السمراء ج2
قائله برجاء
قوليلى أعمل ايه يا مريم ..ألفت انتباهه زى ما نرمين قالتلى
فكرت مريم قليلا ثم قالت
بصى يا سارة لازم تعرفى وتتأكدى انك مش هتاخدى غير الراجل اللى ربنا كاتبهولك .. مهما عملتى مش هتاخدى حد غيره .. فلازم أى تصرف تعمليه تشوفى اذا كان صح ولا غلط .. حلال ولا حرام .. لانك كدة كدة مش هتقدرى تغيري قدر ومكتوب
ثم قالت
رأيي متعمليش حاجة أكتر من انك تدعى ان ربنا يرزقك الراجل اللى يسعد قلبك .. متدعيش انه يرزقك ب طارق بالذات .. لا ادعى انه يرزقك بالراجل اللى يحافظ عليكي واللى يكون مناسب ليكي .. اللى فهمته من كلامك انك متعرفيش الأستاذ طارق أصلا .. يعني محصلش أى حوار بينكوا ولا أى حاجة توضحلك شخصيته .. مجرد انه صاحب أخوكى وعارفه شكله .. وده مش كفاية عشان تحبيه .. انتى الاحساس اللى جواكى تعلق مش أكتر .. اتعلقتى بحد عارفه انه كويس .. بس مهما كان انتى متعرفيش شخصيته .. ويا ترى هيكون مناسب ليكي ولا لاء .. عشان كدة قولتلك لما تدعى ادعى ان ربنا يرزقك الراجل المناسب ليكي اللى يحافظ عليكي ومتدعيش انه يرزقك ب طارق بالتحديد لانك متعرفيهوش أصلا .. ادعى ان ربنا يختارلك وخليكي واثقة ان اختيار ربنا ليكي هيكون أحسن مليون مرة من اختيارك لنفسك
أنهت مريم كلامها ونظرت الى سارة التى بدا عليها الإرتياح بعدما استمعت لتلك الكلمات .. قالت سارة مبتسمه
ياريتى كنت كلمتك من زمان كنتى خرجتيني من حيرتى دى
ابتسمت مريم وقالت
ادينا اتكلمنا أهو .. بس يارب فعلا يكون كلامى فادك
عانقتها سارة وقالت
فادنى كتير .. تسلمى يا مريم
استطاع كبار العائلتين التحدث مع المأمور الذى كان يرغب أكثر منهما
فى حل تلك القضية وديا .. لأنه يعلم المشاكل التى كانت واقعة بين العائلتين منذ الأذل والتى تنتظر شرارة صغيرة لتبدأ ڼار الٹأر فى الإشتعال مرة أخرى .. انتهت
جلسة الصلح ب
قبلت زواجها
والتى قالها جمال بحنق وضيق ويده موضوعه فى يد عبد الرحمن وهو يعلم جيدا فى قرارة نفسه أنه وقع فى شړ أعماله وبأن الله أعطاه ما يستحق
فى المساء اجتمع الجميع امام حمام السباحة فى الفندق والذى كان فارغا فى مثل هذا الوقت .. قامت مريم لتتمشى قليلا فقالت ناهد
متتأخريش يا مريم .. مراد زمانه جاى وهنتطلع كلنا بالعربية نتمشى شوية
أومأت مريم برأسها وسارت وهى تتهادى فى خطواتها وتتطلع الى الطبيعة يمينا
ويسارا .. كانت مستغرقة فى التفكير فى حالها وفي مستقبلها الذى تجهله .. كانت تشعر فى قرارة نفسها بمشاعر غريبة عليها .. مشاعر متضاربة احتارت فى تفسيرها وفى فهمها .. لا تدرى الى كم من الوقت سارت .. لكنها نظرت فجأة حولها لتجد نفسها فى مكان تجهله .. كانت تحمل بيدها هاتفها لكنها لا تعرف الا رقم ناهد الذى حاولت أن تتصل به كثيرا دون رد .. ظلت تدور حول نفسها وهى تحاول تبين طريقها دون جدوى .. كان المكان حولها خاليا فلم تستطع أن تجد من يدلها على الطريق .. رأت البحر أمامها فسارت بمحازاته وهى تنظر الى الأنوار المضاءه على يسارها علها تتبين مكان تعرفه .. عاد مراد ليجد ناهد تهتف بقلق
مراد اتصل ب مريم محدش في البنات معاه رقمها وموبايلى مش لاقياه
تسمر مراد فى مكانه .. فهو الى الآن لا يعرف رقم هاتفها .. قال مراد وهو يتطلع الى الفتاتان ليتأكد من أنهما لا تستمعان اليه
مش معايا رقمها
هتفت أمه بحنق
ازاى يعني مش معاك رقمها
عادت الى مكانها تبحث مع الفتيات عن هاتفها .. ثم قالت بلهفه
هطلع أشوفه فوق يمكن نسيته فى الأوضة
أخذ مراد يسير على غير هدى وعيناه تبحث عن مريم بلهفه ويسأل عنها كل من يجده أمامه .. شعر بالقلق من سيرها بمفردها فى هذا الليل وفى هذا المكان المنعزل .. خشى أن يصيبها مكروه .. فحث قدماه على السير وعيناه على البحث .. خفق قلبه پخوف وهو يتخيل أحد الأشخاص وهو يضايقها وهى تصرخ مستنجده دون أن يسمعها أحد .. اتصل بوالدته دون رد .. اتصل ب سارة وقال پحده
أيوة يا سارة
لسه ملقيتوش موبايل ماما
لا يا أبيه بندور عليه
صاح پغضب
هيكون فين بس دوروا كويس .. وأول ما تلاقوه كلميني
كانت مريم تنظر الى ما حولها وهى تشعر بالړعب كان المكان موحشا .. وحتى الأنوار المضاءة على اليسار لا تشير الى أى مكان تعرفه .. تعالى صوت البحر الهادر ليزيد من خۏفها .. اتصلت ب مى قائله بلهفه
مى ازيك
هتفت مى بفرح
مريم ازيك أخبارك ايه
قالت مريم بلهفه
مى معاكى رقم استاذ طارق
قالت مى بدهشة
عايزاه ليه
قالت مريم وهى تتلفت حولها خوفا
بصى أنا و مراد وعيلته سافرنا العين السخنه .. وأنا تهت ومش معايا غير رقم مامته ومبتردش عليا .. عايزاكى تتصلى بأستاذ طارق تجبيلى منه رقم مراد
قالت مى
طيب يا حبيبتى ثوانى وهكلمك
اتصلت مى ب طارق وشرحت له الوضع وقالت
فلو سمحت اديني رقم أستاذ مراد عشان أبعته فى رسالة ل مريم
قال طارق
لا مفيش داعى .. انا هكلمها
شعرت مى الضيق وقالت
ماشى .. مع السلامة
أنهت مى المكالمة وهى تشغر بغيرة شديدة .. اتصل طارق ب مريم وطمأنها قائلا
متخفيش يا مدام مريم اوصفيلي بس المكان اللى انتى فيه وأنا أقولك ترجعى ازاى .. انا اللى حاجز ل مراد فى المكان ده وعارفهكويس
قالت مريم وهى تلتفت حولها
مش عارفه أنا جمب البحر بس معرفش أنا فين بالظبط
قال طارق
طيب مفيش أى حد أدامك تسأليه
التفتت حولها وقالت پخوف
لا مفيش خالص
قال طارق مطمئنا اياها
طيب متقلقيش أنا هكلم مراد وأديله رقمك .. بس متخفيش ان شاء الله مراد هيلاقيكي
اتصل طارق ب مراد وأملاه الرقم فقال مراد بدهشة
انت عرفت منين
قال طارق
مش وقته يا مراد .. كلمها شوف هى فين باين عليها انها مړعوپة أوى
اتصل بها مراد فأجابت بصوت قلق
أيوة
قال مراد بلهفه
مريم انتى كويسة
قالت بصوت مضطرب
أيوة كويسة
قالت مراد
انتى فين اوصفيلي المكان اللى انتى فيه
كان مراد يسير أثناء التحدث اليها وعيناه تبحث عنها .. نظرت حولها وأجابت
أنا ورايا البحر .. بس مش عارفه أنا فين بالظبط
قال بلهفه
طيب لما خرجتى من حمام السباحة مشيتي ازاى
قالت بصوت مضطرب
معرفش مكنتش مركزة
هتفت قائلا بعصبية
ازاى يعني مكنتيش مركزة
أجابت بصوت كمن يوشك على البكاء
كنت سرحانه ومخدتش بالى
حاول مراد التحكم فى أعصابه وقال بصوت أهدأ
أنا آسف .. بس أنا عايز أعرف مكانك .. حاولى توصفيلي المكان حواليكى
لكن مراد هتف فجأة
خلاص يا مريم شوفتك
هتفت غير مصدقة
بجد .. الحمد لله
أغلقت الخط وبحثت حولها لتجد مراد قادما اتجاهها .. شعرت بالفرحه بمجرد أن رأته وابتسمت وقالت بأعين دامعه
كويس انك
لاقيتنى .. كنت خاېفة أوى
نظر اليها بلهفه بأعين متفحصه وقال
انتى كويسة
أومأت برأسها وهى تمسح العبرات الى تساقطت من عينيها رغما عنها .. نظر اليها بحنان قائلا
طيب يلا نرجع الفندق ..
رن هاتفه فقال
أيوة يا ماما .. خلاص لقيتها .. أيوة احنا فى الطريق .. ماما الموبايل هيفصل شحن حالا
وبالفعل لحظات وانقطع شحن الهاتف .. قال مراد بجدية
بعد كدة لما تمشى وتحسى انك توهتى اقفى فى المكان اللى انتى فيه ومتمشيش أكتر عشان متتوهيش أكتر
أومأت برأسها مد يده وأمسك بهاتفها تحت نظراتها .. تلامست أيديهما فشعرت بالإضطراب وأبعدت يدها سريعا .. دون رقمه وسجله بإسمه على هاتفها وقال
لما نرجع اديني رقمك .. مينفعش نبقى مش عارفين أرقام بعض
أعطاها
هاتفها فأخذته .. كانت مريم تسير معه وهى تحاول أن تهدئ من خفقات قلبها التى كانت تتسارع من شدة الخۏف .. الټفت اليها مراد قائلا
أحسن دلوقتى
قالت بصوت أكثر ثباتا
أيوة الحمد لله
سارا عدة دقائق قبل أن يظهر لها المكان الذى تعرفه .. كان مقبلا اتجاههما مجموعة من الفتيات الاتى يضحكن ويتمازحن وهن مرتدات ملابس غير محتشمة .. رغما عنها التفتت مريم تجاه مراد لتتبع نظراته .. كان ينظر بجواره فجذبت انتباهه الضحكات فنظر أمامه لحظة قبل أن يخفض بصره أرضا .. تسلل اليها شعور بالسعادة .. لحظات قبل أن تشعر بالضيق من نفسها وأخذت تحدث نفسها .. ما شأنك أنت يا مريم نظر أم لم ينظر ما شأنك به لماذا تهتمين ما يخصه ليس من شأنك .. عقدت ما بين حاجبيها فى ضيق أفاقت من شرودها على صوت الهاتف فى يدها .. رأت رقم طارق الذى اتصل منه منذ قليل .. نظر مراد الى هاتفها فالتفتت اليه ومدت له يدها بالهاتف قائله
ده الأستاذ طارق .. ممكن يكون كلمك ولقى موبايلك مقفول
أخذ مراد الهاتف من يدها ورد
أيوة يا طارق .. فصل شحن .. أيوة لقيتها خلاص .. لا كله تمام .. متشكر يا طارق .. سلام
أنهى مراد المكالمة وهى ينظر الى مريم بإمعان قائلا
انتى اتصلتى بيه لما تهتى
قالت مريم بسرعة
لا اتصلت ب مى صحبتى وهى زميلتى فى الشركة .. قولتلها تتصل بيه
صمت مراد ثم عاد يتفرس فيها قائلا
رقمك معاه من زمان
قالت مريم وهى تنظر اليه
لأ أنا مدتهوش رقمى اصلا .. ومبديهوش لأى عميل .. ممكن يكون خده من مى
أومأ مراد برأسه .. تلاقت أنظارهما فى صمت
.. كل منهما ينظر الى عين الآخر بحذر وقلق وخوف .. كانت نظرات كل منهما تصرخ فى الآخر قائله .. ابتعد عنى لن اسمح لك بإختراق أسوار قلبي .. لكن نفس السؤال أخذ يتردد فى أعماق كل منهما .. ترى هل سأستطيع حقا الصمود
الحلقة العشرون.
أنا كنت شاكك فيها من الأول
قال مراد هذه العبارة بعصبية .. فقال طارق
وايه مصلحتها فى كدة
قال مراد پغضب
الهانم أكيد كانت بتاخد منه فلوس .. ماهى مش هتعمل كده لله فى لله
قال طارق پحده
حسبي الله ونعم الوكيل فيها .. انسانه معندهاش ضمير
قال مراد بحنق
لولا التسجيل اللى حطيته فى المكتب
قال طارق بحنق
بس يا مراد مكنش المفروض تكتفى بطردها .. كان المفروض توديها فى ستين داهية بالتسجيل اللى معاك
قال مراد
هى بنت برده .. صحيح تتساهل قطم رقابتها عشان خاېنة للأمانة بس بردة بنت مينفعش أبلغ عنها وأدخلها اقسام
قال طارق وهو ينهض
طيب هروح أشوف مكتب توظيف محترم يبعتلنا سكرتيرة محترمة
زفر مراد بضيق .. فأكثر ما يكرهه فى حياته .. الخېانة .. بكل أشكالها وأنواعها
دخل جمال منزله وعلامات الضيق على وجهه فإستقبلته صباح قائله
كنت فين يا جمال
قال جمال بضيق
كنت بشم هوا يا صباح
قالت بعتاب
فى عريس يسيب مرته فى البيت ويخرج ولسه مفاتيش اسبوع على جوازهم
هتف جمال پغضب
كانت جوازه ما يعلم بيها الا ربنا
هتفت صباح بحنق
ليه بجه ان شاء الله .. مش انت اللى كنت بتجولى انك نفسك فى اليوم اللى تتجوزنى فيه يا جمال نسيت كلامك الحلو اللى كنت بتسمعهولى
قال جمال بتهكم
كنت مغفل يا صباح .. ياريتنى كنت انشكيت فى لسانى جبل ما أجول كلمة واحدة منه يا صباح
قال
ذلك ثم زفر بضيق ودخل حجرة النوم يشاهد التلفاز تحت نظرات صباح الغاضبة
أمسكت سهى هاتفها الذى لم يفارق يديها الا نادرا طيلة اليومين الماضيين .. لكن كالعادة رفض سامر الإجابة على أى من اتصالاتها .. كآخر حيلة لديها اتصلت بمكتبه فأخبرتها السكرتيرة أنه منشغل ولديه اجتماع .. فقالت سهى بصوت كمن أوشك على البكاء
طيب لو سمحتى لما يخلص اجتماع قوليله سهى اتصلت بيك وعايزاك ضرورى
حاضر يا فندم
أنهت السكرتيرة المكالمة وتوجهت الى مكتب سامر قائله
الآنسه سهى اتصلت يا فندم وقولتلها زى ما حضرتك قولتلى
قال سامر بلامبالاة
طيب لو اتصلت تانى قوليلها سافر يومين ولو سألتك فين قوليلها متعرفيش
حاضر يا فندم
عاد مراد الى البيت فى
المساء ليجده ساكنا .. توجه الى غرفة المعيشة ليجدها فارغة .. صعد الى غرفته وطرق الباب ليجد مريم جالسه على الأريكة تتطلع الى حاسوبها الموضوع على قدميها
السلام عليكم
نظرت اليه قائله
وعليكم السلام
أغلق الباب وهو يتطلع اليها قائلا
أمال فين ماما واخواتى
قالت مريم بهدوء
راحوا لخالتك .. هما كلموك أدامى انت نسيت
قال مراد وقد بدا عليه التذكر
أيوة أيوة .. معلش نسيت
عادت مريم الى عملها مرة أخرى أمام الحاسوب .. دخل مراد الحمام وأخذ دشا واستبدل ملابسه ثم نظر اليها قائلا
اتغديتي
قالت
أيوة
أخرج هاتفه يتفحصه .. فنظرت اليه مريم قائله
لو مكنتش اتغديت أقول لدادة أمينة تحضرلك الغدا
نظر اليها مبتسما
مبحبش آكل لوحدى .. لو هتاكل معايا ماشى
قالت بحرج
انا اتغديت
قال وهو يغادر الغرفة
أنا نازل المكتب
توجه مراد الى مكتبه
.. بعد ما يقرب من ساعة ذهبت اليه مريم وطرقت الباب أذن لها بالدخول .. وقفت أمامه قائلا
خلصت تصميم اللوجو ياريت تشوفه عشان لو محتاج تعديل أعدله قبل ما أحطه على البروشورز وباقى التصميمات
أشار مراد الى المنضدة أمام الأريكة فوضعت عليها حاسوبها وجلس مراد ينظر الى التصميم .. تابعت تعبيرات وجهه بإهتمام وقالت
لو محتاج أى تعديل مفيش مشكلة قولى وأنا أعدله
قال مراد دون أن ينظر اليها
لا ممتاز .. بجد ممتاز
ابتسمت مريم وقد أسعدها اطراءه ..رفع رأسه ونظر اليها مبتسما
شكلى هستغلك وأعمل تجديد لكل تصميمات الشركة والمصنع
قالت بحماس
ما فيش مشكلة ... أصلا أنا بحب شغلى جدا وبعتبره هواية مش حاجة مفروضة عليا
سألتها مراد
اتعملتى فين
قالت مريم وقد اختفت ابتسامتها
جوزى الله يرحمه هو اللى علمنى
اختفت ابتسامة مراد هو الآخر وأشاح بوجهه عنها .. لاحظت مريم التغير الذى طرأ عليه واستغربت من ذلك .. حملت الحاسوب قائله بتوتر
هبتدى فى البروشورز من النهاردة ان شاء الله وما أخلصها هوريهالك
قال مراد دون أن ينظر اليها
ارتباطكوا استمر أد ايه
بلعت مريم ريقها بصعوبة وقالت بصوت خاڤت
سنتين
نظر مراد اليها متفرسا فيها وقال
وليه متجوزتوش .. ليه استنيتوا ده كله
قالت مريم بشئ من الضيق
حصلت ظروف خلتنا نضطر نأجل جوازنا
هربت من نظراته المتفحصه قائله
بعد اذنك
غادرت مريم غرفة المكتب لتترك مراد غارقا فى التفكير .. ترى الى أى مدى أحبته .. أأحبته الى درجة أن تخلص له حتى بعد مۏته .. ترى لماذا أحبته .. كيف جعلها تحبه لدرجة ألا تستطيع رؤية رجلا غيره .. لم ينسى ما أخبره اياه طارق من رفضها الزواج بسبب حبها لخطيبها الراحل .. ترى هل من الممكن أن يدق
قلبها للحب مرة أخرى .. هل من الممكن أن تقبل العيش مع رجل ...... !! .. عند هذه النقطة أرغم عقله على التوقف عن الإسترسال و قام الى مكتبه وجلس يطالع أوراقه وملفاته ليصرف عقله عن التفكير فيها وفيما يخصها .
صعدت مريم الى غرفة مراد وجلست على الأريكة وهى غارقة فى التفكير هى الأخرى .. ترى لماذا حدث الطلاق بينه وبين زوجته .. ترى كيف كان شكلها .. أأحبها .. لماذا اذن انفصلا .. هل مازال يتذكرها .. أيتمنى العودة اليها .. كم دام زواجهما .. ومنذ متى انفصلا .. ظلت الأسئلة تتقافز على عقلها الى أن أرغمت عقلها عن الإنشغال بعملها الذى بين يديها.
عاد الجميع الى البيت والتفوا حول طاولة الطعام .. قالت نرمين بمرح
كانت أعدة حلوة أوى يا ريتك كنتى جيتي معانا يا مريم
قالت مريم مبتسمه
معلش كان عندى شغل
قالت سارة ل مراد
خالتو عزمتنا كلنا يا أبيه آخر الاسبوع .. حاول تفضى نفسك
قالت سارة بحماس
وأنا يا أبيه حاول تفضيلي نفسك عايزه أشترى لبس جديد وشوية حاجات كدة عشان الكلية
قال مراد
خلاص نخرج بكرة ان شاء الله تشترى انتى حاجتك وكمان سارة و مريم يخرجوا ويغيروا جو
قالت سارة
بحماس
تمام أوى .. بس خلى بالك يا أبيه أنا ليا زى ما نرمين هتشترى بالظبط .. مش معنى انى خلصت كلية انى مش هشترى لبس جديد
ابتسم مراد قائلا
ماشى يا سارة عنيا ليكي
ابتسمت مريم وهى تراقبهم .. سعدت كثيرا للعلاقة الودودة بينهم .. قالت ناهد مبتسمة
أنا بأه بتخنق من اللف كتير سيبونى بأه أنعم بيوم من الراحة والإستجمام
قالت نرمين ضاحكة
تقصدى يا ماما ان احنا عملينلك ازعاج يعني .. ده احنا التلاته قطط صغننه
ضحكت ناهد قائله
مريم آه قطة .. أما انتى و سارة لما بتتجمعوا مع بعض بتقلبوا بغبغانات وبتصدعولى دماغى
قال مراد لأمه
متيجي معانا يا ماما
قالت ناهد
لا يا حبيبى اخرجوا انتوا واتبسطوا
دخلت صباح غرفة النوم وجلست بجوار جمال الذى بدا مندمجا فى مشاهدة أحد الأفلام .. اقتربت منه وقد تزينت وتعطرت .. قالت له
متجفل البتاع ده يا جمال وتيجى نجعد نتكلم شويه
قال جمال وهى ينظر اليا شذرا
هتكلم في اييه يعني .. خلينى مع الفيلم أحسن
قالت صباح بحنق
يجطع الفيلم على بيتفرجوا عليه .. آنى عروسة يا جمال المفروض تهتم بيا أكتر من اكده
صاح جمال
يجطع الجواز على البيتجوزوا .. آنى دماغى مش فيا يا صباح روحى
شوفيلك حاجة تشغلك بعيد عنى أحسن العفاريت بتتنطط أدام عيني السعادى
قالت صباح پغضب
ماشى يا جمال بكرة ټندم وتجول آنى معرفتش أجدر جيمتها
قام جمال من مكانه ووقف بجوار الفراش قائلا بتهكم
حوش حوش .. ليه ان شاء الله فاكره نفسك مين يا صباح السفيرة عزيزة .. ده لولا انى اتنازلت عن المحضر وجفلنا على الجضية كان زمانك دلوجيت نايمة فى البورش يا صباح والبراغيت بتشغى فى جتتك
وقفت صباح بمواجهته قائله پغضب
ماهو لو مكنتش انت ناجص وجليل الأصل مكنش ده كله حوصل .. جولتلك يا جمال مش صباح اللى يدحك عليها .. ده آنى ألففك البحر كعب داير وأرجعك عطشان
دفعها بيدها الى الفراش قائلا
طيب اكتمى .. اكتمى أحسن أديكى كف يكتمك للأبد يا صباح
فى اليوم
التالى خرج مراد مع الفتيات الى أحد المولات التجارية .. تقدمت الفتاتان فالتفتت مريم قائله ل مراد بحرج
آسفه انك اضطريت تاخدنى معاك
قال مراد وهو ينظر اليها
مين قالك انى واخدك معايا ڠصب عنى
قالت بإرتباك
يعني .. المفروض كنت تخرج مع اخواتك بس .. لولا انهم الصبح أصروا انى أخرج معاهم
قال مراد ببرود
أظن انا من بالليل وأنا قايل انك هتخرجى معانا
أشار بيده قائلا
اتفضلى
أخذت الفتاتان وقتا طويلا فى المشاهدة والشراء توجه مراد الى الملابس المعروضة وانتقى بعضها وحملها بيده ثم توجه الى مريم قائلا
ادخلى قيسيهم
نظرت مريم اليه بدهشة وحرج قائله
لا شكرا أنا مش عايزة أشترى حاجه
قال مراد بحزم
مبحبش أكرر كلامى مرتين
قالت مريم بحنق
و أنا مش عايزة أقيسهم
قال بعند
هتقيسيهم
زفرت بضيق .. لاحظت أن البائعة تقف بجوار مراد فلم ترد التمادى أكثر فى هذا النقاش فأخذتهم من يده وتوجهت الى أحد الكبائن المخصصه للبروفة وبمجرد أن أغلقت الستارة فتحها مراد فنظرت اليه بدهشة .. فقال بحزم
قيسيهم فوق هدومك.. متقلعيش هدومك لأن فى ناس معندهاش ضمير بتحط فى البروفة كاميرات مراقبة
أومأت برأسها وهى تشعر بشعور غريب يسيطر عليا وهى ترى هذا الحرص والإهتمام منه .. أغلقت الستارة مرة أخرى ونفذت ما قال .. خرجت بعد عدة دقائق قائله
أيوة مظبوطين .. بس لو سمحت أنا اللى هدفع تمنهم
نظر اليها پحده وأخذهم منها وأعطاهم للبائعة قائلا
هناخد دول كمان
شعرت مريم بالضيق فلا ينقصها الا أن يدفع ثمن ملابسها أيضا .. وقف الجميع فى الخارج يتفقون على المكان التالى الذى سيذهبون اليه .. كانت مريم شارده فلم تتابع حديثهم .. مر من خلف مريم بعض الشباب الذين كانوا يتحدثون ويمزحون معا
.. فرجع أحد الشباب الى الخلف وهو يضحك مع أصدقائه
أنا آسف والله مخدتش بالى .. معلش أنا آسف
قال مراد بجديه
خلى بالك وانت ماشى
تمتم الشاب مرة أخرى
أنا آسف معلش
شعرت مريم بالحرج من مراد بهذا الشكل فإبتعدت عنه ودفعته عنها بشكل أثار انتباه سارة و نرمين .. كانت تشعر بإرتباك شديد .. فقال مراد
يلا تعالوا على العربية وبعدين نبقى نشوف
هنروح فين تانى
صعدت مريم بجوار مراد فى السيارة وهى تتحاشى النظر اليه ..
قال حامد للظابط الذى يحقق معه فى البلاغ الذى قدمه مراد ضده
نرمين هى اللى ركبت معايا بمزاجها يا حضرة الظابط
قال الظابط
بس يا حامد بيه فى شاهد شافك وانت بتخدرها فى العربية
قال حامد
شاهد مين
قال الظابط
زوجة مراد بيه .. هى اللى شافتك وانت بتخدر الآنسه نرمين وبتفقدها الوعى
قال حامد ببرود
كدابه .. وبتحاول تدارى على أخت جوزها .. نرمين أغمى عليها فى العربية وكانت راكبة معايا بمزاجها
قال الظابط
طيب ليه زقتها ووقعتها من العربية ومشيت
قال محامى حامد
محصلش .. كل الحكاية ان مراة أخوها لما شافتها أغمى عليها فى العربية و حامد بيه بيحاول يفوقها أصرت انه ينزلها وفعلا نزلها من العربية وشالها لحد ما ډخلها الفيلا وبعدين مشى
قال الظابط بشك
أمال ليه مراد بيه قدم البلاغ ده
قال المحامى
غيرة ومنافسة غير شريفه .. لأن حامد بيه خرج من الشراكة معاه وشارك رجال أعمال تانيين .. فحب مراد بيه يردهاله بسبب الخسارة اللى خسرها من انسحاب حامد بيه
جلست مريم فى المساء مع ناهد فى حجرة المعيشة يلعبان الشطرنج .. صاحت مريم مبتسمه
كش ملك
قالت ناهد
ياربي .. مفييش ولا مرة أكسبك فيها
ضحكت مريم قائله
قولت لحضرتك انى بعرف ألعبها كويس
قالت ناهد ضاحكة
مش محتاجة تقوليلى أديني شوفت بنفسي
ثم قامت قائله
ظبطيهم تانى مكانهم على ما أروح أعمل فنجان قهوة
نهضت مريم قائله
خليكي يا طنط وأنا هروح اعملها لحضرتك
قالت ناهد مبتسمه
لا دى قهوة عربي مش هتعرفى تعمليها .. يلا رتبي اللعبة على ما أرجعلك
جلست مريم تعيد القطع الى مكانها على لوح الشنطرنج .. دخل مراد الغرفة ونظر اليها
والى ما تفعله .. ثم قال
بيقولوا بتعرفى تلعبي كويس
ابتسمت ابتسامه صغيره وقالت
يعني .. بيقولوا
فوجئت به يجلس قبالتها على الأريكة قائلا بتحدى
طيب وريني شطارتك
تلاقت نظراتهما للحظات قبل أن تخفض مريم بصرها وتبدأ اللعب .. عادت ناهد لتجد مراد جالسا قبالة مريم يلعب معها فابتسمت وانسحبت الى غرفتها بهدوء .. بعد فترة من اللعب كانا كلاهما ينظر الى لوح الشنطرنج ويركز تركيزا شديدا .. قال مراد دون أن يرفع رأسه
انتى ملكيش صحاب
اندهشت مريم لسؤاله ونظرت اليه قائله
أيوة ليا
قال مراد وهو ينظر الى القطع المرصوصة أمامه بتركيز
أصلك لا طلبتى تزوريهم ولا طلبتى يزوروكى
قالت مريم بحرج وهى تنظر اليه
اتكسف اطلب انهم يجولى هنا .. وبعدين هى واحدة بس هى اللى قريبة منى وصحاب من زمان
قال مراد
سهى ولا مى
اندهشت مريم لتذكره أسم الفتاتين فقالت بهدوء
مى
رفع مراد رأسه ونظر اليها قائلا
و سهى
قالت مريم بهدوء
زميلتى فى الشركة ومع بعض فى نفس المكتب
بس مش صحاب أوى
أومأ برأسه وأعاد النظر الى اللعبة .. قال مراد بهدوء
تحبي تزوريها
ابتسمت مريم قائله
أكيد .. دى مى وحشتنى أوى بجد
نظر اليها مراد مراقبا ابتسامتها وهو يقول
عندها اخوات شباب
قالت مريم
لا هى بنت وحيدة
قال مراد
طيب ممكن أخدك ليها بعد بكرة لو تحبي
قالت بسعادة
خلاص تمام وأنا هتفق معاها على كدة
صمت مراد قليلا ثم قال
مع انى شايف ان الأحسن هى تجيلك وممكن أبعتلها العربية بالسواق يجيبها لحد هنا ويوصلها تانى .. أقصد عشان تكونى أعدة براحتك معاها .. وأساسا أنا طول اليوم مش موجود يعني محدش فى البيت الا ماما والبنات
ثم قال وهو ينظر اليها بحنان
عشان أكون مطمن عليكي
شعرت مريم بخفقات قلبها تتسارع وهى تتطلع الى تلك النظرة الحانية فى عينيه .. وجدت الخۏف يتسلل الى قلبها .. نهضت مسرعة وقالت
أنا تعبت وعايزة أنام تصبح على خير
غادرت الغرفة ونظرات مراد تتابعها .. لم تشعر برغبة فى النوم .. فوقفت فى الشرفة شاردة وهى تشعر بالضيق من نفسها ومن تلك المشاعر التى تعتريها بين الحين والآخر .. توجه مراد الى مكتبه وهو يفكر فى مريم وفى ردود أفعالها تجاهه .. حانت منه التفاته الى الدرج الذى يحوى قسيمة الزواج .. فتحه وأخرج القسيمة وفتحها وهو شادرا وأخذ يتطلع اليها لأول مرة منذ أن استلمها من المأذون .. كانت عيناه تمر على الكلمات فى تكاسل .. وفجأة اتسعت عيناه وتجمدت ملامحه وأخت دقات قلبه تتعالى بسرعة .. مرر عينيه على أحد السطور مرات ومرات الى أن تأكد بأن تلك الكلمات مكتوبة بالفعل وليس محض تهيآت .. هب من مقعده فجأة توجه الى
غرفته وأغلق الباب خلفه پعنف .. كانت مريم لا تزال فى الشرفة دخلت
فزعة من صوت الباب الذى انغلق بقوة .. نظرت الى مراد قائله
فى ايه
نظر اليها مراد بحدة شديدة ورفع الورقه أمام عينيها دون أن يتفوه بكلمه .. قالت مريم بدهشة
ايه ده
قال مراد بصوت يشوبه الڠضب
قسيمة جوازنا
شعرت مريم بالخۏف الشديد .. أيقنت بأنه اكتشف حقيقة كونها كانت زوجة لأخيه .. اقترب منها وعيناه تلمع ڠضبا .. رجعت للخلف فى خوف فقال بصوت هادر
ماجد خيري الهواري .. انتى كنتى مراة أخويا .. مراة ماجد أخويا
صمتت وهى لا تدرى ما تقول فصاح پغضب
انطقى .. انتى كنتى عارفة ان ماجد أخويا
أومأت برأسها ايجابا فازداد اشتعال الڼار فى عينيه وصړخ قائلا
وليه ما قولتليش من الأول انك كنتى مراته
قالت مريم بإضطراب شديد وهى على وشك البكاء من شدة الخۏف
عمتو .. عمتو بهيرة قالتلى متكلمش الا لما هى ترجع من السفر .. قالتلى مجبلكش سيرة أبدا عن الموضوع ده وهى هتقولك بنفسها
أخذ مراد يتطلع الى القسيمة مرة أخرى .. وكأنه لا يصدق ما يرى .. ولا يصدق ما يسمع .. قالت مريم بصوت خاڤت
أنا مش فاهمة هى ليه قالتلى مجبلكش سيرة .. بس حسيت ان فى حاجه خطېرة فى الموضوع وعشان كدة متكلمتش
ثم أكملت
انت كنت تعرف ان عندك أخ
نظر اليها مراد پحده وقال پعنف
أيوة كنت عارف ان عندى أخ
صمت قليلا ثم قال بجمود
بس اللى أعرفه انه ماټ من زمان .. من واحنا صغيرين
نظرت اليه مريم بدهشة وقالت
مين قالك كده .. مين قالك انه ماټ وهو صغير
قال مراد بحيرة مشوبة بالحدة
بابا اللى قالى كده .. وعمتى كمان قالتلى كده .. اللى أعرفه ان عندى أخ وماټ واحنا صغيرين
شعرت مريم بالدهشة .. نظر اليها مراد قائلا
كان عايش مع مين طول السنين اللى فاتت
شعرت مريم بالتوتر .. ترى أتخبره الحقيقة أم لا .. أتخبره بأمر أم ماجد الموجودة حاليا فى دار المسنين أم تخبره بالسر الأكبر والذى لم تطلع عليه أحد حتى الآن .. ترى لماذا أخفوا عليه أمر أخوه .. لماذا أخبروه بأنه ماټ وهو صغير .. لماذا تجاهلوا وجوده وكأنه لم يولد أصلا .. ألهذا الأمر علاقة بوالدها .. قالت فى نفسها لا
لن أخبره بأننى أعرف مكان أم ماجد ولن أخبره عن سرى الذى أحتفظ به لنفسى الى أن أفهم جيدا ما يدور حولى .. أخشى أن أخبره بكل ما أعرف فتنقلب الطاولة ضدى وأنا لا أفهم شيئا مما يحدث .. لماذا كل هذه الأسرار .. لابد من وجود سبب .. سبب جعل عمته تشدد عليها ألا تخبر مراد بنفسها عن أمر أخيه .. يجب أن أسبر أغوار الحقيقة وأصل اليها .. يجب أن أكشف كل تلك الأسرار التى تحيط ب مراد و عائلته .. قالت بتوتر وهى تتحاشى النظر الى عينيه
معرفش كان عايش مع مين وهو صغير .. بس لما عرفته كان عايش لوحده
أومأ مراد برأسه وأشاح بوجهه عنها .. بدا وكأنه لا يستطيع النظر اليها .. غادر الغرفة .. وغادر المنزل كله .. ركب سيارته وهو يشعر بالإختناق .. يشعر بشئ ثقيل يجثم على صدره .. الفتاة التى
تزوجها هى زوجة أخيه الراحل .. أخيه الذى ظن أنه ماټ وهو صغير .. لماذا أخفوا عنه أنه مازال على قيد الحياة .. لماذا يشعر بأن مريم مازالت تخفى عنه الكثير .. لماذا شعر وهو ينظر فى عينيها بأن هناك سر خطېر تخفيه .. سر أكبر من أمر أخوه الذى لم يعلم عنه شيئا طول تلك السنوات التى ظن فيها أنه مېت .. يجب أن يكتشف الحقيقة .. يجب أن يرغم مريم على اخباره بكل ما تعرفه .
أوقف مراد سيارته أمام النيل ولم يشعر بنفسه الا وآذان الفجر يصل الى مسامعه .. صلى الفجر وتوجه الى البيت .. كان الجميع نيام .. هم بالصعود الى غرفته لكنه أحجم عن ذلك توجه الى غرفة المكتب وافترش الأريكة ونام فوقها .. فى الصباح التف الجميع حول طاولة الطعام .. كان مراد يتحاشى النظر الى مريم الجالسه بجواره ويبدو على وجهه علامات الضيق .. أخذت مريم تختلس النظر اليه الى أن قام فجأة وقال
أنا ماشى
فى المكتب شعر الجميع بتوتر مراد وعصبيته فى القاء الأوامر على الموظفين .. حتى طارق لم يسلم من تلك العصبية .. صاح مراد
يعي ايه الشحنة تتأخر فى الجمارك .. أمال بس فالح سافر يا مراد وأنا فى الشركة بدايلك يا مراد
قال طارق بهدوء
انا مليش ذنب يا مراد وبعدين راجلنا اللى فى الجمارك بيقول ان التأخير
على الكل
صاح مراد پغضب وهو يلقى بأحد الملفات على المكتب بعصبيه
وراجلنا ده مش قادر يتصرف .. وهى دى أول مرة نشحن فيها .. عمرنا ما اتأخرنا كده .. هو لو مش
عارف يعمل شغله يقول واحنا نشوف حد غيره يعرف يمشى الشغل
نظر
مراد انت مالك فى ايه بتشاكل دبان وشك ليه .. الراجل مغلطش وقولتلك التأخير على الكل
صمت مراد قليلا ثم أخذ مفاتيحه وهاتفه وغادر المكتب فى عصبيه .. توجه الى سيارته ومشى بها على غير هدى .. كان يسير بسرعة عالية وهو يشق طريقه بين السيارات .. كان يشعر پغضب وضيق كبير بداخله .. شعر بأنه ناقم على مريم بشدة .. لأنها لم تخبره بأمر زواجها من أخيه .. وتركته ي .....! حرك رأسه لينفض تلك الأفكار منه .. ظل يردد لنفسه .. هى كغيرها لا تساوى عندى شيئا .. لا فرق عندى بينها وبين أى فتاة أخرى .. لم ولن اشعر باى شئ تجاهها .. قلبي كما هو لم يمسسه أحد .. ولن يستطيع أحد اقټحام أسواره
مرت عدة أيام كان يتحاشى فيها مراد ملاقاة مريم أو الحديث معها أو حتى النظر اليها .. وذات مساء عاد مراد الى البيت ودخل غرفة المكتب وأغلق الباب خلفه .. قالت ناهد بدهشة
مش عارفه ماله بقاله كام يوم عصبي جدا ومش طايق حد
قالت نرمين
أنا كمان لاحظت كده
قالت سارة
أكيد مشاكل فى الشغل .. انتوا عارفين مراد أى حاجه تهمه بياخدها على أعصابه
شردت مريم وهى تشعر بالضيق .. ترى لماذا هو غاضب .. أغاضب لأنه لم يكن يعلم بأمر أخيه وبأنه مازال على قيد الحياة .. أم غاضب لأن مريم كانت زوجة أخيه الراحل .. ثم ما شأنه ان كانت زوجة أخيه أم لا .. فزواجها ب مراد مؤقت وليس زواجا حقيقيا .. نهضت مريم وأحضرت حاسوبها كانت تؤجل تلك المحادثة لكن الوقت قد حان ويجب أن تنهى عملها الذى طلبه منها .. طرقت باب غرفة المكتب فظنها والدته فقال
اتفضلى يا ماما
ظهرت الحدة فى نظراته عندما رفع رأسه ليجد مريم واقفه أمامه .. قالت مريم بصوت حاولت أن يبدو ثابتا
انا خلصت الشغل ياريت حضرتك تشوفه قبل ما نوديه المطبعه
مد يده فأعطته الحاسوب وضعه على المكتب أمامه وظل ينظر اليه بعينان بدتا وكأنهما لا تريان ما أمامها ثم قال بقسۏة
زى الزفت
شعرت مريم بالضيق من تعليقه الخالى من الذوق وقالت
وهى تحاول التحكم فى أعصابها
ايه بالظبط اللى مش عاجبك فيه
قال مراد پعنف وهو ينظر اليها
كله .. كله مش عاجبنى
تنهدت مريم وحاولت كظم غيظها وقالت
يعني تحب أغير التصميم كله من أوله لآخره
قال ببرود
أيوة .. واللوجو كمان
نظرت اليه مريم پحده وهى تقول
بس حضرتك قولتلى من كام يوم ان اللوجو ممتاز
قال مريد بعناد
غيرت رأيي .. عيدي كل حاجة تانى
صاحت مريم بحنق
وطالما مكنش عاجبك قولتلى ممتاز ليه كنت قولى انه وحش
قال مراد پحده
انتى مش هتعمليني أقول ايه وما أقولش ايه
قالت مريم بعصبيه وهى تحمل حاسوبها من أمامه
شوفلك ديزاينر غيري
نهض مراد من مكانه وأمسكها من ذراع ها پعنف وصاح پغضب
يعني ايه أشوف ديزاينر غيرك وهو لعب عيال
قالت مريم پغضب مماثل وهى تتطلع الى عينيه
انتى ليه بتتعامل معايا كده .. مش ذنبي انى كنت مراة أخوك
ازدادت قوة قبضته على ذراعها الى أن ظهر الألم على ملامحها .. لحظات وخفف من قبضته ثم أزاحها تمام وتوجه الى مكتبه
وجلس عليه وهو يسند رأسه الى قبضتى يده .. قال بحزم
اخرجى لو سمحتى
غادرت مريم المكتب وهى تشعر بالأسى صعدت الى غرفته فما كادت تفتح الشرفة لتقف فيها الا ووجدت سهى تتصل بها وتهتف وهى تبكى بحړقة
أنا ضعت يا مريم
هتفت مريم بدهشة
سهى بتقولى ايه
قالت سهى وشهقات بكائها تتعالى
أنا اتجوزت سامر عرفى
صاحت مريم
يا مصيبتى .. بتقولى ايه .. عرفى يا سهى
قالت سهى
المصېبة انه منفضلى خالص وبيخلى السكرتيرة تقولى انه مش فى المكتب ومسافر مع انى استنيته تحت الشركة وشوفته وهو بيركب العربية
ثم أخذت تصرخ وتصيح وقد بدا أن أعصابها قد اڼهارت تماما
أنا ضعت يا مريم ضعت خلاص .. مش هيرضى يتجوزنى
كانت مريم تشعر بالألم وهى تستمع الى صرخات سهى وبكائها فأخذت العبرات تسقط على وجنتيها وهى تقول
حبيبتى اهدى هيحصلك حاجه
صاحت سهى وهى تصرخ
أنا مش عارفه أعمل ايه .. اعمل ايه دلوقتى .. لو أهلى عرفوا هيموتونى
قالت مريم بأسى
طيب انتى فين وأنا أجيلك
قالت سهى بصوت مڼهار
أنا خلاص قررت أموت نفسي فى المكان اللى ضيعنى فيه سامر ..هحرق اللانش اللى حياتى اټدمرت عليه .. اللانش اللى قالى انه أول مكان يشهد حبنا .. ده مكنش حب يا سامر ضحكت عليا يا سامر
ثم قالت بصوت باكى
ياريتنى كنت سمعت كلامك من زمان مكنش ده كله حصل .. ادعيلى يا مريم ان ربنا يرحمنى ويغفرلى .. بالله عليكي ادعيلى
أنهت سهى المكالمة فشعرت مريم بالفزع وأخذت تردد
سهى
عاودت مريم الإتصال بها بأصابع مرتجفة لكنها على ما يبدو أغلقت هاتفها .. نزلت مريم ببسرعة واقټحمت مكتب مراد وهتفت وهى تبكى
مراد الحقنى
هب مراد وقفا والتف
حول المكتب ووقف أمامها قائلا
مالك يا مريم فى ايه
قالت وهى تبكى
سهى زميلتى فى المكتب كلمتنى وقالتلى انها ھتموت نفسها .. أنا خاېفة أوى
قال مراد وهو يحاول استيعاب ما قالت
ټموت نفسها .. ازاى يعني
قالت مريم بأسى
سامر صحبك اتجوزها عرفى
شعرمراد بالصدمة مما سمع فأخذت مريم تقول
قالتلى ان عنده لانش أخدها عليه وهى هتروح هناك دلوقتى وتولع فيه وفى نفسها
ثم قالت باكيه
أرجوك يا مراد ساعدنى
جذبها مراد من ذراعها وأمرها قائلا
طيب اطلعى بسرعة غيري هدومك على ما أتصل ب سامر
حاول مراد الاتصال ب سامر مرات عديدة دون جدوى .. نزلت مريم مسرعة فقالت بلهفه
رد عليك
قال مراد
لا .. بس أنا عارف مكان اللانش بتاعه خدنا هناك قبل كده
انطلق مراد بسيارته وبصحبته مريم التى أخذت تستغفر ربها وتدعوه أن يحفظ سهى وينجيها .. كانت مضطربة للغاية وترتجف من شدة الخۏف والفزع .. الټفت اليها مراد يتطلع اليها .. أمسك كتفها بيده قائلا
مټخافيش هنلحقها ان شاء الله
أومأت برأسها وهى مازالت تدعو الله عز وجل .. سار مراد بأقصى سرعة الى أن وصل الى المرفأ .. أوقف سيارته فى الخارج ومن حسن حظهما أن مراد كان يمتلك زورقا فى هذا المرفأ فأظهر التصريح للمسؤل ودخل الإثنان وهما يسرعان الخطى نظر مراد يمينا ويسارا ثم قال
مش فاكر هو يمين ولا شمال
قالت مريم بسرعة
كل واحد فينا يروح من طريق
نظر مراد الى مريم التى تبتعد وهو يشعر بالضيق لإضطراره تركها بمفردها .. ولكن حياة انسانه فى خطړ ويجب انقاذها قبل فوات الأوان .. أخذت مريم تتطلع الى الزوارق واللانشات على جانبيها وهى تبحث بعينيها عن سهى .. الى أن توقفت فجأة .. كانت سهى واقفة على ظهر اللانش وتنظر الى البحر وتوليها ظهرها ..تمتمت مريم
الحمد لله .. الحمد لله
نادتها مريم
سهى .. سهى
لم تلتفت اليها سهى بل بدت وكأنها لا تسمعها
قفزت مريم بحذر الى ظهر اللانش وهى تشم رائحة نفاذه تنبعث من اللانش .. اقتربت من سهى قائله
سهى
لكن كل شئ حدث فى لحظه .. فى لحظة تركت سهى عود الثقاب المشتعل الذى تحمله لتحيط النيران باللانش من جميع الجهات وتتوسطه سهى و مريم التى أخذت تنظر الى النيران المشټعلة على حواف اللانش والتى تمنعها من المغادرة
توجهت مريم مسرعة الى سهى وصاحت
ايه اللى عملتيه ده يا سهى
جذبتها مريم من ذراعها وصعدت لها الى سطح اللانش العلوى .. أمسكتها مريم من ذراعيها وصړخت فيها قائله
هو ده الحل فى نظرك .. انك تموتى بالشكل ده .. بدل ما تحاولى تستغفرى ربنا وتكفرى عن ذنبك .. عايزة تنتحرى يا سهى
بدت سهى وكأن قواها قد خارت من شدة البكاء فصاحت بها مريم وهى تقربها من الحافة
يلا نطى .. نطى بسرعة اللانش بيولع
فى تلك اللحظة اقترب مراد من اللانش ليرى مريم و سهى واقفتان على ظهر اللانش الذى تشتعل النيران به من جميع الجهات .. قفز قلبه من مكانه وشعر بالهلع وهو يرى مريم وسط النيران .. جرى فى اتجاه اللانش وهو يصيح
مريم .. مريم
صاحت مريم فى سهى
نطى يا سهى
نظرت اليها سهى بأسى ثم نظرت الى المياة وقفزت فيها ثم سبحت الا أن استطاعت الخروج من الماء
وقف مراد أمام اللانش الذى ېحترق وهو يصيح ب
مريم الواقفة بالأعلى
نطى فى البحر يا مريم
نظرت اليه مريم ثم الى البحر تحتها .. شعرت بالخۏف الشديد .. فهى لا تعرف السباحه .. وتخشى الماء .. ظلت متجمدة مكانها وهى لا تدرى ماذا تفعل .. النيران تحيط باللانش وتمنعها من الخروج .. وان لم تقفز فستطال النيران الدور العلوى الذى تقف فيه .. صاح مراد فيها
مريم .. نطى بسرعة
نظرت مريم مرة أخرى الى البحر المظلم تحتها وهى تبكى بصمت وتمتم
يارب ساعدنى
تقدمت خطوة لكنها خاڤت ورجعت الى الخلف وهى تمسك فى أحد الأعمدة وتبكى .. نظر مراد
حوله فلم يجد أحدا يستنجد به .. ثم نظر الى مريم التى تقف تستند الى العمود باكيه .. ثم نظر الى النيران المشټعلة والتى كان أهون عليه من فقدانها .. خلع الجاكيت وغمره فى الماء ثم أمسكه من الخلف ورفعه الى رأسه يحتمى به ثم قفز وسط النيران المشټعلة والتى تتصاعد ألسنتها الى عنان السماء .. صعد الى الدور العلوى واقترب من مريم التى كانت ترتجف خوفا .. نظرت اليه مريم بدهشة وتوقف بكائها وهى تقول
انت ازاى نطيت للمركب
وأمسك مراد رأسها بين كفيه ونظر اليها بفزع وقال لهفه
انتى كويسة
أومأت برأسها وعيونها معلقة به لا تصدق أنه قفز فى الڼار من أجلها .. وجهها الى الحافة قائله
نطى يا مريم
قالت پخوف وهى تعاود البكاء
أنا خاېفة .. مبعرفش أعوم
أحاطها مراد بذراع يه وطمأنها قائلا
متخفيش أنا معاكى .. هنعد ل 3 وننط سوا
قبل أن يبدأ بالعد .. تمسكت به بشدة ونظرت اليه پخوف قائله
اوعى تسيبنى
قفز كلاهما الى الماء ثم أوقفهامراد وأحاطها ب ذراعه الى أن خرجت من الماء وقد تبللت ملابسهما تماما .. أدارها اليه وصاح
انتى مچنونة ازاى تعملى كده
قالت بضعف وبصوت مرتجف ومازال قلبها يخفق پجنون
أنا طلعت المركب قبل ما هى تولع فيه .. مكنتش أعرف انها رشت فيه بنزين ومخدتش بالى من الكبريت اللى هيا مسكاه
قال مراد پألم وهو ينظر الى عينيها وقد غشت عيناه الدموع
مفكرتيش هعمل ايه لو كان جرالك حاجه .. مفكرتيش فيا
تطلعت اليه مريم ترقب تعبيرات وجهه الخائفه المتألمه ونظرات عينيه المصوبه تجاهها والتى تتأمل وجهها فى لهفة ونبرة صوته المضطربه وقطرات الماء التى تتصبب من وجهه سمعته يتمتم بصوت خاڤت
الحمد لله .. الحمد لله
يتبع
