الام العاقر بقلم الكاتبة ريناد يوسف
المحتويات
مسكت التحاليل اللي فيده وقطعتهم ورميتهم في الميه وبصيتله وقولتله
هنعاودوا الدار وكيف ماكنا ماشيين هنكملوا اللي تقولي علي حاجه هعملها عشان اشتت تفكيرهم وابقا لساتني عجري عشان الخلفه وبعد سنه ولا تنين نبقوا نبطلوا رميح.. واللي يسألك تقوله إنك كشفتلي واني اللي طلعت معخلفشي
هات العيب فيا ياواد عمي وامشي وسط الناس رافع راسك وخليهم يقولوا عليك ابن الاصول اللي مفرطش فبت عمه حتي وهي عاقر ومن أصله مش راضي يجيبلها ضره تكيدها.
ايوه ياسمره بس هتتحملي كيف كلام الناس انتي ولا اللي هتعمله وتقوله امي ومعاها خواتي وغير إكده لسه فيكي حيل تتحملي الخۏف والتعب والمعافره سنه وتنين واني خابر إن جتتك طابت ومعادتش متحمله هتشربي تاني وصفات الحنضل اللي عتجيبهالك امي من العطارين كيف سنه وتنين وانتي عتشتكي من معدتك واللقمه بالزول بالعافيه عتتحمليها من ۏجع معدتك
هتحمل لجل عيونك واشرب المر ألف مره بس انت متشيلش همي اني هسمع واعدي والحديت معيعلمش في الجته..وۏجع المعده هيروق والخۏف عيتنسي كله بس تاخدني فحضنك اخر الليل.
طيب واني هتحمل كيف اشوفك طول الوكت متلامه علي ذنب مش ذنبك وتسمعي حديت يعلم في القلب حتي لو معلمش في الجته هتحمل كيف اشوف تعبك بعيني وانتي صاخ سليم.
ماقولنا ليكش صالح انت عاد بالحديت وأهله..ولا بالتعب.. اهم حاجه إن اني وانت عارفين اننا ملناش غير بعضنا وباقي الناس تحت رجلينا هي وحديتها.
وعاودنا يومها عالدار. وعدت فتره علينا عنتعاملوا عادي كيف ماكنا لغاية ماأمه صممت اني لازمن انام تحت القطر عشان اخلف ولما لقينا راسها وألف سيف.. فجرنا القنبله اللي غيرت مجرى حياتي وخلت عداوة مرت عمي ليا بقت عالعلن وشنت عليا حرب بكل الاسلحه المتاحه ومن يومها وحياتي اتحولت لچحيم وكنت علي قد مااقدر احاول اني اداريه عن قناوي وابينله إن حياتي ماشيه كيف ماهي ومفيش حاجه اتغيرت واصل وبس كان يمشي ويطلع علي شغله اخد فاسي واهروب اني عالغيط واتدس فيه من حماتي وكلامها اللي يسم البدن واهلك روحي شغل في الارض وفلاحه بس الحلوا إن الارض معتنكرش تعب وأي ضړبة فاس فيها عتردها بزرعه عفيه ومحصول يفرح العين والكل كان يحسدني عليه.
وعدت الايام وبقت شهور وبعدها سنه وسنتين ومرت عمي تعبت من كتر الكلام والتحريض في جوزي عشان يتجوز اللي تجيبله الواد وسلمت بالأمر الواقع وحتى جوزي لما بطلت كلام وشتيمه فيا ابتدت نفسيته ترتاح وترجعله الضحكه من تاني.. وشغله ابتدا يزيد ويكبر أصله شغال في الحصر والكليمات والتلاليس زكيبه صوف الصوف يعملهم ويندلي البندر يبيعهم للتجار بكميات.. لغاية مافيوم
كنت ماشيه مع ستات البلد زي كل يوم عشان نملا البلاليص من النيل قبل مالشمس تطلع وصهجها يملا الجو والدنيا تقيل علينا الكلام ديه كان بعد صلاة الفجر بحاجه بسيطه.
عبينا دور وتنين وفي التالت كان الضو طلع بصيت عالمعديه اللي كانت جايه من بعيد ومحمله ناس من البر التاني وبصيت للحريم وقولتلهم
يلا يامره همي منك ليها المعديه قربت علينا ومحمله ناس ورجاله غريبه وبياعين هموا قبل ماعين نجسه تقع علينا وتشبع فينا شوف.
ولسه هلف عشان امشي مع الحريم لكن عيني جات على حاجه غريبه خلت جسمي قشعر والدم نشف في عروقي وقلبي وقع فرجليا..
والحاجه دي كانت..
الام العاقر
الحاجه اللي شفتها وخربطت حالي وأحوالي هي حجل مرت عمي الدهب ميزته اول ماعيني جات عليه عشان مكانلوش مثيل ولا زي كان معمول مخصوص ليها بعد ماعمي ضربها فمره وكانت ھتموت في يده ولما جه يصالحها جابهولها.
الحجل ديه بقاله مده مختفى ومرت عمي معتلبسوش بعد ماكانت متتعايقشي غير بيه كل عصريه قدام الكل وتتباهى بيه.. وغير إكده ياما غافلناها اني وبنات عمي ولبسناه من وراها وشوفناه كان يليق على رجلين مين اكتر من التانيه وفكل مره كان يطلع فيا اني احلا والكل يغار مني ويحسدوني على رجليا الملفوفه اللي الخلخال هياكل منها حته..
يعني مسكته بيدي وحافظاه لدرجه تخليني اعرفه واني مغمضه.
كانت لابساه صبيه اني عارفاها زين وعارفه امها داي سعاد بت وداد بياعة الذبده.
مشيت وراها وعيني عالخلخال وهملت طريق بيتي وقولت لازمن اجيب قراره وكيف وصلها لولا مااعاود.
مشيت وراها مسافه طويله لحد ما دخلت دارهم كانت
دارهم فى اول البلد وياما عدينا عليها واحنا عيال صغيره ورايحين نلعبوا في كرم النخل..
بس كانت متغيره عن دارهم القديمه كانت متجدده ومرشوشه جير وبابها مدهون لون مودهب يزغلل العين سألت حالي جابو من وين فلوس يعملوا إكده وهما من زمان عيكملوا نص عشاهم نوم بس قولت داي ارزاق وعلي رأي المثل رب العباد اذا وهب ميتسألش عن السبب.
فضلت مستنيه هبابه وبعدها نزلت البلاص ودقيت الباب واستنيت شويه والباب اتفتح وسعاد هي اللي فتحت واول ماشافتني حسيتها اتلغفنت واتبشللتارتبكت وخاڤت
وقالتلي بنبره متلجلجه كيف عيل عيتعلم الحديت جديد
سس. سمره عايزه ايه أاا قصدي اهلا بيكي يامرحب.. فيه حاجه ولا حاجه
رديت عليها واني عطل بدماغي جوه البيت
له مفيش حاجه ياسعاد اني جايه اسأل امك على زبده حاكم جاموستنا بطلت تحلب وحداناشي زبده ولا هي امك بطلت تشتغل في الزبده بعد ماربنا فتح عليكم والخير طفح علي بيوتكم وعلي رجليكم
قولت جملتي الاخيره واني عبص عالخلخال وبصتي عليه خلتها اتبشللت اكتر وبقت تداري رجليها فبعض وحركتها داي خلت الفار يلعب في عبي اكتر.. يعني هي لما خاېفه وعتداريه مني طالعه بيه في البلد ليه ماهو معنى إكده انها مش سارقاه ومخايفاش حد يشوفه معاها بس خاېفه مني اني ياترى ليه
قعدنا مسافه ساكتين اني مستنياها ترد وهي باين عليها الخۏف معرفش من إيه لغاية ماسمعت حس امها من وراها عيقول
ايه ياسعاد كل ديه عالباب عترغي مع مين طيب هو فيه حد فاضي للحكاوي ساعة الصبحيه والمصالح كلها عايزه تتقضي معانا رجاله زمانها معاوده مش معايشها وعايزه تفطور وتريحلها هبابه خشي يلا جهزي الوكل لجوزك ونضفي موطرحك احسن يلقاه مش نضيف وتقوم غارته عليكي وعلينا.
كنت عسمع الحديت واني مستغرباه اصلي اول نوبه اعرف ان سعاد اتجوزت اتجوزت مين ومېته واحنا فبلد لو حد فيها كح البلد كلها لازمن تعرف بيه ومين ديه اللي رضي على روحه انه يسكن فبيت اهل مرته للدرجادي عديم الكرامه!
سمعت سعاد امها وبصتلها وردت عليها وهي عتجري لجوه قوام وتهروب كيف ماتكون ماصدقت امها تاجي وتخليها تخلص من وقفتها معاي واول ماأمها شافتني لقيتها عتتصرف كيف بتها اتخبلت واتلغفنت وقالتلي
أاا اهلا سمره.. اهلا اهلا.. خير يابتي عايزه حاجه
رديت عليها
هو اني عايزه حاجه.. بس الحاجه اللي عايزاها متخوفش الناس إكده ياخاله داني جايه عايزه منك زبده.
ردت عليا بسرعه وهي عتراقب الطريق پخوف
له يابتي لهو انتي متعرفيش اني بطلت ابيع زبده خلاص.. العضمه كبرت عاد ومعادش فيه حيل للشقى يابنيتي.. روحي واني هخلي بهانه تجيبلك الزبده اللي عايزاها وتوديهالك لحد عندك فدارك ومتقلقيشي هوصيها عليكي.
بصيتلها وسكت وهميت ارفع بلاصي على دماغي واعاود بس وقفت وسألتها
الا هي سعاد اتجوزت مېته ياخاله واتجوزت مين محدش سمع بيها يعني ولا هو اللي عيتجوز دلوك معيحسسشي حد
أاا.. أصللل.. اصله غريب مش من نواحينا يابتي ومليهش حد إهنه ومعيحبش الزيطه فقال الجوازه هتكون عالساكت واحنا واقفنا وقولنا اهم حاجه هدوان السر مش مهم فرحه ولا هيصه.
اممممم. طيب.. اني ماشيه.. وهبقى افوت عليكم وكت تاني اقعد جارك وجار بتك هبابه اصلي متوحشاكم قوي.
هاه.. أ.. طيب تشرفي يابتي.. بس يارب ميكونش جوز سعاد قاعد في الوكت اللي هتاجي فيه عشان هو معيحيش الزيارات ولا ان مرته تنشغل عنه مع حد طول ماهو قاعد.
له متقلقيش لو عرفت انه قاعد هعاود ومش هدخل.
خدت بلاصي ومشيت وبعد ماكنت رايحه بسؤال واحد عاودت بألف سؤال وكلهم ملقتلهمش اجابه والحيره اللي كنت رايحه اشوفلها حل عاودت بيها اكبر وأكبر.
وصلت دارنا ونزلت البلاص ورقفت اتلفت على مرت عمي في الدار ملقتهاش فسالتني امي
مالك ياسمره عتدوزي على ايه وعيونك طايره فكل موطرح إكده
عدور علي مرت عمي يمع مشوفتيهاشي
كانت إهنه من شويه تلاقيها طلعت السطوح تشمس كتاكيتها وتوكلهم لو عايزاها اطلعيلها.
له خليها لما تنزل براحتها.. الا اقولك يمه هو خلخال مرت عمي الدهب فين اني بقالي كتير مشفتهاش عتلبسه
هاه.. ايوه صوح والله
اصلي شفت وحده لابسه خلخال يشبهه النهارده فافتكرته وقولت اسألها عليه.
اممم طيب متسأليهاش علي حاجه وبعدي عنها واتقي شرها وشړ بناتها وخليكي فحالك وخليهم ملهيين عنك.
مشت امي وراحت تشوف ابوي اللي نده عليها واني بصيت لفوق عالسطح وكنت هسمع كلام امي واسكت بس قولت له والله مااسكت وهسأل واعرف كل حاجه لاجل بالي يرتاح.
وطلعتلها عالسطوح وقعدت جنبها ومن غير مقدمات سألتها
مرت عمي هو خلخالك الدهب فين
كانت عتعد في الكتاكيت وحسيتها اتخربطت ونسيت العدد وبصتلي وبلعت ريقها وقالتلي
هاه.. وليه عتسألي عنه مالك بيه خلخالي انتي
له ابدا بس بقالي كتير مشفتكيش لابساه ومش من عادتك يعني.
والله خلخالي واني حره فيه البسه ادسه اۏلع فيه انتي ايه يخصك ولا تكونش عينك عليه ومتأمله تاخديه مني
له ولا عيني عليه ولا متأمله فيه اني كل القصة اني شفت واحد زيه بالهبابه النهارده لابساه وحده من البلد فحبيت اطمن ان بتاعك قاعد احسن يكون اتسرق منك ولا حاجه وانتي غفلانه.. اصل هقول بعتيه متحصلش كلنا خابرين انه غالي عليكي ومفيهوشي تفريط وانتي لو قولتي فيه يابيع كل حريم البيت يتهافتوا عليه عشان يشتروه وانتي خابره.
خلخالي قاعد فدلابي ياسمره لا بعته ولا حد سرقه مني وخليكي فحالك وهملي الناس فحالها وبدال مانتي عماله تطقسي على حاجة غيرك اتشمللي وشوفيلك صرفه فروحك وخلفيلك هبابة عيل ينفعك في كبرك الا السنين عتفوت وانتي عتكبري وهتتلفتي حواليكي هتلاقي روحك بطولك ولو طالك عيا المۏت لا واد يشيل همك ولا بت تشيل عفنك من يمك.
حديتها وجعني مع اني عحاول كل مره محطهوش فبالي بس هي عتتكلم في الصوح وان مهما كان السبب سوا مني او من ولدها في الاخر هصفى لحالي وحيده مفيش حد حواليا.. بس اللي استغربته إنها النوبادي كانت هتتحدت عليا لحالي مجابتش ولدها في الحديت ولا قالت هتصفوا انتوا التنين بطولكم مشتمتش عليه ولا اتهمتني بأني سحراله عشان ميتجوزش غيري.. مفضلتش تقولي لو عتحبيه تجوزيه بنفسك وتفرحيله!
سمعت حس قناوي عينادي عليا من تحت ويقول
سمره.. ياسمره وينك
بصتلي ولوت بوزها وقالتلي
قومي لجوزك اللي معيطيقش يقعد بعيد عنك هبابه ولسانه مفيش عليه غير سمره.. قومي دهلسي عليه وكلي بعقله حلاوه ونسيها الدنيا واللي فيها ولو طلع من جارك راسه تندار ومتتعدلش غير لما يعاودلك ويترمي فباطك كيف العيل الصغير.
هملتها ونزلت لجوزي وجهزتله الوكل وقعدنا نفطروا وزي عادته اللي جدت
عليه من كام شهر كل لقمتين اتنين وشبع وقام ومهما اتحايلت عليه عشان ياكله كام لقمه كمان يقولي مش قادر ومعدتي واجعاني.. وبعد الفطور طلع على وكل عيشه.
واني خدت فاسي ووكلي وشربي وطلعت علي غيطي وزرعتي.. ومعاودتش منه غير علي العصريه.
واول مادخلت لقيت قناوي جوزي عاود من شغله قبل مني علي غير العاده وهو معيعاودش غير المغربيه.. كان قاعد وامه حاطه قدامه طاجن حمام بالفريك وهو عياكل ونفسه مفتوحه عالاخر وماسك في
كل يد حمامه أول نوبه اشوفه ياكل بالطريقه داي.. وامه اللي كانت مقومه عليه الحړب دايما كانت قاعده جاره وعتطبطب عليه وتقوله
كل كل ياقناوي إنت شقيان كل ياولدي عشان تقدر تصلب طولك اهنه واهناك.. كل وشد حيلك وبشرني البشرى اللي مستنظراها بقالي سنين ياولدي.
رد عليها هو وبوقه مليان وكل
حاضر يمه بإذن الله بس انتي ادعيلي.. ادعيلي وخلي بالك اليومين دول زين واني وصيت هناك ياخدوا بالهم كمان.
مكنتش فاهمه حديتهم بس مكنتش مستريحاله وهما كل ديه مش شايفيني ولا حسين بوجودي فرميت الفاس من علي كتفي وسألتهم
تخلي بالها من ايه ياقناوي ومين اللي هيخلوا بالهم هناك وهيخلوا بالهم من إيه
هاه لا ولا حاجه داني بس جبت شغل من الدكان عنته إهنه في البيت عشان فيه حد عيمد يده عالشغل في الدكان وبقى يغيب منه.. تعالي ياسمره تعالي كلي امي عامله حمام كيف العسل يستاهل حنكك.
له ياقناوي اني مجاعناشي كل انت حمام امك اللي كيف العسل بالهنا والشفا علي قلبك.. الظاهر ان اليومين دول وكلي بقا يجيلك عفش لا عدت تاكل ولا تملا بطنك منه زي زمان ومن
قناوي ساب الحمام من اديه وبص لسمره وقالها
. والله كنت جعان ياسمره وعاودت بدري عشان إكده ودورت عليكي تحطيلي اي حاجه اكلها ملقتكيش واني مععرفش اعمل حاجه لحالي وانتي خابره.
امه بزعيق
وه ومالك إكده عتراضي فيها كنك عميلت مصېبه لما كلت من وكل امك وايه خۏفك منها ديه اللي خلاك تحط الوكل من يدك وتبطل وكل.. مالك ياقناوي عتاجي قدام سمره وتترخي ليه أمال لو كيف باقي الحريم وكامله وماعونها عيشيل عيال كانت ركبت عليك ودلدلت رجليها وساقتك ولا ايه.. متتعدل ياولد بطني ومتحزنيش على حالك اكتر من إكده.
سكت هو واني كمان متكلمتش بعدها ومشيت عشان اخش اتسبح واشيل عني تراب الزرع واغير خلجاتي بس وقفني حس مرت عمي وهي عتقولي
استني خدي الوكل ديه معاكي علي جوه خليهوله يكمله لما نفسه اللي سديتهاله بحديتك تتفتح تاني وسخنيله ووكليه.. وبطلي نكد ومرار الراجل معاود من شغله تعبان ۏجعان وقرفان وعايز يرتاحله هبابه.
كانت تتحدت وهي عتتقدم ناحيتي وشايله صنية الوكل وصوت مش غريب علي عيطلع من رجلها مع كل خطوه.. بصيت على رجليها وشفت مصدر الصوت كان الخلخال.. الخلخال اللي متاكده مليون في الميه انه هو اللي كان مع سعاد وانها جابته منها وإن في الموضوع إنه.. اصلا حياتي كلها اليومين دول بقا فيها انه وتصرفات كل اللي حوالي فيها انه واني مش عارفه الاحق على إيه ولا ايه واعرف انهي انه فيهم.
خدت الصينيه منها ودخلتها الموطبخ وبعدها خشيت عالحمام اتسبحت ورحت على اوضتي وعلي كد ماكنت جايه حاسه بالتعب والجوع شبعت من اللي شفته وحديت مرت عمي الماسخ سد نفسي.. فطلعت عالسرير جار قناوي ونمت.. نمت ومستنياه يلمني فحضنه زي زمان وادفن دماغي فصدره وارمي عليه كل تعبي وقهري.. بس للأسف حتي الحضن اللي كان يهون مبقاش موجود بقى يديني ضهره طول ماهو نايم كيف مايكون زهدني.
اتجاهلت جفاه وقربت منيه اني وحطيت دراعي فوقه وهمستله بعتب
اتوحشتك قوي ياقناوي.. حاساك مسافر بعيد عني بقالك شهور ومستنياك تعاودلي.. عاود ياقناوي سمره قلبها داب من الشوق.
سمع حديتي ولف عليا ورد عليا من غير اي احساس
انتي عتقولي ايه ياسوسو ماني جارك اهه لا سافرت ولا اتغربت بقيتي تخربطي في الحديت ليه وتخلقي النكد من قلب الصفا
اني لا عخلق نكد ولا عحب النكد وانت خابر وعلي حس الخربطه ياقناوي اني اسمي سمره ودلعي طول عمره سمسم سوسو داي جات منين
عادي يعني.
انت تشوفها عادي.
وانتي بقيتي خميرة عكننه ولما اقولك إكده تزعلي.. اني قايم رايح انام حدا امي علي الاقل هتسيبني اتخمد ومش هتفضل ترط فوق دماغي.
له خليك.. مفيش داعي تسيل موطرح وفرشتك.. اني اللي قايمه ومهملهالك واصل.
رايحه وين
هعاود الغيط واكمل شغل فيه واروقلك الجو عشان تعرف تنام زين وتاخد راحتك وارحمك من رطي ونكدي.
قمت واني حابسه الدمعه بالزول
بالعافيه وطلعت من البيت قعدت عالمصطبه براه شويه واني حلسه الدنيا داقت فعيني وبقت كيف خرم الابره.. حتى اللي اكتفيت بيه من الدنيا وطلعت بيه من الايام وكنت عتصبر بيه علي بلوتي اتغير.. مبقاش هو وقلبه كل مادا يملاه الجفا من ناحيتي.. اني خابره انه ڠصب عنه واكيد شايل في نفسه بخصوص حكاية الخلفه.. اصلها صعيبه عالراجل برضك.. عذرته ودعيتله بالصبر والهدايه وابتديت اصبر روحي واهون على نفسي لغاية ماروقت وحسيت باني بقيت احسن وفجأه جه فبالي الخلخال بصراحه حاجه جوايه قالتلي متهمليش الموضوع اصل مرت عمي متعرفش وداد وبتها المعرفه اللي تخليها تشحتهم خلخال دهب يلبسوه وكمان لا ممكن تديهم الخلخال يعملوا واحد زيه وعشان إكده قررت اني استغل نومة قناوي واروح لبيت وداد وبتها واستقصى علي موضوع الخلخال ديه بنفسي اصل مرت عمي مهتريحنيش واني لو مفهمتش تجرالي حاجه.
رحت علي بيتهم ودقيته وطلعتلي سعاد والنوبادي هبت فيا اول مافتحت الباب كيف كلب سعران وقالتلي
فيه ايه تاني ياسمره مقالتلك امي بطلت تبيع زبده وقالتلك كمان انها هتبعتلك خالتي بالزبده ولا هو انتي الموطرح اللي رجلك تاخد عليه تكرهي صحابه فعيشتهم
معرفتش ارد عليها بايه ولا ايه سبب الھجوم ديه كله عليا بس كل اللي فهمته
بس رغم ديه
متابعة القراءة
