التائهة ج5
بمرح وهي تقبل سابين من وجنتها
ميرسي يا أحلى سابين على اللوك الجامد ده
ردت عليها سابين بإبتسامة خجلة
ثانكس إنتي أصلا كيوت
زادت
ابتسامة إيناس اتساعا وعضت على شفتها السفلى لتقول بحماس
بجد إنتي آآ.. مممم.. بيقولوا عليها ايه أها .. افتكرت youre my soulmate أنت توأم روحي
نظر مسعد لأخته الصغري بإندهاش وسألها متعجبا
هي ايه
أجابته إيناس بهدوء
هي Soulmate توأم روحي
ارتفع حاجبه للأعلى مستنكرا وصاح مصډوما
سوبيط !
ثم التوى ثغره بشدة ليتابع بنبرة منفعلة
طب إزاي بقى المزة دي اسمها سوبيط !!
فغرت إيناس شفتيها بإندهاش واضح من إنفعال أخيها المبالغ فيه ونظرت إليه إسراء بإستغراب واضح .. بينما احتقنت عيناه ولوح بيده في الهواء وهو يكمل بعصبية
يا شيخة حرام عليكي أومال بقى مين اللي يبقى جاندوفلي ولا حنشان !!!
ردت عليه إيناس بصوت محتد
جرى ايه يا مسعد بقولك توأم روحي إيه جو السي فوود اللي قلبت عليه ده
تفهم مقصدها فتنحنح بحرج ثم رسم ابتسامة بلهاء على ثغره .. ونظر إلى سابين بنظرات عاشقة .. ثم أخفض نبرة صوته وهو يردد بعتاب
اها .. طب ما تقولي كده من الأول !
تساءلت سابين بفضول بعد أن رأت عصبيته الزائدة على أخته
هي قول ايه موسأد
رد عليها بنبرة متيمة وهو يرمقها بنظراته التي تعبر عن حبه لها
دي بتقولي أغنيلك أجمل حاجة يا روحي إنك توأم روحي !
تمتمت إسراء وهي تضحك
سيدي يا سيدي على عصافير الحب !
ثم تحركت لتقف في المنتصف بين أخيها وسابين ووضعت كفيها خلفهما وتابعت بنبرة جادة
يالا على التورتة يا حلوين !
اقترب مسعد من الطاولة وعيناه لم تفارقان من خفق لأجلها قلبه ..
ابتسمت له سابين بإستحياء .. ورمشت بجفنيها بخجل ..
أشعل هو الشموع الصغيرة الموضوعة على قالب الحلوى .. وتم إطفاء اﻹضاءة المنزلية .. وبدأ الجميع في ترديد أغاني العيد ميلاد الشهيرة ..
وما إن انتهوا حتى صاحت إسراء بحماس
اتمنى أمنية يا مسعد
الټفت برأسه ناحية سابين ورمقها بنظرات رومانسية صريحة وأردف قائلا بهمس
هي حاجة واحدة بس اللي عايزها ونفسي فيها أوي !!
تساءلت إسراء بمكر وهي مسلطة أنظارها عليه وعلى سابين
ايه هي يا مسعد
تمتم بكلمة واحدة بشفتيه بصوت خفيض للغاية لم تلتقطه سوى أذني سابين
صابرين !
اشتعلت وجنتيها بشدة .. وأسبلت عينيها خجلا منه .. ولكنها كانت مكشوفة لمن حولها ..
..
هتفت إسراء بمرح
طب طفي الشمع يا حبيبي عشان أمنيتك تتحقق !
وبالفعل انحنى مسعد بجذعه للأمام لينفخ في الشموع بكل سعادة وهو يمني نفسه بأن أمنيته الوحيدة والغالية ستتحقق ...
صفق الجميع له .. وهنأه والده قائلا بصوت جاد
كل سنة وانت طيب يا مسعد
رد
وحضرتك طيب يا بابا
ربتت صفية على ظهره وهتفت بحنو و دفء
كل لحظة وإنت طيب يا ضنايا .. ربنا يفرح قلبك ويسعدك على
طول !
رد عليها مسعد مبتسما
ايوه يا حاجة صفية دعواتك معايا كثفي على أد ما تقدري عاوزين نشوف النتيجة قريب !
هتف فارس بنبرة عنيدة وهو يشير بيده
أنا عاوز جاتوه !
وأضاف أخيه سيف بنبرة عالية
هاتيلي تورتة يا ماما
ردت عليهما والدتهما بنبرة ممتعضة
طيب اصبروا لما ندي الضيوف اﻷول !
ثم استدارت برأسها ناحية إيناس وتابعت بنبرة شبه آمرة
روحي نوري النور يا نوسة خليني أبدأ التوزيع !
ابتسمت لها قائلة بخفوت وهي توميء برأسها
حاضر
وبالفعل تحركت في اتجاه مفاتيح اﻹنارة ووضعت يدها عليهم لتضيء الغرفة ..
كانت على وشك التحرك عائدة إلى مكانها حينما باغتها أحدهم ثم رفعها عنوة عن اﻷرضية وكأنها لا تزن شيئا ليتحرك بها مبتعدا عن الجميع ...
كان باسل يعرف المنزل جيدا وغرفه فتمكن بسهولة من الوصول إلى غرفتها .. وأنزلها على قدميها
استغرقها
الأمر لحظة لتستوعب ما حدث لها ..
تفاجأت به يدنو منها قبل أن يخبرها بصوت جعلها تجفل منه
دلوقتي نقدر نتكلم على راحتنا !
توترت منه ورمقها بنظرات أكثر حدة وتابع بنبرته الخافضة والمحتقنة
بقى انتي بتتحديني يا إيناس !!!!
هزت رأسها نافية وهي تنظر له بړعب ..
لملمت شتات أمرها ووقفت لا تصدق ما فعله باسل توا ..
ضغط باسل على شفتيه وهمس بنبرة مغلولة
بقى أنا أبيه باسل !!!
ازدردت ريقها پخوف وتوترت نظراتها وهي تجيبه بنبرة مرتعدة
مش
.. مش إنت آآ..
أرخى ساعديه فجأة فانتفضت في وقفتها وقاطعها قائلا بصرامة وهو يشير بإصبعه محذرا
إياكي تقوليها تاني !
هزت رأسها بإيماءات متكررة .. وردت عليه بخنوع
ماشي !
أكثر ما كان يفزعها منه .. هو نظراته المشټعلة تجاهها ..
لا تعرف لماذا هربت منها شجاعتها وجرأتها هكذا دون سابق إنذار ..
ربما لأن المفاجئة كانت مباغتة فجعلتها عاجزة عن التفكير مؤقتا بوضوح
جاب باسل بعينيه بنظرات متفحصة لهيئتها من رأسها لأخمص قدميها وهو يقول بتهكم
ايه اللي عملاه في نفسك ده
ابتلعت ريقها محاولة الحفاظ على ثبات نبرة صوتها وهي تجيبه
أنا .. أنا عملت ايه
ضغط على شفتيه بقوة ليمنع نفسه من الصړاخ ثم همس پغضب وهو يشيح بيده في الهواء ومشيرا إلى هيئتها
ايه المنظر اللي أنا شايفك بيه ده !
نظرت إلى نفسها بإستغراب وحدقت في ثيابها المنمقة بتعجب ثم ردت عليه بتوتر وهي قاطبة لجبينها
أنا لابسة فستان !
التوى ثغره بتهكم وهو يردد بسخط
فستان ! وده من امتى إن شاء الله
رأت نظرات السخرية والإستهزاء في عينيه فإشټعل ڠضبها الذي خبى من خۏفها .. واستعادت سريعا شجاعتها
من دلوقتي !
استفزه عدم اكتراثها به ونطق من بين أسنانه بغلظة
والله ! كده عادي
ردت
عليه ببرود متعمدة إغاظته
ايوه .. هو هيفرق معاك في حاجة !
ثم نظرت له بحدة وتابعت بنبرة شبه متعصبة
إنت مش قولت عني إني شبهك وعندي دقن وشنب ومحدش هيبصلي أصلا مالك مضايق بقى لما ألبس أي حاجة تعجبني ده مايخصكش !
اتسعت حدقتيه پغضب كبير وهتف بصعوبة واضحة وهو يحاول مسك زمام الأمور قبل أن تنفلت أعصابه ويفعل ما لا يحمده عقباه
وأنا لما أقولك كده انتي تتهبلي وتعملي المسخرة دي !
فغرت شفتيها لتردد بحنق وقد ارتفع حاجبيها للأعلى في استنكار
نعم .. مسخرة !
رد عليها بحدة وهو يقترب منها
ايوه لما تلبسي فستان مبين سمانة رجلك كلها ده أسميه ايه !
احتقن وجهها بحمرة أخرى خجلة امتزجت مع حمرتها الغاضبة وصاحت فيه بحنق
انت قليل الأدب
وقف قبالتها وسلط أنظاره على مساحيق التجميل التي جملت بها بشرتها وهتف بسخط وهو يرمقها بنظرات ساخرة
ولا الهباب اللي حطاه على وشك ده
بدت كمن ينفث دخانا من أذنيه من فرط ڠضبها المتأجج من أسلوبه الفج ورددت بذهول من إستهزائه المهين بها
هباب !
هز راسه بإيماءة قوية وهو يجيبها بصوت قاتم
ايوه من امتى يا إيناس بتحطي روج على بؤك
نجح باسل في إشعال ڠضبها .. وأوشك على الصړاخ به .. لكنها أثرت أن تستخدم معه أسلوبها البارد الغير مكترث به لتشعره بعدم أهمية رأيه فيها .. لذا عقدت ساعديها أمام صدرها ونظرت له بلا مبالاة وردت قائلة بتناكة
على فكرة اسمه lip gloss مش روج !!
نظر لها بسخط ثم هتف فيها بتهكم
أيوه هنفضنا بقى من الزفت اللي عملاه ونمسك ده اسمه نيلة ولا هباب !!!!
أشاحت بوجهها للجانب لتقول بعدم اهتمام
والله أنا حرة
رد عليها بنبرة مغلولة من أفعالها الغير مبالية
لأ مش حرة !
سألته ببرود مصطنع وهي ترمش بعينيها بدلال
ليه يعني أنا قبل ما بأعمل أي حاجة بستأذن أهلي وماما كانت موافقة على آآ....
لم تكمل إيناس جملتها الأخيرة للنهاية حيث أخرسها بمسحه لأحمر الشفاه فشهقت مذعورة وسألته بنبرة متحشرجة
إنت بتعمل ايه
نظر لها بغيظ وأردف قائلا بصوت آمر
امسحي المسخرة دي !
حركت رأسها محاولة إبعاد يده وهي تقول بصعوبة
متعملش كده
استمر في مسح أحمر الشفاه من على شفتيها بإنفعال واضح وتابع قائلا بصوت غليظ
بلاش قلة أدب !
حاولت إيناس أن تمنعه من إكمال إفساد زينتها وهي تهتف بصوت مخټنق
بس .. بهدلت الميك آب !
هددها باسل بنبرة عدائية صريحة وشديدة اللهجة وعيناه مثبتتان عليها
لو تاني مرة شوفتك حطاه ولا غيرتي في شكلك صدقيني هتزعلي
ردت
إنت ايه ده أنا آآ...
قاطعها قائلا بنبرة غامضة
اسمعيني كويس إنتي لسه صغيرة بس مش هاتفضلي كده على طول
نظرت له بنظرات مرتجفة
وهي تحاول استنباط المغزى من وراء كلماته تلك ...
لم يمهلها الفرصة للتخمين أو التفكير وتابع بصوت جاد للغاية
معاكي سنتين بالكتير عاوزك فيهم دكر عسكري ماشي قصادي وهنتفاهم بعدها !
ارتفع حاجبيها للأعلى في صدمة واتسعت حدقتيها في ذهول كبير وخفق قلبها وتسارعت نبضاته مما قاله .. فهي لم تتوقع أن يتفوه بمثل هذا التصريح الجريء ..
هو يعدها كخطيبة له .. بل ويفرض تسلطه عليها دون وجود رابط رسمي لكن كلماته كانت حادة كالسيف ...
هتفت مشدوهة هي تحاول استيعاب هذا الكم الهائل من الصدمات المتتالية المصحوبة بالقرارات الجريئة
هاه !
طالعها بنظرات متملكة ومغترة وهو يرى تأثير كلماته عليها ثم أكمل بهدوء واثق
اه .. قبل ما أنسى كلمة أبيه دي تمسحيها من قاموس الكلمات نهائي !
حاولت أن تعترض على تحكماته الغير عقلانية معها فهتفت بصعوبة من بين شفتيها المضغوطتين
إنت ...آآآ...
قرب رأسه منها وصاح بنبرة شبه مخيفة
ششش .. نصيحة مني بلاش تزعليني أنا زعلي وحش على الأخر !!!
ارتجفت من تهديده الجاد .. وابتلعت ريقها بتوجس واضح ..
أرخى ببطء يده عنها .. فوضعت كفها على ذقنها لتفركه من ذلك الآلم الذي سببه به ..
ابتسم لها بغطرسة .. ثم أردف قائلا بصرامة
واعملي حسابك مش هتخرجي من أوضتك النهاردة !
تحولت من وديعة مستكينة إلى عصبية متهورة بعد قراره الأخير وتحدته متسائلة بجرأة
ومين هايمنعني !!!!
رد عليها بثقة مغترة
أنا
ثم تحرك في اتجاه الباب ليسحب منه المفتاح فلحقت به وهي تسأله بصوت غاضب
انت بتعمل ايه
دفعها من كتفها للخلف وهو يقول بجمود
ابعدي !
أصرت على تخطيه والخروج من الغرفة وصاحت بنبرة منفعلة
لأ استنى أنا مش هاتحبس هنا !
أمسكها من كتفيها وأبعدها عنوة للخلف وهو يقول بصوت جامد
ارجعي لورا !
أزاحت يديه عنها بإنفعال ظاهر في تصرفاتها وهتفت بإصرار وهي تتوعده
لأ .. والله لو قفلت الباب وحبستني لأزعق وأخليهم يفتحولي وآآ...
قاطعها قائلا بنبرة غامضة وهو ينظر لها بغرابة أجفلتها قليلا
بصي انتي حطي هيموكلار بعد كده عليها
عقدت ما بين حاجبيها في إندهاش مما قاله ورددت متساءلة
ايه هيموكلار
ابتسم لها قائلا بهدوء
ايوه !
سألته بعدم فهم وهي ترمقه بنظرات غريبة
ليه إن شاء الله
أجابها بهدوء مريب
عشان دي
تحول كل شيء فجأة للإظلام حيث فقدت وعيها على إثر لكمة فجائية ..
سامحيني بس أنا بأغير على خطيبتي المستقبلية !
اعتدل في وقفته ليتحرك بخطوات حذرة في اتجاه الباب وفتحه ومن ثم سحب المفتاح
واستدار برأسه
