رواية صعب من 34 للاخير

اه ياماما ولسه بحبها كمان
سعاد دينا مش كده
ادهم وحضرتك عرفتي منين
سعاد عيب عليك ياواد لما تسال امك سوال ذي ده انا افهمك من نظره عينيك طب مجتش وقولتلي من الاول ليه
ادهم علشان انا جبان بجي لحد الموضوع ده وببقي جبان وجدا ومكنش ينفع اقولك علشام منكش في حاجه هتتغير علشان هي كانت بتحب حد تاني
سعاد علشان كده قررت انك تتجوز سمر
ادهم لا يماما انا اتجوزت سمر وانا مقتنع بكده وعلشان حبيتها بجد وانا اكتر حد زعل علي موتها ولما خسرتها ساعتها قررت ان كش هخسر دينا كمان مهما حصل
سعاد طب وهي بتحبك ومتنساش انها مخطوبه يابني
ادهم عارف وفاكر انها مخطوبه بس هي مش بتحبه يا ماما وقالتلي انها هتسيبه كمان
سعاد هو انت قولتلها او لمحتلها باي حاجه
ادهم اه قولتها ان بحبها قبل ما اسافر وقولتلها ان عايز فرصه وسيبتها علشان تفكر ومستني ردها
سعاد وهتعمل ايه لو هي موافقتش بقي
ادهم مش عارف انا طول الفتره الي فاتت بفكر انها لو موفقتش هعمل ايه بس مكنتش بلاقي اجابه بس حضرتك مهتمه بالموضوع ده ليه ومهتمه تعرفي اذه كنت بحب حد قبل سمر وله لا من بدري
سعاد علشان عايزه اشوفك مبسوط اه انت كنت مبسوط مع سمر بس دايما حسه ان في حاجه ناقصك في حاجه جرحك
ادهم انا فعلاه كان في حاجه ناقصني ولما كنت بشوفها بحس ان روحي رجعتلي وان اسعد انسان في الدنيا
سعاد ربنا يسعدك يابني ويريحك ومتقلقش هتوافق قلبي بيقولي انها هتوافق ولو خايف من ابوك ده سيبهولي انا هتصرف معاه
ادهم تبقي عملتي معايه خدمه العمر ولله ياماما علشان انا متاكد انها هو مش هيوافق بس هي تقول موافقه وانا هعمل المستحيل علشان تبقي معايه
سعاد باذن الله توافق وربنا يريح قلبك هروح انا بقي اشوف اختك المجنونه لاحسن من ساعه ما جت هي وامجد وهي قعده في اوضتها وكل ما اسال امجد يضحك ويقولي مفيش
ادهم اديكي قولتي مجنونه روحلها شوفيها
سعاد ماشي ياحبيبي ربنا يصبرني علي خلفتي

حل المساء علي الجميع باحداث اليوم نزل ادهم الي الجنينه بعد ان تناول العشاء ووقف امام حمام السباحه يستنشق بعض الهواء يمني نفسه ان يسمع خبر الذي يفرح قلبه وينير حياته وقف قليله يتذكر كل لحظه وموقف بينه وبين دينا منذ طفولتهم حته اليوم من ضحك وهزار ولعب مواقف لا تنسي بينهم هم الاثنين وبقيت محفوره في قلبه قبل عقله ولا يقدر ان ينسها يتذكر ضحكتها وكلامها وشقاوتها وكل شئ وكل ما يتمني ان يسمع منها كلمه واحده فقط تحعله اسعد انسان علي وجهه الارض
رائته دينا من شباك المطبخ وهي تقف تشرب وقررت انها اللحظه المناسبه لتخبره بقرارها خرجت اليه سريعا ووقفت خلفه وقالت بصوت منخفض ممكن اتكلم معاك شويه
التفت اليها ادهم وقال طبعا اتفضلي عايزه تقولي ايه
دينا انت كنت عايز تعرف ردي علي كلامك وانا جيت علشان اقولك الرد
ادهم وانا سمعك
دينا انا موافقه يا ادهم

الفصل الثامن والثلاثين
ادهم قولي انا سمعك
اخذت دينا نفس عميق وشجعت نفسها لتقول ما بداخلها انا موافقه يا ادهم
لم يستوعب ادهم ماسمعه في البدايه وتسال بعدم تصديق ايه انتي قولتي ايه
دينا بارتباك بقولك انا موافقه ان اديك فرصه
صمت ادهم للحظات يحاول استيعاب ما قالته لتو هل بالفعل وافقت هل استجاب الله لدعواته اخيره وتحقق حلمه اقترب منها قليله وقال بهمس بجد اانتي بتتكلمي بجد انتي بجد هتديني فرصه وموافقه ان اكلم عم ابراهيم واتقدملك
دينا اه موافقه
ادهم طب ومعتز
دينا خلاص الموضوع ده خلص معتز انسان كويس وباذن الله ربنا هيعوضو
ادهم انا مش بحلم صح وله بيتهائلي مش كده
ضحكت دينا عليه ولم تجد ما تقولو علي رده
ادهم لالا كله الا الضحك دي الله يخليكي انا قلبي مش بيستحملها
خجلت دينا من كلامه كثيره وحاولت الرد عليه ولكن لم تجد ماتقولو واخفضت راسها
وضع ادهم اطراف اصابعه علي ذقنها ورفع وجهها مره اخر اول واخر مره تبعدي عينيك دي عني و تنزلي راسك كده مفهوم
هزت دينا راسها ايجابه بخجل ممكن ادخل
ادهم خليك قعده معايه شويه ممكن
دينا مش هينفع معلش علشان ماما كانت عايزني
ادهم طب خلاص روحي شوفيها
دينا ماشي عن اذنك تحركت دينا لترحل ولكن اوقفها صوت ادهم دينا
استدارت دينا له منتظره ماسيقولو
ادهم بحب بحبك
كلمه مجرد كلمه تمني كثيره ان يقولها منذ زمن بعيد وطويل تمني كثيره ان تشعر بحبه وعشقه لها ومايشعر به اتجاها سمعت منه الكلمه شعرت برعشه غريبه في جسدها كانها صعقت نعم سمعتها من يوسف كثيره ومن معتز ولكن لاول مره تشعر بهذا الشعور عندما سمعتها و كم الحب الذي قالها به شعرت باحساس غريب سعاد غمرت قلبها وروحها كلها وقفت لحظات تصدق ما سمعته ثم فاقت اخيره من دوامه مشاعرها وهربت سريعا الي غرفتها ودخلت اليها واغلقت الباب وقفت تسند ظهرها علي الباب وضعت يديها علي صدرها شعرت بضربات قلبها تقرع كالطبول وقلبها يوشك من الخروج من مكانه من قوه ضرباته حاولت السيطره علي نفسها وبدائت تتنفس ببطي ايه يادينا ايه مالك في ايه اهدي كده عادي ايه الجنان ده بيحبني انا ادهم بيحبني اخيره قالها قالها اخيره قالها ادهم بحبني انا انا وبس وبدات تقفز وتصفق في الغرفه مثل المجنونه من كثرت فرحتها

عدت الايام واقترب موعد عوده ادهم لسويسي مره اخره وقرر ادهم اخيره ان يجلس مع والده وان يفاتحه في موضوع ان يتقدم لدينا قبل ان يسافر اتجه ناحيه مكتب والده ووقف امام الباب قليله متردد من الدخول ولكن قرر اخيره ان يدخل طرق الباب وسمع والده ياذن له بالدخول دخل وجلس علي الكرسي الذي امام المكتب
صالح خير يا ادهم كنت عايزني في ايه
ادهم بابا انا قررت ان اتجوز
انتبه اليه صالح عندما قال جملته ونظر اليه باهتمام
صالح عايز تتجوز يا ادهم
ادهم اه يابابا وكنت عايز انا وحضرتك نروح لاهلها قبل ما اسافر علشان نتقدملها
صالح طب هي مين وبنت مين وعرفتها ازاي وامته
حكي ادهم لوالده كل شئ عن دينا وعلاقته بها من اول يوم وبكل الظروف التي مر به
ادهم وانا كنت عايز اعرف رائ حضرتك
نهض صالح من علي كرسي وذهب باتجاه ادهم الذي وقف بمجرد نهوض والده وقف صالح امامه مباشره وقال وانا موافق شوف انسب معاد نروح في امته وقولي
ادهم بعدم تصديق انت موافق يابابا فعلاه يعني معندكش اي مشكله
صالح لا معنديش دينا بنت كويس واخلاق وادب وانا متاكده انك هتبقي مبسوط معاها
احتضنه ادهم سريعا وقال بفرحه انا متشكر اوي شكرا يابابا يا احسن اب في الدنيا
صالح ربنا يفرح قلبك كمان وكمان يابني واشوفك مبسوط يلاه ياواد روح اتفق مع عروستك علي المعاد الي هنروحلها فيه
ابتعد ادهم عنه سريعا وقال بفرحه كبيره هواه هروح اتفق معاها عن اذنك خرج ادهم يجري سريعا من الغرفه وجلس صالح علي الكرسي يريح راس الي الخلف ويتذكر حديثه هو وسعاد
فلاش باك
عاد صالح من العمل واتجه الي غرفته ليغير ملابسه ويسترح قليله ذهبت سعاد خلفه سريعا
سعاد صالح كنت عايزه اتكلم معاك في موضوع كده
صالح وهو يجلس علي الكرسي اتكلمي ياسعاد خير
سعاد بصراحه كده ادهم ابنك بيحب واحده وعايز يتجوزها
صالح باهتمام يتجوز ازاي يعني ومين
سعاد يعني ايه ازاي هيتجوز ذي ما اي حد بيتجوز ابنك بيكبر ومن حقه ان يبقي عنده بيت وعيال ولو علي سمر فمحدش فينا يقدر ينساها خصوصه هو بس لو الحياه بتقف علي حد كان زمانها وقفت من زمان سيب ابنك يعيش حياته مبسوط ياصالح
صالح ولله معاكي حق بس برضو هيتجوز مين عرفها ازاي وحبها امته
سعاد واحده واحده عليا ياصالح هقولك عرفها ازاي فهو عرفها من زمان اوي ويعتبر متربين مع بعض حبها امته برضو من زمان بس هو مكنش عايز يقولو مين بقي هي فتبقي دينا
صالح بصدمه دينا مين دينا بنت ابراهيم السواق بتاعي اكيد ابنك اتجنن مش كده
سعاد اهدي بس ياصالح وانا هفهمك علي كل حاجه
صالح تفهميني ايه جاين تقوليلي ابنك بيحب بنت السواق بتاعك وعايز يتجوزها وعايزني اهدي
سعاد اه علشان ابنك مش صغير وعارف هو بيعمل ايه كويس اوي ومالها دينا بنت كويسه ومتربيه وعارفنها وابوها راجل محترم وعمرنا ما شوفنا منه حاجه وحشه ابدا وبيشتغل معاك بقاله سنين بما يرضي الله متكسرش قلب ابنك ياصالح وفرحته ووافق ابنك بيحبها ومش عايز يخسرها ذي ما خسر سمر
صمت صالح لحظات يفكر فيما قالته زوجته معها حق في كل كلمه قالتها فدينا يعتبر تربت مع اولاده ويعرفها جيده ويعرف اخلاقها وكذلك الامر علي والديها ظل صالح يفكر في الامر قليل ثم تسال بس هي مش دينا مخطوبه لابن عمها ابنك عايز يتجوزها ازاي
سعاد انا الي عرفته من ابنك ان هي هتسيبه علشان مش بتحبه ومش مرتاحه معاه
صالح ماشي ياسعاد انا موافق انا ميهمنيش حاجه غير سعاده ولادي وبس
سعاد بفرحه ربنا يخليك ليهم يارب انت مش عارف انت كده هتفرح ابنك قد ايه
صالح وانا مش عايز حاجه غير ان اشوفو مبسوط ومرتاح في حياته
باك

خرج ادهم مسرعه من غرفه المكتبه الخاصه بوالده وبداء بالبحث عن دينا في كل ما مكان مثل المجنون مثل الطفل الذي يبحث عن امه لاحظته سعاد التي كانت تجلس في الصالون هي واياد يتحدثو قليله نادت عليه انتبه اليها ادهم واتجه اليه ولازالت عينيه تبحث عن معشوقته
سعاد مالك يابني عامل ذي العيل التايهه كده ليه
ادهم مفيش ياماما بدور علي حاجه بس
سعاد وايه الحاجه بقي الي ضيعه منك وبدور عليها
ادهم باندفاع دينا بدور علي دينا مشفتهاش
سعاد بمكر وضحكه جانبيه لا مشفتهاش خالص النهارده ليه كنت عايزها في حاجه
ادهم اه اه كنت عايزها في حاجه مهما اوي
سعاد وايه هي الحاجه المهمه اوي دي بقي
ادهم قهوي عايزها تعملي قهوي ممكن بقي تسبيني اروح اشوفها هي في المطبخ وله لا
سعاد بقولك يا ادهم انت اتكلمت مع ابوك وله لسه صحيح
ادهم اه اتكلمت معاه ووافق الحمد لله انا مش مصدق مفسي لغايه دلوقتي ان هو وافق بالسهوله دي
صمتت سعاد وضحكت بمكر وهس تريح ظهرها علي الكرسي وتشرب من فنجان قهوتها
ادهم حضرتك الي اقنعتي يوافق
سعاد يعني حاجه ذي كده
ذهب اليها ادهم سريعا واحتضنها بقوه شكرا ياحسن ام في الدنيا انتي بجد خدمتيني خدمه العمر كله
بادلته سعاد الحضن بسعاده لفرحه ابنها انت ابني والي يبسطك يبسطني يلاه روح فرح عروستك هي اكيد هتكون مع كريمه في المطبخ دلوقتي يلاه
خرج ادهم من الغرفه سريعا متجه الي المطبخ
اياد شكله بيحبها وواقع علي الاخر
سعاد طالع لناس كده
اياد اكيد اكيد حضرتك مش قصدك عليا انا مفيش في تقلي
سعاد اه طبعا انت هتقولي بأمره بوكيه الورد والشكولاته وبحبك ياشهد
تذكر اياد المفاجاه التي قام بها لشهد حته توافق عليه وتصدق انه تحبه اللحظه التي بدائت فيها قصه حبهم
اياد حضرتك عرفتي الكلام ده منين
سعاد من شهد هي الي قالتلي علي الجنان الي عملتو البنت دي كويسه وطيبه وبتحبك اوعي تضيعها من ايدك ابدا
اياد مقدرش اضيعها دي حياتي كلها
سعاد ربنا يسعد قلبك كمان وكمان وافرح بيك بقي
اياد لسه بدري ياماما
سعاد بدري من عمرك اسمع بقي يوم خطوبه ادهم ودينا باذن الله هيكون يوم كتب كتابك انت وشهد وكمان هيبقي كتب كتاب امجد واميره
اياد انا اسف ياماما بس انا شايف اننا نستني شويه
سعاد لحد امته يابني سمر ماتت ومحدش يقدر يغير ده ومحدش يقدر ينساها وهي اكيد مش هتبقي مرتاحه وانت موقف حياتك كده علشان خاطرها وخاطري وخاطر الغلبانه الي يوم خطوبتها اتكسرت فرحتها متكسرش فرحتها انها تبقي عروسه بقي
اياد حاضر ياماما الي انتي شايفه صح انا هعمله

في الصاله كان يجلس ابراهيم الذي كان ينتظر موعد تحركه مع صالح مثل طل يوم وكريمه التي انتهت من الاشراف علي تحضير الفطور والقهوي وتنزيف كل شئ
ابراهيم امال فين المحروسه بنتك
كريمه جوه في اوضتها
ابراهيم خليها هي فكرا ان بحبستها دي هي كده بتهرب مني تبقي بتحلم ان ا ربتها من اول وجديد علي الي عملته مع معتز مبقاش انا
كريمه خلاص بقي يابراهيم كل مابقتيت تشوف وشها بتتخانق معاها من ساعه ما سابت معتز وانا قولتلك انها مش مرتاحه معاه مش مبسوطه يبقي حقها تسيبو
ابراهيم مش مرتاحه معاه اه وكانت مرتاحه لصايع الي كانت جايبه مش كده
كريمه ملوش داعي الكلام ده بنتك قفلت الصفحه دي من بدري اوي من ساعت ما انا قولتلها ومن ساعت ما معتز اتقدملها وخلاص موضوع ومنفعش مش هتنصب لبنتك المحكمه
قطع حديثهم خبط علي الباب من قبل ادهم نهض الاثنين سريعا لاستقباله
ابراهيم اهلاه وسهلاه يادهم باشا ده ايه الخطوه العزيزه دي اتفضل
اتجه ادهم وجلس علي احدي الكراسي وهو محرج من الموقف
ادهم انا كنت عايز اتكلم معاك شويه ياعم ابراهيم
ابراهيم طبعا ياباشا اتفضل
ادهم بدون مقدمات انا كنت جاي علشان احدد معاظ معاك علشان اجي انا ووالدي ونتقدم لدينا
ابراهيم حضرتك عايز تتجوز بنتي انا ياباشا
ادهم ايوه قولت ايه
ابراهيم هقول ايه ده احنا لينا الشرف طبعا ياباشا
ادهم طب عللي بركه الله تحب اجيب والدي ونيجي امته
ابراهيم ولله انا مش مصدق الي بسمعو ده اي وقت ياباشا الي يريحك
ادهم لا صدق ياعم ابراهيم انا بحب بنتك وعايز اتجوزها واوعدك انها هتكون اسعد واحده في الدنيا دي كلها
ابراهيم وانا متاكد من كده طب يوم الخميش يناسب ساعتك
ادهم مناسب جدا كمان يبقي يوم الخميس بعد الغداه هنكون عندكو عن اذنكو
ابراهيم اتفضل ياباشا نورت
رحل ادهم وبقي ابراهيم و كريمه الذين سيطرت الصدمه عليهم ليس لديهم القدره علي التعبير او تفسير ما خدث الان ولكن اكتر شئ متاكدين منه ان حيات ابنهم سوف تتغير كثيرن من الان
بينما عند دينا فكانت تقف خلف الباب غرفتها تحاول ان تسمع ما يقولو وبالفعل استطاعت ان تعرف ان حلمها اقترب من ان يتحقق بعد ان رحل ادهم بدات نوبه من الضحك بسعاده والرقص في جميع ارجاء العرفه ببهجه وسعاده
دينا اخيره يادهم اخيره هكون معاك ياحبيبي

الفصل التاسع والثلاثين
دخل ابراهيم الي غرفه دينا بعد رحيل ادهم مباشره ليفهم منها ما قاله ادهم دخل الي غرفتها وجدها تقف امام الشرفه كانت شارده وعلي وجهه ابتسامه سعيده فاخيره حلمها سيتحقق حلم كان بعيد عنها كثيره وفي لحظه اصبح بين يديها فاقت من شرودها علي صوت والدها هو يقول ومالك مبسوطه كده ليه
انتبهت اليه دينا وقالت بخضه ايه يابابا خدتني
ابراهيم بسخريه سلامتك من الخضه ياختي تعالي عايز اتكلم معاكي
جلس ابراهيم علي السرير واتجهمت دينا وجلست بجواره خير يابابا
ابراهيم خير طبعا انتي سمعتي الي اتقال بره صح
دينا اه يابابا سمعت
ابراهيم وايه رائيك
دينا بتوتر انا مش عارفه يابابا الي حضرتك هتقول عليه انا هعملو
ابراهيم انا هسالك سوال واحد وتجاوبي بصراحه قبل ما اقولك قراري انتي سيبتي معتز ليه
دينا معتز يابابا انسان محترم وكويس انا منكرش ده ابدا بس في نفس الوقت انا مش شايفه غير صاحب واخ وابن عمي وبس حاولت ان احبه واكمل معاه بس حسيت ان انا كده بظلمو وجامد علشان كده قررت ان اسيبه علشان مظلموش اكتر من كده
اقتنع ابراهيم بكلامها قليله وقال بهدوء وانا محترم قرارك رغم ان من يومها وانا نفسي اكسر دماغك علي الي عملتي ده بس في النهايه دي حياتك وانتي بنتي الي بحبها رغم قسوتي عليكي بس ده لمصلحتك وعلشان خايف عليكي وادهم طبعا ابني قبل اي حاجه و شاب محترم ومتربي و هيصونك انا اصلا مش مصدق ان صالح باشا وافق دي معجزه المهم ان مش معترض علي جوازتك منه ابدا طالما هتكوني مبسوطه
دينا وانا بحبك اوي يابابا وانت كان معاك حق في كل حاجه عملتها معايه وانا هصلي استخاره وارد علي حضرتك يابابا
ابراهيم ماشي يابنتي ربنا يفرح قلبك وتكوني مبسوطه دايما
احتضنته دينا بقوه وبادلها ابراهيم الحضن فلقد كان الاثنين يحتاجون لذلك الحضن اكثر من الثاني فدينا اردات ان تشعر بحنان والدها وحبه لها والاطمئنان والدفه بينما بينما هو