رواية احببتها الفصول من 20 الى 25

ايه في الشركه معاه يانمس 
فاطمه.. احم احم 
ساره.. مش وقت حمحمه قوليلي يلا 
فاطمه.. في بت رخمه اوي هناك اسمها نسرين غيظاني اوي ومتسهوكه كده 
ساره.. ههههه طب ودي بتعمل ايه هناك 
فاطمه.. السكرتيره ياختي وداخله خارجه عنده وكده مينفعش 
ساره.. ههههه مانتي عارفه انه مش بيفرق معاه اي واحده مهما كانت 
فاطمه.. ممممممم 
ساره.. ها وايه تاني 
إبتسمت فاطمه بخجل ووضعت يديها على وجهها لتذكرها كريم 
ساره.. احكيلي احكيلي يابت 
فاطمه.. عمل حاجه غريبه اوي كنت هروح فيها 
ساره.. ايه ايه 
فاطمه.. كنت بشرب كبتشينو واتاري في شنب علي بوؤي وانا معرفش 
ساره.. حلاوتك اكيمو كل ده وتقوليلي معرفش ايه ومش خاېف عليكي ده بيحبك وربنا 
فاطمه.. احم خلاص بقا ياساره كسفتيني يابت 
ساره.. ههههه والله وشوفتك بتحبي ابطوط 
فاطمه.. ههههه قوليلي انتي اخبارك ايه ذاكرتي ولا لا 
ساره.. حبه صغيره مش اوي اصل احمد ابن عمتك جه النهارده وقعد معانا 
فاطمه.. لا والله وايه الي جابه 
ساره.. عمتو قالتله يجي عشان يسلم علييها وعلينا 
فاطمه.. طب كويس انا بقالي كتير اوي مشفتهوش بصراحه هو كويس واخلاق غير اخته خالص 
ساره.. اه فعلا بس الجديده بقا انه اعجب بهاله اوي وطول الوقت كان بيبصلها 
فاطمه.. بجد طب والله كويس يارب يطلع من نصيبها هاله كويسه اوي ومحترمه 
ساره.. يارب
نادت عمتهن من الخارج قائله يلا يابنات الاكل جاهزبتعملو ايه جوه كل ده 
فاطمه.. ده انا نسيت عمتك خالص يلا قومي نتغدي وبعدين نرغي 
ساره.. ههههه ماشي يلا. 
وفي منزل إبراهيم
هاله.. حمدلله علي السلامه ياكيمو 
كريم.. الله يسلمك يا هاله 
هاله.. يلا غير عشان تتغدي 
كريم.. لا مش جعان ياحبيبتي 
هاله.. ليه اكلت ايه بره 
كريم.. ماكلتش بس مش جعان 
هاله.. مالك يا كريم في حاجه مزعلاك 
كريم.. لا ابدا مفيش 
هاله.. لا في هو انا مش عارفك 
كريم.. خاېف علي فاطمه اوي وخاېف للواد الي اسمه وائل ده يعملها حاجه 
هاله.. ليه بتقول كده واشمعنا هيأذي فاطمه 
كريم.. عشان المحضر وعايزهم يغيرو اقوالهم هي وساره وبعدين ساره في البيت مبتنزلش لكن فاطمه بتنزل وبتروح الجامعه وممكن يعمل اي حاجه 
هاله.. طيب متقلقش هي كده كده بتروح وبتيجي معاك متخافش عليها وهو اكيد مش هيستجري يقرب منها 
كريم.. النهارده وانا جاي شوفته واقف بعيد وبصلي بصه غريبه زي ما يكون بيقولي خلي بالك او بيحذرني ولما خرجت من العربيه طلع يجري الجبان 
هاله.. شوفت بقا انه جبان وخواف ومش هيقدر يقربلها عشان عارف انك مش هتسيبه بس حاول متحتكش بيه الله يخليك يا كريم وسيبك منه وخلي بالك كويس 
كريم.. مش عارف اعمل معاه ايه لان دلوقتي لو اتصرفت معاه بطريقتي مش هيواجهني انا وهيلف ويطعني عن طريق فاطمه ده ندل ويعملها 
هاله.. سيب الموضوع علي ربنا وان شاء الله مفيش حاجه هتحصل لفاطمه متخافش المهم انت خلي بالك من نفسك انا مليش غيرك يا كريم عشان خاطري سيبك منه 
كريم.. مټخافيش ياحبيبتي اطمني 
هاله.. ربنا يخليك ليا 
كريم.. ويخليكي ليا
حبيبتي ليشعرها بالأمان الذي تعودت عليه بوجوده بجانبها .. نظر لها وابتسم قائلا انا هدخل انام بقا عشان فصلت خلاص 
هاله..طيب بس لما يجي بابا هصحيك عشان ناكل مع بعض 
كريم.. ماشي 
هاله.. طيب انا هطلع لفاطمه وساره بقا عايز حاجه قبل ما طلع 
كريم.. لا ياحبيبتي انا هنام. 
........................................
في الأعلي
رجاء.. اخوكي كان هنا النهارده يامني 
مني.. والله طب ومستنانيش ليه 
رجاء.. كان مستعجل وعنده شغل وانتي اتاخرتي 
مني.. يلا مش مشكله مره تانيه بقا 
رجاء.. ان شاء الله نفسي اوي ياخد هاله بنت خالك مش هلاقي احسن منها بعد ما كنت عايزه فاطمه او جميله 
مني.. وليه ياماما ماهو ممكن ياخد واحده استايل ويعيش حياته بلاش هاله 
رجاء. . ومالها يابنتي هاله ايه يعيبها يعني 
مني.. ميعبهاش حاجه بس مش استايل كده وروشه 
رجاء.. اسكتي انتي بس يارب اشوفك ربعها حتي اهو ده الي انتي فالحه فيه انا معرفش انتي طالعه لمين 
مني.. بقا كده ياماما انتي بدافعيلها وجايه عليا انا الي بنتك 
رجاء.. عشان حرام البنت كويسه اوي ومتعلمه وتتاقل بالدهب وانتي بتقوليلي استايل وكلام فارغ اتنيلي ماهو اسلوبك ده الي هيضيع منك حاجات كتير 
مني.. ماله اسلوبي ياماما وبعدين انا مالي انتو حرين يتجوز هاله ولا غيرها مليش دعوه 
رجاء.. ايوه يكون احسن خليكي في حالك بس وغيري من اسلوبك ده عشان غلط ومحدش هيعبرك مفيش بنت اسلوبها كده 
مني.. مش عايزه حد يعبرني انا عارفه طريقي كويس وعارفه هعمل ايه 
رجاء.. ايه كلامك ال مش مفهوم ده 
شردت مني بأفكارها الشيطانيه محاولة تواجد فكره لتبعد كريم عن فاطمه بأي وسيله وبأي طريقه محدثه نفسها قائله ابعدكم ازاي عن بعض بس ياربي !!!
ومرت الأيام
مرت عده أيام علي أبطالنا كان كريم يوميا يذهب ويأتي مع فاطمه التي أصبحت جزء من حياته بل وحياته بأكملها فهي اخترقت قلبه من الداخل بل وتربعت علي عرشه .. 
بينما كان وائل يراقبهما يوميا حتي ينتهز أي فرصه تكون فاطمه بمفردها حتي يتقن أذيتها دون عاقب ودون وجود كريم..... 
وفي ذات يوم كان يخرج من مدخل البنايه بصحبه فاطمه حتي تعثرت قدميها وأوشكت علي السقوط ولكن كريم أمسكها بقوه قائلا بهدوء مش معقوله كده انتي علي طول تقعي كده 
فاطمة بابتسامه معلش مكنش قصدي وبعدين البركه فيك مش بقع وانت معايا 
كريم.. ولو لوحدك تقعي كده لازم تخلي بالك من نفسك 
فاطمه.. متخافش عليا 
كريم.. قولتلك قبل كده مش خاېف ولا حاجه يلا اركبي 
تلاشت الابتسامه من وجهها واتبعت كريم الذي أشاح بوجه وركبت السياره بحزن تنهدت وراوتها الأفكار إذا لماذا يفعل معها كل هذا إن لم يكن يحبها ! ..حسمت القرار وقررت المواجهة حيث تحدثت بتردد قائله 
ممكن اسالك سؤال 
كريم بانتباه اسالي 
فاطمه.. هو انا ايه بالنسبالك 
أشاح كريم بوجه وصمت لا يعلم ماذا يقول 
تحدثت فاطمه بإصرار وقالت ممكن ترد عليا 
كريم بهدوء مش فاهم تقصدي ايه 
فاطمه.. يعني انت بتعمل كل ده معايا عشان مش عايز مشاكل بس بجد 
صمت كريم مره أخري ولم يتفوه بكلمه 
فاطمه.. جاوبني 
كريم.. ايوه زي ما قولتلك قبل كده 
فاطمه بحزن يعني انا ولا حاجه بالنسبالك خالص خالص 
كريم بارتباك. احم لا ازاي انتي بنت عمي وواجب عليا احميكي واي راجل في مكاني كان هيعمل كده 
فاطمه.. غير اني بنت عمك... وبدموع محتجزة تحدثت قائله انت مش حاسس بحاجه تجاهي يعني 
خفق قلب كريم بشده وحدث صراع بداخله بين الكبرياء والحب أغمض عيناه لثوان وأعاد فتحها صامتا 
فاطمه بعصبيه رد عليا 
تنهد كريم وليتغلب الكبرياء عليه وتحدث قائلا بهدوء عكس ما بداخله من ألم وقال لا 
فاطمه پخنقه لا ايه 
حاول كريم تهدئه نفسه وقال إنتي بنت عمي وبس اكتر من كده مفيش
صدمت فاطمه قائله متاكد 
كريم.. ايوه 
تراجعت فاطمه للخلف وانتصبت في جلستها مستنده برأسها علي زجاج السياره وحبست تلك الدموع التي أوشكت علي النزول محدثه نفسها يااه يعني انت لا خاېف عليا ولا بتحبني ده انت انسان غريب اوي اومال ليه اهتمامك بيا زايد اوي كده وتصرفاتك بتدل علي غير الي بتقوله يعني انا طلعت واهمه نفسي على الفاضي وانا بالنسبالك بنت عمك وبس يارب رحمتك
بينما نظر لها كريم بحزن وانتبه للقياده بتأنيب ضمير كان يريد أن يقول لها انها اخترقت قلبه ولكنه لا يعلم كيف قال لها انها ولا شئ بالنسبه له تنهد پألم ونظر من النافذه ليأخذ نفسا عميقا محدثا لنفسه قائلا 
انت ليه جرحتها انت فعلا خاېف عليها هي مش مشاكل ولا نيله ليه مقولتلهاش انك بتحبها وعايزها جنبك طول الوقت ليه عملت كده وكسرت بخاطرها سامحيني انا مش قادر انطق واعبرلك بحبي بس والله انا بحبك يافاطمه....
البارت الثالث والعشرون
ساد الصمت بين كريم وفاطمه وكل منهما يتألم في صمت حتي وصل الي مقر جامعتها وصف سيارته ثم ترجلت فاطمه منها بصمت ودون ان تتفوه .. نظر لها كريم بحزن وتحدث قائلا لأول مره فاطمه 
نظرت له والدموع
متجمده في عينيها بعتاب لتتحدث لغه العيون ليبادلها كريم النظره بنظره إعتذار ولكنه قال بهدوء متنسيش ترني عليا لما تخلصي 
أومأت فاطمه برأسها وتحركت سريعا من أمامه لتنهمر الدموع من عينيها بغزاره ودلفت الي الجامعه 
مسح كريم وجه بكفيه محاولا تهدئه نفسه ثم تنهد وأدار محرك القياده وإنطلق بها ....
في شرم الشيخ
كانت جميله تمشي على الرمال متأبطه في ذراع زوجها الذي عوضها عن ذاك الألم الذي عاشته مع والدها وأشعرها بالأمان والحب والحنان
تحدث إسلام قائلا ها ياستي قوليلي بقا مبسوطه 
جميله.. مبسوطه اوي ربنا يخليك ليا 
اسلام.. ويخليكي ليا حبيبتي 
جميله.. بس انا نفسي اوي انزل القاهره اخواتي وحشوني اوي اوي 
اسلام.. ان شاء الله اول ما تيجي الفرصه هننزل انا عارف اني ظالمك معايا لكن ڠصب عني والله 
جميله.. عارفه ومقدره والله وكفايه انك معايا بس انا واخواتي ملناش الا بعض وانا حاسه انهم مش مرتاحين في حياتهم 
اسلام.. طب انا عندي حل كويس 
جميله.. ايه هو 
اسلام.. تبعتلهم يجو ويعدو معانا شويه وتبقي معاهم علي طول وهما كمان واهي تبقي فسحه بالمره 
جميله.. والله فكره حلوه بس ياتري بابا هيرضي يسبهم 
اسلام.. انا مستعد اكلمه واقنعه واخليه يوافق بس انتي اعرضي عليهم الموضوع وشوفي رايهم ايه 
جميله.. انا هتصل بفاطمه دلوقتي واقولها .. ثم أمسكت بهاتفها وبحثت عن إسم أختها وضغطت زر الاتصال وبعد قليل أجابت فاطمه بلهفه قائله جميله وحشتيني اوي اوي ياحبيبتي طمنيني عليكي 
جميله.. الحمدلله يابطوط انتي وحشتيني اوي انتي وساره انتو كويسين 
فاطمه.. اه ياحبيبتي كويسين الحمدلله 
جميله.. وعامله ايه مع كريم طمنيني 
فاطمه.. 
جميله.. يابطه في ايه مبترديش عليا ليه 
فاطمه. . الحمدلله كله تمام ياجميله 
جميله.. تؤ في حاجه حصلت صوتك مش عاجبني 
حاولت فاطمه ان تتماسك وقالت لا ياجميله مفيش امتحاناتي بس قربت وانا قلقانه 
جميله.. من امتي وانتي بتقلقي من الامتحانات كده مانتي ديما تقوليلي خليها علي الله اكيد في حاجه مزعلاكي كده هتخبي علي جوجو 
فاطمه.. طيب اروح البيت بس واحكيلك كل حاجه عشان انا في الجامعه دلوقتي 
جميله.. ماشي يابطه هستني منك مكالمه 
فاطمه.. ماشي ياجوجو انتي طمنيني عليكي عامله ايه مع اسلام 
جميله. الحمدلله كله تمام حبيبتي اوعي بس لما تروحي تنسي ترني عليا عشان عيزاكي في موضوع ماشي 
فاطمه. موضوع ايه ده 
جميله.. لما تروحي بس هقولك 
فاطمه.. ماشي ياجوجو يلا سلام دلوقتي 
جميله.. مع السلامه وأعلقت الخط بقلق علي أختها 
اقترب إسلام منها قائلا ايه ياحبيبتي مالك 
جميله بتنهيده مش عارفه فاطمه مالها صوتها مش عاجبني 
إسلام خير إن شاء الله طب مقولتلهاش ليه عشان يجوا 
جميله لما تروح عشان هي في الجامعه 
إسلام ماشي ياحبيبي 
مرت عده ساعات ألقي كريم القلم الذي بيده علي سطح المكتب وزفر بضيق وأغمض عيناه ثم أستند بظهره علي المقعد ورفع رأسه إلي الأعلي متنهدا بضيق ثم حدث نفسه قائلا
اوووف ده ايه اليوم الغريب ده استغفر الله العظيم انا ازاي قولتلك كده ازاي طلعت من بؤي الكلام ده لا متصدقنيش انا كذبت عليكي انا لازم اقولك النهارده على كل حاجه لازم اعرفك اني كذبت عليكي وانك كل حاجه بالنسبالي لازم اقولك اني بحبك ومش شايف غيرك لازم اقول واستريح من الي انا فيه ده ثم نظر إلي ساعه يده وقال يلا بقي رني عليا يافاطمه ...
وفي نفس الحين كانت فاطمه انتهت من يومها وخرجت من الجامعه وأمسكت بهاتفها لتتصل بكريم ولكنها تراجعت وتنهدت قائله لا مش هتصل بيه هو ملوش دعوه بيا أساسا طالما لا بيحبني ولا بېخاف عليا انا كمان مش هسمع كلامه وهروح لوحدي ثم سارت حتي وجدت تاكس وركبت متوجهة إلي المنزل ولكنها لا تعلم ماالذي ينتظرها ودائما تأتي الرياح بما لا تشتهي السفن 
صف سائق التاكس سيارته وترجلت فاطمه ورحل السائق وما أن رفعت فاطمه نظرها حتي وقع علي وائل الذي كان يضحك بسخريه شهقت فاطمه بفزع وتراجعت للخلف بظهرها وإبتلعت ريقها پخوف واضح ولكنها حاولت أن تتماسك وحدثت نفسها بعتاب قائله فينك ياكريم يارتني ما مشيت واتصلت بيك يارب استر ونجيني 
إقترب وائل منها والشړ يتطاير من عينيه وتحدث بوضاعه قائلا يااه أخيرا لقيتك لوحدك اهي فرصتي جت لحد عندي أومال فين الباشا إبن عمك 
تحدثت فاطمه بنبره قويه عكس ما بداخلها قائله إبعد عني وسبني أمشي والله أصوت وألم عليك الناس وأوديك في ستين داهيه ياندل 
ضحك وائل بسخريه وتحدث قائلا صوتي ميهمنيش حد كده كده خربانه بس طالما خربانه يبقي هاخد حقي من الباشا الي طالعلي فيها وهعرفه إزاي يمد إيده علي أسياده 
حاولت فاطمه أن تركض ولكنه أسرع وأمسكها بقوه قائلا دي قرصه ودن بس ليه وأخرج سريعا سلاح حاد من جيب بنطاله مما جعل فاطمه تصرخ بأعلي صوت فاتسعت عيني فاطمه وترنح جسدها أسرع الجيران أثر صړاخهاا مما جعل وائل يدفعها بقوه ليهرب لتهبط فاطمه أرضا فاقده الوعي ومغيبه تماما إقترب منها
بعض الجيران لاسعافها والبعض الاخر ركض خلف وائل ليمسك به 
تعالت الأصوات وتحدث جارا ما يسمي أبو مصطفي قائلا لا حول ولا قوه الا بالله حد يجيب عربيه بسرعه البنت ډمها هيتصفي ياجدعان
أسرع أحدهم ليوقف سياره ما تمر ثم حملوها وركب البعض معها متجهين إلي المستشفي تحدث أبو مصطفي قائلا لابنه إطلع يامصطفي بسرعه انده علي أهلها وخليهم يحصلونا علي المستشفي بسرعه يابني 
ركض مصطفي قائلا حاضر يابابا حاضر وصعد الي الاعلي ركضا ودق جرس المنزل
أسرعت رجاء قائله 
مين الي بيخبط كده استر يارب وفتحت الباب خير في ايه 
مصطفي.. الانسه فاطمه بنتكم في واحد ضربها وطلع يجري وهي دلوقتي في المستشفي 
شهقت رجاء ولطمت علي صدرها متسعة العينين قائله واحد مين ده ياحبيبتي يابنتي 
أسرع كل من هاله وساره بفزع في اتجاه عمتهم 
تحدثت ساره بدموع اختي حصلها ايه وهي فين ياحبيبتي يافاطمه انا لازم اروحلها حالا وخرجت ولا تدري أنها ترتدي بيجامه وكادت ان تنزل حتي تحدثت رجاء قائله تعالي ياساره اهدي غيري هدومك وانا هلبس وننزل يلا بسرعه 
مصطفي.. انا هوصلكو بس يلا البسو بسرعه 
هاله.. ياحبيبتي يافاطمه ياتري عمل فيكي ايه استر يارب 
إرتدت كل منهن ملابسها علي عجل ودلفن جميعا خارج المنزل وركب جميعهم بصحبه مصطفي متجهين الي المستشفي وظلت ساره مڼهاره بشده طوال الطريق 
مصطفي.. ده الموبايل بتاعها وشنطتها اتفضلي 
أخدت ساره متعلقات أختها بدموع منهمره قائله ياحبيبتي يافاطمه يارتني كنت مكانك 
رجاء.. اهدي ياساره ياحبيبتي احنا هنروحلها وهنطمن عليها مټخافيش
وفي نفس الحين نظر كريم الي الساعه بقلق وحدث نفسه قائلا هي مرنتش عليا ليه اما اكلمها انا وضغط ازرار الهاتف بقلق واضح فرن الهاتف ونظرت ساره من بين دموعها قائله ده كريم 
رجاء.. هاتي ارد عليه واخلي يحصلنا علي المستشفي 
رجاء ايوه يا كريم 
أحس كريم بوغزه في قلبه وتحدث قائلا عمتي اومال فين فاطمه 
رجاء پبكاء بيقولو في واحد خپطها وطلع يجري معرفش مين 
اتسعت عيني كريم بذهول وتحدث پصدمه ايييه وهي فاطمه فين دلوقتي 
رجاء في المستشفي واحنا في الطريق رايحين ليها اهو 
كريم انا جاي حالا واغلق الخط متجها الي الخارج وركض السلالم پخوف واضح علي حبيبته وركب سيارته سريعا وأدار المحرك قائلا ياتري عملك إيه الكلب ده والله ما انا سايبك يا ابن 
وصل بعد قليل الي المستشفي وصعد سريعا درجات السلم فوجدهم متجمعين أمام الغرفه بقلق فقال وهو يلهث فين فاطمه 
رجاء.. جوه في الاوضه والدكتور معاها استر يارب 
كريم.. ايه الي حصل بالظبط
ابو مصطفي.. اهدي يابني وانا هحكيلك كل حاجه 
كريم.. احكي بسرعه ارجوك ايه الي حصل 
ابو مصطفي.. انا كنت انا وابني في المحل بتاعنا وفجاءه سمعنا حد پيصرخ جامد طلعنا جري لقينا واد اسمه وائل انا عارفه واكيد انت عارفه ضربها بمطوه تقريبا كان في ايده وزقها وقعت علي دماغها وان شاء الله زمانهم مسكو في