رواية أسر الفصول من 19-23

الشغل
نظر لها نظرة جانبية ثم قال
يعنى مش رافضة تبقى معايا فى الشغل 
لا لا ٠٠ وبعدين انت بتكلم جد 
تنهد إياد
وانتى يهمك فى ايه ! انتى مش بتحبى خطيبك
لا يهمنى طبعا انت بتقول ايه ! انت مش فاهم
وشعرت بالأحراج فنظر لها إياد بعدم فهم
مالك وشك احمر كده ليه !
انا و أمجد مش هنكمل مع بعض سواء كنت اعترفت او لا
ونظرت لأسفل بينما نظر إياد بإهتمام
انتى بتقولى ايه يا نهال !
المشكلة ان اتغيرت مع أمجد بسببك بسبب انى مش فاهمة مشاعرى ناحيتك
ابتلع إياد ريقه
انتى ٠٠ انتى بتكلمى جد يا نهال !!
سقطت دمعة من اعين نهال وحاولت ان تمسح تلك الدمعة
انا كنت مضايقة حاسة انى وحشة وكنت أمجد و أمجد حس انى كنت معجبة بيه بس مش أكتر
طب متعيطيش
معيتطش ازاى انا وحشة !!
دى مشاعرك واحنا مبنتحكمش بمشاعرنا بس انا مش فاهم انتى بتحبينى 
نظرت فى عينه نظرة طويلة ثم قالت
انت غبى
احنا هنلبخ !
بقولك ايه نكلم فى الموضوع ده لما اقول ل أمجد انى مش هكمل معاه
ظل إياد مذهول
طب وانا !
انت غبى !!
انتى لسانك طويل
مانت مش فاهم او فاهم وبتستعبط
من حقى اعرف
مش من حقك الا لما اسيب أمجد
نهاااال
نظرت له بشدة وهنا اتت يسرية وقالت 
إياااد
فنظر إياد لوالدته
نعم يا ماما
يلا تعالى عشان الأكل جاهز
فنظرت نهاال ل يسرية
ممكن اتغدى معاكوا
فإبتسم
إياد بينما نظرت لها يسرية بشدة ورفعت حاجبها
مانتى معانا كل يوم
ثم تركتها وذهبت فشعر إياد بالحزن على نهال
تعاالى ناكل
أمك بتكرهنى
هتحبك اما تعرف اد ايه انا بحبك
انا مش هفرض نفسى عليكوا انا هتغدى فى اوضتى
انتى هتتغدى معايا
بقولك ايه انا هروح اكلم أمجد وابلغه انى مش هكمل
هاجى معاكى
لا طبعا 
يعنى هتقابليه لوحدك !
وفيها ايه 
فعض إياد شفتاه وتركها وذهب خلف والداته فرفعت نهال حاجبها
ماله ده !!!
وفى المساء وصلت سما المنزل وجلست فى غرفتها وحدثت نفسها
اخيرا وصلت اوضتى انا المفروض اخد اجازة من المشوار ده
سمعت صوت هاتفها فأخذت هاتفها ونظرت للمتصل فوجدت ان المتصل آدم فإجابت على الهاتف
السلام عليكم
وعليكم السلام روحتى البيت ولا لسه 
اه لسه واصلة وتعبانة مش قادرة
قولتلك اجى اوصلك
يعنى وجودك هيخلى المشوار يقصر
باااايخة
هو انا ينفع اخد اجازة تانى بكرة
نعم يا هااااانم ده انا اجى اجيبك من بيتكوا 
انت قلبت كده ليه !
مانتى بتستهبلى يا سما
اقفل يا آدم 
مش قافل الا لما تعرفى انا كنت متجنن اوووووى النهاردة وانا مش شايفك قدامى
ابتسمت سما قليلا ثم قالت بهدوء
عيب اللى بتقوله ده
هو كل حاجة عيب !!
ايوة يحق ليك تقولى كده لما نتجوز بس
أمى كلمت بابا وهتجيلكوا يوم الخميس بلغى عمى
ما تتصل انت بيه انا مليش دعوة
فأبتسم آدم
مكسوفة يا سما
ارتبكت سما
يظهر بيندهوا عليا بارة عشان العشا
فأبتسم آدم
متستعبطيش مكتبك مستنيكى بكرة إن شاء الله
حااااضر يلا بااااى
باااااى يا مغلبانى
قلت بااااى
واغلقت سما الهاتف مسرعة بينما ظل أدم يبتسم
بحبك يا مجنوووونة
كانت نهال تقف فى الشرفة وكانت تنظر لشرفة إياد حتى دخل فأبتسمت شعر إياد بأحد ما يراقبه فنظر لإتجاه نهال وعوج فمه ثم نظر امامه فنظرت نهال له بشدة وشعرت بالڠضب وعضت شفتاها وقالت بصوت مرتفع قليلا
انا مش قادرة افهمك بجد
ظل إياد ناظر امامه وقال وهو ينظر أمامه
روحتى قابلتيه
لا مروحتش
فنظر لها وابتسم
بجد !
اهااا اصل كلمته كان نايم ومشافش انى اتصلت بيه الا فى وقت متأخر فإتفقنا بكرة بعد الشغل
فنظر لها بشدة
اسكتى يا نهال كلامك بېحرق دمى
انا عملت ايه ما لازم اقوله
فنفخ إياد
ولازم تقابليه لوحدك !!
امال هاخد صحابى معايا
بت انتى !!
انا مش فهماك بجد
نظر لها بشدة
يبقى احسن ويستحسن
ثم تركها ودخل للداخل بينما ظلت هى تنظر بشدة لشرفته وعوجت فمها ثم قالت
بقى شايف نفسه عليا اوووووى مراد ده
فى الصباح دخلت سما مكتبها وكانت تنتظر دخول آدم فلقد شعرت بأنها تفتقده وبشدة ابتسمت قليلا وهى وحدها فى المكتب وشعرت بالخجل وحين شعرت ان احد ما يفتح الباب نظرت نحو الباب وجدت آدم ظلت تنظر له دون ان تتحدث وهو بادلها تلك النظرة وذلك الشوق وهو مبتسم ثم تحدث بصوت خاڤت قليلا
صباح الخير يا سما
صباح النور
أبتسمت قليلا فأقترب من مكتبها وهو يبتسم
المكتب امبارح كان وحش جدا من غيرك
تنهدت قليلا
ميرسى
طب انا فى مكتبى 
اووووكيه
ابتسم لها وهو ينظر لها وظل يسير نحو باب مكتبه وعيناه معلقة عليها حتى اصطدم به دون ان يشعر فنظرت سما نحوه بقلق
آدم !!! انت كويس !
مسك رأسه بيده
هاا متقلقيش انا كويس
مش تاخد بالك
نظر لها مسبلا عيناه
خاېفة عليا ده انا اتخبط كل يوم ع كده
انت مچنون
وايه الجديد !
هزت رأسها ونظرت للأوراق التى على مكتبها فنظر لها بغيظ
طب مفيش ٠٠ ولا حتى كده كلمة كده سلامتك يا حبيبى
فرفعت سما حاجبها ونظرت له بشدة
نعم !!
ابتلع آدم ريقه ثم قال لينهى ذلك الموقف
بقوووول لو كنتى قلتى كده كنت هغير وجهة نظرى عنك يا سما طلعتى اد الأختبار اللى حطيته ليكى
ثم دخل مكتبه مسرعا فظلت هى تضحك عليه ٠٠
كانت نهال فى مكتبها واتاها اتصال من رقم غير مسجل لديها فأجابت على الهاتف
الو
هاى نوناااا وحشتينى اوووى
سمر !!! انتى بتكلمى منين
انا وصلت مصر وعاوزة اشوفك بقى وحشتينى اوووى
ابتسمت نهال وشعرت بسعادة 
مش مصدقة بجد انتى فى مصر
ايوووة انا بس هوصل البيت احط الشنط واخد دش وعاوزة نتقابل بقى انتى وحشتينى اوووى
تمااام بعد الشغل عندى 
ثم تذكرت نهال مقابلتها مع أمجد فعوجت فمها ثم سرعان ما ابتسمت وقالت
ع الساعة 4 يا سمر
تمام اوووى يا حبى
واغلقت معها الهاتف وابتسمت وحدثت نفسها
كده مش هزعل إياد بقى مش هبقى لوحدى مع أمجد
كانت نورا تجلس مع يسرية فى حديقة القصر وهى تحدثها
مش فاهمة يا طنط انا لحد ناو مش عارفة اقرب منه
نظرت لها يسرية
مش عااارفة بجد إياد ايه جراله ده اتغير تماما
يا طنط انا بحبه اوووى وعاوزة اتجوزه
انا مش عارفة اساعدك اكتر من كده بس انا كمان عاوزكى ترتبطى بيه انا مش هلاقى واحدة احسن منك
انا هقعد استناه لحد ما يجى
تمام يا حبيبتى حتى نتغدا سوا
فإبتسمت نورا
وبعد انتهاء العمل ذهبت نهال حيث الكافيه الذى ينتظرها فيه أمجد دخلت وجدته يجلس على منضدة ما بأنتظارها فذهبت تجاهه وهى مترددة وقالت
ازيك يا أمجد 
ابتسم أمجد قليلا
اقعدى يا نهاال
جلست نهال وشعرت بتوتر كبير وحاولت اخراج الكلمات ولكنها لم تستطع فبادر أمجد
قررتى
فهزت نهال رأسها فتابع أمجد
بالسرعة دى واضح ان
القرار مكنش محتاج تفكير
يعنى حاجة زى كده
عموما الجواب باين من عنوانه
يعنى ايه 
مش محتاجة توضحى يا نهاال انا فاهم انك مش بتحبينى كان مجرد اعجاب
يعنى انت مش زعلان منى اقصد ٠٠
وصمتت لم تعرف ماذا يجب عليها ان تقوله فإجاب هو رافعا عنها الحرج
انا زعلان ع خسارتك مش اكتر
شعرت نهال بالضيق ونظرت لأسفل فأبتسم أمجد ابتسامه باهتة
المهم تبقى سعيدة مع اى حد تختاريه
ميرسى اووووى
وقامت بأخذ خاتم خطبتها من حقيبتها ثم وضعته أمامه
اتفضل
فهز أمجد رأسه
تمام
فى ذلك الوقت كان إياد يراقبهم من بعيد داخل سيارته من زجاج الكافيه وعوج فمه وقال بصوت خاڤت قليلا
برده راحتله لوحدها
ثم قاد سيارته متوجها إلى المنزل وهو يشعر بالڠضب بينما كانت سمر تحاول ان تصف سيارتها وتبحث عن مكان ولم تجد حتى انصرف إياد فصفت سيارتها مكانه ثم نزلت من السيارة وتوجهت إلى داخل الكافيه
كانت سما جالسة فى مكتبها نظرت للساعة وجدتها الرابعة
ايه ده الوقت سرقنى وقعدت اكتر من ميعاد شغلى
ثم شعرت بالأرهاق ومسكت ظهرها من الألم
اهااا مش قاااادرة خااالص
هنا سمعت صوت احد ما يدخل المكتب فنظرت وجدت من دخل آسر الذى نظر لها وهو مبتسم
هاااى
ابتلعت سما ريقها ولم تنظر له فى ذلك الوقت خرج آدم من المكتب وجد سما مازالت جالسة و آسر ينظر لها فرفع أدم حاجبه ونظر لهما ٠٠
الحلقة الثالثة والعشرون
ثم نظر أدم للساعة ونظر مرة اخرى ل سما 
انتى ايه اللى مقعدك لحد دلوقتى !
انا الوقت سرقنى فى الشغل بس كنت مروحة
فنظر آدم لها نظرة طويلة ثم نظر ل آسر
اشمعنا النهاردة يعنى !!
ارتبكت سما قليلا ثم قالت
ها !! انا همشى حضرتك عاوز منى حاجة 
اتك آدم على شفتاه
شكرااااا
فإخفضت رأسها واتجهت نحو الباب حيث كان يقف آسر فأبتعد قليلا ثم قاال
اتفضلى
فذهبت مسرعة بينما نظر آدم إلى آسر فنظر له آسر قائلا
بتزعق فيها كده ليه 
ولا حاجة ولا حاجة وبعدين انت مالك اصلا ٠٠ انت كنت جاى عاوز حاجة
اه ما تيجى نخرج
تمام حتى انا محتاج أغير جو
تمام اوووووى يلا بينا
بينما دخلت سمر على نهال و أمجد وعندما رأت نهال من بعيد اسرعت نحوها بشدة
وحشتينى اووووى يا نونا
ابتسمت نهال وبادلتها 
انتى اكتر بقى انا مبسوطة انك جيتى مصر
فأبتسمت سمر ثم نظرت ل أمجد
ده اكيييييد ميجو صح
فنظر لها أمجد وجد فتاة ترتدى فستان لونه بينك قصير نوعا ما شعرها بنى قصير وعيناها باللون العسلى فأبتسمت له وأشارت بيدها له من على بعد لتسلم عليه من بعيد وهى مبتسمة فبادلها ابتسامة هااادئة فجلست سمر بجوارهم
وااااو بجد زوقك يجنن يا نهاال شكله لذيذ خاااالص
فشعرت نهال بالأحراج وقامت بوخزها فى قدمها فنظرت لها سمر بإندهاش
بتضربى ليه !!! انتى بتغيرى منى ولا ايه دى اخر حاجة كنت اتخيلها
فأحمر وجه نهال خجلا واغتاظت من غباء سمر بينما ابتسم أمجد ابتسامة خفيفة ثم نظر ل نهال
طيب انا هستأذن انا يا نهاال اشوف وشك بخير
اه إن شاء الله
ثم نظر ل سمر
فرصة سعيدة
فأبتسمت له سمر
انا اسعد يا ميجو
فأبتسم لها ثم ذهب بعيدا فنظرت لها نهال بشدة
انتى غبية يا بت انتى 
نظرت لها سمر وتحدثت بنبرة حزينة
فى ايه يا نهال انتى بجد غيرانة منى
ېخرب بيت غباوتك
ثم قصت عليها كل شئ فرفعت سمر حاجبها
اووووه انا عكيت
انتى تخرسى خااالص
فإبتلعت سمر ريقها ونظرت لأسفل وهى تشعر بالخجل من نفسها ٠٠
وفى المساء كان آدم يجلس مع آسر فنظر له آدم
ايه ساكت ليه !
مفيش بس مش قادر اصدق ان آدم رفعت غيرته بنت لا وانه حبها بجد
فأبتسم آدم حين تذكر سما
سما احلى حاجة حصلت فى حياتى سما دى لو مكنتش دخلت فى حياتى كان زمانى لسه شخص تافه زى مانا
دى خلاتك تقول اشعار وتتغزل
بحبها اوووى يا آسر وبغير عليها جداااا بتجنن كده لو راجل بصلها
نظر له اسر بغيظ شديد
بقيت مچنون سما
ابتسم آدم
هى تستاهل
فى تلك اللحظة اتت نيللى من خلف آدم وقامت بوضع يدها على عينه وهى تقول
وحشتنى اوووووى يا دومى
ابعد آدم يداى نيللى مسرعا وإلتف ليراها ثم رفع حاجبه بشدة
اياكى ٠٠ اياكى يا نيللى تعملى كده تااانى
فنظرت له نيللى وهى لا تفهم ثم جلست بجواره
فى ايه يا آدم
فيه انى خاطب دلوقتى بنت وبحبها ومحبش حتى انى ولو بخيالى
خاااطب !!
قريب هعلن ده
فنظرت له نيللى بغيظ
طب اقعد صحابنا كلنا هيجوا هنا وهنقضى سهرة حلوة نحتفل بيك
نظر آدم ل آسر
يوم ما تحب نخرج انا وانت يا آسر يبقى انا وانت واى رجالة مش عاوز اشوف بنات تاني
ثم نظر إلى نيللى
وانتى يا هانم ربنا يهديكى وروحى ع بيتك وبطلى اللى انتى فيه ده انتى بنت عمى برده ومرضاش انك تقعدى سهرانة مع ولاد لحد دلوقتى
سألته نيللى بدلال
بتغير عليا 
زفر أدم بضيق
قومى روحى يا نيللى
حاضر يا بيبى هسمع كلامك بس هتوصلنى
نظر لها آدم بشدة
زى ما جيتى لحد هنا روحى يا نيللى
فوقفت نيللى وهى غاضبة ثم خرجت
من الكافيه فنظر له آسر
مكنتش اعرف انك هتضايق لو جبت صحابنا
طالما فيه بنات متتصلش بيا يا آسر عاوز تخرج نخرج احنا وصحابنا ٠٠ بنات ﻷ
طب دى نيللى بنت عمك
سمعت قلت ايه يا آسر !!!
ثم تركه آدم وتوجه إلى الخارج بينما ظل آسر ينظر له وهو يتمتم
شكلى هلجئ للخطة الأولى
بينما كان إياد يجلس فى حديقة القصر يقرأ كتاب على الأرجوحة فجاءت نورا لتجلس بجانبه وكان معها كوب من العصير وقالت وهى تعطيه كوب العصير
العصير بتاعك يا إياد
فأخذ إياد العصير ثم نظر لها
اه شكرا يا نورا
ثم قام بالنظر إلى الساعة ثم إلى بوابة القصر وهو يشعر بالڠضب فنظرت له نورا بإهتمام
انت وراك ميعاد ولا ايه كل شوية تبص ع الساعة
ها !! ابدااا عااادى بعرف الوقت بس
اممم عموما انا مبسوطة انى قضيت اليوم معاكوا بجد
كويس
تعرف طنط يسرية بتحبنى جداا وبتثق فيا جداا
امممم كويس برده
ثم سمع إياد صوت سيارة نهال فنظر للبوابة وجدها تدخل فشعر بالغيظ وفهمت نورا انه كان ينتظر حضور نهال فشعرت بالڠضب
انت كنت مستنيها !!!
فنظر إياد إلى الكتاب ولم يرد على نورا عندما دخلت نهال إلى القصر وجدت إياد يجلس وبجانبه نورا فرفعت احدى حاجبيها ثم اقتربت منهم وظلت تنظر لهم وابتلعت ريقها ثم نظرت ل نورا
انتى هنا ! اتااارى القصر مضلم اقصد منور يعنى مانتى بيدلعوكى بنور صح
وابتسمت لها ابتسامة صفراء فرفعت لها نورا حاجبها ثم رفعت قدمها فوق الأخرى ونظرت للأتجاه الأخر بينما كان إياد يبتسم وهو يقرأ فى الكتاب فوضعت نهال يدها على قدم نورا
اتاخرى كده شوية خلينى اعرف اقعد
وانتى لازم تقعدى هنا فى النص غريبة دى
ايووووة المرجيحة دى اصلا انا اللى جبتها اول ما جيت القصر هنا
يا سلاااام
ايوووة
ثم وضعت يدها على قدمها مرة اخرى
اتاخرى كده متبقيش لازقة
ثم قامت نهال بإبعدها وجلست هى بجوار إياد الذى كان لا يكف عن التبسم فنظرت نهال إلى نورا
شكل كده طنط يسرية بتنده عليكى
انتى بتقولى ايه 
سامعة طنط عمالة تنده عليكى شوفيها عااوزة ايه
فنظرت لها نورا بشدة ثم وقفت نورا وذهبت داخل القصر فنظرت نهال إلى إياد ووجدته مبتسم وهو ينظر للكتاب ٠٠
جلس آدم فى غرفته مستلقى على فراشه ينظر للهاتف وهو متردد ثم قام بالأتصال ب سما التى كانت تجلس تشاهد التلفاز عندما اتاها الأتصال فإجابت على الهاتف
السلام عليكم
وعليكم السلام ممكن اتكلم معاكى يا سما 
فى ايه يا آدم 
انا لما دخلت عليكى انتى و آسر كنتوا بتتكلموا فى ايه 
مكناش بنكلم انا كنت بلم حاجتى وهو دخل قال هااى وانا كنت ماشية حتى مردتش عليه انت خرجت ع طول اصلا
عض آدم شفتاه بغيظ
وهو يعرفك عشان يقولك هاااى !!
عااادى تقريبا كان بيسلم مش أكتر انت ليه شاغل نفسك ب آسر كده مش بتقول صاحبك وبتثق فيه
بثق فيه اه وبثق فيكى بس انا راجل وبغير ومحبكيش تكلمى راجل مهما كان
انا متكلمتش
خلاص يا سما انا مصدقك
ابتسمت قليلا
سما هو انا لو كنت يعنى زمان 
ثم صمت فقالت سما
فى ايه زمان ايه 
انا كنت وحش اوووى يا سما انتى حقيقى كتير عليا انا كل اللى كان يهمنى ان البنات تحبنى ومفيش بنت تقف قدامى عشان كده 
ظل متوترا يريد أن يعترف لها بذاك الرهان التافه فقاطعته سما
اللى فات فات يا آدم وانا عارفة انت كنت ايه مش محتاج تقولى وحتى لو مكنتش اعرف فانا مش من حقى اعرف اصلا يوم ميلادك بالنسبة ليا يوم ما قرررت تتغير واتقدمت ليا
يعنى اى حاجة فى الماضى مش عاوزة تعرفيها 
لا نبدأ صفحة جديدة
ابتسم آدم
انا بحبك اوووى يا سما
ابتسمت سما قليلا ولم ترد فتابع آدم
مش ناوية تقوليها
لسه وقتها مجاش
عذبتينى يا سما
اللى بعمله ده الصح انت اللى متسرع
طب خلى بالك ع نفسك
انا قعدة فى بيتنا مش بااارة
برده خلى بالك ع نفسك
ابتسمت قليلا
حاضر
اشوفك بكرة إن شاء الله
إن شاء الله
نظرت نهاال إلى إياد بحدة بعد أن أنصرفت تلك المدللة التى تلتزق به دوما نورا فقالت بنبرة حادة
انت يا بيه !
فنظر لها إياد بطرف عينه
عاوزة ايه 
كانت قعدة دى بتعمل ايه
انتى ليكى عين تتكلمى الساعة كم فى ايدك 
9 بس برده انت ازاى قاعد جنبها كده
وانتى قعدة مع أمجد لحد ناو بتهببى ايه !! فهمينى
تحدثت ببراءة
انا مكنتش مع أمجد
انتى بتكدبى !! انا شفتك بعينى فى كافيه من الساعة 4 اييييه لو بتحلوا مشكلة الحړب العالمية التالتة
اتسعت عينان نهال وهى لا تصدق
انت بتراقبنى يا إياد !!!
متغيريش الموضوع انا مكنش قصدى انا مشيت وراكى بس عشان اعرف هتتقابلوا فين
ايوة بس انا كان معايا سمر صاحبتى
متكدبيش انا شايفك انتى وهو