رواية حبي 5-6

من كل ناحية. 
صړخت سبيل بعلو صوتها وهي بتحاول تهرب لما شافت الأرض أنشقت فجأة وبلعت الولد والبنت وخرج منها صهيب وشكله كان غريب جدا هدومه مقطوعة وشعره منكوش وبيقرب منها عايز يبحها
صحت فجأة من النوم عينيها مفتوحة على آخرها وعرقها كان مغرق وشها وصوتها مليان ړعب وهي بتصرخ لاااااااااا صهييييب أبعد عني ألحقني يا جدووووو صهيب عايز يوتني.
قرب منها عمران وبنبرة صوت مليانة خوف وهو بيحاول يطمنها أهدي يا حبيبتى ما تخافيش انا هنا جنبك ما حدش هيقدر يقربلك طول ما انا عايش.
سبيل فضلت تبص حواليها وهى بتاخد نفسها بصعوبة بتحاول تستوعب انها ف أوضتها وان كل اللى شافته ده كان حلم دموعها نزلت وهى ف حضڼ جدها اللى حست فيه بالأمان رغم ۏجعها وزعلها منه انا خاېفة اوى يا جدو خبيني منه صهيب عايز يوتني.
عمران حس إن قلبه بيتقطع عايز يخبيها جوا ضلوعه يحميها من كل اللي بيخوفها وبصوت مليان حنان وحزم وهو مشدد ع ضمته ليها ماتخافيش يا قلب جدو ده كان حلم صهيب مش هنا هو ما يعرفش مكانك ومش هيعرفه ابدا يا حبيبتى.
كلامه كان زي البلسم ع جرحها لكن الدموع اللي في عينيها كانت لسة شاهدة على خۏفها اللي مكدر قلبها وهو بيمسح لها دموعها بإيده فضل يهمس لها بكلام يهديها ما تخافيش أنا معاكي مش هتجرالك حاجة طول ما أنا جنبك ثقي فيا يا روح جدو.
سبيل جسمها كله بيرتعش ودموعها مش بتقف بتحاول تصدقه لكن خۏفها كان مسيطر عليها بجد يا جدو بجد مش هيعرف مكاني! مش هتخليه يجي ياخدني
عمران بتنهيدة تقيلة وبنظرة كلها ۏجع وهو ما زال بيمسح دموعها اللى مش بتقف بإيده اللي بترتعش بجد يا حبيبتي أنا حياتي كلها قصاد انه يعرف مكانك ما تقلقيش ما حدش خالص هيعرف مكانك غيري انا وشهاب وبس
تحس بالأمان اللى مش لاقياه لكنها فجأة بعدت عنه پخوف وقلبها مليان ۏجع وقهر ودموعها نازلة بسرعة زى السيل تعبت نفسك وجيت ليه يا عمران بيه ياترى جاى تطمن عليا ولا جاى ترجعني لسجن حفيدك عشان يكمل ع اللي باقي مني صوتها أبتدا يضعف بسبب دموعها اللى خنقتها من كترها وبتنهيدة مليانة قهر وانسار اطمن وطمنه قوله خلاص سبيل انتهت وما بقاش فيها حاجة تنفع خلاص بقيت مجرد جسم بيتنفس من غير روح باقضي أيامي وانا باستعجل الوت عشان أرتاح وأريحكم كلكم.
قرب منها عمران پخوف والحزن مالي قلبه كلامها كأنه زلزال هز كيانه وبدموع بعد الشړ عنك يا حبيبتي ايه الكلام اللى بتقوليه ده بقى كدا يا سبيل عايزة توتي نفسك طب أهون عليكي تسري قلبي انا مش هاستحمل خسارتك يا ضى عيني
سبيل مرة تانية وشدت الكانيولا وقامت من سريرها وهى بتصرخ ومن بين دموعها وصوتها اللى مليان ۏجع أشمعنى انا هونت علييييك سلمتني بإيدك لواحد مش عايزني وأنت عاااااارف انه متجوز... وبتنهيدة كلها ألم وقهر سمعت رفضه ليا وشوفت إصراره ع الرفض بعينك وبرضو صممت ع رأيك.
مسكت دماغها بإيديها وهى مڼهارة وبتصرخ ليييييييه عملت لك ايه عشان تعمل فيا كدا يا جدي أنا أذيتكم ف ايييييييه عشان تحكموا عليا بالعڈاب طول عمري مش مكفيكم اللى حصل لي السنين اللى فاتت قولتوا تكملوا عليا قول لي لييييييه وريحني 
عمران حس ان روحه بتنسحب منه حط إيده ع قلبه وصوته أبتدى يضعف سامحيني يا بنتي أنا كنت بعمل كدا لمصلحتك لو كنت أعرف ان كل ده هيحصل كنت أتمنيت ال موت قبل ما أعمل اللى عملته ولا أشوفك كدا أب... فجأة.. جسمه ارتخى ومال ع جنب وهو فاقد الوعى.
سبيل شافت عمران وهو بيقع قدام عينيها حست روحها بتروح منها وهى شايفاه واقع ومش قادرة تعمل حاجة غير إنها تجري عليه خطواتها كانت سريعة بس الدنيا حواليها كأنها بتمشي بالتصوير البطيء قلبها بيخبط في صدرها زي الطبل من شدة ضرباته وكل نفسها كان مليان خوف وقفت جنبه وبدأت تهز فيه بكل قوتها دموعها نازلة على خدودها وهي بتصرخ بصوت مكتوم من الړعب صوتها خرج بصعوبة وهى بتترجاه انه ما يسبهاش لوحدها جمعت كل قوتها وصړخت بأعلى صوت ندهت على خالها ف لحظة المكان كله اتقلب خطوات سريعة وجري من كل ناحية كانت صړختها زي جرس إنذار شهاب كان أول واحد ظهر ف الأوضة عينيه على جده وهو مش قادر يستوعب صړخ بصوت مليان خوف كأنه شايف الزمن واقف مش بيتحرك خاېف من اللي ممكن يحصل خاېف من النهاية.
______________________
ف مصرقصر الشهاوي
ف نفس الوقت نزلت سها من اوضتها بعد العصر قعدت ف الجنينة تستنى صهيب وهي بتلاعب ياسين بعفوية ظاهرة لكن عينيها وبالها مشغولين بحاجة تانية خالص فجأة شافت نرمين بتقرب منها وقعدت جنبها وهى ماسكة مجلة ف إيديها بتقلب صفحاتها ببطء وكأنها بتقرأها لكن عينيها كانت بتتحرك بحذر بتراقب كل تفصيلة وكل حركة بسيطة من سها.
سها أخدت بالها من نظرات نرمين اللى بتلاحقها وبرفعة حاجب وتريقة واضحة ف نبرة صوتها مش بطلت الطريقة دي يا نرمو شوفيلك حاجة جديدة احسن.
نرمين سابت المجلة من إيدها ع الترابيزة ورفعت وشها بابتسامة مصطنعة وعينيها بتلمع بمكر طريقة ايه يا سها انا مش فاهمة انتي بتتكلمي عن ايه!!
سها عدلت قعدتها وحطت رجل ع رجل بحركة فيها ثقة وعينيها ثابته على نرمين بابتسامة كلها استفزاز طريقتك وانتي بتراقبيني من ورا المجلة يا بيبي قديمة أوى.
نرمين شهقت بخبث وكأنها اتفجئت ييييييه وانا هاراقبك ليه بس يا سوسو وبمكر واضح ف كلامها ونبرة صوت واطية زى الهمس هو انتي بتعملي حاجة غلط لا سمح الله خاېفة أني اعرفها!!.
سها وقفت فجأة بعصبية كأن في عقرب لدغها وعينيها بتطلع شرار قصدك ايه يا نرمين هاكون بعمل ايه يعني وخاېفة منك! بقولك ايه بلاش تتكلمي معايا تاني أحسن ووسعي كدا ومن غير بعد أذنك.
ولسة هتتحرك من مكانها نرمين وقفتها
نرمين وقفت وقربت منها بخطوات بطيئة وبهمس كله خبث ومكر ونبرة ټهديد ورا ملامحها المبتسمة انا عارفة كل المستخبي يا سها اللى لو طلع انتي عارفة كويس عمران هيعمل فيكي ايه أهدي كدا وأقعدي واسمعيني.
كلام نرمين نزل ع سها زى الصاعقة كهربها لفت ببطء وعينيها ع نرمين متثبتة مش قادرة تحركها وبتوتر عايزة ايه مني
نرمين بابتسامة مكر وهدوء قاټل أنا عايزة مصلحتك يا بنتي.
سها رفعت حاجبها باستغراب وهي بتقعد لكن توترها واضح جدا في حركة إيدها بنتك!! ومصلحتي! ما تجيبي من الأخر يا طنط عايزة ايه
نرمين بغموض وثقة زايدة تعجبيني انا بحب الناس اللى تجيب من الأخر ومن الأخر كدا أحنا الاتنين مصلحتنا واحدة.
سها بصت ل نرمين بنظرة ترقب مستنية تفهم ازاى يعني مش فاهمة.
نرمين بخبث سبيل.
سها باندهاش وانفعال ماقدرتش تداريه مالها ست زفتة دى!
نرمين قربت لها أكتر وهمست بصوت واطي لكنه مليان حقد وكره وكأنه نار بتغلي جواها عمران كاتب لها نص أملاكه بأسمها ومافيش حد يعرف خالص غير فاطمة قال ايه بيعوضها عن حرمانها من حنان أمها وأبوها.
سها سحبت نفسها لورا وبنظرة شك وانتي عرفتي ازاى بقى لما مافيش حد خالص عارف
نرمين ابتسمت ابتسامة ثقة ده مش موضوعنا دلوقتي اللى يهمنا أننا نخلص من سبيل وده الأهم.
سها بنبرة تريقة وهتخلصي منها أزاى بقى يااا مرات أبوها!
نرمين بغيظ واضح ف صوتها وع ملامحها انا رميت شرارة من 3 سنين لما عرفت الموضوع ده لكن ما نفعتش يومها إنما دلوقتي جه وقتها ودى لعبتك انتي.
سها بتوتر وقلق ازاى
نرمين بمكر هى بقت ضرتك وبعد اللى حصل بينها وبين صهيب سابت القصر وماحدش يعرف هى راحت فين وشهاب سافر مع عمران عشان يدوروا عليها و......
سها قطعت كلام نرمين بغيظ وغيرة اسكتي بقى ما تفكرنيش انا هطق بسبب الموضوع ده بسببها صهيب اتعصب عليا.
نرمين بشفقة مصطنعة ليه ده حتى عمره ما عملها.
سها بنبرة صوت مليانة غيرة وعصبية عشان خيرته بيني وبينها لما رفض يسمع كلام جده ويطلقها.
نرمين رفعت حاجبها وبابتسامة خبيثة عشان غشيمة بطريقتك دي عمره ما هيطلقها انما لو سمعتي كلامي وعملتي اللى هقولك عليه ده مش هيطلقها وبس ده كمان هيخلي عمران يرميها رمية الكلاب برة القصر والعيلة كلها.
سها بصت لها بتحدي رغم الغليان اللي كان ظاهر في عينيها تقصدي إيه بالكلام ده
نرمين قربت أكتر ونبرتها بقت هادية بس كلها سم
قصدي إنك تشككي صهيب فيها هى وشهاب.
سها لفت وشها للجنينة لحظة بتحاول تهدي نفسها قبل ما ترد بحدة ما تلفيش وتدوري عليا قولي اللي عندك مرة واحدة
نرمين ابتسمت ابتسامة كلها خبث وكملت بصوت واطي كأنها بتهمس بسر خطېر استغلي حبه ليكي وألعبي ف دماغه يا سها خليه يشوف بعينك اللى محصلش وكل ده هيكون لمصلحتنا إحنا الاتنين.
سها بصت ل نرمين بفضول وإنتي مستفيدة إيه من كل ده
نرمين ضحكت ضحكة خبيثة كأنها بتحتفل بنصرها إلا مستفيدة لو قدرتي تدخلي جوة دماغ جوزك وتخليه يصدقك ساعتها هيطلقها ولو عمران صدق كلام صهيب وقتها هيرميها برة القصر هى وشهاب ويحرمهم من كل حاجة وبكدا بدل ما عيالي هياخدوا شوية فكة هيحطوا ايديهم ع نصيب الأسد.
سها سكتت لحظة عقلها بيشتغل بسرعة ويترجم كلام نرمين لكن ملامح وشها فضلت متماسكة وبنبرة قلق ودي بقى أعملها أزاى صهيب ماحدش بيعرف يدخل جوة دماغه.
نرمين قامت وقربت منها أكتر وبنبرة كلها خبث عيب عليكي!! ده أنتي حتى شبهي وفيكي مني كتير.
سها بصت لها برفعة حاجب وبمكر أنا اه شبهك بس صهيب مش زى عمه يا نرمين
قامت نرمين ف اللحظة دي تدخل جوة القصر وقبل ما تتحرك بنبرة خبث أنا نصحتك وانتي حرة لو عايزة تفضلي ف العز والخير ده أعملي اللى قولتلك عليه مش عايزة براحتك بس لما تترمي برة القصر ما تبقيش تلومي حد غير نفسك.
وبالفعل مشيت نرمين وسابت سها قاعدة ف مكانها نظرتها
متعلقة بيها وهى بتمشي براحة وكأنها خارجة من معركة كسبانة وبرغم الهدوء اللي كان ف الجنينة لكن كان فيه صراع جوا سها إيديها اتشنجت من كتر التوتر والخۏف من تنفيذ تهديدات نرمين وعينيها فضلت تتابع خطواتها لحد ما اختفت.
______________________
ف الصعيد.
بيت قدري رسلان.
قاعد ف المندرة مع مراته وولاده لكن عقله ما كانش موجود معاهم عيونه شاردة ومتثبتة ع الأرض دماغه مشغولة ببنته الكبيرة اللى قلبها مال لكلام أمها وخاېف عليها من تصرفاتها الطايشة اللى بقت مصدر قلقه فجأة فاق ع صوت قطع شروده.
عواطف وهى بتمد له إيدها بكوباية الشاى بنبرة هادية وكلها دفى وبعدها لك يا جدري هتفضل إكده شايل طاچن ستك فوج دماغك بسبب بتك
قدري هز راسه بحزن وهو بياخد منها الكوباية وكأن الهم اتجسد قدامه ف صورة بنته أعمل ايه بس يا أم رسلان البت عيارها فلت من وجت ما رچعت لأمها ما بجيتش تسمع لي كلمة واصل.
عواطف بتحاول تهديه بصوت دافي وكله حنية ومحبة هون ع نفسك ياخوي البت برضك لستها صغار والدنيا وخداها.
قدري بنبرة مکسورة من كتر الۏجع دى كانها ما صدجت تدلى مصر يا عواطف ونست أبوها واصل لو ما كنتش اتصل عليها ما تحدتنيش ولا كانها تعرفنى
قرب رسلان من الكنبة وهو بيلم جلابيته وقعد جنب أبوه بعصبية وصوته كله ڠضب وعتاب جولت لك يا بوي ما تخليهاش أتروح حدى أمها! لو راحت ما هتعاودش تاني جولتلي حجها تعرفها چاها كسر حجها وآها راحت وما رچعتش كيف ما جولت.
عمر كان ماسك كوباية الشاي ولما سمع كلام رسلان سابها من إيده بنرفزة ورد بغيظ خليك محضر خير يا اخى وبلاش تبجى محراك شړ شايف أبوك جلجان ع خيتك وانت بتزود جلجه بدل ما تطمنه وتجوله تعالى نروحوا نطمنوا عليها!! أباااااى عليك واد سو.
رسلان برفعة حاجب وتريقة ل عمر بجولك إيه يا حنين انت! ماليش أنا ف محڼ الحريم ديه سبتهولك أنا لو أدليت مصر 
قدري رفع رجل فوق الكنبة وساند عليها بدراعه اللى ماسك بيه الشاي وساب رجله التانية نازلة ف الارض كان قاعد ماسك نفسه طول الوقت لكن فجأة بص ل رسلان وانجر فيه بعصبية وزعيق وبعدهاااالك عااااااد يا رسلااااان أنت ما نويش تجفل خشمك اللى بينجط سم ديه
رسلان عصبيته زادت وصوته بقى عالي رد پغضب أشد وكأن الكلام محپوس جواه وأخيرا قدر يخرجه لع يابوي ما عجفلش خشمي ولازمن تعرف أنك السبب من الاول يوم ما سافرت مصر واتچوزت الرجاصة وعاودت بيها ع البلد آها ما اتحملتش عوايدنا وبعد سنة واحدة سابت بتها وهى حتة لحمة حمرا وهربت ودلوكيت انت برضك اللى سبت 
الكلام كان زي الساكين ف قلب قدري لكنه ما نطقش وفضل قاعد مكانه ونظراته كلها ڠضب وخيبة أمل وكأن الحمل اللي شايله زاد عن طاقته.
عمر قرب خطوة ناحية أخوه وبنبرة صوت كلها ڠضب ونظرة حادة عيب عليك يا رسلان تجول إكده عن خيتك! ده بدل ما تفكر تساعد أبوك ترچعها واجف ترمي كلامك اللى كيف السم ديه البت من لحمنا ودمنا برضك ومايصحش نجول عليها كلام عفش.
قدري رفع صوته بحزم قطع الحوار بينهم وكأن كلماته كانت حكم نهائي بس منك ليه! كلامكم ده مالهوش لازمة دلوكيت بدل ما نجعدوا نتخانجوا لازمن نلاجي حل لاچل مانرچع خيتكوا من حدى العجربة أمها.
رسلان قام من مكانه وهو بيرفع حاجبه ويضحك بتريقة لا والله دلوكيت لازمن نلاجي حل!! وسكت ليه يا ابوي السنين اللى فاتت ديه توك ما افتكرت بتك وخاېف عليها من امها! ما هى حداها ليها 5 سنين وانت اللى وصلتها بيدك.
عمر قرب من رسلان وقف قصاده بعصبية وبعدهالك يا رسلان كانك أدبيت عاد كيف تجول ل أبوك الحديت الماسخ ديه أجفل خشمك بجى وما تزودش الار وتشعلها يا واد أبوى ما ناجصينش إحنا.
عواطف قربت من قدري بخطوات هادية ومدت إيدها ع كتفه بحنية ما تشيلش هم يا خوي البت مسيرها هترچع وتفهم