رواية احببتها الفصول من 26 إلى 30
طبيعيه وانتي مالك انتي
فاطمه بعصبيهاحترمي نفسك المفروض لو عندك ډم تنزلي انتي تشيلي الي وقع ع الارض مش بتامري راجل قد ابوكي وفاكره نفسك صاحبه الشركه وعماله تشخطي وتنطري
نسرين.. طيب اي رايك ان كلامك مش هيمشي وكلامي انا الي هيمشي وعم سيد هيشيل الي وقع ع الارض
فاطمه بتحدي والله عم سيد ما هيشيل حاجه من ع الارض ووريني هتعملي ايه
جاء كريم من الخلف قائلا بصرامه في ايه الي بيحصل هنا ده
فاطمه بقوهالانسه المحترمه بتزعق لعم سيد عشان وقع صنيه القهوه دي ع الارض معرفش فاكره نفسها ايه وهي اصلا ولا حاجه وقليله الادب
جزت نسرين ع أسنانها قائله انا مش هتكلم ولا هغلط فيكي عشان خاطر استاذ كريم بس
فاطمه بسخريه لا ياشيخه اومال مين الي حسه كان مجلجل دلوقتي
كريم بحزم فاطمه ادخلي جوه المكتب بسرعه يلا
فاطمه لا مش هدخل وعم سيد مش هيشيل حاجه من ع الأرض
إنفعل كريم قائلا بخشونه ادخلي جوه يافاطمه واقفلي الباب
خشيت فاطمه من ملامحه التي تتحول في لمح البصر ودخلت بهدوء وأغلقت الباب خلفها
نظر كريم الي عم سيد قائلا بجديه اتفضل انت ياعم سيد شوف وراك إيه
عم سيد.. طيب هنضف الارض الاول
كريم.. لا سيب الارض متشلش حاجه ياعم سيد روح انت دلوقتي شوف شغلك.. ثم انصرف عم سيد بهدوء
نظر كريم الي نسرين ثم قال بصرامه أستاذه نسرين الي حصل ده ميتكررش تاني صوت عالي في الشركه مينفعش حضرتك ملكيش أي حق تكلمي أي عامل في الشركه بالطريقه دي ولو ده اتكرر تاني هيبقالي رد فعل وحش اوي مش هيعجبك تمام !
نسرين.. حضرتك انا ...
كريم.. انا مش هسمع منك اي كلام اتفضلي شوفي شغلك واندهيلي عامل النظافه بينضف الارض دي بسرعه
نسرين.. اوك تحت امرك
ثم دخل كريم المكتب وأغلق الباب خلفه وما أن دخل حتي أشاحت فاطمه بوجهها بعيدا عنه وعبست بوجهها
لازم تدخلي في كل حاجه كده واي الي خرجك بره المكتب اصلا
فاطمه پغضب انت كمان هتزعقلي تاني هي الي المفروض تزعقلها وتمشيها من هنا دي معندهاش ډم اصلا
كريم.. انا غلطان من الاول اني جبتك معايا يابطه
فاطمه.. وانا عملت ايه عم سيد صعب عليا وهي عماله تبهدله مقدرتش امسك نفسي وكان لازم ادافع عنه وبعدين انا ممكن اروح انا اصلا زهقت يلا روحني
نظر كريم لها معجبا بانفعالها كالاطفال قائلاوهتسبيني لوحدي
فاطمه.. آه خليك هنا لوحدك
بهمساهون عليكي يابطتي تسبيني لوحدي
توترت فاطمه من إقترابه الشديد وقالت بتلعثم ها
كريم مكررا بابتسامه اهون عليكي تسبيني لوحدي يابطتي
فاطمه بارتباك. ليه ما نسرين موجوده خليها تعد معاك
كريم.. يادي نسرين الي واكله عقلك دي سكرتيرتي انما انتي ... انتي مراتي
إبتلعت فاطمه ريقها بخجل شديد وتوترت بشده وزاغت بنظرها بعيدا عنه
ضحك كريم قائلاايه اتبرجلتي ليه بس
فاطمه بارتباكها لا انا كويسه اهون
كريم.. اهون ! مش بقولك مجنونه
فاطمه.. انا مجنونه
كريم.. اوي اوي
فاطمه.. طيب ممكن اسالك سؤال
إنتصب كريم في وقفته وعاد الي مكتبه سريعا قائلا بنفاذ صبر اسكتي يابطتي سبيني اشوف شغلي قبل ما اجنن زيك
ضحكت فاطمه بشده عليه فضحك كريم قائلا مجنونه وربنا
ومرت الايام
مرت عده أيام الي أن جاء اليوم المحدد لزياره أحمد إلي منزل خاله إبراهيم لخطبه هاله رسميا من أبيها وأخيها ...
كانت تجلس في غرفتها ومتوتره بشده ثم قالت انا مكسوفه اوي
يابطه ومش ع بعضي
فاطمه.. ده احساس طبيعي يالولو اي بنت في الموقف ده لازم بتبقي كده انتي اهدي بس وخليها ع الله ويلا يادوبك تلبسي وتجهزي قبل ما احمد يجي
هاله.. حاضر هقوم اهو
فاطمه.. تعالي هنا انتي عينك مدمعه كده ليه في ايه
هاله بحزن. كان نفسي ماما تكون معايا اوي في اليوم ده
فاطمه بحنان. حبيبتي يالولو الله يرحمها هي اكيد حاسه بيكي دلوقتي وفرحنالك
إنهمرت الدموع من عين هاله فمهما كان حولها من أناس يعوضونها عن ذاك الحنان الذي إفتقدته لن يستطيعوا فالأم واحده فقط وإن رحلت فلن تعوض أبدا
مسحت فاطمه ع شعرها قائله بحنانخلاص بقا عشان خاطري يا لولتي افرحي واتبسطي هو احنا بنفرح كل يوم اقولك انا امك اعتبريني امك يلا قومي عشان ازوقك لعريسك
ضحكت هاله من بين دموعها لمزاح فاطمه
فاطمه.. ايون كدهون اضحكي بقا ضحكتك حلوه جوي
هاله.. ههههه حبيبتي يابطوط عقبال فرحك انتي وكريم امتي بقا عايزه افرح فيكي
فاطمه.. تفرحي فيا دي اخرتها وانا عماله اقولك انا امك يادزمه
هاله.. ههههه الله يعينك ياكيمو ياخويا هتجننك البت دي
فاطمه.. ههههه مش ليكي دعوه يابت كريم ده حبيبي حبيبي
هاله.. ياسيدي ع الحب ده انتي دوبتي يابطوط بتحبي اوي كده
فاطمه.. نعم كريم ده انا بمۏت فيه يابنتي ده حبيبي
تحدث كريم الواقف عند باب الغرفه مبتسما قائلا وانا كمان
هبت فاطمه واقفه واتسعت عيناها ووضعت سريعا يدها ع وجهها بخجل شديد
ضحكت هاله بشده قائله انت هنا من امتي ياكريم
ضحك كريم قائلا من أول كريم ده حبيبي
هاله.. ههههه طيب كنت عايز حاجه
كريم.. اه ياهاله جيت ازرر زرار القميص اتخلع في ايدي ينفع كده يلا تعالي خيطيه قبل العريس ما يجي بقا
هاله.. طيب ياكريم هجيب الخيط والابره وجايه وخرجت سريعا
ركضت فاطمه خلفها ولكن أسرع كريم وأمسكها بكلتي يديه قائلا راحه فين
فاطمه بتوتر ها هروح اشوف ساره بتعمل ايه
إقترب كريم منها قائلا بهمس مفيش خروج قبل ما تسمعيني كنتي بتقولي اي عشان مسمعتش كويس
إبتلعت فاطمه ريقها قائلهها انا مقولتش حاجه
تسعت عين فاطمه قائله انت بتعمل ايه مش تبصلي كده
كريم بهمسطب هتقوليلي ولا...
نظرت فاطمه الي الارض قائله هقول هقول استني طيب
كريم.. ها
فاطمه.. نسيت
رفع كريم حاجبه قائلا طيب خلاص مش هتخرجي من هنا وهقفل الباب
فاطمه پخوف خلاص هقول اهو
كريم.. انطقي
فاطمه بتلعثم كنت بقول ان انت ...
كريم بمكرانا ايه
أغمضت فاطمه عيناها بشده وقالت بتلعثم آآ ح ح ح ح...
ضحك كريم قائلا هفضل مستني كده كتير
توردت وجنتيها خجلا وفتحت عيناها قائله طب سيبني مش ينفع كده أرجوك
ضيق كريم عيناه وقال بخبث خلاص يابطتي متقوليش بس بشرط
تنهدت فاطمه بارتياح ثم قالت اخيرا الحمدلله شرط ايه ده
ابتسم كريم قائلا تديني أطه يا .. يابطه
شهقت فاطمه وقالت متسعه العينين إييييه
كريم بنفاذ صبر إخلصي قدامك حل من الاتنين يلا اختاري بسرعه
عضت فاطمه ع شفتيها وقالت هقول وأمري لله بص أنا كنت بقول ان انت آآ بص انت ح ح حبيبي.. سريعا متجها الي الخارج وظل كريم واقفا ومتنهدا بحراره مبتسما بحب
وبعد مرور الوقت تمت قراءه الفاتحه لهاله وأحمد والجميع قلبه يخفق فرحا لهاله تلك الفتاه الحنونه التي لا تزعج أحد ابدا والجميع
جلس أحمد مع هاله وتحدث الاثنان في أمور عديده وكل منهما قلبه يخفق للثاني بشده
نزل الجميع متجهين الي بعض محلات الذهب لشراء الشبكه بعد أن اتفقا ان عقد القران سيكون في نفس اليوم الذي به الخطبه
وقفت هاله تختار الذهب وكانت فاطمه وساره يتشاركا معها في الاختيار .. حتي اقترب كريم من فاطمه وقال تعالي يابطتي عايزك بصي نقي الي يعجبك من دول كانت مجموعه خواتم ودبل
فاطمه بزهول انا ليه
تنهد كريم قائلا انا عارف ان عندك الشبكه الي بابا كان جبهالك وانتي ملبستهاش لحد دلوقتي ومكنتيش راضيه عنها ولانا وهي مش مهمه بالنسبالي المهم عندي دلوقتي انك تختاري الي يعجبك يلا نقي
فاطمه.. لالا ملوش لزوم خلي هاله تنقي براحتها
كريم.. اسمعي الكلام ومتغلبنيش معاكي يلا نقي
بحثت فاطمه بعيناه واختارت دبله دبله رقيقه وقالت بخجل دي حلوه
كريم.. عجبتك ولا تنقي حاجه تاني
فاطمه.. لا عجبتني ومش عاوزه حاجه تاني كده كده الشبكه موجوده بلاش تكلف نفسك
إختار لها كريم خاتم ع ذوقه وسلسله رقيقه كما أنه لا بنسي أخته وأختار لها أيضا خاتم ع ذوقه بجانب الشبكه
ومرت الايام إلي أن جاء موعد حفل عقد القران والخطوبه
في الصباح
أوصل كريم هاله وفاطمه وساره ومني إلي الكوافير وقبل أن تدخل فاطمه معهم .. اقترب منها قائلا بجديه مفيش مكياج هيتحط ولا سواريه ولا الكلام ده سمعاني
فاطمه.. بس ده فرح وهحط حاجات خفيفه وهلبس فستان عادي مش سواريه
كريم.. ولا اي حاجه لا خفيف ولا تقيل فاهمه يابطتي
فاطمه بنرفزهطيب فاهمه فاهمه
كريم ضاحكا. ايوه كده شاطره
هاله.. يلا يابطه خلصي
كريم.. يلا روحي وخلي بالك من نفسك
فاطمه.. ماشي يلا
سلام
كريم.. سلام
وفي المساء
مني .. يلا يابطه دورك عشان تتمكيجي
فاطمه.. لا انا مش عاوزه
مني.. ازاي ده لا مينفعش ده فرح يابنتي
ساره.. حطي حاجات خفيفه يابطه مش هتبان
فاطمه.. لا ياساره كريم هيزعقلي
مني.. يابنتي ده الفرح مليان بنات وكلهم هيبقو ع سنجه عشره ازاي بقا انتي مش هتحطي حاجه
فاطمه..
ساره.. هو لما هيلاقي الميكب خفيف مش هيتكلم يابطه مټخافيش عايزاكي تبقي قمر
هاله.. عندهم حق يابطوط يلا بقا قبل ما يجوا
فاطمه.. ماشي ربنا يستر.
ووضعت فاطمه بعض مساحيق التجميل فبرزت جمال ملامحها وكانت مثل البدر في تمامه ثم جلست بجانب هاله وهي خائفه من رد فعل كريم
وأخيرا وصل أحمد الذي كان يتألق في بدلته السمراء فأصبح أكثر وسامه وما أن وجد هاله حتي إنبهر بها حيث كانت ترتدي فستان من اللون الروز الهادي ومحتشم وترتدي طرحه ستان بنفس اللون وتضع تاجا فوق رأسها مع بعض مساحيق التجميل البسيطه للغايه فأصبحت كالملكه المتوجه
إبتسم كريم لأخته
تنهدت هاله برجفه قائله الله يبارك فيك ياكيمو عقبال لما أشوفك منور في بدله العريس
تقدم والدها بحنان وسعاده قائلا ألف مبروك ياحبيبه بابا
هاله والدها بشده قائله الله يبارك فيك يااغلي اب في الدنيا
تقدم أحمد قائلا بمزاح مش هينفع كده ياجماعه انا العريس والله
ضحك كريم قائلا اتفضل ياابو حميد خد راحتك ياعم بس مش أوي لسه مكتبناش
ضحك الجميع بسعاده وتوجهوا ليركب الجميع
وقف كريم يبحث عن فاطمه بعيناه حتي وجدها فأسرع إليها وأمسكها من ذراعها بقوه قائلا بصرامه
إيه الي في وشك ده
خشيت فاطمه منه وابتلعت ريقها قائله آآ في ايه
كريم پغضب انا قولتلك ايه الصبح
فاطمه پخوف أصل والله هما الي قالولي
شد كريم علي ذراعها قائلا هما مين الي قالوا انا قولتلك ايه
ظلت فاطمه صامته وانسابت الدموع من عيناها
تنهد كريم قائلا الي في وشك ده يتمسح حالا
أقبلت ساره اليهم قائله في ايه وبتعيطي ليه يافاطمه ثم نظرت لكريم الغاضب بشده قائله معلش ياكريم ده فرح معلش الناس بتتفرج علينا
أرخي كريم قبضته من ذراعها قائلا بخشونه ماشي اركبي وحسابك معايا بعدين يلا .....
البارت الثلاثون
إستقل كريم سيارته وجلست فاطمه بجانبه وهي تجفف دموعها وبالخلف كان أحمد وهاله يجلسان
وقبل أن تغلق فاطمه باب السياره أمسكت مني به قائله أنا هركب هنا جنب أخويا لو سمحتي يافاطمه
تحدث أحمد بجديه وقال خلاص مش مشكله يامني اركبي في عربيه تانيه مفيش مكان هنا
مني بتصميم المفروض اكون مكان فاطمه انا اخت العريس
هاله بأستغراب.. معلش يامني هي ركبت خلاص يعني هتقوميها من مكانها
فاطمه بنفاذ صبر خلاص انا هروح اركب جنب ساره وعمتي متزعليش
أسرع كريم وأمسك يدها قائلا بصرامه تنزلي فين اقفلي الباب ده خلينا نمشي هنتأخر على القاعه
احمد بنفاذ صبر خلاص بقا يامني روحي اركبي جنب ماما وساره
كزت مني علي أسنانها وتحركت وهي تزفر بضيق متوعده لهما ....
أدار كريم محرك القياده وانطلق بالسياره متوجها الي القاعه التي سيقيم بها حفل الخطبة وعقد القران ..
احمد احم متزعليش منها يافاطمه هي كده بتحب تتدلع وخلاص
فاطمه بهدوء لا عادي هي من حقها تقعد مكاني هي اخت العريس
هاله بدفاعاه بس انتي اخت العروسه يابطه ومن حقك اكتر منها
احمد بمزاح. اااه ابتدينا بقا شغل مرات الاخ واخت الجوز
هاله.. ههههه لا مني كمان اختي والله بس بطه علي الاقل قعده جنب جوزها يعني مني كانت هتبقي محرجه
تحدث كريم قائلا بتأكيدما أنا بقول كده برضو يالولو مش كده يابطتي
أشاحت فاطمه بوجهها بعيدا عنه ولم تجيب عليه ..
أمسك كريم بكف يدها قائلا بهمس أحبك وأنت مقموص
خفق قلب فاطمه بشده أثر لمسته لها وقالت بخفوت بص قدامك هنعمل حدثه
رفع كريم حاجبه قائلا حاډثه وانتي معايا عيب عليكي يابطتي
إبتسمت فاطمه رغما عنها وحاولت أن تهدئ ذاك القلب الذي ينبض بشده
وأخيرا وصلوا إلي القاعه وترجل الجميع متوجهين إلي الداخل وتم عقد القران وما أن قال المأذون بارك الله لكما وبارك عليكما وجمع بينكما في خير حتي نهض أحمد لتزداد هاله سعاده وبهجه لتتفاجئ بأحمد يحملها ويدور بسعاده وبعد لفه طويله أنزلها ناظرا الي عينيها قائلا بحبگ
نظرت هاله الي الارض وقد توردت وجنتيها خجلا ولتبدأ معه رقصه سلو برومانسيه
أدمعت عينا فاطمه فرحا لابنه عمها وصديقتها بل وأختها ظلت تنظر لها بأعجاب حتي إقترب كريم منها قائلا
بكره في فرحنا هشيلك وهلف بيكي انا كمان
ابتسمت فاطمه ونظرت الي الارض بخجل
فاطمه.. لالا اعقل الله يخليك
كريم ضاحكا لا ما العقل انتي طيرتيه خلاص يلا تعالي أشيلك
ابتعدت فاطمه خطوه للخلف قائله كريم الناس
رفع كريم حاجبه قائلا تولع الناس
فاطمه بتنهيده خلاص بقي وبعدين ده فرح هاله وهي بس الي تتشال
غمز كريم لها قائلا حنين !
فاطمه بخجلاحم احم بس بقا الناس بتتفرج علينا
كريم.. طب
امسكي
فاطمه بعند لا مش همسحه وبعدين انا زعلانه منك اصلا أوعي كده اما اروح لهاله وسارت للامام وتركته
رفع كريم حاجبه قائلا ماشي يابطتي بس لما تقعي في ايدي
كانت مني تقف بجانب صديقتها وتنظر إليهما پحقد وتكاد أن تحترق غيظا
تحدثت مها صديقتها قائله
مها .. بت يامني مين المز الي واقف هناك ده
مني.. ده كريم ابن خالي الي كنت بحكيلك عليه واخو العروسه
مها.. ياخبر ده قمر هو ده الي مش معبرك وانتي هتجنني عليه
مني.. احترمي نفسك ياجزمه ايوه هو
مها.. الله ما تعرفيني عليه يابت ده مز اوي
مني.. لا ده ملوش في الكلام ده ومش هيعبرك
مها.. ليه ياماما هو انا وحشه ولا وحشه بس تعرفي ده شكله مغرور اوي بس على مين دنا مها
مني.. ههههه كان غيرك اشطر
مها.. يعني ايه طب فين بنت عمه الي كنتي بتقوليلي عليها انه مجوزها ڠصب عنه
مني.. اهي هناك الي جنب العروسه
مها.. طب ماهي حلوه اهي مش عجباه ليه
مني.. انا احلي منها بكتير على فكره
مها .. ياشيخه اتنيلي احلي من مين بصراحه هي كمان قمر ولايقين على بعض اوي
مني.. اخرسي انا احلي
مها.. اسكتي بس وتعالي عرفيني عليه يمكن يقع في حبي ولا حاجه
مني.. ههههه يقع في حبك مره واحده اسكتي ده هيقع في حبي انا قريب ان شاء الله
مها.. لا معتقدش ده مبيبصش لحد ولا عنيه جت عليكي من اول الفرح انسي وفوقي ده انا الي ممكن اوقعو حالا فيا
مني.. لا ياشيخه طب ما تورينا كده
مها.. تدفعي كام
مني .. ولا مليم بس وريني شطارتك
مها.. اوك اتفرجي عليا بقا
سارت مها في إتجاه كريم وتمايلت في خطواتها وتعمدت هي أن تتعثر قليلا بقدميها حتي ترنح جسدها قليلا عليه وإصطدمت به قائله بصوت أنثوي آآ سوري مكنش قصدي
أشاح كريم بوجه بعيدا عنها وتجاهلها تماما ثم تابعت مها بدلال هو إنت أخو العروسه
تحدث كريم بخشونه قائلا آه في حاجه
مهما بتوتر من أسلوبه الحاد آآ لا أصل مني كانت بتشكر فيك أوي فأنا كنت حابه نتعرف ونبقي أصحاب
نظر كريم لها بإشمئزاز وقال پحده أنا مبتعرفش علي حد !
إرتبكت مها باحراج وقالت بتلعثم آآ طيب عن إذنك وتحركت من أمامه متجها الي مني
لاحظت فاطمه من بعيد الموقف فتحدثت في نفسها قائله ينهارك اسود ياكريم ليلتك سوده وأسرعت في إتجاهه قائله مين البت الي كانت واقفه معاك دي ها
كريم بأبتسامه. ابدا كانت عايزه تتعرف عليا
فاطمه بغيره. نعم وانت قولتلها ايه
أراد كريم أن يراوغها فقال بهدوء.. وانتي مالك مش انتي مبتكلمنيش ايه الي جابك دلوقتي
فاطمه بعصبية يووه رد عليا قولتلها ايه
كريم ضاحكا.. قولتلها ماشي
اتسعت عيني فاطمه قائله ماشي !
كريم باستفزاز.. اها واخدت رقمي كمان
إنفعلت فاطمه قائله ينهارك مش فايت
ضحك كريم بشده عليها مما جعلها تغضب أكثر قائله وكمان بتضحك انت بجد عملت كده وادتها رقمك
تحدث كريم من بين ضحكاته قائلا لا طبعا يامجنونه
فاطمه.. ياسلام وايه الي خلاها تكلمك اصلا ها
كريم.. معرفش اهي تلقيح جتت
فاطمه.. ماشي اما نشوف اخرتها ايه معاك
إقترب كريم منها وقال هامسا الحلو غيران عليا بقا
فاطمه بتوترلا وهغير ليه اصلا
كريم بمزاحطيب يعني مش غيرانه اروح اخد رقمها دلوقتي
رفعت فاطمه حاجبيها قائله وربنا ھقتلك
ضحك كريم قائلا وربنا مجنونه
وقفت مها بجانب مني تهز ساقيها بتوتر وإحراج
مني.. ههههه شكلك يفطس من الضحك وانتي راجعه قفاكي يامر عيش
مها.. هاها ها ده مغرور اوي معرفش فاكر نفسه ايه
مني .. ههههه احسن تستاهلي قولتلك مش هيعبرك مسمعتيش كلامي
مها.. على اساس انه بيعبرك انتي يعني
مني.. اها
مها.. باماره التطنيش الي
مطنشهولك صح
مني.. تحبي اخليه يرقص معايا سلو دلوقتي حالا
مها.. تبقي جدعه وريني شطارتك يلا
مني اتفرجي عليا وسارت عده خطوات حتي وصلت الي كريم وفاطمه فقالت بدلالايه الاخبار ياجماعه مالكو واقفين ليه كده
تأففت فاطمه من رؤيتها فقالت ببرود. عادي يعني هنعمل ايه
مني.. ماتيجي ترقصي شويه مع البنات يابطه
فاطمه.. لا مش ليا في الرقص
مني.. انا بقا نفسي ارقص سلو اوي ممكن ياكريم ترقص معايا
صدمت فاطمه من وقاحتها وجرائتها ونظرت لها قائله نعم !!!
نظر لها كريم باستحقار وقال بصرامه ترقصي معايا أنا !!! إنتي شكلك مبتشوفيش لاني لو هرقص هيبقي مع مراتي الي واقفه قدامك دي ولا إنتي اتعميتي
صدمت مني من رد فعله وكزت على أسنانها بغل وإنصرفت دون ان تتفوه بكلمه واحده
إتسعت ابتسامه فاطمه وامسكت بيده قائله حلوه اوي كلمه مراتي دي بحبها أوي
ضغط كريم علي يدها قائلا وانا كمان
فاطمه.. انت كمان ايه
كريم.. بحبها
فاطمه.. هي مين
كريم.. احم
فاطمه.. ها يلا قولها بقا
كريم.. اقول ايه
فاطمه.. اعترفلي بحبك دلوقتي
كريم.. هو انا لسه معترفتش
فاطمه.. لا لسه
كريم.. ممممممم لا مش دلوقتي
فاطمه.. اومال امتي
كريم.. هقولك بعدين
فاطمه.. لا دلوقتي
كريم.. تؤ تؤ
فاطمه.. طيب هسالك سؤال وجاوب بصراحه
كريم..ايه ده تصدقي انا متصورتش مع هاله
اوعي بقا
فاطمه.. ماشي ماشي اهرب براحتك اصبر عليا بس
عادت مني إلي صديقتها والحقد مسيطرا عليها بشده
مها .. ههههه مش قادره شكلك وحش اوي
مني.. بس ياغلسه ماشي ياسي كريم اصبر عليا بس
مها.. بس اقولك على حاجه شكله بيحبها اوي مش باين انه زي ما بتقولي
مني.. اه بس الاول مكنوش كده معرفش ايه الي شقلب حاله كده
مها.. لا مااصل البت مزه وتستاهل برضو
مني.. لازم ابعدهم عن بعض
مها .. لا حرام يابت عليكي دول عاملين زي العصافير
مني.. ششش اسكتي انتي ما تفكري معايا في حاجه اعملها دلوقتي اخليهم يتخانقو عشان استريح
مها.. ياساتر على قلبك الاسود فاضلك قرنين وتبقي شطان
مني.. اخرسي وفكري معايا
مها.. مش عارفه
مني.. تعالي نقوم العروسه عشان ترقص طيب يلا
مها.. يلا
إتجهتا ٱلي هاله الجالسه في الكوشه فقالت مني
مني.. لولو انزلي يلا خلينا نرقص مع بعض
هاله.. لا انا مكسوفه
مني.. مكسوفه ايه يلا بس ما احمد بيرقص مع اصحابه اهو اشمعنا انتي
ساره.. يلا يالولو بقا انا هروح انده على بطه ترقص معانا واتجهت سريعا الي فاطمه واخذتها من يدها تمسكت ساره وفاطمه بيد هاله لترقصا معها وكانت مني تريد أن يراها كريم حتي يتشاجرا مع بعضهما وسرعان ما وجدها كريم فتملكه الڠضب وظل ناظرا اليها حتي رفعت فاطمه عينيها وجدته ينظر لها بتحذير فتراجعت للخلف فورا ولكن مني تعمدت أن تجذبها مره أخري ولكن سرعان ما تحدثت ساره لعدم حدوث مشكله لأختها خلاص يامني سبيها
مني.. يابنتي ده فرح وايه يعني
ساره متجاهله لحديثهاروحي اقعدي يافاطمه كريم بقا على اخره
نظرت فاطمه الي كريم فأشار لها بأن تأتي إليه فتملكها الخۏف وقالت إلحقيني ياساره أهو بينهدلي أعمل ايه انا مكنتش عايزه أرقص منكوا لله
ضحكت ساره قائله قوليلوا معلش وخلاص يابطه مټخافيش
فاطمه لا انا هعمل نفسي مش شيفاه ومش هروحله
ساره كده هيتنرفز عليكي اكتر يلا روح وجمد قلبك يا وحش
فاطمه إتلهي ياساره ديما جيبنلي الكلام
ضحكت ساره قائله طب يلا يامجنونه روحي شوفي عايز ايه
فاطمه هيزعقلي طبعا انتي لسه بتسألي يلا انا اصلا مبخافش.... وتحركت في اتجاهه وظلت ساره تضحك عليها
وقفت فاطمه امام كريم قائله بخفوت نعم
تحدث كريم بحزم قائلا شايفه الشباب دي كلها كانت بتبص عليكي دلوقتي
تنهدت فاطمه وظلت صامته ناظره إليه
تابع كريم بعصبيه مين قالك ترقصي وتقومي من مكانك اصلا وهاله كمان ايه الي قومها
فاطمه بخفوت مني الي قومتها مش انا وبعدين ده فرح ولازم العروسه ترقص عادي يعني
كريم بجديه ترقص والناس كلها تتفرج عليها
فاطمه.. طيب خلاص مش تزعقلي انا اسفه
تنهد كريم قائلامش عارف اعمل فيكي ايه
فاطمه بمزاح هاتلي شيبسي
كريم.. كمان بتهزري مش بقولك مجنونه
فاطمه أنا هروح بقا أقعد جنب هاله ماشي
أمسكها كريم من يدها قائلا تعالي معايا عايزك
فاطمه بتساؤل ايه عايز ايه
سحبها كريم معه خارج القاعه حيث كانت توجد حديقه في الخارج خاليه من الناس سار بها كريم حتي وقف أمام شجره ما
نظرت له فاطمه قائله في إيه
إبتلعت فاطمه ريقها قائله ها لا هو في ايه
ضحك كريم قائلا كنت عايز أقولك علي سر
خفق قلب فاطمه وحدثت نفسها قائله ممم أكيد هيعترفلي بحبه دلوقتي
ظل كريم يتأملها وهي شارده فقال بهمس ايه روحتي فين يابطتي!
انتبهت فاطمه وقالت بارتباك مرحتش منا موجوده اهو انت كنت عايز تقول ايه
كريم بهمس كنت عايز اقولك انك حلوه أوي النهارده
ارتجفت فاطمه قائله هو ده الي عايز تقولوه
أومأ كريم برأسه قائلا آه
نظرت فاطمه الي الارض وقد توردت وجنتيها بحمره الخجل قائلا بحب وكنت عايز اقولك حاجه تاني
بدأ صدرها يعلو ويهبط بارتباك واضح وقالت بتلعثم آآ ايه هي
أراد كريم أن يراوغها فقال ناوليني إيدك كده عشان ألبسك الدبله
رفعت فاطمه حاجبيها قائله هو ده الي عايز تقولوه
كتم كريم ضحكاته وأومأ برأسه قائلا آه هاتي ايدك بقا
رفعت فاطمه يداها اليمني قائله بنفاذ صبر اتفضل
رفع كريم حاجبه قائلا مش دي الشمال ياوزه
فاطمه لا انا عايزه في اليمين
كريم.. ششش انتي مراتي يعني الدبله في الشمال يابطتي ثم أمسك يدها وألبسها الدبله برفق ثم رفع يدها الي فمه
خفق قلب فاطمه بشده وقالت آآ كريم إنت .....
ثم قال بحب جارف أنا بمۏت فيكي أنا بعشقك أنا عديت مرحله الحب دي انا بعشقك پجنون !!
كادت فاطمه أن يغشي عليها فها هو فارسها يعترف لها بحبه ولأول مره قال أعشقك وبصراحة ...
أمسك كريم وجهها بكلتي يديه ا بحنان ثم همس قائلا بعشقك پجنون يابطتي
أغمضت فاطمه عيناها وبدأت تتنفس سريعا وتلقائيا إنسابت دموعها لاتعرف لماذا من الممكن ان تكون دموع الفرح أم لانها لأول مره تشعر بالحنان .. الحنان الذي إفتقده منذ أن إتوجدت فهذه الدنيا ..... حاولت أن تتمالك ولكنها لم تجرأ ان تنظر
في عينيه المحدقه بها بعشق
تنهد كريم بحب وأخذ يمسح لها تلك الدموع بتفهم ثم قال مش عايز اشوف دموعك دي أبدا يابطتي انا عايز اشوف ضحكتك وبس ضحكتك الي نورتلي قلبي وحياتي ضحكتك الي خلتني احس اني عايش انتي حياتي وقلبي من جوه يابطتي
تحدثت فاطمه ببراءه قائله متسبنيش أوعدني مش تسبني لوحدي لاي سبب حتي لو زعلتك عاقبني براحه بس متسبنيش انا مليش غيرك
أغمض كريم عيناه وارتسمت ابتسامه عاشقه على شفتيه ثم قال أوعدك عمري ما هسيبك ياحبيبتي أوعدك يابطتي هفضل احبك لاخر نفس فيا هكون ليكي لوحدك يابطتي
رفعت فاطمه وجهها حاولت أن تبتعد عنه قليلا ولكنه كان محكم قبضته عليها نظر لها كريم بابتسامه قائلا بمۏت فيكي
كانت الډماء تجري في وجهها وتتركز في وجنتيها أثر خجلها الشديد فقالت بتلعثم آآ وو أنا كمان
ضحك كريم قائلا ده الي هو ايه بقا وضحي اكتر
ضړبته في صدره بخفه قائله ما تسكت بقي
ضحك كريم قائلا أموت انا
ابتسمت فاطمه قائله طب يلا نرجع الفرح بقا
رفع كريم حاجبه قائلا وهو يدخل يده في جيب بنطاله إستني يابطتي
نظرت له فاطمه في ايه
اخرج كريم منديلا ومسح دموعها وجهها سريعا ليزيل تلك المساحيق الموضوعه عليه
فاطمه بعصبيه ايه ده ياكريم وشي باظ
كريم بجديه ايوه كده قمر يابطتي
فاطمه بطفوله قمر ايه بس بالي انت عملته ده
ضحكت فاطمه وسارت معه متجهان الي القاعه مره أخري
وما أن دخلا الي القاعه سارت فاطمه وجلست بجانب ساره
ساره.. كنتي فين يابطه
فاطمه.. هقولك بعدين
ساره.. الله حلوه اوي الدبله دي هو كريم كان بيقولك ايه بره يابت
فاطمه.. اسكتي بقا بكثف والله
ساره.. ههههه حبيبتي ربنا يسعدك يابطوطه
فاطمه.. ويسعدك ياسوسو ياحبيبتي واشوفك احلي عروسه مع الي يستاهلك ويعوضك خير
ساره.. ان شاء الله
أحست فاطمه بنبره الحزن في حديث ساره فقالت ان شاء الله مش عايزاكي تياسي من رحمه ربنا وفرجه وخديني انا مثال حد كان يصدق ان انا وكريم نبقي كده دلوقتي
ساره.. لا
فاطمه.. شوفتي بقا يعني احنا منعرفش بكره في ايه ولازم نتفائل ويبقي عندنا ثقه في الله
ساره.. ونعم بالله
فاطمه.. يلا بقا وريني الضحكه الحلوه
ابتسمت ساره قائله ربنا يخليكي ليا
فاطمه.. ويخليكي ليا ياسوسو
انتهي الحفل ومرت الايام وفي ذات يوم كانت ساره تصعد السلم ولكنها سمعت صوت مني تتحدث وهي تصعد هي الاخري فاختبئت في زاويه ما حتي تسمع ما تقوله فكان الحديث كالتالي ايوه يا مها كله تمام وبعت لكريم الصور من رقم غريب وبعدين رميت الخط عشان محدش يعرف اني انا الي عملت كده وزمانه قايد ڼار دلوقتي...
صدمت ساره وحاولت أن تجمع علي من تتحدث !!!!
كان كريم يتابع أعماله فتفاجئ بهاتفه يعلن عن وصول رساله فأمسك به وفتح الرسائل فكان محتواها صور لفاطمه وكلام يدل علي أنها خائڼه نظر كريم بعدم تصديق وكاد ان ينكسر الهاتف في يده من شده الڠضب حدث نفسه قائلا مستحيل لا مش ممكن ثم نهض سريعا وأخذ متعلقاته ونزل ركضا وركب سيارته متجها الي البيت
في نفس الحين ساره بتفكر.. ياتري دي بتعمل ايه وصور مين الي بعتتها لكريم تذكرت ساره ذلك اليوم الذي أخذت مني الصور منها فقالت بذهول .. لالا معقول تكون كان قصدها توقع بين كريم وفاطمه لدرجه دي قلبها اسود ياخبر انا لازم اتصرف بسرعه لازم اعمل
وبعد قليل طرق كريم الباب فركضت مني سريعا وفتحت الباب قائله. كريم خير في حاجه
كريم.. اندهيلي فاطمه
مني.. ظهرت علي وجهها علامات الفرحه... ليه في حاجه
كريم.. ميخصكيش اندهالي بسرعه
ركضت فاطمه الي كريم بخضه من تلك الملامح الغاضبه فقالت في ايه ياكريم
نظر لها كريم ورفع الهاتف امام وجهها قائلا قوليلي ايه رايك في الرسايل والصور دي !!!
