كسرة قلبي من 9-14

يوم ما بدانا نعرف بعض والحياه مشتركة اه انا متعود انى اخذ القرارات وفى حاجات مستحيل نتناقش فيها بس برضوا حاجات نتكلم فيها ممكن تفتكرى انى متناقض بس ده انا الى بفكر فيه .. انا بحبك يا اروى ومستحمل اى حاجة بتعمليها لانى بحبك مش عشان اى حاجة تانية ..انا ممكن اقسى وصدقينى ساعتها هبقى وحش اووى ومعاكى انتى بذات مش عايز اعمل كده
كانت تفكر فيما قال فهو صدق فى حديثه فقالت وانا مش عايزه غير انى اعيش مبسوطة انا بثق فيك مش بحس فى الامان غير معاك لكن بخاف منك انا نفسى يا حسام اول ما اعمل حاجة غلط احكى ليك من غير خوف او قلق احس انى بتكلم مع نفسى
حسام بجدية وانا عايز كده بصى اسمعى كلامى واحنا نبقى كويسين
اروى بجدية انا بسمع كلامك كتير لكن حاجات مش بقدر زى موضوع شغلى انا ممكن استحمل اى حاجة غير انكك تمنعنى عنه انا مش بعتبره شغل باخد فلوس عليه لا . بحب اعيش جوه الالوان والبيوت والفلل لما اعمل شغل حلو وناس تعجبها لما الاقى حد بيشكرنى انى عملت حاجة ليه حلوه ساعتها بس بحس انى اروى البنت المجتهده الشاطره مش الدلوعه والطفلة الى ناس كلها بتتكلم عنها
تنهد بقوه وقال انا لسه قايل ليكى فيه مواضيع ممكنوع النقاش فيها وبلاش ننكد على بعض
اروى بجدية وانا مش هقدر
ففكر لدقائق ليهتف قائلا هقولك فكره احنا نجرب اسبوعين تنزلى شغلك ومش تقصرى فى اى حاجة فى البيت لو حسيت انك مقصره هتقعدى ومش هسمع كلمة زياده فى الموضوع دا
اروى بدون تفكير انا موافقه
قاطع كلامهم النادل وهو يضع الاطباق فيقول حسام بابتسامة يلا كلى
تجلس فى غرفتها ټدفن نفسها فى عملها وعندما انتهت من عمل التصميم رفعته قليلا لتنظر اليه بتمعن فتبتسم فالعديد من الناس قالوا اليها انها موهوبة كثيرا عرض عليها ان تنشأ معرض تعرض بها لوحتها فهى تملك مرسم خاص بها به مجموع كبيره من الوحات ولكنها نفرت منه لانه يذكرها بيه فالقت التصميم على مكتب باهمال واغمضت اعينها لتتذكر
فلاش باك
كانت تجلس بين مجموع كبيره من لوحات الفارغة والمرسومة وبجانبها كوبا من مشروبها المفضل كانت تمسك الفرشاه بيديها وترسم باحترافيه عالية فهى تعشق الرسم فكل لوحة ترسمها لها مناسبة خاصة فاذا حزنت ترسم .. واذا فرحت ترسم حتى عندما عشقت رسم لوحة تدل على العشق والحب والاحتواء لكنها شعرت بيد تضع على اعيونها فقالت عندما استنشقت عطره المميز فانفها ممكن ان يعرفوه حتى اذ بعيد نادر
ابعد يديه قائلا بابتسامة نفسى مره متعرفنيش
نور بابتسامة مماثلة مش هقدر انا بحس بيك
جلس على الكرسى بجانبها قائلا بجدية بترسمى اية بقى
نور زى ما انت شايف
نادربتمعن بصراحة مش فاهم حاجة مع انى رسام احسن منك بس انتى ليكى حاجة مميزه فى رسمك
نوربسخرية امشى من هنا رسم مين الى حسن منى ثم اردفت بثقة واديك قولت رسمى فيه حاجة مميزه ...لو عايز تفهمه حس بيه
نادر احس بيه ؟؟ طب ما تقولى وتريحينى
نور بدلع توء توء مش هقولك
نادربضحك ماشى مسيرك يا ملوخية تتيجى تحت المخرطة
تنظر اليه بضيق قائلا بذمتك دى الفاظ دكتور فى الجامعة وقاعد مع فنانة زى قالت كلمتها وهى تشير الى نفسها بثقة
نادر بسخرية فنانة اسكتى والنبى دا انتى من غير كنتى فضلتى تسقطى
نور اسقط قولتلك انت مش ينفع تقعد فى مرسم ابدا
نادر ماشى ياستى
نور وبعدين هو انت بتعملى حاجة دا انت تقريبا كل محاضره بتطردنى
نادر بجدية مره جيتى متاخره ومره تانية مش مهتمة بالمحاضره وقاعده بترسمى اسكت بقى
نور بسخرية لا ازاى تمسح بكرامتى الارض ادام الدفعة كلها
نادر معلش خليها عليكى ثم قال بقولك انتى مش هتزعلى منى صح
نور باستغراب اكيد بس
قبل ان تكمل كلامها كان يمسك الفرشاه ويكتب على تى شيرت التى ترتديه بحبك
نظرت الى ماكتبه ونظرت فى الارض خجلا فقال بحبك اووى وانتى مكسوفة ربنا يخليكى ليا
نور بخجل ويخليك ليا
باك
ضغطت على يديها بقوه تتمنى ان تمسح كل زكرى خاصه بها معه ..فهى لم تعد تعيش بالفيلا التى كانت تسكنها بسببه
تركت كليتها وشغلها حتى لم تتذكره حتى مشروبها المفضل بدات تكره ولكن عقلها متوقف على الاوقات التى كانت تجمعهم تنهدت بحسره قائلة الهم الهمنى النسيان 
...
يجلس فى حديقة المنزل يفكر فى امور عديده جاءت اليه امه جلست امامه قائله سرحان فى اية يا حبيبى ؟
ابتسم بهدوء قائلا مفيش يا حبيبتى فى شوية شغل
الام بتفحص اممممممم شغل برضوا ولا حب جديد
نظر اليها پغضب قائلا پحده ماما بعد ازنك
الام بعد ازنى اية ؟؟ هو حرام او عيب .. وبعدين انت عايزنى اسكت ؟لا انا مش هسكت انا مش هستنى اشوف ابنى دايما بيفكر فى الى فات
.
جاسر بجديه ماما ممكن تسبينى لوحدى انا دماغى مشغولة بمليون حاجة
الام بجدية لا مش هسيبك ..انت مش بقيت بتحكى حاجة يا جاسر علطول لوحدك ازاى تكون دكتور نفسانى وانت الى مريض يا جاسر
.
نظر اليها باستغراب . لتكمل قائلة اه مريض يا جاسر .. مش قادره تنسى ولا حتى تعيش ازاى بتخلى الناس تفوق وترجع لحياتها وتنسى وانت مش قادر تفوق
جاسر بجدية ميرنا مش لعبة ضاعت وزعلت عليها خلاص لا ميرنا كانت حياتى كان لازم اصحى على صوتها.. لما ارجع من الشغل واكون تعبان ابتسامتها بتنسينى كل تعب شوفته... لو مريض محتار ازاى ابدا معاه كانت بتفكر معايا . ميرنا مش موجود بس فى عقلى وقلبى لا موجوده فى دمى
.
الام بجدية ميرنا كانت فى قلبنا كلنا مش فى قلبك بس .. بس راحت والى بيروح مش بيرجع .. هنوقف حياتنا كلها ..جاسر انت متناقض اووى عارف ليه عندك شخصيتين واحده بتعالج وتفكر وتسمع وتحل مشاكل ناس.
والتانية قاعد وحيد مش بتتكلم انت يا حبيبى ابن مفيش زيه ..اخ كل الناس تتمنى واحد زيه .. صاحب جدع وراجل بتحترم صغير او كبير.. زوج لو ميرنا كانت عايشة كانت هتشهد ليك انك احسن زوج مش حرام واحد زيك يدفن فى الحزن ده انا بتقطع يا جاسر عليك .انا مش هعيش ليك يا جاسر ..
امسك يديها قم  قائلا ربنا يخليكى ليا شوفى حضرتك تامرى باية وانا اعمله ليكى
الام بجدية نفسى تتجوز واشوف عيالك
جاسر بجدية اتجوز تانى مستحيل .. انا نفسى اكون اب بس لو مش من ميرنا يبقى مش عايز
الام بجدية ممزوجه بالحده افهم بقا ميرنا ماټت .. والى راح مبيرجعش يا جاسر .. انا هقولك حاجة لو انت راضى عليا حرقه قلبى وحزنى عليك افضل زى ما انت وساعتها يا جاسر هحس انى ولا عرفت اربى ولا عرفت اخلف
الفصل الحادى عشر
نظر اليها بدهشة عندسماعه لكلمتها الاخيره وقال بجدية حضرتك على راسى من فوق لكن انى اتجوز مش هيحصل .
نظرت بعتاب اليه ثم نهضت قائله يبقى متتكلمش معايا غير لما اكون ليا اهمية عندك
رحلت من امامه وهو ينظر امامه بوجه خالى من التعبيرات .. ظل يفكر كثيرا فماذا يفعل .. هل يتزوج بعد حبيبته ؟! .. فاذا تزوج سترتاح امه ولكنه سيظل تعيساً وايضا زوجته سوف تكون تعيسة فهو لا يستطيع ان يكون له زوجة غيرها فهل سيوجد مثل الملاك الذى كان يمتلكها .. واذا لم يتزوج فتغضب والدته منه ولم تتكلم معه وايضا يصبح تعيساً فهو فى جميع الاحوال تعيس فهى فقط التى كانت تعرف كيف تفرحه وكيف تقنعه ياليتها كان معى وضع يديه على وجهها وظل يستغفر الله الټفت الى الخلف عندما شعر باحد يضع يديه على كتفه فابتسم ابتسامة صفراء قائلا خير يا حبيبتى
جلست بجانبه وقالت بتساؤل مالك ؟!
جاسر بهدوء مفيش يا حبيبتى ثم قال بتساؤل عاملة اية فى المزاكره
ريم بضيق جاسر هو انت ليه مش بتتكلم معايا غير على المزاكره كل شوية زاكرى زاكرى . هو اهم حاجة عندكم المزاكره .
جاسر بجدية لا يا حبيبتى بس المزاكره هى الى هتخلى ليكى مستقبل وكمان علشان تحققى حلمك
ريم بضيق خلاص يا جاسر فى الاخر هتقنعنى انك انت الى صح وانا العبيطة الى مبفهمش
زفر بضيق وقال پحده ومن امتى وانا كده يا ريم؟!
ريم بجدية معرفش .. انت بقيت غريب وماما بقت اغرب كل ما اكلمها تزعق ليا لسه من دقايق كنت بسألها على حاجة زعقتلى وقالتلى خشى زاكرى .. ثم اردفت بدموع هى فعلا المزاكره اهم منى؟
جاسر بجدية لا يا حبيبتى .. ماما بس مضايقة شوية
ريم بدموع طب وانا مالى ماما زعلانة تزعقلى انا ليه
مسح دموعها بيده قائلا خلاص يا حبيبتى متزعليش انا بتاسف ليكى بالنيابة عنها
ريم بجدية مش هقبل الاسف غير لما تقولى مالك
جاسر پحده يعنى انتى عاملة الفيلم ده كله علشان تعرفى مالى ،امشى من وشى يا ريم بدل ما تعصب عليكى
نهضت ونظرت اليه بعتاب قائله حتى انت كمان بقيت سىء الظن شكرا يا جاسر .
ركضت بسرعة واتجهت نحو باب الفيلا زفر بضيق ممزوج بالخنقة ونهض هو الاخر ومشى قاصد غرفه والدته .. دق الباب عده مرات ولم يرد عليه احد فتح الباب ودلف داخل الغرفةوجد امه تجلس على سريرها فنظرت اليه بضيق وادارت وجهها تنهد بضيق شديد وواتجه نحوها جلس على ركبتيه قائلا خلاص يا حبيبتى متزعليش منى
ظلت كما هى اخد يلح ويتاسف كثيرا وظلت كما هى فقال ماما والله انتى عارفة ان كلمتك سيف على رقبتى بس والله ما هقدر ثم اردف بجدية يارب يا ماما لو مش سمحتينى يحصلى اى حاجة
الټفت اليه ونظرت بضيق قائلا انت بتستعبط يا جاسر حد يدعى على نفسه .
جاسر اصل لو حضرتك فضلتى زعلانة يبقى المۏت ليا احسن
الام جاسر انا مش عايزه فى الدنيا غيرك سعادتك انت واختك .. ولو عملت كده هبقى انا سعيده اوووى ولو معملتش يبقى انا مليش اهمية عندك
جاسر بجدية حضرتك عارفة انك اهم حاجة عندى بس
الام بجدية مفيش بس .. انا قولتلك حليين واختار الى انت عايزه واتفضل بقا علشان عايزه انام
جاسر بجدية برضوا لسه زعلانة والله مش هيجيلى نوم لو فضلتى زعلانة منى
الام خلاص يا جاسر
جاسر بجدية انا عارف حضرتك انتى لسه زعلانة منى حتى مش راضية تقوليلى تصبح على خير او تدعيلى دعوه حلوه
الام بصدق خلاص يا حبييبى بس برضوا انا لسه عند موقفى
جاسر حاضر يا ماما هفكر
الام بجدية فكر براحتك .. بس عندك مهلة شهر لومش اتجوزت في الشهر ده يبقى مفيش
كلام بينا واعتبرنى مش موجوده
جاسر حاضر. وقف قبل راسها قائلا تصبحى على خير يا حبيبتى
الام بابتسامة وانت من اهل الجنة
خرج من الغرفة واتجه الى غرفة اخته فلم يجدها فنظر من النافذه فوجدها تجلس على الارجوحه الخاصة بها فهبط لاسفل واتجه نحوها قائلا بجدية ممكن توسعى شوية
هبطت منها وكانت على وشك ان ترحل فامسك يديها فقالت بجدية جاسر اوعى ايدى 
جاسر بهدوء لا عايز اتكلم شوية
ريم پحده مش انت قولت ابعدى عن وشى
جاسر معلش كنت متعصب شوية وطلعته عليكى
ريم بجدية هو انا الحيطة المايلة الى كل واحد شوية يزعق ليها
جاسر بجدية اتكلمى عدل ثم اردف باسف ويا ستى هاتى راسك ابوسها مش هزعلك تانى 
ريم پحده كل مره بتعمل كده وفى الاخر بتزعلنى
جاسربجدية لا دى المره الاخيره بجد يا حبيبتى
ريم وعد
جاسر بتردد وعد يا ريم
ابتسمت ابتسامة كبيره ثم قالت هات ليا بقا ايس كريم وشكولاتة كتير اووى
جاسر علشان كده صالحتينى عموما يا ستى فيه فى التلاجة حاجات حلوه كتيره اصلى عارف ان عندنا طفلة فى البيت
ريم انا مش طفلة يا جاسر
جاسر بسخرية اه ولما اجى اخرجك تقولى انا طفلة وعايزه اروح الملاهى ثم اشار الى شكلها وقال بجدية طب لو حد شافك ليقول طفلة لابسة بيجامه عليها ميكى وعاملة قطتين زى العيال الى فى اولى ابتدائى
ريم ماشى انا موافقة انى طفلة وعيلة واى حاجة انت تقولها بس خرجنى خلاص انا تعبت والامتحانات كمان اسبوعين
جاسر بجدية لا يا حبيبتى انا واخد جازه من العياده اسبوعين هروح المستشفى بس وهفضل قاعد علشان حضرتك تزاكرى
ريم انت هتسيب شغلك عشانى
جاسر بعتاب اصلى لو متاكد انك هتزاكرى كنت رحت شغلى
ريم بجدية لا خلاص والله هزاكر
جاسر انا كده كده بلغت الناس وكمان فى حالات عايزه افكر فيها كويس ثم قال ممكن اطلب طلب بقى
ريم اتفضل
جاسر هتقومى تجيبى الموبايل بتاعك وهاخده
ريم بضيق لا مش هتاخده
نظرت اليها بضيق وقال بصرامة ريم اطلعى هاتى التليفون وخشى زاكرى
ريم پغضب انت جيت تصالحنى وانت بتعمل نفس الحاجة الى بتزعلنى
جاسر انا جيت اعتزرت لانى اتعصبت عليكى لكن الموبايل يا ريم هيتاخد واول ما تخلصى امتحانات هرجع ليكى اى حاجة واخدها منك
ريم حاضر يا جاسر
جاسر بجدية متزعليش يعدى بس الاسبوعين دول وفتره الامتحانات وانا هعملك اى حاجة تطلبيها منى
ريم ماشى يا جاسر
صديق اخر والله واحنا كمان حاسس انى شغال ببلاش ولا اية يا احمد
لم يكن معهم ولكن فاق على صوت صديقه فقال اه اه
صديقه اه اية ؟ شكلك دماغك فيها حاجة
احمد بجدية وحياتك حاجات كتير
صديقه طب احكى يا اخويا واحنا نشوفلك حل
احمد بجدية لا سيبك منى انا هعرف احل مشاكلى
ثم ترك المكان وابتعد عنهم جلس على طاولة اخرى وظل باله مشغول كثيرا فجاءت اليه فتاه وجهها ملىء بادوات التجميل وشعرها ينساب على اكتافها بطرية جذابة وترتدى فستانا يصل الى ركبتيها قائلا مالك يا ميدو
احمد بجدية مش وقتك يا سالى خالص
سالى بدلع لا وقتى ونص احكيلى بس مالك وانا احل ليك اى حاجة
احمد بجدية انا هحكى ليكى بس علشان عايزه اتكلم
سالى ماشى يا ميدو
احمد بجدية بحب واحده اوى بس هى مش طايقة تشوف وشى
سالى وليه مش طايقة تشوفك
احمد بجدية بتكرهنى مع انها متعرفش اى حاجة عنى غير انى كنت اعرفها فى الجامعة بس بس كذا موقف حصل من ساعتها مش طيقانى
سالى بجدية لو بتحبها يا احمد حاول تصلح االامور
احمد بجدية انا مش بحبها انا بعشقها ممكن اعمل اى حاجة فى الدنيا علشان خاطرها
سالى يا بختها بيك .ز قليل الى يلاقى حد يحبه كده بس قبل ما تحاول تخليها تحبك غير نفسك
احمد فى حاجات الواحد ميعرفش يعمل فيها حاجة هتفضل معاكى طول العمر
سالى باستغراب كلامك غريب
احمد بجدية مش غريب بس واقعى .. ربنا يبعد عنك انك تحطى نفسك فى صندوق متعرفيش تخرجى منه
سالى نفسى ادعيلك بس انت عارف الى زى والى زيك دعواتهم اكيد مش مستجابة
احمد بسخرية اكيد
صباح جديد بابتسامة جديده بتنور حياتنا كل شخص عنده مشاكل حتى لو كانت بسيطة لكن موجوده الحل الوحيد اننا نتوكل على الله
فهو الرحيم بالعباد هو الغفور الى بيغفر ابتسم فالابتسامة فى وجه اخيك صدقة ودى من نعم ربنا .
كانت تسير مع صديقتها لتذهب الى دروسها فتجد شخص امامها تشعر بالڠضب شعر بها ولكنه قال ببرود ممزوج بالهدوء ممكن ثوانى
قالت صديقتها طب انا هروح وانتى ابقى تعالى
ثم تقدمت خطوتين ولكن ريم امسكت يديها قائله بجدية استنى
ثم وجهت كلامها اليه قائله پحده واضح ان حضرتك مفهمتش كلامى كويس انا قولتلك ابعد عنى ومفيش كلام بينا علشان مش عايزه اعمل مشاكل وبرضوا انت مفهمتش يعنى كلمة رجولة وواضح اووى انك انسان مش بتفكر فى الى بتعمله ولا واخد بالك انى بنت ومينفعش اقف معاك فى الشارع او فى اى مكان .
يوسف پحده مماثلة اية راديو اتفتح اانا بس عايز رقم اخوكى او اى حد ن اهلك
ريم واضح والله انك مش بتفهم ثم اردفت بجدية وانا مش هضيع وقتى واقعد افهمك يلا
ثم امسكت يد صديقتها ورحلت من امامه
شعر بالڠضب فقد اتهمته بانه يفعل ما يشاء بدون تفكير ولكنه عكس 
ذلك لكن معاها يفعل اى شى ء خارج حدود عقله لو كانت اى فتاه اخرى كان يرد عليها ولم يصمت وهى تتهمه بالباطل ولكن معاها يصمت .. يسرح .. يخف ان يقول شىء ېجرحها فهو حبها ولكن عشقها ولكن هل تحبه ؟ فهو فى الفرقة الرابعة من كلية صيدلة ولم يعمل فهل ستوافق . فعزم على اى يذهب الى والده ليرى له شغلا يناسبه هو يشعر بالحنق من لسانها ولكن اعجبته بشده فهو صاحب كثيرا ولكن لم يجد واحده تعجبه فهى صغيره فى السن ولكن تربيتها واخلاقها تجعله يشعر بالثقة منها فهى فتاه مختلفة
عادت من شغلها فلم تجد احد فى المنزل فوالدها بالطبع فى شركته والدتها تعمل دكتوره فى جامعة سياسة واقتصاد فاكثر الوقت مشغولين كانت تشعر بالملل فخلعت طرحتها وجلست امام التلفاز تتابعه بعم اهتمام كانت تريد ان تتكلم مع اى شخص ... ولكن لم احد يفهما فجاسر هو الشخص الذى ترتاح قليلا عندما تتكلم معه ولكنها تشعر بالڠضب منه فهو حقا كل ما