احنا محجزناش القطر ولا الاوتوبيس حتي
يونس امال آدم عمل ايه حجزلنا اتوبيس وادينا رايحين اهه عشان باقي نص ساعه ويطلع
رقية ياربي منك يعني مجهز كل حاجه ولا قولتلي
يونس انا عايش بيكي وليكي ولا نسيتي
رقية مقدرش انسي ابدا
وعلي الجانب الآخر وبالتحديد في منزل الحاج فاروق السوهاج كانت هناك ڼار مشټعلة بقلب الخاجه سعاد بمجرد ان عاد اليها آدم بخبر سفر رقية مع يونس
الحاجه سعاد يعني ايه خدها وسافر والدلوعه دي ملهاش بنات ولا تكون فاكرة نفسها عروسه بحق وحقيقي
زينب وهي تحاول تهدئة الوضع مالك ياما في ايه محصلش حاجه لده كله ويونس عريس وعايز يقعد مع عروسته شويه مفيهاش حاجه انتي لو شايله هم البنات هما في عيني وانا مسئوله عنهم
آدم قوليلها يازينب محسساني انها سابتهم في الشارع مش في بيت جدهم
الحاجه سعاد خلاص كلكم بقيوا في صفها البومه دي
زينب بزيداكي ياما هي عملت ايه بس لده كله
الحاجه سعاد عملت ولسه هتعمل وتورينا البحراويه الصفرا دي
آدم ربنا يهدي الحال انا طالع اوضتي احسن
زينب بهدوء ياما انا عارفه انك خاېفه تاخده ويعيش في اسكندرية معاها كيف اخويا الله يرحمه بس يونس ميقدرش يسيب ابويا ولا يسيبكم وحديكم وبعدين ما هي لو عايزة تاخده وتعيش هناك هتسيب بناتها
ليه ومتنسيش ان هي بنفسها الي جابت البنات وعاشت هنا كان ممكن يعيشوا هناك وكان ممكن تسيب بناتها وتشوف حالها وهي صغيره وحلوة والف واحد يتمناها وعشان كده ابويا جوزها ليونس عشان خاف من الكلام ده ويونس راجل ومتقلقيش عليه وهي زينة ياما انتي بس الي مش قادرة تنسي الي فات
الحاجه سعاد خاېفه يابتي خاېفه يهملني كيف اخوه قلبي لسه محروق مشبعتش من اخوكي يازينب ربنا ما يحرمك من ضناكي يابتي
زينب ادعيله ياما بالرحمه وكلنا لها وهو اكيد في حته احسن من الدنيا ادعيله
بكت الحاجه سعاد وجلست زينب تواسيها الي ان طيبت خاطرها واختتما الحوار بفنجانان من القهوة
الحاجه سعاد تسلم يدك يابتي والله ما بحب القهوة غير من يدك ربنا يعوضك خير يابتي واشوفك متهنية في بيت راجل يقدرك ويحطك في عنيه
زينب خلاص ياما خدت نصيبي انا بكفياني عيالي اربيهم وحسكم بالدنيا معايا
الحاجه سعاد وه يابتي انتي لسه صغيرة وحلوة والجواز حلال ربنا ومش هتقعدي عمرك كده تبكي علي الي راح
زينب سيبك مني ياما المهم ايه رأيك ناخدوا العيال ونزوروا فاطمة اختي بكره
الحاجه سعاد ماشي كلميها وقوليلها هنجولها بكره واهه نطمنوا عليها
وفي اليوم التالي وبالأخص في
منزل خديجه وبعدما تحدثت مع رقيه وعرفت انهم قد سافروا للاسكندريه في نفس ذات الوقت التي كانت خديجه تهاتفها لتسأل عن عنوان الدكتور لانهم قد قرروا السفر للعلاج ايضا وتفأجئت بسفرهم ولكنها قد سعدت لفرحتهم كثيرا..
منعم ايه وشك بيقول في خبر حلو خير 
خديجة كلمت رقية وعرفت ان يونس عملها مفأجاه انا اصلي لما كنت رايحه الصباحيه اباركلهم قالولي طلعوا فقلت اتصل النهارده قبل ما اروح وعرفت انهم سافروا سوا ربنا يسعدهم يارب
منعم ما شاء الله ربنا يسعدهم وسافروا علي فين كده
خديجه اسكندريه
منعم طب ما تيجي نقلدهم ونطلع شهر عسل ياعسل انتي ونعيد الي فات ونراجع الذكريات
خديجه هههههههههه ومالك كده قلبت علي جزار ليه
منعم يوه بحبك وكده بس بجد احنا كده كده مسافرين للدكتور ممكن نقابلهم هناك ولا ايه
خديجه هي اكدت عليا اني لما اروح اكلمها وهتروح معايا للدكتور كمان
منعم فيها الخير والله خلاص هاخد اجازه من الشغل اسبوع ونروح وربنا يقدرني واسعدك
خديجه بقلق اخفته خشية ان ټجرح منعم كله خير طول ما انت جمبي ومن داخلها تغلبها غريزة الامومه رغما عنها وتتمني طفلا يملا حياتهما بالسعاده وانتهي بتنهيده قائله يارب كرمك 
منعم يارب يارب
وفي القطار....... 
رقية احنا قربنا نوصل ولا ايه
يونس ايوة بس شكلك كنتي تعبانه نمتي محستيش بالدنيا
رقيه اها فعلا بعد الرغي الي رغيناه سوا والاكل الي اكلناه واللب ده اكيد كان لازم اناااام 
يونس نوم العافيه ياروحي قوليلي يارقيه ايه اكتر حاجه فيا خليتك تتغيري للاحسن نحيتي واكتر موقف حبتيني منه مع اني عارف انه اكيد التورته ولما قدمتلك الدبلة كيف الاجانب ههههههههه
رقيه بص يايونس اولا وكويس انك فكرتني انا حوار الخاتم وانك تنزل علي ركبتك مفرقش معايا خالص انا لو فرحت ففرحت انك من جواك طلبتني للجواز اما الشكليات دي مش بتفرق معايا منكرش ان اغلب الستات بيحبو الحركات دي بس انا مش منهم وده لاني ببقي مستنيه الحب كفعل بالك انت لو فكرت شوية هتلاقي رسولنا الكريم عليه الصلاة والسلام.. 
يونس عليه الصلاة والسلام 
رقيه هتلاقيه كان رومانسي جدا بس رومانسيته كلها افعال كان حنين عليهم مش بالشكل كان بيناديهم بااحلي الاسامي ويساعدهم في البيت ويراعي غيرتهم ومشاعرهم لو بصيت يايونس هتلاقي ان الرومانسية والحب الحقيقي مش ورد ولا دباديب الحب فعل ورسولنا عليه الصلاة والسلام كان سيد الافعال وانا حبيتك ياسيدي عشان لمست فيك الصلاح والخير بتصلي الوقت بوقته بتراعي والدك ومش عايز تسيبه رغم انك تقدر تشتغل بعيد عنه وشفت خۏفك علي زينب وشفت مراعاتك للكل كبير وصغير وحنيتك عليا انا وبناتي من قبل حتي ما بابا يقولنا موضوع الجواز 
يونس عليه الصلاة والسلام رسولنا وصانا عليكم يارقيه وانا علي قد ما اقدر هنفذ الوصيه
رقية يونس انا اهم حاجه عندي هي انك تكون جمبي تكون سندي تكون ليا كل حاجه وبعدين انا كمان عايزة اعرف اكتر حاجه بتحبها فيا
يونس انا ياست البنات كل حاجه فيكي بحبها طبعا بس الاهم اخلاقك وادبك وبحب فيكي حبك لاخويا الله يرحمه ومراعاتك لذكراه واحترامك لأمي رغم كل الي بتعمله معاكي ردودك عليها كلها مش بتبين غير حاجه وحده وبس تعرفي ايه هي
رقيه لا قول ايه
يونس انك بنت اصول وبنات الاصول قليلين يارقية فكرة ان الست تبقي حلوة دي مش كفايه عشان كده ورغم انك فعلا جميلة خلقا وخلقا لكن انا الي شدني ليكي جدا جدا هي اخلاقك وبلاحظ تربيتك لبناتك تعليمهم الصلاة والقرآن كنت بسمعلهم القران يقولولي ماما بتحفظنا ياعمو مين غيرك هتمني انها تكون ام لولادي
رقية تفتكر لو رجعت ورده في حياتك
او مكنتش عملت الي عملته كان ده هيبقي نفس كلامك نحيتي
يونس وقد سكت برهه
بصي هو الواحد ممكن يروح عنوان لاول مره ممكن يتوه او يروح عنوان غلط لكن لو راح كتير بيحفظ العنوان ورده دي في حياتي هي العناوين الغلط لاني كنت تايه مش عارف الحب الي بجد والحمد لله ربنا دلني علي عنواني الحقيقي الي مش ممكن اتوه عنه ابدا ياحبيتي انتي عنواني ووجهتي الحقيقه.
رقية طب لو رجعت هتسامحها او ممكن تصعب عليك مثلا
يونس مستحيل مش لاني قاسې بس هي متستحقش حبي وولا حتي ينفع تصعب عليا والاهم ان قلبي اتملا بيكي انتي ومجرد التفكير فيها خېانه ليكي ويونس مش بيخون يارقيه.. 
رقيه ربنا يستر.... ايه ده وصلنا. 
يونس حمد الله عالسلامه... نورتي البحر ياحورية 
الفصل الأخير الجزء الثاني
وتمضي الحياة مع من نحب بصدق فتتجمل في اعيننا وكأنها عروس ولكن لۏجع الأيام رأي آخر وفي كل الأحوال الحياة تستمر....
لم يكن شعور رقية عاديا ابدا فهي تائهه بين الشعور بالحب ليونس وبين ذكرياتها مع مصطفي والتي ظهرت كأنها شريط من الذكريات كانت سرحه قلقه لا تعلم لماذا وافقت أن تأتي مع يونس الي البلد التي جمعتها بحبها الاول فكأنها وافقت أن تقف علي فهوة بركان تخشي السقوط
يونس وكانا قد وصلا الي الشاليه بعد سكوت رقيه الذي دام طول الطريق ايه يارقية بقولك وصلنا في ايه منطقتيش ولا كلمه من سعت ما نزلنا من القطر
رقية لا انا بس تعبانه شوية ومحتاجه انام فين الاوضه
يونس ومين سمعك انا كمان تعبان بس انا وصيت علي أكلة سمك تحفه كلي ونامي
رقية معلش مليش نفس كل انت انا حاسه اني محتاجه انام وبس
يونس وقد احس بما يجول في رأسها لسه تايهه يارقية
رقية وقد اڼصدمت من احساسه بها لا ابداا يايونس مفيش حاجه قولتلك اني تعبانه
يونس لا مش تعبانه وانا فاهم انتي حاسه باايه وعلي فكره انا فكرت مخصوص اننا نيجي اسكندريه عشان تحاولي تكسري حاجز الخۏف واللخبطه الي انتي فيها من علاقتنا اوعي تفتكري اني مش زيك انا متلخبط واكتر منك انا هنا لما كنت باجي زيارة ليكم وأنزل مع مصطفي نتمشي كان اغلب كلامه عنك وعن حبه ليكي اوعي تفتكري اني مش حاسس بالي انتي حاسه بيه بس القدر يارقيه ربنا الي قدر ان مصطفي يروح ليه وربنا الي قدر انك تيجي وتعيشي معانا وهو الي قدر ان ابويا يقول موضوع جوازنا وعشان ربنا رايد ليا اني احبك