رواية الفرحة كاملة
المحتويات
الشركه بيخلص شغل
طيب وهلا عامل معاها ايه
ولا حاجه سبنا بعض
بسببى
مش بالظبط انتى عارفه انا بحب امشى بدماغى ومبحبش حد يحط شروطه عليا وأنا مش عايز افضل عايش فى مشاكل بينك وبيها
بتحبها
لو مش بحبها هفضل معاها الوقت ده كله ليه
مش يمكن محاولتش تعرف غيرها عشان كده فاكر إنك بتحبها
يمكن
طيب انا مستنياك عشان نتعشى سوا هتتعشى ولا هتنام خفيف
لا يا ست الكل مقدرش طبعا
جلسوا على طاوله الطعام وكانت منيره والده داوود سرحانه تفكر في حديثها معه وهل هى محقه فيما تفعله هى تريد زوجه لابنها وأم لاحفادها إذا تزوج من هلا ستنشئ ابناءها على الانانيه وحب الذات مثلها هناك الزوجه لسيت فقط لأعمال المنزل بل هى المنزل بالكامل الرجل ضيفا مهما فعل فالام هى الاساس هى من تزرع العقائد بعقول ابناءها هى من يفعل ابناءها مثلما تفعل كيف ستربى ابناءها وماذا ستعلمهم
ومن جهه اخرى تخشى من ظلم ابنها إذا كان حقا يحبها
منيره امرأه من عائله متوسطه كانت تعمل سكرتيرة لدى والد داوود احبها واحبته وانجبوا داوود الابن الاكبر ثم أنجبت سلافه ولكن يشاء القدر ان تولد بعيب خلقى فى الرئه لولادتها مبكرا وبعدها تفقد منيره الرحم
بص يا داوود لو انت بتحب هلا وعايز ترجعلها وتتجوزوا ارجع بس هاتلها فيلا بره
ماتشغليش دماغك يا ماما انا عايزك تاخدى بالك من صحتك وسيبى النصيب للنصيب
انتهى من العشاء وصعد لغرفته يتذكر أحداث اليوم اخذ هاتفه وقام بالاتصال على إحدى رجاله
الو يا سعيد
داوود باشا أهلا بمعاليك
هبعتلك رقم وموديل عربيه عايزك بكره تكون جايب صاحبه المخزن اللى على الصحرواى
اوامرك يا باشا
ثم قام بارسال رقم السياره وصورتها لسعيد
ثم أتصل على وليد السائق الخاص به وطلب منه
أن يذهب غدا لاصطحاب تبارك من امام منزلها وأرسل له عنوان تبارك
عند تبارك كانت تجلس تتحظث مع سالى فى غرفتها
وبعدين يا تبارك هو انا بقولك خدى اجازه وابعدى عنه ولا قربى منه اكتر
صدقيني انا معملتش حاجه هو اللى بيكلمنى وبيفتح معايا كلام
بصى يا تبارك اللى زى داوود ده مش سهل وكلنا عارفين هلا حتى لو سابوا بعض زى ماقولتى هلا مش عبيطه تسيب واحد زى داوود والله اعلم ايه اللى بينهم
اوعى يا تبارك تبقى مجرد محطه يقف عندها او فاصل وقتها انتى بس اللى هتتوجعى وهتخسرى كل حاجه
شردت تبارك فى حديث سالى هى تعلم جيدا أن حديثها صحيح ولكن ليس على قلبها سلطان
فى اليوم استيقظت تبارك واستعدت للذهب للعمل وقررت أن تأخذ اجازه لتستريح وتستطيع التفكير في مستقبلها
وصلت تبارك لمدخل العماره ووجدت السائق الخاص بداوود منتظرها امام احدى السيارات التى كان يمتلكها داوود
ذهبت اليه باستغراب من وجوده أسفل منزلهاة
صباح الخير يا عم داوود زاقف هنا فى حاجة
صباح الخير يا استاذه تبارك دى أوامر داوود بيه اخدك واجيبك من والى الشركه
بس هو ماقليش حاجه زى دى
حضرتك تتكلمى معاه انا مجرد مأمور بنفذ الاوامر اتفضلى اوصل حضرتك وفتح لها باب السياره واتجه للشركه
ذهبت تبارك للشركه برفقه السائق وصعدت لمكتبها ثم توجهت مباشره لمكتب داوود طرقت الباب ثم دلفت لغرفه المكتب وجدت داوود يجلس على اللاب توب ويقوم ببعض الأعمال
مستر داوود
نظر إليها داوود مبتسما
صباح الخير يا تبارك طمنينى عليكى عامله ايه انهارده
أنا بخير الحمدلله بس لو سمحت ممكن حضرتك توقف موضوع العربية اللى جت تاخدنى انهارده ده
ليه يا تبارك مش كده احسن وأريح
هو أريح لكن مش احسن انا هنا موظفه زى أى موظفه ومش كل الموظفين بيطلعلهم عربيات خاصه توديهم وتجيبهم
ومس كل الموظفين بيعملوا اللى انتى بتعمليه انتى تقريبا بتراجعى شغل كل الاقسام قبل ماتبعتيلى تقرير بيه
ده شغل اللى باخد عليه قبض
طيب وانا هفضل قلقان عليكى كل يوم
صمتت تبارك لا تعلم لما يقلق عليها ولما اسلوبه تغير معها لما هذا الاهتمام ولكن هى لم تصمت مره أخرى لما يحاول اللعب على مشاعرها حسنا أفضل طريقة الان هى الهروب
استاذ داوود انا محتاجه اجازه
قام داوود من مكتبه واقترب منها بسرعه
انتى لسه تعبانه فيكى حاجه تحبى نروح تانى للدكتور
لأ بس انا بقالى ٥ سنين مأخدتش اجازات خالص محتاجه اجازه اريح شويه من ضغط الشغل
عاد لمكتبه وجلس بأريحية على الكرسي وهو ينظر لها هو يعلم جيدا انها تحاول الهرب من حصاره لكنه لا يسمح لها بالهرب
اديكى قولتى ضغط شغل يعنى مش هقدر اديكى اجازه الفتره دى
بس ده حقى
عارف يا تبارك إنه حقك بس انا مش هعرف اقعد من غيرك فى الشركه
استاذ داوود لو سمحت كلام حضرتك معايا بقى
بقى ايه يا تبارك اقولك انا كلامى معاكى اختلف يمكن مكنتش شايفك ولا شايف وجودك يمكن كنتى مستخبيه ورا كلمه حاضر ونعم مش عارف يا تبارك بس حاسس إن جوايا فى مشاعر بتتولد من ناخيتك مشاعر أنا مبسوط بيها وعايزها تكبر
صدمت تبارك من حديث داوود فهى لم تتوقع أبدا أن يخبرها هذا الحديث أصبح صدرها يعلو ويهبط بشده من فرط المشاعر لما عندما تحاول الخروج من سطوته يحكم سطوته عليها مره اخرى بشكل أكبر
أستاذ داوود لو سمحت
إيه يا تبارك معقوله مسألتيش نفسك عن سبب اهتمامى وخوفى عليكى وانى أبقى عايز اريحك ومش عايزك تتعبى معقولة يا تبارك مأخدتيش بالك انى بحاول اقرب منك واصنع مواعيد وهميه عشان اقعد اتكلم معاكى بشكل اكبر
اه يا تبارك ما تستغربيش امبارح مكنش فى مواعيد شغل ولا أى حاجة كنت عامل حجه عشان اقعد معاكى
طيب حضرتك مرتبط
كنت كنت ودلوقتي أنا مش مرتبط لكن عايز ارتبط بيكى
هو حضرتك مش شايف إنك اتسرعت وخاصه إنك لسه خارج من تجربه
أولا متسرعتش لأن التجربه اللى خرجت منها
مش مأثره فيا ولو كانت مأثره كان هيبقى واضح عليا ولا ايه
بس انا مش بعمل حاجه من ورا اهلى
وأنا مش عايزك تعملى حاجه وتحسسى نفسك بتأنيب الضمير أنا عايزك تحدديلى معاد مع مامتك واجى اطلبك منها
احست تبارك باأن العالم بين يديها فحبيبها وفارس
هل هى تحلم الآن وستستيقظ من ذلك الحلم هل سنوات العڈاب والحب من طرف واحد تبخرت الآن واصبح معشوقها يبادلها احلامها
افاقت من شرودها على صوت داوود وهو ممسك بيدها
مالك يا تبارك مش مبسوطه انى عايز اتقدملك انتى فى حد تانى فى حياتك
تحدثت بلجلجه ومحاوله أن تجمع شتات نفسها
لا ابدا بس حضرتك قلت عايز تقابل ماما
اه يا تبارك وفى اقرب وقت كمان أو اقولك ادينى رقمها وأنا هكلمها
اعطته تبارك رقم والدتها واخبارها إنه من سيتكلم معها ولكن عليها أن تمهل له الطريق
قريب جدا يا تبارك هتبقى خطيبتى وبعدها مراتى وماينفعش انك تركبى مواصلات تانى كل يوم عم وليد هيجيبك ويروحك ومش عايز اسمع اعتراض مره تانيه وشيلى موضوع الإجازة ده من دماغك خالص
اثناء حديثهم دلف عليهم منير فستأذنت تبارك وذهبت على مكتبها وقلبها يطير من الفرحه تود ابلاغ العالم أن حبيبها أخيرا شعر بها قامت بالاتصال على صديقتها سالى وهى تبكى
سالى بخضه مالك يا تبارك بتعيطى ليه حصلك حاجه تانى
لأ يا سالى بس داوود
ماله ماټ
بعد الشړ
أمال ايه
أبدا عايز يتقدملى قالى انه معجب بيا وقصت لها ما قاله لها داوود
احست سالى بأن هناك شئ مريب كيف بتلك السرعه يريد داوود الارتباط بها ولكنها لم تريد أن تكسر فرحتها ففى كلا الأحوال ستظهر الحقائق آجلا او عاجلا
بسرعه كده يا تبارك انتوا قربتوا من بعض امبارح بس
يا سالى انا بقالى خمس سنين بشتغل معاه
ربنا يوفقك يا حبيبتي بس انتى زاثقه انه مش عايز يتسلى او يلعب بيكى
تفتكرى واحد زى داوود محتاج انه يرسم على واحده بالجواز عشان يمشى معاها وبعدين منا قدامه من سنين
عندك حق الف مبروك يا قلبى ربنا يتمملك على خير يارب
فر المكتب جلس داوود يتحدث
مع منير بخصوص تبارك
وصلت مع تبارك لحد ايه
هكلم والدتها واتقدملها رسمى ومش بس كده دانا هعمل خطوبه كمان
بس احنا ماتفقناش على كده
وهى
مكنتش هتيجى غير كده
بس كده الۏجع هيبقى كبير أوى
سيب كل حاجه لظروفها مش انت قولتلى عيشها يومين حلوين انا هعيشها يومين في الجنه
قلت لوالدتك
لما اكلم مامت تبارك الأول
تمام
تماااااام ربنا يستر
فى النادى كانت تجلس هلا برفقه صديقتها كالعاده ويتحدثون عن داوود
بقولك يا هلا داوود مكلمكيش تانى
لأ
وانتى هتفضلى ساكته كده
من هنا لآخر الاسبوع لو متصلش بيا هروحله المكتب بنفسى مع انى بكره اشوف اللي اسمها تبارك دى
عشان بتحبه انا مش عارفه إزاى مأمنالها معاه لواحدهم
هو مش شايفها اصلا وانا عمرى ما كلمته عليها عشان ماياخدش باله منها
البت حلوه وهو دلوقتي فاضى والشيطان شاطر
انتى بتقلقينى ليه بس
انا بنبهك عشان ماترجعيش تعيطى
شردت هلا فى حديث صديقها وقررت أن تنتظر الاسبوع القادم حتى يشعر داوود بالاشتياق اليها وتصبح مهمتها أفضل
فى الشركه عند داوود كان يستعدى تبارك لمكتبه كل دقيقه او يذهب هو لها بشكل مفاجئ كان يسمعها من الغزل ما يجعلها تحلق في سماء العشق يريدها أن تصبح كالماء فى يده
انهتى اليوم واوصل السائق تبارك للمنزل دلفت تبارك المنزل وهى سعيده فما حدث اليوم كان فوق أحلامها داوود من كانت تنظر له كأنه برج عالى كان هو الذى يحاول التقرب منها ومغاذلتها
وجدت والدتها جالسه في الصالون دلفت اليها سعيده وقبلتها من خدها
ربنا يفرحك دايما يا تبارك بي ايه سر السعاده دى
فى عريس
بجد احكيلى مين ده اللي قدر يخطف قلبك ويخليكى مبسوطه كده
داوود يا ماما صاحب الشركه اللى أنا بشتغل فيها وعايز يكلمك عشان يحدد معاد يقبلك فيه
تحول وجهه والده تبارك من السعادة للخوف
ياترى ايه سبب قلبه والده تبارك
ياترى داوود شعر بمشاعر تجاه تبارك أم مازال تمثيليه
قولتى مين
داوود يا ماما صاحب الشركه اللى انا بشتغل فيها عايز يتجوزنى
مش داوود ده خاطب هلا البندارى وبيحبوا بعض الناس كلها عارفه حكايتكم
بس هو ساب خطيبته
وقدر يتخطاها فى كام يوم كده
قصدك ايه
قصدى إن فى حاجة غلط دول بقالهم سنين مع بعض وفجأة كده بدون مقدمات سابها وعايز يخطبك انا قلبى مش مرتاح
طيب يا ماما اقعدى معاه وشوفى هيقولك ايه ولو معحبكيش الكلام انا مش هقدر اعصى كلامك
لم ترد زهره كسر فرحه ابنتها لعل ما بداخلها مجرد هواجس وقررت مقابلته والبوح له بظنونها
خلاص يا تبارك خليه يجيى أنا موافقه اقابله
اقتربت تبارك من امها وضمتها بقوه وظلت تقبلها من وجهها بفرحه شكرا شكرا يا ماما أنا هبعتله اخليه يكلمك
اتقلى يا تبارك كلميه بليل مش دلوقتي
حاضر اللى تقولى عليه هنفذه
جلس داوود يفكر في تبارك وهلا هل تستحق هلا چرح تبارك من أجلها هل يكمل فى خطته أم يتوقف وهل لو توقف الآن وقوفه لم يجرح تبارك هل فات وقت الرجوع لا يعلم لما يشعر دائما بشفقه تجاه تبارك ! هل هذا جزاء وفائها له خداعها
سيكمل ما بدأه لعل القدر يكون له رأى آخر أو ان تبارك هى من تتركه
أتى المساء وارسلت تبارك رساله لداوود تخبره بأنها مهدت الطريق لوالدتها وارسلت له رقم والدتها
وصلت الرساله لداوود وبعدها قام بالاتصال بوالده تبارك وحدد معها موعد لمقابلتها ووافقت زهره على مقابلته فى اسرع وقت حتى لا تتعلق ابنتها بوهم ذائف من وجهه نظرها
فى اليوم التالى وجدت تبارك السائق منظرها ونقلها الى الشركه ذهبت تبارك وصعدت لمكتبها ووجدت باقه ورد على مكتبها وبها كارت مدون به
صباح الورد على اجمل ورده فى الشركه اللى من غيرها هتبقى الشركه صحراء
صباح الفل على أجمل عيون رأيتها
صباح العنبر زى ريحتك مسك وعنبر
احست تبارك بطبول تقرع فى قلبها وفراشات ستخرج من معدتها ورعشه احلت بجميع جسدها
رأها داوود من خلال الكاميرات وذهب إليها وجدها منسكه بالبوكيه فى يد وفى الأخرى الكارت اقترب منها
يارب يكون عجبك
نظرت اليه تبارك بفرحه أوى أوى اوى انا بحب الورد وخاصة الورد الاحمر
حسيت إنك بتحبيه عشان كده جيبته عارفه حسيت ازاى
ازاى
عشان انتى زيه لما بتتكسفى خدودك بتبقى حمرا زيه
نظرت تبارك فى الارض ولم تستطع أن تجيبه فما يحدث لها فوق خيالها
بصيلى يا تبارك
رفعت تبارك رأسها ببطئ ونظرت له
انتى عينك لونها دلوقتي بقى ازرق ايه ده هى بتلون كام يوم
هتعرفهم لواحدك
لما بتكون فى الشمس بتكون اخضر
ولما بتتكسفى وفى الضل لبنى
وفى الشمس بتبقى رمادى
هو فى ألوان تانيه
أه لما ب
مش قولتى
اعرفهم لواحدك سبينى عايز اكتشفهم لواحدى
اماءت تبارك براسها دلاله على الموافقة
تعرفى انى هاجيلكم انهارده عشان اقابل مامتك
أه ماما قاتلى امبارح هو انت جاى لواحدك ولا فى حد هيجى معاك
لأ المره دى لواحدى ولو مامتك وافقت هجيب ماما معايا المره الجايه باذن الله انا بصراحة يا تبارك عايز نتجوز بسرعه مش عايز اطول فى موضوع التعارف والخطوبه ده اديكى شوفتى اخره مشاكل كتير بتوصل لفركشه
أنت زعلان إنك فركشت معاها
طيب ده شكل ولا دى عمايل واحد زعلان انا لو زعلان فأنا زعلان انى معرفتكيش من زمان يا تبارك عشان كده مش عايز الموضوع يطول
مر اليوم بمشاكسات داوود التى لا تنتهى لتبارك وشراء الشكولاته والمشربوات الغازيه لها
كانت تبارك تعيش أسعد لحظات حياتها
انتهى موعد العمل وذهبت تبارك للمنزل وقامت بشراء أنواع الحلوى التى يفضلها داوود ونوع القهوه الذى يفضله حتى تصنعه له
ذهب داوود لمنزله وابدل ملابسه وجلس مع والدته واخبرها إنه ذاهب لمقابله والدتت تبارك
وافقت منيره وشجعته على تلك الخطوه فهى تريده ان يقترب من تبارك وتعلم جيدا أن تبارك هى الفتاه المناسبه له وترى دائما حب تبارك له وهى على يقين تام إذا اعطى داوود نفسه فرصه بعيدا عن هلا سيحب تبارك وسيعلم وقتها الفرق بين امراءة تصلح زوجه وامرأة لا تصلح إلا للعبث
انتهى داوود من حديثه مع والدته ثم ذهب واشترى خاتم من أجل تبارك وذهب بعد ذلك لمنزلها صعد للمنزل وطرق الباب وفتحت له تبارك الباب ابتسم لها ودلف للمنزل
رحبت به تبارك وادخلته غرفه الصالون جلس داوود برفقه تبارك إلى أن اتت له زهره تبارك ورحبت به
أهلا أهلا داوود بيه
لأ داوود بس انا فى مقام ابنك
ازيك يا ابنى عامل إيه
بخير الحمدلله حضرتك عامله ايه
نحمد الله شوفى داوود يشرب ايه يا تبارك
مالوش داعى
لأ ازاى أنت فاكرنا بخلى ولا ايه
نظر لتبارك وهو يعلم جيدا من داخله انها تعلم ماذا يريد
اللى تجبيه يا تبارك انا هشربه
روخى يا تبارك حضرى حاجه يشربها
اتفضل يا بنى انت كلمتنى امبارح وطلبت تقابلنى
بصراحة أنا يشرفنى انى اطلب منك ايد تبارك
تبارك بنتى الوحيده ابوها اتوفى مهى عندها ٥ سنين عارف ظه معناه ايه
معناه إن تبارك كل حياتى اى ۏجع ليها مأنك بتوجعنى انا رفضت الجواز وعشت عمرى كله عليها عشان محسسهاش بنقص ورغم كده مقدرتش اعوضها حنان الأب
لو انت يابنى نيتك أى حاجة تانيه عرفنى
صدقينى تبارك هتبقى فى عينى
هو مش انت كنت بتخب هلا البندارى ومخطوبين بقالكم سنين
كنا واعتقد إن طول فتره خطوبتنا حضرتك ماسمعتيش فى مره انى خنتها او كنت على علاقة بحد تانى
ده معناه إنك كنت بتحبها
ويمكن معناه مخلص للى معايا
ويمكن بتدور على بديل يملى فراغها وواخد تبارك سد خانه
يا مدام زهره انا راجل ناضج وفى السوق من سنين طويلة واقدر اقيم مشاعرى ومافيش حاجه تجبرنى أنى اتجوز او لازم يبقى فى حياتى بديل
طيب ماتبارك بقالها ٥ سنين شغاله معاك اشمعنى دلوقتي
انا مش خاېن لما برتبط بواحده بكتفى بيها
طيب أهلك ايه رأيهم
والدتى معندهاش أى مشكله بالعكس هى مرحبه جدا بإرتباطى بتبارك ولو حضرتك وافقتى هجبها تقابل حضرتك وتشوف طلباتك ايه واعتبرى اى حاجه هتطلبيها احنا موافقين عليها
انا طلباتى ان بنتى تعيش معززه مكرمه ومتجرحاش انا عايشه طول عمرى بحاول اخليها مش ناقصها حاجه وخاېفه عليها من الچرح
اطمنى حضرتك أنا لو عندي نيه وحشه مكنتش هاجى اتقدم ولا احدد معاد عشان والدتى تيجى تطلبها ونقرا الفاتحه
ها يناسب حضرتك امته
اراح حديث داوود داخل زهره ولكن يبقى الأم به غصه ما رجحت زهره هذا الشعور بانها لا تريد أن تتركها تبارك او تبعد عنها
ها يا مدام زهره اجى انا ووالدتى امته
اثناء خديثهم دلفت اليهم تبارك ومعها كوب القهوه والحلوى المفضلة لداوود نظر داوود لما تحمله تبارك وابتسم لتبارك فهى لم تخيب ظنه
قام داوود واخذ ما تحمله تبارك ووضعه على الطاوله ثم قامت تبارك باعطاءه الطبق وبه ما يفضله شكرها تبارك ثم نظر لزهره
ها يا مدام زهره اجى انا ووالدتى امته
طيب يابنى أنا هكلم عمامها واحدد معاهم معاد وابلغك دول برضه اهلها ودى الاصول
عندك حق انا هنتظر مكالمه حضرتك تبلغينى امته واتمنى يبقى اقرب وقت انا بصراحه كان عندى نيه نخلى الخطوبه الاسبوع الجاى
صعب يا ابنى ده نسب وكل حاجه لازم تاخد وقتها والأصول ماتزعلش حد
تمام زى ماتحبى ثم قام بإخراج علبه مخمليه بها خاتم واراد اعطاءه لتبارك
طيب دى هديه بسيطه لتبارك
خليها لما الموضوع يتم محدش يعرف بكره فى ايه
أحس داوود باحراج ولكنه لم يظهر هذا ووضع الخاتم فى جيبه مره اخرى وقرر اعطاءه غدا لتبارك فى الشركه
انتهى الحديث واستاذن داوود بالذهاب
خرج داوود وركب سيارته وذهب لمكان هادئ أمام النيل
يفكر ما كل تلك الوعود التى قدمها لوالده تبارك وهو يعلم بأنه لم يفى بها هل عليه نسيان هلا والزواج من تبارك
ظل شارد الذهن يعيد ترتيب افكاره
هو تورط واغطى كلمه لا يستطيع الرجوع بها فليكمل لعل وعسى يحدث الله بعد ذلك أمرا
ذهب للمنزل وابدل ملابسه ثم ذهب للنوم
اتصلت والده تبارك بأعملمها وابلغتهم برغبه داوود للزواج من تبارك
رحب اعمامها لكن طلبوا
مرت ايام قليله كانت تعيش تبارك بها اجمل لحظات حياتها وكان داوود يغدقها بالهدايا ومعسول الكلمات
اتصلت والده تبارك بداوود وحددت معه موعد مقابله مع اعمامها وافق داوود واستعد للمقابله
فى احدى الفنادق الساحايه كانت هلا تجلس برفقه أصدقائها يتحدثون كيف سيمضون اجازتهم تحدثت احدى صديقاتها عن علاقتها بداوود
صحيح يا هلا داوود وافق إنك تسافرى لواحدك كده
لا يا حبيبتي إحنا واخدين اجازه من بعض
هو فى واحده عاقله تسيب واحد زى خطيبك ده لواحده
تحدثت هلا بغرور وتكبر ظنا منها إنها بكلمه تستطيع العوده لرجل مثل داوود
يابنتى حتى واحنا مع بعض البنات بتحوم حواليه هو عينه مش شايفه حد غيرى وبعدين اغير من مين مافيش حد يستاهل اغير منه
يا ستى على الثقه
دى كلها ربنا يخليكم لبعض
احنا لو مكناش اتفقنا على الاجازه دى كان استحالة داوود يوافق انى اسافر معاكم أصلا
اصلك ماتعرفيش داوود غيور اد ايه
وانتى مش بتغيرى عليه
نهائيا مش شايفه
حد يخلينى اغير منه
يارب بس مايتغيرش ويفضل كده أصل الرجاله عنيهم زايغه
مش داوود إحنا بقالنا كام سنه مع بعض عمركم شفتوا مع واحده غيرى
بس أنا شفته الاسبوع اللى فات وانا بشترى الاسوره دى كان هناك وبيشترى خاتم
تلاقيه عملهولى مفاجأة عشان يصالحنى بيه
جايز عموما شدى حيلك بقى عشان تتجوزوا بسرعه
قريب قريب أوى
مر يومين اخرين وأتى موعد مقابله داوود ووالدته لاعمام تبارك
كانت تجلس زهره مع اعمام تبارك يتحدثون بخصوص تبارك سالت زهره عزيز عم تبارك عن داوود
يعنى انت سألت عنه كويس
ياستى اه واتأكدت كمان من انهاء علاقته مع خطيبته القديمه ومعروف عنه إنه ملتزم هو غالبا بعد ما فشكل خطوبته شاف تبارك محترمه وبنت ناس قال يعقد النيه بلاش تبقى قلوقه كده الراجل لو عنده نيه وحشه مكنش جاب اهله وجه
صح صح انت عندك حق
رن جرس الباب فدلف داوود برفقه والدته وكان يحمل بوكيه من الزهور ووالدته تحمل علبه من الشوكولا الفاخره
استقبلهم عم تبارك الصغير واصف وادخلهم للمجلس
قامت زهره باستقبال منيره بحفاوره ورحب بها جلسوا جميعا في ذلك المجلس معادا تبارك كانت منطويه فى غرفتها برفقه إبنه عمها وكان القلق رفيقها
تحدثت ابنته عمها محاولة طمئنتها
يابنتى اهدى شويه انا سمعاهم بيرحبوا بيه وكمان وقت مادخلتلهم الشاى سمعتهم بيشكروا فيه وبابا على فكره بيقول
عليه كلام حلو
بجد بجد ولاء
أه بجد وكمان مامته واضح انها ست كويسه وداخله وهى بتضحك
بطلى انتى تقلقى نفسك
فى المجلس كانوا يتحدثون عن أمور مختلفة إلى أن بدأت منيره فى الحديث
احنا انهارده جايين انا وابنى ويشرفنا نطلب إيد الانسه تبارك ده بعد اذنكم طبعا
تحدث عمها الكبير عزيز بهيبه
بصى يا مدام منيره أنا كان نفسي اجوز تبارك لابنى الوسطانى عز لكن النصيب غلاب احنا سألنا عليكوا وانتوا طلعتوا مافيش غبار عليكم
ثم نظر لداوود بهيبه وجديه ثم تحدث احنا هنديك بنتنا يا داوود يابنى وهتبقى أمانه معاك وانت طبعا فاهم يعنى إيه أمانه اتمنى تحافظ عليها وتكون فعلا أد المسئوليه
تحدث داوود مؤكدا على حديثه
وانا هحافظ على الأمانه وهكون قدها انا منظر اسمع طلبات حضرتك وصدقنى انا موافق عليها كلها
أنا ماعنديش طلبات وتبارك يوم ماتخرج من هنا م شهيكون فى حاجة نقصاها
طيب احنا هنقعد فى الفيلا مع والدتى اتمنى مايكنش فى مشكله فى الموضوع ده
امك هتبقى فى مقام امها وبنتنا بتعرف إزاى تحترم وتقدر الكبير
طيب عايزين مهر كام وشبكه كام
عندنا المهر ٥٠٠ ٠٠٠ الف والشبكه ماتقلش عن ١٠٠ ٠٠٠ دى عوايدنا
لأ المهر خمسه مليون والشبكه زيها
كله ليك فى الاخر طول مانت محافظ عليها ودى أهم حاجة عندنا والفرش هيكون علينا والأجهزة
صدقنى الفيلا مجهزه وكل سنه بنغيرها بالاحدث
تحدثت منيره
هى تجيب فرشها واللى نفسها فيه ده بيتها ومن حقها تفرش وتفرح وهى بتجيب اللى هى عايزاه
على خيره الله
طيب ننادى على العروسه الأول انتوا نسيتوها ولا ايه
قامت زهره بالذهب لغرفه ابنتها بفرحه وعينيها مملوءه بدموع الفرح
تبارك يلا تعالى عمك عايز يسألك عن رايك عشان نقرأ الفاتحه
طب ايه رأيك فيه يا ماما حلوه
زى القمر زى القمر يا حبيبتي ربنا يحميكى
خرجت تبارك برفقه والدتها وذهبت للمجلس قام داوود عندما رأها وانبهر من جمالها فلاول مره يراها وهى تضع مساحيق التجميل وترتدى ملابس سهره دائما يراها بملابس رسميه كلاسيكيه
اقتربت تبارك من الجميع وسلمت على منيره فأخذتها منيره بين احضانها
زى القمر يا تبارك بدعى إن رينا يجعلك من نصيب داوود
تحدث عزيز يسألها عن رأيها
اخفضت تبارك رأسها بخجل واماءت بالموافقه
هلل الجميع وقرأوا الفاتحه وكان ينظر داوود لتبارك من وقت لاخر ثم أخرج علبه مخمليه بها طاقم من الذهب عباره عن اسوره وخاتم وسلسله وكان الطقم يزينه الزمرد من المنتصف انبهر الجميع بجمال ذلك الطقم رفضت فى البداية زهره ولكن منيره حدثتها بأنها هديه ومن عادات عائلتهم اهداء العروس وقت قراءة الفاتحه هديه على قدر استطاعت العريس
علت أصوات الزغاريد المنزل وتم تحديد موعد الخطوبه بعد اسبوعين
انتهى المجلس وذهب الجميع لمنزله
مرت الليله بسعاده على الجميع
لا يعلموا ما سيحدث فى المستقبل
كان لداوود مشاعر مختلطة داخله لا يريد التكمله في اتفاقه مع منير حسنا سيخبره بإنهاء تلك اللعبه والتكمله مع تبارك فهو قد أعطى وعد للرجال حتى لو لم يريد الزواج منها لكن سيحافظ على الوعد ويتقبل حبها له لعله يبادلها ذلك الحب هو لا ينفرها او يكرها بل اصبح يحب الحديث معها والنظر لعينيها
مر يومين وذهبت تبارك لشراء الشبكه برفقه والدتها ووالدتت داوود وداوود
اختارت تبارك دبله رفيعه ودونت اول حروف اسمها هى وداوود TD
وقان بعد ذلك داوود بشراء طقم من الالماظ على ذوقه واهداه لتبارك
ثم ذهبوا للفيلا لرؤيتها واذا ارادت تبارك عمل تعديلات بها
واقترحت منيره أن تكون الشبكه مع الزفاف لا داعى من الانتظار كثيرا
فوافقوها الرأى
فى الفندق كانت تجلس هلا برفقه أصدقائها واتت اليهم صديقه هلا مسرعه
هلا هلا
نعم
انتى كلمتى داوود اخر مره امته
من حوالى ٣
متابعة القراءة
