داوي جروحي من 9-13
الفصل التاسع
في فيلا عمرو
كانت ندى تعبانه والدكتور بكشف عليها
عزيز خير يا دكتور
الدكتور هو بيكتب العلاج متقلقش يا عزيز بيه ده دور برد هو اللي عامل التكسير اللي حاسه بيه
عزيز يعني مفيهوش خطړ
الدكتور قطع الورقه وقال لا طبعا تمشي على الدواء والحقن دي مهمه جدا تاخدها بانتظام وربنا يشفيها
عزيز اتفضل يا دكتور
ووصل عزيز الدكتور بره الاوضه وراح لندى وقال ينفع كده يا ندوش تتعبي
ندى بتعب ڠصب عني والله يا بابا اسفه
عزيز اخدها وطبطب عليها وقال نتغطي كويس بقى واحنا نايمين ولا ايه والا والله هشيل التكييف ده
ندى بتعب لا لا خلاص هتغطى كويس
عزيز ابتسملها راسها وقال يالا ارتاحي شويه وغطاها وطلع بره
ندى لنفسها كان نفسي اشوفك النهارده اوي
يا ترى هيسال عني
يا ترى انا ف باله اصلا زي ما هو بالي وعيونها غمضت وهي بتفكر في مؤمن
في الشركه عند عمرو
لما سمعها وهي بتقول حبيبي رجع تاني على مكتبه وهو متعصب وقال لنفسه حبيبي ازاي!!
ملك كانت بتكمل كلامها في التليفون بس عمرو مسمعهوش
ملك هنروح فندق بس نمضي عقد الاتفاق وهروح علطول
محمود اتنهد وقال بس انا خاېف عليكي يا ملك
ملك متقلقش عليا والله يا حبيبي انا محبتش اروح من غير اذنك
محمود ماشي يا حبيبتي خلي بالك من نفسك
ملك حاضر مع السلامه ورجعت تشوف شغلها
احمد في مكتبه والباب خبط وكانت هاجر هاجر مستر احمد دي الملفات اللي ملك خلصتها ومستر عمرو مضى عليها خلاص
احمد كان بيبص على هاجر وقال حطيها هنا ع المكتب وبعد اذنك هاتي ملف شركه التهامي من المكتبه
هاجر تحت امرك
وراحت تجيب الملف بس كان لفوق وهي بتحاول ترفع نفسهاعشان تجيبها
احمد كان بيبص عليها وبيبلع ريقه بصعوبه و
هاجر اتخضت ولفت نفسها بسرعه وبعدت عنه وقالت بتوتر خير يا مستر احمد في حاجه
احمد لا. لا بس حبيت اساعدك
هاجر شكرا مش محتاجه مساعده
هاجر حطت ايدها تبعده وقالت مستر احمد انت عارف ان انا مش اللي في دماغك ابعد عني
هاجربعدت وشها عنه وقالت ابعد عني ابعد عني يا حيوان وزقته
احمد لما سمع حيوان ادايق منها وزقها وقال انتي مفكره نفسك ايه انتي هتعملي نفسك شريفه عليا انا
هاجر اتوجعت من كلامه بس حاولت تتماسك و قالت لا انا مش هعمل نفسي شريفه عليك لانك اصلا متهمنيش في حاجه. ومش ذنبي انك شايف الناس كلها وسخه زيك .ومش معنى ان انا محتاجه لشغلك يبقى تبيع وتشتري فيا.
احمد سابها وراح على مكتبه وۏلع سېجاره وقال ما تسيبك بقى من الشويتين بتوع الافلام دول وتيجي معايا دوغري انتي هنا لو سمعتي كلامي هتبقى ملكه
هاجر باستغراب ملكه. ملكه ازاي بقا
احمد اخذ نفس من السېجاره وطلعه..... وقال يعني انتي شوفي بتاخذي كام في الشهر وانا هاديهملك في المره الواحده هاجر اتوجعت من كلامه انه هو ازاي شايفها كده
احمد كمل كلامه قال يعني لووقال ويمكن يبقوا مرتين ثلاثه في الاسبوع وانتي وشطارتك بقى لما تكيفنى وتمزجيني صح
هاجر مسحت دموعها وحاولت تستجمع قوتها وراحت عنده وقالت يبقى نتفق من دلوقتي واخذ حقي
احمد بابتسامه نصر ايوه كده .
هاجر تؤ تؤ تؤ قول عايزه كام على اللي عملته دلوقتي
احمد بضحكه دلوقت وانا عملت ايه اصلا
هاجر ربعت ايدها على صدرها وقالت وده لوحده ليه حساب تاني عندي لانك لمستني
احمد نعم! يعني هو اللمسه عندك عليها فلوس
هاجر قصدك اللمسه عندي ليها تمن
احمد ضحك وقال وماله
هاجر حاولت تستجمع قوتها من تاني وقالت حقي هو ده ورفعت ايدها وضړبته بالقلم على وشه
. قلم عبر عن كل الزعل والحب والكره ومشاعر كثير محدش حاسس بيها غيرها هي وبس
احمد اټصدم من فعلها ومسك دراعها جامد وضغط عليه وقال انتي نسيتي نفسك يا حيوانه.
انتي تمدي ايدك على احمد مدكور لا عاش ولا كان
هاجر بصوت عالي لا............... يبقى هو ده الرد المناسب ليك وعشان تعرف ان مش كل الطير اللي يتاكل لحمه
احمد لا ده انتي لازم تتربى ولسه هيرفع ايده يضربها
قطعه صوت عمره وهو بينادي عليهم بقوه احممممممممد...............
هاجر راحت لعمرو بسرعه وقالت انا اسفه يامستر عمرو استقالتي هتكون على مكتب حضرتك حالا.. ولسه هتمشي عمرو مسكها وقال........
عمرو استني يا هاجر انا بس اللي اقول مين يمشي ومين يقعد ولو فيه حد هيمشي يبقى هو مش انتي
احمد بصله پصدمه وقال انت بترفدني انا يا عمرو عشان دي
عمرو دي .مالها دي هي عشان شريفه وملهاش ف يبقي دا جزاءها منك لا انسى .ولف لهاجر وقال اتفضلي يا هاجر روحي لملك وانزلوا تحت البريك ابتدي
هاجر يا مستر عمرو انا مش عايزه اكون سبب في مشاكل انا همشي وخلاص واكيد هلاقي شغل تاني
عمرو بعصبيه انا قولت كلمه واحده اتفضلي
مشيت هاجر ودموعها على خدها وراحت لملك
عمرو لف لاحمد بعصبيه ومسكه من ياقة هدومه وقال انت ايه يا اخي ليه مصمم تبقى زباله اوي كده انت عمرك ما كنت كده هتتغير امته وتفوق لنفسك امتى بقى زهقتني
احمد نزل ايد عمرو قال مش محتاج نصيحه من حد وفرها لنفسك ومتعملش فيها لقمان الحكيم يعني كلنا عيوب ومحدش حاسس باللي في التاني وايه سبب ان هو يعمل كده
عمرو هتفضل طول عمرك معلق على شماعة اسباب تافهه زيك بس خلاص انا تعبت منك ومن زبالتك ومش هرجع اتكلم معاك
احمد وهو بيشوح بايده قال يبقى احسن برضه
عمرو اتنهد وقال خليك فاكر اني حاولت معاك كثير ومفيش فايده واتفضل يلا جهز نفسك عشان هنروح الاوتيل نمضي العقود وبصله وسابه ومشي
عند ملك كانت هاجر وصلتلها وكانت بټعيط بحرقه
ملك شافتها اتخضت وقالت هاجر مالك في ايه
هاجر بدموع وۏجع. قلبي واجعني اوي يا ملك
ملك مسحتلها دموعها وقالت طب اهدى بس فهميني ولا اقولك تعالي ننزل تحت نشرب حاجه ونتكلم ده ميعاد البريك يلا يا حبيبتي و اخذت هاجر ونزلوا
في الجامعه عند نيفين وهدى وصل مؤمن وكانو واقفين بره
مؤمن بص عليهم مالقاش ندى شاور لنيفين
نوفا سلمت على هدى وراحت ركبت معاه العربيه
مؤمن مشي من غير ما يتكلم خاېف يتكلم نوفا تفهموا بس هي كانت فهماه كويس ومرضيتش تحرجوا وتتكلم
وصلوا عند البيت وطلع فوق
كان مصطفى قاعد قدام التلفزيون
مصطفى ا بتسملهم وقال حمدلله على السلامه
نيفين ومؤمن الله يسلمك
مصطفى نوفا انا جعان و مستنيكم هتتغدوا معايا
نيفين اه طبعا يا ابيه وبصت لمؤمن وقالت هتاكل يا مؤمن
مؤمن هز راسه بمعنى ايوه وراح قعد جنب مصطفى
ودخلت نيفين تحضر الاكل مصطفى مالك يا مؤمن متضايق ليه
مؤمن لا ابدا الشغل بس مصدعني شويه
مصطفى خبط علي رجله وقال سلامتك
في الوقت ده نوفا جهزت الاكل ونادت عليهم وقعدوا ياكلو مع بعض
مؤمن وهو بياكل كان سرحان
نوفا ومصطفى لاحظو ده مصطفى غمز لنوفا وهي فهمت قصده وبعد وقت من صمت مؤمن
مؤمن عملتي ايه النهارده في الجامعه يا نيفين
نيفين فهمت مؤمن عايز يسأل عن ايه وحبت تطمنوا قالت الحمد لله
مصطفى ليه يا حبيبتي حصل حاجه
نيفين لا ابدا بس ندي صحبتي كانت تعبانه ومجتش النهارده و كنا زعلانين عشانها اوي
مؤمن بقلق. الف سلامه عليها مالها
نيفين دور بس تعبانه اوي....
وسكت شويه وحبت تقلق مؤمن اكثر تشوف رد فعله وقالت ده الدكتور كانها نقلها للمستشفى
مؤمن بخضه ايه للدرجادي
نيفين بلؤم اه يا مؤمن اوي وكنت عايزه اروح اشوفها لو تسمحولي
مصطفى طبعا يا حبيبتي بس حد مننا يروح معاكي
مؤمن باندفاع انا هروح وبالمره اطمن عليها
نيفين ومصطفى بصوا لبعض وابتسموا
مؤمن حس باندفاعه وقال ق قصدي اكون مطمن عليكي يعني. يلا خلصي اكل وهنروح
نيفين بفرحه لا. لا انا شبعت خلاص يلا دلوقتي لو خلصت اكل
مؤمن اه يلا بينا ومشيوا مع بعض مصطفى بص على مؤمن وابتسم وقال اخيرا حد اقدر يكعبلك ياحضرتك الظابط
في الشركه عند عمرو
كانت هاجر حكت لملك على اللي حصل من احمد بدموع واڼهيار
ملك طبطبت عليها وقالت متزعليش يا هاجر بكره يندم ويعرف قيمتك على حق
هاجر المشكله اني مش قادره اكره يا ملك لحد دلوقتي ومش عارفه اعمل ايه
وف اللحظه دي عمرو دخل وقعد معاهم وقال انا هقولك تعملي ايه يا هاجر
. هاجر اتكسفت ولسه هتمشي
عمرومسك دراعها وقال لو بتحبيه صحيح ساعديني نغيره وانا متاكد انه هيتغير
هاجر بصت لملك وقالت رايك ايه يا ملك
ملك بصت لهاجر وقالت يمكن ربنا جعلك سبب يا هاجر في انك ترجعيه عن طريق الغلط اللي ماشي فيه ده
هاجر اتنهدت وقالت طب اللي عمله وقاله دا هنساه ازاي بس
ملك ابتسمت وقالت حد كان قالي ان ربنا اكبر نعمه ادهالنا هي نعمه النسيان وبصت لعمرو ابتسمت وقالت ولا انت ايه رايك يا مستر عمرو
عمرو على الرغم انه زعلان منها بس اول ما ابتسامتله نسي وابتسملها هو كمان وقال عندك حق يا ملك
هاجر لاحظت نظراتهم وقالت طب انت عايزني اعمل ايه معاه يامستر عمرو
عمرو انا هقولك تعملي ايه.............
في بيت مازن كانت سعاد وصلت ولقت مصطفى لوحده قالت انت قاعد لوحدك ليه يا مصطفى لسه اخواتك موصلوش
مصطفى لاوصلو من زمان بس نيفين راحت تشوف صحبتها تعبانه شويه
سعاد بشده صحبتها! ازاي يعني من غير ما تقولي ولا تستاذن مني والله عال اوي بس تيجي وانا هقطملها رقبتها عشان تحرم
مصطفى ايه ماما في ايه مش مستاهله اللي قةلتيه ده
سعاد الظاهر عليك قعدتك بره نسيتك الاصول يابن بطني
مصطفى سند راسه لورا وقال ولا نسيتها ولا حاجه يا ماما بس اطمني نوفا فاهمه الاصول والصح والغلط والواجب ومرحتش لوحدها مؤمن راح معاها
سعاد باستغراب مؤمن غريبه دي اول مره يروح مع حد مشوار
مصطفى اتنهد وقال نوفا كانت خاېفه على صحبتها و لما جات كانت عايزه تستاذنك الاول ملقتكيش انا اذنتلها وخليت مؤمن يروح معاها عشان نبقى متطمنين
سعاد قامت وقالت ماشي خلاص ولسه هتمشي بصيت على اوضه مازن وقالت لسه اخوك مخرجش خالص
مصطفى اتنهد وقال سبيه يا ماما سبيه يقعد مع نفسه من تاني و يعيد حساباته ويعرف أنه غلط ف حق نفسه وحق اللي راحوا
سعا پغضب انت كمان هتقول غلط لا هو مغلطش
مصطفى والله هو عندك اساليه ...ربنا يريح قلبه وقام وقف وقال عن اذنك انا داخل اوضتي
وسابها ودخل
ف فيلا عمرو
كانت نيفين ومؤمن وصلو واستاذنو بالدخول واستقبلتهم هناء وعزيز بالترحاب
نيفين كانت مبسوطه من مقابلتهم اما مؤمن فكان نفسه يطير عشان يشوف ندى ويطمن عليها
عزيزه اهلا
نيفين اهلا بحضرتك يااونكل احنا اسفين جينا من غير ميعاد بس كان نفسي اطمن على ندى اوي ومؤمن اخويا اصر يوصلني
عزيز لا ابدا مفيش اسف احنا اهل يا حبيبتي اهلا بيكي وبص لمؤمن وقال اهلا بيك يا استاذ مؤمن
مؤمن اهلا بحضرتك
نيفين ممكن يا طنط تطمنيني على ندى
هناء هطلع اشوفها لو قادره تنزلكم يا حببتي لو مقدرتش اطلعيلها وشوفيها
نيفين ماشي يا طنط
وفعلا طلعت هناء لندى وكان مؤمن بيدعي ربنا تنزل عشان يشوفها
هناء طلعت لندى صحتها وقالت ندى فوقي يا حببتي
ندي بصوت تعبان ايه يا ماما سيبيني شويه
هناء يا حبيبتي قومي صحبتك نيفين تحت جايه تطمن عليكي
ندى خليها تطلع وخلاص يا ماما
هناء لا طبعا دي معاها اخوها جاي يوصله
ا ندى فتحت عيونها پصدمه وقعدت على السرير وقالت ا اخوها مين ده يا ماما
هناء اسمه مؤمن يلا بقى انزلي عيب كده وسابتها وخرجت
ندى من فرحتها نسيت تعبها وقامت تتنطط على السرير وقامت غسلت وشها وغيرت هدومي ونزلت
نوفا اول ما شافتها ابتسمت وقالت الف سلامه على الحلوين وقامت سلمت عليها وحضنتها
ندى كانت بتبص لمؤمن وسلمت عليه وقالت نورت بيتنا يا حضره الظابط
مؤمن شكرا الف سلامه عليكي
ندى الله يسلمك
وراحت قعدت جنب عزيز
عزيز هو حضرتك ظابط يا مؤمن
مؤمن ايوا يا فندم الرائد مؤمن الأحمدي
عزيز ابتسمله وقال نورتنا
وبعد وقت طويل قضوه مع بعض وقفت نيفين وقالت يلا يا مؤمن عشان شغلك
هناء ومستعجله ليه يا نوفا لسه بدري
نوفا يا دوب يا طنط عشان مؤمن عنده شغل
مؤمن ف سره جتك نيله عليكي وعلى الشغل
وقاموا سلمو عليهم ومشيوا
كان عزيز ملاحظ نظرات ندى على العربيه وهي ماشيه طبطب عليها وقالت لطيفه اوي صاحبتك دي
ندى اتنهدت بحب وقالت نيفين نوفا دي اجدع صاحبه ممكن تشوفها
عزيز ابتسملها وقال طب و حضره الظابط
ندى اتكسفت وقالت تقصد ايه يا بابا
عزيز ابتسم وقال ولا حاجه انتي شوفي فهمت ايه و هستناكي تيجي ندردش مع بعض شويه وغمزلها ومشي
ندى ابتسمت وطلعت على اوضته
عند عمرو وملك كانت راكبه معاه العربيه و خاېفه ومتوتره وعمرو لاحظ دا وقال مالك متوتره ليه كده
ملك ابدا يا فندم بس بصراحه مش متعوده اركب مع اي حد كده
عمرو بلؤم وانا برضه اي حد
ملك باستغراب تقصد ايه
عمرو ا ابدا انا قصدي يعني انا مديرك في الشغل
ملك اه .اه طبعا وكمل سواقه لحد الفندق و نازلوا مع بعض و دخلوا جوه وكان مستنيهم الشريك الاجنبي مستر فرانكو وشريف التهامي وسكرتيره
ملك وعمرو قعدوا معاهم وبداو يمضوا العقود والاتفاق على الثفقه
وكان شريف التهامي مش قادر يشيل عيونه من على ملك وملك لاحظت دا بس حبت متبينلوش انها شيفاه
تم التوقيع على العقود والانتهاء
ملك مبروك يا مستر عمرو
عمروميرسي يا ملك
ملك قربت عليه وقالت لو سمحتلي همشي عشان متاخرش عن كده
عمرو طب استني هوصلك
ملك لا .لا طبعا مينفعش عشان مستر فرانكو انا هاخذ تاكسي وامشي
عمرو طب خلي بالك من نفسك بس عدي الاول على الشركه عشان تحفظي الملفات ف الخزنه
ملك تمام يا فندم والمفاتيح
عمرو مفيش مشكله خليهم معاكي لحد بكره
ملك بس بكره اجازه يا فندم
عمروابتسملها وقال مفيش مشكله خليهم معاكي لحد ما نرجع انا واثق فيكي
ملك تمام يا فندم بعد اذنك وقامت تمشي
شريف جري وراه وقال يا انسه لو سمحتي
ملك لفتله وقالت افندم يا استاذ شريف
شريف تحبي اوصلك
ملك لا شكرا بعد اذنك وسابته ومشيت
فضل
شريف ها لا. لا ابدا ولا حاجه انا هرجع لمستر فرانكو
عمرو بصلوا بغيظ وخرج يطمن يشوف ملك ركبت ولا
