رواية المطلوبة من 1-4
تراب تدارى جماله.
أنتي بجد !! ولا أنا بحلم وطلعالي من حدوته ولا حكايتك إيه انتى مش ممكن تكونى بنت وبالجدعنه دي مش موجوده عند رجاله بشنبات بجد براڤوو عليكى أنا فخور ان بنت بلدى وحدة ذيك.
تشكر با آسر باشا أنت اللي سكره ومفيش منك والله.
آسر ضحك على كلمتها البسيطه
هههههه سكره وانتى بقي اسمك ايه متعرفناش..
هدهد براحه لكلامه
اسمى هدهد.
اسمك حلو اوى ماشي ياسطى هدهد خدى بقي دى حاجه بسيطه وبشكرك على وقفتك معانا ليله امبارح وتصليح العربيه.
هدهد محرجة تاخد الفلوس بس هى كتير وعين فى الجنه وعين فى الڼار بس كرامتها وعزه نفسها أكبر من اى مبلع من المال بصتله بفخر وقالت
اعتبرها هديه مني ولا أنا مش قد المقام ..!!
آسر مبهور بجدعنه هدهد فى حاجه شداه ليها هى ايه مش عارف.. بس فضوله هيقتله عايز يعرف عنها كل حاجه بس إزاى واقف ساكت كل الكلام بيدور فى عقله وهى كمان ساكته بس جوها كلام
كتير نفسها تنطقه نفسها تطلب منه يخدها ليه او ينادى عليه اهو تشوفه باى طريقه مهو مش معقول تكون فى نفس المكان ومتقبلوش ده ظلم والله..
طب ممكن بقي رقمك يعنى عشان لو حصل حاجه تانى فى عربيتى أكلمك تصلحيها انتى بمعرفتك مهو مش هلاقي اجدع من الاسطى هدهد يصلحها.
هدهد ظهرت ابتسامه مريحه على وشها
سجل عندك ٠١١٠٠٠٠٠٠٠٠ تمام .. سلام انا.
تمام .. سلام يا هدهد بجد سعيد إني قابلت شخصيه زيك في حياتى.
كلامه فرحها جدا.. هدهد
تشكر يا آسر بيه.
خرجت من مكتبه بخطوات بطيئه بټصارع نفسها وتعنفها بتكلم نفسها ومش شايفه قدامها حد غير خبتها التقيله بتكلم روحها پغضب
كتك خيبه عملتى زى اللى رقصوا على السلم لا اللى فوق شافوهم ولا اللى تحت سمعوهم خيبه تقيله عليكى وعلى اللى جبوكى ياهدهد..
وشها مقلوب وزعلانه قدام باب المكتب وفجأه خبطت فى كتف صلب مسكت كتفها بآلم و رفعت وشها بكل ڠضب بس المفاجأة كانت أقوى وأعنف من الخبطه.
بارت 5
وشها مقلوب وزعلانه قدام باب المكتب وفجأة خبطت فى كتف صلب مسكت كتفها پألم و رفعت وشها بكل ڠضب بس المفاجأة كانت أقوى وأعنف من الخبطه
آمر رفع حاجبه بنظرات اشمئزاز ليها من لبسها وشكلها أساسا هو مش متخيل ان الكائن اللى واقف قدامه ده دخل من بوابه الشركه ازاى وبيسأل نفسه ازاى سمحوله يدوس برجله القذره
هدهد واقفه بصه في عيونه قلبها هيقف من الفرحه مش متخيله إن حلمها اتحقق فى اللحظه دي غافله عن نظرات القرف والغرور اللي بيرميها عليها زى السهام اخيرا فاقت من حلمها على اپشع كابوس زلزل كينها لما اتكلم
إيه اللي دخل الأشكال دي هنا ..
هدهد .......
أنت أيوه بكلمك أنت.
بص على باب المكتب وكمل
اااه كان لازم اعرف وأنت خارج من المكتب ده مهو ميعرفش غير الاشكال الزباله اللى زيه اتفضل بره ومتعتبش المكان ده تانى ولما البيه اللى كنت عنده يعوذ يقابلك ابقو دورو على اى خرابه تانيه غير شركتى برررره.
هدهد مصدومه كل حوسها وقفت عن العمل حتى قلبها كانت حسه أنه خلاص هيقف منها لسانها انعقد ورجليها اتخشبت فى الأرض مش هو ده اللى كانت بتحلم تلاقيه ولا ده الكلام اللى اتخيلت تسمعه منه دموعها بقت زى الغشاوه على عيونها خلاص مبقتش شيفاه كمان وبصعوبه قدرت تحرك رجلها وتجري من قدامه تجري بأقصى سرعه عندها خرجت من بوابه الشركه ومشيت كام خطوه لآخر سور الشركه شارع جانبي وبعدها متحملتش تقف ثانيه كمان اڼهارت على الأرض قعدت وضمت رجلها بايدها ودفنت راسها ما بينهم ونفجرت في البكا دموع عمرها مانزلت منها لاعلى تعب ولا شقى ولا هدة حيل كل السنين.
وقفت عربيه سبور فيها شلة بنات وشباب والكاست صوته عالي واغنيه بصوت آمر اللى راح سمعتها وكانت زى القشه اللى كسرت ضهرها ..وبدموع القهر والذل والكتمان...
انا اللي ياما قلبه انجرح ..وحبايبه خده منه لا دوقت يوم طعم الفرح ولا ناسي بيحنه
هدهد كلمات الأغنيه مش سمعها وبس دى بتمزع فى كل شبر من روحها اكنه كان عايش حياتها مش مجرد وصف وبس كل حرف اتنطق كربون من اللى شافته و مرت بيها
وزي ما انت قسيت عليا لازم اقسى في يوم عليك وزي ما بكيت عينيا خدت ايه الله يجازيك
واللي راح من عمري اهو راح واللي شوفته كله جراح
هدهد بتبكى بكل مافيها افتكرت كل حرف وكلمه نطقها ونظرة الاشمئزاز من عيونه وحاله القرف الظاهرة على ملامح وشه وردو لهابكل غرور وتكبر.
خلاص حبيبي عيش وارتاح والقساوه مالكه قلبك
واللي راح من عمري اهو راح واللي شوفته كله جراح
خلاص حبيبي عيش وارتاح
هدهد كل كلمه في الأغنية كانت بتعبر عن
مكتب آسر...
بعد اختفاء هدهد فى لمح البصر دخل آمر شايف السكرتيرة ملك بنظارتها قعر الكبايه بتابع شغلها باهتمام وقفت اول ما شافته ملامحه كلها ڠضب فتح باب المكتب بدون استئذان ودخل على آسر لقى ماسك فونه وكل واخد انتباهه انتفض عند سماع صوت غلق الباب آسر بص ليه پغضب
إيه ياعم فى ايه الحړب قامت..
حرب وأكتر يابيه !!! بص بقى أنا بتغاضى عن حاجات كتير بتعملها لكن كله إلا الشغل والمجموعه يا آسر ده الشيء الوحيد اللى مش هتهاون فيه حتى لو كان أبويا ذات نفسه أنت فاهم.
آسر بعدم فهم
عملت إيه عشان كل ده أنا منا قاعد كافى خيرى شړي بعد الاجتماع وټهديد سيادتك.
في الأشكال الزباله اللى سيادتك مدخلهم وبضايفهم فى مجموعه لها اسمها وسمعتها.
آسر بنرفزه
الأشكال الزباله اللي مش قد مقام حضرتك هي اللي انقذتنا امبارح وإحنا ولااد الناس النضاف كنا مرمين وسكرانين فى الطريق الأشكال الزباله دي هي حافظت على المحروسة عربيتك اللى كنت ھتموت على فراقها ورجعتها زي العروسه هي لو زباله زي ماأنت بتقول كانت رامتنا فى الشارع زى الكلاب وكانت فكتها حته حته وبعتها خرده وكسبت فيها الزباله اللي مش عجباك دي أشرف واجدع حد قبلته فى حياتى.
خلص هجومه ورماله المفتاح بأنفاس منقطعه تحت انظار آمر المصدومه من كل كلمه قالها وان الكائن ده هو اللي سعدهم فى وقت صعب كان ممكن يتعرضوا لخطړ كبير لولاه هو لحظات عدت عليهم والحوار كله بيدور فى عقله وكلمه وقف عن حرفين بس.._هى_....
آمر بصله بدهشه
أنت قولت _هى_
آسر بقله صبر
هى الكلمه دى بس اللي سمعتها سيادتك...!!
آمر بإصرار
اخلص واتكلم.
آسر بأعجاب أدهش آمر
أقولك إيه بس أنا لحد الآن مش مصدق اللى شفته وسمعته الحكايه بأختصار قبلنا راجل جدع طلعت بنت ب راجل حتى شوف بنفسك.
مد ايده بالفون مفتوح على صورة هدهد اخدها لها آسر وهى سرحانه وبتفكر وسط كلامه معاها فضل آمر يتأمل
واستغرب من نفسه هو ازاى ماخدش باله من كل التفصيل دى لما وقف وكلمها بس بردو مضايق من منظرها وشكلها ككل.
شوفت بعينك شيء مايتصدقش.
قاطع كلاهم دخول صافى بدون استئذان والسكرتيره ملك خلفها تحاول منعها مع نظرات الأول والثانى المشدوهه.
ملك بتوتر
والله يافندم هى مدتنيش فرصه اتكلم و...
آسر بنظرات حاده
خلاص اتفضلى انتى على مكتبك ولو اتكرر تانى اى حد ان كان يدخل من غير معرفه تتفضلى على بيتك مفهوم.
هزت ملك رأسها علامه على فهمها واسرعت خطواتها تكافح بمنع دمعها تظهر امامه مع ضحكات صافى الساخرة.
فى مكان تانى
كشك فاطمه وماهر اشتد الخلاف بينهم.
ماهر پخنقه
شوفتينى جريت ولا رجعت ليهم أنا بعرفك بس عشان يكون عندك علم متتفجئيش بيه داخل علينا..!!
فاطمه پغضب
ياسلام لا ياعنيه أنت تنساه وتنساهم خالص.
ماهر پحده
كل اللى قولته أن صلاح أخويا خرج من السچن إيه الغلط فى كده أنا راجل يافاطمه عمرى ما همسك ديل جلابيتك وامشي على هواكى واعرف الصح من الغلط وتوبتى كل السنين دى تشفعلى وتعرفك اني راجل واد كلمتى معاكى.
أنت راجل وسيد الرجاله ياماهر بس اعذرنى أنا خاېفه من أخوك ليلعب بعقلك ومن الزمن ليدوسنا برجله أنا وابنك وحتى اللي فى بطنى ملناش غيرك فى الدنيا بعد ربنا.
ماهر طبطب على كفها مع ابتسامه
سبيها على الله يابطه اخد باله من لبسها وكمل بغيره مسكها من طرف هدمها ايه ده مش أنا قولت لك متلبسيش الجلابيه دى تانى وانتى نازله الشارع
فاطمه بابتسامه خجله
يوه كتك ايه بتغير علي يا راجل
بس متخافش اللى يبصلى بعين اخزقلو الاتني...
قطع كلمتها ولفت انتبها على بعد تجمع سيدحن صلاح صاحب التكاتك ..الحلقه٢ وعلى وشهم الشړ وشكلهم بيتفقوا على شيء ماهر ظهره ليهم ومش شيفهم بس استغرب من سكوت بطه
مالك يا بت سكتى ليه
اشارت باتجاههم مكمله
بص كده جوز الکلاب اللي هناك دول والتعبان الكبير ربنا يستر قلبي انقبض لما شفتهم اكيد بيدبروا نصيببه ل... ..
فلتت شهقه منها وكملت يانصبتي ليكونوا حطين البت هدهد فى نافوخهم يالهووى يالهووى ..
ماهر بقلق
اتلموا الشياطين على بعض بقولك إيه حذري صاحبتك تتكن اليومين دول
جيب العواقب سليمه يارب ياترى أنتى فين ياهدهد
