دواء الروح
المحتويات
على شقق وهميه
وكان يصر إنه يوديها شقق فى اماكن راقيه حتى يجعلها تصر انها تشترى
وفعلا عجبها اكتر من شقه واختارت واحده منهم
وبعد كده روحوا البيت
ها ايه رأيك
عجبتنى اوى اخر شقه تعالى نخلص فيها
وانا كمان عجبتنى نفس الشقه خلاص نتوكل على الله ونجبها
طيب انا هروح بكره اسحب الفلوس وبعد بكره نروح نخلص فيها ونشوف هيضبط الاقساط على كام سنه
خلاص امين وانا كمان هروح اسحب فلوسى بكره
تانى يوم راحت نداء سحبت الفلوس وشالتها واتحجج طه انه جاله شغل مفاجئ وانه هيروح تانى يوم مر اسبوع الاجازه بحجج من طه وقبل انتهاء الاجازه بيوم راح طه وسحب فلوس ووراها لنداء
ادى الفلوس بتاعتى يا ستى خدى اجازه بكره بقى ونروح نخلص فيها
لا روح انت انا عندى شغل وانا خلاص شوفت الشقه وعجبتنى
خلاص تمام اول ما هخلص هجبلك العقد
تمام بس انا هاجى بليل لأن عندى شغل متاخر انا غيرت نبطشيتى بقيت اشتغل بالنهار وهنا بليل
تمام
فى اليوم التانى نداء راحت الشغل وزينب وضبت الشقه وشالت كل حاجه نداء وحطتها فى شنطه وخلت اللبس اللى لسه نداء مافتحتوش اللى وقت الفرش خلته لجوه الدولاب عشان متاخدش بالها عشان تسيبه لرنا واخدت الحاجه اللى عجبتها وجت مقاسها ليها وقسمت الملايات والفرش وخدت كل اللى عجبها
فى الليل جت نداء من الشغل دخلت الشقه لقت الفرش متغير وحماتها قاعده وقدامها شنطه سفر كبيره
ايه ده
اقعدى اقعدى هتعرفى دلوقتي
فيه ايه
اصبرى
مر نصف ساعه سمعت زفه تحت البيت وبعدها لقت الباب بيفتح ودخل طه وهو شايل رنا وقفت نداء بصتلهم پصدمه ودموع
إيه ده
يتبع
ج
فضلت نداء واقفه شايفه جوزها داخل عليها وشايل واحده تانيه وبيضحك ويهزر معاها وهو شايلها وډخلها على اقرب كرسى ونزلها وبيعاملها كأنها ملكه
فضلت باصه باستغراب ليهم كأنها فى كابوس ومنتظره تصحى منه رجعت بصت تانى لحماتها لقتها زقتها وراحت ناحيه ابنها تباركله كل ده وهى وافقه مش مستوعبه اللى بيحصل ده بجد ولا هى هتصحى من الکابوس ده دلوقتي
مبروك الف الف مبروك يا حبايبى
ماما هى البتاعه دى بتعمل هنا ايه قالها وهو بيشاور على نداء
ولا حاجه يا حبيبي هى هتاخد شنطه هدومها وهتمشى دلوقتي
وراحت مسكت الشنطه اللى جهزتها وحطيتها فى ايد نداء
انتى متنحه ليه كده يلا مع السلامه
فاقت نداء من سرحانها
انتى بتكلمينى انا وبيت مين اللى اخرج منه ومين دى اصلا قالتها وهى بتشاور على رنا
دى رنا عروسه ابنى وانهارده جوازهم وانتى خلاص جوزك طلقك عشان مش ماليه عينه يلا مع السلامه
انتى بتقولى ايه دى شقتى وده جوزى صح يا طه ولسه هتقرب منه راح زاققها
اوعى تقربى منى انا مصدقت خلصت منك ورقه طلاقك هتوصلك المستشفى كمان اسبوع
انت بتقول ايه ظه مقلب صح
لا دى حقيقه فوقى بقى مع نفسك بعدين ولا هوينا احنا عرايس وعايزين نبدأ حياتنا بقى
انت بتقول ايه ده بيتى انا حسبي الله ونعم الوكيل فيكوا اطلعوا بره بره
احترمى نفسك بدل ما اجي وأمد ايدى عليكى
انت اټجننت ده بيتى اطلعوا بره امشوا اطلعوا بره
كانت بتقولها بحرقه ودموع وهى مش مصدقه ده جوزها اللى امنتله على نفسها دى الست الطيبه اللى اعتبرتها فى مقام امها قربت منها زينب ومسكتها من طرحتها
بقولك ايه يا بت انتى شايفه الورقه دى ده عقد بيع وشړا وانتى ماضيه عليه بنفسك تحبى افكرك امته وانتى وبتمضى على القايمه
كان فيها ورق بيع للشقه دة وانتى مضيتى عليه
دى سرقه وڼصب
كان بمزاجك يا حلوه انتى اللى اول مارمينالك لقمه جريتى عليها محدش ضړبك على ايدك
انتوا ازاى كده طيب والفلوس اللى اخدتها مني عشان الشقه كل ده كدب
ماخدتش منك حاجه روحى شوفى اديتيهم لمين يلا مع السلامه
لا مش همشى ده بيتى اطلعوا بره ده بيتى يا حراميه
قامت رنا وقربت منها
هو اننى مابتفهميش ولسه بتجادلى ليه انا هريحك واجبلك من الاخر يمكن تفهمى
انا وطه بنحب بعض من سنتين ومكناش عارفين نتجوز ازاى وانتى عايشه لواحدك محدش بيبصلك وعندك كل حاجه ليه ايه المشكلة لما تسيبلنا الشقه نتجوز فيها عشان كده عملنا الفيلم ده كله عشان ناخد الشقه والفلوس نتجوز بيهم فهمتى اعتبريها صدقه منك
اوعى تكونى فكرتى إنك بشكلك ده حد ممكن يبصلك أصلا انتى عارفه طه كان
بيعصر على نفسه كام لمونه عشان يبصلك أصلا نصيحه منى اطلعى بهدوء بدون مشاكل بدل ماوقتها تطلعى بفضيحه ونشوف بقى جوزك طلقك بعد اسبوع من جوازك ليه
منكم لله منكم لله طيب انا اروح فين انا ماليش مكان تانى غير ده
مش مشكلتنا اتصرفى روحى باتى فى الشارع فى المستشفى فى أى داهيه
وقفت نداء ټعيط مش عارفه تروح فين عمرها ما تخيلت لحظه إن يحصل فيها كده هى عمرها مأذت حد عشان يتعمل فيها كده
قربت مره تانيه من طه ومسكت ايده
طه اه مسمحاك بس عشان خاطرى ماتعملش فيه كده انا حبيتك وامنتك بلاش تخونى انت كده بتكسرنى
متأثرش طه بكلامها وشدها من طرحتها وطردها بره الشقه وبعدين فتح الباب ورمى شنطتها وراها
فضلت واقفه بتبص للباب وبتعيط مش عارفه تعمل ايه او تروح فين
للدرجة دى كانت ساذجة عاشت عمرها كله تحوش فلوس عشان تتسند عليها لما تكبر وفى الاخر كل حاجه تروح لغيرها يتمتع بيها
فضلت ماشيه فى الشارع بټعيط مش عارفه تروح فين ولمين كل حاجه راحت منها مش معاها فى المحفظه غير مبلغ بسيط ولو راحت المستشفى بالشكل ده كل اللى شغالين مش هيبطلوا كلام عنها
مسكت التليفون واتصلت بنيفين صاحبتها
ردت عليها نيفين
الو
نيفين الحقيقى
نداء مالك حصلك حاجه فى حاجة
خدوا منى كل حاجه الشقه والفلوس ورمونى فى الشارع
إنتى فين دلوقتي انا جيالك حالا
انا فى الشارع عند
طيب خليكى مكانك مسافة الطريق وهكون عندك
لبست نيفين اوام وراحت لنداء لقتها قاعده فى الشارع بټعيط وجمبها شنطه هدوم اخدتها وراحوا للبيت عندها وصلوا شقه نيفين
بصى يا حبيبتى ادخلى خدى شاور وغيرى هدومك على ماعملك حاجه تشربيها وماتقلقيش انتى عارفه ان محمود مسافر اسبوعين يعنى هتبقى على راحتك والولاد بايتين عند ماما
دخلت نداء غيرت هدومها و نيفين كانت جهزتلها لمون عشان يهدى من اعصابها
احكيلى بقى حصل ايه
ضحكوا عليا مضونى على بيع الشقه من غير ما اعرف وخدوا كل فلوسى وكا حاجه حتى العفش
طيب القايمه فين مش انتى مضيتى عليها
مكنتش قايمه وانا مخدتهاش اصلا كل ده فيلم كان معمول عليا
فضلت نداء تحكى اللى حصل معاها لنيفين وهى بټعيط وحاولت نيفين تهديها لكن معرفتش وبعد فتره نامت نداء مكانها من العياط فضلت نادين نبصلها بقله حيله
فى مكان تانى خارجه مصر كان سليم قاعد مع اخوه وبيتكلموا مع دكتور المانى بيوضح لهم خطوره العمليه ونسب نجاحها
استاذ سليم الورم فى دماغ حضرتك بيكبر ومش هنقدر نعمل عمليه غير لما تخضع لعلاج اشعاعى وكيماوى الأول لازم نحجم الورم قبل البدء فى اى شئ تانى
طيب يا دكتور العلاج دخ اقدر اعمله فى مصر وأتابع معاكم النتائج
مافيش مشكله هكتبلك العلاج وتقدر كل فتره تبعتلى ايميل فيه صور الاشاعه
كان سليمان بيتابع كلام الدكتور
سليمان طيب يا دكتور لو العلاج تم هنا
أكيد طبعا
خلاص يا سليم نكمل العلاج هنا
سليمان انت وعدتنى انك هتسلبى القرار ولو ضغط عليا هرفض العلاج
قاطعهم الطبيب
استاذ سليمان لو التزمنا بالعلاج وسرعنا من البدء هنقدر وقتها نسيطر على المړض وهيكون فى تحسن كبير
خلاص يا دكتور يبقى بإذن الله هنسافر فى اقرب كياره وهبدا العلاج عن ازنك
خرج سليم وسليمان من عند الدكتور وحاول سليمان إقناع سليم برأيه فى العلاج لكن سليم كان مصر على العلاج فى مصر
تانى يوم راحت نداء المستشفى لكن بشخصيه مختلفه قابلت دكتور رفيق وحكتله كل اللى حصل معاها واتعاطف معاها رفيق وعرض انه يساعدها لكن هى رفضت رفض قاطع أى مساعده من أى حد فيهم
قررت تبيع الدبله والخاتم اللى فى ايديها والحلق وتأجر شقه مؤقتا تقعد فيها لحد ماتظبط امورها هى قررت ماتعتمدش على حد وتساعد نفسها وتخرج من القوقعه اللى كانت حابسه نفسها فيها وقررت انها تغير شخصيتها وبعد كده تشوف طه وامه لكن قبل ماتخوض الحړب دى فى حرب أكبر لازم تخوضها مع نفسها
ياترى نداء هتنجح وهل الشخصية الجديدة هتكون افضل ولا هتكون بدون مشاعر بارده
ونخمن كده مين البطل الرئيسى سليم وسليمان
البارت الرابع
دواء الروح
ج
الخامس
فضلت نداء قافله على نفسها كل يوم تروح شقتها القديمه مره قبل الشيفت ومره بعده وبتشوف جوزها وهو بيستمتع بالفلوس اللى اخدها منها بدون رضاها وهو بيصرفها على مراته الجديدة وازاى السعادة ظاهره على ملامحه عكس لما كان متجوزها كان كلامه قليل ودايما بيتحجج بأشغال عشان يخرج ويسبها لوحدها
مر اسبوع على ذلك الحال إلى ان لاحظ طه وقوفها وراح لها ووقف قدامها وهو بيتكلم بشماته
ايه اللى جابك هنا انتى نسيتى إنه مبقاش بيتك ولا ايه ولا يمكن وحشتك وجايه تشوفينى من بعيد
بصتله نداء بثقه لأول مره تظهر في عيونها
لا مانستش وجيت هنا عشان عشان افضل فاكره اسمع بقى منى الكلمتين دول
انت وامك خاينين واخدتونى على خوانه بس معلش كنت محتاجه القلم ده عشان افوق لنفسى بس وهد منى ورحمه امى يا طه لهرد حقى مره تانيه بزيادة ورحمه امى وابويا لهرجع حقى وهندمكم على اللى عملتوه
سابته ومشيت وبص فى طيفها بقلق ورجع طلع لمامته مره تانيه وحكالها كل كلام نداء ضحكت زينب بسخرية
دى بتخوفك يا عبيط مش هتقدر تعمل حاجه لو كانت هتعمل كانت عملت
عندك حق يا حماتى هى الغيره بس وكلاها سيبك منها خالص ومش هتقدر تعمل حاجه ومافيش أى إثبات اننا ضحكنا عليها
عندكم حق عموما انا رايح شغلى ولو حصل حاجه كلمونى فورا
فى مستشفى ال بدأ سليم بأخذ جرعات الكيماوى والاشعاع وكان سليمان دايما بيرافقه اغلب الوقت
سليمان بقولك ايه انا شعرى بدأ يقع ومش عايز ماما تلاحظ
هى لازم تعرف أجلا ام عاجلا
عارف بس هتفضل حزينه وقت طويل وده هيأثر على قلبها
وانت ماينفعش تقعد لواحدك أنسى كفايه أنى مهاودك لحد دلوقتي فى كل حاجة وده مش طبعى
معلش اخوك بيدلع عليك
ماشى يا سيدى سماح المره دى
بص يا سليمان انا هشوف ممرض هيرافقنى الفتره الجايه لحد ما اخد قرار العمليه وبعدها مش هخبى عليها حاجه ووفى الوقت ده هقولها أنى مسافر شغل وانت كل يوم عدى عليا وعشان اسهلها عليك هاجر شقه قريبه منكم
ماشى يا سليم وماتقلقش على الشركه جبت كام ثفقه هينقلونا فى حته تانيه
يا ابنى انا واثق فيك مش اخويا
مر شهر على تلك الأحداث خلال الفترة دى كانت اغلب الوقت نداء بتبات فى المستشفى بتحضر عمليات كتير وتاخد نبطشيات كتير طول الوقت بتشغل فديوهات لاكبر واصعب العمليات كانت بتحاول تعوض الخساره الماديه وفى نفس الوقت تلهى نفسها و بتحاول تغير من نفسها الاوا قبل ماتفكر تاخد اى خطوه لازم تتغير من الداخل قبل الخارج
اشتركت فى جيم اشترت ملابس كتيره جدا تناسب جسمها وبقت تروح لأكبر بيوتى سنتى وتهتم ببشرتها خلال الشهر قدرت انها تغير من شكلها ١
لكن مابطلتش تروح لبيتها القديم كانت كل اسبوع تروح تقف تحت البيت وتمشى
فى
صباح يوم كانت نظاء بتابع عمليه على تليفونها جت ليها الممرضه وطلبت وبلغتها إن فى حاله طوارئ ودكتور رفيق طالبها هى ونيفين معاه فى العمليات حالا
لبست نظاء زى العمليات هى ونيفين ودخلوا غرفه العمليات
بدأت نداء الحديث عن الحاله
خير يا دكتور ايه وضع المړيض
المړيض ده يبقى المذيع المشهور مصطفى عبد الوهاب كان ماشى وكان فى عربيه نقل عليها حديد ماشيه قدامه الحديد فك وخبط عربيته قدروا ينقذوا بس للأسف دراعه زى مانتى شايفه محتاجه بتر
اقتربت نداء من المړيض والاشاعه فى ايدها بتقرا كويس حاله المړيض وبتقارنها وبتتاكد من المؤشرات الحيوية لجسمه
دكتور رفيق إحنا ممكن ننقذ الدراع لو بدأنا حالا قبل ما تمۏت
تانى يا نداء هنرجع لعواطفنا تانى
الموضوع مافيهوش عواطف أولا المؤشرات الحيوية كلها كويسه والدم بيتحرك لسه متخصرش لو استنينا هيتخصر ووقتها الدراع هتبدا ټموت
وغير كده لو تمت بشكل سليم يا دكتور اسمنا هيسمع جامد
بصت نيفين لنظاء اللى بدأت بالفعل فى العمليه ودكتور ورفيق واقف بياخد القرار
خلاص يا دكتور واضح إن نظاء عارفه بتعمل ايه ولو خرج من العمليات ندخله العنايه ٤ ساعه لو حصل مضاعفات نعمل بتر
تمام توكلنا على الله
بدأت نداء فى العمليه بكل برود وكان كل تركيزها على الاورده والاوتار انها تعيد ربطها مره تانيه وقف قلب المړيض فى العمليه وحصل لغبطه فى المؤشرات الحيويه لكن نداء قدرت تكمل وتجاهلت كل ده ورجع وضع المړيض طبيعى مره اخرى وبعد حوالى ٧ ساعات انتهت العمليه
بعد انتهاء العمليه بصلها دكتور رفيق ونيفين بإنبهار فهى فعلا قدرت تفصل عواطفها ومتوترتش لحظه واحده لما اتغيرت مؤشرات المړيض فضلت ثابته مكانها وكملتوشغلها
رفيق مش عارف أقولك ايه يا نداء اننى ابهرتينى بجد بحيكى
نيفين نظاء انا فخوره بيكى بجد اللى حصل جوه ده معجزه انتى عارفه كده انتى ممكن يتعملك معاكى بعدها لقاءات صحفيه
ابتسمت نداء بتكلف
انا تلميذتك يا دكتور رفيق كل الحكايه إن الموضوع كان محتاج مجازفه قلت لو خاطرنا ورجعناها يبقى قدرنا نعمل معجزه مقدرناش هنرجع للخطه الرئيسيه بتاعتنا البتر
طيب المړيض هيفوق كمان ٣ ساعات وكل الناس موجوده لازم تبقى حاضره عشان توضحى اللى تم فى العملية الكل بره فاكر إن تم بتر وفى صحافه والدنيا بايظه
تمام يا دكتور هدخل ارتاح شويه يكون المړيض فاق واطمنا على حالته عشان لما اطلع التقرير يبقى كل حاجه تمام
دخلت نداء ونيفين غرفه الأطباء ليرتاحوا من العمليه
برافو عليكي يا نداء مكنتش مصدقه إنك ممكن تتغيرى بالشكل ده بس انا خاېفه عليكى
من ايه
مش عارفه افهمك إزاى بس حساكى مابقتيش ندتء خاسه انك طول الوقت بتخطتى لحاجة انا عايزاكى تنسى الماضى وتبدأى من جديد
صعب صعب يا نيفين انسى اللى حصلى ورميتى فى الشارع صعب انسى انهم خدوا منى كل حاجه حتى
هدومى وبيتى
وفلوسى انا لو اخر يوم فى عمرى مش هسيب حقى
خرجت بعد كده عقد من جيبها
شايفه العقد ده مش هرتاح غير لما تمضى عليه وترجعلى حقى تانى
وانتى عارفه هى مضتك لمين فيهم هى ولا ابنها
ابنها لما ورتنى العقد لقيت البيع والشړا باسم ابنها
انا خاېفه عملوا حاجه فيكى
لا انا بجهزلهم
بدأ المړيض يفوق وراحت نداء ونيفين مع دكتور رفيق عشان يطمنوا عليه
بدأ دكتور رفيق فى الكلام
ازيك يا استاذ فتحى عامل ايه دلوقتي
حاسس بدوخه وزغلله
ده بسبب تأثير البنج
دراعى اتشال يا دكتور صح
تحدث رفيق وفتح المجال لنداء
دكتوره نداء اللى عملتلك العملية وهى انسب واحده تشرح حالتك
بدأت نداء فى الكلام والتوضيح
استاذ فتحى انا دكتوره نداء حضرتك لما جيت كانت فعلا الدراع كامل شبه مقطوع بس احنا رجعناه تانى مكانه انا ومعايا دكتور رفيق ودكتوره نيفين والعمليه عمليا نجحت وحضرتك هتنتظر معانا ٤ ساعه تحت الملاحظه لو مافيش أعراض جانبية وقتها ايدك هترجع زى ما كانت
الحمد لله شكرا اوى يا دكتوره بجد مش عارف اشكركم إزاى
مافيش شكر بينا انا هبعت التقرير لحضرتك كمان شويه تحب نطمن المتابعين والصحافة
اه بس بلاش تفاصيل انا لما اخرج هعمل معاكى لقاء اعلامى ونتكلم اكتر
تمام زى ماتحب عن اذن حضرتك اسيبك ترتاح
خرجت دكتوره نداء برفقه دكتوره نفين وظل وذهب دكتور رفيق لمتابعه حالات اخرى اثناء ذهاب دكتوره نداء لغرفتها خبطت فى مريض وبعدها سقط المړيض مغشى عليه
نادت نداء على احد الممرضين وطلبت منهم يجبلوها ملف الحاله الخاص بيه
وفضلت معاه فى الاوضه محاوله اسعافه بدأت تقرا نظاء الملف وتشخص حاله وانتظرت لحد ما فاق
استاذ سليم
اه انا مين حضرتك وايه اللى حصل
أنا دكتوره نظاء دكتوره جراحه عامه حضرتك خبط فيا وبعدها اغمى عليك وانا شفت الملف بتاعك واتطلعت على الحاله
ممكن اعرف حضرتك ليه معملتش عمليه لإزالة الورم
سافرت بره مصر والدكتور قال صعب تتعنل لازم نحجم الورم اكتر
بس حضرتك محتاج تعمل عمليه فورا عشان الورم هيضغط على عصب العين وهيسبب عمى وممكن فقدان زاكره لو كبر اكتر من كده
حضرتك بتقولى ايه انا باخد كيماوى واشعاع وقالوا صعب العمليه
انا دكتوره جراحه وعارفه انا بقول ايه حضرتك محتاج العمليه فورا هل فى واصى على حالتك اقدر اكلمه
سيبينى افكر وارد عليكى
مافيش وقت حاله الاغماء اللى اتكررت الفتره الاخيره معاك مؤشر خطړ
ياترى رده ايه وهل سليمان هيوافق او هل سليم هيبلغ سليمان بالعمليه
البارت الخامس
ج
البارت السادس
مافيش وقت حضرتك لازم تاخد القرار وتمضى على ورقة دخول العمليات او الواصى على حضرك
فضل سليم يفكر هل العمليه هتفيده وهل لو ډخلها هيخرج منها أصلا دكاترة المانيا قالوا خطړ والدكتوره دى بتقول إن فى خطوره لو مدخلهاش يمكن لو نجحت اخف وارتاح من الۏجع ولو مانجحتش يبقى خلاص معادى جه
اخد أخيرا القرار إنه هيمضى عليها
هاتى الورقة يا دكتوره انا همضيها هندخل امته العمليات
طيب لو حصل حاجه لاقدر الله جوه واحتاجنا امضت واصى نبلغ مين
انا همضى على كل حاجه
هكلم دكتور رفيق واقوله حالتك بس باذن الله هتدخلها انهارده وهبعتلك الممرضه بباقى الورق تمضى عليه
إنتى اللى هتعمليها
أه
تمام يا دكتوره أنا واثق فيكى
حضرتك ممكن تنتظر فى الاوضه بتاعتك وانا هرجع كمان شويه
اخدت نداء الملف ودخلت مكتب دكتور رفيق
تعالى يا نداء خير شكلك فى حاجة
بص يا دكتور الحاله دى ورم ضاغط على الأماكن دى فى المخ وحاليا هو بياخد كيماوى واشعاع لو اتعمل عمليه ده هيكون افضل
بس الورم محمل على الخلف صعب لازم يتحجم
لو انتظرنا هيفقد النظر وممكن الذاكره كمان
ولو اتعملت العمليه فيها مخاطره
بس لو اتسحب من الخلف من الجزء ده واشارت على جزء محدد
هيخرج كله كتله واحده
انا لسه شايفه فديو لعمليه مقاربه لدى والدكتور كان بيقول كل اما نبدر بإزاله الورم بيكون افضل وكل حجم ليه زاويه يخرج منها
طيب كلمتى المړيض
كلمته ومضى على الورق كمان فاضل نحضر غرفه العمليات
تمام خليهم يحضروا بس فى حد من اهله هيكون مسئول
لا هو مضى على كل حاجه وعلى الاحتمالات اللى ممكن تحصل جوه العمليات
تمام انا هكلم غرفه العمليات يحضروها وخلى الممرضين يجهزوا للعمليات وبرضوا لازم يبلغوا اهله محدش يعرف يحصل ايه
تمام هبلغهم يتصلوا بحد من أهله
دخل سليم غرفه العمليات وبدأت نداء بالعمليه وكان متابعها دكتور رفيق وانضمت ليهم دكتوره نيفين بعد كده
وبدأت نداء فى فتح الدماغ وسحب الورم ظلت العمليه ما يقارب ال خمس ساعات
فى الاستقبال جه سليمان وكان متعصب جدا ومامته جت معاه وهى مش فاهمه حاجه
دخل سليمان لمدير المستشفى وبدأ في الخناق وحاول كل الموجودين تهدئته ولكن بلا فايده
اتكلمت هناء والده سليمان بتحاول تهديه عشان تعرف الموضوع
اهدى يا سليمان انا عايزه افهم فى ايه
يا ماما جيتى ورايا ليه بس
شفتك نازل متعصب ماكنش ينفع اسيبك وسليم ماله انا بقالى فتره قلبى وكلنى عليه
سليم عنده ورم فى المخ والمفروض انه بياخد كيماوى لحد ما يحجمه الورم وبعدين يتعمل عمليه ويتشال وده كلام الدكتور الالمانى لكن مره واحده لقيت حد بيكلمنى وبيقولولى اخوك دخل العمليات
حست هناء بدوخه شديده وۏجع فى قلبها
ابنى بقى كل ده يحصله وانا بعيدة
وانههارت بعدها فى البكاء
يا ماما اهدى بإذن الله هيطلع بالسلامة ادعيله انتى
بدأت مدير المستشفى يتكلم معاهم
استاذ سليمان
ممكن تهدى أولا اللى بيعمله العمليه من أكبر دكاتره فى المستشفى والورق اهو اخوك ماضى وعلى علم بكل التفاصيل يعنى اللى حضرتك بتعمله ده شوشره على الفاضى امضه اخوك تغنى عن أى حاجة تانيه
والدكاتره اللى معاه مش قليلين برضو
ممكن حضرتك تهدى وتستنى لما يخرج من العمليات ووقتها هتعرف كل شئ وهو بإذن الله يقولك ليه اخد القرار ده
قعد سليمان امام غرفه العمليات بيحاول يهدى مامته اللى مسكت المصحف وطول الوقت تقرا فيه
اثناء انتظار سليمان خروج اخوه من العمليات شاف الممرضه المسئوله عن اخوه قرب منها واتكلم معاها
مش انتى الممرضه اللى بتابعى حاله سليم
اه
انا عايز اعرف حصل ايه وليه دخل العمليات بسرعه كده
دكتوره نداء كانت ماشيه وشافت اخو حضرتك اغمى عليه وهو ماشى فى الممر طلبت الملف بتاعه وقريته وبعدها اتكلمت معاه وقالتله انه محتاج عمليه فى اقرب وقت ولو معملهاش هيكون فى خطوره عليه
وهو وافق على طول كده
اه بعدها بساعه كان فى العمليات وعموما هما خلاص خارجين دلوقتي
فى غرفه العمليات
دكتور رفيق انا كده خلاص سحبت الورم كله
هتقدرى تكملى
ممكن نيفين تقفل وتخيط
تمام العمليه كانت صعبه وانتى ركزتى فيها كتير اكيد محتاجه ترتاحى
تحدث دكتور رفيق
خلاص يا نداء دكتوره نيفين هتكمل واحنا هنخرج دلوقتي عشان اكيد اهل المړيض عرفوا وقلقانين عليه
خرجت نداء وجمبها دكتور رفيق
شافها سليمان وراحلها وملامحه كلها ڠضب وهناء راحت عشان تطمن على ابنها
انتى دكتوره نداء
اه فى حاجة
عايز اعرف انتى دكتوره اورام
لا انا جراحه طيب لما انتى مش دكتوره اورام مالك ومال سليم اخويا كل الدكاتره قالوا انه ماينفعش يدخل عمليات بأى حق تاخدى القرار
بصتله نداء وكلمته بعصبيه وصوت أعلى من صوته
أنا دكتوره جراحه مش بياعه بطاطا واللى عملته ده عشان صحه
اتكلمت هناء وهى مڼهاره من العياط ووضعها بقى صعب
طيب طمنينا يا دكتوره واضعه ايه ارجوكى طمنينى
اطمنى العمليه نجحت وضعه افضل وقدرنا نشيل الورم بالكامل شويه وهيخرج ويدخل العنايه المركزه
شكرا يا دكتوره شك
ومكملتش الجمله ووقعت
لحقها سليمان وقربت منها نداء ودكتور رفيق
نداء ده اشتباه فى جلطه لازم نلحقها حالا
اخدوا والده سليم ودخلوا بيها غرفه الطوارئ وبعدها دخلوا بيها غرفه العمليات لتسليك الشريان
كان واقف سليمان مصډوم اخوه ومامته فى نفس اليوم كانوا ممكن يروحوا منه
وقف ساند ضهره على الحيطه وهو شارد
فى غرفه العمليات
مش مكتوبلك الراحة النهارده يا نداء
واضح إن حد باصصلى فى اليوم انا بعد العمليه دى هاخدها نوم لحد بكره
بس دى خفيفه ممكن تخرجى وأنا اكملها
خلاص قربنا نخلص
انتهو من العمليه وأثناء خروجهم لقوا سليمان فى انتظارهم بدأ دكتور
رفيق بالكلام
اطمن لحقنا والدتك وهى هتبقى احسن من الأول كمان هننقلها غرفه العنايه مع اخوك ولما يفوقوا تقدر تدخلهم
انت المفروض تشكر دكتوره نداء لانها عملت مع اخوك اللى مش أى حد يعمله ومن غيرها كان وضعه هيبقى اصعب
صمت سليمان وراح لكافتريا المستشفى يشرب فنجان قهوة فاليوم كان مليان ضغوطات عليه
مر يومين وفاق المذيع وراحت نداء ومعاها دكتور رفيق عشان يتابعوا الحاله
ها يا بطل دراعك عامل ايه انهارده
الحمد لله بقدر احركه بس خفيف كده
معلش اول ما الورم يروح هتقدر تحركه ومع الوقت والعلاج الفزيائى هيرجع زى الاول
الحمد لله يا رب انا مش عارف اشكركم ازاى انتى بجد دكتوره موهوبه انا اتكلمت مع معد البرنامج وبإذن الله اول مانزل الشغل هيكون اول لقاء معاكى
معافى بإذن الله يا استاذ فتحى
نظر لها فتحى بإعجاب فهى دكتوره شاطره ومتمكنه من عملها وفى نفس الوقت جميله ومحافظه على رشاقتها ازاى بتجيب وقت تهتم بنفسها وفى نفس الوقت تبقى شاطره كده فى شغلها
كانت فى عينه فتاه احلامه ونظرات الاعجاب واضحه ليها ودكتور رفيق لاحظ تلك النظرات
لكنه قرر عدم التدخل فمن الواضح أن جرحها القديم لم يندمل
فى الجهه الأخرى عند زينب كانت قاعده مع رنا
صحيح يا رنا جبتى اختبار الحمل
اه يا حماتى
طيب قومى اعمليه كده يمكن تكونى حامل وتفرحينا قومى قومى طه زمانه جاى
حاضر ادعيلى اكون حامل
دخلت رنا عملت الاختبار وطلعت فعلا حامل وخرجت جرى لحماتها
الحقى الحقى انا حامل
بجد ألف ألف مبروك وفضلت تزغرط ووصل طه على صوت الزغاريد
خير سامع صوت الزغاريط من تحت
مبروك يا طه مراتك حامل
ايه ده بجد يعنى انا هبقى أب
اه
وعرفتوا إزاى
لسه رنا عامله الاختبار وطلعت حامل
قرب طه من رنا بفرحه وشالها ولف بيها الف الف مبروك يا حبيبتي إحنا لازم نروح للدكتوره نطمن
اه انا هدور على دكتوره كويسه واتابع معاها بس انا بفكر اتابع فى مستشفى
بصتلها حماتها بقرف
واشمعنى المستشفى دى ما المستشفيات كتير
انتى مش بتشوفى الفيديوهات اللى المرضى بيصوروها وحالتهم كانت ازاى وبقت ازاى واخرها المذيع فتحى شوفتى كان رايح دراعه مقطوعه ركبوهاله وبقت زى الاول فى مستشفى زى دى الواحد يبقى ضامن انه هيولد ويقوم بالسلامة ومطمن على نفسه
لا يا رنا المستشفى دى بالذات لا بلاش نشد ديل القطه ابعدى عنها عشان ماتخربشكيش ماحدش يعرف ممكن تعمل ايه وسكوتها ده اصلا مخوفنى
بقولك ايه يا حماتى انا هتابع فى المستشفى دى يعنى هتابع فيها انا مش
اقل من حد وبعدين ابنك ضايفنى فى التامين بتاعه وهى تبع التامين يعنى مش هتكلفنا حاجه
وافرضى نداء شافتك والغيره شعللت فيها اكتر من الاول
حتى لو شافتنى هى مش عبيطه عشان تخاطر بمستقبلها الطبى وانت يا طه قولى رايك ايه
ياترى طه هيوافق
وياترا وضع سليم هيبقى ايه وهل سليمان هيعتذر
منها ولا هياخد منها موقف
ج
البارت السابع
بقولك ايه انا هتابع فى المستشفى دى يعنى هتابع فيها ولا انت خاېف على مشاعر مراتك عشان كده مش عايزنا نروح هناك
الموضوع مالوش علاقه بمشاعر إحنا بنحاول نبعد عنها انتى شايفاها بتكبر إزاى وممكن تحطنا فى دماغها
بقولك ايه اجبهالك على بلاطه لو كانت تقدر تعمل حاجه كانت عملتها من زمان من الاخر كده لو متابعتش فى المستشفى دى هروح أنزل العيل قرر وقولى
اتكلمت زينب بعصبية
انتى مجنونه يابت انتى ولا ايه طيب جربى أعملى كده وشوفى هعمل فيكى ايه
انتى بتهددينى بقى وبعدين انا وجوزى بنتكلم انتى داخله فى الكلام بينا ليه
نعم يا ختى لولايا انا مكنتوش اتجوزتوا ولا شوفتوا ريحه جواز
فى المقابل منا راضية ومستحمله وجودك معانا يبقى واحده بواحده وانت يا طه مالكش كلمه
خلاص اسكتوا بقى الله
روحى تابعى هناك بس ماتجيش جنبها انتى فاهمه وعارفه أقصد ايه
لا ماتقلقش ماليش دعوه بيها
بقى كده بتمشى كلامها يا طه حاضر
فى اليوم التالى قررت نداء المرور على المرضى للاطمئنان على صحتهم
وهى فى طريقها ليه قابلت سليمان اللى بصلها بتجاهل وهى بالمقابل تجاهلته
دخلت غرفه العنايه وحدت سليم فاق
ازيك يا استاذ سليم انهارده
انا اللى المفروض اسألك أخبار العمليه ايه
الحمد لله الورم كله اتشال ومش هتجيلك حاله الاغماء دى تانى وهنبعت التقرير لدكتور الاورام عشان يشوف هيعمل معاك ايه
ممكن تاخد جرعتين تانى عشان نضمن إن الورم خلاص انتى للأبد
بجد يا دكتوره مش عارف اقولك ايه وريحتينى اد ايه
انا عملت وجبى
ربنا يباركلك طيب حد من أهلى عرف
اه اخوك ووالدك هو جه امبارح وعمل مشكله كبيره ومامتك تعبت بس الحمد لله حالتها أفضل دلوقتي
طيب اقدر اشوفها
لو فضلت حالتك مستقره كده لاخر اليوم هننقلك غرفه عاديه وتقعد معاهم زى مانت عايز
طيب على الأقل اقابل سليمان اطمنه عليا
انا أسفه مش هقدر ادخل حد هنا
يا دكتوره هما خمس دقايق بس مش اكتر وعد
تمام خمس دقايق بس والممرض هيخرجه
اخبر الممرض إن اخوه طلب يشوفه وافق
دخل سليمان وظاهر على وجهه الزعل
سليمان أنا عارف إنك زعلان
طيب ليه عملت كده كنت بتفكر فى ايه لما تدخل عمليه من غير ماتبلغنى كنت بتغامر بنفسك
لا الدكتورة كانت واثقه من كلامها وكان منطقى وانا فعلا كنت تعبان وخلاص مكنش فارق معايا أعيش سليم او اموت وارتاح
طيب وانا وأمك
كنتوا هتتعبوا شويه وهتتأثروا بس خلاص دى سنه الحياه
طيب كنت بلغنى عرفنى انت عارف احساسى كان ايه وهما بيقولولى إن اخوك دخل العمليه وانا وقتها عمال أفكر ايه اللى حصلك عشان يخلوهم يدخلوك العميلة
انا مكنتش عايزهم يعرفوك أصلا
كمان
خلاص بقى
اللى فات فات إحنا ولاد دلوقتي وانا الحمد لله قمت بالسلامة والورم اتشال مش هتفرحلى
ابتسم سليمان وقرب من اخوه وضحكله
بس ايه رأيك فى الدكتوره
قولك كده بقى دخلت العمليات عشان الدكتوره هى حلوه بس وشها يقطع الخميره من البيت عليها تبريقه
هى جد أوى بصراحه ودى ميزه مش عيب ولا انت واخد على
تعبت واتعملها قسطره بس هى دلوقتي كويسه جدا سبتها نايمه والدكتورة قالت ممكن تخرج لما تفوق
الحمد لله
مر يومين وخرج فتحى من المستشفى وبعدها بعت لدكتورة نداء بوكيه كبير من الورد ووصلتهولها احدى الممرضات ووقتها كانت نداء قاعده فى غرفة الأطباء مع نيفين
اتفضلى يا
متابعة القراءة
