رواية احببتها الفصول من 26 إلى 30

قال خلاص بطلي كسوف عشان أنا كده هتهور 
تفوهت فاطمه بخفوت قائله آآ لاء أنا م م مش بتكسف 
ضحك كريم قائلا خلاص خلاص قوليلي بقا كلتي ولا لاء 
إعتدلت فاطمه قائله آه 
كريم.. بجد ولا هلائيكي مخبيه الاكل وراكي 
فاطمه بثقه. لا وهخبيه ليه يعني خاېفه منك مثلا 
كريم رافعا حاجبه.. اها 
فاطمه.. لا مبخافش انا 
فاطمه.. ها لا 
كريم ضاحكا ايوه كده اتعدلي 
فاطمه بنفاذ صبر هو انا هخرج امتي من هنا 
كريم بجديه بكره 
فاطمه.. بجد 
كريم.. اه سالت الدكتور قبل ماجيلك وقالي بكره
فاطمه.. هيييه اخيرا بقا هخرج وهتفسح 
كريم.. هتخرجي انما تتفسحي
مش عارف لسه 
فاطمه.. انت وعدتني تفسحني مليش دعوه 
كريم.. عندي شغل بس اوعدك هاخدك يوم تاني 
فاطمه.. لالا مليش دعوه دنا بعد الايام عشان اخرج انا زهقت بقا 
كريم.. طيب خلاص متصدعنيش اما يجي بكره يحلها ربنا 
فاطمه.. ماشي صحيح 
كريم.. ها 
فاطمه.. انا عايزه اروح لجميله انا وساره وانت هتيجي معانا ايه رايك
كريم.. لا مش هينفع واسيب الشغل لمين 
فاطمه.. بس جميله وحشتني اوي وانا عايزه اروحلها 
كريم.. هي هتنزل 
فاطمه.. لا انا هروح مش لسه هستني 
كريم.. لا ومتصدعنيش بقا يلا نامي 
فاطمه.. طب ... 
كريم.. شششش خلاص بقا يابطتي تعبتيني 
فاطمه.. ماشي 
كريم.. يلا نامي بقا أنتي سهرتي 
فاطمه طيب تصبح على خير بقا 
غمز كريم لها قائلا وأنتي من أهله يابطتي 
تغطت فاطمه سريعا بالغطاء وتدثرت جيدا هاربه من نظراته مما جعل كريم يضحك عليها وقاطعه هاتفه وهو يرن فأجاب علي أخته قائلا أيوه ياهاله 
هاله.. مش رنيت عليا ليه في ايه 
كريم.. انتي لسه فاكره ياهاله مبتنسيش ابدا 
هاله.. ههههه اه يلا قولي بقا في ايه
كريم.. اصلك كبرتي يالولو وجالك عريس 
هاله.. 
كريم.. ههههه بت ياهاله رحتي فين 
هاله.. ها معاك معاك عريس مين ده 
كريم.. حظري فظري 
هاله.. ياكريم خلص مش وقت هزار 
كريم.. احمد ابن عمتك 
هاله.. 
كريم.. رحتي فين تاني 
هاله.. احم معاك اهو 
كريم.. ماشي ها ايه رايك بقا 
هاله بخجل شديد ايه ها مش عارفه 
كريم.. ههههه طيب بابا لما يجيلك هيسالك ابقي قوليله هو بقا 
هاله.. بابا .. لا انا هقوم انام 
كريم.. يابت متكسفيش وقولي الي انتي شايفه مټخافيش 
هاله.. مش عارفه بقا ياكريم سبني دلوقتي 
كريم.. ههههه ماشي يلا سلام 
هاله.. سلام وأغلقت الخط وقلبها يدق سريعا فهي لمحت نظره الاعجاب في أعين أحمد ولكنها تفاجئت أيضا بتقدمه لخطبتها ظلت مذهوله بضعه دقائق حتي أدخل إبراهيم المفتاح في الباب ودخل قائلا السلام عليكم 
هبت هاله واقفه بارتباك وقالتحمدلله علي السلامه يابابا 
ابراهيم.. الله يسلمك ياهاله كويس انك صاحيه 
هاله.. ليه يابابا خير 
ابراهيم.. تعالي اقعدي عايزك في موضوع 
جلست هاله بارتباك واضح ونظرت الي والدها 
نظر لها والدها بابتسامه حانيه 
هاله بتلعثم.. خير يابابا 
ابراهيم.. النهارده جالك عريس 
هاله وقد كساها الخجل قائله بجد 
ابراهيم.. اه احمد ابن عمتك وقالي انه منتظر الرد 
إبتلعت هاله ريقها ونظرت في الارض بخجل 
ابراهيم.. ها قوليلي رايك ياهاله 
هاله.. مش عارفه يابابا 
ابراهيم.. انتي مرتحاله ولا في حاجه 
هاله.. مش عارفه 
ابراهيم.. يابنتي متكسفيش وقولي رايك دنا ابوكي 
هاله.. 
ابراهيم.. طيب علي العموم خدي راحتك وفكري على مهلك وبعدين قوليلي وصلتي لايه 
هاله.. ماشي يابابا انا هصلي استخاره الاول وبعدين ابلغ حضرتك 
ابراهيم.. ماشي ياهاله وانا مستني والعريس كمان مستني على ڼار 
هاله بخجل آآ طب انا هقوم احضر لحضرتك الاكل وركضت متجهة الي المطبخ 
إبتسم والدها بحنان محدثا لنفسه ربنا يسعدك يابنتي انتي وأخوكي يارب
صباح يوم جديد تجزت فاطمه أخيرا للعوده الي المنزل 
كريم.. الدكتور بيقول لسه ساعتين على الخروج 
فاطمه.. طيب مش مشكله نستني 
كريم.. عندي شغل انا كنت هوصلك بسرعه واطلع على الشركه 
فاطمه.. طيب انا اعمل ايه دلوقتي اوعي تقولي هتسبني وتمشي 
كريم.. مش عارف ابوكي زهقني رن ومش مبطل انا ممكن امشي واجيلك تاني 
فاطمه.. لالا هعيط والله وكمان انت قولتلهم ميجوش وانت هتوصلني وبعدين هتسبني لوحدي كده دي اخرتها 
رن هاتف كريم فأجاب قائلا أيوه ياعمي 
حسين.. كريم بسرعه تجيلي حالا ايه لعب العيال ده اخلص 
كريم.. طيب اديني ساعه كمان عشان انا مع بنتك في المستشفي مينفعش اسبها لوحدها 
حسين.. ولا دقيقه واحده تجيلي حالا متوقفليش حالي بلا مستشفي بلازفت وأغلق الخط سريعا 
كريم.. عاجبك كده اديكي سمعتيني كلمتين على الصبح 
أدمعت عينا فاطمه وقالت بحزنخلاص روح انت شوف شغلك وانا هقعد لوحدي 
تنهد كريم قائلا طب پتبكي ليه دلوقتي 
فاطمه.. لا مش ببكي 
كريم.. طيب استني هروح اشوف الدكتور تاني 
فاطمه.. ماشي 
حاول كريم مع الطبيب مرارا وتكرارا حتي كتب له إذن بالخروج من المستشفي وعاد كريم مره ثانيه الي فاطمه قائلايلا يابطه كتبلنا على خروج خلاص 
ركضت فاطمه نحوه بسعاده وأمسكت بيده قائله يلا 
كريم.. براحه يابطتي انتي لسه تعبانه 
فاطمه.. لا انا كويسه اوي وبعدين يلا عشان نروح الشركه 
كريم.. مين دول الي هيروحوا الشركه 
فاطمه.. انا وانت 
كريم.. لا طبعا انا هوصلك للبيت بسرعه وبعدين اروح الشغل 
فاطمه.. لالا هتتاخر والله وبعدين ابويا مش هيسيبك انا قلبي عليك 
كريم.. لا مټخافيش عليا يلا اركبي 
فاطمه.. طب هاجي معاك عشان خاطري 
كريم.. بطه اعقلي مش كده احنا في الشارع يلا اركبي 
فاطمه.. ماشي ...وركبت السياره 
ركب كريم وأدار المحرك وأنطلق بالسياره 
تحدثت فاطمه قائله.. عشان خاطري هاجي معاك 
كريم.. يووه متصدعنيش على الصبح مش هعرف اشتغل وانتي مش بتبطلي رغي 
فاطمه.. لا مش هتكلم خالص صدقني 
كريم.. لا 
فاطمه.. عشان خاطري 
كريم.. تعبتيني والله 
فاطمه.. يعني هتاخدني 
كريم.. لا 
فاطمه.. بص ساره راحت المدرسه عشان مواعيد الامتحانات وهاله مش فضيالي دلوقتي وعمتو راحت تشوف طلبات احمد يعني محدش في البيت دلوقتي اروح انا اعد لوحدي يرضيك كده 
ظل هاتف كريم يرن مرارا وتكرارا وهو يقود بعصبيه وتوتر أغلق الخط علي عمه وزفر بضيق 
فاطمه.. ها رد عليا 
انفعل كريم قائلا بعصبيه وصوت عالي اسكتي بقا كفايه
رغي يافاطمه مش معقول كده اووف
انتفضت فاطمه من صوته وابتلعت ريقها پخوف ونظرت من نافذه السياره 
تنهد كريم بضيق قائلا يعني لازم أزعق عشان تسكتي 
ظلت فاطمه صامته وأشاحت بوجهها بعيدا عنه 
كريم.. خلاص متزعليش هاخدك معايا 
فاطمه.. لا خلاص مش عاوزه روحني 
كريم.. خلاص على راحتك يلا هروح 
فاطمه.. ايه ده انت صدقت بهزر بهزر 
كريم.. مجنونه رسمي والله 
فاطمه.. يلا بسرعه عشان مش تتاخر 
كريم.. لا انا اتاخرت خلاص وربنا يستر
...........................
عاودت ساره إلي المنزل بعد يوم طويل في الدراسه بأنهاك سارت عده خطوات حتي وصلت الي محل أبو مصطفي لتشتري منه مناديل 
ساره.. سلام عليكم 
مصطفي وابو مصطفي.. وعليكم السلام ورحمه الله 
ابو مصطفي.. ازي فاطمه اختك عامله ايه دلوقتي 
ساره.. الحمدلله كويسه 
ابو مصطفي.. الحمدلله 
مصطفي.. اجبلك ايه ياانسه ساره 
ساره.. مناديل لو سمحت 
مصطفي.. اتفضلي 
ساره.. شكرا .. وأعطته النقود 
مصطفي.. خلي بقا 
ساره.. لا شكرا ربنا يخليك ثم أخذت بكت المناديل وانصرفت
ظل مصطفي ناظرا اليها حتي إختفت من أمامه
ابو مصطفي.. بتبص علي ايه 
مصطفي.. ها لا ابدا ولا حاجه كنت عايز اقولك حاجه يابابا 
ابو مصطفي.. قول خير 
مصطفي.. اي رايك في ساره 
ابو مصطفي.. راي فيها ازاي مش فاهم 
مصطفي.. يعني انا كنت بفكر اتقدملها 
ابو مصطفي.. نعم يا اخويا ! 
مصطفي.. في ايه يابابا 
ابو مصطفي.. في ايه في انها اولا مش من طوبنا وابوها راجل متكبر ولا يمكن هيوافق علينا ولا انا ارضي اناسب راجل زي ده ثانيا دي بنت مش كويسه وسريتها بقت على كل لسان وكل المنطقه هنا عارفه انها كانت ماشيه مع الواد الفرفور ده الي اتحبس وجابت مشاكل لاهلها عرفت فيه ايه ولا لسه !! 
مصطفي.. يابابا هي باين عليها كويسه اوي بس هو الندل ده الي ضحك عليها وكل عقلها 
ابو مصطفي.. البنت الكويسه المحترمه محدش يقدر يضحك عليها ولا ياكل عقلها وانت ازاي ترضي علي نفسك تاخد واحده عرفت قبلك واحد ويا عالم مشيت مع مين غيره 
مصطفي.. بلاش تظلمها بالكلام ده يابابا 
ابو مصطفي.. اخرس ياض انت يلا قله ادب علي اخر الزمن هناسب واحده ... 
مصطفي.. بس متكملش خلاص 
ابو مصطفي.. يلا شوف شغلك واوعي تفتح الموضوع ده تاني فاهم !!
وصل كريم إلي مقر الشركه وترجل من السياره قائلا .يلا يابطتي انزلي 
فاطمه.. طب اوعي الكلب يكون واقف انا خاېفه 
كريم. . هطلع واسيبك والله اخلصي 
فاطمه.. احم حاضر وترجلت من السياره وأمسكت بيده وسارت معه وصعدا الأثنان الي الاعلي 
كريم.. هتفضلي مكلبشه فيا كده كتير 
فاطمه.. ايه مش عاجبك 
كريم.. لا عاجبني اوي يابطتي 
فاطمه.. ايون كده 
كريم.. طب يلا تعالي وفتح باب مكتبه ودلف الي الداخل وما أن دخل دخلت خلفه نسرين 
كزت فاطمه على أسنانها وزفرت بضيق من رؤيتها 
تحدث نسرين قائله
استاذ حسين عايز حضرتك حالا قالي اول ما تيجي اديله خبر 
كريم.. طيب ماشي اتفضلي انتي 
نسرين.. اوك حضرتك محتاج حاجه 
كريم.. لا شكرا 
نسرين.. اوك وخرجت 
فاطمه بغيره علي فكره مينفعش كده 
كريم بعصبيه وبعدين انا غلطان اني جبتك معايا صح 
فاطمه بخفوت اسفه 
كريم.. خليكي هنا راجعلك 
فاطمه.. ماشي
اتجه كريم إلي مكتب عمه وما أن دخل حتي قال ما لسه بدري ياكريم باشا 
كريم.. الموصلات كانت زحمه اعمل ايه يعني اخد طياره واجيلك بيها
حسين.. انا مليش دعوه انا ليا دعوه بشغلي وبس لازم يكون في معاده فاهم 
كريم.. فهمنا ياعم يلا خلصنا 
حسين.. واحترم نفسك شويه واتكلم باسلوب احسن من كده 
كريم.. انت ضيعت الوقت في الكلام وعمال تستعجلني من بدري وبعدين انا برد على كلامك 
حسين.. اتفضل الورق ده كله يطبعلي النهارده على الاسكنر وتراجع كل الكشوفات وتعيد علي مرتبات الموظفين وتجبلي قايمه بيها والاجازات و و و 
كريم.. انا عايز اعرف انت بتعمل ايه في الشركه دي كل ده انا هعمله هو انا انسان آلي ولا ايه
حسين.. ده شغلك وانا ليا شغلي واعمل الي بقولك عليه وانت ساكت ياكريم واخلص في يومك ده 
زفر كريم بضيق وأخذ الملفات وعاد الي مكتبه مره ثانيه بعصبيه ثم جلس ورفع سماعه الهاتف قائلا نسرين ابعتيلي قهوه لو سمحتي 
فاطمه.. يادي نسرين 
كريم بعصبيه والله انا ممكن اقوم اوصلك دلوقتي لو مسكتيش انا مش ناقصك انتي وابوكي ده 
فاطمه طيب خلاص مش تزعقلي كده 
تنهد كريم وابتدي يتابع أعماله وبعد قليل سمع طرقات الباب 
كريم.. ادخل 
دخل عم سيد وهو ممسك بالقهوه 
كريم.. اهلااا عم سيد حمدلله علي السلامه ياراجل ياطيب 
عم سيد.. الله يسلمك يا استاذ كريم 
كريم.. ازي صحتك دلوقتي 
عم سيد.. الحمدلله بخير في نعمه ونظر الي فاطمه مين الحلوه دي اختك 
نظر كريم الي فاطمه وابتسم قائلا لا ياعم سيد دي مراتي.. 
عم سيد.. هو انت اتجوزت امتي ما شاء الله مش كنت تعزمني ولا انا يعني مش اد المقام 
كريم .. اخص عليك ياعم سيد ده انت الخير والبركه انا كتبت كتاب بس ولسه الفرح وانت هتكون اول المعازيم ان شاء الله 
إبتسمت فاطمه وظلت ناظره إليه فيوما عن يوم تزداد إعجابا به وبأخلاقه العاليه وتواضعه مع الأقل منه 
عم سيد.. ما شاء الله يازين ما اختارت ربنا يسعدكم ويخليكم لبعض 
كريم.. ربنا يخليك
ويديك الصحه ويباركلنا في عمرك ياعم سيد...... 
عم سيد الله يجبر بخاطرك يااستاذ كريم عن إذنكم 
وخرج عم سيد مبتسما .........
البارت التاسع والعشرون
ظلت فاطمه ناظره إلي كريم بأعجاب وتأمل حتي لاحظ كريم تلك النظرات فقال بهدوء بتبصيلي كده ليه 
فاطمه بأبتسامه مكنتش اعرف انك متواضع كده 
كريم.. ليه يعني 
فاطمه.. الاول كنت فاكره انك زي بابا بيعامل الناس من فوق 
كريم.. العظمه لله وحده ومن تواضع لله رفعه وانا بقا مش احسن من الناس في اي حاجه عشان اعاملهم من فوق وعم سيد وعم رضا عندي احسن من ناس كتير وبحبهم لله في لله 
فاطمه.. اه وانا كمان حبيتهم اوي 
كريم بغيره حبيتي مين 
فاطمه احم لا مش قصدي 
كريم اها إتعدلي كده 
فاطمه بس بجد عم سيد ده عسول خالص وأنا حبيته 
ضحك كريم قائلا لحقتي تحبي في الدقيقتين دول 
فاطمه .. اه اصل هو الي خلاني اسمع كلمه مراتي 
كريم.. عجبتك 
فاطمه.. اه عجبتني اوي 
كريم.. ماشي ممكن بقا تسبيني اشوف شغلي يابطتي عشان لو اندمجت معاكي مش هخلص في يومي ده 
فاطمه.. ماشي بس انا زعلانه منك ع فكره 
كريم ضاحكاطيب ماشي اخلص الي في ايدي وبعدين اصالحك 
فاطمه.. ماشي يلا خلص بسرعه
............................
كانت ساره تصعد درجات السلم فسمعت بعد من الجيران يتهامسون عليها ببعض الكلام الچارح أحست وكأن قلبها يعتصر من شده الألم أرادت أن لو تنشق الأرض وتبتلعها أكملت صعود السلم وهي تكاد أن تتحطم كليا دلفت من باب المنزل إلي الداخل وما ان دخلت حتي إنفجرت في البكاء ظلت تبكي وتشهق بمراره ومن بين دموعها تحدثت قائله
يارب انا تعبت من حياتي خلاص مبقتش قادره اتحمل اكتر من كده مكنتش اعرف ان كل ده هيحصل ولا كنت اعرف ان سمعتي هتبوظ ولا كان ع بالي ان كل الناس هتتكلم عليا كده مكنتش اعرف حجم الغلطه الي غلطها اه كنت عارفه اني بعمل حاجه غلط بس مكنتش اعرف انه بيضحك عليا وبيعشمني كنت فاكره اني بحب وبعدين هيجي يتقدملي كنت عايزه اخرج من سجن بابا بسرعه وامشي بعيد عنه بس للاسف الغلطه دي حكمت عليا بالسجن المؤبد يارب سامحيني انا مليش غيرك ربي اغفر لي وارحمني واعفو عني وارحمني من كلام الناس انا اسفه عمري ما هعمل كده تاني ابدا انا اتعملت وعرفت واتكسرت انا ندمانه ورجعالك يارب من قلبي وعارفه انك هتقبلني عارفه انك كريم وعفو وهتسامحني وهتبعد عني شړ الناس وكلامهم الي بېقتلني سامحني عن كل ذنب وكل طاعه فرط فيها عشان خاطر حد ميستهلش بس انا كنت لوحدي ديما يعني بابا عمره ما نصحني ولا عمره قالي كلمه حلوه كان ديما يضربني انا واخواتي ع اقل حاجه كان رعبني ده حتي عمره ما قالي تعالي صلي ولا اقرئي قرآن ولا خدي بالك من نفسك ولا حذرني من الغلط كان ديما يعايرني انا واخواتي عشان احنا بنات كأن احنا عار ومصېبه اتبلي فيها انا مش هقول انه السبب ولا هبرر لنفسي الغلط انا عارفه ياربي اني غلطانه واستاهل كل الي انا فيه بس انا عمري ما حبيت بابا ولا عمري هحبه ويوم ما قولتله بكرهك كانت طالعه من قلبي انا مسمحاه ع الي عمله فينا لاني بتمني عفوك دلوقتي وعارفه انك عفو تحب العفو فاعفو عني ياالله وخليلي اخواتي واسعدهم في حياتهم ووفقني في دراستي وكن معي دائما.. 
أنهت ساره دعائها وتضرعها إلي الله ومن ثم قامت لتتوضأ وتصلي ركعتان لكي تزيل عن صدرها تلك الهموم التي أثقلت وتبدأ مع خالقها صفحه جديده ليتوب عليها ويغفر لها ما تقدم من ذنب فالله لا يخزل من لجأ إليه فالله يغفر الذنوب ولو بلغت عنان السماء الله يغفر ولا يبالي هو التواب الغفور فلنلجأ جميعا إلي المولي متضرعين إليه .. 
في منزل ابراهيم 
ابراهيم.. ها ياهاله وصلتي لايه 
هاله.. 
ابراهيم.. يابنتي متكسفيش كده دي حاجه طبيعيه خالص 
هاله.. مش مكسوفه يابابا 
ابراهيم.. مش مكسوفه اي اومال وشك زي الطمطمايه كده ليه 
هاله.. ها لا عادي 
ابراهيم.. ههههه طيب صليتي استخاره ولا لسه 
هاله.. صليت يابابا 
ابراهيم.. ها وحسيتي بايه 
هاله.. احم مبدئيا مرتاحه 
ابراهيم.. متاكده ياهاله لو عايزه تفكري تاني فكري وخدي وقتك 
هاله.. فكرت يا بابا وحاسه اني مرتاحه 
ابراهيم.. طيب يابنتي ع خيره الله ربنا يتمملك ع خير واشوفك احلي عروسه 
هاله.. ربنا يخليك ليا يابابا 
ابراهيم.. ويخليكي ليا ياحبيبه بابا انا هبلغ احمد وعمتك انك وافقتي وربنا يتمم بخير 
هاله بخجل ماشي يابابا 
...............................................
وبعد مرور وقت طويل في الشركه 
تراجع كريم بظهره للخلف وأغمض عيناه بأنهاك وأخذ نفسا عميقا وزفره ع مهل 
نظرت له فاطمه بأشفاق فهو حقا يشقي في عمله تحدثت قائله إيه تعبت 
كريم بإرهاقجدا 
فاطمه.. طيب استريح شويه وبعدين كمل 
كريم.. ماشي صحيح انا نسيت انتي من الصبح مش اكلتي حاجه مش تفكريني انا نسيت خالص 
فاطمه.. لا مش عايزه 
كريم.. يعني مش جعانه 
فاطمه.. لا جعانه 
كريم.. ده كلام برضو وقعده من الصبح
ساكته مش تقوليلي انا انشغلت ونسيتك خالص 
فاطمه.. اه طبعا لازم تنساني مهو انا مش في بالك اصلا 
كريم بابتسامهطب بطلي لماضه وقوليلي هتاكلي ايه
فاطمه.. مش مشكله لما ابقي اروح بقا عشان مش تتعطل عن شغلك 
كريم.. لا منا كمان جعان اوي يلا قولي تاكلي ايه 
فاطمه.. ممم عاوزه شاورما 
كريم.. ممم وانا كمان 
فاطمه.. هو انت بتحبها زي 
غمز كريم لها ثم قال بمۏت فيها 
فاطمه بارتباكاحم طيب 
كريم ضاحكا. طيب انا هخرج اودي الشغل ده لعمي واطلب الاكل وراجع 
فاطمه.. مش تتاخر 
كريم.. حاضر
ظلت فاطمه جالسه حتي سمعت صوت صياح وأصوات تعتلي من الخارج فنهضت وتوجهت الي مصدر الصوت وفتحت الباب وخرجت فوجدت نسرين تصيح بعم سيد الواقف أمامها بقله حيله
نسرين بصياح مش تفتح ياعم سيد اي الي انت عملته ده عجبك كده 
عم سيد.. انا آسف والله ما كان قصدي اعمل كده ڠصب عني وقعت مني الصينيه 
تدخلت فاطمه قائله بدفاع اهدي ياعم سيد متزعلش انت مكنش قصدك 
نسرين بغيظ لو سمحتي مش تتدخلي في شغلي 
فاطمه وقد تحولت ملامحها للقوه قائلهانتي بجد قليله الذوق ومعندكيش ډم في حد يزعق لحد في السن ده بالطريقه دي انتي فاكره نفسك ايه
نسرين ببرود ياريت تخليكي في حالك عم سيد نضفلي الي عملته ده بسرعه وشيل الارف ده 
إنحني عم سيد بجسده وكاد أن ينحني أكثر ليلملم الذي وقع منه حتي أمسكت به فاطمه قائله برجاء والله مانت شايل حاجه من ع الارض ولا هتوطي لو سمحت متسمعش كلامها ياعم سيد 
نسرين بغللا انتي بجد مش