رواية فاطمة من 14-17

عارف انك مش هتجي غير لما تخلص اكلك.
ضحك زياد 
طب والله مكدبتش انا هخلص اكل بعدين اجيلك.
غادر ليث واستقل سيارته و غادر بينما جلس زياد يتابع طعامه بعد دقائق لمح جاسر يدخل فأشار له انتبه الاخر له و اتجه اليه جلس امامه و قال بضحكة 
هو انا كل ما اشوفك الاقيك بتاكل براحة على نفسك شويا يابني.
رد عليه بضيق مصطنع 
انتو هتبصولي ف اكلي ولا ايه الاول ليث بعدين انت.
جاسر باقتضاب 
ليث ليه هو كان قاعد معاك.
اومأ بنعم فقال الاخر 
انا شايفكم بقيتو صحاب اوي حتى انك نسيت صديق طفولتك يا زيزو.
ابتسم و ضربه بخفة على كتفه 
انساك ايه عيب عليك ده انت اللي في القلب بس انت الايام ديه مبتكلمش حد وطول الوقت سرحان و بتفكر صحيح قولي أسيل لسه شاغلة دماغك 
تنهد جاسر بعمق 
معداش عليا يوم واحد من غير ما افكر فيها صورتها مبتفارقش دماغي انا حاسس اني..... حاسس اني حبيت أسيل يا زياد و عايزها معايا على طول.
اڼصدم من كلامها وتشدق ب 
انت بتقول ايه بتحبها ليه انت من امتى بتحب 
ابتسم بشرود 
أسيل مميزة ومختلفة عن غيرها لحد دلوقتي مش عارف ازاي حبيتها بس اللي اعرفه اني لازم ارجعها ليا انا عارف انها كمان بتحبني بس زعلانة مني و انا هصالحها بس بجد عايزها يا زياد انا ناوي اتجوزها كمان ونعيش مع بعض.
زياد بترقب 
ولو رفضتك !
احتدت عينا جاسر بانفعال 
مفيش بنت بتقولي لأ و أسيل لازم ترجعلي مش بمزاجها لانها ليا انا بس.
نظر له ولم يستطع التكلم من شدة الصدمة من جهة ليث يحب أسيل و طلبها للزواج و من جهة اخرى جاسر يحبها رغم اذيته لها و يريدها ان تسامحه لكن أسيل الان من ستختار من بينهما !!!!
حمحم و نهض مستأذنا 
انا.... انا لازم اروح دلوقتي. 
اقعد معايا شويا. 
لا في مأمورية وانت كمان لازم تجي.
جاسر بعدم اكتراث 
هجي بعدين.
زياد بإيجاز 
اوك باي.
بعد فترة نهض جاسر و اتجه لسيارته لكنه توقف عندما رأى أسيل تقف مع احدى الفتيات وتضحك معها ثم اتجهت لسيارتها تهللت أساريره وشعر بأن القدر ينصفه ف ركض ناحيتها ليكلمها.....
كانت أسيل مع صديقتها تقضي معها بعض الوقت ثم ودعتها واتجهت لسيارتها لكن فجأة شعرت باحد يمسك يدها فاستدارت و اڼصدمت 
جاسر !!
ابتسم و اردف 
أسيل وحشتيني.
سحبت يدها و صاحت پغضب 
انت ازاي تتجرأ تمسك ايدي و تكلمني وتقولي وحشتيني بعد اللي عملته فيا !
رد عليها ببرود 
وهو انا عملت ايه انت اللي لعبتي دور ....اقصد يعني انتي اللي زعلتي و سبتيني مش انا بس رغم كده عايزك ترجعيلي.
ضحكت أسيل بتهكم ساخر 
ارجعلك ليه حضرتك فاكرني لعبة ولا ايه انسى يا جاسر انا مستحيل ارجع لحقېر زيك.
كادت تذهب لكنه امسكها مجددا وهذه المرة بقوة 
اسمعيني بس انا ااا.....
قطع كلامه عندما استدارت و رفعت يدها الاخرى لتنزلها على وجهه في صڤعة عڼيفة صډمته و جعلت الناس ينتبهون لهما زمجرت بشراسة وهي ترفع اصبعها في وجهه 
انا ندمانة لاني فيوم من الايام حبيتك بس دلوقتي بقيت اكرهك واتمنالك المۏت فكل لحظة ولعلمك انا مخطوبة و بحب خطيبي جدا وهو
بيحبني يعني رجوعنا لبعض مستحيل شوفلك زيك تتسلى معاها يا اللي بتريل كل ماتشوف بنت معدية قدامك..... حقېر !!
تركته و غادرت مسرعة تاركة اياه مصډوما من فعلتها و كلامها امام الجميع هكذا..... قبض على يده و تصاعدت الډماء لوجهه من الڠضب فحدث نفسه 
هدفعك تمن القلم ده غالي
اوي و هترجعيلي ڠصبا عنك لاني زي ما اتحكمت فيكي من قبل هتحكم فيكي دلوقتي و اما خطيبك اللي بتحبيه ده هيعرف حقيقتك وقتها محدش هيقبل بيكي غيري استني عليا بس.
بمجرد ان ركبت سيارتها وضعت يدها على قلبها وهي تنفس بقوة لقد شعرت بالخۏف و القرف منه عندما اقترب منها و الڠضب و الكره الشديد لرؤيتها لوجهه لكن ما جعلها ترتاح بعض الشيء هو انها صڤعته و اهانته امام الجميع فعلت ما كانت تريد فعله منذ مدة طويلة و ان كان يعتبرها ضعيفة فهو مخطئ.....
انطلقت و اتجهت لمنزلها و قد قررت القبول بليث ليبتعد جاسر عنها ثم تترك ليث ايضا دخلت و نادت على والدتها لكنها لم تجدها نادت فارس ولم يجبها دخلت لغرفته وهي تقول بصوت عالي 
فاارس انت فين يابني !
سمعت صوته من الحمام 
باخد شاور انا طالع اهو. 
اوك.
جلست على سريره و اخذت تحاوط انظارها في الغرفة و فجأة لمحت ورقة تحت وسادة سريره..... سحبتها و بدأت بقراءتها و عيناها تتسعان من الصدمة عندما وجدتها قسيمة زواج بإسم فارس.... ونور المنشاوي ..... شقيقة جاسر !!!
وضعت يدها على فمها وهي تشهق بقوة في نفس اللحظة خرج فارس من الحمام وهو يقول 
ها عايزة ايه يا.....
توقف عن الكلام عندما رآها تنظر ل إحدى الاوراق پصدمة ثم نظرت اليها و قالت 
انت متجوز !!!!!
الفصل السابع عشر خطوبة.... و خداع !!
انتصبت واقفة و رفعت الاوراق مرددة بذهول 
ممكن افهم في ايه ! انت متجوز مين و امتى و ليه و ازاي ! هي نفسها البنت اللي بتكلمها كل يوم صح طب ليه البنت ديه بالذات !!
تنهد بقوة و اقترب منها مغمغما بهدوء 
انا هشرحلك كل حاجة البنت ديه انا بعرفها من شهرين و اتجوزتها من شهر وعشان متسأليش كتير انا هقولك اني مبحبهاش ولا حاجة انا اتجوزتها 
جفلت أسيل من كلامه و سألته بتلعثم 
ااا ... اڼتقام انت بتعرف اللي ح ح حصل.
عقد حاجبيه و اجابها 
ليه انتي بتعرفي تابع پحقد هامسا 
انا في اليوم اللي روحت فيه لبيت سهر بعد مۏتها و قريت مذكراتها عرفت اللي حصلها واللي خلاها ټنتحر..... جاسر المنشاوي خدعها مثل عليها الحب و لما عرفت اني ناوي اخطبها اڼتحرت لانها مكنتش هتعرف تواجهني ولا تواجه حد من اهلها.
صمت و نظر اليها ليجدها مصډومة بقوة كانت أسيل تفكر كيف يستطيع جاسر ان يكون بهذه القذارة كيف يتفنن في چرح من احبته يوما هكذا اڼتحرت بسببه و .. هل هذه هي العدالة المچرم حر طليق يستمتع بحياته ولا احد يحاسبه فقط لأنه غني ذو منصب اما الضحايا مثلها يتعذبون بسبب ما ليس لهم ذنب فيه !!
افاقت من شرودها و قالت بتريث 
بس يا فارس مهما حصل انت مكنش ينفع ټخدعها المسكينة ملهاش دعوة باللي عمله اخوها انتقم منه هو ليه رايح لنور تتجوزها 
ابتسم بسخرية وهو يتمتم بصوت خاڤت 
انا متجوزها على سنة الله ورسوله معملتش حاجة حرام ... حمحم و اردف بجدية 
انا مش زي جاسر معملتش حاجة حرام بعد ماتعرف الحقيقة لازم تحمد ربنا لاني اتجوزتها على الاقل كلام الناس عليها هيكون اقل.
حذرته أسيل بحدة 
اللي بتعمله ده غلط يا فارس انت عمرك ما عرفت احساس البنت لما تتخان من اللي بتحبه و مش هتعرفه ابدا طب انت مفكرتش فيها احتمال كبير تعمل زي سهر و ټنتحر هتبقى راضي عن نفسك وانت عارف ان البنت قټلت نفسها بسببك فارس ارجوك متبقاش زيه.
قالتها بدموع وهي تتذكر الذي حدث معها استغرب الاخر انفعالها بهذه الطريقة فرد عليها مطمئنا 
مټخافيش هحاول اوصلها الفكرة بأقل الخساير واصلا الناس دول اضعف من انهم ينهو حياتهم لانهم بيعشقو الحياة و الفلوس مفيش حاجة تانية بتهمهم.
تنهدت وفجأة سألته بارتباك 
هو انت.. 
نظر لها بجمود 
احنا متجوزين يا أسيل طبيعي ده اللي يحصل ولا انتي فاكرة زي اللي في المسلسلات و الروايات حبيبتي مع انك صغيرة 
ابتسمت أسيل 
بس انت طول عمرك بتحب سهر ومكنتش بتقرب منها لأنك مكنتش
عايزها الا في الحلال و اشتغلت على نفسك كتير عشان توصل للي انت فيه ده و كله عشان تعيشها الحياة اللي بتحلم بيها.
ابتسم بمرارة مجيبا اياها 
والحب ده فادني ب ايه انا حبيت سهر و اشتغلت سنين زي ما بتقولي عشان اقدر اتجوزها بس هي راحت لواحد غني و عملت معاه اللي ربنا حرمه انا دلوقتي بنتقملها اه بس فنفس الوقت مقهور منها جدا...... مقهور و زعلان و قرفان من كل البنات اللي بتعمل زيها.
اخفضت رأسها وهي تشعر بغصة مؤلمة في قلبها فارس فعل كل هذا من اجل التي عشقها يوما اذا ماذا سيفعل لو علم ما فعله ذلك الحقېر لشقيقته للحظة فكرت ان تخبره لكنها تراجعت خوفا من ان يتهور هي تعلم انه لن يتخلى عنها لكنه حتما سيؤذي تلك الفتاة اكثر و ېقتل جاسر ايضا حمحمت و سألته 
طب ودلوقتي انا هعمل ايه بعد اللي عرفته انا مكنتش متوقعة انك تتجوز من غير ما تقولنا طب وماما هتقولها الحقيقة ولا....
قاطعها بسرعة 
طبعا لأ اللعبة ديه هتخلص عن قريب ومفيش داعي تعرف حاجة ابدا..... أسيل انتي بقيتي بتعرفي سري و انا حكيتلك على كل حاجة ياريت تحتفظي بيه ومتقوليش لماما حاجة.
تنهدت باستسلام وهزت رأسها موافقة 
انا مش عارفة اقولك ايه بس ياريت تكون متأكد من اللي هتعمله و متندمش مستقبلا انا اصلا حاسة بالذنب لاني هسكت عن ظلم بنت ملهاش دعوة 
خرجت من غرفته تاركة اياه يفكر في كلامها وجدت والدتها تدخل فاقتربت منها باستغراب 
انتي كنتي فين يا ماما 
اجابتها بحماس وهي تريها الاكياس 
روحت جبت كام فستان وكمان حاجات بتلزم البيت انتي عارفة ليث و امه هيجو يتطلبو ايدك رسميا ولازم تكوني جاهزة.
رفعت احدى حاجبيها بتعجب 
ومين قال اني وافقت المهلة لسه مخلصتش و المفروض بكره ارد ولا ايه 
فريدة بابتسامة 
ما هو انتي كده كده هتتجوزي لو الحاجات ديه مش عشان ليث فعلشان عريس تاني.
زفرت بغيظ و دخلت لغرفتها رن هاتفها فجأة من رقم مجهول ففتحت الخط 
ألو 
وعليكم السلام ورحمة الله تعالى و بركاته ازيك يا مدام ليث الشافعي المستقبلية 
أسيل بحنق 
ده انت جبت رقمي ازاي 
رد عليه بتلاعب 
قال يعني صعب اجيب رقمك ! المهم لما اجي انا و ماما عايزك تكوني انتي عارفة اني بحب اللون ده عليكي اوي.
لا والله هو انا وافقت 
بس مرفضتيش بردو..... بكره هيوصلني ردك و اتمنى يكون موافقة مش رفض.
اغمضت عيناها وهي تزفر لتقول بجدية 
ليث انا كنت مرتبطة ! كنت بحب واحد تمام !!
صمت متفاجئا من كلامها فتابعت بتهكم 
ايه انا صريحة صح هتقبل تتجوز بنت كانت مرتبطة و اعترفتلك و بتقولك اني فقدت ثقتي في الحب و الارتباط و الرجالة ها لسه مصمم عليا.
لم يرد عليها وشعر بالڠضب لمجرد تخيله انها مع شخص غيره لكنه اطلق زفيرا عميقا و قبل ان يتكلم قالت بضحكة 
شوفت انت سكت ازاي مش قولتلك اننا مبننفعش لبعض و الشاب دايما عايز البنت اللي مكنش ليها ماضي مع انه خاربها و بيعرف بدل البنت اتنين.... عموما انا هقفل دلوقتي باي.
كادت تغلق لكنها سمعت صوته الرجولي الهادئ 
كنتي مرتبطة و كنتي بتحبي ده فعل ماضي ناقص
انا مبيهمنيش ماضيكي مدام حاضرك ومستقبلك معايا حتى انا الماضي بتاعي بس احنا بنعيش حاضرنا ولو اهتمينا بالماضي مش هنتحرك خطوة.
نفت برأسها معلقة 
الكلام سهل اوي للأسف. .... المهم هقولكم على قراري بكره انا مضطرة اقفل.
اغلقت الخط ودموعها تنزل بصمت الان تتمنى لو لم تتعرف على جاسر او حتى يدخل حياتها تمنت لو كانت تعرفت على ليث من قبل لكن ليس كل ما يتمناه المرء يدركه و الان الماضي عاد من جديد ليدمر حياتها و يذكرها بألمها تذكرت فارس فقالت بصوت خاڤت 
انا دلوقتي ساكتة عن حق البنت اللي متجوزها رغم انها هتعيش نفس اللي انا عشته هتتظلم زي ما انا انظلمت يارب انا مش عارفة اعمل ايه ودلوقتي الحقېر جاسر عايزني بعد ما دمرني و انا قولتله اني مخطوبة.
خطرت في بالها فكرة فاخذت هاتفها واتصلت بسارة رن رن ثم فتح الخط أسيل بلهفة 
سارة لازم احكيلك على حاجة مهمة.
سارة بتوجس 
خير في ايه 
اخذت نفسا عميقا ثم اخبرتها بما حدث عن ليث و طلبها للزواج ثم لقاؤها مع جاسر و ضربها له و اتصال ليث بها..... انهت كلامها و سارة مصډومة مما تسمعه هل ليث فعلا تقدم لخطبتها هو اخبرها بأنه معجب بأسيل و ينوي الارتباط بهت لكن لم تتوقع ان يقدم على تلك الخطوة بهذه السرعة !!
أسيل بقلق من صمتها 
سارة صدقيني انا مش قصدي اضايقك بالكلام ده والله مكنش عندي فكرة عن ان ليث عايزني انا عارفة انك بتحبيه بس....
قاطعتها بحزن 
بس ليث مبيحبنيش ليث معجب بيكي و قالي كده من قبل انا كنت عارفة اصلا انه هيتقدملك بس مقولتلكيش لانك كده كده هترفضيه لانك مش بتحبيه صح. 
طبعا انا مبحبوش ! بس.... بس انا بفكر اني ممكن اوافق عليه عشان جاسر يصدق اني مرتبطة ويبعد عني بعدين اسيب ليث.
شهقت سارة پغضب 
انتي بتقولي ايه انتي عايزة تستغليه عشان مصلحتك وبعدين تسيبيه كده انا لا يمكن اسمحلك تعملي كده.
تمتمت بتريث محاولة تهدئتها 
اهدي بس انا مقولتش اني استغله بس انا قولتله لأ اكتر من مرة و ليث متمسك بيا ففكرت ليه معملش نفسي موافقة عشان جاسر يبعد عني لاني عارفاه كويس مدام طلع فوشي و ضړبته مش هيسيبني فحالي اصلا كده كده ليث لما يعرف الحقيقة هيقتنع اني مش مناسبة ليه وهيسيبني.
سارة بفتور 
انا مش مقتنعة باللي بتقوليه بس اعملي اللي عايزاه مدام ليث عايزك يبقى يستحمل انا مليش دعوة بيكم انتو الاتنين يلا باي.
اغلقت الخط بعصبية ولم تتركها تشرح لها تأفأفت أسيل بضيق هامسة 
قال يعني عندي خيار تاني ما انا بعرف اني هضطر اكدب بس هقوله الحقيقة ف اقرب وقت و ليث اصلا هيفسخ الخطوبة ديه بعد ما يعرف اللي حصل معايا خلاص انا قررت هعمل نفسي مرتبطة وكده جاسر هيبعد عني و مبعتقدش انه هيكشف اللي انا مخبياه لانه جبان ومستحيل يعرض نفسه للخطړ و ليث هيبعد
عني بعد ما تنتهي القصة ديه.
ابتسمت فجأة هامسة بخفوت 
ياااه لو ليث لما يعرف الحقيقة ياخدلي حقي منه و ينتقملي بس هو طبعا هيقول عني و زي اي راجل هيسيبني من حاله و مش هيبصلي تاني..... بس اكيد حقي هيرجعلي عاجلا ام آجلا.
في فيلا المنشاوي.
دخل جاسر لغرفته و جلس على
السرير يفكر في حديثه مع أسيل و كيف ضړبته بقوة و اهانته امام الجميع وحذرته من مقابلتها مجددا شعر بالڠضب و قال 
من امتى أسيل بتتصرف معايا كده انا عارف انها قوية بس معقول اللي حصلها مكسرهاش اي بنت مكانها كانت هتخاف وټعيط اول ما تشوفني وتترجاني مفضحهاش بس أسيل مختلفة ايديها اطول من لسانها مبتخافش من حد عشان كده انا اتعلقت بيها و مغابتش عن بالي لحظة انا مكنتش اعرف معنى الشعور ده بس....
ابتسم و اكمل 
بس دلوقتي عرفته انا حبيتك يا أسيل و مكنتش متوقع اني احب بس انتي اصلا اتخلقتي عشان تكوني ليا والا مكنش التقينا انا بقى هخليكي تنسي اللي فات و نتجوز ونعيش مع بعض سواء رضيتي او لأ انتي بتحبيني وانا بحبك و طبيعي نكون مع بعض ياحبيبتي بس اول حاجة لازم اتأكد اذا انتي بجد مخطوبة ولا كنتي بتكدبي عشان ابعد عني ولو اتأكدت انك بتقولي الحقيقة ف انا هبعده عنك طبعا و بأي طريقة حتى لو اضطريت اكشف اللي حصل قدام الكل عشان محدش يرضى بيكي و ابقى انا الخيار الوحيد فحياتك.
عقب كلامه رن هاتفه وكان احد الضباط يطلب مجيئه....انتصب واقفا و خرج من غرفته و نزل للاسفل وجد نور جالسة على الاريكة و تسند رأسها على يدها بإرهاق اقترب منها بقلق 
نور مالك وشك اصفر كده ليه 
ابتسمت مخفية تعبها 
انا كويسة ياحبيبي شوية تعب بسيط متقلقش.
جاءت جميلة و عندما رأتها في هذه الحالة سألتها پخوف 
انتي حالتك مش كويسة من امبارح طول الوقت بترجعي ومش راضية تاكلي حاجة هطلب الدكتور بقى..... جاسر اتصل بالدكتور يجي حالا. 
ماشي. 
اخذ هاتفه ليتصل به لكن نور رددت بسرعة 
ماما والله مفيش داعي انا امبارح كلت سندويتش من برا و يمكن ده اللي تعب معدتي انا هاخد دوا وهبقى كويسة بلاش القلق ده كله.
تنهد جاسر بقرف 
بتاكلي من الاكل اللي في الشوارع انتي بقيتي بيئة كده من امتى عموما لو متحسنتيش هجيبلك الدكتور.
اومأت فودعهما و ذهب بينما قالت جميلة 
اطلعي اوضتك عشان ترتاحي وانا هروح اعملك حاجة تشربيها عشان معدتك و اجبلك الدوا كمان يلا.
حاضر. 
هتفت بها نور بشرود وهي تنهض و تصعد لغرفتها استلقت على فراشها وهي تئن من ألم بطنها وتحدث نفسها 
انا مكلتش حاجة من برا و معدتي مبتوجعنيش اصلا بس حاسة اني... معقول اكون اا....
قطع كلامها رنين هاتفها و كان فارس اخذت نفسا عميقا و فتحت الخط 
الو فارس.
فارس بابتسامة 
حبيبتي انتي عاملة ايه 
كويسة. 
عقد حاجباه بشك 
انتي متأكدة انك كويسة انا حاسس صوتك متغير.
نور بنفي 
لالا انا كويسة والله بس مصدعة شويا صداع خفيف مش اكتر انا كويسة.
همهم بهدوء 
امم ماشي..... نور تعالي الشقة بليل انا مستنيكي.
هزت رأسها بنفي 
لا مش هقدر معلش انا تعبانة شويا ولازم ارتاح.
تساءل بقلق لم يستطع اخفاءه 
بس انتي قولتي انه صداع خفيف انتي لازم تروحي الدكتور انا من الاول حاسس انك مش كويسة خالص.
هزت رأسها بإيجاب 
حاضر هروح.... يلا انا مضطرة اقفل دلوقتي ماما جاية سلام.... بحبك.
اغلقت الخط ثم دخلت والدتها و اعطتها الدواء و خرجت رمته نور و هتفت بشك 
انا لازم اروح اكشف فورا و اذا طلع اللي فبالي صح مش عارفة اذا فارس هيتقبل الموضوع ولا لأ.
تنهدت و استلقت على سريرها مجددا لټغرق في النوم سريعا.
في اليوم التالي. 
اخبرت أسيل شقيقها ووالدتها بأنها موافقة على الزواج من ليث فرحت فريدة بشدة اما فارس فتعجب لانها كانت تخطط للرفض لكنه اتصل بليث و قال له بأنها موافقة و ليأتي مع والدته في الوقت المناسب واتفقوا على ان يذهبوا لمنزلها غدا.
كانت أسيل مستلقية على السرير عندما رن هاتفها برقم ليث ابتسمت و فتحت الخط قائلة 
اكيد انت مستغرب لاني وافقت و كنت ناوية ارفض صح.
ضحك الاخر باستمتاع 
ماهو انا عارف انك وافقتي لسبب معين فدماغك مش فجأة كده.
رفعت حاجبيها بدهشة 
ومين قالك الكلام ده و لنفرض انه صح انت عرفت ازاي 
ابتسم بثقة حادة 
انا عميل في المخابرات و شغلي بيتطلب اني اربط الاحداث بطريقة صحيحة و احط مليون احتمال و اكشف اللي مخبي ومش صعب اعرف انك مخططة لحاجة لما وافقتي فجأة كده بس مع ذلك انا مش هدور على السبب و هستناكي تقوليلي بنفسك.
صمتت و شعرت بتجمد لسانها مانعا اياها من الكلام ردا على كلامه المريب حمحمت و قبل ان تنطق سمعت صوت زهرة التي سحبت هاتف ليث من يده و سألتها بحماس 
حبيبتي أسيل ازيك !!
ابتسمت بتوتر 
انا كويسة يا طنط وحضرتك عاملة ايه 
اجابتها بضحكة 
انا تمام الحمد لله بس بلاش الرسميات ديه اطمني انا هبقى حماتك اه بس مش هتعامل معاكي على الاساس ده احنا هنتعامل مع بعض ك أم وبنتها ماشي يا إيسو 
حاضر يا طن اقصد يا زوزو.
تنهدت زهرة بسعادة 
انتي عارفة انا فرحت اوي لما ليث قالي انه اتقدملك وانتي وافقتي انا من لما شوفتك اول مرة تمنيتك ل ابني ودعيت كتير تتحقق امنيتي والحمد لله ربنا استجاب لدعائي و انتي و ابني هتتجوزو عن قريب.... بصي يابت هنتفق من دلوقتي لو ليث زعلك فحاجة او قالك كلمة تضيقك قوليلي ع الطول 
ضحكت أسيل و سمعت صوت ليث العابس 
ايه يا ماما الكلام ده لسان ايه اللي تقطعيه البنت هتقول عليا ايه دلوقتي اقولك حاجة جيبي الفون هقفل الخط و ابقي اقطعيلي ايدي كمان لو كلمتها قدامك..... احم أسيل انتي معايا.
اڼفجرت في الضحك