رواية ادم الفصول من 24_28
المحتويات
من بدرى
امممم ماشى نام
عاوز اشوفك الصبح قبل ما اروح الشغل إن شاء الله ابقى انزلى افطرى معايا
حاضر
فأبتسمت ثم اغلقت معه الهاتف
كان آدم يجلس فى غرفته وجد اتصال من آسر فأجاب على الهاتف
ايوة يا آسر
ايه يا آدم من ساعة اخر مرة مكلمتنيش
اتضايقت منك حقيقى
خلاص متزعلش انا كنت فاكر هتتبسط لما اجيب صحابنا
انا قولتلك انى هخطب سما
انا افتكرت هتخطبها وتتجوزها بس انت زى مانت
لا يا آسر انا اتغيرت فعلا
خلاص مش هتصل تانى الا لو خروجة عادية
تمام
انتوا بقى حدتوا ميعاد الخطوبة
ابتسم آدم
بكرة إن شاء الله هروح لأبوها وهنحدد كل حاجة إن شاء الله
فأبتسم آسر بخبث
مبرووووك
عقبالك
لا انا خلينى كده احسن فى الوقت الحالى
مسيرك تحب
إن شاء الله
بينما أتصلت سمر ب نهال وكانت نهال تجلس فى الشرفة وأجابت على الأتصال
ازيك يا سمورة
انتى عاملة ايه ناو احسن
الحمد لله
طب الحمد لله انتى رايحة الشغل بكرة ولا هتريحى
لا هريح يومين كده
طب كوويس
تعالى نقضى اليوم سوا
بصى تعالى نخرج الصبح فى النادى لأنى بعد العصر هروح لواحدة صاحبتى تانية محتاجنى
تمام يبقى الصبح
تمام
فى الصباح أستيقظت نهال وهبطت للأسفل وجدت إياد يتناول افطاره وقالت
مصحتنيش ليه
فنظر لها
قلت اكيد نايمة محبتش اقلقك
مطت شفتاها بتذمر طفولى
لا حنين
فأبتسم إياد
عندك شك
ابدااا
تعالى افطرى معايا
جلست نهال بجواره على المائدة وهى تقول
اوك بس عاوزة اقولك النهاردة ممكن متشوفنيش الا بليل
ليه كده
هروح الصبح انا و سمر النادى وبعد العصر هبقى مع سما عشان خطوبتها
اهااا ماشى
فنظرت له نظرة تحذيرية ثم قالت
هى هتتخطب خلاص فاااهم
فأبتسم إياد
خلاص بقى متفكرنيش
أجابته نهال بنبرة طفولية
يا رخم
فشعر بسعادة ثم قال
بحب غيرتك
انت رخم رخم
بحبك انتى بس من حقى احس انك غيرانة
امممم ماشى ماشى يا مراد عقاپ ليك بقى مش هتشوفنى خاالص النهاردة هبات عند ماما
ترك إياد الطعام ثم نظر لها قائلا
ايه لعب العيال ده !!
هزت نهال كتفيها بلا مبالاة
كده رخامة
طب افطرى يا نهال وخلينا نكمل اكل ربنا يهديكى
فظلت تتناول الطعام وعندما جاء ليأخذ بيده قطعة جبنة رومى بادرته هى واخذتها فنظر لها
فينا من كده
اخرجت له لسانها بطفولة ثم قالت
خسارة فيك
فأبتسم
بالهنا والشفا يا حبيبتى
شعرت هى بالخجل ثم قالت بعناد
ولو ٠٠ هرخم برده
واخذت قطعة لنشون من امامه فظل يبتسم لها وهز رأسه بإسى قائلا
مجنووونة
وظلت هى تأكل طعامها فى براءة وهو ينظر لها هائما ٠٠
بينما كانت سما فى المكتب فدخل عليها آدم وهو مبتسم ثم وجلس بالمقعد الذى أمام مكتبها وهو يقول
النهاردة اسعد يوم فى حياتى
فأبتسمت سما ونظرت للورق الذى امامها فتابع آدم
سما ردى عليا حاسس انى بحلم بجد ده حلم ولا حقيقة
حقيقة
فأبتسم لها
سما قولتلك قبل كده انى بحبك !
ابتسمت وهى تقول
كتييير
يا واد يا واثق انت
ثم نظر لها بحدة وتحدث بلهجة مختلفة
فكرينى مقولهاش ليكى تانى
فأبتسمت سما وظلت تضحك
رخمة
ميرسى يا فندم
فنظر لها بشدة
انا رجعت فى كلامى مش جيالكوا مش هخطبك يا سما
فنظرت له سما بلا مبالاة
براحتك يا فندم
فأتك على اسنانه
يا باااااردة
كتر خيرك يا فندم
كده كتيييير مش هقدر استحمل انا جالى الضغط
فأبتسمت سما ثم قالت له
آدم الياقة بتاعت قميصك مش معدولة اعدلها
فوقف أدم ثم نظر فى مرآة المكتب وشعر بالأحراج لأنها رأته هكذا وقام بتعديلها ثم أبتسم قليلا ونظر لها بخبث وهو
مع انى مبحسش اصلا انك بتبصيلى ساعات بحس انك متعرفيش شكلى اصلا ٠٠ خدتى باالك ازاى !
فأبتلعت سما ريقها فتابع آدم
طلعتى مش سهلة يا سما وانا اللى كنت فاكرك مؤدبة طلعتى مركزة فى تفاصيلى
فأحمر وجه سما وقالت وهى مرتبكة
انا انا
فأبتسم آدم
ياريت تركزى فى شغلك كده زى مانتى مركزة فيا
ثم دخل مسرعا إلى مكتبه بينما ابتلعت سما ريقها وضړبت قدمها على الأرضية وهى تتمتم
قليل
ارتدت نهال فستان لونه أزرق طويل وحجاب يختلط بين اللونين الأزرق و ابيض لكى تذهب إلى النادى مع سمر حيث كانت سمر تنتظرها بسيارتها امام القصر فأتجهت إليها نهال وركبت السيارة ثم قالت سمر
انا مبسوطة اوووى بجد انى عمالة اتفسح واغير جو واننا سوا
ابتسمت نهال
ماشى
يا ستى بس خلينى انا اسوق عشان انا اعرف طريق النادى
بس انتى تعبانة
لا الحمد لله احسن النهاردة
طب كويس
وابدلوا الاماكن ثم قامت نهال بقيادة السيارة ٠٠
بينما كان أمجد يجلس مع خالد فى النادى يلعبون كرة التنس وبعد ان فاز أمجد على خالد قال له خالد
انت ايه جابك النهاردة النادى مش وراك شغل
ضحك أمجد وهو يقول
وخده اجازة زيك عشان اخسرك يا خفيف
باااارد
بتقول حاجة يا خالد
ابدااا
ثم ظل يتمتم خالد بصوت غير مسموع
انا ع طول بكسب فى التنس والبنات كلها معجبة من ساعة ما جاه الزفت ده والبنات مش عاوزة تنزل عيناها من عليه
فأبتسم أمجد وقال
ع فكرة سمعتك
ع فكرة انت لازم تعزمنى ع الفطار بقى
ده انا اللى كسبان
يعنى ابقى خسران وكمان اعزمك كده كتير
غور ياااض من وشى
فى تلك اللحظة دخلت نهال مع سمر فقالت لها سمر
انا هروح اغير لبسى عشان استعد للجرى
تمام انا هقعد ع اى تربيزة استناكى عموما هى اوضة التغير اللى هناك دى
أشارت نهال بعيدا نحو الغرفة فنظرت سمر بعيدا وقالت
اوك
كانت سمر فى طريقها لغرفة التغيير وهى تمشى مسرعة فأصطدمت بشخص ما
اهاااا سورى بس انت جيت قدامى
ونظرت لوجه من تكلمه وجدت انه أمجد فأبتلعت ريقها
اوووه ميجو
شعرت بالخجل بما تفوهت به فقالت متنحنحة
اقصد استاذ أمجد
فأبتسم أمجد
عادى قوليلى يا ميجو
لا مينفعش فى الأول كنت خطيب صحبتى بس ناو لا
ناو احنا فريندس
فنظرت له سمر بغرور مصطنع
بس انا مبكونش صدقات بسرعة
انا بكون صدقات بسرعة
فأتسعت عيناها ولكنها وجدتها فرصة جيدة لتعتذر منه
بص انا مديونة ليك بأعتذار وبس وعشان اخلص من الموضوع ده انا اسفة ع اول مقابلة
ابتسم أمجد
تمام مفيش بينا كلام تانى بقى
تحدث أمجد بخبث
ليه بس
وانت عاوز يبقى فى بينا كلام ليه
فشعر أمجد بأنه قد تعدى حدوده فأبتلع ريقه
طب اتفضلى شوفى كنت رايحة فين
ايوة كده
ثم تركته وذهبت فى طريقها فنظر لها أمجد وابتسم ٠٠
بينما كانت يسرية فى المنزل تسير ذهابا وإيابا فى غرفتها وتشعر بالڠضب فنظر لها عامر
مالك يا يسرية ! رايحة جاية ومش ع بعضك كده ليه
فسألته بغيظ شديد
ابنك قالك
قالى ايه
انه ناوى بتجوز نهال
شعر عامر بسعادة كبيرة ثم قال
بجد !!
ولكنه سرعان ما استدرك الامر قائلا
بس مش نهال مخطوبة
ماهى زى امها سابت خطيبها عشان ابنك
ده خبر جميل جدا
انت هتجننى انت كمان مستحيل بنت سميرة مستحيل انا منمتش من إمبارح
انسى انها بنت سميرة وافتكرى انها بنت اخويا
يوووووه بقى مستحيل أنا هجوزه نورا
هو الجواز بالعافية يا يسرية
ايوة
فنظر لها عامر وهو لا يصدق
اهدى يا يسرية اهدى يا حبيبتى
كانت سمر تمارس رياضة الجرى وكانت تشاهدها نهال وابتسمت لها بينما كان ايضا أمجد يتابعها بنظره نظرت نهال ووجدت ان أمجد ينظر ل سمر فى تلك اللحظة تلاقت عينان نهال و أمجد ظلوا صامتون للحظة وشعرت نهال بالأحراج بينما ظل أمجد ينظر لها فشعرت بالخجل كثيرا ونظرت لأسفل ثم رفعت عيناها ببطئ وجدته يبتسم لها ابتسامة هادئة فبادلته البسمة ثم جاءت سمر من خلف نهال
مالك يا بت انتى شكلك اتغير كده ليه ٠٠ تعبانة
فإلتفتت نهال ل سمر
ها !! ابداا مفيش
فنظرت سمر بعيدا وجدت أمجد ينظر لهما فقالت
اهاااا طب تعالى نمشى مش لازم نقعد هنا
يااااريت
بعد أن أنتهت سما من العمل كانت تجلس فى غرفتها وتخرج كل الفستايين التى توجد فى دولابها وظلت تنظر لهم وهى تشعر بالڠضب
شافنى شافنى بكل دول انا غبية نسيت انزل اشترى واحد جديد وخلاص مفيش وقت
فى تلك اللحظة دخلت سميرة
مالك يا
يا طنط هو شافنى بكل الفستايين دى انا مضايقة ٠٠ البس ايه
طب ليه مقولتيش كنا ننزل نشترى فستان
نسيت يا طنط
فى تلك اللحظة دخلت نهال وهى معها حقيبة
اعتقد انا حليت المعضلة
فشاهدت سميرة نهال بشدة
وحشتينى اوووى يا نونا
انتى كمان يا ماما اووووى
فنظرت لها سما
انتى جيتى امتى
انكل عادل فتحلى وكنت بتصنت عليكوا باارة
ثم فتحت الشنطة وأخرجت فستان بلون البنفسج مطرز من الأكمام بالفضة ومطرز ايضا من الخصر بالفضة فأبتسمت سما
وااااو ده يجنن
عدى الجمايل
عرفتى منين انى محتاجة فستان
قلت اكيد واحدة خيبة زيك فات عليها حاجة زى دى
فأبتسمت سما
رخمة اوووى
شعرت سميرة بالسعادة هى نظر لهم ثم قالت
عاملة ايه انتى و أمجد
فأرتبكت نهال
انا و أمجد سبنا بعض
نظر لها كل من سميرة و سما وقالوا فى صوت واحد
ليه !
تنهدت نهال وجلست على اقرب كرسى
مش مرتاحة مش مبسوطة وحاسة انى بحب إياد
فنظرت لها سميرة بشدة
إياد مين
ابن عمى هو كمان بيحبنى يا ماما
ابن يسرية مستحييل
ماما انا إياد هو اللى مهم عندى
يبقى اكيد زى ما توقعت بتعاملك وحش
تنهدت نهال
انا قلت انتى اكتر واحدة هتحسى بيا يا ماما
مش معنى انى اتجوزت اللى بحبه اسيبك تتجوزى اى واحد تقولى بتحبيه
فقالت سما
اهدى يا طنط بس
ثم نظرت ل نهال
انتى سبتى أمجد بسبب إياد
بصى هو انا و امجد كنا
مش مبسوطين سوا بس منكرش انى سبت أمجد لما إياد اعترافلى بس كنت بفكر اسيبه من قبلهت يمكن أعتراف إياد حسم مشاعري شوية
فنظرت لها سميرة
كماااااان !!! وهتقولى أيه ل أمجد وانتى سبتيه عشان صاحبه
يا ماما انا مش مراهقة مشاعرى ناحية إياد مختلفة تماما انتى لازم تكونى فاهمانى
فقالت سما
يا طنط من حق نهال تختار شريك حياتها ده فى الشرع من حقها ومادام إياد كويس وبيحبها يبقى يجى فى يوم وتتعرفوا عليه انتى وبابا ولو لاقيتى انه مش هيقدر يدافع عنها قدام مامته او اى حاجة فيه وحشة من حقكوا ساعتها تعترضوا
تنهدت سميرة وأبتسمت نهال ثم نظرت سميرة ل نهال
متضحكيش وابقى حددى معاه ميعاد فى اقرب وقت وافهمى انا موافقتش انا بس هشوفه يستاهل ولا ﻷ
شعرت نهال بسعادة كبيرة وهى تقول
اوك يا ماما
ثم تركتهم سميرة سويا فنظرت نهال إلى سما
ميرسى يا سما اوووى
طب اطلعى بارة عشان البس
اوك يا سااااتر عليكى
كانت نهال تجلس فى الخارج تشاهد التلفاز حتى اتى لها اتصال من إياد فإجابت على الهاتف فأتاها صوته
وحشتينى ياللى مش سئلتى عليا طول اليوم
ميرسى
مال صوتك فيكى حاجة
ها !! انا قلت لماما انى سبت أمجد
هى أضايقت يعنى
مش كده بس لما عرفت انى يعنى معجبة بيك انت اضايقت وهى عارفة ان طنط يسرية بتعاملنى وحش
اهااا لا سيبك من أمى انا اعرف كويس اخلى أمى ملهاش دعوة بيكى
هى عاوزة تشوفك
مين !
مامتى
ابتلع إياد ريقه
تمام نبقى نحدد ميعاد واروحلها فيه مش مهم متقلقيش وبعدين انتى مكسوفة تقولى انك بتحبينى
يووووه بقى يا إياد احنا فى ايه ولا ايه
فأبتسم إياد
يا سااااتر عليكى عموما انا هخرج مع صحابى بليل بما انك مش موجودة بقى فى البيت هروح لمين
سألته نهال بعصبية زائدة
صحابك مين ها ويا ترى فى بنات اكيييد طبعااا فى بنات مانت قليل الأدب وساڤل ومش متربى
بس بس باكبورت فتح انا خارج مع صحابى ورجالة ومفيش بنات وهنتعشا فى اى كافيه باارة اهدى يا نهاال وبعدين لو مش واثقة فيا يبقى تسبينى
ارتبكت نهال قليلا
انا انا
طب اقفلى دلوقتى عشان هريح ساعة وانزل معاهم سلااام
استنى بس
سلام يا نهال
شعرت هى بالحزن ثم قالت
سلاااام
اغلقت الهاتف نهال ونفخت ثم حدثت نفسها
نقصاك انا
دق جرس الباب فذهبت نهال لتفتح وجدت آدم وعائلته فنظر لها آدم وابتلع ريقه فقالت نهال
اتفضلوا انكل عادل جو مستنيكوا
فأبتسم آدم
انتى شبهها خاااالص
فبادلته نهال الأبتسامة
هى اللى شبهى انا
ابتسم آدم قائلا
ولا يبان عليكى
فأبتسمت نهال ودخلوا فى الداخل فقالت شيرين ل آدم بصوت خاڤت
دى اختها
لا بنت مرات ابوها
حقيقى !! امال ازاى شبه بعض كده
صدف يا حجة صدف
فأبتسمت شيرين
ثم جلسوا معا واتفقوا معا على كل شئ وقاموا بتحديد موعد الخطبة ستكون الأسبوع المقبل وحين دخلت سما و رائها آدم بالفستان انبهر من جمالها وابتسم فبادلته البسمة وشعرت بالخجل ٠٠
الحلقة السادسة والعشرون
ظلت نهال تنظر لهما ولنظرتهما سويا لبعضهم البعض وهى تقول
هييييح
أنتبهت لها سما فضړبت نهال فى قدمها فقالت نهال بصوت مرتفع قليلا
اه ده انا كنت بعملكوا قيمة انتوا فاكرين نفسكوا ياش وأرتى ولا ايه !!
فظل آدم يضحك وابتسم الجميع بينما رمقتها سما بنظرة مرعبة فتظاهرت نهال بالبراءة
خلاص خفت اهو وهسكت خاالص
ليكى يوم ويومك
ظلت نهاال تكح بشدة
بلاش فضايح بقى يا سمسمتى ٠٠
فى المساء كانت تجلس نهال بجوار سما على الفراش فسألتها نهال قائلة
قوليلى بقى ايه احساسك وانتى هتتخطبى للى بتحبيه
مبسووووطة اووووى يا نهال متعرفيش انا اتعلقت بيه اد ايه الفترة الأخيرة الأول كنت بحس انه واخد الموضوع عند وعاوز يرتبط بيا وخلاص لكن بعد كده لاقيت فعلا انه بيحبنى
أبتسمت نهال
يا عينى ع الحب
وانتى و إياد بتحسى بإيه معاه واوعى تظلميه زى ما ظلمتى أمجد
نظرت نهال ل سما ثم نظرت لأسفل
كلكوا فاااكريين انى ممكن اسيب إياد عشان حد تالت انا غلطت لما ارتبطت ب أمجد بسرعة كده بس مش معنى كده انى هعمل ده فى إياد لأنى بحبه فعلا وبعدين هو مش من حقى ولا ايه اختار شريك حياتى
لا طبعا من حقك حتى فى الشرع من حقك ايام النبى صلى الله عليه وسلم جاءت إليه امرأة ثابت بن قيس فقالت يا رسول الله ثابت بن قيس ما أعتب عليه في خلق ولا دين ولكني أكره الكفر في الإسلام فقال رسول الله صلى الله عليه وسلم أتردين عليه حديقته قالت نعم قال رسول الله صلى الله عليه وسلم اقبل الحديقة وطلقها تطليقة
ثم تابعت سما
يعنى ليكى الحق فى إنك تختارى شريك حياتك والمناسب ليكى اللى تتقبليه
يعنى انا معملتش حاجة غلط ولا ظلمت أمجد
بالعكس كنتى هتظلميه وتظلمى نفسك لو استمرتى وبعدين اوعى تكونى قلتى ل إياد إنك بتحبيه
ابتسمت نهال وهزت رأسها بالنفى
ﻷ كل ما يجى يسألنى اقوله انت غبى واحور واغير الموضوع
ظلت سما تضحك عليها
مجنوووونة
مانتى اكيد معذبة أدم ومعذباه اكتر مانا معذبة إياد
كمان
انا !!! ابدااا !!! بصى هو انا بحبه وكل حاجة بس لما نتجوز هبقى ازهقه بحبى ناو مينفعش هو لسه برده غريب عنى
امممم معاكى حق
ثم تغيرت ملامح نهال فقالت سما
مالك يا بت
نظرت لهاتفها
يظهر انه لسه زعلان منى اصل هو كان خارج مع صحابه وانا شكيت انه خارج مع بنات غيرت بقى اعمل ايه ! وهو افتكر انى معنديش ثقة فيه
فأبتسمت سما ثم عوجت فمها
الغيرة حلوة بس لازم تفهمى انه ولد مش بنت يعنى مش كل يوم قاعد فى البيت بيخرج هنا وهناك وكده
طب اعمل ايه ناو !
ممكن تبعتى ليه رسالة استعبطى فيها قوليله روحت ولا لسه حبيت اطمن عليك يمكن يكون نسى اصلا او ممكن يستعبط ويعمل نفسه ناسى
فأبتسمت نهال
ماشى يا سوسة
ثم أمسكت هاتفها وكتبت ل إياد
روحت ولا لسه ! انا هبات هنا عند مامى لأنى مش قادرة اسوق
فى ذلك الوقت كان إياد يدخل من باب القصر وعندما وصلته الرسالة بدأ فى قرأتها ورفع حاجبه وتنهد وقال وهو يتمتم
يعنى مش هشوفك النهاردة كده كمان
ثم أرسل لها رسالة
لسه حالا داخل البيت كنت متخيل هشوفك بس سديتى نفسى انى ادخله
أبتسمت نهال حين قرأت الرسالة وارسلت له
اجبلك مخلل يفتح نفسك
كان إياد يدخل غرفته وقرأ الرسالة فهز رأسه بأسى ثم قام بإرسال
كفى نفسك يا نهال
ظلت نهال تضحك ثم أرسلت له
انا مش بشك فيك بس غيرتى كده فاهم ولا ﻷ
أبتسم إياد ثم نام على الفراش ووضع يده خلف رأسه
وانا بحبها
فزمت نهال
هى مين دى !!!
فظل إياد يضحك وهز رأسه
غيرتك يا مچنونة
فأبتسمت نهال
تصبح ع خير
وانتى من اهله
بينما كانت سما تنظر لردود فعل نهاال وتبتسم حتى اتاها اتصال من آدم ابتسمت حين رأت رقمه وذهبت إلى الشرفة لتجيب على الهاتف
السلام عليكم
وعليكم السلام يا خطيبتى
ما صدقت
طبعاااا امتى يجى الأسبوع اللى جاى بقى
مجنوووون
كنتى قمر اووووى بالفستان ده متخرجيش بيه
متابعة القراءة
