رواية المطلوبة من 1-4

المتسابقات عن مين منهم الجديره بلقب ملكه جمال السنه دى والكل كانت ارأهم مختلفه أتكلم سالم خطاب وأحمد الكومي
افهم من كده يا آمر ان ولا واحده تنفع للمسابقه
آمر رد بثقه وبهدوء 
سالم باشا أنا قولت و وضحت وجهه نظري.
طب قول تانى يا فنان يمكن نقدر نقرب للى فى دماغك.
صافى ادخلت وقاطعته بغل
يعنى ايه يا بابي إحنا مالنا بدماغه واللي فيها تلقيه عايز يجيب واحده من الراقصات بتوعه ويشهرها على حسبنا.
آمر رد باستفزاز
لا الراقصات اللى بتتكلمى عليهم دول يا أنسه صافي انتى عارفه كويس اوى دول مكنهم بيكون فين!
ازداد ڠضبها من تلمحاته وكانت هترد وقفها ابوها.
خلاص يا ولاد انتو مش بتزهقوا كل اجتماع خڼاقه قول يا آمر وفهمنى وجهه نظرك.
رد بكل برود تحت نظراتها الساخطه والمشتعله من كلامه وفهمها مغزاة وكأنه بيلقح عليها الكلام.
آمر وهو حالم وبيغمض عيونه ويسرح بخياله 
ملگة يعنى مش لقب ولا مسابقه وخلاص نكسب من وراها ملايين ملگة معناها اكتشاف يعنى كده بنت مثقفه على درجه عاليا جدا جميله لابعد الحدود جمالها داخلى اصل الخارجى ده مقدور عليهبص لصافي بشمئزاز وكمل
تكون زى التفاحه البيور فى كل حاجه تفاحه مفيش ولا عين شفتها هى دى الملگة بجد.
رد أحمد الكومى
كلامك جميل ودى بقي نلقيها فين وامتى أنت عارف ان إحنا كشركه واحده مش مهمتنا الإعلان عن المسابقه وبس لآزم نقدم مشتركه لينا وإلا كل شروط هضيع مننا.
سالم خطاب سؤله بجديه
آمر أنت فى حد محددفى دماغك
آمر رفع كتفه ورد
لا مفيش حد بس هلاقيها ان شاء الله.
آسر بعد ما اكتفى فرجه قاصد يهزر ويشوف رد فعلهم.
آسر بخبث 
طب وندور ليه ما صافي اهى موجوده وصراحه تنطبق عليها كل المواصفات.
ابتسمت هى والعيون كلها موجهه عليها انتفض آمر من مكانه ورد بسرعه قبل ماحد يأكد كلام الغبي ده زى ما قال فى سره
لا متنفعش ..!!!!
الكل بصله بتعجب شديد وآسر كاتم ضحكته وصافي وشها احمر لو حد لمسها هتولع فيه كح وقعد تانى وحط رجل على التانيه ووضح بلباقه مقصده
صافي بقى وشها محروق ..!!!
الكل برق عيونه من جملته وآسر مقدرش يكتم ضحكته أكتر من كده ..اتنحنح آمر وكمل 
اسف يا أحمد باشا قصدى يعنى انها قدمت قبل كده ومنجحتش ومش عايزين نغامر لا بالمسابقه ولا بالاعلانات ولا أنت رأيك ايه يا سالم باشا
رد سالم اللى كان ھيموت ويقوم يضحك برا عشان شكله قدام الناس وعشان أحمد صاحبه مش يزعل منه
بصراحه آمر عنده حق لو كان ينفع كنت أول واحد رجحتها للمسابقه.
تمام ياسالم أنا كمان شايف كده.
قامت صافي بعد ما سمعت رأى سالم
وابوها بكل ڠضب من ضحك آسر وبقلب محروق من آمر وقفت قدامه
وهو وقف بنفس التحدى لمعت فى عقلها فكرة 
أفهم من كده ان أنت مش عجبك ولا بنت من اللي شفتهم ولا حتى أنا !!
آمر هز راسه بكل استفزاز يأكد كلامها تشجعت وبتحدي ردت عليه
ولنفترض أنك هتصقف زى شهريار تظهرلك من تحت الأرض ملكة التفاح بتعتك دى وفى خلال ٣شهور تدخل المسابقه وتفوز ب لقب ملكه الجمال..هههههه اشک.
آمر باستفزاز اكتر 
يبقى ماتعرفيش آمر لحد دلوقتي لما بيقول شئ بنفذه.
ردت عليه تحت نظرات الجميع وبدون خجل
تتحدانى..!!
آمر ضحك جامد ورد عليها بكل ثقه 
وأنا بعشق التحدى
صافي بكبرياء
والمقابل..
اللى تطلبيه ...!!
لو كسبت هرفعلك القبعه واتنازلك عن الأسهم بتاعتى فى شركتك.
آمر بعدم اهميه وبالامبالاه
مع ان ٢٠٪ مش شغلين تفكيرى فى حاجه بس موافق.
صافي بترقب رد فعله
ولو أنا كسبت هتتجوزنى فى نفس اليوم.
الكل اټصدم من كلمتها آسر مبرق عيونه وسالم بحكم شيبه شعره وخبره راجل كان متأكد انها هتطلب ده وأبوها قام وقف وزعق فيها هو عارف إنها بتحبه بس مترخص نفسها بالشكل ده
صافي انتى اتجننتى إيه اللي بتقوليه ده
آمر وصافي واقفين قصاد بعض بين نظرات تحدي وكره واشمئزاز ومكر 
آمر وعيونه بتتحدى نظراتها
سبها يا أحمد باشا هى اللي اختارت.
مد ايده لايدها يسلم عليها ويبدأ التحدى.
تمام وأنا موافق بس بشرط !!!!!
كل المجتمعين فى انتظار سماع إيه هو شرط آمر وصافي دقات قلبها بتسابق الثواني. 
بارت 3
العصر أذن وهدهد سلمت مفتاح التوكتوك لى عم صلاح صاحبه وهما فى القهوة ودار بينهم الحوار ده 
ايه ده ياهدهد هى دى اليوميه ده مش الاصول والله.
روقنا كده ياعم صلاح اصول ايه وفصول ايه هى دى اليوميه بما يرضي الله.
يعنى احط لسانى فى بوقي واسكت صح ١٠٠ جنيه من صباحه ربنا لحد العصر.
هدهد اتعصبت وطلعه المطوه وشوحت بيها 
اااه ماتقول كده بقي بصصلي فى لقمه عيشي طب بص بقى يا ابو صلاح اصل أنت ملكش إلا اللي يسرقك صح واللي يجى معاك دغري تسوق أنت اللوعه معااه صح.
صلاح پخوف
اهدى يا هدهد مش كده أنا عم صلاح بردو وحقك عليا.
هدهد قفلت المطوه وشلتها في الشراب وبصتله 
لا حول الله لازم تطلعوا الواحد من شعوره عشان تتعظ.
خرجت هدهد من القهوة وصلاح مش هيعديها على خير ازاى معلم زيه عنده جيش من التكاتك والكل بيضرب له تعظيم سلام تيجى هدهد وتبعتر كرامته قدام صبيانه.
دخلت على الورشه رمت نفسها على أقرب كورسي وشها حزين وهم الدنياة على فوق كتفها شفها عبده ساب العربيه اللي كان بيصلح فيها وراح لها
مالك ياهدهد فيكي ايه يابنتى...
هدهد دموعها نزلت ڠصب عنها وقالتله
فى انى تعبت وزهقت فى أنى كان نفسي أعيش زى أى بنت فى سني فى أنى عايشه دور مش بتاعي دور ممثل درجه تالته فى فليم هابط حاسه كل الدنيا جايه عليا طب ليييه أنا اشمعناا أنا غير كل البنات تعبت تعبت اوي ياعم عبده.
عبده بحزن على حالها قرب منها طبطب عليها وقال
استهدى بالله واستغفرى ربك يابنتى كل شئ مكتوب وأكيد ربك له حكمه فى كل أحوالنا مفيش حد من عبيده بيخطى خطوة غير ماتكون ربنا كتبها علينا.
هدهد بتمسح دمعها ودت عليها بحزن
استغفر الله العظيم من كل ذنب عظيم تفتكر ياعم عبده ايه هى حكمه ربنا فى اللى أنا فيه ده!
عبده بوش بشوس حكلها 
بصي ياهدهد كان فى شاب اسمه كمالناجح فى حياته وفى شغله وكان عال العال وفى يوم راجع من شغله لقى اتنين شباب بيتخنقوا الناس ملمومه حوليهم الفضول اخده لحد هناك وفضل يتفرج الاول الخڼاقه بدأت بشتايم وبعدين مد ايد والاخر بالسلاح وكل ده وهو لسه واقف بيتفرج واحد من الشباب ده اټصاب والتانى جري والناس خاڤت وجرت ومفضلش حد غير كمال لما شاف الشاب ده غرقان فى دمه جري عليه بيحاول يساعده بس كان خلاص ماټ والشرطه وصلت فى نفس الوقت وايد كمال ڠرقانه ډم والقضيه اتسبتت عليه واتسجن وكانت فى البلد دى
لو القاضي قال حكمه لا فى استئناف او نقد يعنى حكم ثابت ميتغيرش ابدا لكن كمال كان واثق ان ربه هو الحق العادل فضل يدعى ويستغفر ويقرأ قرأن كتير كان حسن ظنه بربنا كبير وجه يوم نطق القاضى الحكم كان القضاة بيستشيروا بعض فى القضيه وكلهم أجمعوا أن الاعډام هو الحكم المناسب له وخرج القاضي وفتحت الجلسه وحكم على قضايا ناس كتير والدور جه على كمال وسمع القاضي بينطق اسمه ورقم القضيه وحكم بالبراءة كل اللي كان فى الجلسه والمحامين وقف مصډوم من الحكم غير متوقع حتى القاضي بعد ما سمع نطقه للحكم والورق اللى فى ايده كان مصډوم هو إزاى لسانه نطق كده الوحيد اللى كان عارف إزاى هو كمال ركع وسجد وشكر ربه لانه احسن الظن به. 
عبده اتنهد وكمل
ملخص الحكايه احسنى ظنك بربك ياهدهد وهو هيكون عند حسن ظنك ان شاء الله والله والله ولا ليكى عليا حلفان أنا قلبي حاسس ان ربنا هيعوضك وشيلك الخير كله وانتى عارفه بقى قلب عبده لما يحس ههههه.
هدهد مبتسمه وهزت راسها مقتنعه بكلامه 
تصدق أنت الوحيد اللى بتقدر تخرجنى من اللى أنا فيه ياريت كل الناس زيك وزى قلبي ياعبده ربنا يخليك ليا.
قامت هدهد و وهو هدهد ضحكت 
طب لو حد شفنا دلوقتي وقال لى عزيزه اهتعمل فينا إيه هى كده كده شكه فينا ههههه
عبده ضحك بصوت عالي
ههههههه دى ممكن تعلقنى على باب الحاره أيوه كده خلي ضحكتك تنور الدنيا.
هدهد ترفع ايديها وتودعه
طب يلا سلام عندى بنديره على سرفيس عادل الجن مراته بتولد وهو معاها وادانى المفتاح أطلع بيه.
مبلاش روحى وارتاحى شويه النهارده.
لااا ياعبده أنا اديته كلمه وهدهد مترجعش فى كلمتها ابدا.
غمزت فى اخر كلمتها.
وخرجت من عنده على بيچا واخدته معها وركب المكروباص وبيچا بينادى الركاب وكمل العدد ولسه هتتحرك لقت اللى بيتكلم جنب شباكها اول ما سمعت صوته حست بشمئزاز وقرف استغفرت فى سرها.
امين دياب بيبص عليها بوقاحه
هو القمر نزل على الأرض ولا الهوى اللى رمااه !
هدهد لفت وشها الجنب التانى وبتشتم فى سرها بيچا اول ما شافه جري نحيته عارف انه بيضايق هدهد حب يبعده عنه.
باشا بشوات مصر والمنطقه تما أأمر يا عمهم..
دياب مسكه من ياقه قميصه وبيهز فيه جامد
وأنت إيه دخلك يلاا حد وجهلك كلام أنا كلامى مع القمر أنت قمر.!!
بيچا بيحاول يفك نفسه ويلم الدور
قمرين.. قمرين دول ولا عنان..قل....
دياب قطع كلامه بضربه على قافاه
أنت هتغنيها ياروح أمك فاكر نفسك فى ذا فيز غور من وشي وضربه شلوت بيچا جرى وركب العربيه وقفل الباب من الخۏف.
هدهد ببرود قالتله
هاا خلص ياباشا ولا لسه فى كماله.
دياب بنفس وقاحته 
الله.. الله ايه الوش الخشب ده قمر محبكش وأنت كده
كده إزاى ولامواخذه باشا ماتجيب من الاخر وتلخص ورانا اكل عيش.
هى بقت كده طب تمام من الاخر كده عايزك طؤ
هدهد بستفهام
عايزنى إزاى يعنى ياباشا
ايه وديه محتاجه فهم عايزك يعنى زى مانتى عايزة عرفي شرعى إيجار بالساعه بكيفك ولو مش بكيفك بردو ينفع كل السكك بتوصل يا هدهد ها قولتى ايه !!
هدهد پحده
قولي بقى يا باشا ان الاشاره حمراء ولا مؤاخذه سكتنا مش واحده وطريقنا كله مطباط مع بعض يعني من الاخر كده الله يسهل لك بعيد عني يا باشا أنا لا ليا فى سكك ولا هنتقابل فى طريق من الاساس سلام بقى عشان الركاب زهقت.
خلصت كلامها ودورت العربيه ومشيت وكل ڠضب الدنيا بين عنيها وبيچا شايفها بس بإيده ايه يعمله هم أضعف من أنهم يقفوا قصاد حد زى دياب أمين شرطه ومرتشي ونصاب واللى ميعجبوش وميسمعش كلامه كبيره يلفق له قضيه يضيع فيها عمره كام سنه يا اما يطاطي له وينفد بعمره كملوا طرقهم وكل واحد منهم بيفكر فى حاله واللى الأيام مخبيه له ايه..!!! 
مساءا نيتكلاب ارقي مكان فى مصر للسهر والفرفشه والغياب عن أرض الواقع.
آمر شاور للبار مان يجبله كاس وآسر قاعد جنبه هيطق منه وبيشرب پعنف.
أنا مش عارف أنت إزاى توافق
على كلامها كده أنت وقعت نفسك فى ورطه أنا عارف إنك مچنون بس مش بالشكل ده.
آمر شرب كاسه مره واحده وحطه علي الترابيذة ورفع راسه واتنهد 
كنت متوقع منى ايه وهى بتتحدانى قدام الناس كلها أجرى ابوس ايدها وأقول لها بلاش إحراج قدام الناس ولا اقول لها سورى مش موافق عشان أنا مش قد كلامى ومش هلاقي اللى أنا عايزه.
بس مش تدبس نفسك أنك تتجوزها لو محصلش أنا مش عارف اتخيل منظركم مع بعض يع حاجه كده dirty اخر حاجه.
آمر فضل يشرب وهو بيفكر إزاى يلاقى تفاحة آمر المحرمه اللى مفيش حد لمسها ولا شافها كان خيال بيرسمها عيونها وشها ملامحها لون بشرتها كل تفصيله ليها وهو بيشرب بطريقه شرسه وآسر كمان قربو عليهم بنتان يعرفوهم وشدوهم يرقصوا معاهم لحد ما بقوا مش شايفين خالص بس آسر لسه فايق حبه سند آمر هو والبارمان وركبه فى الكرسي اللى فى الخلف وآسر فى الامام وتحرك بالعربيه فى طريق بيته.
وفى نفس التوقيت ده هدهد و بيچا لسه شغالي.
هدهد پغضب بتكلم بيجا وعو بتنفخ ومش طايقه روحها
انت واد وش فقر اصلا أقولك بلاش ام المشوار ده تقولى سبوبه اهى قلبت لحد الفجر ياقفل انا غلطانه أنى سمعت كلام عيل زيك صدق اللى قال اللى يمشي ورى كلام العيال ماينوبه إلا.......
مخلاص بقي يا هدهد من أول ما الناس نزلت وانتى بتقطمى فيا مكنتش توصيله دى واهى طلعتى منهم بقرشين.
قرشين طب اقطع النفس بدال ما ارميك على الدائرى هنا لحد ما يطلعلك صاحب.
بيچا بيبرطم مع نفسه وعمال يشوح بايده مش عاجبه كلام هدهد بس مره واحده صړخ وقالها توقف العربيه.
هدهد اتخضت منه وقفت بسرعه 
ايه فى ايه مالك يلا..
بوصي ياهدهد فى ايه هناك ! بيشاور على عربيه واقفه على الدائري وفيها اتنان شكلهم ميتيين. 
فتح الباب ونزل يروح يشفهم وعلى وشه ضحكه هبله وبيقول لها 
انزلى ياهدهد تعالى يمكن نلاقي حاجه معاهم تنفعنا انزلى بس.
انت يلاا الله يحرقك هتودينا فى داهيه منك لله احنا ناقصين هبلك ده تعالا يا بيچا والله امشي واسيبك.
بيچا اول ما قرب من العربيه وشاف اللى فيها صړخ وفضل يتنطط فى الأرض وعلى كبوت العربيه طالع نازل.
خوف هدهد اوى فكرت تسيبه وتمشي بس صعب عليها نزلت تشد فيه وتركبه العربيه بس هو كان جنانه زايد اوى.
استنى بس ياهدهد انتى عارفه ده مين يابركه دعاكى يا خالتى نبويه عااااااااااااااا شوفته شوفته ياناس.
هدهد بټضرب فيه وهي مش فاهمه حاجة من تصرقه
يخربيتك فرهضتنى اركب يلا قبل ما حد بشفنا ونلبسها والله هسيبك وامشي.
بوصي شوفى مين ده المغنى آمر سلامه واللى معاه ده .
هدهد حطت ايديها وقالت بستهزاء 
قول والله هو ومين اللى معاه ده يكنش مصطفى قمر.!
لا اللى معاه ده معرفوش انتى فكراني بهرتل اى كلام لا والله تعالى شوفى وشه اهووو..
هدهد قربت تشوف وشه ودققت فيه واول ما ملمحه وضحت قدمها اتسمرت مكنها وبيچا بيرقص ويشاور عليه
اهو شوفتى عرفتيه اهوو كاظم الساهر اهوو.
هدهد فاقت على اخر كلمه وضړبته على كتفه
اخرس ربنا يخدك ها ده آمر سلامه يا غبي.
بيچا بفرحه وبطريقه مسرحيه تضحك
مش مهم والله ما بيفرق معنا الاسماء هتصور معاه وابوسه ياااااه وانشر الفيديو اشتهر.
نط فى العربيه بقى قاعد فى آمر خش فى أخوك بيچا يافنان هدهد خدى صورينا..
هدهد بضيق اخدت الفون منه ورمته فى وشه
أنت عبيط يلا مش نطمن الاول أن كان عايش ولا مېت.
اااه عندك حق استنى كده .!!! مسك إيده ورفعها على ودانه قال يعنى بيسمع النبض.
هدهد رافعه حاجبها
أنت بتعمل إيه يا دكتور بيچا اوعى اوعى كده لما اشوفه فى نفس ولا خلص.
هدهد شدت بيچا تقومه فتحت الباب ودخلت جنبه تاهت فى ملامحه قد ايه اتمنت تشوفه ولو من بعيد وقت دراستها كانت بتسمع أغنيه وبتحلم بيه خاېفه تكون بتحلم ويختفي من قدمها غمضت عيونها عند الدنيا تسمع دقات قلبه لكن دقتها هى فصلت عن العالم. 
عده لحظات رجعها للواقع
بيچا بسخريه 
اييه
يا دكتور هدهد نقول مبروك توأم فى بطن واحده ههههه.
هدهد بغيظ فى سرها
منك لله يابعيد ليه يارب كده كان لازم ينطق واسمع صوت الغراب بعد ماشوفت القمر ده.
لسه هترد عليه آسر فاق