رواية احببتها الفصول من 20 الى 25

كريم من مقعده وتوجه اليها 
ابتلعت فاطمه ريقها وتوردت وجنتيها خجلا 
تحدث كريم بهدوء قائلا ايه مالك خاېفه ليه مش انتي مبتخافيش ! 
نظرت فاطمه الي عينيه الواسعتين ولم تتفوه بكلمه فقربه جعلها عاجزه عن الحديث 
فاطمه بتوتر آآ ابعد كده 
ظل كريم علي وضعه قائلا يعني پتخافي مني ولا لا 
فاطمه بارتباك لا 
قائلا متاكده 
اتسعت عينا فاطمه وقالت بتوتر لا مش متاكده هتاكد واقولك 
تنهد كريم وانتصب في وقفته قائلا اوك عفونا عنك وعاد الي مقعده مبتسما ... 
البارت الواحد وعشرون
قام أحمد بزيارة منزل خاله حسين للاطمئنان علي والدته ....حيث كان أحمد شاب طويل القامه نحيف ذو بشره ما بين البيضاء والخمريه وملامح مصريه رجوليه ويتميز بروح خفيفه .... 
أقبل أحمد علي والدته وانحني بجسده للامام ليقبل يدها ثم قال ليكي وحشه ياست الكل 
ابتسمت والدته بحنان قائله
وحشتني اوي اوي يا احمد عامل ايه طمني عليك 
احمد.. بخير ياماما الحمدلله انتي عامله ايه 
رجاء.. بخير ياحبيبي 
احمد.. شكلك مرتاحه في القعده هنا 
رجاء.. يعني اهو تغير وكمان ولاد خالك ملهمش حد ياخد باله منهم وانا واجبي كعمه احتويهم ولا ايه ياحماده 
احمد.. طبعا ياماما طول عمرك صاحبه واجب ياكبيره 
رجاء.. ههههه بكاش اوي استني هندهلك ساره تسلم عليك ساره ياسوسو ساره تعالي ياحبيبتي سلمي علي ابن عمتك 
ساره.. حاضر يا عمتو جايه ثواني 
احمد.. هو مفيش غير ساره ولا ايه 
رجاء.. لا هاله تحت وطالعه حالا دلوقتي وفاطمه في الجامعه 
احمد.. ممممممم ماشي ياماما بس انا مش عارف انتي غرضك ايه من الزياره دي هاا 
رجاء.. ههههه لا خلاص معدش ينفع بقا انا كنت ھموت واجوزك جميله او فاطمه واهو الاتنين اتجوزا ملناش في الطيب نصيب بقا 
احمد.. اه منك ياماما كل شئ قسمه ونصيب ياام احمد 
رجاء.. نفسي افرح بيك اوي مع بنت الحلال الي تستاهلك 
احمد.. ان شاء الله ياماما ادعيلي انتي بس 
رجاء.. دعيالك يانور عيني
وبعد قليل خرجت ساره وألقت السلام عليه قائله 
.. ازيك يا احمد عامل ايه .. 
احمد.. الحمدلله ازيك انتي ياساره واخبار المذاكره معاكي ايه 
ساره. الحمدلله تمام 
احمد.. بقيتي في سنه كام دلوقتي 
ساره تالته ثانوي 
احمد.. ما شاء الله شدي حيلك بقا عشان تدخلي كليه حلوه 
ساره. ان شاء الله 
احمد.. الف سلامه عليكي 
استغربت ساره وقالت بتوتر ليه 
احمد.. في علامات چروح في وشك انتي كنتي تعبانه 
ساره 
رجاء.. دي كانت وقعت وقعه جامده ونزلت علي وشها واتعورت زي مانت شايف كده 
احمد.. الف سلامه عليكي ياساره 
ساره. الله يسلمك متشكره اوي
وبعد قليل طرقت هاله باب الشقه لتنهض رجاء قائله دي اكيد هاله وفتحت الباب ودخلت هاله التي كانت ترتدي اسدال الصلاه تلك الفتاه التي تتميز بطباع لا تتوفر في فتيات كثيره فهي فتاه هادئه بطبعها حبوبه وخجوله أيضا حيث كانت هاله ذات بشره خمريه وعينان واسعه باللون البني وملامح متناسقه تشبه أخيها الي حد كبير وتأخذ من ملامحه ...... 
وماان دخلت هاله حتي قالت السلام عليكم 
وقف أحد قائلا وعليكم السلام ورحمه الله ناظرا اليها قائلا في نفسه يااه بقا هاله كبرت كده ما شاء الله 
تحدثت هاله بخجل قائله آآ إزيك 
ابتسم أحمد قائلا الحمدلله بخير 
رجاء بابتسامه هتفضلوا واقفين كده اقعدو يلا 
جلس أحمد وقالت هاله تشرب ايه 
احمد.. لا شكرا متتعبيش نفسك انا والله ورايا شغل ولازم امشي
هاله.. لا طبعا مينفعش لازم تشرب حاجه ولا عايز الناس يقولوا علينا بخلاء بقا 
ضحك احمد باعجاب قائلا ماشي 
هاله.. تحب تشرب ايه 
احمد.. اي حاجه منك حلوه 
تحركت هاله من أمامه بخجل متوجهة الي المطبخ تاركه أثرا في أحمد الذي إنبهر بأخلاقها وخجلها 
بينما تحدثت رجاء في نفسها قائله
ربنا يجعلها من نصيبك يابني يارب 
وبعد قليل عادت هاله وهي ممسكه بصينيه المشروبات ووضعتها علي الطاوله وأخذت كوب قدمته لاحمد قائله اتفضل 
أخذ احمد
الكوب قائلا بابتسامه تسلم ايديك 
هاله.. ربنا يخليك ثم جلست بجانب ساره وساد الصمت لدقائق حتي قطعه أحمد قائلا وانتي بتدرسي ايه يا هاله 
هاله.. لا انا خلصت دراسه 
احمد.. ومفكرتيش تشتغلي 
هاله.. اشتغلت قبل كده بس محبتش جو الشغل وحبيت البيت اكتر وكمان بابا واخويا كانوا محتاجني وكنت لازم اتفرغلهم بعد وفاه امي الله يرحمها 
احمد.. الله يرحمها ويحسن اليها بس ازاي بتستغلي وقت فراغك يعني اكيد بيجي عليكي وقت وتملي من قعده البيت 
هاله.. اكيد بس بحاول اخرج نفسي من الي انا في بصلي وممكن ادخل المطبخ افنن في اي حاجه وكمان كنت بحفظ قرآن الفتره الي فاتت انا وفاطمه بنت عمي بس انشغلنا شويه لكن هنرجع نواظب تاني بامر الله
احمد.. ما شاء الله عليكي ربنا يحميكي 
هاله.. شكرا ربنا يخليك 
رجاء.. احنا لازم نتغدي مع بعض بقا يلا يالولو نحضر علي ما فاطمه ومني يوصلوا 
احمد.. لالا ياماما انا والله عندي شغل كتير اوي مش هينفع انا جيتك اهو عشان متزعليش لازم امشي دلوقتي 
رجاء.. بقا كده يااحمد ده كلام برضو 
هاله.. لازم تتغدي معانا ده كريم علي وصول وهيفرح لما يشوفك 
احمد.. ان شاء الله قريب نقعد مع بعض انا كمان نفسي اشوفه وهجيلوا قريب اوي 
رجاء.. ماشي يا حبيبي خلي بالك من نفسك لحد ماجي البيت 
احمد.. ماشي ياماما يلا سلام عليكم 
هاله.. وعليكم السلام ورحمه الله
في الشركه
كان يمر حسين في الطابق العلوي المتواجد فيه مكتبه بتعالي وتكبر متلفتا يمينا ويسارا ثم نظر الي الارض وجد منديل ورقي ملقي عليها نادي بصوت مرعب وعالي قائلا يا رضا انت يارضا انت يابني آدم 
أسرع رضا عامل النظافه اليه وقال پخوف ايوه ياحسين بيه 
نظر له باشمئزاز وسخريه قائلا ايه الزباله دي الي مرميه في الارض
سمع كريم صوت عمه يعلو فقام مسرعا متجها الي الخارج واتبعته فاطمه .... 
تحدث حسين قائلا انا نفسي أعرف انت بتعمل ايه هنا والزباله ملت الشركه يا زباله انت 
نظر العامل الي الارض وابتلع تلك الاهانه المريره بقله حيله وأغمض عيناه پألم 
بينما غلت الډماء في عروق كريم الذي صدم من وقاحة عمه وتحدث بصوت رجولي قائلا لالا والله مايصح الي انت بتعمله ده ياعمي حرام عليك بجد 
نظر له حسين پشراسه وقال انت مالك انت بتدخل ليه 
كريم بجديه اتقي الله ياعمي 
حسين پحده انت تخرس خالص لما انا اتكلم فاهم ولا مش فاهم 
كريم بعصبيه لا مش فاهم طبعا انا اتكلم زي ما انا عايز وانا حر 
حاول حسين ان لا يدخل معه في جدال وتجاهل كلامه ناظرا الي رضا العامل قائلا نضفلي الارض دي حالا واول واخر مره الاقي زباله كده وكاد ان يتحرك ولكن وقع نظره علي فاطمه فقال البت دي ايه الي جابها هنا 
تنهد كريم بنفاذ صبر وقال انا الي جبتها هنا 
حسين ليه ان شاء الله 
كريم ببرود انا حر 
استشاط حسين ڠضبا وقال كريم متنساش نفسك وانت بتكلمني عشان مخرجش عن شعوري معاك انت فاهم 
أشاح كريم بوجه بعيدا وزفر بضيق واضعا كلتي يديه في جيب بنطاله
ثم تابع حسين وقال والبت دي متجيش معاك تاني 
تحدثت فاطمه بغيظ وقالت لا هاجي 
اقترب حسين منها وكاد ان يصفعها ولكنها اسرعت واختبئت بظهر كريم متشبسه به 
نظر له كريم بتحذير قائلا اياك انك تمد ايدك عليها ياعمي 
حسين بذهول لا والله انت ياض انت بتكلمني كده ازاي 
كز كريم علي اسنانه وقال اولا متقوليش ياض ثانيا قولتلك قبل كده مش هسمحلك تمد ايدك عليها تاني لانها تخصني يارب يكون حضرتك فهمتك !! 
علت أصواتهما حتي خرج ابراهيم من مكتبه قائلا في ايه 
حسين تعالي شوف ابنك ياابراهيم بيكلمني ازاي تعالي 
ابراهيم بهدوء في ايه ياكريم 
تحدث حسين مقاطعا ابنك بيرد عليا الكلمه بكلمه وعاملي فيها راجل 
كريم پحده انا راجل ڠصب عن اي حد 
حسين اهو اتفرج علي ابنك ياابراهيم 
ابراهيم اهدي ياكريم مش كده 
كريم كده ولا مش كده خليه يلزم حدوده معايا يابابا لو سمحت ويبعد عني يكون أحسن... ثم أمسك بيد فاطمه التي مازلت متشبسه به ودخل مكتبه وأغلق الباب خلفه 
تحدث حسين قائلا ماشي والله لاربيك ياكريم 
ابراهيم بجديه ربنا يهديك ياحسين مش هقول غير كده.... وتحرك من أمامه تاركا له يستشاط ڠضبا ثم حدث نفسه قائلا هو الواد ده ازاي بيكلمني كده وانا ازاي مبوقفوش عند حده كده بس انا مازلت بتمني انه لو كان ابني اه ياناري منك .....
جلس كريم علؤ مكتبه بضيق ووضع ساقا فوق الاخر وأخذ نفسا عميقا وزفره علي مهل 
لاحظت فاطمه ملامحه الغاضبه فقالت بخفوت آآ معلش مش تزعل 
نظر لها كريم پغضب وقال ششش اسكتي بقا كل ده بسببك 
ابتلعت فاطمه ريقها بإحراج وقد تجمعت الدموع في عينيها وأشاحت بوجهها بعيدا عنه حتي لا تنساب دموعها 
تنهد كريم وقد راجع نفسه فتحدث بارتباك وقال آآ انا مكنش قصدي 
فاطمه 
زفر كريم بضيق وندم علي ماقاله فتنحنح قائلا خلاص قولتلك مكنش قصدي اعمل ايه يعني
كنت متعصب 
انسابت الدموع من عينيها ولم تعد قادره علي حپسها اكثر من ذلك مما جعل كريم قلبه يخفق بشده من تلك الدموع البريئه وكاد ان يمسح لها دموعها ويعتذر ولكنه تراجع عن ذلك ... ف قال بمرح هو انتي كنتي عايزه تشتري ايه من تحت بتقولي 
لم يأتيه رد منها فمد يده لها بمنديل قائلا خلاص بقا طاه 
ضحكت فاطمه وقالت طاه ! 
تنهد كريم بارتياح وقال اه طاه ليكي شوق في حاجه 
زادت ضحكتها وقالت انا هنزل بقا البوتيك مش انت وافقت خالص 
كريم رافعا حاجبه انتي صدقتي 
فاطمه ايون صدقت 
كريم اهي ايون دي هتخليني ارجع في كلامي 
ضحكت فاطمه ضحكات رنانه جعلت قلبه ينبض حبا من جديد 
انتبه لنفسه وفي لمح البصر اعاد ملامحه مره اخري للجمود ورفع سماعه الهاتف قائلا نسرين تعالي لو سمحتي 
دخلت نسرين قائله افندم 
كريم.. لو سمحتي شيلي الحاجات دي من هنا وخدي الورق ده وصليه لاستاذ حسين 
نسرين.. اوك تحت امرك يافندم حاجه تاني 
كريم.. لا شكرا 
فاطمه بغيره ها خلصت شغل 
كريم.. اه بس ثواني ابص علي بابا ليكون محتاج حاجه 
فاطمه.. طيب انا هاجي معاك 
كريم ماشي ...ونهض حتي وصل الي الباب ووضع يده علي جيبه قائلا استني نسيت المفاتيح 
فاطمه مسرعه استني انا هجبهالك وركضت الي المكتب وجذبت المفاتيح وعادت اليه كالطفله قائله اهي 
نظر كريم مطولا يتامل ملامحها وتصرفتها الطفوليه لبرهه.. 
فاطمه بارتباك آآ يلا 
انتبه كريم قائلا احم اه يلا وخرج متجها الي مكتب والده قائلا 
بابا انا ماشي محتاج حاجه مني 
ابتسم ابراهيم وقال لا متشكر اهلا يابطوط انتي جيتي هنا ازاي 
فاطمه.. احم ازيك ياعمي مش عارفه ايه الي جابني ابنك الي قالي 
ابراهيم.. ههههه ياسلام ده ايه التطورات الجديده دي 
كريم.. ابدا يا بابا الواد الي اسمه وائل ده كان مره تعدي عليها تحت البيت وقولتلها مينفعش تبقي لوحدك عشان مش عايزين مشاكل 
ابراهيم.. ياخبر ازاي الواد ده يتجرأ ويعمل كده خلي بالك من نفسك يافاطمه يابنتي ليأذيكي لا قدر الله 
فاطمه.. متخافش ياعمي ربنا يستر 
ابراهيم.. يارب يابنتي 
كريم.. طيب يابابا انا مروح هتروح معايا 
ابراهيم.. لا يابني روح انت انا لسه ورايا شويه شغل كده 
كريم.. طب محتاج حاجه مني اساعدك 
ابراهيم.. لا روح انت وفاطمه وانا هبقي اجي مع عمك 
كريم.. ماشي يابابا يلا سلام 
ابراهيم.. مع السلامه سلام يابطوط 
فاطمه.. سلام ياعمي
خرج كريم من مكتب والده وسار عده خطوات حتي وجد رضا عامل النظافه ينظف الأرضيه بتعب وحزن اقترب منه وربت علي كتفه قائلا متزعلش ياعم رضا حقك عليا أنا 
تحدث رضا بهدوء وقال ربنا يخليك يا أستاذ كريم ويجبر بخاطرك 
ابتسم كريم وقال انا عارف ان عمي بيزودها اوي وليك حق تزعل ياعم رضا بس جزائك عند ربنا وانت اكيد عند ربنا أحسن منه 
رضا لا احسن ولا حاجه ربنا يهديه يا أستاذ كريم لولا ابوك الراجل الطيب وذوق حضرتك انا كان زماني مشيت من زمان 
كريم الله يكرمك ياعم رضا واحنا منقدرش نستغني عنك انت بس خد بالك من شغلك عشان هو ميكلمكش بالطريقه دي 
رضا والله العظيم انا منضف كويس بس معرفش مين رمي المنديل علي الارض 
كريم ولا يهمك وحصل خير ياعم رضا 
رضا ربنا يجبر بخاطرك يااستاذ كريم ويكرمك 
كريم بابتسامه اللهم امين تسلم ياعم رضا يلا عن إذنك 
رضا اتفضل 
اتجه كريم الي المصعد بصحبه فاطمه التي زادت اعجاب به وبأخلاقه العاليه التي لا تتوفر في الكثير
في منزل حسين
ساره.. بس احمد ابن عمتو ده جنتل اوي يالولو 
هاله.. هو انسان محترم فعلا وخلوق 
ساره.. اه وهو كمان قال عليكي كده وعجبتيه اوي ما شاء الله 
هاله.. عجبته ازاي بقا ياست ساره 
ساره.. هو انتي مشفتيش نظرته ليكي من اول ما اعدتي واعجابه بيكي واهتمامه الزايد 
هاله.. يااه كل ده حصل وانا معرفش 
ساره.. يابت عيني في عينك كده 
هاله.. اها 
ساره.. ههههه كذابه اوي واخدتي بالك من اعجابه بيكي صح 
هاله.. مش عارفه بصراحه ياساره بقا 
ساره.. ههههه ماشي عموما يالولو ده انسان كويس اوي ويارب يطلع من نصيبك 
هاله.. ههههه ياسلام بالسرعه دي ياسوسو 
ساره.. وماله ربك لما يريد 
هاله.. ممم بقيتي تقولي حكم ياسوسو 
ساره.. ههههه انتي بجد تستاهلي كل خير يالولو ربنا يسعد قلبك 
هاله.. انا وانتي ياحبيبتي يلا بقا انا هنزل شقتنا وانتي ذاكري شويه ماشي 
ساره.. ماشي 
هاله.. محتاجه مني حاجه قبل ما انزل 
ساره.. لا حبيبتي عايزه سلامتك
البارت الثاني والعشرون
وصل كريم الي المنزل وصف سيارته وقبل ان يترجل منها نظر الي المرآه فوجد وائل واقف ومتكئا على موتوسكل وما أن لمح كريم يترجل سريعا من السياره حتي ركب الموتوسكل وأنطلق به وكأنه يريد أن يعطيه أشاره ان الحكايه لن تمر بسلام .... 
ڠضب كريم ووقف محاولا السيطره علي نفسه فتحدثت فاطمه قائله في ايه مالك 
كريم بهدوء مفيش حاجه يلا اطلعي 
فاطمه.. طيب يلا 
كريم.. عندك جامعه بكره
فاطمه.. لا 
كريم.. طيب تمام 
أقبلت عليهما مني قائله هاي ياجماعه واقفين كده ليه 
فاطمه.. لسه جايين وطالعين اهو 
مني.. طيب يلا نطلع مع بعض
فاطمه.. ماشي وألقت نظره أخيره
الي كريم وصعدت بصحبه مني إلي الاعلي .. وظل كريم واقفا ناظرا اليهابخوف واضح عليه من ذاك الحقېر الذي يسمي وائل يريد ان يدخلها في قلبه ثم يغلق عليها حتي لا ټتأذي ممن حولها فهو أحبها وبشغف ولكنه لم يملك القدرة علي قول هذا .. !
صعدت فاطمه الي الشقه بصحبه مني وما ان دلفتا حتي قالت رجاء 
رجاء.. حمدلله علي السلامه يابنات 
فاطمه.. الله يسلمك يا عمتو 
مني.. الله يسلمك ياماما 
رجاء.. انتو جايين مع بعض ولا إيه
مني.. لا انا قابلت فاطمه على السلم هي وكريم 
رجاء.. طيب ماشي يلا غيرو عشان نتغدي 
فاطمه.. ماشي عن اذنكم 
وقفت مني تتحدث في نفسها قائله والله بقيت بتحب يا استاذ كريم وكمان فاطمه بس انا مش هسمح بكده ابدا وهي فيها ايه احسن مني ده انا حتي احلي منها بكتير وجاي انت تفضلها عني انا لازم اتصرف في الموضوع ده ويانا ياانتي ياست فاطمه ............
وفي غرفه فاطمه ماان دخلت حتي قالت ساره 
ايه الي اخرك كده يابطوط كل ده في الجامعه ها 
فاطمه.. لا كنت في الشركه 
ساره.. شركه ايه 
فاطمه.. شركه ابوكي ياختي 
ساره.. وايه الي وداكي هناك 
فاطمه.. اصل انا خلصت النهارده بدري اوي والمفروض برن على كريم عشان يجي ياخدني وبعدين قالي انا لسه عندي شغل فقولتله اروح انا قالي لا وبعتلي عربيه عشان توديني لي وبعدين يبقي يوصلني لما يخلص هو شغل فهمتي 
ساره.. حلاوتك ابطوط فهمت ياختي ده كريم وقع ومحدش سمي عليه 
فاطمه.. تفتكري 
ساره.. ايوه طبعا كان ممكن يقولك خدي تاكس وروحي لكن ده خاېف عليكي اوي 
فاطمه.. منا كنت فاكره كده لكن هو قالي انا بعمل كده عشان مش عايز مشاكل بس مش اكتر 
ساره.. لا اكيد بيضحك عليكي ياهبله دي تصرفات واحد بيحب مش عشان مشاكل ولا حاجه 
فاطمه.. مش عارفه ياساره خاېفه اوهم نفسي ويطلع انا ولا فارقه معاه
ساره.. بس اسكتي والنبي بلاش هبل المهم احكيلي عملتي