رواية وصيه الفصول من 21ل25 بقلم ملكة روايات
دي
شاهين و هو يجفف أنفه مبتعدا عنهم جميعا لاهين في توديع
ملك و هو يتمم ..
شاهين خلصنا خلاص ..
ياارب ..
أما ملك ما وجدت نفسها الا إلي جوار هاشم و هو يتجه إلي
المطعم ..
في المطعم ...
هاشم مالك مش بتاكلي ليه !
ملك شبعانه
هاشم شبعانه اي بس ده الأكل ريحته تفتح النفس و كمان
أنتي خسيتي كده ليه !
ملك فين ده
هاشم و ربنا خسيتي جدا ..
لا بقي أنا
عايز مراتي ملو هدومها كده مش عصايه
ملك عصايه !! يا معفن
هاشم و الله ما فيكي غير لسان لميه بقي و كلي
ملك لاء مش عاوزة
هاشم بس أنا قولت هتاكلي
ملك ماليش نفس يا هاشم كل أنت بالهنا و الشفا
هاشم هنايا أنتي ..
أهو أنتي كده أقولك كلمه حلوة تبلمي أقولك يا بقرة تردحي
حاجه غريبة يا جدع
ملك احم أنت بتفاجئني لكن متعودة علي طولة لسانك أنت
كمان
هاشم ههههه خلاص من هنا و رايح هتغرقي كلام حلو عشان
متتفاجيش ..
ها اطلبلك حاجه تانيه
ملك لالا
هاشم طب حاجه صغيره عشان خاطري ..
تناولت معلقتين و شربت كأس العصير ..
ملك كده و الله تمام
هاشم خلاص أنا شبعت كمان يلا نمشي
ملك لا نمشي اي لسه بدري
هاشم بدري من عمرك يا حبيبي الساعه داخله علي ٢ بالليل
و الجو برد عليكي
ملك لالا اقعد بس
هاشم و لسه طريق ساعتين
ملك ماشي ..
استقلا السيارة متجهين إلي عروس البحر المتوسط ..
هاشم لو عاوزة تنامي نامي و انا هصحيكي أول ما نوصل
ملك لا أنا مش جايلي نوم اصلا
هاشم اممم واضح
ملك يعني هكدب عليك
هاشم ابدااا
ملك بقول اي يا هاشم
هاشم يا عيون هاشم اؤمريني
ملك احم ..
الامر لله
هاشم و نعمه بالله ها عايزة اي
ملك أنا ! لا اا نسيت
هاشم أما تفتكري قوليلي
ملك ماشي ..
التزموا الصمت بسبب القيادة ليلا و قد غلب ملك النعاس
و ما إن وصلوا حتي ايقظها هاشم بتمرير اصابعه
علي وجنتيها ..
لم تنم البارحه جيدا فكانت في سبات عميق
هاشم ملك ..
ملوكه نومك تقيل يا بنتي كده لييه ..
ملللللك
ملك اي في ايه !!!
هاشم بقالي سنه بصحيكي
ملك أنا نمت !!
هاشم أيوة تحت الأرض
ملك اممم و ما إن خرجت من السيارة حتي لامستها
برودة الإسكندرية ..
هاشم بردانه
ملك شويه
هاشم هندخل أهو الفندق ده عباره عن ميني شاليهات كده
يعني هتاخدي راحتك جوه ماتقلقيش م المكان
ملك أنا مش قلقانه بس مش عايزة اطلع دلوقتي
هاشم الفجر هيأذن يا ملك و الجو برد عليكي
ملك تعالي نقعد لشروق الشمس هنا ع البحر أهو
هاشم ما البحر هيبقي قدامنا اليومين دول ماتقلقيش
ملك بس أنا عايزه دلوقتي
هاشم مالك قلبتي عيله كده ليه !! ..
زمت شفتيها ..
أهو كده
هاشم خلاص خلاص ندخل الشنط يطلعوها بس و نخرج تاني
ملك ماشي
أمام البحر ..
هاشم اي خدمه
ملك ميرسي
هاشم ميرسي اي مفيش يا حبيبي يا عمري ميرسي حاف كده
ملك بكره ازوقهالك
هاشم بخيله
ملك أهو أنت
هاشم أهو أنتي
ملك أهو أنت
هاشم أهو أنتي
ملك يووه
هاشم يووه
ملك الله
هاشم الله
ملك أنت بتقلدني ولا اي
هاشم أنت بتقلدني ولا اي
ملك يا هاشم الله
هاشم يا عيون هاشم
ملك ا اا ت
هاشم هتأتأي كده كتير
ملك لا ماهو
هاشم ماهو ! ما تقومي نروح بقي هننشف
ملك لا الجو جميل
هاشم جميل اي دا أنتي بتكتكي و مفيش فايده بقالنا نص
ساعه قاعدين و صلينا الفجر ف المسجد و رجعنا كل ده و أقول
هتتهد اهي و هتقول يلا نروح أنا ال اتهديت وأنتي لسه
بتقاوحي
ملك أنا مش بردانه خااالص
هاشم كدابه
ملك لا
هاشم خودي ..
خلع جاكيته و البسها أياه
ملك هتبرد كده يا هاشم
هاشم ششش سيبيه و اسمعيني كده عينك ف عيني
مش ف الأرض ..
فين جرأت ملك و شجاعتها سيبتيهم ف إنجلترا ولا اي
خاېفه مني يا ملك لييه !
ملك أنا مش خاېفه منك أنا بس
هاشم أنا عمري ما هأذيكي يا بنتي أنتي روحي في حد يجي
علي روحه ..
ها
ملك تؤ
هاشم اومال اي بقي
ملك مفيش حاجه
هاشم أنا مقدر الدربكة و السرعه ال حصلت دي ف الفرح
و المشاكل بس إن شاء الله ال جاي احسن
ملك إن شاء الله
هاشم أفرش و أنام هنا ولا هتحني عليا ..
إبتسمت ..
حينها فقط اشرقت شمس هاشم ..
ادرك كيف يحتويها ..
هاشم نروح بقي
ملك هههههه ماشي
هاشم اخيرااا هناااام
ملك لا والله
هاشم اه والله و بعدين خودي هنا ابت ..
حاول أن يمسك بإذنها و لم يستطع ..
فين ودنك كلتيها
ملك مش هتطولها من الطرحه
هاشم بكره اطولها
ملك أبقي قابلني
هاشم لاا ميغركيش دا أنا اعجبك اوي لولاا بس السفر
ملك أبقي قابلني برده
هاشم أنام بس و افوقلك
ملك هاشم
هاشم ها افتكرتي
إبتسمت ..
ملك أنا متردده بس
هاشم ما أنا عارف
ملك أنت بتعرف تقرأ الافكار ولا اي !
هاشم لا أبدا
ملك اومال بتعرف أنا بفكر ف اي ازاي !
هاشم زي الناس ال بتحب مابيبقاش في اي حواجز
بينهم
ملك بجد يا هاشم بتحبني بجد
هاشم أنا مش بحبك .. أنا بحبك و بمۏت فيكي يا نعمة ربنا ليا
ملك يعني ا ..
هاشم يعني اي !
ملك يعني مش بتفتكرها مش نفسك تبقي هي مكاني
هاشم أنا مش هسألك عرفتي منين إن كان في هي ..
بس و الله ما بقي فيه غيرك و لاجت ف بالي
أنتي عارفه أنا بحمد ربنا إني كنت ف يوم مفكر إني بحبها
و هو ده الحب بس الحقيقه إني معرفتش الحب غير معاكي ..
معاكي و بس غير كده بيبقي شكليات أو مراهقه سميها زي
ما تسميها المهم أنتي هنا و بس ..
و أشار إلي قلبه ..
إبتسمت بسحرها الخلاب ..
ملك ربنا يقدرني واسعدك
هاشم و أنا كمان ياااااااارب بقي
ملك يلا ھموت و أنام
هاشم ههههه يلا يا عنديه ..
ما إن وصلوا الشاليه حتي خلع هاشم حذائه و ربطة عنقه
و القي بنفسه علي الفراش ..
و ملك وقفت مرتبكه بمكانها ..
مرت دقائق و هي علي نفس الوضع .. فتح هاشم عيونه و هو
شبه نائم ..
هتفضلي كده كتير
ملك أنا لا
هاشم طب مش هتنامي ولا هتغيري ..
بتنامي واقفه زي الاحصنه يعني
ملك والله !!
هاشم اومال مابتتحركيش ليه
ملك مش عارفه
هاشم ملك الحمام أهو و شنطك اهي غيري و تعالي نامي أحنا مانمناش من إمبارح
ملك مفيش غير سرير واحد
هاشم أيوة و فيها اي
ملك مش هعرف أنام
هاشم جربي الأول
ملك لا
هاشم أنا مابتحركش و أنا نايم كتير و لو سكت خمس ثواني
هتلاقيني كلت رز مع الملايكه زي ما بيقولوا فمش هقلقك
خالص
ملك يا هاش...
هاشم ملك بقول اي اسمعي ال بقولك عليه من أول مره
مبحبش اعيد كلامي مرتين ..
يلا ..
زمت شفتيها و تمتمت بكلام غير مفهوم ..
انهت ملك ملابسها و تمددت بحظر جواره حقيقه كان يشعر بها
بجواره لكنه اراد أن يطمئنها بنومه و ما هي إلا دقائق حتي
ذهبوا في ثبات عميق ..
استيقظت ملك اولا و لأول وهله لم تستوعب هاشم بجوارها
حتي تذكرت أنه امسي زوجها تأملته عن قرب لم يغير ملابسه
حتي ..
نائم بهدوء شعره متساقط علي جبينه بعشوائية جميله يضع
يدا اسفل رآسه و يدا بداخل جيبه كأنه لم يتحرك و لو مره واحده طيله الساعات الماضيه و كأنه شعر بها فتململ في
نومته ارتبكت ملك عندما ابصرها و لكن سرعان ما أغلق عيونه
مره اخري و إستدار ناحيتها و همس إليها
هاشم بتتقلبي كتير دوشتيني
ملك نعم ..
نمت تاني !!
صلت ركعتين شكر لله علي تبديل حالها و ذهبت لتوقظه لصلاه
الظهر
ملك هاشم
هاشم صباح الخير
ملك صباح النور ..
مش هتقوم تصلي
هاشم الساعه كام
ملك إتنشار إلا ربع
هاشم حاضر و بعد الصلاه ..
ملك أنا هقوم بقي اطلب الفطار لجعانه
هاشم اوك ..
ملك
ملك أيوة
هاشم تعالي
ملك اي ! هاشم قربي مش هاكلك ما إن أقتربت الخطوات التي
تفأجات لوهله و كردة فعل أرادت أن تبتعد و لكنه أحكم عليها
أكثر حتي استكانت بين يديه ..
و همس لها ..
هاشم الحمدلله الحمدلله ..
برفان اي ده !
ملك أنا مش حاطه برفانه
هاشم اومال اي الريحه ال تودي ف داهيه دي
ملك مش عارفه ..
إقترب برآسه أكثر من عنقها ..
هاشم لو خلعتي الاسدال هعرف احدد اكتر هي جاي
منين
ملك هي وحشه ولا اي !
هاشم بالعكس دي تجنن ..
خلع وشاحها برفق حتي انسدل شعرها علي ظهرها بأكمله ..
يا الله سبحان الله
ملك في اي يا هاشم بتتريق
هاشم فصلتيني يا شيخه تعالي ..
توجه بها إلي مرآه كبيره و وقف خلفها ..
هاشم سبحان من جعل الحسن آية بعيونك و خلق طيب العطر
يفوح في خصلات شعرك ..
سبحان من اورد جنه العشق علي جيدك ..
سبحان من أبدع ببحور عينيكي .. عينيكي و أه من عينيكي ..
قطرتين قهوة في نهر من لبن ما ألبث أن أستفيق من عبق
قهوتها حتي أسكر في شهد لبنها ..
تأخذني إلي الجنة بنظرة منهما ..
إلتمعت عيناها ..
ملك بتقول شعر
اومأ برآسه و غاص مجددا في عنقها و استنشق بعمق ..
هاشم ده ليكي و بس
ملك شامم اي يا هاشم
هاشم مش عارف بس جايه منك و تسكر الواحد بدل الخمړة
ملك مش لدرجادي
هاشم ماتحكميش علي حاجه مجربتهاش
ملك بس عمري ما شميت الريحه دي
هاشم و لا هتشميها أنا ال هشمها و بس دي ريحه عشقي ليكي
بتخدرني كل ما تقربي مني و مكنتش أعرف إنها بالجمال ده
عن قرب
ملك أنت ازاي كده
هاشم زي العاشقين يا ملاكي
ملك علي كده بقي أنت كمان عندك ريحه
هاشم ده لو أنتي عاشقه
ملك و أنت عندك شك ..
ادارها في مواجه عينيه ..
هاشم تعرفي إن التجويف ده يسحر ..
ده ..
اشار إلي التجويف اسفل عنقها
ملك لا معرفش دي عضمه
هاشم دي مخلوقه عشاني
ملك بس دي بتاعتي
هاشم ما أنتي كلك علي بعضك بتاعتي
ملك احم ..
طب سيبني بقي
هاشم تؤ
ملك مش هنفطر
هاشم اوكي يا ستي تعالي ..
بعد الافطار اصطحب هاشم ملك إلي البيوتي سنتر اعتنت
بنفسها كثيرا فيه كانت هديه رائعه و أرادت أن تتمشي بدلا من
السيارة
هاشم اي رأيك ف الكافيه ده
ملك يجنن
هاشم تعالي نشرب حاجه هناك
ملك بكل سرور
هاشم هيا يا فتاه
ملك ههههه اجل سيدي
هاشم سيدتي سنتحدث هكذا كثيرا
ملك لا شعرت بالزهك
هاشم زهك يخربيت فصحتك ظلمك ال دخلك مدارس ..
اخرجت لسانها بشئ طفولي
ملك دا أنا مهشمندثه اد الدنيا ..
دفعها برفق ..
هاشم طب قدامي يامهندزه ..
لكنها اصتدمت بفتاه
ملك سوري بجد مكنتش اقصد
الفتاه مش تفتحي يا نيله
ملك بقولك سوري خلاص ملهاش لازمه قلة الذوق دي
الفتاه أنتي ال قليلة الزوق
هاشم معلش أحنا اسفين حضرتك
الفتاه هاشم !
هاشم تعرفيني
الفتاه مش فاكرني يا هاشم اها أنا صبغت شعري و دي لينسيز
هاشم
الفتاة أنا علا !
البارت الخامس والعشرون
وقع الأسم علي كلاهما بصدي صم اذانهم ..
كانت تدري ملك أن خطيبته السابقه تدعي علا و كان يعلم أن هذا اللقاء
وقوعه محتوم لا محاله ..
تغير ملامح كلاهما للأسوأ و تشي بنذير عاصفه ..
هاشم علا مين
علا علا .. علا خطيبتك
ملك سوري يا انسه خطيبة مين معلش !!
علا أنتي مين أنا بكلم هاشم
ملك ما تتكلم يا سي هاشم ..
لا يحبها و لا يحمل تجاهها إلا الڠضب و النفور لكنها أيقظت بداخله ذكريات ظن أنه نساها
أو ربما تناساها ..
قل الهواء من حوله و شعر بالاختناق و ما كان منه إلا أن أمسك بيد ملك و شدد عليها
هاشم دي الباشمهندسه ملك هاشم عبد الحميد
علا يعني !!
هاشم مراتي
علا أتجوزت
ملك زي ما أنتي شايفه أنا المدام ..
تجاهلت علا ملك تمام ..
علا بس لسه زي ما أنت يا هاشم بل احلويت زياده
هاشم فرصه منيله بنيله و ياريت ماتتكرش عن إذنك
علا بس أنا فرحانه إني شوفتك بعد السنين دي و كويس
هاشم ليه !! كنتي متوقعه تشوفيني ازاي بمۏت من غيرك مثلا
علا لا ..
خالد هيفرح أما يشوفك
هاشم و أنا قرفان لو شفتكوا تاني ..
كانت ملك و هاشم في مقابل علا ..
و قد جاء صوت يعرف هاشم صاحبه جيدا لذلك لم يلتفت إليه بل ملك التي فعلت ..
خالد اي يا علا .. اتأخرتي ليه
ملك و أنت مين أنت كمان
خالد حضرتك ال مين
علا خالد مش هتصدق
ملك خالد! كملت اوي
خالد في اي
علا
دي مدام ملك .. مرات هاشم ..
ران الصمت لعدة ثواني مرت و كأنها دقائق ..
هاشم يلا يا ملك مش كنتي عاوزه قهوة
ملك اا .. اه ..
سحبها إلي الداخل لكن يد خالد كانت اسرع منه فأوقفه ..
خالد هاشم ..
إستدار له بوجه خالي التعبير ..
خالد أزيك .. وحشتني
هاشم لا والله
خالد والله العظيم يا هاشم ..
كويس إني شوفتك بخير
هاشم جري اي مالكوا أنا الحمد لله أحسن منكوا مليون مره و الحاجه ال وجعتني قوتني مليون مره كمان و بعد عني اقذر ناس عشان اقابل النضيف و اعرف افرق ..
و ياريت لو شوفتوني تاني اعملوا نفسكوا متعرفونيش ..
أنا المرادي سكت عشان خاطر مراتي و منظرها قدام الناس لكن قسما بالله و طبعا عارفين حلفاني لو قابلتكوا تاني و كلمتوني لا أعرفكم مقامكوا كويس ..
يلا يا ملك
خالد هاشم ..
استني أنا أسف ..
سحب هاشم ملك خلفه پعنف تألمت يداها و ادخلها السياره و ركن بعد فتره أمام البحر كي يستنشق هواء ليس ملوث بهم ..
بعد دقائق نزلت ملك و لحقت به و صمتت كثيرا كما فعل ..
هاشم أنا عايز أمشي
ملك تمام ..
ذهبا إلي الشاليه و اسرع هاشم إلي الحمام و تقيئ ..
تقيئ ذكريات خلت و موقف اراد أن لا يحدث تقيئ عبق الماضي ..
لحقت به ملك ..
ملك هاشم أنت كويس .. هاشم افتحلي في اي ! .. طب هدخل ها
و عندما لم تجد رد فتحت الباب بحذر و ببطئ ..
و سرعا ن ما أسرعت إليه ..
كان يجلس علي ركبتيه و يتقئ و يدا تستد علي الأرض و اليد الأخري يمسك بها رآسه ..
أسندت رآسه بيدها حتي انهك و اذدادت قطرات العرق البارده علي جبينه فقام ليغسل
وجهه ..
همت هي إليه بذلك لكنه ابعدها پعنف ..
هاشم حاسبي يا ملك
ملك أهدي اقعد هنا و أنا هغسلك وشك
هاشم ابعدي
ملك أهدي بقي ..
شبت علي أصابعها كي تصل إلي طوله و غسلت وجهه و امالت رآسه ف الحوض لتمرر
ماء الصنبور فوقها ..
ثم اصطحبته من يده إلي الخارج تجفف رآسه ..
ملك أحسن حاجه إنك رجعتهم ..
تقدر تغير هدومك ولا اساعدك
هاشم هو أنا عيل !
ملك مش قصدي ..
جلبت له ملابس جافه من حقيبته ..
ملك غير هدومك و أنا هقعد ف الصالون عما تخلص .. هطلب اتنين قهوة مظبوط ها .. أوكي ..
سمع خدمه الروم سيرفز ..
فخرج ليشرب القهوة معها ..
جلس إلي جوارها في صمت إلي أن أنهي قهوته ..
و بحركه فجائيه توسد قدمها و جعل منه وساده و تممد بجوارها على المنضده و وجهه في بطنها ..
اندهشت لفعلته دائما مايباغتها
بافعاله و كلامه و احتارت ماذا تفعل
لكن ما هي إلا لحظات حتي سكنت يدها علي كتفه و الاخري بشعره ..
تشعر بإنفاسه بدايه سريعه كأنه يجاهد نفسه و بالتدريج انتظمت حتي شعرت بحرارتها ..
تبللت ملابسها من شعره لكنها لم تكن تعلم أن احداهم كانت دمعه ..
هاشم ملك
ملك أيوة
هاشم مش هتسأليني عن اي حاجه
ملك ياريت بس لو هتجاوبني ..
امبارح قولتلي إنك مبقتش تحبها صح
.. اعتدل في جلسته ..
هاشم صح طبعا
ملك اومال حساك مش مظبوط ليه
هاشم أنا بس افتكرت حاجات مبحبهاش ضايقتني و قلبت مودي ..
عارفه لما تكون حاجه ۏجعتك و علمت عليكي و مع الوقت اتعودتي علي ۏجعها لدرجه
إنك خلاص تعايشتي معاه بس النهارده أما شوفتهم أنتبهت لۏجعي ده وكأنه صحي من
جديد ..
أمسكت يده و احاطتها بيديها ..
ملك احكيلي هتطلع وجعك براك و هتنساه للابد
هاشم تفتكري
ملك اه و جدا
هاشم بس أنتي عارفه ال حصل
ملك لا أمينة محكتليش غير حاجات قليله
هاشم زي اي
ملك يعني إنك كنت بتحب بنت وأنت ف الجامعه و اتخطبتوا أما اتخرجت ع طول بس سوري هي سابتك مع يعني اع..
هاشم مع صاحبي .. صاحب عمري !
ملك أنا أسفه جدا
هاشم بتتأسفي علي اي دول خسارة فيهم الأسف
ملك يمكن محبتكش من الأول
هاشم كانت تقول تتكلم مش تخوني و تطعني ف ضهري و هما ماشفوش مني غير أطيب معامله أنا بسببهم بقيت قاسې .
قاسې حتي علي نفسي ..
مش بنام بالأيام م التفكير بقسي ع ال حواليا من غير ذنب دمورني و شايفهم عايشين حياتهم
ملك بعد الشړ ..
أنا شايفه إنسان ناجح قدامي و الحمد لله
هاشم ده من بره و بالنسبه للجوه اي
ملك و ال جوه مبعش من بدري
.. و أشارت إلي قلبه ..
هاشم ده بقي ليكي ملكك بس للأسف مليان شروخ و هيجي عليكي كتير
ملك هنعدي كل حاجه مع بعض و الشروخ في يوم مهيبقلهاش أثر و تفتح جناين الورد
و تملي القلب نور
هاشم ياريت
ملك إن شاء الله .. مش جعان
هاشم لا .. لو جعانه كلي أنتي
ملك مش هاكل من غيرك
هاشم ماليش نفس
ملك بس أنا جعانه مكلتش حاجه من ست ساعات
هاشم تحبي ناكل هنا ولا تحت
ملك لا دا ولا دا
هاشم طب اي !
ملك عايزه اكل بره و اروح ملاهي و اجيب بلالين و نجري و نلعب و نقضي اليوم ع كده هاشم مش عايزة فيلا ف مارينا كمان
ملك تؤ
هاشم تمام يلا ..
أصبحت ملك كالفراشه تتنقل بين الألعاب و تجري كالاطفال و هاش يشعر كأنه سيطير من فرط سعادته لسعادتها ..
ملاكه هي بسمته قد سړقت قلبه و فرت به ها هي تخرج لسانها كحركه طفوليه لفوزها بلعبه النشان تحمل دب الباندا بين يديها كم تمني في تلك اللحظه أن يراها تحمل طفله أن تكون أما لأولاده ..
التقط لها العديد من الصور و هي تضحك ..
ملك هتفتح استديوا بكميه الصور دي
هاشم هههههه تعالي ناخد سيلفي بقي
ملك هيييييه يعيش هاشم يعيش
هاشم وطي صوتك يا مجنونه هنتفضح
ملك هيييه كده حلو
هاشم ههههههه يلا .. بوز البط بقي .. قولي بطيييييخ .. كمان واحده كيوت كده ..
ملك هاشم !
هاشم قولي تشيييز
ملك اي !
هاشم تلعبي حاجه تانيه
ملك لا جربتهم كلهم و تعبت .. إلحق
هاشم اي
ملك عايزة من دول
هاشم اي دول
ملك البلالين ال هناك دي
هاشم دي بتاعت الواد الصغير
ملك اسأله جايبهم منين
هاشم ما تسأليه أنتي و أنا مالي
ملك بقي كده
هاشم أيوة كده
ملك تااايب أنت ال جبته لنفسك ..
خلعت دبوس من وشاحها و اقتربت من الطفل بهدوء و هي تصفر و بسرعه فرقعت ثلاث بلونات فالطفل بدأ بالصراااخ
هاشم يخربيتك يا هبله .. امه هتقول ضربتيه
ملك و أنا مالي هتقول عليك أنت إنك ضړبته
هاشم بس يا حبيبي متزعلش
الطفل عاااااا
هاشم أهدي يا بني لسه في غير ال فرقعوا اهو
ملك سكته بقي
هاشم اخرسي أنتي
الطفل عاااااااااااا
هاشم يا بني اخرس أنت كمان
الطفل عاااااااااا
هاشم خود اشتري غيرهم
الطفل هات عشين كنيه
هاشم عشين كنيه يانصاب!
الطفل عاااااااااااا
هاشم خلاص خلاص خود ادي العشرين جنيه
ملك هههههه
هاشم بتضحكي و ربنا ما سيبك
ملك ال يحصلني يكسرني
هاشم خودي يا بت هتجري ف الشارع
ملك بتزعق ليه بهزر معاك والله
هاشم أنتي عارفه لو عملتيها
ملك لاء
هاشم هكسرلك رجلك
ملك ماتقدرش
هاشم جربيني
ملك مهونش عليك
هاشم والله أفكر
ملك دا أنت حبيبي من ايام الجيزة
هاشم أنا معرفكش أساسا
ملك أيوة اتبري مني بقي
هاشم وأنتي في حد يقدر يتبري منك كنتي فرمتيه
ملك لا دا أنا ركيكه اوي
هاشم طب يلا يا ركيكه
ملك هنروح فين
هاشم اي رأيك بما أننا ف إسكندرية و كده نتعشي سمك
ملك بس أنا شبعانه
هاشم طب نتمشي عما نجوع
ملك اوكي
هاشم أنا عطشان تعالي نجيب مايه من هنا
ملك و عايزة بيبسي
هاشم حاضر
في المحل .. هاشم لو سمحت يا أستاذ ازازة مايه و اتنين بيبسي و فجأة ..
علا مش معقول يا مدام ملك مرتين ف نفس اليوم .. دي صدفه تووحفه
هاشم صدفه ولا بتراقبيني يا علا
علا أنا هراقبك برده يا هاشم
هاشم و أنا مش عارفك ولا اي
علا ماشي براقبك عايزة أتكلم معاك يا سيدي
علا بس أنا مش عايز
علا كلمتين و كل واحد يروح ف حاله
هاشم اتفضلي
علا مش قدام المدام برده
هاشم و أنا مش هخبي عليها حاجه
علا بس ممكن ال اقوله يضايقها
ملك قولي ال عندك و خلصينا
علا هاشم أنا دورت عليك كتير جدا بعد الحاډثه و ملقتلكش أثر في اي حته تعرفها ..
أنا لسه بحبك و فكراك زي الأول و اكتر
ملك يا بجاحتك يا شيخه
هاشم و أنا مش بحبك و مش فاكرك اصلا
علا ازاي يا هاشم و أنا متأكدة إن كل يوم بتفتكرني
هاشم تصدقي ولا متصدقيش أنتي ولا ف بالي اصلا و يااريت تبعدي عني و زي ما قدرت اختفي زمان قادر اختفي دلوقتي .. سلام ياعلا ..
و في الطريق ..
ملك أنا عايزة أنام يا هاشم ممكن نروح
هاشم مش هنتعشي
ملك ماليش نفس
هاشم أنتي مضايقه نفسك ليه
ملك أنا مش مضايقه أنا عايزة انام
هاشم متأكده إن ده وش واحده مش مضايقه
ملك أيوة ممكن نمشي بقي
هاشم حاضر يا ملك ..
ذهبوا إليه الفندق و ابدلوا ملابسهم ..
هاشم طب نطلب حاجه من تحت
ملك لو جعان أطلب أنت
هاشم لا .. طب نتفرج ع TV في فيلم جديد جاي
ملك مش عايزه
هاشم طب أنا خارج بره اتفرج وأنتي خدي راحتك هنام بره ع الكنبه ..
بعد نصف ساعه لم تستطع ملك النوم فقررت أن تخرج إليه و لكنه غفي بمكانه ..
ذهبت إليه وجدته غافي فأغلقت التلفاز و لكن ما أن اطفئ الصوت حتي أنتفض هاشم .. هاشم في اي
ملك أنت ال في اي دا أنا طفيت التلفزيون بس
هاشم مسح بيده شعره .. اممم
ملك ممكن تدخل تنام جوه
هاشم طب تعالي نام
ملك لالا نام أنت أنا مش عايزه
هاشم خلاص هعد معاكي
ملك تقعد اي أنت نايم ع نفسك
هاشم لا فين ده أنا
ملك أنا متكلمتش
هاشم بس
جيتي عشان تتكلمي
ملك شعور إنك فاهمني ده مربك جدا
هاشم ده وحش ولا حلو
ملك مش عارفه ..
بجد مش عارفه أنا عمري ما حسيت بكده ..
أنا حاسه بالتقصير ناحيتك
هاشم ليه كده
ملك حاسه إنك حاسسني بذيادة بكل حته فيك
هاشم المفروض تفرحي
ملك أنا فرحانه فرحانه اوي كمان بس ال موترني إني مش قادرة ابادلك كده ..
متفهمش غلط و متبصليش كده
هاشم عايزني أقولك اي
ملك متقولش حاجه .. بس أنا ا أنا اتلخبت
هاشم عايزة تقولي اي يا ملك من غير لف ولا دوران
ملك اووف .. علا
هاشم مالها
ملك كانت تقصد اي
