دواء الروح
المحتويات
دكتوره نداء
إيه ده
ده بوكيه ورد بعته لحضرتك المذيع اللى عملتيله عمليه فى دراعه
بمناسبة ايه معرفش هو باعته وقال اننا نوصله لحضرتك
تمام تقدرى تسيبيه
بصتلها نيفين بابتسامة
ايوه بقى
انت دماغك راحت بعيد على فكره
على فكره باين جدا نظراته ليكى
بس انا خلاص قفلت قلبى ومش بفكر في ارتباط أنا أهم حاجة عندى مستقبلى
يا ستى مستقبلك زى الفل ماله بس والراجل محترم مش عشان واحد مش كويس الكل هيبقوا كده وافتكرى انى مكنتش مرتحالهم أصلا من الاول
كان عندك حق بس تعرفى كويس انى ماسمعتش كلامك كان لازم اخد الدرس وافوق لنفسى
بس بقيتى حاجه تانيه وأى حد يتمنى يرتبط بيكى بصراحه يا نداء انتى كنتى ظالمه نفسك جدا
عندك حق بس برضو انا حاليا مش مستعده لأى ارتباط
وصلت رنا وطه للمستشفى وانبهرت رنا من فخامه المستشفى
بقولك يا طه هى نداء بتشتغل هنا
أه
شكل مرتبها كبير أوى أوى
أكيد
طيب ليه مكملتش معاها كنت هتستفاد منها جامد وكان ممكن كمان تشوفلك شغلانه هنا وبعدها كنت طلقها
انا كنت عايز منها حاجه معينه وخلاص مالوش لازمه اطول معاها وقتها كنت هنكشف وكل حاجه كانت هتبوظ
ممكن برضو الحمد لله اننا معانا تأمين صحى هنا مكناش هنقدر على كشفها دى
اعملى حسابك هنا يا متابعه حمل يا ولاده انتى عارفه التامين مش هيغطى كله
سبها انت بس على ربنا
دخلوا المستشفى وحجزوا كشف نسا وتوليد وفضلوا قاعدين فتره طويله منتظرين دورهم في الكشف وهما قاعدين لاحظت نداء وجود طه ورنا امام غرفه
ابتسمت نداء وحست إنها أخيرا لقت الطريقه عشان تجيب حقها حاولت تمشى قبل ما حد منهم يلاحظها لكن وقفها صوت رنا حاول طه يسكتها لكن رنا اصرت انها تكلمها
دكتوره نداء
لفت نداء وبصتلها بثقه وبإبتسامه
خير
أبدا شوفتك قولت اسلم عليكى عامله ايه يا دكتوره
انتى شايفه ايه
شايفه انك
بتحاولى تغيرى نفسك يمكن ترجعى الماضى وعايزه توصللنا انك بقيتى ناجحة واحسن
طيب مادى الحقيقة انا احسن منكم وناجحه فعلا ايه الجديد قبل ما اعرفكم دكتوره وبعد ماعرفتكم دكتوره تفتكرى قبل ماتجوز كنت بقطع تزاكر مثلا وبعد الطلاق بقيت دكتوره
صحيح يا دكتوره هما ليه بيقولوا إن الدكاتره الستات عانس ومش بيلاقوا حد يبصلهم واللى بيبصلهم بيبصلهم بس عشان فلوسهم
ومين قالك انى مرتبطش بصت نداء قدامها لقت سليمان متجه لغرفه اخوه
استنى لحظه واحده
ممكن تيجى معايا لحظه واحده بس من فضلك ماتكدبنيش
هتعملى ايه
محتاجه خدمه واعتبرها خدمه قصاد خدمه
مش أفهم الأول
هتفهم بعدين
اخدته ووصلت قدام طه ورنا
احب اعرفكم استاذ سليمان خطيبى
بص طه لسليمان بتقييم فهو يفوقه فى كل شئ رغم اهتمام طه المبالغ بنفسه عشان يظهر فى هيئه الشاب الوسيم إلا أن سليمان بدون اى مجهود واضح انه حضوره طاغى
سليمان شاب طويل عريض المنكبين عضلاته واضحه من ذلك القميص الذى يرتديه مما يجعل نظرات الفتيات دائما متجهه له وعلى الرغم من انه تؤام إلا أن سليمان له حضور أقوى
كانت نظرات رنا تجاه نداء حقد وكره هى كانت عايزه تحسسها بالنقص وانها مهما نجحت فهى افضل منها وفضلها طه عليها لكن طه امام سليمان لا شئ فنداء فازت برجل افضل واذداد نجاحها
سلام بقى عشان مشغوله انتى فاضيه طبعا يا رنا وماتعرفيش يعنى ايه شخص مشغول ووراه التزامات وبيعتمد على انه يطور نفسه مش يسرق حاجه غيره
سابتهم ومشيت هى وسليمان اللى مش فاهم حاجه وبعد ما بعدوا عنهم وقفها سليمان
اظن من حقى دلوقتي افهم فى ايه بقى
انت ساعدتنى وانا هعتبر المساعدة دى اعتذار ليا عن اسلوبك معايا وقت العمليه
لا طبعا مش موافق انا عايز افهم مش يمكن لو احتاجتينى فى مساعدة تانيه اوافق
مش هحتاجك ماتقلقش
ماحدش يعرف المستقبل فيه ايه
سكتت نداء بتفكر فى كلام سليمان
تمام هقولك اللى هناك ده طليقى اتجوزنى عشان يسرق منى شقتى وقدر يضحك عليا هو ومامته ومضونى على ورق بيع وشړا من غير ماعرف ومش بس كده لا خد كمان كل فلوسى وطردونى من شقتى بعد اسبوع واحد بس من الجواز بشنطه هدومى وطلقنى غيابى وبعتلى ورقه طلاقى هنا على المستشفى
قالت كلامها وقامت من قدامه قبل ماتضعف هى قررت ماتضعفش تانى قدام أى حد نداء القديمه ضاعت زى ما كل حاجه ضاعت منها
وقف سليمان يبص فى اثرها بحيره وتأثر من كلامها واضح انها اتظلمت كتير وبتدارى الظلم والضعف ده تحت شدتها وجديتها المبالغ فيها
وقرر يسبها مؤقتا لكن هيكون ليه كلام معاها تانى
خرج سليم وانتقل لغرفه عاديه ومامته صممت انها تقيم معاه لحد ما يخرج
دخل عليهم سليمان
وقعد يتكلم معاهم
صحتك عامله ايه انهارده يا سليم بقيت احسن
اه دكتوره نظاء حولتنى لاورام وقالولى هخرج بكره وكل ٣ شهور هاجى اعمل اشعه
لا ليه عايزينك تخرج بسرعه كده المفروض تقعد كمان اسبوع
يابنى انت مش كنت رافض أصلا وجودى فى المستشفى دلوقتي عايزنى أقعد اسبوع انت ايه عجبتك ممرضه هنا ولا ايه
ماتلم لسانك ده بدل ما اجى اشيلهولك انت خفيت دلوقتي ماتخلنيش اعمل معاك زى زمان انت فاهم
خلاص يا سيدى سماح
انت هتيجى هنا تانى أمته عشان الاشعه
كمان تلات شهور
وانتى يا ماما
انا كويسه يا خويا وزى الفل
بصت هناء لسليم وضحكوا فواضح إن سليمان بدأ يعجب بشخص ما
كشفت رنا على الجنين والدكتورة طمنتها إن صحتها وصحت الجنين ممتازه واديتها بعض الفيتامينات وحددت معاها معاد اخر للزياره
بعد خروج طه ورنا دخلت نداء لدكتوره عائشه اللى كشفت على رنا واستقبلتها دكتوره عائشه
دكتوره نداء أهلا اتفضلى
ازيك يا دكتوره عائشه ممكن اسألك على اسمه حاله عندك
اتفضلى
اسمها رنا
اه دى اول مره تتابع معايا والحمد لله حالتها كويسه
طيب الحمد لله
دكتوره انا كنت عايزه اكشف نسا
انتى شاكه إنك حامل
لا طبعا بس كنت عايزه اتاكد من حاجه
كشفت عليها دكتوره عائشه
طيب ازاى
دى قصه طويله وقصت لها كل شئ
هو فى ناس كده
عارفه مين بقى اللى كنت متجوزاه
مين
طه ورنا تبقى مراته اللى طردنى من بيتى عشانها
لا حول الله يارب طيب اقدر أساعدك ازاى
هقولك بعدين ولو ساعدتينى هكون سعيده اوى
انا معاكى يا دكتوره وبإذن الله نردلك حقك
مرت اربعه أشهر وحاول فتحى وسليمان التودد لنداء ولكن نداء كانت قافله على نفسها رافضة نهائيا أى نوع من التلميحات او الارتباط إلى اتى اليوم اللى هيغير حياه الجميع
ياترى ايه اللى هيغير حياه الجميع
ج
البارت التامن
مر اربعه شهور واصبحت رنا فى الشهر الخامس
فى البيت كانت رنا بتستعد عشان تروح المستشفى وتعرف نوع الجنين وكان معاها طه
خلصتى يا رنا
اه انهارده الدكتورة هتقول ولد ولا بنت انت نفسك في ايه
فى ولد
بإذن الله هيكون ولد
دخلت عليها حماتها
بإذن الله هيكون ولد انا قلبى حاسس
طيب يلا عشان منتأخرش واول ماعرف نوع الجنين هتصل افرحك انه ولد
خرجت رنا ومعاها طه وراحوا المستشفى
داخل كافتريا المستسفى كانت نداء قاعده وقدامها قاعد فتحى
هنفضل كده كتير بقالى ٤ شهور عمال المح المح لحد ما المستشفى كلها عرفت معجب بيكى وانتى ولا هنا خالص
ده انتى حتى رفضتى تطلعى معايا فى برنامجى
استاذ فتحى أولا انا مكان المستشفى مش مدينه الانتاج الاعلامي ثانيا انا حالياغغير مستعدة لأى ارتباط انا مريت بتجربه كانت صعبه عليا خلتنى ماثقش فى حد
يعنى بترفضى طلبى بشياكه
صدقنى الموضوع مش متعلق بيك نهائى المشكلة عندى انا أنى فقدت الثقه في كل اللى حواليا ولو ارتبطت بيك هكون بظلمك
وماقولتيش كده من الاول ليه ولا منتى فرحانه بإهتمامى بيكى وعجبك إن يتقال ةن المذيع المشهور بيجرى ورا دكتوره وهى منفضاله
انا محسبتهاش كده خالص وبعدين انت مكلمتش معايا من الاول بشكل صريح وفوق ده كله انا عمرى ما تماديت معاك في الكلام او أصلا لمحتلك بأى حاجه وكل كلامنا رسمى
اتمنى يا استاذ فتحى إن الاحترام يكون متبادل لآخر لحظه
قام فتحى ومشى وسابها وهو من جواه بيغلى من الڠضب منها
كان سليمان متابعهم من بعيد وسمع الحديث اللى دار بينهم انهارده المعاد لعمل الاشعه للاطمئنان على اخوخ وكان منتظره فى الكافتيريا لحد ما ينتهى وبالصدفة سمع الكلام وفرح جدا من رفض نداء لفتحى لكن عذرها على قله ثقتها في الناس وقرر قبل مايفكر يرتبط بيها لازم يخليها تثق فيه الاول ولازم يكون اد الثقه خرج من الكافتيريا من غير مايخليها تلاحظ وجوده وراح عند غرفه الاشعه
ينتظر اخوه هناك
وصل طه المستشفى هو ورنا وجه دور رنا للكشف ودخل معاها للدكتوره وبدأت الدكتورة فى الكشف
ها يا دكتوره اخبار الجنين ايه
كويس جدا واضح إن مامته واخده بالها منه كويس
طيب طمنينا ولد ولا بنت
ولد
بجد يا دكتوره
اه بجد
حس طه إنه امتلك الدنيا ومافيها وإن كل احلامه اتحققت وراح لرنا ساعدها فى عدل ملابسها باستعجال
شكرا اوى اوى يا دكتوره وشك حلو علينا فى ادويه او حاجه هى هتاخدها
لا هتكمل على الحديد والكالسيوم والفيتامينات دى ضرورى جدا عشان صحتها
اكيد طبعا صحتها تهمنى عن ازنك يا دكتوره
خرج طه ورنا وهما فى قمه سعادتهم فتح طه لرنا باب العربيه ودخلت وقعدت
وبدأ طه فى
السواقه وهو فرحان ومستعجل
براحه يا طه
عايز اروح عشان اقول لماما
طيب هدى السرعه واتصل بيها
فكره فين التليفون
شوفوا فى جيبك كده
خرج طه التليفون من جيبه وقع تحت رجله نزل عشان يجيبه العربيه لفت منه ودخل فى عمود لحظه صمت وبعدها صړيخ على الطريق والناس اتجمعوا حواليهم حاولوا يخرجوهم لكن كانوا فاقدين الوعى ورنا كان فى ڼزيف شديد جدا طلبوا الإسعاف ونقولهم مستشفى نداء لانها كانت الاقرب
اخدوا بطايقهم وتواصلوا مع دكتوره عائشه لانها مازالت فى المستشفى وحاولوا اسعافهم
فاق طه وكانت اصاباته سطحيه إنما رنا كانت حالتها حرجة
قامت دكتوره عائشه بالاتصال بنداء وبلغتها الوضع واتت نداء مسرعه لغرفه الطوارئ
ايه الوضع يا دكتوره
جوزها فاق وعنده اصابات سطحيه انما هى وضعها حرج جدا محتاجه نقل ډم وتدخل العمليات فورا
طيب تمام جهزيها لغرفه العمليات وانا هقول للمرضه تجهز الورق اللى جوزها هيمضى عليه عشان ندخلها عمليات بسرعه وهجهز و هدخل معاكى غرفه العمليات
معقول هتنقذيها معايا
حقى هجيبه شغلى والواجب مالوش علاقه بالعلاقات الشخصيه
راحت نداء وحطت العقد وسط الورق واديته للمرضه عشان الممرضه تديه لطه عشان يمضى عليه
ولاء تعالى ده ورق نقل ډم وموافقه جوزها عشان ندخل المريضه العمليات فورا تورحى حالا تمضيه على الورق وتجيبه وتجيلى تانى تدينى الورق هتلاقينى بجهز للعمليات
نفذى اللى قولته بالظبطت والورق تجيبي ليه انا فاهمه
حاضر يا دكتوره
راحت الممرضه لطه
استاذ طه اتفضل ده ورق دخول مرات حضرتك للعمليات عشان ينقذوها ومحتاجة نقل ډم ممكن حضرتك تمضى عليه عشان نلحق ندخلها
انا عايز اشوفها اطمن عليها وابنى ابنى عامل ايه
هما دلوقتي بيسعفوها حضرتك امضى بسرعه عشان نلحقها
مضى طه على الورق بدون مايقرا اى حاجه وادى الورق للمرضه اللى راحت بيه لدكتوره نداء
بصت نداء فى الورق وحست بفرحه انها أخيرا رجعت حقها وبيتها تانى فاضل كده انها تودى الورق للمحامى وهو يخلص باقى الإجراءات
شالت عقد البيع من الورق وادت الورق للمرضه توديه للحسابات ودخلت العمليات مع دكتوره عائشه
ها يا دكتور الوضع ايه
الرحم اڼفجر والجنين ماټ جوه
كده لازم يتشال الرحم
مافيش حل تانى
مسكت نداء المشرط وبدأت العمليه ومعاها دكتوره عائشه واصرت انها اللى تشيل الرحم بالرغم إن ده تخصص دكتوره عائشه
نداء كده ماينفعش هتضرى
محدش هيقدر يعملى حاجه
نداء والله انا بقول كده عشان الموضوع صعب وهيحاولوت يفرغوا طاقة غضبهم فيكى
عارفه عشان كده انا اللى هعملها وعارفه كمان هيعملوا ايه وانا جاهزالهم
دبدأت نداء فى العمليه ومعاها دكتوره عائشه حاولوا يحافظوا على الرحم لكن الوضع كان صعب جدا وللأسف تم ازالته
خرجت نداء من العمليه قابلت طه وزينب فى وشها واتفاجئوا من وجودها فى غرفة العمليات ووقتها فهموا إن فى
حاجة غلط
زينب انتى بتعملى ايه هنا
انتى شايفه ايه كنت بعمل عمليه لمرات ابنك وشلتلها الرحم وللاسف حفيدك الولد ماټ
تحدث طه بعصبيه مفرطه محاول التهجم عليها
انتى مجنونه انتى بتقولى ايه ابنى ماټ انتى قتلتيه عشان غيرتك عمتك وماصدقتى الفرصه جاتلك
حاولت دكتوره عائشه أن تتحدث وتوضح وضع المريضه لكن منعتها نداء وكانت واقفه مستغربه موقف نداء جدا ليه بتحاول تورط نفسها رغم انها شافت بنفسها محاولات نداء فى انقاذ الرحم
تحدثت نداء ببرود للممرضات اللى بيحاولوا التدخل
اتصلوا بالامن يطلعوهم بره لحد ما المريضه تفوق وغير مسموح دخولهم غير بأذنى انتوا فاهمين
بصتلها زينب بزهول وحاولت تهرب من الامن وتوصلها لكن معرفتش
انا هوديكى فى داهية قاتلتى حفيدى يا مجرمه والله لا اوديكى فى داهيه انا هطلع على القسم ابلغ عنك
شاورتلهم نظاء بصوابعها بعلامه باااى ببرود وراحت مكتبها ودخلت وراها دكتوه عائشه ونيفين ودكتور رفيق
اتكلمت نيفين بعصبيه
ليه عملتى كده كنتى سبتى دكتوره عائشه اللى تتدخل ليه كده دلوقتي هيبلغوا عنك وهيعملوا شوشره
طظ فيهم
رفيق نداء اللى بتعمليه ده غلط انا هبعت اجبهم اعرفهم الوضع وننهى الخلاف انتى كده بتأذمى الوضع ومش هتستفيدى حاجه
بالعكس انا عارفة انا بعمل ايه كويس
يا نداء انتى بقيتى دكتوره مشهوره بعد عمليه فتحى ومن وقتها العين عليكى واعدائك كتير
طظ فيهم
نيفين أنا نفسى اعرف بتفكرى فى ايه
هتعرفوا كل حاجه فى وقتها انا همشى ساعتين بالظبط وهاجى تانى عشان لو البوليس جه يلاقينى موجوده
خرجت نداء راحت للمحامى وبعدها راحت الشقه غيرت الكالون وجمعت كل هدومهم المستعمله فى اكياس قمامه ووضعتها فى مدخل العماره وجابت حداد يركب حديد على الباب خلال ٣ ساعات كانت انتهت من تركيب الباب الحديد ورجعت المستشفى مره تانيه
وراحت غرفه الأطباء
وقفتها نيفين وهى ماسكه التليفون وكان فى بث مباشر من فتحى بيتكلم عنها
المفروض إن الطب مهنه ساميه لكن لما دكتوره تستخدم مهنتها عشان ټنتقم من زوجها السابق فتشيل رحم مراته وټموت ابنه يبقى احنا بقينا فى غابه ولازم الدكتورة تتزقف فورا وتتحاكم على اللى عملته
وقفت نداء تضحك واستغربت نيفين من ضحكها
عاجبك
أصل كان عندى حق البيه تقريبا مشغل جواسيس هنا يبعتولوا اخبارى وتقريبا عشان رفضت الارتباط بيه انهارده حب ينتتقم منى بطريقته بس طريقه رخيصه اوى
عموما انا عايزه اعرف مين عدوى ومين حبيبى
يا نداء انا خاېفه عليكى
عارفه بس ماتقلقيش انا عارفه انا بعمل ايه صدقينى لو عندى وقت كنت فهمتك كل حاجه سبينى بس احضر نفسى عشان لو البوليس جه دلوقتي يبقى كل حاجه تمام
دخلت عائشه وادتها فلاشه
اتفضلى الفلاشه اهى ربنا معاكى الموضوع بيكبر يا نداء
ماتقلقيش
وصل البوليس عشان يقبض على نداء وكانت
معاه زينب وطه اللى بيبصوا لنداء بكره وهى بتبادلهم النظرات بإبتسامه وشماته
هوديكى فى داهيه
مش هتقدر مش عيل زيك ولا عجوزه زيك تقدروا تقفوا قصادى
قدرنا وضحكنا عليكى
كله هيبان فى القسم
وهى خارجه من المستشفى كان معاها دكتور رفيق وعائشه ونيفين وقابلت قدامها سليمان اللى مكنتش تتصور أبدا أنه ممكن يجيى بس مكنتش عارفه هيكون فى صفها ولا هيعمل زى فتحى
ياترى هيبقى زى فتحى
ولا هيصدقها ويساندها
ج
البارت التاسع
ايه ده انت جيت ليه عشان تتأكد اذا كنت فعلا عملت كده اڼتقام ولا لا
لا طبعا انا واثق فيكى
وجبت الثقه دى بقى منين
مش مهم دلوقتي أهم حاجة نطمن عليكى انا هجبلك محامى كبير يتابع قضيتك
مش مستاهله ماتتعبش نفسك
سابته ومشيت للقسم وهو راح وراها
دخلت عند غرفه الظابط وبدأ الظابط يسألها
دكتوره نداء طه بيقول انك استغليتى شغلك فى المستشفى عشان تنتقمى منه و شيلتى رحم مراته
محصلش
يعنى الرحم موجود
لا الرحم اتشال فعلا بس محصلش انى استغليت شغلى وشيلت الرحم اولا انا دكتوره جراحه عامه مش دكتوره نسا وتوليد وغير كده دكتوره عائشه كانت فى العمليات هى استعانت بيا عشان نعمل محاوله اننا ننقذ الرحم لكن للاسف هى لما جت كان فى إڼفجار فى الرحم
طيب ليه هو بيقول انتى عايزه تنتقمى منه
انتقم منه على ايه مافيش سبب يخلينى اعمل كده أصلا ممكن تسأله
نادى الظابط على العسكرى وجاب طه وزينب
دلوقتي انت بتقول إن دكتوره نداء استغلت منصبها وشالت الرحم بتاع مراتك بهدف الاڼتقام صح
ايوه صح يا سياده الباشا
اتكلمت نداء بسخريه وسالته
وهو انت عملت حاجه توصلك لكده
عشان طلقتك انت غيرتى منها
ليه منا اللى طلبت الطلاق منك
انتى بتكدبى ليه انا اللى طلقتك بعد جوازنا باسبوع عشان مابحبكيش وبحبها هى
طيب واتجوزتنى ليه
أمى ضغطت عليا
اسكتوا انتوا انا اللى بسال
يعن ىيا دكتوره فى هدف للاڼتقام اهو انك طلقك
يا حضرة الظابط وانا هعرف منين انهم عملوا حاډثه انهارده وجم المستشفى وهقعد استناهم هل ده منطقى وغير كده انا دلوقتي مخطوبه وخطيبى بره وحضرتك لو شوفته معلش يعنى هتعرف الفرق بين ده وبينه
منك لله انتى حربايه انتى بنفسك قايلالى انك شيلتلها الرحم
وانا هعمل كده ليه اذا كان الطلاق فى مصلحتى
عشان اخدنا شقتك
بس انا محدش خد منى شقق انا شقتى معايا وعايشه فيها
انتى اتجننتى شكلك كده
بصلهم الظابط بعد فهم وزينب بتبص لنداء بشك ثقتها وهدوئها ده اكيد وراه حاجه
بص يا حضرة الظابط احنا ممكن نصعد الموضوع للنيابه انا موافقه وعايزه كمان يتعمل محضر عدم تعرض انا مش ضامنه لو خرجت من هنا ممكن يعمل فيا ايه
بس لو عملنا محضر كلكم هتستنوا لبكره يا دكتوره عشان تتعرضوا على النيابه
انا موافقه بس دلوقتي انت شايف طريقتهم واسلوبهم عشان كده انا مصره على عمل محضر عدم تعرض لأن واضح إن فى محاوله استغلال غير واضحه وانا مش فاهماها
اتكلمت زينب بسرعه
خلاص يا باشا إحنا متنازلين عن كل حاجه والصلح خير
بس انا مصره يا حضرة الظابط وعايزه اعمل محضر واتفضل ادى بطاقتى فيها عنوانى اهو
خلاص
طالما مصره هعمل المحضر وهتتحولوا بكره كلكم على النيابه
وبالفعل الظابط عمل المحضر ووصله للنيابه عشان تحقق فيه
خرجت نداء من غرفه الضابط لاقت سليمان واقف ومعاه محامى وكان دكتور رفيق
وعائشه ونيفين فى انتظارها
خير يا نداء وصلتوا لايه
هنتحول كلنا للنيابة قالتها وهى بتضحك
اتكلم
طيب مانلم الموضوع يا نداء وخلاص احنا مسامحين
وانا مايرضنيش أبدا يا زينب إنكم تسيبوا حقكم
إنتى عايزه توصلى لايه
لما نروح النيابه هتعرفى
طيب مانتى هتتحبسى زيك زينا
وقف سليمان قدامهم واتدخل فى الحديث
لا هى مش زيها زيكم خالص ومش هتدخل الحبس الحبس ده لاشكالكم
وانت مين بقى
وانتى مالك
اتصل سليمان ببعض معارفه اللى سمحوا لنداء انها تبات فى غرفه داخل القسم
نيفين بقلق
نداء الموضوع بقى كبير وبقى قضيه رأى عام
واللى كبره يتحمل نتيجه اللى عمله
قصدك ايه
قصدى انى دخلت فعلا العمليات مع عائشه وفعلا كنت هشيل الرحم لكن عائشه قررت انها تسجل العمليه وهى اللى شالت الرحم بنفسها ومتصور وضع الرحم والحاله اللى كان فيها وخليهم بقى يجروا ورا الطب الشرعى اللى هيثبت إن إحنا انقذنا حياتها من مۏت محقق
طيب ليه ماقولتيش كل ده جوه وخلصنا الموضوع
عشان الطار القديم اللى بينا انا منستوش
طيب والشوشره دى
اصبرى وكل حاجه هتتقلب فى صالحى مش هقدر اتكلم عشان مايسماعوش حاجه ويرتبوا نفسهم سبيهم يتفاجئوا
سليمان طيب انتى لازم تتكلمى مع المحامى هيساعدك
انا فى محامى تانى بتعامل معاه
الوضع صعب دلوقتي واستاذ انيس محاكى عقر انا عارفه من زمان جربى
دخلت نداء غرفه المكتب مع استاذ انيس وبدأت تحكيله كل حاجه من البداية
يعنى دلوقتي انتى فضيتى الشقه من أى اثر ليهم
المفروض اه وجبت كمان حداد عمل باب حديد بس اكيد فى حاجات ناقصه
طيب عنوانك اللى فى البطاقه ده هو عنوان شقتك اللى انتى مضتيهم على بيعها زى ما عملوا
أه
طيب وعنوانهم هما
مش عارفه بس لو غيروا البطاقه اكيد هيحطوا عنوانهم الجديد
وممكن يكون لسه مغيرهاش طيب انا هحاول اعرف من اى عسكرى هنا اخليه يصولى العنوان اللى فى البطايق وقتها الموضوع هيكون فى صالحنا وموضوع العمليه انتى كده خلاص بالتسجيل ده يثبت إن مافيش عليكى أى حاجة
بس فى حاجة تانية
ايه
تعويض انا عايزه تعويض عن سمعتى اللى حاولوا يبوظوها هما والاعلامى فتحى
موضوع التعويضات ده هيطول بس فى حالتك انتى لا لأن كل حاجه كانت على مسمع ومرأى من الجميع عموما انا هكلم المحامى اللى بتتعاملى معاه ونتفق مع بعض تحبى اكمل القضيه
مافيش مشكله وانا هوضحكله اللى تم عشان مايبقاش فى أى حساسيه بعد كده
تمام
اطمنت نيفين وعائشه ودكتور رفيق على وضع نظاء وبعدها مشيوا وقرروا
انهم هيحاولوا يجولها تانى يوم والمحامي اكدلهم إنه قضيتها كسبانه ١٠٠٪ وكويس اللى هى عملته ومشى وقرر إنه هيجلها على النيابه
فضلت نداء قاعده لوحدها فى المكتب وبتفتكر فى كل اللى حصل معاها مين طلع دهب ومين طلع فالصوا وقررت انها مش هتتراجع ولا هتسيب حقها عشان قبل ما حد يأذيها يفكر مليون مره
قطع تفكيرها دخول سليمان عليها ومعاه كيس فى اكل
ايه ده جايبلى عيش وحلاوه هههههههههههه
لا كباب وكفته ومايه وحاجة تشربيها
كل ده ليه لواحدى
منا مش هاكل نفسى ولا هقعد اسقفلك وانتى بتاكلى
طيب
مش همشى غير لما اطمن انك روحتى شقتك واطمنت عليكى
يبقى هتقعد كام يوم بره البيت
يلا تبقى تلكيكه كويسه عشان اقضى معاكى اكتر وقت
انت ليه كده
إزاى
هو فى حد كده دانت اجدع من السقا يا اخى هههههههههههه
مش عارفه جايبه الروقان ده منين
مبسوطه وانا باخد حقى لأول مرة من اللى ظلمونى واتسببوا أنى اتغير انا مهما حكيتلك مش هتحس حرقه قلبى وقتها كانت عامله إزاى المفروض اسعد ايام حياتى بقت كابوس عارف إحساس إن حد يطلعك أهبل يطلعك انك كنت اد ايه سازج وعبيط كل اما افتكر ازاى امنتلهم وصدقتهم احس انى كنت عبيطه عملت كده ازاى مافيش حد عاقل يعمل كده بمضى من غير ماقرا وادى فلوس بدون حساب مش عارفه اعبر لك بس كل اللى هقدر اقولهولك انهم صغرونى فى عين نفسى أوى خلونى احس اني قليله
اقولك على سر انا كنت خلاص بدأت عشان فعلا اشيل الرحم واشمت فيها لكن على اخر لحظه سبت لعائشه بعد ماخلاص كنت حددت مكان الفتح وبدات
عارف ليه وقفت ومكملتش مش عشان خفت من المسئوليه لا
عشان ساعتها فعلا كنت هعمل كده بهدف الاڼتقام وكنت هكره نفسى أنى استغليت مهنتى عشان كده اتراجعت وكده كده هتشيله فاعيشهم فى الوهم عشان يعملوا اللى انا عايزاه واللى هما فعلا عملوه
طيب مانتى ماضتيهم على بيع البيت وحقك رجع فين
وفلوسى اللى اشترا بيهم عربيه واتجوز بيهم ال ٣٠٠ ٠٠٠ الف جنيه
ودول هتاخديهم إزاى
هتعرف بكره انا ھموت وانام بجد المهم هما فين دلوقتي
فى الحجز
لايق عليهم يستاهلوها
طيب كلى ونامى وانا هقعد بره
كل معايا الاول مش انت جايب لينا احنا الاتنين
اكل سليمان مع نداء واتاكد انها لسه من جواها نضيف بس الخزلان اللى اتعرضتله كان كفيل يغيرها للاسوء لكن رغم كده هى اتغيرت للأفضل ولسه جواها طيب ماتغيرش وده اهم حاجه
فى اليوم التالى الصبح بدرى اتحولوا كلهم على النيابه وبدأ التحقيقات وأدت نداء كل الادله اللى تثبت براءتها قصاد النيابه من الفلاشه اللى عليها
العمليه لتقرير طبى بحالتهم وقت دخولهم المستشفى وفعلا كل حاجه كانت سليمه وشهد معاها دكتوره عائشه والممرضات اللى حضروا العمليه واللى كانوا موجودين وقت الحاډثه استمرت التحقيقات لمده تلات ايام وقتها تم حجز طه بتهمه التشهير وخرجت مامته بكفالة وقررت انها تروح لنداء المستشفى تتكلم معاها وتوصل لحل ولكن الاول تروح تغير هدومها
خرجت نداء من النيابه وقررت عمل قضيه ضد فتحى وطه بأنهم حاولوا تشويه صورتها امام الرأي العام واتهامها بالباطل دون وجود أدلة وطلعت بعدها بث مباشر بالاوراق والأدلة اللى تثبت برائتها وادانتهم وكان البث من شقتها القديمه
خرجت زينب من النيابه وراحت لشقتها لقت باب حديد والمفتاح اتغير
سمعت نداء محاولات فتح زينب للباب خرجت لها وفتحت الباب الخشب وسابت الباب الحديد مقفول وكلمتها من وراه
ج
البارت العاشر
خير يا زينب مش عيب تدخلى شقه مش بتاعتك
انتى قلبك قوى بقى هو انتى ناسيه انك مضيتى بيع وشړا
ايه ده أخص عليا هو انا مقولتلكيش معلش نسيت اقولك
اصلكم بغبائكم سبتوا مستشفيات البلد كلها وجيتوا المستشفى اللى بشتغل فيها عشان تتابعوا الحمل وسبحان الله يشاء القدر إن ابنك يعمل حاډثة ويجيى برضوا المستشفى اللى انا بشتغل فيها وسبحان الله يمضى فى وسط ورق دخول المستشفى على ورق بيع الشقه زى ما أنا مامضيت بالظبطت فى وسط ورق القايمه سبحان الله
ما أخذ بالقوة لا يسترد إلا بالقوه وانا بقولك ما أخذ بالخديعه لا يسترد إلا بالخديعه
قلب وش زينب وهرب من الډم بقت واقفه مش عارفه تروح فين وتيجى فين وټلعن داخلها ابنها ورنا هى كتير حذرتهم لكن هما السبب فى اللى وصلولوا اديهم دلوقتي خسروا كل حاجه الشقه والعربيه والفلزس اتصرف حتى الشقه الايجار سابتها وكانت قاعده مع ابنها فى شقه نداء
طيب يا نداء انا ست كبيره أد امك اروح فين دلوقتي وفين هدومى
ماليش دعوه تروحى فين تيجى منين مش مشكلتى وهدومك تحت عارفه اكياس الژبالة اللى فى مدخل العماره دى هدومكم ياريت تاخديها وتمشى عشان مدخل العماره ينضف ودخلت وقفلت الباب فى وشها
وقفت زينب محتاره مش عارفه تعمل ايه ومش معاها أى دليل على بيع الشقه لأن اكيد نداء اخدت الورق اللى عايزاه قبل ما ترمى هدومهم واكيد شافت الورق واخدته وضيعت أى دليل يثبت ملكيتنا اه يا نداء ماطلعتيش سهله
اتصلت زينب بصاحب العماره
مساء الخير يا حاج محمد
وعليكم السلام يا ست زينب خير
بقولك ايه يا حاج انا كنت عايزه ارجع شقتى تانى
شقتك انى دى
اللى كنت مأجراها منك
اه اسمها شقتى اللى اجرتها امال شقه الدكتورة نداء اللى اشترتيها منها زى ماقولتى فين
مارتحتش فيها فرجعتها تانى انت عارف يا حاج محدش بيرتاح مع مرات ابنه عشان كده قولت ارجع الشقه تانى زهما ياخدوا فلوسهم يجبولهم شقه اصغر وكل واحد يعيش لواحده
كان على عينى يا ست زينب بس انا أجرت الشقه خلاص
ازاى الكلام ده يا حاج
يعنى ايه ازاى شقتى وانا حر فيها أكيد مش هركنها يعنى
طيب يا حاج ماعندكش شقه تانيه ايجار
لا معنديش يا ست زينب ربنا يوفقك وتلاقى فى مكان تانى وقفل التليفون معاها
نزلت زينب مش عارفه تروح فين ولا تيجى منين بصت فى الشنط لقت نداء لمت الهدوم بعشوائية ورمتها فى الشنط فضلت تظور لحد مالقت عبايه وطقم غيار ليها خدتهم وراحت المستشفى عند رنا لقت رنا قاعده ومعاها أمها وابوها دخلت رمت السلام وقاعدت جنبهم ومثلت الحزن على رنا
حمد الله على السلامه
يا حبيبتي انا من ساعه ما سمعت الخبر والدمعه مافرقتش عينى حفيدى حبيبي راح فى لحظه كده يلا نصيب وأهم حاجه إنك تقومينا بالسلامة
بصولها الجميع ومحدش علق راحت سابتهم ودخلت المرحاض عشان تغير هدومها وتاخد شاور وخرجت لقتنم بصولها باستغراب
وياترى بقى ابنك فين ست زينب
لسه فى القسم حق رنا هو مش هيسيبه
وياترا بقى هيعمل إيه والدكتورة اللى عملت العمليه وزملتها كل واحدة طلعت على النت وحكت اللى حصل في العمليه وظهروا الورق والتقرير الطبى وانا بنفسى اخدت الورق ووديته لاكتر من دكتور وأكد إن الرحم كان لازم يتشال
سكتت زينب ومش عارفه ترد تقول ايه ولا تدافع عن ابنها إزاى بس من جواها عايزه اهلها يطلبوا الطلاق ويتنازلوا عن حقوقهم لانها شايفه انها مبقتش تنفع ابنها لانها مابتخلفش
فاقت من سرحانها على صوت ام رنا
إلا صحيح يا ست زينب انتى جايه تغيرى هنا
منا كنت مستعجله وعايزه اطمن عليها وجيت على ملا وشى يادوبك شديت اللى جه قدامى عشان الحق اطمن عليها
طيب بقولك ايه الدكتورة كتبتلها خروج دلوقتي فهى وامها هيجوا يقعدوا فى الشقه معاكم كام يوم
قعدت زينب مكانها فده اللى كانت خاېفه منه وقررت انها تقولهم الحقيقة
بصراحه يا حج نداء استغلت الوضع اللى كانت فيه رنا وحزن طه ومضته على ورق بيع الشقه من غير مياخد باله ورمت حاجتنا كلها فى الشارع
يعمى ايه
يعندى كل هدومنا فى مدخل العماره دلوقتي فى كياس وانا مستنيه طه يخرج وندور على شقه نقعد فيها ونفكر بعد كده هنعمل ايه
بصولها كلهم پصدمه وخصوصا رنا
يعنى ايه اللى بتقوليه ده يعنى كل حاجه راحت ابنى والعربيه والشقه والعفش وكل حاجه لا لا مستحيل
اهدى يا بنتى أهدى
محدش يقولى اهدى انا خلاص عايزه اطلق مش عايزه اقعد معاهم ده انا مستحملاكى بالعافيه وبقول
اتكلمت تمها بتهديها
اهدى يا رنا تكلقى تروحى فين وانتى خلاص كده وهما السبب فى
اللى انتى فيه
بصى يا ام طه انتى وابنك السبب فى وضع بنتى واحنا معندناش طلاق مين هيتجوزها وهى شايله الرحم انا هاخد بنتى تقعد عندنا يومين لحد مابنك يخرج من القسم ويجيى ياخدها ولو ده
متابعة القراءة
