رواية المطلوبة من 1-4
المحتويات
5000 جنيه يا بابا و تخليني أسافر ما انت مقمر على قلبك قد كده.
5000جنيه ايه اللهم حسد أنت فكرنى ضكتور تجميل ولا صاحب بلاستوشن يا حسره أنا حايلا جرسون في كافيه صاحب القهوه اللي بياخذ ملايين وأنا بقبض ملاليم في تفاوت ما بينا اجر العمال الحد الادنى والحد الاقصى الحكومه قالت كده عارض بقى الحكومه.
يعنى من الآخر كده مش هتدينى الفلوس وهتفضل شايلهم على قلبك قد كده.
امشي اطلع بره قهوتي ياحقودد برررره
راح فتوح زقه طلعه بره القهوة..خالص وهو پيصرخ..
عااااااااااااااا...اااااه يامااا
وقع على واحد اصلع بيشرب شيشه راح ضربه على قرعته.
خليك أنت ياحبظلم تشد فى الشيشه لحد ماهتبقي شبه الفحمه بقرعتك دى.
كل ده وهدهد متابعه الحوار من بعيد وعماله تضحك عليهم شاورت له من بعيد
عااااااا شوفتى ابويا ياهدهد هيجبلى تخلف على كبر.
ههههههه تعال بس يا بيچا وكبر دماغك عايز فلوس تبقي من عرقك مش من جيب أبوك يلا بينا على اشغل.
نزل أمر وآسر من عربية الاسبور بكامل هيئته واناقته ومن اول دخول فى المجموعه وكل الموظفين الرجاله واقفين له باحترام وانتباه والبنات بعيون مفتوحه وهيام كل واحده رسماه فى خيالها انه فتى احلامها.
وصل لقاعة الاجتماعات واستقبال المتسابقات مجتمعين وكانت تضم لجنة التحكيم شخصيات كبيرة ومشهوره على مستوى العالم وهم ماري جوزيه حنان ملكة جمال لبنان لعام
2017 وسامية بابيك ملكة جمال صربيا ومونتينجرو يوغسلافيا سابقا وانجي عبدالله التي تسمى بملكة جمال مصر السابقة ومصمم الأزياء اللبناني نيكولا جبران و المخرج محمد أبو سيف والممثلة رجاء الجداوي والمودلز صافى الكومىوالمطرب الفنان آمر سلامه كونه من ألمع النجوم و يمثل شركته كراعى رسمى .. وممثلي الشركات الراعية للمسابقة.
يبدو أن الأسئلة وإجابات المتسابقات في المسابقات ظهرت مدى سطحية المتسابقين ثقافة غالبيتهن وجهلهن بالثقافة العامة واهتمامهن بالشكل والمظهر العام كهدف أول لدخول المسابقة حتى إن عددا من المتسابقات قدمن جمال الوجه على جمال الروح في إجاباتهن فيما خلت أسئلة طاقم التحكيم من أي أسئلة ذات طابع سياسي أو ديني لجهلهم بالامر.
قاعد آمر بملامح جامده تحسه واحد تاني فهو في الشغل ملتزم جدآ ومش عنده واسطه ولا محسبيه حاطط رجل على رجل وبيتابع بعيونه المتسابقات ويفرز كل حته فيهم الماشيهالطولالعرض نطقهم للكلام ومخارج الحروف الشعرملامح الوش بيعاين بدقه متناهيه وبان من وشه أنه غير راضي على المتسابقات.
كانت تتابعه من مكانها وفهمت أن مفيش ولا واحده عجبته وكانت سعيده جدآ .
هي صافي الكومي مودلز الكلبات المشهوره كانت مرشحه تبقى ميس إچيبت السنه الماضيه ضمنت لجنه الحكام فى ايدها وقتها بالهدايه والمجاملات لكن آمر فى اخر جوله قلب الموازين وكسبت واحده تانيه وده خلاها تركز معاه وفى حياته أكتر.
فهي بنت أحمد الكومي رجل الأعمال وصاحب أكبر مجموعه شركات هندسيه وداخل في بزنس كتير ومن ضمنهم شركه اعلانات وشريك بأسهم 20 في مجموعه الخطاب اللي هى شركه آمر.
صافي بتعشق آمر وبتحاول تقرب منه بأي شكل وهو عارف ومطنش لأنه مش بيطقها من غرورها وتكبرها وجمالها المصطنع زي ما بيقول عليها وبيستمتع باستفززها لأنه كان صديق أبوه وعمه حاليا.
واخيرا جه وقت البريك أول ما امر بص في الساعه ولاقها 4 قام بسرعه بكل تناكه وهو ايده فى جيوبه بص للجنه التحكيم والمتسابقات البريك يا جماعه عن اذنكم .
خرج أول واحد من القاعه وصل لغايه مكتبه عمال ينفخ وقرفان من المنظر اللي شايفه....!!!
لحقته صافي على مكتبه السكرتاريه كانت فى وقت الغدا دخلت من غير استئذان لقيته
حبيبيي زعلان ليه ...
وقف بكل برود زى لوح التلج ..رد عليها..
اممممم تعرفي اكتر حاجه مزعلانى ايه يا صافي
فرحت اوى أنه أول مره سيبها تقرب منه
ايه هو ياقلب وعيون وروح وعمر صافى !!!
انك مش بتملى من اللى بتعمليه ده مش قادره تستوعبي أن فى حد مش ھيموت نفسه عليكى ان فى حد مش سأل فيكى اللى انتى حسااه ده مش حب ..!
أصابها پصدمه من رفضه ليها دايمافكها هو بكل شياكه وحس بصډمتها مسكها من ايدها واخدها قعدها على كرسي كبير فى المكتب وقعد جنبها يكمل كلامه
صافي اسمعينى كويس لأنى أخر مره هتكلم فى الموضوع ده..!!! انتى تنفعي تكونى صديقه اخت لكن عمرى ما فكرت أنك تكونى فى يوم حبيبه لانى وبكل بساطه مش هاحب ابدا وده قرار أنا واخده وعهد على قلبي أنى مش هفتحه لجنس بنت على وش الأرض.
خرجت عن صډمتها بتحاول اقناعه
ليييه أنا لاء لييييه...
اتعصب منها ورد عليها باسنفزاز
الظاهر أنك مسمعتيش اللى قولته لا انتى ولا غيرك يقدر يدخل قلبي أنتى فاهمه
أكتر فى محاوله منها اقناعه رفعت ايدها
طب جرب سيب نفسك وأنت تحس وقلبك يدق تك..تك ويقول صافي.
د هى فكرت إنها قدرت تغير قراره وابتسامتها وسعت على الآخر وبص فى عيونها وهى هيمانه فى ملامحه اللى بتأسر كل البنات لكن
رده كان قاسې وصاډم جدا لينهي الموضوع من جذوره
ان كنتى مصممه اوى كده ممكن فى حاله واحده بس تكونى الليله زيك زى اى واحدة من اى والصبح مشوفش وشها ولا أعرفها تانى هااا تحبى كده أنا معنديش مانع.
هدهد اخدت بيجا و راحوا على الموقف بعد ما خدت المفتاح بتاع التوكتوك من صاحبه راحت تاخد دور زيها زي اي سواق واول ما حاطت رجلها في الموقف هي و بيجا حصلت قصاد عينها حاجه هي متقدرش تسكت عليها.
البارت ...٢
هدهد أخدت بيجا وراحوا على الموقف
بعد ما خدت المفتاح بتاع التوكتوك من صاحبه راحت تاخد دور زيها زي أي سواق وأول ما حطت رجلها في الموقف هي و بيجا حصلت قصاد عينيهم حاجة هي متقدرش تسكت عليها لاقيت بنت محجبة ماشية في اتنين سواقين شباب عيال مصرصره موقفين التكاتك بتعتهم عكس بعض... وربطين ما بينهم خيط بلاستك شفااااف عشان محدش يشوفه وبيسدو الطريق عن البنت فتمشي من قدام الخيط تتكعبل تقع والشبان لكن هدهد عارفة نيتهم كويس.
محدش ينصدم أوي ولا يقول إني بوظت صورة شباب بلدي لكن هو ده جزء من المجتمع ..اللي عيشينه في كتير شباب كل تفكرها ازاي يوقع دي ي وده له عده اسباب اولهم الفقر والجهل وقلة الاخلاق وكلمه واحنا مالنا والمخډرات والبطاله غير انتشار الانترنت و الفيديوهات الاباحيه....
أسفه بس دى حقيقه مش لازم نتجاهلها
هدهد أول ما البنت وقعت جريت عليها تلحقها قبل ماحد منهم يقرب
ووراها بيجا شد حديدة كانت رشقه فى الأرض و وقف فى ضهر هدهد
البنت قامت وهى مړعوپة والناس بتتفرج زى الأصنام لا حد ادخل ولا حد أتكلم.
انا ما هو ده حال الزمن ده من كتر الظلم الناس شافته لما تشوف حد بيدافع عن غيره بيروح في الرجلين ويدخل فى س ج وفى الاخر يحرم يفتح بقهم و عنيهم و ودنهم ..ماعلينا نرجع لهدهد
هدهد شدت البنت وراها وبيجا جنبيها معاه الحديدة وبتتكلم و وشها كله ڠضب والشباب عرفوا كويس إنهم مش هيقدروا عليها بس الحوار كان جامد وهم عايزين البنت دي بأي تمن صاحت فيهم هدهد وصوتها كان عالي
ارجع لوراا منك له و إلا كل واحد هيكون بيلعب في عداد عمره....!!!!
واحد من الشباب اسمه سيد زعق
اطلعي منها انتى يا هدهد محدش داسلك على طرف
وان ماطلعتش هتعمل إيه
يبچا خدته الشهامه ووقف قصاد هدهد وقال ليهم
يلااا ياض
اتكلم الشاب التانى حن
مبقاش إلا بيجا هو اللي يتكلم كمان انت فاكر نفسك راجل يلااا
لم الدور يا سيد أنت وحن وسيبوا البنت تمشى وعيب عليكوا انتو ولاد بلد وبلاش اللي بتعملوه مع البنات ده عشان مزعلش حد فيكوا.
وان ما لمناش هتعملي إيه انتي فكرانا هنتهد ونرجع وراا بالكلمتين دول.
قالها سيد عينه بتبص على هدهد بتحدي.
البنت بدموع وخوف بتتوسل ليها
أرجوك أوعى تسبينى ليهم أنا مش من هنا.
حن بص عليها ووجه كلامه لسيد
تعالي يابت من سكات خدها يا سيد على العشة وأنا جاي وراك.
قرب سيد يمسك البنت لكن إيد هدهد سبقته وطلعت المطوة من الشراب وراحت معورة ايد سيد أول ماشاف كف إيده بيشلب ډم اترمى فى الأرض وعمال يكتم الډم مش عارف وپيصرخ وحالة من الزحام والكل بيتفرج والبنت بتصرخ وجريت من الخۏف وحن هو كمان طلع المطوة بتاعته حاول يهوشها بس هي تفادتها وبيجا جه يضربه بالحديدة راح حن ضربه بالمطوة جت فى كتفه بس متعورش الهدوم اتقطعت بس اترمى في الأرض ومسك كتفه وفضل ېصرخ
اااااه يادراعى أنا بمووت اااه يابا الحقونى.
هدهد عارفة انه بيمثل والشجاعة اللي عملها في الأول دي كانت يعني ههههه بيجا شاب بسيط وأحلامه إنه يسيب البلد دي وبس لا له في الخناق ولا المشاكل وقلبه طيب
فتوح ابو بيجا جه على لمه الناس أول ما شاف ابنه بيصوت جرى عليه وهو زاد في الصړيخ أول ما شافه ومفتح عين ومغمض التانية فتخض ابوه وقال
مالك يابنى إيه الحصل اجبلك التمرجى قووم معايا
اااه يابا الحقنى يابا ماتجيب بقي ال وأنا أخف على طول بدل علاج ودوا وخياطه وتمرجى.
فتوح ضربه قلم عل وشه
قوم كتك الهم وقعت قلبي.
بيچا بصړيخ
اااااي بقي أنت اب أنت !! وعامل نفسك قصاد الناس جركنمان تصدق ان أنت مش ضنيا..اااه يانا.
حن كل ما يحاول يضرب هدهد هي تلحق نفسها وتبعد ويقع هو عالأرض ويقوم تاني وكان بيركز على وشها وهي عارفه ضړبة الغدر وحشه لكن ربنا كريم هي بتدافع عن عرض بنت أكيد ربنا مش يكتبلها الأذيه.
فكرت بذكاء ازاي توقعه لأن حجم
جسمه بالنسبه لها كبير فضلت تتحرك لحد ما وصلت للخيط اللي كان رابطه فى التوكتوك وبحركه بسيطة منها اتكعبل هو فيه ووقع على الأرض راحت وخدت منه المطوة ونزلت بركبتها عليه ثبتته وبيجا جري كتف رجله ولما وقع كان في إزازة في الأرض عورته في خده واتغرق وشه ډم من غير ما تمد إيدها عليه قام يجري وهو بيحلف بيتوعد لها إنه مش هيسكت ولا هيسبها.
والناس من حوليها صقفت ليها كتيير وهي بصت لهم پغضب كبييير وزعقت فيهم
باااااااااااااس مش فالحين غير في التصقيف والتصفير وبس معاهم معاهم عليهم عليهم يلاا كل واحد يروح لحاله.
بصت لبيجا ولقته ماسك كتفه وله بيمثل ضړبته برجلها
قووم كتها وكسه اللي عايزه خلف زيك قوم ياسبع الرجال.
اااي أعمل إيه ياهدهد ما انت كل مرة تعملي عركه وأنت عارفة إني لازم استعد الأول وأحط چيل في شعري و انفخ عضلاتي وكمل بصوت واطي الچيل بيقوي شخصيتي.
هدهد بصتله بقرف
چيل !! غور من وشي يا بيجا لعملك بدچ على الأرض جرى من قدامها تحت عيونها المليانة ڠضب.
كانت واقفة من بعيد بتتفرج وخاېفة عليها وأول ما اللمة اتفضت راحت لها
تضحك فاطمة او زى ما بتقول لها بطهعليها وتشدها تقعدها جنبها جوه كشك بتعهامكان صغيرعباره عن علبه من الخشب بيستخدموها على اساس محل لبيع ملابس الأطفال
هههههه مالك ياهدهد مش طايقه نفسك ليه كده انت صدقتي أنك راجل ولا إيه نازلة وطايحة فيهم ماتروقي يا ست البنات.
بت !! ههههه والله ضحكتيني سلامات يا بت أنا خلاص الكلمة دي اتمسحت من حياتي مفيش غير
يا بت ده أنت من سنتين بس كنتي بتوقفي الحارة على رجل من حلاوتك وانتي راجعة من المدرسة أنا عارفة اللي حصلك كان صعب بس أنتي جدعة وخلاص كل حاجة راحت لحالها.
بااااس اديكي قولتيها ولخصتي كل الموضوع أنا جدعة يبقى سبيني كده زي منا متفكرنيش بحال زمان خلي الزمان يروح لحاله.
وكملت تغير الموضوع
سيبك مني جوزك العرة فين سايبك كده واقفه لوحدك في الموقف بالمحزق والملزق وسط السواقين وكلاب السكك تنهش فيكي.
يخيبك بت هو فين المحزق ده دي جلابيه سوده هو بس عشان حامل بطني شايلة وتخنانة شويتان ههههههه.
شويتان بس ..وفين علي مش شيفاه حواليكي
راح يلف مع أبوه بشويه بضاعه في المترو أهو بيجري على أكل عيشه أنا من ناحية وهو من ناحيه وبترزق..
مع اني مكنتش بطيقه بس يلا أدام سترك ومقلش بأصله يبقى ممكن يجي منه.
ماهر اتغير أوي عشاني ياهدهد متظلمهوش الدنيا جت عليه يعني انتي اخترتي أمك تبقى رقاصة هو كمان مخترش أهله يبقوا شيوخ منصر واهو الحمد لله تاب من السړقة وصدق وسترني وبيشقى بعرق جبينه.
يابت مش بظلمه أنا كنت خاېفة عليكى انتي يتيمة وخفت يجرك معاه للسړقة ولا يخلى بيكى بعد ما عمل العملة ويسمع كلام أخوه ويخلع ولا يمشيكي فى البطال استغفر الله العظيم.
ماتخفيش ماهر بيحبني وبعد عن أخوه والحمد لله من يوم ما الحكومة قفشوه في شقة بيسرقها وهو بعد خالص عن حياتنا.
ابتسمت لها بسعادة وخبطتها في كتفها.
پتخافي عليا يابت ربنا ما يحرمني منك يا أجدع هدهد .
انتي أختي يابطه واتمنالك الخير ربنا يكرمك انتي وجوزك ويبعد عنكم ولاد
راحت بصه على بطنها
وطبطبت عليها وغمزت بعيونها وقالت
وتبطلي بقى اللي بتعملوو ده بذمتك ليكو نفس.
هيييييي يخرابي عليكى بت.. وهو ده بالنفس بردو ههههههههههههههه
بت لمى نفسك كده لا ألمك.
بت انتى اتكنى اليومين دول العيال اللي عورتيهم دول مش هيسبوكى انتى علمتي عليهم فى الموقف يعنى هيتربصولك فى ايتها حته خالى بالك من نفسك.
قالت بطه كلامها والخۏف والقلق باين على وشها ابتسمت ليها هدهد وقالت بثقه
خليها عل الله قولى يارب.
يارب يحفظك ويبعد عنك ولاد
قامت هدهد وهي بتضحك مع صاحبتها وركبت التوكتوك وشغلت الكاست وعلت صوته وقالت
استعنا على الشقا بالله.
أغنية شوفت نملة
وصلت على باب مدرسة وأول ما شفتها بنوته جريت عليها شلتها من الأرض
هدهد أنا خلصت وحسن كمان
بس لسه حنان ومريم وأحمد أنتي جيتي بدري ليه
بقيتى لوكلوك يا هنا اجري شوفيهم كده خلصوا.
حاضر ..أنادي حسن .
اه يلا بسرعة.
جريت هنا تنادى حسن هزت راسها ب اااه اتجمع العيال وصلتهم على بيوتهم وطلعت تكمل باقي اليوم.
في مكتب آمر
ومع كل كلمه قالها كانت ملامح وشها بتتغير لڠضب عمى عيونها وقفت مره واحده ورفعت ايدها كانت هضربه بالقلم لكن محاوله فاشله مسكها آمر وعنفها جامد.
أنت إزاى تسمح لنفسك تقولى كده
زى ما أنتى سمحتى لنفسك تترمى راجل مفيش ما بنكوا اى أنتى اللى حطيتي نفسك فى الصوره دى وياريت تفوقى قبل فوات الأوان واحد غيرى كان استغلك ورماكي بعد كده والكل هيشهد أنك انتى اللي بتجرى ورايا لكن أنا لسه شايل شويه احترام للسيد الوالد فبلاش تضيعيهم وابعدى عن طريقي خالص.
صافي پغضب شديد
أنا محترمه ڠصب عنك أنت فاكر نفسك إيه أنا هوريك يا آمر مين هى صافي الكومى ان مخليتك تجينى راكع وأنا اللى ارفصك برجلى مبقاش أنا
أعلى ما فى خيلك وخيالك اركبيه أنا اساسا مش شايفك قدامى.
خرجت صافي بقلب مكسور ونفس ذليله وكل اللي جواها إنها ازاى تكسره زى ما كسرها وټحطم مستقبله.
انتهى البريک
وأحمد الكومي ابو صافي وبدأت المناقشات وقدمهم صور
متابعة القراءة
