رواية ادهم من الفصل 5 الى 9
الفصل الخامس
ليلى ... كان زمنا فى بيت جدة جودى دلوقتى استفدتوا ايه لما دورتو على السواق فى الشارع
نورا .. اهو عملنا اللى علينا مش يمكن كنا لاقيناه
ليلى .. لقيتوه فين يابنتي انتي شايفة التاكسيات اد اايه فى الشارع وبعدين عجبك اللى كان هيحصل مع اميرة ده كانت هتعملنا مشكلة
فلاش باك لعدة دقائق فقط
بعد ما سارت اميرة والڠضب ظاهر جليا على وجهها واكملت السير لبيت جدة جودى وقفت
اميرة .. لا استنوا هدور كدا يمكن الاقيه
نورا .. طب وهنلاقيه ازاى يا اميرة العربيات مشت شوية والطريق بقى أسرع وزمان وصل لقدام وتاه بين العربيات
اميرة بإصرار .. هنحاول مش يمكن نلاقيه يلا بس
ليلى برفض .. لا روحو انتو انا مش غاوية تنطيط وسط العربيات
جودى .. يابنتى انتي عنيدة ليه مانا حليتلك المشكلة
اميرة .. معلش يا جودى خليكي انتى هنا مع ليلى وانا ثواني وراجعة
واخذت تبحث بين السيارات حتى رأت سيارة شبيه وتحركت اتجاهها ولكن وهى تتحرك اصطدمت شنطة كتفها بمرآة احدى السيارات ورجعت لتعتذر للسائق
اميرة وهى تنحني قليلا لأسفل وتحدث السائق .. انا اااس
ولم تكمل جملتها حتى نظرت لها زوج العيون مجدداا .. هذا الحوار أخذ ثوانى معدودة .. لم تعرف لما جرت لم تعتذر كل ما شعرت به هى أن بعد ثواني كانت تأخذ يد نورا وتبتعد ونورا لم تفهم ما حدث
نورا .. ايه يابنتى في اايه بتجرجرينى كدا ليه
اميرة باستعجال .. يلا يا نورا خلاص مش هنلاقيه يلا
نورا بتعجب ... ما احنا قولنا كدا محدش صدقنا على العموم يلا
دخل غرفته واخرج بدلة رسمية اخرى ودخل ليغتسل وبعد دقائق خرج وبدأ يرتدي ملابسه ثم أمسك فرشاة شعر وبدأ يسرح شعره الاسود الطويل بعض الشيء
طالما صاحبه التناقض بين لون عينيه ولون بشرته وشعره فانهم مثل الاتجاهات الجغرافية كل منهم ينتمي لبلد معين فهو أخذ لون عينيه من والدته وهى يونانية الاصل ولون بشرته وشعره من والده ووالده كان مصرى ابا عن جد
نظر الى المرآة وتذكر منذ قليل هذه الفتاة الذى طل من عينيها الړعب أول ما نظر لها ولكنه لم يتأكد من وجهها فهى ركضت مسرعة من امام سيارته بمجرد ما رأته لأمر يجهله
ادهم بتعجب... بنت غريبة !!
داخل الاسانسير ..
جودى ... اه صحيح يا اميرة لما جدتي تسألك قوليها انك صحبتي عشان تيته بتقلق شوية من الناس الغريبة
اميرة ... بس انا مابحبش اكدب
جودى .. معلش عشان بس تبقى مطمنة معاكي اكتر وانا واثقة فيكي
اميرة ... بصي مش هقول إلا لو سألتني
جودى .. اوك تماام
وقفوا امام بابا الشقة وهمت جودى بدق الجرس حتى فتحت لها سنية
جودى .. تعالو ادخلو يا بنات
ليلى وقد انبهرت من فخامة منزل الجدة .. اوووووووو اايه دا
نورا .. طب قولي مشاء الله
اميرة فى سرها .. بسم الله الرحمن الرحيم ..
حبت أن تبدا عملها بذكر الله فهى دائما هكذا
جودى ... عجبتكوا ... ههههههههههههه اتفضلوا اقعدوا فى الصالون لحد ما اقول لتيته
وابتعدت جودى عنهم وهى متوترة من الدخول لجدتها محدثة نفسها
دى اخر خطوة خلاص اخلصها واجرى من هنا
فتحت الباب لغرفة جدتها
جودى وقد بدأت الكلام بتلعثم ... تيته صحبتي اللى ماما قالتلك عليها برا وهتشتغل من أول النهاردة .. انا اسفة انا همشى عشان ورايا امتحان مهم جدا وأول ما اخلصه هجيلك جري
الجدة صفية لم ترد
جودى ... خلاص يا تيته انا همشى باااى
وفتحت الباب وهى فرحة واقفلت ورائها بهدوء
وذهبت للصالون
جودى .. يا سنية ما تحضريلنا الغدا
اميرة
نورا ... معلش يا جودى مش هقدر انا كمان مش بتغدى دلوقتى
جودى ... الله يعنى بعد المشوار ده كله لسه ما جوعتوش
ليلى .. بصراحة انا جعانة بس هكتفي بشوية سندويتشات كدا لو مافيش مانع
جودى .. اااااكيد مافيش مانع طبعا
وندت على سنية
جودى .. سنية حضرلينا حفلة سندويتشات من كل حاجة عندك على ما أخد شاور بسرعة وأغير هدومي بعد اذنكوا يا بنات مش هتأخر عليكوا وكمان عشان تبقوا براحتكوا
واستأذنت منهم وانصرفت
وخلال عدة دقائق كانت سنية اتية بصينية عليها عدة اطباق للسندويتشات والفاكهة والعصير
نورا .. بقولك اايه يا سنية هى جدة جودى صاحية
سنية .. ايوة صاحية
نورا .. طب ممكن ادخلها
سنية پخوف .. ما اعرفش حضرتك لو عايزة اتفضلي ادخليلها اوضتها اهى
نورا .. طيب تمام ماشى
اميرة .. فى ايه نورا
نورا .. هطمن بلاش يعنى .. خليكي انتى هنا
وتحركت نورا لغرفة الجدة وفتحت الباب بخفوت وتدريجيا ثم وجدت امرأة يبدو انها فى أواخر الستين من العمر
نورا .. ممكن ادخل دقيقة واحدة ازي حضرتك وصحتك عاملة ايه
الجدة بنظرة متفحصة... انتي مين
اقتربت نورا لسريرها وتحدثت ... انا نورا صاحبة اميرة اللى هتبقى ممرضة حضرتك ..عايزة
بس اقولك ارجوكي خلي بالك من اميرة انا عارفة إن كلامي غريب والمفروض انها هى اللى تخلى بالها منك لأن ده كمان شغلها بس انا هسيبها امانة فى رقبة حضرتك .. اميرة طيبة اوووى وهتحبيها جدااا
الجدة ولم تتفوه بحرف ........
نورا .. انا عارفة أن حضرتك تعبانة عشان كدا مش هطول عليكي بعد اذنك
انصرفت وخرجت لاميرة التى ابتسمت لها ونظرت لها نظرة تقول جملة واحدة
ونعم الصديقة انتى يا صديقتي .. نورا
نورا وهى تبادلها الابتسامة ... حبيبتى انا اطمنت عليكي انا همشي انا بقى عشان ميعاد الكورس بتاعي فاضله ساعة الا ربع
ليلى وهى تاكل .. اااستنى شوية مالحقتش اكل
اميرة ... احنا كلياتنا مختلفة بس ماكنش بيهمنى عشان عايشين فى سكن واحد بس دلوقتى كمان السكن مش واحد وترقرقت الدموع من عينيها
نورا وهى الاخرى بدأت تدمع ..مش على طول شوية وهترجعي معانا تاني
خرجت جودى على خروج ليلى ونورا
جودى .. اايه انتو لحقتوا
نورا ...معلش مستعجلين عشان الكورسات وكدا وفتحت جودى باب الشقة مودعة اياهم بابتسامة ووقفت نورا امام الباب ناظرة لاميرة بدموع وجرت عليها اميرة
اميرة ... هتوحشينى اوووى
نورا .. انا معاكي على طول رنة تليفون واحدة واكون هنا حتى لو الفجر هجيلك
وبعدين كنتي هتنسيني ..واخرجت من حقيبتها علبة صغيرة ملفوفة بوردة حمراء
اميرة .. اايه ده
نورا .. هدية انتي اول مرة هتشتغلي قولت لازم اعتبرها مناسبة واجيبلك هدية
ليلى وقد خطفت العلبة من اميرة وفتحتها .. الله . ساعة بأنسيال وفيها حروف اسمك يا اميرة a m i r a
اميرة .. الله جميلة اووى يا حبيبتى اردهالك فى فرحك ياارب
نورا ببسمة واسعة .. يااارب .. هاتي يا ليلى اما البسها لاميرة قبل ما امشي
ليلى معترضة ... استني اتفرج عليها شوية وخطڤتها مرة أخرى من يد نورا ونتج عنها وقوع الانسيال
نورا بغيظ... شوووفتى يا غبية أهو الانسيال وقع
ليلى بحرج .. والله ما أقصد
وبحثوا عنه ولم يجدوه حولهم
اميرة .. معلش يا نورا حصل خير ما تتعبيش نفسك انتى دورتى ومالقيتهوش
نورا باستسلام .. لو من نصيبك هتلاقيه وتعالى اما البسك الساعة حتى قبل ما امشى
ومدت اميرة
اميرة .. متشكرة اووى يا حبيتى
نورا .. ما تقوليش كدا احننا اخوات ويلا بقى عشان ما اتاخرش
مع السلامة يا قلبى انا هنزل على السلم عشان بدوخ من الاسانسير
اميرة مودعة صديقتها .. مع السلامة وخلي بالك من نفسك
خرج ادهم من غرفته بعد استعداده بالكامل للخروج وتوجه خارجا
سعاد ... خد اشرب كوباية العصير دى قبل ما تطلع
ادهم ... جت فى وقتها .. شكرا يا دادة واخذها من يدها
سعاد وهى تنظر له نظرة ام فخورة وتردد بداخلها ربنا يحميك لشبابك يا بنى ياارب
دخل سيارته وأمر السائق أن يتحرك بعد أن أخبره عنوان الفيلا ...
وبعد عشر دقائق أتاه اتصال هاتفي
ومد يده فى جيبه حتى يخرج الهاتف وكان الانسيال معلق بالهاتف ايضأ منذ أن وضعه فى جيبه ابتسم وقال
ادهم .. هو انت لازق فى اي حاجة كدا!!
ورد على الاتصال ....
ادهم .. الو
نادين بدلال .. الوو ايوة يا ادهم مش فاكرني انا نادين ولا نسيتني
ادهم بلا مبالاة .. اه افتكرتك يا نادين عاملة ايه
نادين .. Nice وحشتني من أخر مرة شوفتك فيها مع انك مشيت على طول يومها
ادهم غير مبالي .. معلش انتي اكيد عارفة الشغل
نادين .. انت جاي على هنا صح
ادهم بضيق.. اه بصي انا هقفل معاكي عشان مش عارف اكلمك و١٠ دقايق واكون عندك تمام
نادين .. تماام
قفل الهاتف ووضعه مرة اخرى فى جيب چاكت بدلته
نظرت حولها بتوتر وشعرت بداخلها بالوحدة والغربة فهى بعيدة عن اهلها وكادت أن تعتاد على ذلك ثم وفجأة اصبحت هنا منزل تراه لأول مرة بعيد عنها وعن حياتها البسيطة كل البعد
للحظة شعرت وكأنها تريد الهروب من هذا المكان ولكن
الى أين
سألت اميرة بنظرة مصوبة الي جودي...
اميرة ... جودى هو انا ممكن ادخل اشوف جدتك
جودى بقلق وتلعثم ... هو اكيد ممكن بس هى تعبانة وشوية تنام وشوية تصحى سبيها النهاردة وكدا كدا هتشوفيها بكرا
اقتربت جودى منها وجلست بجانبها
جودى
.. ايه يا ميروو مش هتقومي تغيري هدومك ولا ايه هتفضلي قاعدة كدا قومي اوضتك هتبقى اللى هناك دى واشارت الى غرفتها
ثم قامت وتوجهت الى غرفتها واحضرت بچامة واعطتها لاميرة
واخذتها اميرة بخجل دون أن تنظر لما فى يدها
اميرة ببسمة بسيطة ...متشكرة اوى
جودى وقد بدأت تشعر بالملل من أسلوب اميرة ... دي حاجة بسيطة ما تقلقيش وبعدين انا اللى المفروض اشكرك
انتى انقذتيني ....
بان القلق على وجه اميرة .. انقذتك !! انقذتك ازاي يعني مش فاهمة
جودى وقد شعرت بالحماقة من هفواتها ...اقصد يعني أن كان عندى exam مهم جدااا وماكنش ينفع محضروش وكنت بدور على حد موثوق فيه اطمن على تيته معاه ..فهمتي
وراقبت جودى تعابير وجه اميرة حيث كانت الاخيرة قد استكانت من توترها تدريجيا وردت بأرتياح
اميرة ..اه فهمت ربنا معاكي ياارب
جودى .. ميرسي يا قلبي روحي بقى غيري هدومك وتعالي نقعد مع بعض شوية ولا انتى عايزة ايه
اميرة ... زى مانتي عايزة
جودى .. بصى عموما مافيش شغل النهاردة شغلك هيبدأ من أول بكرا بعد الكلية بتاعتك يعنى هتصحي الصبح تشوفي الضغط نظامه ايه هو والسكر عشان بيعلو اووى عند تيته وده خطړ عليها وعندك الجهازين فى الكمود اللى جمب سرير تيته هتلاقيهم وبعد ما تيجي من كليتك هتبقي معاها مرافقة وتنظميلها مواعيد الدوا لانها بتنسي تاخده انما النهاردة انا اللى ههتم بتيته وهسافر الصبح بدرى وتستلمى انتي بقى ..
اميرة .. توصلى بالسلامة ياارب
جودى
ثم توجهت اميرة للغرفة التى اشارت جودى عليها ودخلت واقفلتها ورائها بأحكام .. ونظرت حولها للمكان واعجبها تصميم وديكور الغرفة برغم إنه كلاسيك بعض الشيء ولكنه مريح للنظر والنفس
خلعت حجابها وفردت شعرها وأخذت البچامة الذى وضعتها على السرير فور دخولها ثم توجهت الى الحمام الخاص بالغرفة
وصلت ليلى الى الشقة وفتحت الباب ووجدت نيرمين تنظر الى اللاب توب كالعادة
ليلى ... ااااخيرا خلصت مشاوير ومحاضرات عاااايزة انااام
نيرمين بلهفة .. هااا احكيلى حصل ايه
ليلى روت كل ما حدث خلال الساعات الماضية
نيرمين ... طب ونورا راحت فين !!
ليلى .. نورا عندها كورس فراحت عليه على طول
نيرمين ... اممممممم يعنى اميرة لسه ما شافتش جدة جودى تماااام
كدا كويس اوووى الموضوع ماشي فل زى ما كنت عايزة واحسن
وابتسمت بأنتصار ... اهو كدا تبقى واحدة بواحدة يا اميرة .
وصل ادهم الى الفيلا وقام البواب بفتح بوابة ضخمة حتى تدخل سيارة ادهم للداخل وتوقفت السيارة على بعد امتار من موقع دخولها ونزل السائق وفتح الباب لادهم حتى يخرج
خرج ادهم من السيارة وحين توجهه للداخل أتاه صوت
نادين .. ادهم
ادهم وقد نظر الى الخلف فى اتجاه الصوت ...ازيك يا نادين
نادين باعجاب واضح لهذا الوسيم الذى يأسر القلوب ... الحمد لله ازيك انت واخبارك اايه
ادهم وهو يختصر هذا الحوار .. الحمد لله
دخل أحد الخدم الى غرفة واسعة يتوسطها مكتب عريض واثاث مستورد يدل على فخامته وخلف المكتب يجلس رجل فى العقد الخامس من العمر
الخادم وهو يطرق الباب .....رياض بيه ادهم بيه جه وهو مع الانسة نادين فى الجنينة
رياض وهو يبتسم بخبث... طيب ماشي قول لفاطمة تحضر السفرة عشان نتغدى
وانصرف الخادم وهم بتنفيذ الأمر
وقام رياض من مقعده ناظرأ من خلف نافذة مطلة على الجنينة ورأى ادهم ونادين وهم يشتركون فى الحديث
رياض ... يا سلام لو يحصل اللى فى بالي يبقى كدا كش ملك
عدى النهار ببطء واتى المساء ولم تلتقي اميرة بالجدة الى الأن
كانت اميرة تحدث جودى احيانا وتصمت احيانا أخرى
اميرة وقد سمعت أذان العشاء يؤذن
اميرة ...انا هقوم اصلى العشا
جودى .. هروح اجيبلك مصلية استني
واتت بواحدة وأخذتها اميرة واتجهت للغرفة لتؤدي فرضها
جودى .. ادعيلنا بقى يا ميرو
اميرة .. حاضر يا حبيبتي
عدى ساعات على حضوره وجلست نادين معه نصف الوقت تقريبا عنوة وبعدها أخذه رياض بعد الغداء الى مكتبه وتناقشوا طويلا فى اعمالهم ودخلت نادين مقتحمة غرفة المكتب الخاصة بزوج امها رياض
نادين .... اونكل انا كنت عايزة اقول لادهم حاجة
رياض بإبتسامة .. خلاص هسيبكم براحتكم ادهم مش غريب
وخرج من مكتبه
ادهم بملل.. كنتي عايزة ااايه ثم فجأة أتاه اتصال هاتفي اخرج الهاتف من جيبه وتحدث بالهاتف وكان امين سكرتيره العام يسال عن شيء ودقائق وانهى المكالمة ثم واصل حديثه معها
ادهم ... ها كنتي عايزة تقولي ايه
نادين بمكر... ادهم احنا دلوقتي صحاب صح
ادهم بشك ... كملى كلامك
نادين ... انا هسافر برا ادرس وكان نفسي فى حاجة قبل ما اسافر
وانت الوحيد اللى تقدر تعملهالي
ادهم بتساؤل ...لو اقدر اعملها مافيش مانع
نادين .. هى حاجة بسيطة جدااا وانت تقدر بكلمة واحدة منك
ادهم ... ايه هى
نادين ... انا هسافر
بعد شهر وكل سنة بعمل حفلة رأس السنة هنا فى الفيلا بس السنة دي عايزاها تبقى مميزة وخصوصا كمان إنه هيبقى
بلييييز ماترفضش
ادهم بحزم واعتراض.. انا مابعملش حفلات فى بيتى يا نادين انا ممكن اعملهالك فى اي مكان تاني
