رواية حبي 5-6
المحتويات
بص ل شاهندة شاهندة خدي ياسين ابن اخوكي من سها وخدي يمنى ونادر واطلعوا اوضكم
شاهندة ويمنى ف نفس الوقت حاضر يا جدو.. وبعدها خرجوا ع طول من الصالون وطلعوا اوضهم
نادر برفض انا عايز اقعد معاكم يا جدو مش هطلع
عمران بنرفزة قولت أطلع اوضتك يا نادر
نادر بمعارضة لأ مش طالع يا جدو
عمران ابتدت تزيد عصبيته يعني ايه يا ولد الكلام ده انت هتعارضني وتقف قصادي!!
نادر أيوا يا جدو هعارضك لما انت مش عايزني اكون موجود معاكم ف القعدة دي قولت ل هدية ليه تخليني أنزل من الاول
عمران والله عال يا ابن نرمين هتقف ترد عليا كلمة بكلمة وتحاسبني! وبص ل علي پغضب.. ربي ابنك يا علي لانه محتاج تربية وعلمه ازاى يرد ع اللى اكبر منه.
نادر بعصبية لو سمحت يا جدو انا اسمي نادر علي الشهاوي مش ابن نرمين واعتقد أمي مربياني كويس جدا مش ناقص تربية
عمران وقف وقرب بهدوء من نادر وفجأة ضربه بالقلم بكل قوته وكل الڠضب اللى جواه بسبب حزنه ووجعه ع سبيل لما تقف قصادي وترد عليا وتعارضني تبقى ناقص تربية لما تتعصب وصوتك يعلى عليا تبقى قليل الادب وما اتربيتش يا ابن نرمين وانا هاعيد تربيتك من اول وجديد غور اطلع ع اوضتك وما تنزلش منها لأى سبب من الاسباب لغاية ما أنا اسمحلك تنزل
نادر بزعيق يعنى ايييييه هتحبسني فيها! ناقص كمان تقول لي الأكل بمواعيد والنوم بمواعيد لااااا وديني ما انا قاعد لك فيه... ولسة هيتحرك ناحية باب الصالون
عمران پغضب اشد استنى عندك انا ما سمحتلكش تتحرك.. ول شهاب.. شهااااااااب خد ابن نرمين احبسه ف اوضته وهات المفتاح وخد منه تليفونه وأى وسيلة ترفيه ف الاوضة خدها عايزه قاعد زى الگب لغاية ما يتربي والكلام للكل مافيش أكل يطلع له من غير أذني واللى هيخالف أوامري ما يلومش غير نفسه يلاااااااا
شهاب بقلق وتوتر حاضر يا جدي بس حضرتك هدي نفسك وكل اللى أمرت بيه هيتنفذ.. ول نادر اللى واقف متعصب.. يلا يا نادر امشي قدامي وهات تليفونك من سكات خلى اليوم ده يعدي ع خير
نادر ماشي بغيظ مع شهاب ورفض يديله الفون ف الاول وبعد ما شهاب زعقله وقاله ان جده حاطط كاميرات ف كل مكان وبيراجعها باستمرار وهيعرف انه رافض كلامه العقاپ هيزيد عليه أضطر انه يسلمه الفون وكل حاجة خاصة بيه سواء كانت لاب توب او بلاى ستيشن او حتى ريسيڤر الشاشة وسابه فعلا شهاب ف الاوضة من غير اى وسيلة ممكن تسليه وخرج قفل عليه بالمفتاح ونزل حط الحاجة قصاد جده ع ترابيزة الصالون.
وقعد من غير ما يتكلم وجواه قلقان جدا من الحالة اللى فيها جده ومستغرب هو مجمعهم بدري ليه بالطريقة دي.
عمران بعد نزول شهاب من اوضة نادر بص ل صهيب من غير ما يتكلم لمدة خمس دقايق كاملين لغاية ما حس بتوتر صهيب وبهدوء ما قبل العاصفة عايز أعرف منك انت عملت ايه ف سبيل قبل ما أعرف من غيرك.
صهيب قاعد مكانه والقلق والتوتر ظاهرين ع ملامحه وبيحاول يهدى ما عملتش فيها حاجة يا جدي هكون عملت فيها ايه يعنى
عمران پغضب ما تردش ع السؤال بسؤال يا صهيييب عايز إجابة عملت اييييه أمبارح ف سبيل
صهيب زاد توتره وضربات قلبه بتزيد من كتر القلق من شكل عمران اللى كان عامل زي الأسد الڠضبان وماحدش قادر يقف قصاده صدقني ما عملتش حاجة
عمران پغضب
سامية ل عادل بهمس ربنا يستر بابا شكله عرف اللى عمله ابنك وهيطربق الدنيا ع دماغه ودماغنا
عادل بقلق اهدي واسكتي لما نشوف الاستاذ هيقول ايه.
صهيب غمض عينه يهدي نفسه بسبب التوتر وفتحهم تاني عملت اللى بيعمله أى راجل مع مراته يا جدي
عمران الراجل بيعمل مع مراته حاجات كتير يا ابن أبني أنت بقى عملت اييييييه
صهيب بقوة أخدت حقي اللى كفله ربنا وبقت شرعا وقانونا مدام صهيب الشهاوي
عمران وصل لقمة غضبه من صهيب ومن كل حاجة حواليه خدت حقك بالإجبااااااار! غصبتهاااااا يا بشمهندس عارف اللى أنت عملته ده أسمه ايييييييه
صهيب وقف بعصبية مالوش غير اسم واحد يا جدي انها مراتي وده حقي واخدته وكل ما احتاجها هاخد منها اللى أنا عايزه.
عمران بنفس عصبيته وغضبه مش لما تلاقيها الأول يا استاااااذ تبقى تتكلم.
شهاب بقلق معناه ايه الكلام ده يا جدي
عمران سبيل سابت القصر ومشيت وسابت جواب بتقول فيه انها مش راجعة تاني عشان كلكم ترتاحوا منها ومش هتروح أى مكان يخص عيلة الشهاوي وماحدش يدور عليها وقالت كمان بالحرف خلي حفيدك يطلقني
صهيب پغضب أعمى يعني ايه هى فاكرة نفسها فين هنا عشان تمشي من غير ما تقول ولا هى اتعودت تصيع وتدور ع حل شعرها براحتها.
عمران وقف من شدة غضبه وقرب من صهيب وفاجئه بقلم ع وشه بكل قوته لما تتكلم عن تربية عمرااااان الشهاوي تتكلم بأدب فاااااهم ولا لأ! وإياك ساااامع إيااااااك تكرر كلام عمك والحرباية اللى متجوزها
صهيب اتعصب أكتر من ضرب جده ليه قصاد كل الموجودين لكن اتكلم بأدب معاه واعتذر رغم عصبيته الظاهرة آسف يا جدي بس انا مش هطلق سبيل
عمران وانا بقولك أرمي عليها يمين الطلاق دلوقتى حالا يا صهيب
صهيب بعصبيةلأ مش هاطلقها يا جدي
عمران هتطلقها وانت ساكت ورجلك فوق رقبتك انت فاهم!
صهيب أعترض وبنبرة صوت حادة وعينيه مليانة تحدي وبعناد قرب خطوة من جده آسف يا جدي مش هاطلق حضرتك أجبرتني اتجوزها وانت عارف اني متجوز وبحب مراتي لكن مش هتجبرني أطلقها انا مش عروسة ماريونيت ف ايدك تحركها زى ما انت عايز ولا روبوت بينفذ أوامرك من غير ما يقول لأ.. أخد نفس عميق وخرجه بسرعة واتكلم بحزم وهو بيبص ف عين عمران بحدة.. انا بني آدم من لحم ودم ومالك قراري ف ايدي وان كنت حضرتك أستغليت الوعد اللي وعدتهولك ونفذتلك رغبتك دلوقتي بقولك آسف مش هاقدر انفذ طلبك
عمران بذهول وصدمة من كلام صهيب يعني ايه!! معناه ايه كلامك ده!! انطققق
صهيب بعصبية معناه واضح يا جدي ان كان قرار الجواز ف الاول كان ف إيدك دلوقتي الأمر خرج من تحت سيطرتك وبقى قرار الطلاق ف إيدي أنا وأنا مش هطلقها بعد أذنك يلا يا سها.
شاور لمراته وخرج من الصالون طلع اوضته بسرعة وهو متعصب ومش شايف قدامه من كتر غضبه أما عادل وسامية وباقى الموجودين قاعدين مش قادرين يتكلموا من شدة الموقف ومن ڠضب عمران اللى أكيد هيطول الكل
لكن عمران سابهم يتخبطوا ف أفكارهم وخرج من الصالون راح اوضة المكتب قفل ع نفسه وهو حاسس ان كل حاجة بتروح من بين ايديه
_____________________
فرنسامارسيليا
ف فيلا شريف التهامي
دخل شريف اوضته وهو باله مشغول وقلقان ع سبيل ومش عارف يعمل ايه وأخيرا قرر انه يتصل بعمران يعرف منه ايه اللى حصلها ومسك بالفعل تليفونه واتصل بيه جرس ومافيش رد كرر المحاولة أكتر من مرة لغاية ما سمع رد
عمران رد بحزن من غير ما يشوف مين المتصل السلام عليكم
شريف بهدوء وعليكم السلام ورحمة الله أزيك يا خالي عامل ايه وأزي عمتي فاطمة وكل اللى عندك
عمران بلهفة لما سمع صوته سبيل وصلت عندك يا شريف طمني يا ابني وريح قلبي
شريف أيوا يا خالي وصلت
عمران بتنهيدة راحة الحمدلله طمني عليها عاملة ايه
شريف بجدية ما هو ده اللى بكلمك عشانه يا خالي سبيل اول ما وصلت من قبل حتى ما تتكلم وقعت مغمى عليها
عمران قاطع كلامه بنبرة خوف انت بتقول ايه مغمى عليها يعني ايه بنتي جرالها ايه يا شريف اتكلم .
شريف يا خالي سبيل حصل لها اڼهيار عصبي والدكتور بيقول انها اتعرضت لأزمة عصبية وضغطت ع نفسها كتير انا عايز اعرف علي عمل ايه تاني ل سبيل وصلها للحالة دي.
عمران بحزن انا السبب المرة دي يا ابني مش علي.
شريف بعدم فهم ازاى يعني وحضرتك روحك فيها وهي كمان روحها فيك.
عمران بتنهيدة حزن وعيون مدمعة من كتر خوفه عليها أجبرتها تتجوز صهيب وهى ما كانتش تعرف انه متجوز.
شريف وحضرتك كنت عارف انه متجوز
عمران كلنا كنا عارفين يا ابني صهيب اتجوز بعد ما سبيل سافرت واستقرت ف باريس وخبينا عليها لاننا كنا عارفين هى قد ايه بتحبه وده السبب اللى خلاني ابعت لها تنزل كنت خاېف عليها من أبوها يأذيها هو ومراته لو جرالي حاجة فكرت اسيبها ف حمى راجل يحافظ عليها ويحميها من علي ونرمين ماكنتش أعرف اني هسلمها بإيدي للعذاب بدل ما أحميها منه خد بالك منها يا شريف حطها ف عينيك لغاية ما أجي بنفسي اطمن عليها.
شريف ما تقلقش عليها يا خالي دي بنتي قبل ما تكون بنت أختي دي هي اللى باقية لي من ريحة الغالية
عمران بتنهيدة اشتياق حنان الله يرحمها كانت غالية اوى عندي انا كمان كان ليها مكانة ف قلبي أكتر من ولادي عشان كدا جوزتها ل علي لكن لكل أجل كتاب أراد ربنا انها تمشي وتسيبنا بدري ومن رحمته بينا ساب لنا نسخة صغيرة منها عشان كل ما تكبر قصاد عنينا مانحسش بغيابها.
شريف بحنين عندك حق يا خالي سبيل نسخة طبق الأصل من حنان ف كل حاجة ويمكن ده السبب اللي هيجنن نرمين هانم
عمران بحزن حية قدرت تبخ سمها ف ودن وقلب علي خلته يكره بنته من صغرها لما سمعت من فاطمة ان علي كان بيحب حنان وان سبيل صورة منها ف كل حاجة
شريف وعمتي فاطمة تقول لها ليه بس يا خالي!!
عمران بتنهيدة حزن يا ابني نرمين ماحدش بيقول لها حاجة هى عندها عادة غاوية تلميع أوكر يلا مسيري هقعلها ودانها اللى بترميها ع البيبان دي.
شريف ربنا يهديها المهم ماتزعلش انت نفسك يا حبيبي وما تقلقش ع سبيل ان شاء الله هتبقى كويسة ولما تفوق هطمنك عليها.
انهى شريف المكالمة مع عمران وخرج من اوضته راح
_____________________
مصرقصر الشهاوي
ف اوضة المكتب
بعد ما قفل عمران المكالمة مع شريف سمع خبط ع الباب وشافه بيتفتح ودخل منه شهاب
عمران تعالى يا شهاب
شهاب بسعادة انا عرفت مكان سبيل يا جدي فريد ابن عمو شريف لسة قافل معايا وقال انها راحت لهم.. واتقلبت ملامحه للحزن ف نفس اللحظة بس قال انها وقعت من طولها اول ما وصلت وجابولها الدكتور
عمران بحزن شديد عارف يا شهاب لسة عمك شريف قافل معايا وقال نفس الكلام
شهاب طيب ناوي ع ايه
عمران بحزم أخد قراره بكرة هنسافر لها أنا وانت بس مش عايز مخلوق ف القصر يعرف هى فين وخصوصا أخوك فاهمني يا شهاب
شهاب بطاعة حاضر يا جدي بس هنقولهم ايه مسافرين فين وليه
عمران بنرفزة ماحدش له حق يحاسبني ع تحركاتي انت فاهم!! وان كنت قلقان ابقى قول لهم اننا مسافرين ندور ع سبيل ومش هنرجع غير لما نلاقيها
شهاب باستفسار معنى كدا اننا هنطول هناك وهنرجع بيها
عمران بتأكيد ونفى ف نفس الوقت هنطول أه شهر أتنين تلاتة لغاية ما نطمن عليها وتعدي ازمتها لكن مش هنرجعها إلا إذا هى حبت ترجع معانا وده اللى انا بتمناه يا ابني انها ترجع بخطرها ورغبتها
شهاب طيب وناوي تعمل ايه مع صهيب هتخليه يطلقها
عمران بجدية هو انا كنت بجوزهاله عشان أخليه يطلقها يا شهاب!! انا بس عايزه يعرف قيمتها وهو اللى يتمسك بيها حتى لو كان من باب العند فيا مش حبا فيها
شهاب بس كدا صهيب عمره ما هيعرف قيمتها يا جدي لانه بيحب سها ومش شايف غيرها وممكن ف اى لحظة يطلق سبيل من غير ما حضرتك تعرف لانك زى ما قولت هو رفض يطلقها بس عشان بيعاندك مش أكتر
عمران بثقة أخوك عمره ما هيعمل كدا وحتى لو هيطلقها هيجي لغاية عندي ويقول قبل ما يعملها لانه ما بيحبش الغدر
شهاب باندهاش انا نفسي أعرف حضرتك جايب الثقة دي منين!
عمران أنتوا من صلبي وتربية إيدي يا شهاب من اول أبوك وعمك لغاية المفعوصة يمنى لو ما عرفتش كل واحد فيكم بيفكر ازاى ودماغه فيها ايه وطبعه واسلوبه ايه أبقى ما عرفتش أربي عرفت بقى ثقتى جات منين
شهاب عندك حق يا جدي صهيب فعلا ما بيحبش الغدر.. سكت شوية فكر ف حاجة ورجع كمل كلامه.. بس مش يمكن سها تخليه يعمل كدا من وراك يا جدي خصوصا انها اتفاجئت بجوازه هى كمان
عمران بنفس الثقة ودي برضو ما يعملهاش لأن صوته من دماغه وعمره ما سلم ودانه لحد مهما كان بيحبه وده الفرق اللى بينه وبين عمك الاتنين اتجوزوا جوازات خايبة لكن واحد سلم دماغه لحرباية تلعب بيها براحتها نسته حبيبته واللى منها والتاني ما شافش اللى بتحبه واتعمى بحب سوسة لكن ماقدرتش تركب دماغه ولا هتقدر تركبها
شهاب بتهليل الله أكبر يا جدوو يا جامد ده انت طلعت عاجنهم وخابزهم وعرفت طعمهم كمان.
عمران وهو بيحط إيده ع شعره يا ابني الشعر الأبيض ده مش مجرد شيب ف الراس كل شعراية بيضا من دول خدت من عمري سنين اتعلمت فيهم
متابعة القراءة
