رواية قلبي من 17-20
المحتويات
كل ده ممكن يحصل .. الا انى من وقت ماشوفت زهرة اول مرة مع همس و انا حسيت انى شايفاكى قدامى كل اللى شافها قالوا انها نسخة من نور الله يرحمها بس انا كنت شايفاكى انتى فيها
بدر يمكن عشان وقت ماحصل اللى حصل كنت فعلا شكل زهرة اوى
فاطمة ايوة .. الوحيدة اللى يمكن شكلها مختلف شوية هى سوزى
سوزان ضاحكة نحن نختلف عن الاخرون خلونا فى المهم .. هتساعدونى نقنع يونس نسافر البلد
فاطمة عليكى بقى و على زهرة و زكريا و هم اللى يقنعوه معاكى
و فى مساء اليوم التالى و بمنزل مريم .. أخبرتها الخادمة ان امها تجلس بالاسفل بانتظارها فتأمر الخادمة بالانصراف و تقول لحاتم بدهشة غريبه اوي دي ماما ما جتليش هنا بقى لها كثير اوي يا ترى ايه اللى مخليها جايه فجأة كده و كمان من غير ما تكلمني ولا تديني خبر قبلها
حاتم اعتقد انها ممكن تكون جايه بخصوص بنت عمك اللي ظهرت لنا فجاه دي
مريم تفتكر
حاتم عموما هيبان .. انزليلها و شوفى
لتذهب مريم لاستقبال امها التي وجدتها تجلس بصحبه ولديها رامي وزين فقالت بترحيب لم تستطع ان تجعله خالصا دون دهشه ايه المفاجاه دي يا ماما يا ترى ايه السبب اللي خلاكى تيجي كده فجاه ومن غير ما تقولي لي كمان قبلها
فاطمة ايه يا مريم مش عاوزاني اجي واللا تقصدي ان انا لازم اخد منك ميعاد قبل ما اجي لك
مريم اكيد انا ما اقصدش كده انا اقصد ان انتى يعنى مش متعوده انك تيجي لي وعشان كده استغربت
فاطمة ما انتى عامله زعلانه ومقموصه و من يوم ما سيبتينا ومشيتي واحنا في بيت اخوكى وانا ما شفتكيش
مريم يعني جايه تصالحيني
لتنظر فاطمة الى الصبيين و تقول بعد ان قبلتهم بحنان روحوا انتوا يا حبايبي شوفوا كنتوا بتعملوا ايه وكملوه وانا هقعد اتكلم شويه مع ماما وهمشي على طول
رامى طب ليه
يا تيته .. مش هتقعدي معانا شويه خليكي معانا لحد بكره
فاطمة معلش ياحبيبى خليها مرة تانية ونبقى متفقين من قبلها
مريم ياللا يا رامي خد اخوك واطلعوا ياللا على اوضتكم
و بعد انصراف الصغيرين نظرت فاطمة الى مريم و قالت بعتاب هادئ هو المفروض ان انا اجي لك لحد هنا عشان اعتذر لك برضه يا مريم ده كلام تقوليه قدام الاولاد الصغيرين
مريم هو انا قلت ايه يعني يا ماما .. مش انتى اللي بتقولي ان انتى جايه علشان انا زعلانه تبقي جايه تصالحيني هيبقى ليها معنى ثاني ايه يعنى غير كده
فاطمة لا يا مريم انا مش جايه اصالحك انا جايه علشان اعقلك يا بنتي لان اللي انتى بتعمليه ده غلط
مريم بامتعاض وهو ايه بقى اللي انا بعمله غلط يا ماما مش فاهمه تقصدي ايه بالظبط
فاطمة اقصد حياتك كلها يا بنتي تصرفاتك كلها غلط وتفكيرك كله غلط وتعاملاتك مع اللي حواليكى كلها غلط
مريم ياااه ده انا على كده بقى المفروض تشطبوا عليا وتلغوا وجودي من الدنيا كلها طالما ان انا حياتي و تصرفاتى كلها غلط في غلط بالشكل ده
فاطمة انا نفسي اعرف انا غلطت معاكي في ايه خلاكي تطلعي بالشكل ده انا ربيتك انتى واخواتك بنفس الطريقه وعمري ما فرقت بين حد فيكم والثاني اشمعنى أنتى اللي طالعه كده ليه طالعه كارهة كل اللي حواليكى بالمنظر ده
مريم انا مش كارهة حد
فاطمة انتى ما بتحبيش حد الا نفسك نفسك وبس لدرجه اني ساعات بحس ان حتى عيالك .. بتحبي نفسك اكثر منهم
مريم ايه الكلام ده
فاطمة تقدري تقولي لي انتى ايه اللي بينك وبين زكريا
مريم بامتعاض يا دى زكريا ايه .. هو اشتكالك منى
فاطمة عمره عمره ما اشتكى منك وعمره ما شافك غير اخته الصغيره اللي بيحاول انه يحاجى عليها ويشوف مصالحها ويشوف اللي يبسطها ويسعدها ويعمله انتى بقى حطاه على دماغك و زاعقة ليه
مريم هو مين ده اللي انا حاطاه علي دماغي هو انا كنت جيت جنبه ولا عملت له حاجه من اصله
فاطمة هو انتى يا بنتي ما بتاخديش بالك من كلامك
مريم بحدة مش اخويا
فاطمة و هى تحاول الحفاظ على نبرة صوتها يبقى تفهمينى ليه
مريم مش ابنك
فاطمة بس ابن ابراهيم .. ابوكى يبقى اخوكى و بالثلث كمان
مريم باستعلاء من سيادة الفلاحة انا مش فاهمة انتى ازاى قبلتى انك تخليه معاكى فى البيت و تربيه معانا ازاى نسيتى انه ابن ضرتك
فاطمة بذهول ضرة مين .. انتى مچنونة انتى ناسية انها ماټت الله يرحمها و هى بتولده و من قبل ما ابوكى يتجوزنى من اساسه
مريم و فضل هو عشان يقاسمنا فى ورثنا من بابا ده غير ورثه من امه اللى هو من الأساس مال جدى مش مالها و اللى المفروض كان من حقنا احنا مش حقه هو
فاطمة بذهول انتى ايه الطريقه اللي انتى بتفكري بيها دي وايه الطريقه اللي انتى بتتكلمي بيها دي و ورث ايه وفلوس ايه ده اللي يسمعك يقول انه اخذ حقك وحرمك منه ده انتى اكثر واحده واخده حقك من الورث تالث ومتلت
مريم اومال كنتم عايزينى اسيب له ورثى هو كمان
فاطمة انتى ما حدش طلب منك حاجه زي كده
مريم اومال زعلانين ليه ولا تكونوش زعلانين ان انا بشوف مالي بنفسي ومش سايباه في حضنه زي ما انتى سايبه كده مالك كله في حضنه
فاطمة حضڼ مين بس انا مش فاهمة انا مالى فى الشركة زيك و زى اخواتك و بنت عمك
مريم باستنكار بنت عمي اللي انتوا حشرتوها معانا في الشركه بدون اي وجه حق لا وكمان جايبين لي الثانيه تشتغل معانا و اللى الله اعلم اساسا دي طلعت لنا منين واللي انا حاسه وممكن اكون متاكده كمان انها نصابه ولا هي بنت عمي ولا حاجه هي بس لقت ان انتم هبل وبترموا فلوسكم يمين وشمال فقالت اجي انا كمان يمكن ينوبني من الحب جانب
فاطمة لو تقصدي سوزان فسوزان احنا محشرناهاش .. سوزان دخلت في الشركه من ايام ابوكى الله يرحمه ماكان لسه موجود ولا انتى ناسيه
مريم باستنكار بيحطها معانا ليه باماره ايه ده لا كان ليها ورث ولا كان ليها حاجه وابوها ماټ وهو على الحديده ممكن اعرف حطها معانا ليه
فاطمة ابوها ماټ وهو على الحديده لكن الارض بتاعه امها كانت في ذمه ابوكي فابوكي حطها هي واختها الله يرحمها في الشركه عشان نصيبها في الشركه جزء من تمن الارض اللي جدك سابها لامها
مريم تقصدى ايه .. انتى تقصدى ان الست اللي رجعت اليومين دول وبتقولوا انها مرات عمي دى تبقى هي المفروض الشريكه الاساسيه في الشركه مش سوزان يعني كمان ممكن الاقي اللي اسمها زهره دي شريكتنا هي كمان في الشركة
فاطمة ما اعرفش .. الموضوع ده يخص سوزان لوحدها انا اصلا كمان لسه ما جبتش سيرته ليها ولا اتكلمت معاها فيه من اصله لكن كويس ان انتى نبهتيني لحاجه زي كده سوزان لازم تعرف هي في الشركه بمناسبه ايه وهي حره التصرف ان كانت ترد المال لامها ولا يفضل الحال على ما هو عليه
مريم و هى تضر ب كفا بكف لااااا دى كده احلوت اوى ده شوية بشوية الشركة هتبقى على المشاع
فاطمة بصي يا بنتي خليني اقول لك الكلمتين اللي انا جايه اقولهم لك عشان امشي .. انا عاوزاكى تفهمي حاجه مهمه قوي
ابوكي الله يرحمه لما اتجوز سياده وجاب منها زكريا .. لازم تفهمي ان زكريا ده هو سبب جواز ابوكى مني من البدايه لان لولا ان زكريا كان صغير ومحتاج ام تحبه و ترعاه .. ابوكى عمره ما كان هيفكر ابدا انه يتجوز مره ثانيه وعشان كده على قد حبي لابوكي على قد حبي لزكريا لانه السبب ان انا دخلت عيلة الخياط من الاساس زكريا اول فرحه ابوكي ولولا اني راعيت ربنا فيه وحبيته يمكن ما كانش ابوكى حافظ على جوازي منه لحد اخر يوم
ابوكي ما حبنيش الحب ده كله الا لما شاف حبي لزكريا وحب زكريا ليا فما تجيش انتى النهارده وتزعلي ان انا اتقيت الله في معاملتي لاخوكى
ولازم تفهمي انك زي ما بتتهميني اني شركت زكريا في حبي واهتمامي ليكم ان انتم كمان اشتركتم مع زكريا
مريم ما هي يا ريتها جت على قد زكريا وبس انما انتى ما شاء الله .. كنتي عاملاها جمعيه تعاونيه
فاطمة هو انا يا بنتي قصرت معاكي في اي يوم من الايام في اي حاجه انا عمري ما قصرت معاكي في حاجه يفرق معاكي في ايه بقى ان كان في حد معاكي ولا لا
مريم كفايه اني عمري ما حسيت ان انا مميزه بالنسبه لك .. ما فيش مره جبتيلي فيها حاجه غير لما الاقيكى جايبه منها بدل النسخه ثلاثه طب ليه عشان اخواتك عشان نور وعشان سوزان
طب وانا مالي بنور وبسوزان انا عايزه حاجتي ليا انا لوحدي ليه البس فستان يبقى في شكله فستانين تانيين ليه كل ما اطلب حاجه الاقيها بتتنفذ لثلاثه مش بتتنفذ ليا انا و بس
فاطمة طب ما هو برضه كان كل ما واحده فيهم بتطلب حاجه كان بيجي بدل الحاجه ثلاثه وكنتى بتاخدي معاهم من نفس الحاجات اللي هم بيطلبوها ليه فاكره اللى انتى بتقولي عليه ده وناسيه كمان ده
مريم لانها ما كانتش في دايره اهتمامتى وكنت باخد الحاجه اللي كانت بتيجي زي حاجتهم و برميها وكنت بكره الحاجه اللي انتم كنتم بتجيبوها لي لانها خلاص ما بقتش بتاعتي لوحدي وعشان كده لما بجيب حاجه لاولادي عمري ما جبت حاجه فيهم لواحد زي الثاني لازم كل واحد فيهم يبقى حاسس انه مميز عن التاني انما حته ان كلنا زي بعضينا دي اسوء حاجه ممكن تحصل للبني ادم
ده انتى حتى حضنك .. عمرك ما خدتيني في حضنك لوحدي كنتى دايما ضمانا احنا الثلاثه مع بعض
فاطمة بارهاق الحقيقه يا بنتي انا مش عارفه اقول لك ايه واضح ان كلامي معاكي ما منوش اي لازمه وانتى اللي في دماغك في دماغك انا اخر حاجه هقولها لك قبل ما امشي اني نفسي الاقيكى بتحبي اللي حواليكى زي ما بتحبي نفسك ونفسي تعرفي ان كل اللي حواليك بيحبوكى يمكن يكون اكتر كمان مانتى بتحبي روحك بس انتى اللي مش مديه لنفسك فرصه انك تشوفي ده ربنا يهديكى يا بنتي وعموما .. انا واخواتك واولاد عمك كلنا موجودين في بيت ابوكى .. وقت ما يجي لك الشوق ووقت ما نوحشك ابقي تعالي بصي علينا ويا ريت ما تبقيش تتعودى انك تحرميني من ولادك انتى عارفه انهم بيوحشوني وببقى نفسي اشوفهم انا ماشيه .. اشوف وشك بخير
لتتركها فاطمه وتتجه الى الخارج تحت نظرات مريم الممتعضة بشده لتجد يد حاتم توضع على كتفها و هو يقول ايه .. برضة ما اتفقتوش
مريم شكلنا عمرنا ما هنتفق ماما هتفضل طول عمرها زى ماهى .. مش هتتغير ابدا
حاتم و يا ترى ايه الجديد المرة دى اللى خلاها تيجى لحد هنا
مريم مافيش جديد و لا حاجة .. العادى .. زكريا و ولاد عمى
حاتم بسخرية هم خلاص خلوها بنت عمكم رسمى زى سوزان
مريم بتهكم اكنها شربة و لازم يسقوهالى بالعافية
حاتم سيبك بقى من الحوارات دى و خلينا فى المهم
مريم و ايه المهم
حاتم الصفقة الجديدة
مريم مش لما الاولانية تخلص
حاتم لو استنينا نخلص الاولانية هتطير من ايدينا
مريم طب و العمل
حاتم لازم نخلص فيها و بسرعة .. الوكيل قاللى ان الوقت بيسر قنا
مربم الصلاحية برضة
حاتم ايوة
مريم قدامها اد ايه المرة دى
حاتم المرة دى الصلاحية منتهية بالفعل من شهرين فاتوا
مريم يا خبر .. ده كده ممكن الناس ټموت
حاتم و ايه اللى هيموتهم بس
مريم مش بتقول الصلاحية منتهية
حاتم و مين اللى هيعرف انها منتهية
مريم لما الناس ټموت الكل هيعرف
حاتم بسخرية الناس بټموت من الجوع مش من الاكل يا عزيزتى
مريم بتفكير تقصد انها ما تموتش اللى ياكل منها
حاتم انتى فاكرة يعنى المطاعم و الجملة بيبيعوا ايه و بعدين ما احنا بقالنا كام شهر بنبيع فى الصفقة اللى فاتت .. عمرك سمعتى عن حد حصل له حاجة من وقتها
مريم بتردد لا .. بس مش كل مرة هتعدى كده
حاتم زى
ما عدت المرة دى يا حبيبتى .. هتعدى كل مرة اهم حاجة ان التلاجات ماتنفصلش عليها
مريم هو احنا كل
حاتم و كل ما فترة الانتهاء كبرت كل ما السعر بيرخص و المكسب بيكتر
مريم طب و انت اتكلمت مع مجدى فى الصفقة دى
حاتم ضاحكا و مستنى التوقيع فى اقرب فرصة
مريم بسخرية ااه طبعا ما احنا فتحنا له طاقة القدر
حاتم بتحذير بس خدى بالك .. ماحدش يعرف موضوع الصلاحية المرة دى غيرى انا و انتى و بس
مريم بابتسامة شيطانية اتفقنا
الفصل العشرون
حاتم بتحذير بس خدى بالك .. ماحدش يعرف موضوع الصلاحية المرة دى غيرى انا و انتى و بس
مريم بابتسامة شيطانية اتفقنا
كان مساء الخميس .. و كانت فاطمة و بدر و الجميع يجلسون بحديقة منزل ابراهيم و هم يتسامرون جميعا و بالقرب منهم الصغار صحبة زهرة و هى تقص عليهم احدى اقاصيصها الشيقة بالنسبة لهم و بعد ان انتهت ظلت تقص عليهم بعض الالغاز و تتجاذب معهم الاحاديث لتتركهم فى النهاية و تتجه الى التجمع الاكبر لتقول سوزان بعتاب يعنى انتى كل يوم فى الشغل من الصبح لحد اخر اليوم و لما بترجعى تفضلى مع الولاد و شوية طبعا و اكيد هلاقيكى بتنامى انا نفسى اقعد معاكى شوية
زهرة ضاحكة و ما انتى كمان هتبتدى تنزلى شغلك اهو بعد كام يوم
سوزان لااا .. مانا اجلتها عشان خاطر ماما عاوزة افسحها
زكريا خلاص .. تعالوا نطلع بكرة الشالية
سوزان بحزم لأ .. ماما مش عاوزة تروح هناك
بدر بتبرير مش عاوزة تقليب مواجع يا ابنى
زكريا بتفهم انا اسف يا خالتى .. ماحسبتهاش مظبوط
يونس خلاص .. شوفى عاوزة تروحى فين و احنا نوديكى
سوزان و هى تتعمد مراقبة رد فعل يونس ماهى قالتلى على اللى نفسها فيه .. بس انا ما وافقتش
يونس باستغراب طب و ليه بس
سوزان بشئ من التحدى عشان انت مش هتوافق
يونس باستنكار و انا مش هوافق انها تتفسح برضة
سوزان لأ .. مش هتوافق على اختيارها للمكان
يونس بفضول و يبقى فين المكان ده
سوزان ماما قالتلى انها نفسها تروح البلد
يونس بانفعال لأ
سوزان بامتعاض مانا قلتلها كده برضة
يونس لبدر اختارى اى مكان تانى و لو اخر الدنيا و انا اوديكى
بدر بتردد و هى تتبادل النظرات مع زهرة التى اومأت لها بالحديث لا يا ابنى خلاص انا بس كان نفسى ازور نور كان نفسى اعرفها انى عايشة و بدعيلها عاوزة اطلب منها تسامحنى انى بعدت عنها عمرها كله و اعرفها انه كان ڠصب عنى و مش بعلمى
لينظر يونس الى بدر بجمود شديد قبل ان يسحب عكازه و ينهض پعنف مغادرا اياهم الى حجرته بالداخل دون اى كلمة
و بعد رحيله تقول سوزان بحزن احنا دوسنا عليه اوى .. مش كده
زهرة يونس لازم يواجه اللى حصل يا سوزى مش البلد اللى موتت نور نور كان ميعادها و مكان مۏتها هناك و ماحدش ابدا يقدر يغير القدر و لا المصير
بدر بدموع انا ماكنتش اعرف ان نور مدفونة هناك غير منكم من شوية لما قولتولى
زهرة انا متاكدة ان يونس هيوافق على السفر
سوزان انا نفسى ان هو كمان يسافر ويانا
زهرة ماهو لما هيوافق .. هو كمان هييجى معانا
سوزان بخشوع يارب
زهرة بحمحمة بقولك يا زكريا
زكريا قولى يا ستى
زهرة تولين و اياد
زكريا باهتمام مالهم
زهرة ماتقلقش كده مافيس حاجة بس يعنى .. انا شايفة انه مش صح ابدا انهم مايشوفوش مامتهم طول الوقت ده
زكريا بفضول هم جابوا سيرتها او طلبوا يشوفوها
زهرة الحقيقة لا بس انا لاحظت ان مع سماعهم لكلمة ماما من اى حد فينا .. نظرهم بيتعلق باللى قالها و عينهم حزينة و انا شايفة انهم لازم يتجمعوا مع مامتهم من وقت للتانى
زكريا بضيق و هو انا هروح اتحايل عليها و اقول لها عشان خاطرى اسالى على ولادك ده انا كنت فاكرها هتعمللى مشاكل الدنيا عشانهم و مش هتسكت لكن اتفاجئت اما لقيتها اكنها ما صدقت و رمت طوبتهم
زهرة طب ماينفعش حد يكلمها و يفهمها
سوزان انا اسفة يا زكريا على اللى هقوله ده لكن لو اى
متابعة القراءة
