دواء الروح
رواية دواء الروح
ج
ماما انتى بتقولى إيه عايزانى اتجوز مين نداء اكيد بتهزرى ملاقتيش غير دى عشان تجوزهالى دى مافيهاش حاجه عدله لا جسم ولا شكل ولا إسم ولا حاجه ولابسه نضاره واكله وشها وفوق ده كله انتى عارفه انى بحب بنت تانيه ووعدتها أنى هتجوزها
عشان تعرف إنك خايب وبتبص تحت رجلك
عارف أشمعنى البنت دى اللى مصممه انى اجوزهالك وهجوزهالك ڠصب عنك
لا
البت ابوها ماټ من شهرين لا ليها أب ولا ام ولا خال ولا عم مقطوعه من شجرة عمرنا ماسمعنا حاجه عنهم وفوق كده الشقه اللى قاعده فيها ابوها كتبها باسمها عشان يأمن مستقبلها غير انها دكتوره يعنى مرتبها كويس وبتاخد فلوس من كل عمليه بص من الاخر كده يعنى البت يتيمه ومعاها شقه وفلوس واحنا يا حسره قاعدين فى شقه إيجار معاش أبوك كله بنحطه فيها وفوق كده الراجل عايز يزود الإيجار تانى
طيب وانا مالى بده كله وحتى لو انا وافقت على كلامك اعمل ايه مع رنا اللى واقف حالها معايا بقالى سنتين دى اعمل معاها ايه قوليلى
هقولك مالك واللى هتعمله ده هيخليك تتجوز فى ظرف ٦ شهور ولما تحكى لرنا هتساعدك وتفرح كمان
إزاى بقى
بص يا خايب البت دى انا قربت منها بعد ۏفاة أبوها وعرفت منها حاجات كتير وفضلت اكلمها عنك ياما وحسيت كده من كلامها إنها معجبه بيه
وانتى قولتلها عنى إيه
قولتلها انك شغال محاسب كبير فى شركه سياحه
بس انا مش كده انا موظف حجز
وهى ليها حد يدور وراك وبعدين اللى يشوفك يقول إنك صاحب شركه السياحه مش بس محاسب
طيب برضو مقولتليش لما اتنيل ارتبط بيها أنا هكسب ايه
تمضيها على بيع الشقه انا هتصرف يوم كتب الكتاب واحطه فى الورق اللى هتمضى عليه وبعدين انت واحده واحده كده تعيش عليها دور الرومانسيه وتاخد كل فلوسها
واعملها إزاى دى بقى
هقولك فى وقتها وبكره هتدعيلى المهم دلوقتي انت انزل هات أى حاجة من تحت وانا هنادي عليها تقعد معايا شويه بحجه انها تقيسلى الضغط وانت تيجى تقعد معانا وأنا هقوم أعمل شاى او أى حاجة واسيبكم تتكلموا مع بعض وانت بقى عايزاك تجلفها تطلعها سابع سما انت فاهم يا طه
ماشى لما نشوف اخرتها بس لو محلصش اللى قولتى عليه وقتها هيكونلى كلام تانى
أسمع كلامى وانت تكسب يا طه
حاضر يا امو طه انا نازل
هتنزل كده
منا بنزل كده إيه الجديد
هنعيده تاتى انا بقولك خلى البت ټموت فيك اهتم بنفسك خش البس حاجه شيك كده وظبط نفسك قبل قابلها
حاضر
دخل طه ولبس و اتشيك وحط برفان ونزل يشترى شويه طلبات وقامت زينب اتصلت على نداء عشان تجلها وتبدأ في تنفيذ خطتها
فى بيت هادى كانت نداء قاعده لحدها بتتفرج على برنامج طبى على الفيس بوك وهى مركز فى البرنامج تليفونها رن وكانت زينب جارتها ردت عليها بود فمن وقت مۏت ابوها وعلى طول زينب بتزورها ومش بتسيبها غير وقت نبطشيتها مكنتش بتضايق زينب منها ابدا بالعكس كانت شايفها ست طيبه وبتقف جمبها فى محنتها وصراحه زينب كانت محترفه فى تمثيل دور الأم بجدارة
ردت عائشه على التليفون
سلام عليكم ازيك يا طنط عامله ايه
انا تعبانه أوى يا عايشه حاسه إن ضغطى واطى وطه خرج ونسى التليفون وانا نفسي تقل كده
طيب افتحى الباب أنا
جيالك حالا
لبست نداء الاسدال وراحت لشقه زينب ومعاها جهاز الضغط فتحتىها زينب وهى بتمثل الدوخه وقاستلها عائشه الضغط وجدته طبيعى
الضغط الحمد لله طبيعى يا طنط
منا كلت مخلل كتير عشان ارفعه بس لسه مزغلله برضو
ألف سلامة عليكى يا طنط كويس انك كالتى حاجه حادقه طيب تحبى اعملك حاجه تكليها او اساعدك بحاجة
لا يا حبيبتى تسلميلى يارب انا زمانه جاى وهو بيساعدنى فى كل حاجه اصله حنين عليه أوى
ربنا يخليهولك يارب تحبى اعملك حاجه طيب قبل مامشى
لا خليكى معايا شويه انتى فاضلك ٤ ساعات لسه صح
عشان ترتاحى بس
وجودك جمبى راحه
وهما بيتكلموا خبط طه على الباب واستاذن ودخل ومثل إنه تفاجئ بوجود عائشه
معاكى حد
تعالى يا طه متتكسفش دى عائشه انت عارفها انا كلمتك عنها كتير
أه أهلا ازيك يا نداء ماما بتحبك ازى ودايما بتتكلم عنك بالخير كانت بتتمنى تجيب بنت زيك
لا يا طه انا بطلت اتمنى هى خلاص بقت بنتى
حست عائشه بمشاعر حلوه وسطهم وفرحه حست إن فعلا ربنا عوضها عن عيلتها
كملت زينب كلام
جبتلنا ايه معاك انا عارف مابتدخش عليا ايدك فاضيه
جبتلك بسبوسه اللى بتحبيها
طيب خليكوا قاعدين على ما اروح احطلنا حتتين فى طبق واعملنا كوبايتين شاى
طيب خليكى انتى يا ماما واعمل أنا
والنبى اقعد هو انت شايك ده يتشرب
دخلت زينب المطبخ عشان تدى مجال لابنها يحاول يتقرب من عائشه
عند طه بدأ فى الكلام
ازيك يا دكتوره عامله ايه
بخير الحمدلله
صحيح انتى دكتوره ايه
انا دكتوره جراحه
بجد ما شاء الله انا بشتعل محاسب فى شركة
دى شركه كبيره ما شاء الله
شغلك صعب طبعا يا دكتوره
هو اه صعب بس انا بحبه آمال مامتك أتأخرت ممكن يكون تعبت
لا لا هى دخلت التواليت بس
تمام ممكن تستعجلها عشان متاخرش
ايه ده انتى ذهقتى منى انا اسف مقصدش
لا والله أبدا بص مايصحش
حاضر يا ستى هدخل اناديها
دخل طه ونادى مامته اللى جت باطباق البسبوسه والشاى واكلت معاهم نداء وبعد كده مشيت عشان تروح المستشفى
نظاء دكتوره جراحه بتشتغل في مستشفى خاص بشرتها باهته وبها بواقى حبوب جسمها لا لا تخين ولا رفيع متناسق لكن بتلبس اشياء لا تناسبها بتعطيها حجم زيادة
دخلت نداء المستشفى وبعظين راحت عشان تبدل هدومها وراحت الاستقبال عشان تستعلم عن الحالات الجديدة
صباح الخير يا دكتوره نداء
صباح الخير يا منى الحاله رقم والحالة رقم عاملين ايه
حالتهم اتحسنت ودكتور رفيق كتبلهم خروج
طيب كويس فى جديد
اه دكتور وفيق سأل عليكى هو فى اجتماع فى مكتبه دلوقتي وقدامه نص ساعه ويخلص الاجتماع ادخليله بعدها
تمام هعدى على حالات المرضى وبعدين اروحله هى دكتوره نيفين جت
أه جت فى غرفه الأطباء
مرت نداء سريعا للاطمئنان على المرضى وبعدها راحت غرفه الأطباء ووحدت نيفين تعمل على ملف لحاله عندها
ايه يا نوفا مركزه اوى كده فى ايه
المړيض ده الورم انتشر فى جسمه والمفروض إنه كان داخل عمليه
بس كده العمليه مش هتفيده ماينفعش يدخل لازم الاول ياخد كيماوى واشعاع يحجموا الورم عشان نقدر نشيله
يعنى ابعته للجنه اورام صح كده
اه ده انسب حل
عندك حق شكلك فى حاجة عايزه تقوليها قولى
فاكره جارتى اللى كلمتك عنها زينب
اه اللى قولتلك انا مش مرتاحلها
لا دى طيبه جدا هى وابنها بس انا حاسه
بحاجه غريبه كده تجاه
سابت نيفين الملف من اديها وبصت لنداء بتركيز
ماله ابنها
اسمه طه مش عارفه بحسه بيحاول يقرب منى يفتح معايا كلام حتى انهارده مامته سابتنا لوحدنا عشان نتكلم ودخلت بحجه انهت تجيبلنا بسبوسه كان شكلها باين اوى
وانتى عملتى ايه
ولا حاجه كلمته شويه وطلبته يناظى مامته عشان مايصحش نقعد لوحدنا
برافو إنك عملتى كده حرصى منهم يا نداء
ماتقلقيش عليه
مش قلقانه عليكى بس نفسى تسمعى كلامى تعالى نخرج نروح مركز تجميل اشتركى
أنا اتعودت على كده صعب اغير طبعى مش بابا كان محافظ أوى ودايما يقولى حافظى على فلوسك بلاش ترمى فلوسك فى شويه هلاهيل عارفه يا نوفا بقيت اتكسف اروح مراكز التجميل زى أى بنت حتى اللبس معنديش ذوق فيه بجيب من النت وللاسف مش بيكون شبهه الحقيقة
انا معاكى يا نداء هساعدك بس انتى اخرجى بره الدايره اللى ابوكى حاطك فيها
حاولت حاولت مش عارفه جربت لقتنى خاېفه مقدرتش لما اجى اصرف فلوس بشوف بابا قدامى دايما وصدى صوته فى ودانى دايما انا عندى فلوس يا نوفا ورثى من بابا ومرتبى وكل حاجه متشاله مش عارفه اصرف ولا استمتع بيهم بقيت احسن إن اللبس والميكب وكل الحاجات دى مش من حقى كماليات بس
ربنا يهديكى يمكن اللى جاى يغيرك يا نداء بس انتى محتاجه تتغيرى
هحاول انا هروح دلوقتي لدكتور رفيق عشان كان طالبنى
تمام روحى وانا هروح ابلغ المړيض وعيلته إن ماينفعش عمليه
راحت نداء لدكتور رفيق المكتب ودخلتها السكرتيره بمجرد وصولها
دكتور رفيق حضرتك طلبتنى
اهلا بك يا دكتورة نداء اتفضلي كنت عايز أشكرك على عمليه اللى عملتيها لمريض غرفه ٣٠١ بصراحه عديتى كل التوقعات
العفو يا دكتور ده واجبي بس في حاجة كنت عايزة أبلغ حضرتك بيها حالة المړيض اللي كنا بنتابعها دلوقتي اللي حضرتك طلبت إجراء عملية عاجلة ليها
أيوه في حاجة حصلت
للأسف بعد ما عملنا كل الفحوصات اللازمة اتضح إن حالة المړيضة مش مستقرة زي ما كنا متوقعين في مضاعفات كتير ممكن تحصل لو أجرينا العملية دلوقتي والمخاطرة كبيرة جدا
انا برضه فكرت فى كده قلبها مش هيستحنل العمليه لازم تمشي على ادويه تساعد في تقوية القلب الاول
نداء للأسف ده الحل الأنسب في الوقت الحالي هى لسه خارجه من عمليه اسطره محتاجين ندي للمريضة فرصة إنها تستعيد قوتها قبل أي تدخل جراحي
أنا شايف إنك على حق ده قرار صعب بس هو الأفضل للمريضة في النهاية
بالظبط أنا هروح دلوقتي أبلغ أهل المړيضة بالقرار
تمام وبلغينى بأي جديد
خرجت نداء من مكتب الدكتور رفيق وهي تشعر بالأسف الشديد على حالت المريضه ذهبت إلى غرفة المړيضة وأخبرت عائلتها بالقرار
ابنها بس يا دكتورة احنا كنا متأملين في العملية دي جدا وانتوا قولتوا انها هتتعمل فى أقرب وقت
أنا آسفة جدا بس ده في مصلحة المړيضة لو عملنا العملية دلوقتي ممكن تحصل مضاعفات خطېرة وممكن القلب يقف مننا
الابن طب هنعمل إيه دلوقتي
هنبدأ علاج جديد للمريضة وهنعمل لها متابعة دورية وزي ما قلتلكم هنأجل العملية لحد ما حالتها تستقر تماما ويفضل لو جبتلها ممرضه تقيم معاها هيبقى عندها خبره اكتر
ماشي يا دكتورة هنعمل كل اللي حضرتك بتقوليه ينفع حضرتك تيجى البيت تتابعيها بنفسك
اكيد بإذن الله انا هظيك رقمى ولو فى أى
حاجة كلمنى فى أى وقت انا هكتبلك دلوقتي على خروج
كتبتله نداء تصريح خروج وكتبتله رشته بالعلاج
تمام يا دكتوره شكرا
خرجت نداء من غرفة المړيضة وهي تشعر بحمل ثقيل على قلبها قررت أن تبذل قصارى جهدها لمساعدة المړيضة على التعافي
طوال الوقت كانت نداء بتمر على المرضى وتباشر حالتهم بنفسها الى ان انتهى اليوم
روحت نداء بيتها وهى طالعه السلم قابلت طه قدامها
نداء صباح الخير
صباح النور
انتى لسه راجعه
أه
شكلك مرهق جدا
طبيعى الشغل بيكون كتير عن اذنك
استنى
خير هى طنط زينب كويسه
بصراحه يا نداء انا كنت عايز اكلمك فى موضوع ضرورى ينفع نقعد نتكلم شويه فى مكان
أنا اسفه مش بخرج مع حد غريب بس ممكن
اديك رقمى وتكلمنى
طيب هاتيه وانا هكلمك وانا رايح الشغل دلوقتي
اتفضل
اديته ندار رقم التليفون واتصل بيها طه
ج
اتصل طه بنداء وبدأ أول خطوة فى رمى شباكه
السلام عليكم
وعليكم السلام ازيك يا دكتوره نداء ده رقمى انا طه
أهلا وسهلا يا استاذ طه
بصراحه من غير لف ودوران انا معجب بيكى وبتفكيرك انتى انسانه جاده مش سطحيه زى اغلب البنات التانيه اللى بتدور على المظهر ومضيعين كل فلوسهم على اللبس والخروجات شايفك انسانه طموحه متعلمه لما اكلمها فى موضوع هتفهمنى
مش اكون بكلمها ازاى نبنى مستقبلنا وهى تكلمنى فى هنصيف فين السنه دى
طيب هى مامتك عارفه بالكلام ده
أه طبعا وفرحت جظا بس خاېفه إنك ترفضى ويكون فى حساسيه فى التعامل بينا من ناحيتك طبعا
مش عارفه أقولك بصراحه يا أستاذ طه انت فاجئتنى وانا معرفش عنك حاجة
أولا طه من غير استاذ ثانيا إحنا جيران من سنين عمرك سمعتى عنى حاجه وحشه أو انى بتاع بنات مثلا
ثالثا يا ستى أنا ممكن اديكى عنوان شغلى تسألى عنى براحتك
حست نداء بطمئنان من حديث طه وخصوصا الثقه اللى بيتكلم بيها هما فعلا جيران وحدش اتكلم عليهم قبل كده واكيد لو سمعته وحشه فى الشغل مش هيدينى العنوان
طيب يا طه انا محتاجه افكر الاول واستخير ربنا انا اتفاجئت من كلامك ومش هقدر أرد عليك دلوقتي
معلكى وقتك واتأكدى انى هكون أسعد واحد لو وافقتى
تمام انا هقفل دلوقتي عشان ارتاح والحق انام شويه
تمام مع السلامه
قفلت نداء الهاتف مع طه وفضلت تفكر فيه وف طريقه كلامه وأثناء تفكيرها غلبها سلطان النوم صحيت على صوت جرس الباب كان زينب جارتها جايلها ومعاها طبق محشى وفراخ فتحت نداء الباب واستقبلتها
دخلت زينب وقعدت على اقرب كرسى قابلها
بصى انهارده عملت محشى قولت والله مهاكل منه غير لما ااكلك معايا إنتى عارفه المحشي بياخد وقت فى عمايله ومش بنعمله غير كل فين وفين
الف هنا يا طنط شكرا أوى
وانتى يا حبيبتي بقى بتعملى الأكل امته ولا عايشه ازاى
اغلب الايام باكل فى المستشفى هما بيجهزولنا وجبات ويوم اجازتى بعمل كام صنف كده واحطه فى التلاجه واطلعه على التسخين
ما شاء الله ست بيت شاطره
شكرا يا طنط
انا مش هتقل عليكى بقى وهسيبك براحتك عشان تلحقى نبطشيتك وأى اكله نفسك تكليها قوليلى وانا اعملهالك على الأقل تاكلى اكل بيتى ومغذي بدل اكل العيانين اللى بتكليه كل يوم ده اتفقنا انتى عارفه انا بعتبرك بنتى
حبيبتي يا طنط كتر خيرك بلاش تتعبى نفسك انا اتعودت على اكل المستشفى
لا مش انا زى ماما وبعتبرك بنتى اى حاجه نفسك فيها قوليلى عليها وانا هعملها فورا انا مش عايزاكى تحسى انك لواحدك لا عايزاكى تعتبرينا عيلتك وماتتكسفيش مننا
حبيبتي يا طنط حاضر تسلمي يارب
يلا اسيبك بقى تتغدى وتجهزى نفسك للشغل
خرجت زينب وتركت نداء محتاره بتفكر توافق على طه وتعتبرهم اهلها وعيلتها دايما تسمع إن الحما مش بتحب مرات ابنها لكن زينب يا بخت اللى هتبقى مرات ابنها
طه شاب وسيم بيهتم بلبسه ومظهره الف بنت تتمناه ليه لا
قررت انها هتصلى استخاره وتدى نفسها فرصه تقرب منه
قامت غيرتك هدومها ولبست وراحت المستسفى قابلت دكتور وفيق قدامها
ازيك يا دكتوره نداء كنت لسه هبعتلك حضرى نفسك فى حاله طوارئ هنعملها عمليه دلوقتي
حاضر يا دكتور عشر دقايق اغير هدومى واحصلك على غرفه العمليات
جهزت نداء نفسها وقامت بالتعقيم ودخلت غرفه العمليات كانت لبنت صغيره ودراعها مفصول عن جسدها ويلزمه بتر
دكتور رفيق بلاش بتر نرجعه تانى
مش هينفع لو عملنا
طيب ازاى هتعيش كده
عادى فى ناس كتير عايشه اكتر من كده بتتكيف يا نداء على الوضع اهم حاجه نحافظ على حياتها
طيب نجرب
بصلها رفيق بعصبيه
نداء انتى جراحه ودى تانى مره تدخلى عواطفك فى الموضوع الجراحة مافيهاش عواطف لو مش هتقدرى تتعاملى مع كل الحالات وتلغى عواطف هتبقى دكتوره فاشله وانا بتنبئلك إنك تبقى دكتوره ناجحة هتعملى البتر ولا اعمله انا
اعمله حضرك
اكمل دكتور رفيق العمليه وساعدته نداء وظلوا بضع ساعات فى الداخل
خرجت نداء من العمليات وتوجهت لغرفه الأطباء لاخذ قسط من الراحة قابله نيفين فى الغرفه
ايه ده خصلتى شغل
من بدرى انتوا اللى بقالكم كتير فى العمليات
البنت صغيره اوى وللاسف عملنالها بتر لاديها
المهم انها عايشه الحمد لله
أه وضعها مستقر
ماتقلقيش وبطلى تتعاملى بعواطفك شغلى عقلك حتى لو مش عاجبك قراره
هحاول المره الجايه
انا واثقه انك هتقدرى انتى دكتوره شاطره يا نداء وطول فتره الدراسه بتطلعى من الاوائل افصلى مشاعرك وانتى هتبقى اشطر دكتوره جراحه فى مصر والعالم كمان
حاضر يا ستى بس اسمعى بقى الجديد
خير قولى يا ستى
فاكره طه اللى كلمتك عنه امبارح
ماله
كلمنى وعايز يرتبط بيا
نعم بالسرعه دى
سرعه ايه احنا جيران من زمان بس عارفه اللى طمنى ايه انه قالى فكرى براحتك واسالى عليا وهديكى عنوان شغلى لو حابه تسألى عنى هناك
معنى كده انه يا حويط اوى يا ملتزم اوى وانا اشك بصراحه فى حته إنه ملتزم دى
يا نوفا احنا بقالنا كتير جيران وعمرى ما سمعت عنه حاجه وحشه
طيب انتى قررتى ايه
هصلى استخاره وربنا يسهل وهرد عليه كمان يومين لس بصراحه بينى وبينك انا موافقه عارفه يا نوفا مامته دى ملاك ملاك نازل من السما بتجهز اكل وتبعتهولى بتقولى كان نفسى فى بنت وربنا عوضني بيكى بصراحه انا بحبها
وهى طيبه مش زى الحموات التانيه
عموما يا حبيبتي ربنا يوفقك للى فى الخير وانا جمبك فى اى حاجه
حبيبتي يا نوجا
طيب ايه رايك ننزل نعمل تنضيف بشره وتجيبى لبس جديد كده تقابيله بيه لما يجيى يتقدملك
يا نوفا اللى عايزنى يقبلنى زى مانا وبعدين انا طول الوقت لابسه لبس المستشفى مالهاش لازمه اصرف فلوسى على حاجات تافهه انا داخله على جواز ومحتاجة كل قرش
هزت نيفين راسها بقله حيله
براحتك بس صدقينى هتندمى
لا بالعكس انا بحسبها بالورقه والقلم مش عايزه لما أكبر احتاج لحد
انتى دكتوره يا نداء دكتوره ليكى مرتب وتامين وكل حاجه خاېفه من ايه
الوحدة يا نوفا الوحدة أو أن حد يطمع فيا
ربنا يبعتلك الزوج الصالح يارب طيب جربتة تكلمى حد من عيله باباكى
لا خاېفه هما مكنوش متقبلين ماما تفتكرى ممكن يتقبلونى خلينى بعيد أحسن مش عايزاهم يعرفونى ربنا مايحوجنىى ليهم
مر اسبوع حاول طه التقرب من نداء والضغط عليها من جهه والدته من ارسال طعام وحلويات وغيره اخيرا قررت نداء إنها توافق على طه وقررت انها ترميله طعم لو وافق على اقتراحها هترفضه وتقطع علاقتها بيهم ولو رفض وقتها هتوافق عليه وتكمل الجواز للاخر
عند زينب كانت سابقه خطوه فى تفكيرها على نداء كانت قاعده بتتكلم مع طه
شكل نداء وافقت يا طه
شكلها بخيل اوى ومش هتعرف نخرج منها بمصلحه
عشان كده ركز غى كلامى نداء انت قولتلها ظروفك وقررتوا بدل ماتقعدوا فى شقه تيجار هتقعدوا فى شقتها صح
اه صح
البت دى هتعرض عليك فلوس
حلو اخدها ونخلع بقى
حمار ارفض وارفض رفض قاطع وبعد الجواز هقولك تاخد كل فلوسها ازاى بس لازم تخليها تأمنلك الاول
ماتقلقيش انا باخد بالى معاها فى الكلام اوى بقولك ايه رنا بترن هرد عليها
ماشى روح يا اخويا حب فيها شويه
اصلها حلوه أوى بنضف عينى لما بشوفها بعد ما بشوف الغوله اللى فوق دى نفسى يجيى اليوم اللى اتجوزها واشوف نظرات الدكتوره اللى اسمها محتاج حد ينادى عليها بيه معرفش مسمينها نداء ليه بينادوا على مين بس
دخل اوضته واتصل برنا مره تانيه
حبيبه قلبى وحشتينى اوى اوى اوى
وانت كمان يا حبيبي هقابلك امته
الوقت اللى انتى عايزاه
خلاص بكره خلص شغل وعدى عليا نخرج سوا اتفقنا شف بقى هتفسحنى فين
عيونى حاضر
عامل ايه مع البومه دى
اكلت الطعم وقالت كمان هههههههههههه
انا نفسى اشوف منظرها لما تاخد كل فلوسها وتطردها من الشقه وهى عامله فيها ناصحه وفاهمه كل حاجه
دى بخيله جلده مبتصرفش جنيه تخيلى حتى الاكل بتاكل فى المستشفى
احسن خليها تحوش كل فلوسها واحنا ناخدها منها على الجاهز كده سيبها تحوشلنا
عندك حق
فضلوا يتكلموا فتره وقفل معاها وبعدين شاف رقم نداء بيرن رد عليها
ازيك يا نداء عامله ايه
بخير يا طه كنت عايزه اقولك يعنى انى وافقت على طلبك بس عايزه اقعد معاك انت ومامتك الاول
اكيد طبعا تحت امرك تحبى نجيلك الساعه ٧
تمام هستناكوا
خرج طه وبلغ مامته وطلعوا لشقه نداء اللى تقريبا زينب حفظت كل سنتى فيها بعنيها
انا فرحت اوى يا نداء لما كلمتى طه وقولتيله انك موافقه عليه
بصى يا طنط انا بعتبرك فى مقام امى ومش هخبى عليكى عيله اهلى انا معرفش عنهم حاجه من زمان عشان كده مش هيبقوا موجودين
زادت فرحه زينب هى كانت خاېفه يطلعلها اهل وعيله يشاركوها
يا نداء يا حبيبتي انتى اللى تهمينا احنا بقالنا كام سنه جيران بصراحه اخلاقك الكل يشهدلها وده اللى انا عايزاه انما اهلك هعمل بيهم ايه
تمام احنا هنقعد هنا فى الشقه زى ما وضحت بدل مانجيب ايجار وكده
تحدث طه
انا قبلت بس بشرط هدفعلك الايجار كل شهر
خلاص طالما انت وافقت ايه رايك اديك فلوس واعتبرها سلف ونجدد العفش كله ونوضبها
انتى بتقولى ايه اكيد بتهزرى طبعا انا استحاله اعمل كده والفرش اللى هجيبه هيكون على اد امكانياتى
محڼا هنكون واحد وهيبقى بيتنا
لا ده بيتك حتى لو كان البيت ده انا اللى جايبه برضوا هيبقى بيتك انتى نداء انتى شيفانى قليل عشان تقولى كده فلوسك دى انا ازودهالك مش اقللهالك
ابتسمت نادين فهو نجح فى أول اختبار
مرت الايام والشهور وكانت نداء بتجهز نفسها اشترت فرش جديد للشقه وملابس ليها وكانت بتعتمد على حماتها انها تجبلها
قرر طه انه يخلى رنا هى اللى تختار كل حاجه على زوقها وبعدين يروح يشترى اللى رنا بتختاره وكانت امه بتساعدهم
ياترى ايه اللى منتظر نداء
ج
عارف يا طه انا عايزه اشوف شكل نداء وهى فاكره نفسها عروسه بجد وانا اللى اختارت كل حاجه من اول الهدوم اللى امك بقت حريصه انها تيجى على مقاسى لحد العفش اللى اختارناه سوا وهى زى الهبله فاكره نفسها ال ايه عروسه وبتختار وبتدفع نفسى اشوف شكلها لما تعرف الحقيقة وأنها عروسه على متفرج
دى بخيله بخل انا مبطقش ابص فى وشها يا رنا ادينا هنتجوز على قفاها ببلاش وهناخد شقتها المفروض إن ماما انهارده هتمضيها على بيع البيت بتاعها
هتعمل كده ازاى
معرفش ادينا هنشوف
بقولك ايه يوم فرحكم عارف لو قربت منها هعمل فيك ايه ههد كل حاجه على دماغك
لا متقلقيش عامل حسابى مين دى اللى اقرب منها بلا قرف
وهو
بقولك ايه يا طه انا رايحه
لنداء انهارده وهمضيها على الشقه عايزاك تتصل بيها كل شويه بأى حجه متخليهاش تركز اول ما ارنلك تبدأ ترن عليها انت فاهم
ليه
اعمل اللى بقولك عليه
حاضر
دخلت زينب عند نداء وقعدت معاها
بصى يا نداء الحق حق يا بنتى صح
صح خير حصل حاجه
مش معنى إن ابوكى متوفى ومقعدناش مع حد من عيلتك اننا ناكل حقك
حصل ايه لكل ده
انتى يا بنتى ناسيه ان فى قايمه
انا بثق فيكوا ومسلماكوا حياتى اللى اهم من شويه عفش
لا برضو الحق حق انا كتبتلك كل حاجه جت وانتى سبتيلى فلوسها عشان استلمها حتى البيجامات انا كتباها خذي اقرى مسكت نداء الورق ولقت إن زينب كاتبه كل حاجه حتى الاطباق البلاستيك
بصى دول ٤ ورقات هتمضى عليهم وطه كمان وهنجيب شهود يمضوا عليها ده حقك يا بنتى
يا طنط كده كتير اوى كنتى اكتفيتى بالاساسيات
عايزه تراجعى الورق خدى
ورنت على طه اللى شتت انتباه نداء لما رن على تليفونها اكتر من مره
يلا يا حبيبتي امضى عشان الحق ادخل واعملكم اكل الفرح وواضح ان طه عايزك فى موضوع مهم
قرأت نداء اول ورقتين ومكملتش ومضت على بقيت الورق بعد ما نداء مضت فضلت زينب تزغرد فرحانه انها أخيرا نفذت اول خطتها
اسيبك بقى تجهزى عشان المستشفى ومتنسيش تاخدى اجازه الاسبوع الجاى ماشى
حاضر ماتقلقيش
فى مكان تانى فى احد الأحياء الراقية كانوا قاعدين منتظرين نتيجه التحاليل تتبعتلهم على الايميل
سليمان وسليم اخوات تؤام غير متطابق
كانوا منتظرين نتيجه التحليل اللى تخص سليم
بدأ سليمان يتكلم ويطمن سليم
سليم ماتقلقش انا حاسس ان النتيجة هتكون سلبيه
بالعكس بقى انا عارف ومتأكد انها ايجابيه وإن هيكون فى ورم فى المخ
حتى لو هتسافر وتتعالج بره
مالوش لازمه انا راضى بكل اللى يجيبه ربنا انا وانت عارفين اللى فيها وشوفنا بابا
الله يرحمه لما جاله ومقدرناش ننقذه
يابنى بلاش تتشائم الطب اتطور كتير عن الأول وانا مش هسيبك يا سليم
وهما بيتكلموا جت رساله على تليفون سليمان فتحها وقرا النتيجه بصمت
مش قولتلك أنا عارف
متقولش كده انت فاهم انا هبعتها لاكبر مستشفيات المانيا وهتتعالج حتى لو هنبيع كل اللى نملكه
لا اوعى تكمل كده احنا مصدقنا فتحنا المكتب وبقى يشتغل
اللى اتبنى نقدر نبنى غيره لكن انت مش هتتعوض
نعرضها ونشوف كلام الدكاتره وبناءا عليهم هحدد بس عايزك فى كل الأحوال تحترم قرارى يا سليمان انت فاهم
حاضر بس انا متفائل وعارف إنك هتخف
بتمنى ده
وصلت نداء المستشفى ووصلت لمكتب دكتور رفيق وخبطت على الباب ودخلت
أهلا اهلا دكتوره نداء اتفضلى
شكرا يا دكتور بصراحه كنت عايزه حضرتك فى طلبين
خير قولى
اول حاجه انا خلاص فرحى الأسبوع الجاى فكنت عايزة اجازه أسبوع
تانى طلب انت عارف ظروفى وكده وكنت عايزاك تبقى وكيلى فى الفرح
بس كده عينى طبعا هاجى انا والمدام وعايزك لو احتاجتى أى حاجة ماتتردديش لحظه واطلبها منى
شكرا يا دكتور عن أذنك
خرجت نداء وراحت لغرفه الأطباء وفضلت تتابع شغلها لحد ما نيفين وصلت
أهلا بالعروسه منوره
ازيك يا نوفا عامله ايه
وشك منور انهارده
خلاص فرحى الاسبوع الجاى واخدت اسبوع اجازه من دكتور رفيق
ربنا يوفقك يارب ويتمملك على خير
بقولك بقى كنت عايزه احجز كوافير وكده وننزل نشترى فستان للفرح
بس كده بسيطه يا ستى انهارده بعد النبطشيه ننزل سوا
اتفقنا
بس طمنينى طه وامه عاملين معاكى ايه
كويسين اوى تصدقى إن مامته اصرت انها تكتب قايمه ولما قريتها لقتها كاتبه كل حاجه حتى الاطباق البلاستيك
بجد
اه طبعا وانا عملتله تيست وعرضت عليه فلوس عشان اساعده رفض رفض قاطع ومش بس كده قالى انه هيدينى إيجار الشقه
ربنا يهديهملك كده دايما طمنتينى عليكى
مر باقى اليوم وبعدها خرجت نداء مع نيفين وراحوا حجزوا فى مركز تجميل متوسط الحال وقامت نداء بتأجير فستان زفاف من احدى المحلات
انا مش مصدقه انك نزلتى زى البنات جبتى لبسك بنفسك دايما بتدى حماتك الفلوس وهى تجيبلك
منا بجيب اونلاين وهى بتستلمهم
يابنتى برضو لما تنزلى تشترى بيكون ليه طعم تانى وبتجيبى الحاجه اللى بتناسب جسمك
بفكر اعمل كده بعدين
انا دلوقتي بقى عايزه اروح محتاجه انام انام من التعب
تمام يا نداء مع السلامه اشوفك بكره ولول احتاجتى حاجه قوليلى
مر اسبوع ونداء ادت طه وزينب المفتاح وطه أخد اجازه وفرش البيت كله على ذوقه والفرش القديم كله باعوا وجابوا جديد وغيروا الشقه اصبحت شقه تانيه واستغل طه وجود نداء فى المستشفى وجاب رنا ڤرجها على الشقه هى واهلها وبدأت رنا
تفرش على ذوقها هى وتقيس بيجامات نداء اللى اصرت تجبهم مقاسها هى
وحدد طه معاد فرحه على رنا بعد اسبوع من جوازه بنداء عشان وقتها يكون عرف إنه ياخد باقى فلوسها ويصرف منها على فرحه برنا وشهر عسلهم
جه يوم الزفاف وراحت نداء الكوافير ومعاها نيفين وراح بليل طه عشان ياخد العروسه كما هو متعارف
كانت نداء عروسه عاديه حاولت مسئوله التجميل تدارى بعض عيوب بشره نداء لكنها معرفتش فستنها كان حلو بس مش مميز كان فستان زفاف عادى
شافها طه وحاول رسم ابتسامه على وشه بالكاد ظهرت وجت مامته من وراه وفضلت تزغرط
الف مبروك يا عروسه مبروك يا حبيبي ربنا يتمم بخير
خرجوا من مركز التجميل الى منزل زينب اللى تم فيه كتب الكتاب وكان رفيق وكيلها زى ما طلبت لكن لم يرتاح رفيق او نيفين لطه ومامته
تم كتب الكتاب وانتهى الفرح وذهب الجميع لبيته
فضل طه ونداء ومامت طه
ها يا عريس انهارده فرحك استنى اجبلكم حاجه تشربوها قبل ما تدخلوا شقتكم
دخلت زينب المطبخ وجابت العصير وحطت منوم لنداء وربع برشامه هلاوس
شربت نداء العصير واخدها طه وډخلها اوضتها وراح لمامته
ها حطيتى البرشام
اه وخد دى رش نقطتين كأنهم ډم عشان تفتكر إنك عملت معاها حاجه
هاتى انا أصلا مش هطيق المسها
دخل طه ونفذ خطته هو ومامته
تانى يوم صحيت نداء ومكنتش فاكره حاجه غير طشاش
الف مبروك يا عروسه صباحيه مباركه
الله يبارك فيك هو حصل ايه
لا اللى حصل مايتقلش تحبى نعيده وغمزلها
اتكلمت نداء بكسوف لا لا احنا الصبح بعدين بعدين وقامت دخلت المرحاض وبدلت ملابسها ودخل شك جواها من ليله امبارح لكن كل حاجه حواليها بتأكد اللى حصل
خرجت من المرحاض وحضرت الفطور وفضلوا يتكلموا وبدأ طه يكلمها عن المستقبل
وتخطيتهم
عارفه يا نداء انا بفكر اشترى شقه تانيه فى مكان تانى تليق بينا
بعد كل المصاريف دى
محڼا ممكن نجيب شقه قسط ونأجرها وعلى ماتخلص نكون قعدنا هنا بتاع خمس سنين مثلا وبعدها ننقل هناك بس نجيبها حاجه كبيره تلاته غرف وصاله مثلا ايه رأيك انا قبل ماتجوز واحد من صحابى عرض عليا الموضوع ده وانا كنت هنفذ لكن اجلته لبعد الجواز انتى عارفه المصاريف كانت بتطلع من تحت الأرض
طيب فكره حلوه اوى انا معايا مقدم حلو
وانا كمان خلاص هحط المقدم بتاعى على المقدم بتاعك ونجيبها وانا اكمل اقساط بعد كده وتبقى باسمك
لا انت اللى
لا طبعا انتى دافعه فلوس
اعتبرها سلف او اقولك ابقى اكتبها بإسمى واسمك
خلاص هتبقى بإسمنا تحبى نروح نشوفها امته
بكره بإذن الله نستغل فتره الاجازه ونروح نتفرج على الشقق
خلاص اتفقنا
انتهى اليوم دون جديد وتحجج طه بإرهاقه وهرب للنوم
فى اليوم التانى اخذها طه وفضل يفرجها
