داوي جروحي من 14-18

الفصل الرابع عشر
في شركه عمرو
وصلت هاجر و كانت متوتره من مقابلتها باحمد بس قررت انها تحاول تنفذ خطتها وتبين انها قويا و انه مش في دماغها
وفعلا دخلت هاجر وخبطت على مكتب احمد ودخلت
احمد اول ما شافها كان سعيد جدا وراحلها بسرعه وبيقول هاجر وقف قدامها شويه وقال بنبرة حب وحشتييييييني ومد ايده للسلامه
هاجر في نفسها بتقول نفسي اترمي واشتكى منك بس هعمل ايه لازم تتغير وتفوق لنفسك بقى
فاقت لنفسها لقيته مادد ايده للسلام بصت لها بقرف وقالت
.. ايه وحشتيني دي يا مستر احمد ياريت تلتزم حدودك معايا
احمد بصلها پصدمه ونزل ايده وقال ايه يا هاجر انا كنت فاكرك انك خلاص سامحتيني و نزلتي الشغل
هاجر بضحكه سخريه سامحت !
سامحت في ايه بالظبط حدد اصل حضرتك غلط كثير فحدد بقا انا سامحت في ايه
احمد بتوتر... ه هاجر انا عارف اني غلط في حقك كتير وماحسيتش بيكي بس والله ندمت ونفسي بجد اصلح غلطتي
هاجربجديه.....لاتصلح ولا تكسر انا اصلا جايه هنا من مكالمه من مستر عمرو عشان حضرتك طالب ملف ماتعرفش مكانه هسلمهولك وهمشي علطول فوفر كلامك بقى ده..... ولسه هتمشي
احمد مسك ايدها وقال هاجر انتي عمرك ما كنتي قاسيه كده
هاجر تؤ تؤ تؤ متقولش قاسيه انا بقيت افكر في كرامتي مش اكثر ومش عندي استعداد اخسرها عشان اي حد عن اذنك انا هاجيبلك الملف المطلوب عشان امشي 
وسابته ومشيت اول ما خرجت حطت ايدها على بوءها وعيطت وقالت سامحني يا حبيبي لازم.. لازم اقسي عليك عشان تفوق لنفسك سامحني
وراحت تجيبله الملف
في المستشفى
ملك فاقت من مفعول الحقنه بصت حواليها لاقت محمود ونبيله ابتسمتلهم 
محمود حمد لله على السلامه يا حبيبتي
ملك الله يسلمك يا حبيبي
نبيله كده برضه يا ملك تخضيني عليكي
ملك قامت وقعدت على السرير مكانها وقالت ڠصب عني والله يا ماما بس صدقيني من النهارده مش هخلي قلبي يضعف تاني ابدا انا قويه. قويه بيكم وبحبكم ربنا يخليكم ليا يا رب
محمود باس راسها وقال ويخليكي لنا يارب
دخل الدكتور وابتسم وقال ايه الاخبار
ملك الحمد لله يا دكتور
الدكتور كده تخضيهم كانوا هيتجننوا عليكي و خصوصا جوز حضرتك كان بيعيط واضح عليه بيحبك اوي 
كلهم بصوا لبعض باستغراب وقالوا جوز مين ده
الدكتوربصلهم بترقب وقال أ اللي جابك هنا 
محمود باستغراب قصدك مين فيهم
الدكتور تقريبا اسمه عمرو اللي كان معاه كان بيقوله اهدي يا عمرو
محمود اتنهد بارتياح وبص الملك لقاها مكسوفه 
اما نبيله كانت سعيده وحاسه بأمل
الدكتور ه هو انا عكيت ولا ايه
محموداحمم. لا ابدا هي هتخرج امتى
الدكتور هبعتلكم دلوقتي استشاري نفسي يجيلها ويشوفها ..وبعد اذنك عدي على الحسابات عن اذنكم وخرج الدكتور
محمود انا هنزل وهاجيلكم تاني وسابهم ونزل 
ملك بصت لمامتها وقالت ماما ماتفهميش غلط والله مفيش حاجه بيني وبينه وزيي زيكم مستغربه كلام الدكتور 
نبيله طبطبت على كفيها وقالت محترم اوي الجدع ده 
ملك ه هو انتوا اتكلمتوا معاه 
نبيله ايوه بصراحه عاقل اوي وحتى كان بيفض بين محمود ومصطفي 
ملك باستغراب ليه هو محمود اټخانق مع مصطفى
نبيله ايوه طبعا لان مصطفى بيقوله كلام تاني غير اللي حصل
ملك لا فهميني يا ماما اللي اتقال بالظبط
نبيله حاضر هحكيلك......
وفعلا حكتلها اللي حصل بينهم
ملك يعني مستر عمرو كان واقف وسمع الكلام ده كله
نبينله ايوه وبصراحه كان زعلان عشانك اوي
ملك في نفسها يا عالم زعلان عشاني ولا زعلان عشان نفسه
ملكط طب هو راح فين
نبيلهقالنا هيعمل مكالمه ويجي 
وفي الوقت دا هدخل محمود
نبيله ايه يا ابني خلصت 
محمود اتنهد وقال الاستاذ عمرو مدير دفع الحساب 
ملك بصتله پصدمه وقالت ايه مين قالك كده
محمود الحسابات تحت هما اللي قالولي ولما سالتهم عليه قالولي خرج
ملك لنفسها خرج يبقى خرج من حياتي. دي غلطتي انا .انا اللي غلطانه اني عشمت نفسي انا طول عمري غبيه وساذجه 
محمود ملك.. ملك سرحانه في ايه 
ملك ها ..و ولا حاجه بس روح للدكتور عشان عايزه امشي يا محمود
محمود هو قالنا هيبعت ليناا استشاري نفسي الاول بشوفك 
ملك بعصبيه دكتور نفسي ليه انا مش مجنونه يا محمود اندهله لو سمحت بقى
محمود

حاضر. حاضر بس اهدي
وقام محمود ينادي على الدكتور
وصل عمرو الشركه ودخل لاحمد لقاه سرحان وعيونه مليانه دموع 
عمرو اتنهد وقعد على الكرسي من غير كلام
احمد مالك انت كمان
عمرو اه يا احمد اول مره احس اني تايه كده
احمد طمني ملك عامله ايه 
لسه عمر هيتكلم دخلت هاجر بالملف وقالت مستر عمرو الملف اللي حضرتك طلبته اهو اي خدمه ثانيه
عمرو ايوه يا هاجر
هاجر تحت امرك
عمرو لازم ترجعي الشغل الاسبوع ده وبس بعد كده قرارك مش هتدخل فيه صدقيني
هاجر حضرتك عارف رايي كويس ومش هرجع فيه
عمرواتنهد وقال عارف. عارف يا هاجر بس ملك تعبانه جدا ومش هتقدر تنزل تقريبا الاسبوع ده ومش هينفع انتو الاثنين متبقوش موجودين
هاجر صحيح هي مالها
احمد في ايه يا عمرو طمنا 
عمرو حكي كل اللي حصل
هاجر بدموع يا حبيبتي استحملت كتير اوي انا عارفه
عمرو رفع راسه وقال انتي كنتي عارفه يا هاجر كل ده
هاجر وهي بتمسح دموعها ايوه يا مستر عمر عارفه احنا ما تشتغلناش كتير مع بعض لكن انا حبيتها جدا و بقينا اصحاب بسرعه
احمد في نفسه ده تعب ملك ده جاني نجده انها تخلي هاجر ترجع الشغل من تاني يمكن تحن عليا
فاق على صوت عمرو وهو بيقوله احمد احمد 
احمد ايوا يا عمرو
عمرو باقولك هاجر هترجع الشغل ومش عايز اي مدايقه منك مفهوم
احمد بفرحه طبعا مفهوم
هاجر مستر عمرو ممكن طلب
عمرو ايوه يا هاجر 
هاجر حضرتك عارف اني سبت الشغل اصلا وهرجع الاسبوع ده مخصوص عشان ملك وعشان حضرتك
بس انا مش هرجع لمكتبي 
عمرو فهم قصدي هاجر وقال حاضر يا هاجر هتقعدي في مكتب ملك
احمد نعممممممم ياختي للدرجادي مش طيقاني
هاجر بصتله بقرف ومردتش عليه وبصت لعمرو وقالت تمام يا مستر عمر عن اذنك وسابتهم وراحت على مكتب ملك
احمد خبط على المكتب بعصبيه وقال كده يا عمرو بتجاريها 
عمرو مسح وشه وقال احمد ربنا انها وافقت اصلا وانت وشطارتك بقى
احمد بزعل بس شكلها شايله مني اوي 
عمر وقف وقال انا عملتلك اللي عليا والباقي عليك 
احمد على فين
عمرواتنهد وقال هروح علي الفيلا حاسس اني تعبان
احمد عمرو انت ملهوف عليها ليه كده انت حبيتها 
عمرو لحد قبل مااسمع اللي حصلها النهارده كان اه وواثق من اجابتي اوي بس دلوقت متردد ومش عارف اخد قراري الصح 
احمد ليه كل ده عشان حاجه ملهاش ذنب فيها.....عمرو انت ممكن تسيبها
عمرو لا طبعا عمري ما هتخلى عنها بس حاسس اني محتاج افكر وهي كمان اسيبها تفكر مع نفسها عشان كل واحد ياخذ قراره من غير اي ضغط ع التاني وسكت شويه واتنهد وقال سيبها تمشي زي ما ربك مدبرها
احمدابتسم قال مش محتاجه تفكير يا صاحبي انت عاشقها وده باين في عيونك اوي 
عمرو ابتسمله وقال يلا سلام انا مروح وسابه ومشي وراح علي الفيلا
في بيت مازن
كان وصل مصطفى وكان في قمه التعب النفسي والجسدي بسبب الكلام اللي سمعه عن اخوه واخته وامه 
وصل وفتح الباب لقى عبير وامه
قاعدين بيضحكوا بصلهم بغيظ وقفل الباب بقوه
سعاد وعبير انتفضوا من مكانهم
سعاد ايه يا مصطفى ما تقفل الباب بشويش 
مصطفى بصلها بلوم وعتاب وسكت
عبير يا سلاااام ما تتكلم يا اخويا ولا بلعت لسانك
مصطفى بعصبيه انت تخرسي خالص وماسمعش صوتك 
عبير ليه يا ابن ابويا يكونشي اكلت عشاك وانا ما اعرفش
مصطفى انتي.. ده انت فعلا عقربه انا عارف طول عمرك غيوره وحقوده وبتغيري من اللي احسن منك لكن توصل بيكي الحقاره انك تازي اخوكي وامراته لييبيييه كانت عملتلك ايه يا شيخه
نيفين ومؤمن طلعوا على صوت مصطفى
مؤمن في ايه يا مصطفى بتزعق ليه
سعاد في ايه مالك داخل فينا شمال كده وحاطط اختك على راسك وزاعق 
مصطفى بلوم لولا انك امي كنت قليت من قيمتك دلوقتي
سعاد اتعصبت منه وقالت بتقول ايه يا قليل الادب انت ظاهر ان العيشه بره عودتك على قله الادب ولازم تتربى من الاول ولسه هترفع ايدها عشان تضربه بالقلم 
مصطفى مسك ايدها وقال بعصبيه كفايه بقى كفايه ظلم انتي ايه وزق ايدها
نيفين يا ابيه فهمنا في ايه بس 
مصطفى اتنهد ومسح وشه وشعره وقال بحزن ملك 
عبير بقرف يووووووووه ما خلصنا بقي من قصه السنيوره دي 
مصطفى طبعا ما هو ده طبعك ولا جديد عليكي يا حربايه
عبير هالله هالله هالله عليك يابن ابويا ما تتلم يالا وتلم لسانك دا بدل مقطعهولك
مصطفى اخرسي. اخرسي بقى مش كفايه اللي عملتيه فيها انتي وامك كمان مش طايقه تسمعي سيرتها للدرجادي الغيره مولعه فيكي
عبيربغيظ تولع في مين يالا ما تحسن ملافظك كده وسيبك من لت النسوان دا وتعالي دوغري 
مؤمن بعصبيه مصطفى لو سمحت فهمنا في ايه وكفايه زعيق
مصطفى اتنهد وقال حاضر هفهمكم فيه ايه.....
وحكالهم كل اللي حصل معاه واللي عرفه من محمود و نبيله أنهم رموها في المستشفى ظلم واتفاق امه مع عاطف المهدي عشان يدمروا محمود وشركته
نيفينكانت بتسمع الكلام وبتعيط بحرقه ودخلت اوضتها ټعيط
ومازن كان في اوضته بيسمع كلام مصطفى ومش قادر يسيطر على دموعه بسبب الحاله اللي وصلتها ملك 
عبير بغيظ يعني كل ده وبرضه خرجت للدنيا وشافت حياتها بنت نبيله وكمان تشتغل عند مين عند عمرو الشامي
مؤمن بصلها بغيظ وقال هو ده كل اللي همك .....وبص لسعاد وقال انتي فعلا عملتي كده
سعاد بتوتر و وانا عملت ايه يعني انا. انا.
مؤكن بعصبيه وصوت عالى انتي ايه ردي عليا انتي ايه ... اقولك انا انتي ايه..
انتي مجرمه. مجرمه يا ام حضرة الظابط والمطلوب مني بعد اللي سمعته ارميكي في الحجز 
سعاد سكتت مردتش عليه 
عبير پخوف ح حجز حجز ليه يعني انت مجنوه عشان ترمي امك واختك في الحجز ليه عشان كلبه زي دي
مصطفى متغلطيش فيها ملك دي انضف منك مليون مره طول عمرها قلبها صافي وبتسامح طول عمرها بتضحك مع الكل رغم ۏجعها واللي شافته
عشان كده ربنا هيعوضها عوض كبير اوي وسكت شويه وقال وهو فعلا عوضها وانا اتمنالها بجد كل خير وسعاده
انما انتي ربنا هيوريكي ايام سوده ويا عالم اخرت السواد اللي جزاكي دا ايه لما سحرك في الاخر هيتقلب عليكي يا عبير 
عبير تقصد ايه ربنا عوضها دي ه هي هتتجوز
مؤمن بصلها بقله حيله وقال عمرك ما تتغيري وبص لمصطفى وقال هي فين دلوقتي
مصطفى قعد وقال سبتها في المستشفى ولسه يا عالم هتخرج امتى
مؤمن طب يلا يا مصطفى بسرعه تعالي نزورها 
مصطفى بصله وقال بس محمود هناك واټخانق معايا لما شافني لو روحنالهم مع بعض هيقول ايه
سعاد تروحوا ! تروحوا فين ان شاء الله بقى 
مؤمن بصلها پغضب وقال من النهارده تسكتي وما تدخليش في اي حاجه تخصني تاني انتي بالنسبالي مجرمه لحد ما تتعاقبي وبص لمصطفى وقال يلا يا مصطفى. ولسه هيمشوا
سمعوا صوت نيفين جايه عليهم وبتقول استنوا انا جايه معاكم
مؤمن يلا يا حبيبتي 
عبير عبير زعدت سعاد
سعاد انتي يا بنت رايحه فين
مؤمن بصلها وقال مش قلتلك ملكيش دعوه بينا 
ولسه هيمشي و يفتحوا الباب وقفهم صوت مازن وهو بيقول
مازن مصطفى استناني انا هاجي معاكم الكل بص لبعضوا باستغراب
في المستشفى عند ملك 
خرجت بعد الكشف النفسي عليها و روحت بيتها تفكر في اللي حصل وخصوصا بعدما عمرو دفعلها الحساب و مشى وفضلت مستنيه منه اي اتصال
مر يومين وهي حابسه نفسها في الاوضه على امل ان عمرو هيكلمها بس فقدت الامل انه بيكلمها وقررت ترجع الشغل من تاني وقررت قرار مهم في حياتها
اما مازن ومصطفى ومؤمن ونيفين راوحوا المستشفى عشان يطمنوا على ملك بس الدكتور بلغهم انها مشيت
في فيلا عمرو
عمرو كان قاعد مع ابوه حكي ليه على اللي حصل 
عزيز وليه مقولتليش على اللي حصل ده
عمره اتنهد ورجع بضهره لورا وقال مكنتش قادر اتكلم مع حد والله يا بابا حتى مع نفسي
عزيز بعصبيه يعني ايه يعني انت من وقت ما وديتها المستشفى ما روحتلهاش ولا كلمتها في التليفون
عمرو ايوه دفعتلها حساب المستشفى ومشيت
عزيز بعصبيه... ليه
عمرو ايه يا بابا مش قصدي بس مكنتش حابب اضغط عليها لما تشوفني وتشوف نظره حب في عيوني تقول شفقه و كنت عايز اقعد مع نفسي عشان اقدر اخذد قرار صح
عزيز قام من على الكرسي وهو بيضرب كف علي كفه التاني وقال غبي. غبي
عمرو وقف وقال ليه يا بابا
عزيز بعصبيه بتسالني ليه انت ضيعتها من ايدك خلاص هي كده افتكرت انك لما عرفت بظروفها حسيت انك مش هتقدر تكمل معها بدليل انك ماكلمتهاش يومين اهو 
عمرو مش قصدي والله انا بس........
عزيز قطع الكلام وقال بس ايه يا اخي انت بعد ما اتقدمت لها خطوه رجعت له لنقطه الصفر و تحت الصفر كمان هي كده خلاص اعتبرتك اتخليت عنها في ظروف هي ملهاش يد فيها 
عمرو بص لابوه وسكت
عزيز اتنهد وقال اطلع يا عمرو اطلع نام وربنا يعديها على خير 
عمرو وقف وهو زعلان م وقاله حاضر يا بابا لسه هيمشي...
عزيز نده عليه وقال عمرو
عمرو لفله وقال نعم يا بابا 
عزيز في حاجه مهمه لازم تعملها الاول
عمرو ايه هي يا بابا 
عزيز هقولك.................
هنعرفه الفصل الجاي
كومنت بقا
الفصل الخامس عشر
اشرقت صباح يوم جديد
صحيت ملك من نومها ونزلت الشغل و عمرو صحي من نومه ونزل الشركه
وصلت ملك الشركه بدري وهي واخده قرار ان اللي فات كوم وان اللي جاي كوم تاني
وانها خلاص مش عايزه حد في حياتها لا بالخير ولا بالشړ و هتتعامل بالجديه مع عمرو
وصلت مكتبها وقعدت تشوف شغلها وكانت خاېفه من لحظه مقابلتها بعمرو بس حاولت تشغل نفسها
وصل عمرو طلع على مكتبه بس كانت ملك بتجيب ملف وضهرها ليه
عمرو فكرها هاجر وقال صباح الخير يا هاجر 
ملك سمعت صوته قلبها دق بسرعه وحاولت تبان طبيعيه و اخدت نفس بصتله بكل برود وقالت صباح النور يا مستر عمرو
عمرو اول ما شافها جرى عليها وقال بابتسامه ملك اخبارك ايه
ملكبجديه الحمد لله يا فندم
عمرو بنبرة حب وحشتيني يا ملك وحشتيني اوي 
ملك بتحاول تتظاهر بالبرود وقالت مستر عمرو ياريت تلتزم المكان اللي احنا فيه وتراعي كلامك شويه
عمرو باستغراب ملك في ايه بتتكلمي كده ليه
ملك على
فكره بتكلم عادي يا فندم انا لو رديت عليك غير كده يبقى هو اللي مش عادي
عمرو هز راسه يمين وشمال وقال لا فيه حاجه انا مش اول مره اعرفك في ايه ياملك
ملك قعدت على مكتبها وقالت عندي شغل كتير وحضرتك معطلني بصراحه عن اذنك وبصت في ملفها واشتغلت
عمرو بص عليها باستغراب وافتكر كلام ابوه ودخل مكتبه بسرعه عشان يكلمه
ملك بصت عليه بحزن وكملت شغلها 
في الجامعه
كانت مستنيه نيفين وهدى مستنيين ندي وبعد شويه وصلت ندى وكان معاها عمار
هدى مين اللي جاي مع ندى ده
نيفين بتحاول تبان طبيعيه وقالت احم ده اخوها 
هدى واوو اخوها ده مزز اوي 
نيفين بغيظ هدى اتلمي شويه ايه قله الادب دي 
وصل ندى وعمار وقالوا صباح الخير
نيفين وهدى صباح النور
عمار بص لنيفين وابتسم وقال ممكن كلمه على جنب لو سمحتي يا نيفين 
نيفين بتوتر ل ليه فيه حاجه
عمار ابتسم وقال لا ابدا ممكن 
نيفينبصت للبنات وقالت ماشي ومشيت معاه
هدى ندوش قوليلي ايه نظامهم 
ندى هحكيلك يا سوسه ما انا عارفاكي وحكت لها اللي حصل بينهم 
هدى اوبا يعني اخوكي طب فيها 
ندى بضحك اه تخيلي
هدى طب ونوفا ايه نظامها
ندى اتنهدت وقالت ماعرفش والله هو هيصارحها ويشوف ردها ايه
هدى بابتسامه ربنا يهنيهم يا رب وعقبالي
ندى يا خړابي عليكي ھتموتي انتي وتتجوزي
هدى اه طبعا ما انتي مقضياها مع سي مؤمن رومانسيه... الا قوليلي صحيح الحب حلو 
ندى بتنهيده حلو ده حلو اوووي
هدى بصوت عالي اوعدني يارب باي مغفل بقا 
ندى ضحكت عليها وقالت تعالي يا مجنونه هتفضحينا 
في الشركه عند عمرو كان بيكلم ابوه في الموبايل وبيقول
عمرو يعني ايه يا بابا
عزيز يعني سيبها يومين كده وربنا يحلها من عنده
عمرو بس انا مش هستحمل تعاملني كده
عزيز اتنهد وقال سيبها على الله وشوف شغلك وزي ما اتفقنا 
عمرو بزعل وتفتكر هيفيد اللي اتفقنا عليه دلوقتي
عزيز لو مش هيفيدنا دلوقتي على الاقل ممكن يفيدنا بعدين شوف شغلك يا ابني وهكلمك تاني سلام
عمرو مع السلامه يا بابا قفل تليفونه ورجع بضهره ع الكرسي 
خبط الباب ودخلت هاجر
هاجر صباح الخير يا مستر عمرو 
عمرو صباح النور يا هاجر اتفضلي
هاجر انا كنت فاكره ملك مش هتيجي دلوقتي بس انا قابلتها بره وقالتلي انها خلاص رجعت الشغل 
عمرو ايوه رجعت النهارده 
هاجر طب انا اعمل ايه 
عمرو قام وقف وقال خليك وارجعي مكتبك ولطبيعه شغلك وزي ما اتفقنا 
هاجر سكت شويه 
عمرو فهم سكوتها وقال ما تقلقيش زي ما انتي وهو مش هيقدر يعمل حاجه
هاجر ابتسمت وقالت حاضر يا فندم عن اذنك 
وخرجت هاجر راحت لمكتبها تشوف شغلها
وعمرو بدا يشوف شغله بس تفكيره كان في ملك 
اما احمد كان سعيد جدا برجوع هاجر على الرغم من معاملتها مكنتش بتديله امل خالص لكن بحاول ومبيياسش 
عند نيفين وعمار كانوا بيتكلموا مع بعض وبيضحكوا
نيفين لا بجد انت فظيع اوي
عمار بحب يعني عجبتك
نيفين احم...