داوي جروحي من 14-18
بصتلها وقالت ايوه
هناء هزتها من كتافها جامد وقالت انطقي في ايه
ندى ابيه عمرو في المستشفى وبابا عمار هناك عنده
هناء ما حستش بنفسها وقعت علي الارض
ندى بقلق ماما ..ماما وحاولت تفوقها ونادت علي الشغالين يفوقوها واخذت امها وراحوا المستشفى لعمرو
في بيت ملك
كان الوقت متاخر بس هي مش عارفه تنام قاعده على السرير وساكته بتفكر في كل اللي حصلها
قطع تفكيرها خبط على الباب ودخل محمود بابتسامه وقال كنت متاكد انك لسه صاحيه
ملك بفكر في كل اللي حصل يا محمود من اول يوم جوازي من مازن لحد النهارده في جاكلين اللي كانت عايزه تقتلني دي...
لولا عمرو ضحى بنفسه عشاني ومستغربه هو ليه عمل كده
محمود بلؤم اممممممم يا سلام يعني مش عارفه
ملك رجعت شعرها لورا وقالت احم قصدك ايه يا محمود
محمود سيبك من قصدي المهم انت يا ملك
ملك باستغراب انا ايه مش فاهمه
محمود انتي حبيتيه يا ملك
ملك حطت وشها في الارض واتكسفت
محمود رفع راسها وقال يا بنتي عيب عليكي ده انا اللي مربيكي وعارف كل حاجه فيكي معناها ايه فرح ولاخوف ولاحزن معقول مش هعرفك لما تحبي
ملك بدموع بس مينفعش للي في ظروفي دي
محمود بابتسامه سخريه للي في ظروفك اللي هو ازاي يعني ليه يا حبيبتي هو انتي معوقه انت ليه بتقللي من نفسك كده
ملك لا مش معوقه بس مطلقه يا محمود
محمود بشده عمرو عمره ماعمل حساب للكلمه دي يا ملك والا مكنش دخل البيت من بابه على طول
ملك انت بتقول ايه يا محمود
محمود ابتسم وقال ايوه يا ملك عمرو متقدملك من زمان
ملك باستغراب امتى وازاي وليه معرفتش
محمود ابتسم وقال هحكيلك يا ستي...........
فلااااااااش بااااااااااك
كان محمود سايق التاكسي بتاعه ورن عليه رقم غريب رد عليه وقال الو
عمرو محمود معايا
محمود ايوه مين حضرتك
عمرو انا عمرو الشامي مدير ملك لو تفتكرني
محمود ابتسم وقال اه طبعا فاكرك ازيك اخبارك ايه
عمرو الحمد لله بس كنت محتاج اقابلك ضروري في حاجه خاصه
محمود بقلق ملك فيها حاجه
عمرو لا ابدا والله لما نتقابل هتعرف ممكن
محمود اه طبعا اجيلك فين
عمرو قابلني في كافيه........ دلوقت
محمود اوكي ربع ساعه و هوصلك سلام
وقفل معاه وراح على الكافيه وكان عمرو مستنيه سلم عليه وقعد معاه
محمود اتاخرت عليك
عمري لا لا ابدا ولا يهمك تحب تشرب حاجه
محمود اه يا ريت قهوه مظبوط
عمرو نده على الجرسون وطلب منه القهوه
محمود ايه خير كنت عايزني في ايه
عمرو بابتسامه ايه يا عم انت زهقت مني ولا ايه هو انا كنت نايم عايزني امشي بسرعه كده
محمود بضحك لا ابدا مقصدش اكيد بس انت قولتلي في التليفون حاجه خاصه
عمرو ابتسم وقال ماشي مش هطول عليك هجيبلك من
محمود ما تنجز يا عم دوختني
عمرو وهو بيضحك قال من الاخر يا محمود انا بحب ملك وعايز اتجوزها
محمود بابتسامه هز كتافه وقال ببرود عارف
عمرو باستغراب من رده وقاله عارف
محمود ضحك وقال ايوه عارف وحاسس من اول ما ملك اشتغلت عندك كنت حسيت فرحتها ولمعت عيونها دي وراها حب بس انا محبتش اسالها هي كانت دايما بتحكيلي بس عشان التجربه اللي عدت هتخاف تدخل فى اى تجربه جديده وهتحاول تبعد على الرغم انها محتاجه لحد في حياتها بس هي شايفه ان لقب مطلقه دا كفيل أنه يهدم اي علاقه وكمان كان معاها طفلين لوحدها كفيله بانها تخلي اي حد يبعد عنها عشان كده مضغطش عليها في اني اقنعها بغير كدا بس لما شوفتك يوم المستشفى حسيت بعيونك اللي كان ظاهر فيها خۏفك وحبك لملك وحتى ماما كمان لاحظتها
عمرو ابتسم وقال احم ..هو انا عيوني ڤضحاني اوي كده
محمود ضحك وقال والدكتور فضحك اكتر كمان
عمرو باستغراب دكتور مين
محمود دكتور ملك اللي كان بيكشف عليها في المستشفى جه قدامنا وقال جوز حضرتك كان هيتجنن عليكي
عمرو ضحك وقال انا مفضوح مفضوح
محمود ههههه
عمرو طب ايه قولت ايه
محمود يعني مفضوح وقلنا ماشي انما غبي كمان
عمرو وليه الغلط ده بس أحوده
محمود ضحك وسكت
عمرو انطقها بقى ابوس ايدك
محمود يا ابني هو انا لوحدي لسه امي عايشه ربنا يديها الصحه لازم اخد رايها الاول وبعدين تسيبنا فتره نرد عليك
عمرو نعمممم لا انتو كده هطولو بقى
محمود وهو بيشرب القهوه من حقنا يا ابني
عمرو قام من مكانه وقاله قوم يا عم الحاج يلا
محمود وهو محمود بيضحك على فين يا عم المچنون انت
عمرو زقه قدامه وقال على بيتكم يلا هنروح لمامتك دلوقتي وهخطب ملك منكم وهتسمعوني الرد حالا والا هخطفها وهتجوزها
محمود وهو بيضحك والله مچنون يا ابني
عمرو اعمل ايه جننتني خالص بنت الايه
محمود لم نفسك احنا لسه في البدايه
عمرو بترجي ابوس ايدك جوزهالي بقى مش انت في المستشفى كنت بتقول مش عارف اشكرك ازاي تشكرني بقى وجوزني ملك
محمود ضحك على كلامه وقاله تعالي معايا اركب وانا هرجعك تاني لعربيتك
وفعلا عمرو ركب مع محمود وراحوا على بيت ملك ودخل محمود الاول يبلغوهم ان حد معاه
ودخلوا قعدوا كلهم مع بعض
نبيله يا اهلا وسهلا يا عمرو يا ابني
عمرو اهلا بيكي يا طنط والله انا كنت عايز كنت اجيب اهلي معايا وتبقي فرحه كبيره بس هعمل ايه ماقدرتش بصراحه
نبيله ضحكت عليه وقالت ولا يهمك يا ابني ربنا يعلم انا حبيتك ازاي لما سترت بنتي ووديتها المستشفى
عمرو ابتسم وسكت
محمود ايه يا عم الراديو سكت ليه ما تنطق ولا هنجت
عمرو حاضر.... هو انا بصراحه
يا طنط بحب ملك من اول يوم شوفتها وعايز اتجوزها ولو موافقين نقرا
محمود ونبيله ضحكوا عليه وقالوا مستعجل ليه
عمرو هو كده استعجال ده كويس اني مجبتش المأذون معايا
نبيله ضحكت وبصت لمحمود وقالت ايه رايك يا محمود
محمود اتنك في قعدته ورجع لورا وقال اديلنا فرصه شهرين نفكر ونسائل عليك وشاورله بايده
عمرو ربنا على المفتري يا اخي
محمود وهو بيضحك اتعدل ف قعدته وقال لا بجد انا هتكلم معاك
عمرو ياريت
محمود مبدئيا انا وامي معندناش مانع بس في مشكله واللي انا عرفتهالك
عمرو والله مايفرقش معايا كل ده انا بحبها هي ومش فارق معايا اي حاجه ثانيه
محمود عارف ومصدقك عشان كده هطلب منك متعرفش ملك بحاجه عن المقابله دي وتتعامل معها عادي وتقرب لها واحده واحده لحد ما تلاقي اللحظه المناسبه وهنعرفها وقتها وتكون اتاكدت من حبها ليك من غير اي ضغط
عمرو لسه هستنى يا محمود
محمود يا اخويا احمد ربنا اننا وافقنا عليك اصلا
نبيله ههههههه
عمرو خلاص امري لله بس نقرا الفاتحه على الكلام ده
محمود هز راسه وقال ماشي وانا موافق
وقروا فاتحة ملك وعمرو وقعد معاهم واتعرف على مروان وسها وكلهم كانوا فرحانين بوجود عمرو ان ربنا عوض ملك عن اللي شافته مع مازن
باااااااااااااك
ملك يعني عمرو جه هنا وكمان قرى فاتحتي
محمود ابتسم وقال ايوه يا حبيبتي عمرو راجل بجد وانا مطمن عليكي معاه جدا وكلنا يومها ارتاحناله
ملك قامت محمود بفرحه وقالت ط طب ليه ما قولتليش
محمود مسك دقنها وقال عشان تتاكدي من نفسك ومن حبك من غير اى ضغوط وتنسى اي كلام قولتيه
ملك ربنا يخليك ليا يا محمود
محمود طبطب على خدها وقال يلا نامي وبكره تروحيله المستشفى و ما تسيبهوش
ملك هزت راسها وقالت ماشي
محمود باس راسها وقال يلا تصبحي على خير
ونامت ملك سعيده لاول مره من زمان
اشرق صباح يوم جديد مليء بالامل والتفاؤل صحيت ملك من نومها ادت فرضها وراحت المستشفى لعمرو
وصلت هناك كانت هناء وعزيز قاعدين وقالت صباح الخير
عزيز صباح النور يا ملك
ملك بصت لهناء وابتسمت وقالت صباح الخير يا طنط
هناء ابتسمتلها وقالت صباح النور يا بنتي
ملك انتم لسه قاعدين من امبارح
عزيز ومش همشي الا لما يفوق
ملك طبطبت عليه وقالت مينفعش روحوا ارتاحوا انت وطنط شويه وانا معاه النهارده انا كلمت احمد وعرفته اني مش هاروح الشغل وهو وهاجر هيتصرفوا
هناء بنفي لا طبعا مش هسيب ابني ابدا
ملك راحت عندها وقالت بهدوء هو كويس لوفاق ولاقاكم تعبانين هيتعب عشانكم اكتر احنا كلنا هنبدل على بعض يعني روحو ارتاحو شويه وتعالوا تاني وانا هروح عشان كلنا ما نسيبهوش و كلنا نبقى مرتاحين وبصت لهناء وقالت ها قولتي ايه
هناء بصت لعزيز وابتسمت
ملك حلو السكوت علامه الرضا وبصت لعزيز وقالت يلا
هناء وعزيز ضحكوا على كلام ملك
عزيز على فكره يا ملك الدكتور قالنا ان الحاله شبه مستقره
ملك بفرحه بجد الحمد لله هيقوم بالسلامه ان شاء الله
عزيز مسك ايد هناء وقال يلا يا هناء انا مطمن على عمرو
هناء قامت وبصت على ملك وقالت خلي بالك منه يا بنتي
ملك ما تقلقيش يا طنط في عيني والله اطمني انتي
ومشيت هناء وعزيز ودخلت ملك للدكتور تطلب منه تقعد مع عمرو تتكلم معاه وهو وافق
دخلت ملك العنايه واول ما شافته عيونها دمعت وقعدت جنبه على الكرسي ومسكت ايده بتردد وباستها وقالتله بحبك. بحبك ياعمرو وعمري ما كنت اتخيل ان بعد اللي حصلي ارجع احب واتحب واعيش حياتي من تاني طبيعيه كده عوض ربنا ده جميل اوي
سامحني لو كنت مره قسيت عليك بس والله كنت خاېفه اوي انا يا عمرو عشت 6 سنين في بيت خلاني فقدت الثقه في كل حاجه حتى نفسي فقدت الثقه فيها لدرجه اني جت عليا فتره كنت بتهته في الكلام كنت بخاف أن اولادي يشوفوني بالضعف ده كنت دايما اجي على نفسي عشانهم وكنت راضيه والله باي حاجه ما دام هما حواليا وبيضحكوا انا مكنتش اتمنى حاجه اكثر من كده يا عمرو
بس ربنا عوضني بيك وانا متاكده انك هتعوضنى اكتر واكتر كمان وحضنت ايده وباستها وقالت بس ان تقوم بالسلامه عشان اكون مراتك وحبيبتك قدام الناس كلها مش اهلي بس
في فيلا عمرو
وصل هناء وعزيز لو كانوا متعبين جدا بحكم السن
هناء بس مقولتليش مين دي يا عزيز
عزيز دي ملك اللي عمرو بيحبها وعايز يتجوزها
هناء بفرحه بجد يا عزيز وعيونها دمعت وقالت ربنا يشفيه يا رب
عزيز باذن الله بس هي لها ظروف كده يا هناء واتمنى انك تتقبليها عشان خاطر عمرو ما يزعلش
هناء مسحت دموعها وقال ظروف ايه
عزيز هاقولك........ وقال لها كل حاجه عن ملك وعلي جوازتها الاولى واولادها اللي ماتوا والظلم اللي شافته وحپسها ف المستشفي ..
عزيز ها قولت ايه رايك اتغير
هناء عيونها دمعت وقالت ولا اتغير ولا حاجه وانا هحاسبها على ايه على حاجه ملهاش ذنب فيها مش كفايه الظلم اللي شافته منهم هيبقى انا كمان
عزيز طبطب عليها وقالت تسلمي يا ام عمرو طول عمرك اصيله
هناء بس هو يقوم بالسلامه وانا هعملهم احلى فرح
عزيز باذن الله
مره اكتر من اسبوع وكانت دايما ملك تقعد مع عمرو في العنايه وتتكلم معاه
وكانت اوقات بتروح لاحمد وهاجر في الشغل وعمار كان دايما بيروحلهم يساعدهم
وفي يوم كانت ملك قاعده مع عمرو وماسكه ايده بس غلبها النوم ونامت على الكرسي وهي ماسكه ايده
دخل عمار عشان يصحيها لان محمود كان مستنيها بره لقاها ماسكه ايد عمرو
ابتسم عليهم وطبطب على كتفها وقال ملك ملك
ملك فاقت من نومها وقالت
عمار يلا محمود مستنيكي بره عشان تروحي
ملك حاضر هقوم
ولسه بتقوم وبتشد ايدها من ايد عمرو حست بايد عمرو
ملك بصت عليه وقالت عمرو ..........
