رواية أسر الفصول الاخيره

كانت سما تجلس مع نهال
بجد صاحبتك كانت زى القمر
أبتسمت سما بخبث ثم قالت
صاحبتى بس !
بصراحة الواد جوزها ده مز عسل بقى
فظلت سما تضحك
حاجة كده استغفر الله العظيم
اه لا تقولى إياد ولا آدم
ارضى بنصيبك يا بنتى
فظلت نهال تضحك
مكنتش اعرف انك سوسة وبتعاكسى
ابدا دى اول مرة اعاكس فيها حد يلا كلنا بنغلط يا بنتى ٠٠ وبعدين امور فعلا يرضيكى أكدب !!
ضحكت نهال ثم قالت
اكيييد لا بعد بكرة إن شاء الله هتشوفى آدم
إن شاء الله ومش عارفة اتعامل ازاى
سيبى الحاجة بظروفها بذمتك مش وحشك
ابتسمت سما
وحشنى جدا
ايووة بقى ٠٠ اخيرا اعترفتى
عادت سما و نهاال و والديهما فى صباح اليوم التالى عندما عادت اتصل إياد ب نهال
وحشتينى اوووووى يا نونا
مش قادر تصبر ليوم الخميس إن شاء الله وهيبقى من حقك تقولى وحشتينى وبحبك وكل حاجة
وحشتينى وايه 
وبحبك
وانا كمان والله
يا رخم
فإبتسم إياد
اتبسطى فى الفرح
جدا جدا واتبسطت اكتر انى شفت إليكس
ياااارب دايما يا حبيبتى بس خدى بالك الصبح هنروح المستشفى عشان تكملى العلاج
حاضر حاضر
ابتسم إياد
بينما كان آدم فى مكتب سما ينظر له وهو يحدث نفسه
برده مجتيش النهاردة !!! ايه للدرجة دى بتحترمى رغبات آسر بس لو مجتيش بكرة شكلى هجيلك البيت ويا قاټل يا مقتول بقى
فى مساء اليوم كانت سما تجلس تفكر فى آدم
مش عارفة اقوله ايه 
ثم نظرت ليدها
اكيد لو شافها من غير دبلة هيعرف ان محصلش خطوبة وانا عاوزة اربيه شوية بس صغنانين هصالحه بعدها بربع ساعة لالا بعشر دقايق ٠٠ كفاية عليه 10 بس
فعوجت فمها ثم ابتسمت قليلا واحضرت القطن وبلاستر الچروح ووضعتها على يدها اليمنى وغطت اصابع يدها من اسفل حتى لا يعرف احد اذا كان بهم دبلة ام لا ثم ابتسمت قليلا
يانا يا انت يا يا دومى
بينما كانت سمر تجلس تشاهد التلفاز سمعت صوت هاتفها ووجدت ان المتصل والداها
بابا وحشتنى اووووى
وانتى كمان يا حبيبتى ايه اخبارك 
الحمد لله كله تمام
فأبتسمت سمر
صحيح فى واحد اتصل بيا كده اسمه طلعت أيمن !!
أمجد يا بابا تقصد أمجد 
الله ده احنا عارفينه بقى
احمر وجه سمر
عموما انا جاى اول الشهر ونبقى نشوف موضوع أمجد يا بابا تقصد أمجد
الله بقى يا بابا
فأبتسم والداها وهز رأسه بأسى
وفى صباح اليوم التالى ٠٠
ذهبت سما إلى المكتب حين دخل آدم المكتب ووجدها ظل ينظر لها فقد كان يفتقدها ويفتقد وجودها ثم نظر لها پغضب
ايييه شركة بابا دى عشان تاخدى اجازة وقت ما تحبى وترجعى وقت ما تحبى
يعنى امشى يا مستر !
نظر لها بشدة ثم نظر ليدها ووجد البلستر والقطن فلم يستطع ان يعلم ان كان يوجد دبلة خلف القطن والبلاستر فعض شفتاه بينما لاحظت سما انه ينظر ليدها فأبتسمت قليلا ثم قالت مرة اخرى
امشى يا مستر 
فنفخ آدم
اتنيلى اقعدى
صحيح كتب كتاب نهال يوم الخميس قالتلى اعزمك
عوج فمه
طيب
نظرت له سما
مستر آدم
فى ايه 
انا اسفة
المهم بس متتكررش تانى لما تحبى تاخدى اجازة ابقى قولى قبلها
بس انا مش بكلم ع الموضوع ده
فأبتلع آدم ريقه ولمعت عيناه
امال تقصدى ايه يا سما 
ابتسمت سما
قليلا ورفعت يدها اليمنى
انى معزمتكش ع الخطوبة 
نظر آدم للأتجاه الأخر ونفخ بينما حاولت سما ان تكتم الضحك
اقعدى يا سما ع مكتبك وشوفى شغلك
ابتسمت سما قليلا
حاضر يا فندم
وكان آدم سيدخل المكتب فقالت سما مرة اخرى
مستر آدم
فإلتف آدم
فى ايه تانى وايه موضوع مستر ده 
مش احسن ما اقولك دومى زى البنات بتوعك 
دومى !!! والبنات بتوعى فين البنات دول بس !! يا سما حرام عليكى
طيب انت عاوز تفهمنى يعنى انك مبقتش بتاع بنات
تانى يا سما !!!
طيب انا مصدقاك
فلم يلاحظ آدم ما قالته سما
انتى اصلا مهما انا عملت مش هتصد
وصمت قليلا واتسعت عيناه
انتى قلتى ايه 
فرفعت سما يدها اليمنى وخلعت القطن والبلاستر لتظهر اصابعها فارغة دون دبلة
انا عاوزة دبلتى يا استاذ
اغلق عينه آدم ثم فتحها مرة اخرى
انتى بتكلمى بجد انا مش بحلم
ليه بتحلم احلام يقظة
اقترب منها قليلا
تعبتينى يا شيخة
ڠصب عنى بس ابقى اشكر طنط شيرين و نيللى 
هما اللى حكولى الحقيقة
يعنى لازم حد يقولك يا جزمة عشان تصدقى
حط نفسك مكانى
عاوزك تثقى فيا
وانت متكدبش عليا
حرمت يا بيه
ابتسمت سما قليلا ثم نظر لها آدم
دبلتك هتلبسيها يوم الخميس عقاپ ليكى
زمت سما شفتاها بضيق
ليه كده بقى
عشان تبقى تقسى عليا تانى
فعوجت سما فمها بشكل طفولى وعقدت يدها نحو صدرها ونظرت للأتجاه الآخر بينما ضحك آدم ودخل داخل مكتبه ٠٠
وفى المساء كان آدم يتحدث مع عادل والد سما
ايوة يا عمى تمام كده اتفقنا
اتفقنا يا بنى
بس اوعى تقولها
هتخليها مفاجاءة يعنى
هحطها قدام الأمر الواقع
فأبتسم عادل
مرت الأيام واتى يوم عقد قران إياد و نهاال وكان فى قصر عامر وحضر الجميع ولم يعترض عبد العزيز بالطبع على وجود سميرة وزوجها عادل بعد أقناع إياد له وأن ما مضى قد مضى وأن ما يهمهم فى الوقت الحالى هو إسعاد نهال فقط وتحسين حالتها النفسية فرضخ عبد العزيز ووافق لعلمه أن ذلك سيسعد نهال ٠٠
وبعد ان انهى المأذون عقد القران نظر إلى إياد ثم نظر ل عبد العزيز
مبرووك عليكم
وقف عبد العزيز وأقترب من أبنته رأسها التى كانت تشعر بخجل شديد ثم آشار إلى إياد الذى أبتسم ثم نظر بعيدا تجاه نهال واقترب منهم وما أن أقترب حتى تركهم عبد العزيز سويا فقال إياد هائما
خلاص بقيتى حرم إياد عامر
ابتسمت نهاال فى خجل
مش مصدقة يا إياد انا مبسوطة جدا قلبى عمال يدق جامد
فأقترب منها إياد ثم رأسها
هعمل كل جهدى عشان تفضلى مبسوطة ع طول
الناس يا إياد
انتى مراتى
اوعدنا يااارب
بس يا قليل الادب
فأبتسم آدم ثم وجد ان المأذون كان سينصرف فأمسكه آدم من كتفه
رايح فين يا شيخ
مروح يا بنى
لا ده لسه قدامك شغل تانى
ثم نظر ل سما وغمز لها فأتسعت عينان سما وهى لا تصدق ما يفعله آدم ٠٠
الحلقة السادسة والثلاثون الأخيرة
نظرت له سما وهى لا تصدق ثم قالت
انت بتعمل ايه يا آدم 
فجاء عادل من خلف سما
ها جاهز يا بطل !
جاهز جدا يا عمى
فنظرت سما إلى والداها
ايه يا بابا الكروتة دى
فنظر لها آدم ثم قال
جرى ايه مش كان نفسك تلبسى دبلتى تانى بدل اليمين البسيها فى الشمال
فأبتسم عادل
يلا عشان منعطلش الشيخ
فأبتسم آدم
سمعينا موافقتك يا عسل بقى عشان الشيخ معندوش وقت
فأبتسمت سما بخجل
تمام موافقة اكيد
فأبتسم آدم وقال بصوت خاڤت
واقعة واقعة يعنى
ثم ذهبوا ليعقدوا القران وعندما أستمع إياد لذلك نظر ل نهال 
شايفة الغل والحقد ملى قلوبهم ازاى !!
أبتسمت نهال وهزت رأسها
مفيش فايدة فيك
أنكل عادل كلمنى امبارح اصلا وقال ان جى مفاجأة ل سما وكانوا هياخدو سما ع البيت يكتبوا كتابهم هناك بس انا اصريت انه يبقى هنا 
أبتسمت نهال ثم قالت
انا بحبك اووى ٠٠ انت بتحاول ترضينى بكل الأشكال
فإبتسم لها فى تلك الاثناء اقبلت نورا نحو إياد و نهاال عندما رأها إياد ابتلع ريقه وشعر بالتوتر وعندما رأتها نهال مقبلة نحوهم شعرت بالغيظ وهزت قدمها لاحظت نورا تغير ملامح وجههم وشعرت بالأحراج ولكنها اقتربت منهم كانت تنظر ل إياد ولكنها حولت نظرها إلى نهال
مبروووك يا نهاال
نظرت لها نهاال بطرف عيناها وابتلعت ريقها
الله يبارك فيكى
ثم نظرت ل إياد
مبروووك يا استاذ إياد
رفع إياد حاجبه
استاذ !!
فتابعت نورا
مش جاية ارخم عليكوا ولا اضايقكوا وبعتذر ليكوا عن اى حاجة صدرت منى مكنتش مقبولة
ابتسم إياد و نهاال وقالت نهاال
مفيش حاجة وربنا يسعدك فى حياتك
وانتوا كمان
ثم تركتهم وانصرفت فنظرت نهاال إلى إياد
شكلها ندمانة فعلا
المهم تبعد عنى
طب حد يقربلك كده
ابتسم إياد وشعر بسعادة كبيرة
بينما كان أمجد ينظر ل سمر وجدها ترتدى فستان لونه أزرق وطويل وشعرها الأسود المموج القصير اقترب منها
لو مكنتش اجى اسلم متجييش
المفروض ان الراجل يبدأ
امممم ماشى بس مش ملاحظة إياد اتجوز و آدم اتجوز بالنسبة ل أمجد ايه نظامه !
ابتسمت سمر
بابا جاى اول الشهر إن شاء الله
يا مسهل يااارب خلاص جوازنا يبقى اول الشهر
فرفعت سمر حاجبها فتابع أمجد
ايوة صح معاكى حق الراجل هيبقى لسه جاى من السفر تعبان تمام يبقى تانى يوم فى الشهر إن
شاء الله
دى راحت منك بقى
دى رايحة من بدرى بس انتى مش واخدة بالك
ابتسمت سمر وهزت رأسها بأسى ٠٠
بعد ان انتهى آدم و عادل من حفلة عقد القران نظر آدم إلى سما فنظرت له سما
اياك حتى تفكر تعمل اللى عمله إياد
ع فكرة مكنتش بفكر كنت هقولك مبروووك يا حبيبتى
شعرت سما بالأحراج فتابع آدم
ده شكلك انتى اللى كنتى بتفكرى بقى
شعرت سما بالخجل ثم قالت مسرعة
لا طبعا انا !! مستحيييل
مانا مبقتش غريب يا سما خلاص بقى فكى كده
افك ايه ايه اللى بتقوله ده !
نفسى اسمعها منك وانتى فاهمة متستعبطيش
ابتلعت سما ريقها ونظرت لأسفل وقالت بسرعة وبصوت خاڤت
بحبك
فنظر لها آدم
ايه الكروتة دى !!
هو كده
يلا انا كنت طايل انا كمان بحبك اوووى ومش مصدق اننا خلاص اتجوزنا ونفسى تثقى فيا 
انا كمان نفسى متكدبش عليا
متقلقيش اللى حصل ده يخلينى افكر فى الكدب مليون مرة
برده هتفكر !!
هز رأسه نافيا ثم قال
مش هفكر اكدب حتى
فأبتسم فبادلته البسمة اقترب إياد و نهاال منهم فقال إياد
اهلا بالناس اللى بتحقد وبتقلد كمان
فنظر له آدم
عندك اعتراض يا عم انت
لا ابدااا
فقال إياد وهو ينظر ل آدم
مش واجب جدا يا أدم كل واحد ياخد مراته ويرقص بيها
واجب جداا يا إياد
فقالت سما و نهال فى نفس الوقت
لالا مبعرفش ارقص
فنظرت سما إلى نهال ثم ضحكوا فرفع كل من آدم و إياد حاجبهم ثم وضع آدم كوعه على كتف إياد
بس صاحبكوا البنات هايلين بصراحة وشكلهم بيعرفوا يرقصوا ايه رأيك يا إياد كل واحد يرقص مع واحدة
فنظر له إياد
موافق جدا
فوقفت كل من سما و نهاال وامسكوا اذن كل من آدم و إياد
بتقولوا حاجة
فأبتسم إياد و آدم
ثم أبتعد كل واحدا منهم بزوجته عن الأخر كانت نهال تنظر ل إياد ثم قالت
اه مكنتش وحش اوووووى بس كنت وحش برده وانتى بدلتى حياتى وانا استقريت بأذن الله ع الحياة دى مش عاوز ارجع للماضى
أبتسمت نهال
بحبك
استنى استنى كده انتى قلتى ايه 
هاا ابدااا مقولتش
فإبتسم إياد رأسها مرة أخرى
تعبتينى عشان اسمعها
وبعد ان انتهى حفل الزفاف نظر عامر ل يسرية
ممكن اعرف يا يسرية ايه سر تغيرك مع نهال ويا ترى دى شفقة عليها 
تنهدت يسرية
انت عارف انا مشكلتى مع امها مش معاها انت عارف ان عبد العزيز كنت دايما بعتبره اخويا الصغير زعلانة عليه انه لما حب واحدة مبدلتوش نفس الشعور لان عبد العزيز يتحب بجد
انتى عارفة ان الحب مش بالعافية
عارفة ويمكن لو كنت قريبة ل سميرة كنت عذرتها بس مش قادرة اعذرها
ابتسم عامر
نرجع بقى ل نهال
كنت فاكرة انه ابنك معجب بيها زى اى بنت كانت فى حياته فجاءة لاقته اتأثر بمرضها وببعدها عنه لا ومتمسك بيها كمان بعد ما عرف انها مريضة عرفت انه بيحبها بجد وانا امه نفسى اشوفه سعيد دايما
ربنا يهديكى يا يسرية
ابتسمت يسرية له
فى عصر اليوم التالى كان إياد ينتظر المصعد ليصعد إلى بيت نهال وهو يدخل المصعد وجد احد ما يتبعه فنظر وجد آدم فأبتسم قليلا له آدم فبادله إياد الأبتسام ثم نظر آدم ليد إياد وجد بها ورد ونظر ليده وجد بها علبة شوكولا وتذكر حين قالت له سما انها تحب الورد فزم شفتاه بعدم رضا واراد ان يعطى لنفسه الثقة وقال
ع فكرة البنات بتحب الشوكلاتة
فنظر إياد ليده وشعر بالضيق ثم حدث نفسه
اعتقد ان نهال بتحب الشكولاتة انا غبى
ثم اجاب عليه
ابدا الورد ليه سحر خاص
فشعر آدم بالضيق ثم صعدوا وطرقوا باب المنزل ففتحت لهم سميرة
اتفضلوا يا حبايبى
فأبتسمو ثم دخلوا للداخل ووضع كل منهم الورد والشوكولا على المنضدة وبعد قليل دخلت سما ونظرت للورد وابتسمت
واااااو انت جبتلى ورد يا آدم
فأتسعت عينان آدم
ها !
بينما ظل إياد ينظر ل سما واحرج ان يقول ان تلك الباقة تخص نهال فدخلت نهاال
اوووه يبقى الشوكلاتة اللى تجنن دى ليا بقى انا بمۏت فى الشوكلاتة
فأبتسم إياد وحدث نفسه
هو يوم باين من اوله
وابتسم آدم قليلا ونظر ل إياد الذى وجده يبادله النظرة
ففتحت نهال علبة الشوكلاتة واخذت واحدة بها
وااااو طعمها يجنن
فأبتسم آدم ثم قالت نهال
ميرسى يا حبيبى
فأبتلع إياد ريقه وحدث
يوم ما تقولى حبيبى تبقى مش ليا
فأبتسم إياد وهز رأسه بأسى فقالت سما
بس يا بتاعة بطنك انتى الورد ريحته تجنن حبيبى آدم بيفهم
فأبتسم آدم وعض شفتاه
يااااه اول مرة تقوليلى حبيبى بس 
قاطعه إياد
الورد والشوكلاتة بتاعكوا اتصرفوا زى مانتوا عاوزين
فأخذت نهال الشوكلاتة ووضعتها على قدمها 
لا دى بتاعتى
فأشتمت سما الورد 
وانا هسقى الورد إن شاء الله ده يجنن
ثم جلست سما بجوار آدم فنظر لها آدم
هو ايه الحجاب ده يا روحى انتى بقيتى مراتى
انت ناسى ان إياد قاعد معانا
فصر آدم على اسنانه بغيظ ونظر ل إياد بينما كان إياد ينظر ل نهال
انتى ليه مكتفة نفسك كده يا روحى بكوم وطويل وحجاب ده انا جوزك حتى
طب و آدم هتغميله عينه ولا ايه
اه صح
ثم نظر إياد ل آدم بغيظ بينما نظر آدم ل سما
بقولك ايه يا سما ما تقومى تعمليلى كوباية قهوة من ايدك الحلوة دى
اممم طيب حاضر
ثم ذهبت سما لتحضر القهوة فى تلك الاثناء رن هاتف سما وكان آدم يجلس على المقعد الذى به الهاتف فوقف وإلتقط الهاتف وجد ان المتصل احد اصدقائها وبعد ان انهى المتصل من اتصاله كان الهاتف مفتوح ع صور المعرض فوقعت عيناه على صورة فقام بتكبيرها وجد انها صورة ل سما بشعرها وتضع ميكاب ظل يفتح ويغلق عيناه وهو لا يصدق وحدث نفسه
ده انا متجوز مزة بقى
اتت سما ووضعت له فنجان القهوة فأبتسم آدم وقال بصوت خاڤت الا قوليلى وأراها الهاتف
تعرفى البنت دى .
نظرت سما للهاتف وشعرت بالخجل
ايه ده انت ازاى تفتح تليفونى
ابدا هو اللى كان مفتوح بس بجد زى القمر انا اول مرة اشوفك من غير الحجاب وبميكاب لا كتير كده
احمر وجه سما
بجد يعنى انا حلوة 
اووووى تجننى وشعرك لونه بنى غامق
ابتسمت سما ثم اخذ آدم فنجان القهوة ونظر لها جيدا ثم ابتلع ريقه واخذ فى ارتشاف القهوة ثم اشمئز من طعمها ونظر ل سما التى كانت تنظر له
ايه فى حاجة
دى من غير وش وبااردة اوووى باردة ايه دى ساقعة
مانا مبعرفش اعمل قهوة
طب قوليلى يا حبيبتى مش تعاقبينى بفنجان ملوش طعم
وتقول عليا ايه فاشلة !!
يعنى دلوقتى انتى ناجحة
فإبتسمت سما بينما نظر إياد إلى نهال
عايزك تهتمى بصحتك يا نهال
حاضر
انا بحبك اوووى
وانا كمان بقى
بعد مرور شهر ٠٠
كانت نهال بالمشفى قبل الدخول لغرفة العمليات إياد قال
إن شاء الله هتقومى بخير وسلامة وترجعلى لينا
هبطت دموع من عيونها ثم قالت
تفتكر ٠٠ ممكن اموت جو انت عارف ده ك٠٠
وضع إياد يده على فمها ثم قال
ده انا اموت بعديكى مقدرش اعيش من غيرك
مسحت نهال دموعها فأقتربت سما من الجهة الأخرى رأسها ثم قالت
بطلى الكلام ده بقى انتى هتعيشى معانا إن شاء الله
نظرت لهم نهال بأبتسامة
فقال آدم
إن شاء الله خير
بينما أقترب عادل من نهال رأسها ثم قال
خلى عندك أمل كبير فى ربنا
ابتسمت نهال قليلا بينما اقترب والداها وقال
احنا كلما معاكى
بعدها أقترب عامر وقال مازحا
انتوا هتقلبوها دراما ولا ايه !! ٠٠ يلا عشان تكملى تربية فى الواد اللى معرفتش اربيه انا وامه ده
فأنفجر الجميع ضاحكا فأقتربت سميرة ابنتها فنامت نهال على كتفاها وابتسمت بينما أقتربت يسرية من نهال وقالت مازحة
يلا ع اوضة العمليات خلينا نخلص بقى عشان نعرف نتخانق مع بعض ٠٠ كفاية حنية منى عليكى لحد ك ده
فأبتسمت نهال وقالت
ربنا يخليكى يا طنط
دخلت نهال غرفة العمليات واڼهارت سميرة بالخارج بينما سما آدم للمرة الأولى وهى تبكى مما جعله ينصدم قليلا ولكن قاطع صډمته حديث سما
ادعيلها عشان خاطرى يا آدم ٠٠ انا مقدرش اعيش من غيرها اول مرة احس ان ليل أخت بجد
إن شاء الله خير
بينما ابتعد كلا من عبد العزيز و عامر و عادل عن الجميع وهم يشعرون بالحزن ٠٠
ذهب إياد إلى مسجد المشفى وصلى ركعتان ثم جلس يدعو الله وهو يبكى ٠٠
بعد أن أنتهت العملية وبعد أن افاقت نهال اجتمع الجميع حولها وهما سعداء ابتسمت نهال وهى تشعر بدوار قليلا وتركوها قليلا لكى تأخذ قسط من الراحة ٠٠
بالخارج وقفت سما مع آدم وهى تشعر بسعادة كبيرة ثم قالت
فاقت يا آدم الحمد لله مبسوطة اووووى
وانا سعيد علشان شايف ابتسامتك دى
أبتسما سما ثم قالت
صحيح انت متعرفش أى حاجة عن آسر 
عقد آدم حاجبيه فهزت سما رأسها نافية ثم قالت وهى تخرج هاتفها من حقيبتها
مش بقول كده عشان ازعلك امبارح بليل لاقيته بعت ليا الرسالة دى
أخذ آدم الرسالة وقرأها وجد محتواها
انا اسف ع كل ألم سببته ليكى بس لازم تعرفى انى حبيتك فعلا
عمةما انا هسافر وهبعد عنكوا خالص
شعر آدم بالڠضب ثم قام بمسح تلك الرسالة وقال
ملناش دعوة بيه ٠٠ وبعدين اعملى لرقمه بلوك
هزت سما رأسها بالإيجاب ثم قالت
حاضر
فى صباح اليوم التالى بعد أن افاقت نهال جيدا من تأثير