الام العاقر بقلم الكاتبة ريناد يوسف
المحتويات
بصيت لرجليها وملقتش فيهم الخلخال وكانت رجلها الشمال فبها چرح بسيط كيف مايكون حد شد الخلخال منها بالعافيه.
بصتلي وداد وقالتلي بهدوء
معلهش يابنيتي اعذريها جوزها لما سمع الخبط عالباب سمعها كلمتين واعرين واني قايلالك الصبحيه انه غريب ومعيحبش الناس واللمه
سمره
معلهش ياخاله حقك عليا اعذريني اني جايه اسأل عن حاجه بس وامشي طوالي ومعدتش ههوب إهنه مره تانيه.
اسألي يابتي خير
الخلخال.. الدي كانت لابساه بتك سعاد الصبح.. جايباه من وين
اني جبت سيرة الخلخال ولقيت وشها جاب مية لون واتخطف وردت عليا بلجلجه
هاه.. انهي خلخال ديه.. اااه قصدك على خلخال سعاد.. ديه شبكتها اللي شبكها بيها جوزها هو وكردان وغويشتين.
طيب لو فيها تقاله باخاله ينفع توريني الخلخال اصله عجبني وعايزه اوصي قناوي يجيبلي اخوه من البندر.
أااا ايوه يابتي بس اصل يعني.. سعاد جوزها قاعد دلوكيت ومينفعشي..اوبقي
تعالي بعدين شوفيه.
ضحكت واني سايفه الكدب فصوتها وعيونها وقولتلها
له مفيش داعي اصلا الخلخال حدا صاحبته مش معاكم.. اني كنت جايه اعرف إيه اللي وصله ليكم والظاهر ان فيه طبخه كبيره قوي عتتطبخ بينكم وبين مرت عمي وموصلحه عتتاقل بالدهب.. علي كل الايام جايه وكله هينكشف ويبان.
حسيت كلامي ليها خۏفها اكتر ومعرفتش ترد ولسه هلف وامشي لكني شفت حاجه غريبه خلتني اتسمرت موطرحي.
الحاجه داي كانت جزمه.. ايوه جزمه.. جزمه حريمي شفتها كانت في أوضة مرت عمي واني عنضفها من كام اسبوع ولما سألتها عليها قالتلي انها جزكتها جابهالها عمي من البندر بس مجتش على مقاسها
وهتعاودها.. كانت جزمه حمره انجليزي ولونها عجبني وقستها جات على مقاسي بالمظبوط فقولتلها اني هاخدها منها هشتريها بدال ماتعاودها واديها تمنها تجيب بيه وحده غيرها.. لكنها رفضت وخطفت من يدي الجزمه ودستها في الدولاب وكان تصرفها عجيب مفهمتهوش وكتها بس قولت انه من كرهها ليا وغيظها مني.
لكن النهارده الجزمه والخلخال والتنيين فبيت وداد ملهمش غير تفسير واحد ودعيت واني عرفع يدي احطها على قلبي إن اللي جه فبالي يكون غلط واكون موهومه.. وراهنت حالي على ان قناوي حبيبي وجوزي وواد عمي وعشرة عمري ميعملهاش.. ميعملهاش ولا يفكر فيها حتى.
زحت وداد ودخلت البيت ووقفت علي عتبة أوضة سعاد اللي لاكان فيها جوز ولا حاجه. بصيتلها وسالتها
الجزمه دي جبتيها منين ياسعاد
لقتها اتنترت وقامت وقالتلي
عايزه ايه ياسمره مالك عماله تحرجمي وتلفي وتدوري حواليا من الصبح متقولي انك عرفتي وخلاص وفضينا من شغل المخبرين ديه إشي الخلخال وشويه الجزمه.. قولي اللي حداكي وخلصي ويكون فمعلومك لو طولتي لسانك ملكيش حداي غير طولة لسان وقلة قيمه وضړب لو لزم الامر اني مغلطتش ولا عميلت حاجه عيب ولا حرام.. انتي عاقر وقناوي من حقه...
جريت عليها وقبل ماتكمل كنت حاطه يدي على خشمها عشان متكملهاش فهمتها ومفيش داعي اسمعخا.. عرفت سبب تغييره في الايام اللي فاتت وسبب تصرفاته معاي وبعده عني.. طلع مكتفي من غيري وشبعان قرب احضان عشان إكده زهد حضڼي وقربي.
ضحكت بمراره واني عفتكر كلمتها.. انتي عاقر وقناوي من حقه... حقه..
وياترى مين اللي اداه الحق ديه.. هو صدق الكدبه اللي كدبناها سوا ولا ايه معقوله من كل عقله يتجوز تاني وبكل بجاحه يقول للناس اني عاقر!
شلت يدي من علي خشمها وحاولت اني اهدا عشان اعرف هعمل ايه واتصرف كيف وبمجرد مافتحت خشمها سعاد وقالت
توبقيش انانيه ياسمره وتحبيش روحك وبس حبيله الخير حرام عليكي تخليه يعيش وېموت بلا ذريه وتحرميه يشيل ضناه ويفرح بيه.
رديت عليها وقولتلها
ايوه صوح ياسعاد معاكي حق.. اني مينفعشي اكون انانيه.. اني لازمن احبله الخير ديه مهما كان واد عمي ولحمي ودمي.
خلاص يختي ربنا يسعدكم ويكتبله الخير معاكي وتجيبيله العيل اللي اني مجبتهوشي بس ليا حداكي طلب انتي وامك.. متعرفوش قناوي اني عرفت حاجه واصل.. مش عايزاه يزعل لزعلي ولا يراضيني ببعده عنك.. واني من اليوم وطالع هفرطله واخليه يجيلك اكتر من لاول بس لغاية ماتحبلي وبعدها تهمليهولي لحد ماتولدي عاد.. سامحيني مش هقدر اقولك نقعدوا فبيت واحذ مهتحملهاشي.. بس جايز مع الايام تهون
خلصت كلامي وختمته بضحكه صفره من ورا قلبي ولقيتها شالت يدها من وسطها وهديت وامها ابتسمت وردت عليا
عين العقل ياست البنات وصاحبة الاصول.. خلاص ياسمره ليكي علينا قناوي ميعرفشي وانتي وسعاد من اهنه وطالع اخوات.. اباااي لو تعرفي كد ايه كنا خايفين من اليوم ديه اني وبتي وخصوصي ان مرت عمك وصت ونبهت الف مره انك متعرفيش وانك لو عرفتي هتخربي الدنيا وتخليه يطلق بتي.. بس طلعتي طيبه وغير ماكان قناوي وامه مفهمينا.
معلهش ياخاله هما عارفين اني عحب واد عمي ومتحملش حد يشاركني فيه بس ديه امر ربنا عاد وهو لا اتجوز عنطزه ولا فراغة عين.. ودلوك بالإزن منكم وسامحوني على مضايقتي ليكم النهارده.
لفيت عشان امشي لكن وقفتني سعاد وهي عتقولي
سمره.. سامحيني ومتزعليش مني.. عليم الله اني حاسه بيكي وبكوية قلبك بس كيف ماقولتي ديه امر ربنا.. ولو اللي هقوله ليكي هيبرد نارك هبابه هقولهولك مع انه هيطلع مني يكوي كوي.... قناوي عيحبك ومفيش غيرك فقلبه.. قناوي طول الوكت ينادي عليا بإسمك.. قناوي واحنا مع بعض فأحلا اوقاتنا يتخيلك موطرحي ويهمس بإسم دلعك.. سمره معجونه جوا قناوي.
ضحكت بحسره واني عرد عليها
متقلقيش..سمره خلاص عتطلع من جوا قناوي والنهارده ناداني بإسم دلعك انتي.. اطمني ياسعاد سمره وقناوي خلاص هيطلعوا من جوا بعض.
خلصت وجريت لبره واني كاتمه دموعي اللي بمجرد مابعدت اتفجروا كيف مي السواقي.. جريت عالارض وقعدت فيها ونمت واني حاضنه ترابها ودموعي عترويه.. حسيت انها هي الوحيده اللي هتحس بحالي.. وعلى قدر ماشربت من عرقي وتعب يدي هتفهمني وتفهم ۏجعي.. فضلت اراجع كل اللي كان بيني وبين قناوي ولقيت اني اديته كل حاجه وهو مقدرش ولا حاجه.
كان طول الوكت عامل كيف الارض البور لا عيطلع منه زرع ولا يتمر فيه تعب ولا يعترف بشقى.. بس اني كنت عميه مشايفاشي.
قمت بعد ماتعبت من البكا ومسحت دموعي وقعدت افكر فالخطوه الجايه هتكون ايه.. دلوك اي كلام مني هيتقال اني مكيوده وعهلفط من غيظي وقهرتي.. اني لازمن اتصرف بحكمه.. والحكمه عتقول القهر بالقهر والۏجع بالۏجع وقررت اعمل حاجه مع اني خابره ان ممكن يكون فيها مۏتي.
عاودت عالدار وغسلت وشي ملقتش قناوي وقولت فداهيه تاخده يغور موطرح مايغور ورحت طوالي على خالتي واللي كانت برضك فنفس بيتنا كانت في الموطبخ مع الحريم كلهم بما فيهم امي ومرت عمي بصيتلها وقولتلها
خالتي جهزي روحك عشان الليله هتاخديني انام تحت القطر وتلزيني من فوق التله.
الكل بصلي وامي قالتلي
وليه ياسمره مش خلاص يابنيتي الحكيم قال كلمته عاد وقولتي مهترمحيش تاني
له يمه هحاول وهحاول وربنا قال اسعى ياعبد واني اسعى معاك.. ومفيش حاجه بعيده على ربنا واللي عطى سيدنا زكريا وخلى مرته العاقر تحبل وتجيب سيدنا يحيي قادر يديني زيها.
طلبت منهم محدش يقول لقناوي غير بعد مانعاود عشان ميمنعنيش.. وجه الليل وخدتني خالتي ورحنا.. ونمت تحت القطر وعدى من فوق وبقد الخۏف اللي حسيت بيه والخۏف اللي شفته طول سنيني من غير ذنب ولا سبب حلفت إنه يخلص من قناوي قهر وۏجع.. ورجعت عالبيت بعد مالزتني خالتي من فوق التله وسفيت التراب واتحملت واني عقول لحالي اخر مره ومفيش بعدها اوجاع.
وكد ايه كان ۏجع الجسم هين قصاد ۏجع القلب.
وعاودت عالبيت ولقيت قناوي مستنيني ووشه متلون بالڠضب وبمجرد ماشافني جه عليا جري ومسكني من دراعي وقالي
ليه ياسمره ليه فهميني
رديت عليه واني عيني فعينه
عحاول يمكن ربنا يريد ياقناوي.. اصل ربك لما يريد مفيش حاجه تستعصى عليه.
خلصت كلامي وهملته ودخلت عشان اتسبح وازيح التراب اللي على جتتي.. وطلعت لبست واتزوقت وناديت على مرت عمي واني متعمده اني
اسألها على حاجه بالكدب.. وبعد ماراحت نمت جار قناوي اللي كان هيتجنن وطول الليل يسألني عميلت إكده ليه واني لا راضيه اريحه ولا ارد عليه.
وعدى عاللي جرا ديه شهر بالتمام والكمال.. ٣٠ يوم.. وقفت بعدهم فنص الدار وبعلوا حسي رنيت زغروته ولما الكل اتجمع قولتلهم بفرحه
باركولي وقبل ماتباركوا صلوا عالحبيب.. بطني شالت عيل واخيرا هجيب الواد.. والعاقر
الكل جم جري عليا وامي خدتني فحضنها وهي مش مصدقه اللي عتسمعه. وحماتي من فرحتها مبقتش عارفه تضحك. ولا تبكي ولا تزغرت.. وحاله من الفرحة عمت الدار والكل قعدوا مستنظرين قناوي يعاود بفارغ الصبر وكل واحد عايز يزفله هو الخبر الاول وياخد حلاوته..
وبي عاود قناوي
من على أول الشارع الناس بقت تباركله وهو مش فاهم حاجه لغاية مادخل الدار واتلقته امه بزغروته ومن بعدها قالتله
. مبروووك ياضي عيني مبروك ياحشيشة قلبي.. اخيرا ربك اراد ومرتك حبلت وهتجيبلك الواد.
فتح قناوي خشمه واتلفت حواليه وپصدمه سأل
مرت مين اللي حبلت
امه
مرتك انت ياولدي.
قناوي
مرتي انهي
امي ردت عليه بضحكه
مالك ياقناوي هي الفرحه لحست نافوخك ولا ايه كيف مرتك انهي طب وهو انت حداك غيرها مره وحده.. مرتك سمره.
فتح عنيه على آخرهم وقرب مني ومسك دراعي ومن بين سنانه سألني
ايه اللي عيقولوه ديه ياسمره
رديت عليه واني هشد دراعي من يده
اللي سمعته ياواد عمي.. العاقر حبلت وربنا نصفها.
رجع مسك دراعي بقوه اكبر وقال
انتي عارفه ديه معناته ايه ياسمره
معناته اني حبله ياقناوي.
انتي كدابه.
اني مش كدابه ولو عايز تتأكد هاتلي الدايه.. ومش دايه وحده هات عشره هات ألف.. ولما الكل يإكدلك ويبصملك بالعشره اني حبله صوح ابقا صدق وكتها.. شديت يدي منه ومشيت من قدامه واني عقوله
عاذراك ياواد عمي وليك حق متصدقشي.. اني عن نفسي مكنتش مصدقه اني هحبل وبطني تشيل فيوم من ليام.. بس ربك الحق القطر جاب مفعول مفيش حاجه جابته قبله.. طلع جامد قوي القطر ديه ياقناوي والله... هههههه
يتبع
الأم العاقر ٣
هملت قناوي ودخلت الاوضه وهو ساب الناس والهيصه والزغاريت وجه ورايا وكانت عيونه حمر شبه عيون الغول ومسكني من هدومي وفضل يهز فيا ويقولي
هجتلك باسمره لو الدي فبالي طلع صوح هخلص عليكي لو طلعتي حبله بحق وحقيق وبطنك فيها عيل.. قولي انك عتكدبي قولي انك عتعاقبيني عشان انشغلت عنك اليومين اللي فاتوا قولي اي حاجه بس الا انك حبله ياسمره.
ابتسمت واني بصاله ومنطقتش وابتسامتي شعللت ناره بزياده ولقيته رخى مسكة يده وبعد عني وبسرعة البرق طلع من الأوضه وعاودلي بعدها ومعاه الدايه ووقف على راسها وهي عتكشف عليا وكنت حاسه إني سامعه ضربات قلبه من كتر الخۏف وبس الدايه خلصت سألها قوام
هاه ياخاله مش حبله.. صوح
ردت عليه وهي عتطبطب عليا بحنيه
له ياولدي مولادها عمران وبطنها خمرانه وربنا عوض صبركم خير.. مرتك حبله ياقناوي افرح واحمد ربك واسجدله شكر وعرفان.
بصلي قناوي وتوازنه اختل وقعد على الدكه وهو عيهمس بۏجع
افرح
طلعت الدايه وبعد ماطلعت زادت الزغاريت في الدار وكل ماصوت الزغاريت يعلا هو يصم ودانه بأديه وفي النهايه وقف على حيله وجه عليا هاجم وخنقني من رقبتي وهو عيقول
واد مين اللي فبطنك ديه انطوقي يافاجره مين اللي رحتيله ولا هو جالك وعيمل عملته وعايزه تلبسيهاني وتخليني اربي ولده وبذرته النجسه.. اتكلمي ياسمره بدال ماروحك تطلع فيدي.
حسيت ان الهوا خلاص ثواني ويتسحب من جواي وتتقطع انفاسي فصړخت صرخه مش عارفه طلعت مني كيف واني عزيحه بكل قوتي واتخلص من قبصته وعلي حس صړختي الكل دخل علينا مڤزوع واني لما لقيتهم اتفتحت في البكا واني عشاور عليه وعقول
الحقوني.. غيتوني منه عايز يموتني.. عيقولي اني مش مصدق انك حبله واني عكدب عليه.. خنقني وكان هيطلع روحي.
جات عليا امه تجري وحضنتني وهي عتقول
اسم الله عليكي يابتي اسم الله.. العين بسرعه دخلت وسطكم وعكرت فرحتكم.
ردت عليها امي
له وانتي الصادقه يام بدوي دا من كتر الفرحه مش مصدق حاله. معلهش ياسمره اعذريه ماهي فرحه تطبر العقل والله.
الكل بقا يتكلم ويقوله كلمتين ويخلقله اعذار وهو قاعد ساكت خالص هما عاملين الفرحه لجمته بس اني وهو بس عارفين سبب سكوته وان اللي جواه دلوك ميتوصفش.. كنت ابصله واضحك واحط يدي على بطني واعمل روحي فرحانه بحبلي.. لكن في الحقيقه اني كنت عضحك شماته فقناوي.. ايوه شمت فيه وفرحت لما دوقته من نفس الكاس وهليته يحس باللي حسيت بيه لما عرفت إنه متجوز عليا.. وكيف ماظلمني دوقته احساس الظلم والقهر وربطت
ولسه ياقناوي لسه ياواد عمي انت مشفتش حاجه ديه حاجه بسيطه من كيد الحريم وهوريك إن كيدنا عظيم ولو المره حطت راجل في دماغها عتوريه الويل.
في اليوم ديه فضل قناوي مرابط جاري مقامش خابره انه مستني الفرصه اللي نكونوا فيها اني وهو مع بعض لحالنا لكني مديتهالوش كل ماحد يطلع من جاري انده لحد واطلب منيه طلب والكل من فرحته يجيني جري ويلبي وهو حسيته خلاص جاب اخره وانتهي صبره والكل كان مستغرب نظراته ليا وسكاته وبس جه الليل وكل واحد راح لموطرحه قام هو وقفل علينا باب الأوضه وجه يمتي وشبهته بملك المۏت اللي جاي يخطف روحي.
وعلى عكس البراكين المتفجره في عيونه قعد جاري وبهدوء سألني
واد مين اللي فبطنك ديه ياسمره
رديت عليه بكل هدوء
ولدك ياقناوي.
وإهنه اتخلا عن هدوئه الكداب وھجم عليا وخنقني مره تانيه ومن بين سنانه قالي
ولدي كييبف واني معخلفش ومستحيل ولا يمكن اخلف ولدي كيييف واني عقيم معجيبش عيال.. انتي عايزه تجننيني ياسمره ولا ايه
وإهنه زحت يده بكل قوتي ورديت عليه بكل القهر اللي جوايا
ولما عارف حالك عقيم ومعتجيبش عيال رحت اتجوزت ليه ياقناوي
سمع حديتي واتعدل وبلجلجه قال
أ اني.. اني اتغصبت عليها ومقدرتش على زن امي واخواتي خطبوهالي وجهزوا كل حاجه وحطوني قدام الأمر الواقع.. ڠصب عني ياسمره والقلب مفيهش غيرك وانتي خابره كنت هخليها معاي حسبة سنه إكده واطلقها بس حبيت ارتاح من الزن هبابه اني تعبت تعبت ومحدش حاسس بيا.
اڼفجرت فيه بعد ماقال كده بكل القهر اللي جوايا وقولتله
تعبت من ايه ياقناوي تعبت من ايه تعبت من اللي في الرايحه والجايه يقولك ياعاقر ولا اللي تكايدك بعيالها ومتحرم عليك تروح يم عيل ولا تلاعبه من خوفهم عينك المحرومه تصيبه بالعين ولا من اللي كل يوم يجيبولك وصفه وخلطه وتشرب وتشرب لغاية مامعدتك دابت ولا تعبت من نومتك جار الامۏات ولا من نومتك تحت القطر ولا من دحرجتك من فوق التله وكل حجر يدخل في لحمك ويسيب چرح شكل ولا من الشماته اللي عتشوفها فكل العيون ولا العتب ولا اللوم.. وكل ديه وانت مليكش ذنب وشايل حمل غيرك.. غيرك اللي في الاخر جازاك بالخيانه.
مسمهاش
خېانه ياسمره ديه جواز على سنة الله ورسوله يعني حلال ربنا والحلال محدش يقدر يتكلم عنه.
له ياقناوي خېانه ونص.. لما تنام في طول وحده غيري وتشم ريحتها وتحط راسها فوق قلبك وتنام على دقاته وتلفها بدراعاتك وتاخد بيتي اللي معرتاحش غير واني غافيه فيه يوبقى ايه ياقناوي.. خنت ولا مخنتش بالحلال بالحرام عاد اني حداي مساويه بعضها.
له ياسمره مش مساويه واني اصلا كل حديتك ديه ميهمنيش اني اللي يهمني دلوك اللي فبطنك ديه واد مين رحتي لمين ياسمره وحبلتي منه.
بصيتله ومرديتش وهملت ناره تاكل حطبه لكنه متحملش الڼار لحاله وجه عليا يدوقهاني.. ومسكني وهاتك ياضرب واني صړخت بعلوا حسي ولمېت اهل البيت عليه خلصوني من يده وهما مستغربين حاله واني قولت لامي تاخدني هنام معاها فأوضتها عشان لو قعدت معاه هيسقطني قناوي وهو مش داريان بحاله.
ورحت مع امي وبعدت عنه ويومها جابوله شيخ واتنين يقروله وهي
ماسك دماغه ويلف في البيت كيف الجذوب والليل بطوله منامش والكل فكرهم إنه من الفرحه او عين صابته وميعرفوش اللي فيها وهو كل همه يطولني بس ويستفرد بيا عشان يخلص عليا.
أما أنا فطول ماني شايفه حالته حاسه بإن قلبي برد خليته واقع بين نارين لو اختار اخفهم هيتحرق بيها وقلبه يتفحم ڼار إنه يسكت ويربي عيل غيره ويتحمل يعيش مع وحده خانته ونامت في باط راجل تاني غيره وهو عرف ومقدرش يعمل حاجه.. وڼار إنه يعترف على روحه بإنه عقيم ومعيخلفش وساعتها العاړ يركبه من كل جيهه ومرته الجديده وناسها يكلوه وكل هو وامه ويخلوا اللي ميشتري يتفرج عليه.
رميت الشعلتين في ملعبه واستنيت اشوفه هيختار انهي وحده فيهم وېحرق روحه بيها.
لكن اللي قناوي قرره وكنت واعياه فعيونه غير كل اللي كنت حاسباه.
قناوي قرر يموتني.. يخلص مني ويدفني اني واللي فبطني ويدفن عملتي معاي.. كنت اشوفها فبصته ليا وتنهيدة الغلب اللي عتطلع من جوفه.. بس اني حلفت ماأنولهاله وفضلت طول الوكت متلفلفه بأهل البيت ومتحاميه فيهم ومقعدش لحالي
عدي عالحال ديه أسبوع.
قناوي فيه لا كان ياكل ولا
متابعة القراءة
