رواية حبي 1-2

.
_____________________
ف قصر الشهاوي
بعد ما عمران خلص غدا ودخل مكتبه قاعد ع الكنبة مستني سبيل وصهيب بيفكر ف كلام فاطمة وحس انه محتاج يأجل قراره شوية رغم انه حسم أمره ع تنفيذه وقبل ما يخرج من المكتب سمع خبط ع الباب وأذن بالدخول أدخل.
دخل صهيب ومعاه سبيل بعد ما سمعوا أذنه واتكلم بقلق تحت أمرك يا جدى.
سبيل بابتسامة خير يا جدو حضرتك عايزنا ف ايه
عمران رفع عينه ليهم وفضل يبص لهم من غير ولا كلمة لأكتر من دقيقتين شارد ف حاجة معينة وهما واقفين قصاده مش فاهمين حاجة وانتبه ع صوت سبيل وهى بتقرب منه
مالك يا جدو اوعى يكون اللى حصل برة قبل الغدا ضايقك!.
ابتسم عمران وشاور لها عشان تدخل ف حضنه تعالى ف حضڼ جدو الاول يا قلب جدو عشان انتى وحشانى اوى ول صهيب.. أقعد يا صهيب واقف ليه ولا لازم تاخد الأذن الاول.
سبيل جريت دخلت ف حضنه من غير ولا كلمة وسمحت لدموعها تنزل بحرية
صهيب رد ع عمران ده اللى اتعلمناه من حضرتك يا جدى.
عمران بهدوء طب أقعد يا صهيب وبطل كتر كلام
صهيب قعد ع الكرسي قصاد جده خير يا جدى حضرتك طلبتنا ليه
عمران بص ل صهيب وبص ل سبيل اللى بټعيط ف حضنه خرجها من حضنه ومسح لها دموعها ورجع بص ل صهيب مرة تانية فضل رايح جاى بنظراته بين الاتنين وهما مش فاهمين جدهم ماله.
سبيل بقلق مالك يا حبيبى قلقتنى عليك فيك ايه
عمران بهدوء انتوا عارفين أنكم أغلى أحفادي ل صهيب .. أنت أول فرحتي اعز من ولدى مدد أسمي ف الدنيا ول سبيل وأنتى بنت قلبي اللى ربيتها ف حضڼي وكبرت قصاد عيني وبقت أجمل بنوتة وبمرح .. عارفة أحلى حاجة عملها أبوكي انه اتجوز نرمين لانه يستاهل واحدة زيها تربيه اما انتى جوهرتى الغالية اللى خطتى قلبي من يوم ما اتولدتي تصدقي يا بت يا سبيل انتى خسارة فيه اصلا.
ابتسمت سبيل ع كلام جدها وبمرح اصلا .
عمران بتأكيد اصلا 
وبجدية ليها هى وصهيب انا مش هعيش قد ما عشت يا ولاد وعايزكم تحافظوا على تماسك العيلة وترابطها من بعدي مش عايز شقى عمري يضيع وعقدى حباته تنفرط.
صهيب وسبيل ف نفس الوقت بيحطوا ايدهم ع بقه يمنعوه يكمل كلامه.
بسرعة صهيب سحب إيده لما لمست ايد سبيل من غير ما يقصد واعتذر لها ول عمران
ربنا يباركلنا ف عمرك يا جدى أحنا كلنا من غيرك ولا حاجة
سبيل بدموع الخۏف ل عمران
ليه مصر توجع قلبي يا جدو وانت عارف إنى ماليش غيرك انت وبابا عادل.
عمران ل سبيل وعينه راحت تلقائى ع صهيب وهو بيتكلم من غير ما ياخدوا بالهم ورجع تانى ل سبيل مسيرك يبقالك غيرى يا بنت قلبي. 
وكمل كلامه بجدية ل صهيب
انا خلاص العمر بقى ورايا وعايزك تمسك زمام الأمور من بعدى يا صهيب وتحافظ ع أخواتك وولاد عمك وبالذات نادر عايزك تاخده تحت جناحك ما تسيبهوش للحية أمه ټسمم أفكاره زى ما سممت افكار عمك اوعدني يا ابنى تنفذ كل اللى بطلبه منك.
صهيب ربنا يديلك الصحة وطول العمر يا جدي اوعدك انى هنفذ كل اللى طلبته واللى هتطلبه مني ف أى وقت المهم بس رضاك علينا يا حاج عمران
عمران بتنهيدة راحة وابتسامة مكر ريحتني يا صهيب يا حبيبى يلا أخرجوا بقى وسيبونى مع نفسي شوية
ابتسمت سبيل وبمرح امممم هتقعد مع نفسك وتسيب بطوطة لوحدها كدا يا عمارة ده اسمه كلام برضو يا راجل
ضحك عمران بصوت عالى
اه منك يا شقية أنتي ماحدش يجرؤ يقول عمارة دى غيرك هههههههه.
صهيب بضحك عندك حق يا جدى انا فاكر واحنا صغيرين لما طلعتها عليك وحضرتك اتعصبت عليها قعدت ټعيط جامد وتقول عمارة واحد بس لكن عمران يعنى عمارة وعمارة وعمارة كتير مش هعرف اقوله ههههههه
سبيل تفكيرى وقتها بقى يا ابن عمى كنت فاكرة عمران تقيل مش هعرف اقوله عشان هو جمع عمارة ههههههههههه وعينيها راحت تلقائيا ل جدها وبحب.. بس جدو لما لاقنى زعلت وقعدت ف اوضتي طلع يصالحني وقال لي قولى عمارة براحتك بس مش قصاد الناس
عمران بضحك ل سبيل وهو انتي سكتي يا بنت علي ولا جريتي ع جدتك وسامية وتقولى جدو قال اقول عمارة جدو قال اقول عمارة والدنيا اتقلبت وقتها وبطتي زعلت وتقول لي حفيدتك اغلى مني اشمعنى هى تقول عمارة وانا لأ وفضلت مخصماني شهر بحاله بسببك .
سبيل بترمش بعينيها بسرعة ببراءة طفولية يبقاش قلبك بينك بقى يا عمورتي دى حاجة من سنين طويلة انسى بقى.
عمران بحب ل سبيل عمري ما نسيت ولا هنسى اى حاجة تخصك يا بيلا يلا بقى بطلي رغى يا شقية وروحي شوفى وراكي ايه
قامت سبيل وباست جدها ف خده وخرجت تحت نظرات صهيب اللى مستغرب جدا عمران رغم ان شخصيته قوية جدا الكبير والصغير بيعملوله الف حساب ورغم حبه وحنيته عليه هو وباقى أحفاده بس بيجي لغاية سبيل بيكون واحد تاني خالص ماحدش يعرفه.
______________________
ف جنينة القصر
خرجت سبيل من مكتب جدها قبل صهيب وراحت الجنينة لما عرفت ان عمها ومراته وولاده قاعدين فيها جريت عليهم ودخلت ف حضڼ عادل بسعادة
وحشتني أوى يا دولا.
ضمھا عادل فى حضنه وباس جبينها وانتى كمان يا قلب دولا وحشتينى اوى ياريت ما تسافريش تانى يا بيلا وجودك بيعمل فرق ف القصر.
بدموع بتهدد بالنزول حضرتك عارف يا بابا انا مشيت ليه ولولا جدو بعت لي ماكنتش رجعت تانى.
شهاب بغيظ منها وما تجيش تانى ليه ان شاء الله ده بيتك قبل ما يبقى بيتها ست بتاعة دي.
سامية بهدوء عيب يا شهاب دى مهما كان تبقى مرات عمك ما ينفعش تتكلم عنها كدا.
سبيل رفعت راسها وهى ف حضڼ عمها لأ مش عيب يا ماما هى غلطت فينا واتهمتنا وكل ده ليه!! عشان تخلي جدو يطردنا من القصر وتكوش هى ع كل حاجة زى ما كوشت ع با... قصدي ع علي.
قرب صهيب منهم بعد ما خرج من عند جده وقعد معاهم 
نرمين هانم مش ساهلة يا ماما وانا متأكد انها بتدبر حاجة جديدة.
شهاب بتأكيد وانا كمان متأكد من كدا رجوعها القصر بالشكل ده وكمان معاها خدامتها بيقول انها وراها حاجة.
عادل بقلق مش عايزين نسبق الاحداث يا ولاد وبعدين ما تقلقوش جدكم مركز معاها أوى يعنى مهما حاولت تعمل حاجة مش هتعرف تعملها.
صهيب فعلا يا بابا انا لاحظت ان جدي كاشفها وفاهمها كويس أوى.
سامية جدك بيقدر يقرأ أفكار اللى قدامه مهما حاول يداريها عشان كدا هو فاهم كل واحد كويس وممكن كمان يقولك اللى بتفكر فيه قبل ما تنفذه
شهاب فعلا يا ماما جدي بيقدر يقرأ أفكار الكل لكن ماحدش يعرف هو بيفكر ف ايه غير القردة دى وهو بيشاور ع سبيل.
سبيل بمرح تؤتؤتؤتؤ اللاه بقى ليه كدا يا شهبوبي هنقر بقى ولا ايه.
شهاب بغيظ مصطنع أه هنقر ونحسد ونحقد كمان ياختى ده انا بقعد قدامه بالساعة والاتنين وهو ساكت وبحاول أدخل جوة دماغه مش بعرف وانتى ماشاء الله اول ما تبصي ف وشه تجيبى مصارين دماغه.
شاهندة باستغراب ل شهاب هى مش المصارين دى يا شهبوب يا حبيبى بتكون ف البطن!! طلعت أزاى ف دماغ جدو
سبيل بضحك ل شهاب دى إمكانيات يا شهبوبي مش أى حد يقدر عليها يا كابتن ههههههه ول شاهندة من بين ضحكها حبيبتى يا شوشو اخوكى الجميل ده متغاظ مني عشان بفهم جدو من نظرة عينيه إنما هو يا حرام مش بيعرف يفهمه حتى لو قعد قدامه سنة وبهمس سمعه صهيب.. عشان كدا بيهلفط ويقول اى كلام ههههههه
صهيب بضحك مش خاېفة يسمعك يا سبيل ويزعل منك!
سبيل بدون وعى وايه يعنى مايزعل ولا يتفلق مافيش غير واحد بس هو اللى يفرق معايا زعله يا صهيب .
شاهندة بزعل مصطنع يا سلام يا ست سبيل واحد مين ده بقى اللى يفرق معاكي زعله! هاا!! واحنا ايه بقى ان شاء الله! وعينها ع عادل.. وبابا المسكين اللى بيحبك ده ميفرقش معاكي خالص كدا تؤتؤتؤتؤ أخص
أنتبهت سبيل لكلامها أكيد جدو طبعا هيكون مين يعنى ياست شاهي!
عادل بضحك ل شاهندة بتحبي تهدي النفوس انتي يا شاهي مش كدا ههههههههههههه
شهاب بضحك أوى يا بابا ههههههههههههه.
سبيل بغيظ ل شاهندة تصدقى بقى أنا كنت جايبة لك شنطة مليانة من خيرات باريس ايشى برفيوم وميك اب وبغمزة.. حاجات من إياها وكمان فستان الفرح بس خلاص خسارة فيكى يا فردة شوز انتى.
سامية بضحك قطعتى برزقك يا شاهي ول سبيل.. خلاص يا بيلا انتى خدى الفستان والحاجات إياها دى وانا هاخد البرفيوم وندي الميك اب ليمنى ههههههههههههه
سبيل بغمزة خدى انتى الحاجات إياها دي يا سمسمة وسيبيلنا أحنا البرفيوم والميك اب ولا اقولك خديهم كلهم ودلعى دولا حبيبي ههههههههههههه
سامية بخجل من كلام سبيل قصاد ولادها اتلمى يا بنت شوية مايصحش كدا.
شهاب بمعاكسة ل سامية اللاه ده أحنا بنحمر أهو ونبقى شبه الفراولة مش عيب برضو يا مزة تتكسفي مننا وبغمزة .. أعتبرينا زى ولادك برضو يا قمر
شاهندة بمرح يا دولا يا جامد مزتك اتلونت اهو بمجرد ذكر الدلع بتعمل لها إيه!! ها ها فطمني يا عدول عشان أعرف أجيب الواد خطشيبى من قفاه .
عادل بغيظ مصطنع وبعدين يعنى معاكم بطلوا تكسفوا سمسمتى وامشوا كل واحد ع اوضته يلا.
سبيل يا دووولا يا شقي خلاص هنبطل نكسفها لك يا برنس وقربت منه بهمس.. هو ايه النظام يا بابتى انتوا بتلعبوا عريس وعروسة من ورانا ولا ايه!!
عادل بنفس الهمس أجري يا بنت أنتى شوفى رايحة فين يلا قال عريس وعروسة قال
صهيب بعد شوية وقت قام وقف وأستأذن عشان يمشي اسيبكم انا بقى ف قعدتكم الحلوة دى واروح اشوف الشغل اللي اتعطل يلا سلام
بالفعل مشي صهيب من القصر وسابهم عشان يروح الشركة يكمل شغله اللى سابه بسبب جده أما سبيل طلعت اوضتها هى وشاهندة عشان تفتح الشنط وتوزع الهدايا اللى جايباها معاها من برة للكل وكانت عبارة عن بدل رجالى ل جدها وعمها وصهيب وشهاب ونادر وفساتين ل جدتها ومرات عمها وأختها غير شنطة كاملة ل بنت عمها العروسة حتى الدادة بتاعتها كانت جايبلها هدية لكن أبوها ومراته مش جايبة ليهم أى حاجة لأنهم بالنسبة ليها مش موجودين اصلا.
_____________________
ف مجموعة شركات الشهاوي
بعد مرور يومين راحت سبيل المجموعة تتابع آخر التطورات ف الشغل وتغير جو القصر دخلت أكبر فرع ف المجموعة بكل هيبة والكل بيرحب بيها وسعيد برجوعها لغاية ما وصلت مكتب صهيب شافتها سمر السكرتيرة شعرها الأحمر عاكس بياض وشها عاملة ميكب اوڤر متدلعة اوى ف كلامها وهى قاعدة مكانها قالت ل سبيل أيوا يا أنسة عايزة مين.
سبيل بهدوء داخلة ل صهيب عندك مانع!
سمر بعجرفة داخلة ل صهيب!!! هو صهيب ده بيلعب معاكى ولا تكونى فاكرة إنها وكالة من غير بواب.
سبيل تجاهلت كلامها وقربت من باب مكتب صهيب فعلا وقبل ما تفتحه سمر وقفت قصادها تمنعها تدخل سبيل اتعصبت جدا وزعقت جامد وسعي من وشي يا بتاعة أنتي احسن لك وحافظى على أكل عيشك.
سمر باستهزاء وهى بتشاور بصابعها ع سبيل وانتي بقى اللى هتقطعى عيشي من هنا ليه كنتى فاكرة نفسك مين
سبيل بهدوء ما قبل العاصفة وبصوتها الهادي اللي يبان عليه ڠضب مكبوت أنا هعرفك دلوقتي أنا أبقى مين.
طلعت موبايلها بعصبية واتصلت ع طول بجدها من غير ما تدي سمر فرصة تسأل أو تفهم ألو!
عمران بيرد بضحكته المعتادة أحلى ألو دي ولا إيه
سبيل من غير مقدمات وبصوتها اللي بدأ يعلى الزفتة سكرتيرة صهيب تترفد حالا!
عمران مستغرب شوية بس مسيطر على صوته ليه يا حبيبتي عملتلك إيه سمر عشان تترفد
سبيل قطعت كلامه من غير ما تفكر بتمنعني أدخل المكتب عند صهيب! وبعدين شكلها مش عاجبني أصلا بنت ملزقة كدا وسمجة.
عمران بنبرة فيها مكر خفيف ليه كدا دي بنت شاطرة وكويسة ومهتمة أوي ب صهيب.
سبيل رفعت حاجبها بدهشة وهي بتقرب الموبايل من ودنها أكتر نععععم!
عمران حاول يكتم ضحكته بس ما قدرش يخبي نبرة التريقة
قصدي مهتمة بشغل صهيب شايفة شغلها كويس يعني.
فجأة سبيل انجرت وصوتها بقى عالي بشكل خلى كل اللي في المكان يسمعوا وأنا قلت تترفد حااااااااااالا!
صوتها العالي خلى صهيب يخرج من مكتبه في ثواني والموظفين بدأوا يتجمعوا حوالين المشهد عشان يفهموا إيه اللي بيحصل سبيل وهي بتبص حواليها پغضب ما قدرتش تخبيه كملت بصوت أقوى قبل ما أدخل المكتب تكون خرجت من الشركة والمجموعة كلها!
عمران حاسس بغيرتها الواضحة طيب طيب أهدي وأنا هكلم صهيب يحل الموقف ده.
سبيل لاحظت إن صهيب طلع من مكتبه وقبل ما تمد له ايدها بالموبايل اتكلمت بعصبية مافيش حلول هى كلمة واحدة! ترفدها وحالا اتفضل صهيب مع حضرتك... ومدت إيدها فعلا بالموبايل ل صهيب.
صهيب أخد الموبايل منها وهو بيزعق للموظفين اللي كانوا متجمعين يلا كل واحد على مكتبه! اتفضلواااا.
بعدين بص على شاشة الموبايل وقرأ الاسم جدو حبيبيرد بهدوء أيوة يا جدى مع حضرتك خير
رد عمران بنبرة هادية بس فيها حسم أدي سمر حسابها ومشيها.
صهيب مستغرب وهو بيرفع صوته شوية بس بأحترام ليه عملت إيه عشان نمشيها
عمران بنبرة كلها مكر اسأل بنت عمك عندك وانت تعرف كل حاجة يلا سلام... وقفل المكالمة قبل ما يدي صهيب فرصة يكمل كلامه.
صهيب رجع الموبايل ل سبيل وهو باين عليه الضيق وسألها بنبرة صوت هادية بس صارمة إيه اللي حصل يا سبيل عشان تتعصبي كدا وترفدي سمر
سبيل بصوت مليان ڠضب وقهر الهانم الغير محترمة! بتمنعني أدخل المكتب وكمان بترد بقلة أدب تقول هو صهيب ده بيلعب معاكي
صهيب حاول يسيطر على الموقف وبهدوء وهو بيحاول يخفي انزعاجه اتفضلي ادخلي طيب جوة نتفاهم.
سبيل بإصرار وبصوت عالى قدام الموظفين مش قبل ما الزفتة دي تاخد حسابها وتغور من هنا!
صهيب وهو بيحاول يسيطر على
غضبه أهدي يا سبيل ولو سمحتي ادخلي المكتب مش هنقف نتكلم