داوي جروحي من 9-13
المحتويات
خليني امشي باليوم الهباب ده
نيفين مسكت المحاضرات وادتهاله بزهق وقالت اتفضل اهم هو فعلا يوم هباب اني قابلت اشكال زيك
عمار اتغاظ منها وقال ماتلمي نفسك عشان مش اقطع لسانك دا
نيفين ولا تقدر تعمل حاجه انت بوء على الفاضي انت لو فكرت تقربلي بس هقطعك
عمار اتغاظ منها وحط المحاضرات على الكرسي وقرب منها وقال يا ترى هتقطعيني ازاي بقى وغمزلها
نيفين كانت بترجع خطوه لورا وقالت ل لو سمحت عيب كده ابعد عشان مصوتش والم عليك الجامعه
عمار ابتسم وقال تصوتي فين هو في حد هنا اصلا
نيفين بصت ملقيتش حد فعلا اتوترت اكثر وقالت لو سمحت عيب كده
عمار فيا من الصبح
نيفين كانت بترجع
عمار بصلها بتحدي وابتسم
نيفين الدموع ملت عيونها وصوتها اتخنق وقالتله بدموع عمار لو سمحت
عمار شاف الدموع في عيونها بعد عنها واخد نفسه لما لقاها بټعيط وبتمسح دموعها
وقال انا اسف كنت بناغشك مش اكتر
نيفين كانت ساكته مبتردش عليه
عمار خلاص بقى انا اسف تحبي تشربي حاجه وابتسم
نيفين بصت و ابتسمتله وقالت بعد الخضه هاكل وهشرب كمان
عمار ضحك وقال لا انتي شكلك داخله على طمع بقا عموما يالا اتفضلي تحت امرك ومشيو مع بعض راحو على الكافيتريا
ف بيت ملك كانت نبيله قاعده وحاسه بقبضه في قلبها على ملك
سها مالك يا ماما
نبيله مش عارفه قلبي مقبوض وخاېفه على ملك اوي
سها ما تقلقيش يا حبيبتي ان شاء الله خير
نبيله يا رب انا هقوم اصلي واقرا شويه قران
سها ماشي يا ماما وانا هقوم اجهز الغداء
في شركه عمرو عمرو كان قاعد سرحان في المكتب ومشغل اغاني رومانسيه
قطع سرحانه صوت وهو بيقول حبيب هارتي
عمروبابتسامه وفرحه وقال ياااااااااه مصطفى الاحمدي!!!!!!!!!!!
توقعاتكم ايه
كومنت للتشجيع بقا
الفصل الثاني عشر
في الشركه عند عمرو
في مكتب احمد ملك خبطت ودخلت عليه
ملك لو سمحت يا مستر احمد ممكن تمضي الملفات دي عشان مستر عمرو محتاجها
احمد اه طبعا يا ملك واخدهم منها ومضي عليهم
ملك لسه هتمشي نده وقال ملك
ملك نعم يا مستر احمد
احمد راح عندها وقال بتوتر م مفيش اخبار عن هاجر
ملك حاولت تداري واتنهدت وقالت لا يافندم
احمد باستغرب يعني مش كلمتك
ملك لا طبعا كلمتني
ولسه احمد هيسالها .......
قطعته وقالت مش هتيجي يا فندم
احمد بعصبيه ليه. ليه كل ده
ملك بصتله باستغراب وقالت ليه كل ده هو اللي حصل شويه
احمدوشه بغيظ وقال عارف. عارف اننا غلط بس كانت لحظه ضعف وتهور وندمت عليها ونفسي تقبل اسفي بجد
ملك للاسف يا فندم اوقات الندم بيجي بعد فوات الاوان وده بيبقى ملهوش لازمه عشان كده متتعبش نفسك
احمد قعد بزعل واتنهد وقال وانا عندي مين غيرها ياملك..وسكت شويه وقال ملك انا حياتي كلها كانت غلط ف غلط بس قلمها فوقني اوي بس يظهر اني فوقت متاخر وضيعتها مني ودموعه نزلت
ملك حست بصدق في كلامه وراحت عنده وقالت هو انت ندمان بجد ولا دي حلاوه روح
احمد بصلها بدموع وقال والله العظيم ندمت متعرفيش انا اتغيرت ازاي عشانها وبحاول اتغير للأحسن كمان بس هي تقبلني
ملك طبطبت عليه وقالت خلاص اوعدك هحاول اتكلم معاها
احمد بفرحه بجد يا ملك
ملك ايوه بجد عن اذنك وسابته دخلت على مكتبها كلمت هاجر حكتلها اللي حصل
في الجامعه عند نيفين وعمار كانت نيفين بتاكل وعمار بيبص ليها
نيفين اخدت بالها وقالت بتبص ليه كده
عمار ابتسم وقال لا عادي ابدا بس شكلك كنتي جعانه
نيفين ابتسمت وقالت بصراحه كنت ھموت من الجوع
عمار قربلها وابتسم وقال بعد الشړ عليكي
نيفين
عمار ط طب استني اوصلك
نيفين لا طبعا ما ينفعش انا هركب تاكسي وهروح
عمار طب ممكن تبقي تطمنيني عليكي لما تروحي
نيفين ابتسمت وقالت حاضر عن اذنك ومدت ايديها بالسلامه
عمار كان بيبصلها ومسك ايدها وبص عيونها وسرح
كل واحد فيهم سارح في عيون التاني ونسيوا المكان اللي هما فيه
بس نيفين في لحظه انتبهت لنفسها وقالت ع عن اذنك وسحبت ايدها ومشيت
عمار ابتسم وقال مع السلامه
ووقف يبص عليها لحد ما ركبت تاكسي
وهو طلع وراها بعربيته ومشي
عند ملك في مكتبها خلصت الملفات اللي معاها واتصلت على عمرو
عمرو ايوا يا ملك
ملك انا خلصت الملفات ولازم تتمضي اجيبها لحضرتك
عمرو اوكي تعالى
قفلت ملك وجهزت الورق عشان يتمضي
في مكتب عمرو
مصطفى مين ملك دي يا عمرو
عمرو دي السكرتيره
مصطفى غريبه بس لما جيت مكنش حد بره يعني
عمرو تلاقيها كانت بتمضي ورق من احمد عشان سكرتيرته واخده اجازه كام يوم اجازه
مصطفى اه
وفي الوقت ده ملك خبطت وفتحت بس شافت حد قاعد كان بضهره
ملك سوري يامستر عمرو اجي لحضرتك وقت تاني
عمرو لا. لا يا ملك مش مستاهله
راحت ملك بالملفات وقفت جنب عمرو وكانت قصاد مصطفى بس هي مشفتوش
لكن مصطفى شافها واټصدم ووقف اول ما شافها
عمرو بص عليها قاله مالك يا مصطفى وقفت ليه
ملك بصت على مصطفى واتفاجئت هي كمان وقالت بدموع م مصطفى
مصطفى بتوتر ا ازيك يا ملك
عمرو ايه ده انتو تعرفوا بعض
مصطفى ا اه
عمرو استغرب من طريقتهم وبص لملك لقاها دموعها نازله منها بسرعه و حاطه ايدها على بوقها وبتهزر في راسها يمين وشمال بمعنى الرفض
عمرو خاف على ملك وقف جنبها وقال في ايه يا ملك
ملك مردتش وعلى حالها
بص لمصطفى وقال في ايه يا مصطفى فهمني انت
مصطفى بص لملك وسكت
بس في اللحظه دي كام جمله اترددت في ودان ملك
مازن انتي هنا خدامه ملكيش اي حقوق غير لقمتك ودي شفقه مننا
سعاد انتي مش زي بنتي انتي جايه هنا لخدمتي وبس وعمرك ما هتصعبي عليا
عبير ههههههه مش قلتلك هقضي عليكي وهخليكي تكرهي نفسك
ملك كانت حاطه ايدها على ودانها والجمل دي بتتردد فيهم وفي لحظه افتكرت
منظر الحاډثه
واولادها بيطيروا من خبطه العربيه
و منظر الډم
و صوت الناس
وزعيق مازن لها في المستشفى
واتهامه ليها انها قټلت اولادها
وصړختها في مستشفى المجانين وهي بتقول ارحموني انا مش مريضه
افتكرت ذكريات كثيره اوي خليتها مصدومه اكثر وخليتها رافضه تفتح عيونها او تشيل ايدها من على ودانها
مصطفى اتخض عليها وقام بسرعه طبطب عليها وقال مټخافيش يا ملك والله ما جاي اذيكي
عمرو كان خلاص نزلت دموعه ومش عارف ايه سبب حالتها ومش قادر يعمل لها حاجه بص لمصطفى وزعقله انت تعرفها منين وليه تعبت كده لما شافتك رد عليا
مصطفى لسه هيرد عليه وقاله ملك دي كانت تبقى.........
عمرو بصوت عالي مللللللللللك
وقعت ملك من ايده على الارض مغمى عليها وكانت قاطعه النفس
نزل عمرو عليها بسرعه ومسك ايدها وقال ملك. ملك حبيبتي قومي .قومي ارجوكي عشاني يا ملك
مصطفى بزعيق لازم ننقلها المستشفى حالا يا عمرو
وقف عمرو لسه مصطفى هيشيلها بعد ايده وقاله خد انت المفاتيح بسرعه ويلا انا هشيلها
شالها عمرو ومصطفى بيجري قدامه وفتحله العربيه ركب عمرو وجنبه ملك
مصطفى ساق بسرعه عشان يوصلها المستشفى في اقرب وقت
بعد شويه
عمرو ومصطفى كانوا واقفين عمرو عيونه مابطلتش دموع
اما مصطفى كان مستغرب حالتها وقال لنفسه في حاجه غلط لازم اعرفها
بعد شويه خرج الدكتور وجري عليه عمرو ومصطفي
عمرو طمني يادكتور
الدكتور اڼهيار عصبي
عمرو بدموع ي يعني ايه
الدكتور انا اديتها حقنه مهدئه و علقت محاليل ادعولها وسابهم ومشي
عمرو قعد مكانه على الارض
مصطفى طبطب عليه وقاله متقلقش هتبقي كويسه
عمرو قالوا بصوت ضعيف هي مبقتش كده غير لما شافتك. ا انت تعرفها منين وليه خاېفه منك لدرجه الاڼهيار
مصطفى اتنهد وقال هقولك اعرفها منين بس والله معرفش هي ليه خاڤت مني اوي كده
عمرو تعرفها منين يا مصطفى
مصطفى قعد جنبه وقال ملك كانت مرات اخويا مازن يا عمرو
عمرو اټصدم قال ايه مراة اخوك
مصطفي طليقته .طليقته يا عمرو
عمرو سكت شويه مش عارف دا صدفه ولا ايه بالضبط وقال بۏجع واتطلقوا ليه
مصطفي مش عارف والله انا قعدت معاهم كام شهر بس بعد ما اتجوزو وكنت سايبها حامل
عمرواټصدم اكثر وقال ايه هي عندها أولاد
مصطفى كان. كان عندها ملاكين ياسين واسر بس للاسف ماتوا .ماتوا قدام عيونها في حاډثه عربيه خبطتهم وماتوا الاثنين في لحظه
عمرو اتوجع عليها اوي وافتكر كلامها لما قالت مفيش اصعب من ۏجع الفراق وغمض عيونه وقال بدموع وبعدين
مصطفى كل اللي اعرفه انها تعبت اوي بعد مۏت الاننين وجالها حاله نفسيه وطلبت الطلاق من مازن وقالتله مش هقدر اعيش معاك لان مبقاش في حاجه تربطني بيك وكل ماهكون في البيت هفتكر وهتعب وفعلا مازن طلقها ولما رجعت مازن اخويا حابس نفسه فى اوضته ومعرفتش حاجه عن ملك تاني او بمعنى اصح ما حاولتش اعرف عشان ما اقطعش الود ولا اعمل مشاكل في العيله
عمرو باستغراب يعني ايه مشاكل في العيله
مصطفى اتنهد وقال ملك تبقى بنت عمي يا عمرو
عمرو كان حاسس ان الصدمات بتنزل عليه مش عارف يستوعبها وفضل ساكت شويه وما بيتكلمش
مصطفى بصله ولقي حالته غريبه دا مش زعل مدير على سكرتيره بالنسباله
ده زعل حبيب على حبيبته وهنا سالوا
مصطفى عمرو انت بتحبها
عمرو غمض عيونه وقال بحبها دي كلمه قليله اوي على احساسي بيها ملك الوحيده اللي دخلت قلبي بعد حنان يا مصطفى
مصطفى طبطب عليه وقاله متقلقش باذن الله هتكون كويسه
عمرو يارب وبص لمصطفى وقال لازم نكلم اهلها
مصطفى عندك حق ومسك تليفونه وقال هحاول اشوف
عمرو شوف اي حد من أخواتها
مصطفي اتنهد وقال ما لهاش غير اي اخ واحد بس محمود
عمرو مسح دموعه وقال اه ده اللي بيسوق تاكسي
مصطفى باستغرب تاكسي.! تاكسي ايه ده لا طبعا محمود عنده شركه مقاولات
عمرو لنفسه يعني ايه كانت بتكذب عليا اومال مين اللي كانت معاه في التاكسي ده وبتضحك معاه ليه كده وليه قالتلي انه اخوها
مصطفى بص عمرو ولقاه سرحان نده عليه وقال عمرو .عمرو
عمرو انتبه لنفسه وقال ايوه في حاجه
مصطفي بقولك لقيت معايا رقم مامتها هكلمها
عمرو ماشي. ماشي
مصطفى مالك يا عمرو
عمرو بعصبيه ماتخلص يا مصطفى بقى وكلمهم
مصطفى حاضر. حاضر
وفعلا طلب
مصطفى الرقم واستنى الرد
في بيت ملك سها ادت التليفون لنبيله وبتقول تليفونك بيرن يا ماما
نبيله كانت بتقرا ف المصحف. صدقت بالله وقالت خير يارب
و فتحت الخط
نبيله الو
مصطفي الو الحاجه نبيله معايا
نبيله ايوه يا ابني مين معايا
مصطفى بتوتر ا انا مصطفى يا مراة عمي
نبيله قامت وقفت مكانها مصدومه وقالت بنبره
مصطفى يامراة عمي ممكن تكلميني براحه شويه
نبيله راحه . راحة ايه يا ابن سعاد و هي امك واختك خلم لبنتي راحه انطق وقول عايز ايه وانجز لاني مش طايقه اسمع حد منكم
مصطفى اتنهد وقال حاضر يامراة عمي بس ببلغك ان ملك في المستشفى ياريت تيجولها
نبيله بخضه ملك .ملك بنتي عملت فيها ايه عملت ايه انطق مش كفايه اللي حصل منكم حسبي الله ونعم الوكيل فيكم
مصطفى يامرات عمي اهدي شويه ملك بخير ياريت تيجي على المستشفى هنا في مستشفى ...........وبلغي محمود
قفلت نبيله في وشه الخط بدموع قالت لسها كلمي محمود بسرعه
سها في ايه طمنيني
نبيله بدموع ملك في المستشفى واللي كلمني مصطفى اخو الزفت مازن يعني اكيد مش خير
سها اتصلت على محمود وحكيتله اللي حصل محمود جالها واخد نبيله وراح المستشفى
ف فيلا عمرو
دخل عمار وهو مبسوط وفرحان
قابله عزيزو نادي عليه وقالوا عمار تعالي عايزك
عمار بابتسامه في حاجه يا بابا
عزيز مستغرب الابتسامه الحلوه دي ومبين سنانك كمان
عمار اصلي غاسلهم كويس وعايز اوريهم للناس
عزيز هههههه مشكله انت يا ولد وقرب منه وقال ايه سبب الابتسامه الحلوه دي
عمار هرش راسه وقال انت ملاحظ ايه
عزيز همسله ف ودانه وقال حاسس بحب جديد
عمار زغزه وقال احبك يا عجوز لما تفهمها وهي طايره كده
عزيز يا ولد اسكت وقولي في ايه
عمار اتنهد وقال طب بص هغير هدومي واخد شاور وهاجيلك
عزيز اوكي مستنيك
طلع عمار على اوضه ندى وخبط عليها ودخل
عمار اتفضلي يا ستي المحاضرات اهي ياكشي يطمر فيكي بس
ندى بغمزه يا سلام انت المفروض تدعيلي
عمارباستغراب ليه بقى
ندى احم ولا حاجه خلاص
عمار فهم ان نيفين كلمتها وابتسم وقال احم.. هي كلمتك
ندي افتحت في الضحك وقالت اه كان نفسي اشوف شكلكم
عمار ماشي ليكي يوم ولسه هيخرج
ندي ندهت عليه وقالت عمار
عمار لف ليها وقال امممم
ندى ايه رايك فيها
عمار ابتسم وقال ملكيش فيه مۏتي بغيظك سلام
ندى ماشي. ماشي بكره هتدور عليا عشان حاجات تانيه ها وغمزتله
عمار بصلها وضحك وسابها ومشي
في مستشفى كان عمرو ومصطفى قاعدين مستنيين احد من عيله ملك بس تليفون عمرو رن وكان احمد
عمرو ايوا يا احمد
احمد ايوا يا عمرو فينك انت وملك
عمروملك تعبت واغمي عليها ووديتها المستشفى وانا معاها
احمد ايه ليه مالها
عمرو بنفاذ صبر احمد .احمد مش وقته كلامك ده يلا سلام
احمد طيب. طيب استني بس شريف التهامي باعت حد يستلم الملف هعمل ايه
عمرواتنهد وقال طيب هكلمك بعد شويه سلام
قفل عمرو مع احمد و اتصل بهاجر
هاجر الو ازيك يا مستر عمرو
عمرو هاجر كنت عايز منك طلب
هاجر حست بصوته مخڼوق وقال تحت امرك خير
عمرو اتنهد وقال كنت عايزك ترجعي الشركه دلوقتي في ملف مهم هتسلميه لاحمد تابع لشركه التهامي
هاجر بتوتر ط طب خلي ملك ب بلاش انا
عمرو بدموع ملك في المستشفى
هاجر پصدمه ايه مستشفي ايه وليه ايه اللي حصل
عمرو مش وقته يا هاجر لازم تروحي دلوقتي وابقى كلميني من هناك عشان اعرفك المطلوب و هبقى ابعتلك العنوان
هاجر تمام يا فندم مع السلامه
قفل عمرو بص حواليه لقي اتنين جايين بص لمصطفى وقال دول اهلها يا مصطفى
مصطفى رافع راسه وقال ايوه دي مامتها واخوها
محمود شاف مصطفى من بعيد جرى عليه وحاول ېخنقه
بس عمرو حاول يفضل مابينهم وقاله استنى هفهمك بس مصطفى معملش حاجه
محمود زق مصطفى جامد وقال حصل ايه وانت بتعمل ايه هنا وھجم عليه تاني ومسكه من هدومه وقال انتو ايه مش عايزين تشيلوها من دماغكم ليه هيه عملتلكم ايه
مصطفي اهدي بس يا محمود والله معملتش فيها حاجه
عمرو فصل ما بينهم وقال اهدي يا استاذ محمود فعلا مصطفي محصلش منه حاجه
محمودوهو بيتنفس بسرعه من عصبيته قال ايه اللي حصل...............
الفصل الثالث عشر
في المستشفى كان
متابعة القراءة
