رواية ادم الفصول من 24_28
المحتويات
فااااهمة
دى تحكمات
ايوة تحكمات
فأبتسمت سما ثم اجابت بهدوء
حاضر
اول مرة تقوليلى حاضر وتريحى قلبى
لا كده نافع ولا كده
مين قال انه مش نافع بس ده اى حاجة منك سكر يا سكر
طب روح نام بقى
ما نسهر شوية سوا
هنتكلم فى ايه ! قولى يعنى
فينا !!!
انت بتحبنى وانا عارفة سمعتها كتير ملوش لازمة تكررها
فزفر آدم بضيق
طب ما تقولى انتى كمان
لا مش هقول الا لما نتجوز
رخمة
قولتها برده كتير
وباااااردة
يا عينى مفيش كلام جديد تقوله
انا غلطان انى اسيب البنات اللى بتتحايل عليا اكلمها عشان اخطبك انتى
صمتت سما قليلا وعضت شفتاها وشعرت بالحزن ثم قالت
صح معاك حق محدش ماسكك انا بالنسبة ليك حاجة جديدة مش متعود عليها ده اللى شدك فيا بس صح !
فأبتسم آدم بهدوء
انتى مينفعش تتحطى اصلا فى مقارنة معاهم انا اللى غبى انى قارنت
تحدثت سما بنبرة حزينة
يا سلاااام ومينفعش ليه هما احسن منى واحلى منى للدرجة ! عموما انا مبحطش مكياج يمكن لو حطيت ابقى احلى منهم
فأبتسم آدم
مينفعش عشان انتى محترمة ومؤدبة وجميلة من بارة ومن جو انما هما بلاش نكلم احسن هاخد سيئات ع الفاضى وبعدين انتى مجنانى كده وانتى من غير ميكياج امال لو شفتك بميكياج اعمل ايه !!
ظهر على وجه سما ابتسامة رقيقة
طب رووووح نام
هنام يا سااااتر بحبك ومتقوليش عااارفة
فأبتسمت سما ثم قالت دون ان تشعر
وانا بح
قاطعها آدم
انتى هتقولى ايه
فأفاقت سما ثم عدلت من كلامها
وانا بحب اسمعها منك يلا سلاااام بقى
واغلقت الهاتف ووجهها احمر وحدثت نفسها
يالهوووى كنت هقوله ازاى كده !! انا نسيت
بينما آدم ظل يضحك بشدة
اول يوم خطوبة وقالت اول حرفين هااانت ٠٠ ده انا خطېر جداا ٠٠
فى الصباح كانت سمر فى النادى تمارس رياضة الجرى الخاصة بها لمحها أمجد ظل يتابعها بنظره وهى تركض دون ان يتحدث معاها حتى أتى خالد من خلفه ووضع يده على كتف أمجد فشعر أمجد بالدهشة ثم نظر خلفه
هو انت !! خضتنى
اللى واخد عقلك
ها !!!
فنظر خالد حيث كان ينظر أمجد ووجد سمر وابتسم
لا مزة البت
فتحدث أمجد بضيق قائلا
انت تقصد مين
اللى كانت بتجرى دى اللى عينك عليها
انا لا عينى عليها ولا حاجة كل الموضوع انها صاحبة نهال
عليا انا برده
يوووه تعالى نطلب فطار
تمام
بينما كانت يسرية فى النادى تجلس مع نورا على أحدى الطاولات فتحدثت نورا بغيظ شديد
انتى بتقولى ايه يا طنط !
بقول اللى حصل
ازاى يعنى هو بيحب نهال !!!
ومصمم يتجوزها
وانتى هتسبيه يتجوزها يا طنط !!
مانا جيالك نشوف حل
نفخت نورا وشعرت بالضيق ٠٠
كانت نهال تتناول طعام الأفطار مع والداتها و عادل و سما فقالت
ماما انا هقوم البس وارجع بيت عمى
تحدثت والداتها بصرامة
لا مش هترجعى
نظرت لها نهال بعدم فهم
يعنى ايه يا ماما !!!!
انتى تتصلى ب إياد واعزميه ع الغدا النهاردة عندنا
ايه !
من حقى اشوفه واقابله
اقوله ايه يعنى الحاجات دى بتبقى ليها ميعاد سابق مش فجاءة
انا قلت اللى عندى
فنظرت لها نهال بشدة ثم قال عادل
مش كده يا سميرة اهدى ع البنت شوية
لا
كده
ثم نظرت ل نهال
يلا قومى كلميه
فزفرت نهال وتركت الطعام ودخلت غرفتها فدخلت خلفها سما وجدتها جالسة على مقعد وهى وتبكى تحدثت سما بنبرة حزينة
بتعيطى ليه طيب
ماما مصممة تكسفنى وتحرجنى مع إياد هو المفروض انا يعنى اللى اقوله تعالى اخطبنى مش همها لا شكلى ولا كرامتى
شكل وكرامة ايه !! انتوا الاتنين بتحبوا بعض ومعتقدش انه هيرفض
بس
بس ايه !!! مبسش اتصلى بيه انا اعتقد ان إياد هيبقى مبسوط وهو بيكلمك ولما يعرف ان طنط سميرة عاوزة تشوفه كمان
هزت نهال رأسها بالإيجاب ثم أمسكت الهاتف ومسحت دموعها ثم اتصلت ب إياد الذى اتاها بالأجابة
صباح الخير يا قلبى
صباح النور
لاحظ إياد نبرة حزن فى صوتها
مال صوتك !! انتى كنتى بتعيطى
ها !! مفيش بس اصل مضايقة شوية
هتيجى امتى طيب وانا اغيرلك مودك
تنهدت نهال
لا مش جاية
ايه !!
اقصد يعنى بص ماما عاوزة تشوفك
مانا عارف هبقى اكلمها ونحدد ميعاد
لا ماهى عاوزة تشوفك النهاردة
ابتلع إياد ريقه
ايه ! فجاءة كده !!!
شعرت نهال بالحزن والأحراج
خلاص انا هقولها انك مش فاضى اصلا هى مش من حقها انها تطلب تقابلك ع فجاءة
استنى انا مقولتش كده ولا اقصد كده انا بس مرتبك ومش مجهز نفسى ومش عارف اقولها ايه
خلاص هقولها ان عمى عاوزك فى شغل
نهال انا راجل مش عيل صغير ومحبش يكون ده اول انطباع تاخده طنط سميرة عنى
ابتلع ريقه وتابع
انا هاجى المفروض بس اجى الساعة كم
ابتسمت نهال قليلا
بجد !! يعنى انت عاوز تقابل مامى ولا بتقول كده وخلاص عشان مزعلش
اجلا او عاجلا كنت هقابلها بأذن الله عموما كل ما كان بدرى كان احسن
ابتسمت نهال فتابع إياد
ابعتيلى العنوان و الميعاد بالظبط ع الواتس
حاضر
كان آدم يجلس فى غرفته فدخل عليه عمر شقيقه الأصغر
انت حابس نفسك فى الأوضة ليه !
ابدا مفيش هلبس اصلا واروح اصلى الجمعة
انا عاوز اجى معاك
فأبتسم آدم
ماشى يا سيدى روح البس
بس انا مضايق منكوا
ليه يا لمض
عشان كلكوا شفتوا العروسة وانا لأ
هتشوفها يا عمر قريب إن شاء الله
انتوا استصغرتونى انا عندى 10 سنين بحالهم انا ممكن اخطڤها منك اصلا واخليها تحبنى
فأبتسم آدم
امشى ياااض من هنا
مش مصدقنى !! طب هتشوف يا آدم
فأبتسم آدم وهز رأسه
هنشوف
هتشوف
وفى وقت العصر رن جرس الباب فى شقة عادل فذهبت نهال لتفتح الباب عندما فتحته وجدت إياد فأبتسمت له فبادلها إياد الأبتسامة ثم اعطاها علبة الشكولا التى فى يده
اديها لماما احسن
فأبتسم وهز رأسه بالإيجاب
طب دخلينى ولا هفضل كده
فجاءت سميرة من خلف نهال ونظرت له
هو ده ابن عمك
فهزت نهال رأسها فى خوف
ايوة يا ماما
فنظرت سميرة ل إياد
اتفضل
فأبتسم إياد وتابع سميرة إلى الداخل ثم اعطها علبة الشكولا فأبتسمت سميرة ببرود
مكنش ليه لازمة
ازاى بس يا طنط
اتفضل اقعد
فجلس إياد وجلست سميرة بجواره وعندما اتت نهال قالت لها سميرة
اعملى لينا اتنين قهوة يا نهاال وسبينا نكلم شوية
ابتلعت نهال ريقها وقالت بصوت خاڤت
حاضر
وخرخت للخارج فنظرت سميرة ل إياد بإهتمام
ها بقى
فأبتسم إياد ابتسامة بسيطة
انا عاوز اتجوز نهال وبحبها
ومامتك !
مالها ماما
هى مبتحبنيش واللى اعرفه من نهال انها بتعاملها وحش جدا
انا مليش دعوة بماما وبعدين نهال هتعيش معايا انا مش مع ماما
نهال لو استحملت مرة اتنين تلاتة هيجى يوم وتزهق
وانا مش هسمح بإذن الله لأى حد يهين نهال مهما كان
نظرت له سميرة بجدية
انت بتحبها بجد ولا بتعمل كده عشان ورث ابوها ميطلعش لحد باارة
نظر لها إياد بشدة
حضرتك مينفعش تقولى كده ولا حتى فكرة زى دى تخطر فى بال حضرتك من اصله وانا مش محتاج فلوس نهاال فى حاجة اصلا وبعدين انا اجبلها حقها مش اكله عليها
ابتسمت سميرة بهدوء
انت بتحبها فعلا
ربنا يعلم
طب خلاص نحدد ميعاد للخطوبة
تنهد إياد قليلا
لو عليا اخطبها النهاردة قبل بكرة بس ٠٠
بس ايه !!
بس نهال لسه فاسخة الخطوبة مع أمجد ده غير ان أمجد يبقى صاحبى انا مش مهم عندى حد غيرها وغير سعادتها بس خاېف حد يقول عليها كلمة تجرحها فشايف انه من الأفضل نستنى ولو فترة بسيطة وبعدين نعلن خطوبتنا يكون اى حد نسى انها كانت مخطوبة
ابتسمت سميرة وفى تلك االحظة دخلت نهال ومعاها القهوة
اتفضلوا
ثم نظرت لوالداتها
انا هقعد بارة يا ماما
روحى حضرى السفرة انتى و سما عشان هاجى انا و إياد عشان ناكل
حاضر
ابتسم إياد ابتسامة بسيطة وخرجت نهال وإلتفت له سميرة
انا نهال بنتى الوحيدة وبحبها اكتر حد فى الدنيا دى وبخاف عليها واتحرمت منها ومشوفتهاش الا ع كبر فمش سهل استئمن اى حد عليها
انا بحبها وعمرى ما هأذيها
وانا شايفة انها اختارت صح المرة دى
ابتسم إياد
وبإذن الله مش هخذلكوا
طب يلا
ابتسم إياد وذهب خلف سميرة ليتناولوا الطعام
بعد ان تناولوا الطعام دخلت سميرة مع عادل إلى غرفتهم
بقولك ايه يا عادل
ايه يا حبيبتى
انا بفكر اخلى نهال تقعد معانا هنا لحد ما تتجوز إياد
تقعد عادى بس انتى مش واثقة فى إياد
هزت رأسها نافية
لا ده الأحسن ٠٠ هما لسه صغيرين برده
معاكى
حق
كانت سما فى غرفتها اتاها اتصال من آدم فنظرت للهاتف لبرهة ثم حدثت نفسها قائلة
ده بقى يستعبط بقى ويتصل كل شوية مش كلمنى الصبح !!!!
فأجابت على الهاتف پغضب
اييييه بقيت تستعبط وتتصل كل شوية
فأبعد آدم الهاتف من صوتها العالى ثم قال
لو عليا مش عاوز اكلمك اصلا اخويا الصغير عاوز يكلمك عشان مشافكيش خالص هقوله مش عاوزة تتكلم
استنى !! صغير عنده كم سنة
10 كده
طب ادهونى
يا ساااتر
ثم نظر آدم لشقيقه
كلم يا سيدى
فأبتسم عمر واخذ الهاتف
هاااى ازيك
الحمد لله ازيك انت
انا الحمد لله انا عاوز اشوفك كلهم شافوكى الا انا
فأبتسمت سما
هتشوفنى قريب إن شاء الله
ماشى عموما شكلك طيبة متستاهليش الواد آدم
فظلت سما تضحك بينما رفع آدم حاجبه واخذ الهاتف من عمر وهو يقول
اطلع بارة يااض كفاية عليك كده
خارج خارج يا ساتر
فوضع آدم الهاتف على اذنه
ممكن اقولك مع السلامة ولا ابقى بستعبط عشان اكلمك
تنحنحت سما قائلة برقة
انا اسفة بس اصلك كنت مكلمنى يعنى فقلت بيكلم تانى ليه
ابقى جزمة لو سئلت عليكى انا مش هتصل بيكى تانى خاالص كفاية اننا بنشتغل سوا
فأبتسمت سما
خلاص متزعلش يا قماص
كمان بقيت قماص عموما مش عاوز اضايقك اكتر من كده انا مقدر انك دبش ومبتعرفيش تتكلمى عشان انا اول راجل فى حياتك
يا سلاااااام
فسألها بخبث قائلا
ليه كان فى حد تانى
انت شايف ايه
شايف ان عمرى ما وثقت فى بنت زى ما بثق فيكى
أبتسمت سما بخجل ثم قالت
بس عموما دى حدود لازم نلتزمها شرعا
غلبتينى
دايما بس انت مش واخد بالك
فأبتسم آدم
طب سلااام
سلااام
بينما كان إياد مع نهال فى الشرفة يشرب عصير نظر لها هائما ثم قال
وحشتينى جدا
وانت اوووووى بقى
أبتسم قليلا ثم قال
انا عاوز اكلم كمان عمى وبابا
هزت رأسها بالإيجاب ثم قالت
بصراحة كده انا قلت لبابى فى الفون واتبسط جداا بس هو لسه فى شغل كتير مش عارف يخلصه عشان يرجع
أبتسم إياد بهدوء فقالت نهال
انت صحيح لما صورتنى انا و أمجد كنت ناوى تطلع عليا كلام حش
أنفجر إياد ضاحكا ثم قال
مچنونة !! مستحيييل اعمل كده بس بصراحة قلت الوى دراعك عشان متقوليش لحد انى حاولت
أحمر وجه نهال خجلا فضحك إياد بخبث ثم قال
هو انا عملت ايه صحيح ما تفكرينى كده
عضت نهال شفتاها
فضحك إياد كثيرا ثم نظر للساعة
طب همشى انا بقى
شعرت نهال بالحزن ثم قالت
بسرعة كده
ما تلبسى وتيجى معايا مش مستاهلة تقعدى
خلاص هقول لمامى
بحبك اوووى يا نهال ربنا يخليكى ليا
ويخليك ليا
فى تلك اللحظة دخلت سميرة
لا نهال مش هتروح معاك
فرفع إياد حاجبه
ايه !!!
بينما ظلت نهال تنظر لوالداتها ٠٠
الحلقة السابعة والعشرون
فتحدثت نهال وهى تشعر بالضيق
مش فاهمة يا ماما مش المفروض انا عايشة مع عمى
ده كان فى الأول لما كنتى انتى و إياد مجرد ولاد عم دلوقتى انتوا بتحبوا بعض مينفعش تعيشوا مع بعض قبل الجواز
بس يا ماما
فأبتلع إياد ريقه وقاطع نهال
طنط معاها حق يا نهال
فنظرت نهال ل إياد بحزن شديد ثم قال إياد
طب يا طنط استأذن انا وفرصة سعيدة انى شفت حضرتك
انا اسعد
ثم نظر ل نهال
مع السلامة يا نهال
فنظرت له نهال ببرود
سلام
ثم تركتهم وذهبت للغرقة فأنصرف إياد ٠٠
طوال الليل كان إياد يتصل ب نهال وهى لا تجيب فشعر بالضيق والأختناق
بينما كانت نهال تجلس مع سما فى غرفتهم فنظرت لها سما
ردى عليه حرام عليكى هو فعلا مينفعش تعيشوا سوا مستعجلة ع ايه لما تتجوزى
هزت نهال رأسها
انا مش مستعجلة ومش مضايقة عشان انا بعيد عنه بس مضايقة من حاجة تانية
طب ردى عليه وفهميه
ماهو السبب برده
بقولك ايه انا هخرج بارة واسبلك الأوضة كلميه وفهميه
اوك
خرجت سما من الغرفة فأجابت نهال پغضب
ايه مبتفصلش كل شوية اتصال
فجاء صوته وهو غاضب
حرااام عليكى قلقتينى وبعدين معنى كده انك رافضة تردى بمزاجك
تحدثت ببرود قائلة
ايوة
طب ليه يا نهال انا عملت ايه
عشان انت ما صدقت ان ماما قالتلك ابات معاها هنا
انتى هبلة ازاى تقولى كده البيت كله ملوش طعم من غيرك بس مامتك معاها حق
معاها حق ولا عشان تعرف تشوف ست نورا ع مزاجك من غير ما اضايقك
إياد قبضة يده بضيق شديد ثم حاول كظم غيظه وتحدث إليها قائلا
انتى هبلة يا نهال !!! نورا ايه بس !!! وانا من امتى بببقى عاوز اقعد مع نورا اصلا
شوف انت بقى
شعر إياد بإنه قد فقد اعصابه
انتى اتجننتى رسمى وياريت نبرتك فى الصوت تتعدل بدل ما اقلب عليكى وانتى لحد دلوقتى متعرفيش قلبتى
كمان !!! كمان بتزعق وعاوز تقلب براحتك يا إياد
يا بنتى اهدى واسمعى انتى بتشوفى بنفسك انا بعاملها ازاى ومبحبش نظام الشك ده مش كل حاجة تشكى فيا انا مبشكش فيكى انتى ليه تشكى فيا !
عشان شفتك بعينى ولا ناسى داليا
فنفخ إياد
لا مش ناسى بس ياريت انتى تنسى يااااريت يا نهال
ثم صمت قليلا وتابع
مع السلامة
سلااااام
مرت الأيام وأتى يوم الاربعاء كانت الأجواء مازالت باردة بين إياد و
نهال يرفض كل منهم الحديث إلى الأخر حتى لم تذهب نهال إلى العمل طوال تلك الفترة وكانت حزينة ان إياد استطاع كل تلك المدة ان لا يتحدث معها
بينما كانت سما مع آدم فى العمل وقبل انتهاء اليوم خرج آدم من مكتبه وهو مبتسم
انتى يا بت انتى
فرفعت سما حاجبها
انت بتكلمنى انا كده !!
ايوة !! انتى يا بت مش خطوبتك بكرة مش بتروحى الكوافير ليه تعملى ماسكات زى باقى البنات
ومين قالك انى مروحتش
بتروحى امتى بس !!! وانتى طوال اليوم معايا ولا للدرجة مش قادرة ع بعدى
شعرت سما بالخجل ثم قالت
انت زودتها يا آدم
فأبتسم آدم على مظهرها البرئ
لا انا بتكلم بجد انتى اتكسفتى تطلبى اجازة
لا طبعا انا مش محتاجة اجازة اصلا
طب قومى روحى كده كده الساعة 1 الظهر ارتاحى كده وريحى نفسك
أتسعت عينان سما فرحا وهى تقول
اروح بجد يا آدم !
انتى ايه السعادة اللى انتى فيها دى
اصل تعبانة شوية وحاسة انى عاوزة انام
طب خلاص روحى وبعدين لما تبقى تعبانة تقولى
اصل كان ورايا شغل
نظر لها مسبلا عيناه وهو يقول
اخلصه انا بدالك يا روحى
نظرت له بطرف عيناها ثم اخذت حقيبتها وقالت
طب مع السلامة
ابتسم قليلا وذهبت تجاه الباب وفتحته كانت ستصدم بشخص ما فعادت للخلف مسرعة ونظرت إلى الأعلى وجدت انه آسر الذى كان مبتسم
مبرووووك
أرتبكت سما قليلا
اه اه ميرسى
ثم إلتفتت لترى آدم كان ينظر لهما آدم من سما فنظر له آسر
مبروووك يا عريس
الله يبارك فيك عقبالك
فقال أسر وهو ينظر إلى سما بطرف عيناه
قريب قريب إن شاء الله
تحدث آدم بعدم تصديق
مش مصدق مين فى واحدة يعنى
فأبتسم آسر
هو فى واحدة اه بس مين مش هقولك لأنك هتتفاجئ بيها
احب انا الثقة دى
فأرتبكت سما ونظرت ل آدم
طب انا عاوزة اروح
روحى يا سما
فنظرت سما إلى آدم بمعنى ان آسر يحجب عنها الطريق فتحدث آدم قائلا
انت يا لطخ انت عديها واقف قدمها زى الحيطة البنت مش عارفة تعدى
فأبتسم أسر
طب ما تقوليلى هو آدم يعنى مترجم بينا
أبتسمت سما ابتسامة بلهاء بينما آدم نظر ل آسر پغضب
وسع ياااض واخلص
فأبتعد آسر فذهبت سما سريعا فظل آدم و آسر يتابعوها بنظرهم حتى اختفت ثم نظر آدم ل أسر وجده ينظر تجاه الباب فشعر بشعور غريب ولكنه لم يرد أن يفعل حماقة بسبب شعور لا محل له فقال
انت ياااض مالك مسهم كده ليه
فأنتبه آسر ل آدم
ها !!! ابداااا
طب تعالى نقعد فى المكتب
اوك
كان
وحشتينى اووووى يا نهال ومش هاين عليكى حتى تسألى وانتى اللى مزعلانى
بينما كانت نهال تشاهد التلفاز وكانت تشعر بالضيق والحزن لأنه حتى الأن لم يتصل بها إياد فدخلت عليها سما
لسه متصلش برده
تحدثت نهال بحزن
متصلش خاالص وبعدين ايه رجعك بدرى النهاردة
مفيش آدم قالى روحى ريحى وانا
متابعة القراءة
