كسرة قلبي من 1-8

نور ؟ دا استاذ ماجد مش طايق نفسه من ساعة ما غبتي
نور بإبتسامة انتي بتطمنيني يعني
بادلتها هند الإبتسامة قائلة لا خالص ثم هاتفت رئيسها تخبره بأن نور تريد مقابلته
، اشارت إليها لتتدخل سمت الله ودقت الباب ودلفت داخل الغرفة
وقالت ازيك يا مستر ماجد
ماجد بغضب زي الزفت طبعًا عايزاني ابقى ازاي وانا خسرت اكتر من شغل وعملاء
نور بدهشة ليه خير؟
ماجد عملاء كتير جم عايزين حضرتك الي تعملي التصميم بتاع شركتهم وانتي الي تشرفي عليه
نور بأسف اسفة جدًا لحضرتك بإذن الله هعوض كل الشغل الي راح بسببي
ماجد بجدية اتمنى
نور بكره بإذن الله هكون على مكتبي
ماجد بجدية ممزوجة بالحنق ماشي يا بشمهندسة
تستأذن وتغادر الشركة باكملها
استقلت سيارة اجرة أوصلتها أمام أحد المولات الكبيرة فقالت للسائق ممكن تستناني هجيب حاجة بسرعة واجي لحضرتك
وافق السائق على طلبها ، فذهبت و إختارت أشياء و ألعاب عديدة ،دفعت ثمنها واستقلت ثانيةً السيارة ، لتذهب إلى أكثر مكان تعشقه دخلت مسرعة إلي مكانها المفضل وعندما رأها الأطفال ذهبوا إليها مسرعين ظلت توزع الألعاب والأشياء التي اشترتها من أجلهم وظلت تلعب معهم فهي تعشق براءة وطيبة الأطفال كانت تلعب مع مجموعة منهم وتمسك يد إحدى الفتايات لكن الطفلة تركتها و اتجهت نحو شخص قادم نحوهم و هى تهتف قائلة انكل جاسر ، انكل جاسر جيه
نزل إلى مستوى الطفلة وأخذها بين أحضانه قائلًا بابتسامة انتِ لسا فكراني
طفلة ايوه انا اصلًا بحبك اووي
جاسر انا بحبك جدًا
طفلة فين ابلة ميرنا مش بتيجي ليه وانت كمان مش بقيت تيجي
جاسر بعيون دامعة معلش يا حبيبتي كنت مشغول شوية ثم أردف بمرح تيجي نلعب بقا
طفلة ماشي بس انا بلعب مع نور ، و أشارت إليها رفع أعيونه لتلتقي بأعيونها الزرقاء مثل لون السماء الهادئ ، فأمسك يد طفلة وذهب إليها
قالت نور ازيك يا دكتور؟
جاسر بابتسامة الحمدلله
الطفلة تعالوا نلعب كلنا انا وانت ونور
جاسر نزل إلى مستواها وقال مجددًا لما يكون حد أكبر منك مفروض
تقوليله يا ابلة او يا انط
ردت نور بدلًا منها قائلة هى شطورة وقالتلي بس انا الي مش بحب الالقاب
عم الصمت على المكان فقالت جنى بملل عايزة ألعب
نور بابتسامة بس كدا يلا نلعب ، بس نلعب اية
وضعت يديها على رأسها كأنها تفكر وقالت بطفولية انا اجرى وانتى وانكل جاسر تجروا ورايا
نور وجاسر ماشي
يلا ركضت جنى بطفولية وبسرعة وظلا يجريا خلفها ولكن كان جاسر اسرع منها ولحق بها
فقالت جنى جاسر الي كسب يبقى احنا نجري وراكي
نور بجدية لا مينفعش
جنى بزعل طفولي كدا مش هكلمك انا مخصماكِ
جاسر بجدية خلاص يا جوجو سيبيها براحتها
جنى بزعل لا ما أبلة ميرنا كانت بتجري عادي
نظرت إليه باستغراب وفضول ، من هي ميرنا التى ذكر اسمها مرتين حتى الأن؟ فيبدو أنها قريبة جدًا لجاسر هتفت قائلة خلاص يا حبيبتى يلا نلعب
كانت تركض بسرعة ، و تعمد جاسر أن يركض ببطء حتى لا يلحق بها ولكن كانت خطواته كبيرة فأمسك يديها توقفت عن ركضها والتفتت إليه فترك يديها بسرعة ظلا ينظران لبعضهما البعض بضع دقائق قطعت هذه النظارات
جنى جاسر برضوا الي كسب
جاسر بابتسامة دي حاجة كانت معروفة
نور بتلقائية مغرور اووي نظر لها بتعجب فأدركت ما قالته
لتكمل بأسف اسفة جدًاا
جاسر بهدوء ولا يهمك
جنى بملل انا هروح العب مع صحابي وهاجي تاني
جاسر طب استني ثواني ذهب إلى سيارته وعاد بعد وقت وجيز بحقيبة ناولها لجنى فقالت بفضول ايه الي فيها؟
جاسر بجدية افتحيها وشوفيها
فتحت الحقيبة لتجد بها كراسة رسم كبيرة و مجموعة كبيرة من الألوان هتفت جنى بفرح شكرًا اووي يا انكل
جاسربابتسامة مبسوطة؟
جنى بفرحة اه
جاسر بجدية طب يلا روحي العبي
ذهبت جنى منصاعة لأمره للعب مع أصدقائها نظر إلى نور التي يبدو عليها شرود حرك يديه أمامها كثيرًا ولكن لم تفيق فظل يهتف بصوت عالٍ حتى فزعت من صوته فقالت بحدة في اية؟
جاسر بجدية بنادي عليكي من بدري وانتي سرحانه
نور اه معلش ، ثم اكملت بتساؤول انت بتيجي هنا كتير؟
جاسر مش كتير بس كنت باجى
نور بسعادة انا بحب الأطفال اوووي نفسي يكون عندي طفل ابقى مسئولة عنه
جاسر طب دي سهلة ممكن تتجوزي ويبقى عندك طفل جميل
نظرت إليه بسخرية وقالت ان شاء الله
لمح هذه النظرة في عينيها فحاول أن يغير الموضوع انتي بتشتغلي ايه ؟
نور لحد دلوقتي متعرفش
جاسر بجدية انا معرفش عنك غير ان اسمك نور ، عنيده جدًا ،وبتعشق التشاؤوم ، ومش عايزة تحكي ايه الي مخلي في عيونها نظرة حزن وخوف وتردد
نور بغموض مش لازم تعرف احيانًا بيبقى احسن لو فضل سر في حياتنا
جاسر بجدية انا شخصيًا بعشق الغموض ، بس لازم فوقت احكي ، لو هيضيع حياتي
نور بحدة على فكره احنا مش في جلسة علاج
جاسر بابتسامة طب ما تيجي نقعد علشان انا مش بحب الوقفة
جلسا سويًا على إحدى الكراسي الموجودة قال بجدية على فكره انا مش بتعامل مع أي حد اعرفه اني دكتور انا بتكلم اننا صحاب او معارف
نور بجدية لو كنت اعرف حضرتك مكنتش اتكلمت معاك
جاسر ليه انتي بتكرهي الصحاب؟
نور لا انا اصلًا مليش غير صحاب قليلين ومحدش يعرف اني بتعالج عندك
جاسر خايفة منهم
نور بجدية مش بخاف من حد ، بس مش بحب نظرة الشفقة الي بشوفها
جاسر تعرفي انك اول حد يقولي عايز اتعالج بس من غير ماحكي انا كل الي بيجي ليا بيكون عايز يحكي علشان يرتاح
نور ممكن تقولي عليا حالة استثنائية أو غريبة ، بس صدقني انا لو حكيت ، كل الى بنيته هيتهد وساعتها ممكن اتعب
جاسر يعني انتي مش تعبانة؟
نور تعبانة ،بس واقفة عارفة اشتغل واعيش ، محدش يعرف الي بيحصل ليا
جاسر اية بقا الي انتي بنيتيه؟
نور مش لازم تعرف
جاسر يا ستي عرفيني حاجة من أسرارك العظيمة
نور بتفكير هكسب فيك ثواب واقولك
جاسر يا سلام على كرم اخلاقك
نور بنيت حدود وسدود على قلب مات ، بنيت وش جديد باين عليه قوه وصمود بدل وش تعبان ، بنيت عقل جديد بدل الي كان بيفكر من غير حساب
جاسر واو دا شعر
نور انت بتتريق
جاسر بجدية لا خالص بس ما انتي ممكن بكلمة من حد كل دا يقع زى ما اخر مره كنتي موجوده استفزتك بكلمتين كنتي عايزة تضربيني
نور انا اسفة فعلًا على الي حصل بس انت قولت كلام خلاني مش قاردة اتحكم في نفسي
جاسر خلاص الموضوع خلص
نور مش غريبة تكون دكتور وتتكلم عادي زي ما نكون في العيادة
جاسر باستغراب طب فيها اية؟
نور يعني المفروض تستنى لما اروح للعياده علشان تاخد الفلوس
جاسر بحدة انا مش محتاج الفلوس بتاعتك انا المهم عندي ان المريض بتاعي يرتاح مش مهم أي حاجة تانية
نور بأسف انا مش قصدي والله بس مستغربه من شخصيتك اووي
جاسر انا طبيعي على فكرة
نور مش عارفة انت هادي ولا طيب ولاعصبي و لا شرير ولا اية بالظبط
جاسر عايزه تعرفي حاجة عني؟
نور لا بس مستغربة شوية
جاسر اوك نظر إلى الساعة الانيقة التى تزين معصمه ثم قال الساعة 3 ما تيجي نروح نتغدى
نور بجدية لا شكرًا
جاسر ليه بس انا جعان جدًا ومش بعرف اكل لوحدي
نور كل في بيتك
جاسر مش هلاقي حد فى البيت ، يلا بقا
نور مش جعانة
جاسرلا مباليًا بكلامها انا هدخل للإدارة جوه ودقايق و اجيلك عشان نتغدى
رحل من أمامها دون أن يستمع إلى ردها جاء إليها بعد دقائق معدودة وقال يلا
خرجا سويًا فقالت نور انا هركب تاكسي وحضرتك روح بعربيتك
جاسر بجدية لا هنركب عربيتي
نور بعند لا انا وافقت على الغداء علشان حضرتك لكن انا هركب تاكس
جاسر بجدية اعتبري نفسك في تاكس
وفتح لها باب السيارة الخلفي قائلًا بجدية اركبي
انصاعت لكلامه ، هو جلس على مقعد القيادة و انطلق بها إلى أحد الفنادق الفخمة دخلا إليه وجلسا على إحدى الطاولات الموجودة ظلا يتحدثان لوقت قليل لكن توقف حديثهم عندما سمعت صوته وهو يقول اهلًا يا انسة نور اتسعت أعيونها من الصدمة التي ظهرت بوضوح على معالم وجهها
الفصل الثامن 

إنطلق بها إلى أحد الفنادق الفخمة ، دخلا إليه وجلسا على إحدى الطاولات الموجودة. ظلا يتحدثان لوقت قليل ، لكن توقف حديثهم عندما سمعا صوته وهو يقول اهلًا يا انسة نور. اتسعت أعيونها من الصدمة التي ظهرت بوضوح على معالم وجهها حاولت كثيرًا أن تنطق ولكنها لم تقدر جاهدت كثيرًا حتى أخرجت صوت ضعيف يقول اهلًا يا احمد
احمد بجدية ازيك عاملة اية ؟ مش تعرفينا ولا اية ؟ ونظر إلى جاسر
قال جاسر معرفًا نفسه جاسر.
احمد بجدية اهلًا يا استاذ جاسر ، انا احمد زميل نور.
جاسر اهلا بحضرتك ، اتفضل اقعد مش هنتكلم وحضرتك واقف.
احمد اقعد ، مقعدش ليه . ثم نظر الى نور وقال ولا انتِ عندك رأي تاني ؟
نور بضعف وقلة حيلة اقعد يا احمد ، اقعد. سحب أحد الكراسي وجلس ، نظر لجاسر و قال حضرتك شغال اية ؟
جاسر دكتور.
احمد دكتور اية بقا؟
شعرت وقتها بالإختناق ، أن روحها تخرج من جسدها ببطء مميت ، و لكنها تنهدت بإرتياح عندما سمعته وهو يقول انا شغال اي حاجة في بيتي ، دكتور قلب لوالدتي واحيانًا مدرس فرنساوي و مع صحابي دكتور نفساني واحيانًا كدا بببقى صيدلي .
احمد بسخرية دا انت بتاع كله. جاسر بجدية ظروفي بقى.
احمد بس انت تعرف نور منين؟
ردت بدلًا منه قائلة قريبي ؟
احمد بجدية يقربلك اية يعني؟
نور بحدة وانت مالك انت؟ جي تعمل معايا تحقيق! احمد بجدية تحقيق اية ؟ انا بسال عادى .
نور بسخرية عادي ! ثم أردفت بتساؤول انت جي لوحدك؟
احمد اه اصلي كنت معدي بالعربية ، فلقيت نفسي جعان ، قولت ادخل ودا من حظي الجميل.
نور بصوت منخفض لا وانت الصادق من حظي الزفت.
رغم صوتها المنخفض لكن جاسر سمعها ؛ فنهض و قال بجدية مبسوط اووي اني اتعرفت على حضرتك ، بس للأسف لازم امشي ؛ ثم نظر إليها وقال يلا يا نور.
احمد بجدية لا طبعا مينفعش لازم نتغدا سوا.
جاسر انا اسف بس عندي ميعاد. احمد بجدية والله لتقعد ونتغدا انا حلفت.
نظر إليه بنفاذ صبر لكثرة إلحاحه ، وجلس قائلًا بإبتسمة صفراء بس ياريت بسرعة لأني مستعجل.
احمد بجدية شكلك مش عايز تتعرف عليا؟
جاسر بابتسامة لا ابدًا ، ده انا مبسوط اني اتعرفت عليك.
احمد وانا كمان ، ثم نظر إلى نور وقال تاكلي اية يا نور؟
تجاهلته ونظرت الى جاسر قائله بجدية اطلب ليا يا جاسر لحد ما اجى ؟
جاسر بجدية رايحة فين ؟
نور هروح التواليت بسرعة واجى .
عندما رحلت ، أشار إلى الجرسون وأملا إليه الطلب و فعل مثله أحمد ، عندما غادر قال
احمد بجدية تقرب اية لنور بجد؟
جاسر بهدوء قالتلك قريبها ، فى اية ؟
احمد مفيش ، بس يمكن تكون خطيبها ومش عايز تقول؟
جاسر وحتى لو خطيبها فيها اية ؟ انت مفروض تفرحلها.
احمد بسخرية اه طبعًا ،
ثم قال بجدية بس انا مشوفتكش ساعة نادر.
جاسر كنت مشغول شوية.
احمد اه .. قاطع كلامه الجرسون وهو يضع الاطباق ، بينما جاسر ينظر إلى احمد بإستغراب كان يشعر أن خلفه شيء مهم له علاقة بنور ، قطع تفكيره صوت نور نظر إليها بابتسامة يلا يانور كلي علشان نمشي
نور حاضر
نظر كلاهما إلى الأطباق التي أمامهما . ظلت نور تلعب فى الطبق الخاص بها ، ولم تأكل شيء. لاحظ جاسر ما فعلت ولكنه تجاهل الأمر ، أما احمد فقد تقرب من أذنها وهمس قائلًا انا سديت نفسك ولا اية؟ ولا وحشك اوووى نادر وهو بيأكلك؟ ضربت بالملعقة على الطبق بشدة حتى لفتت أنظار الجالسين من حولها ،
نظر إليها جاسر بغضب قائلًا بجدية خير يا نور فى اية ؟
نور بتعب يلا نمشي لأني تعبانة اووي ، نطقت بتلك الكلمات ، و أخذت حقيبتها ورحلت من المكان فورًا.
شعر جاسر بالإحراج من تصرفها ، فقال بإسلوب لبق أنا اسف جدًا بس شكلها تعبان ، و مبسوط جدًا أني اتعرفت عليك .
اخرج بعض النقود من جيبه ، و وضعها على الطاولة ؟
فقال احمد لا طبعًا انا الي عازم .
جاسر بابتسامة انا وانت واحد ، بعد ازنك . خرج بين نظرات أحمد الحائرة و التي ترجمت إلى كلمات وراكِ سر يا نور ، اخلص بس من الي ورايا و افوق لك
.................................................. .............................................
مجموعة من الفتيات في مقتبل اعمارهن يقفن عند إحدى المكتبات لتصوير بعض الأوراق يضحكن تارة ويتكلمن تارة آخرى، يأتي نحوهن شاب وسيم جدًا ، يركز نظره نحوها ويهتف قائلًا ريم بعد ازنك ثواني
اتسعت اعيونها و الخجل قد إحتل معظم وجهها حاضر
ابتعد عنهن قليلًا و سارت هي خلفه قالت بغضب انت ازاي تيجي لحد هنا؟
الشاب اهدي شوية انا كنت عايز اتكلم معاكِ
ريم بغضب تتكلم في اية؟ انا اعرفك اصلًا ، انا لحد دلوقتي معرفش حتى اسمك.
الشاب بابتسامة عادي ، اسمي يوسف.
ريم بحدة ميشرفنيش اني أعرف اسمك ، ياريت يا استاذ يا محترم ، تبعد عني ومتحولش تتكلم معايا تاني
يوسف بجدية انا عايز اتعرف عليكِ علشان لو كنا مناسبين لبعض اتقدم ليكِ
ريم بغضب انا ولا فاضية ولا تافهة ؛ علشان اضيع وقتي معاك ، وبعدين تتقدم لمين واحد معرفش سنه أصلًا و لسه بياخد مصروفه من اهله ، ميعرفش حتى يشيل مسئولية نفسه ، هيشيل مسئوليتي .
يوسف انا راجل واعرف اشيل مسئولية بيت كامل.
ريم بسخرية راجل ! انت مفهوم الرجولة عندك اية؟ انك تعمل الي انت عايزه وتبقى اسمك راجل ، لو انت راجل زي ما بتقول كنت اعتبرتني زي اختك و مجتش أحرجتني قدام صحابي ، ممكن دلوقتي يكونوا بيتكلموا عليا كلام زي الزفت بسببك ، لو انت راجل كنت ركزت فى دراستك و مستقبلك.
يوسف انتِ متعرفنيش ، صدقينى انا مش عايز العب بيكِ ، انا عايز اتعرف بس علشان متقدمش ليكِ و نطلع مش متفهمين بعض و ساعتها هنفسخ خطوبتنا.
ريم بسخرية اولًا ، انت اصلًا فاكر اني ممكن اوافق عليك ، ثم قالت بجدية
ثانيًا انا لسا ورايا حاجات كتير اووي ، دراستي ومستقبلي اهم حاجة عندي .
يوسف انا مش هعطلك ابدًا صدقيني .
ريم وانا مش مستعدة اخاطر بسمعتي و أخون ثقة اهلي الي ادوهالي عشانك ، انا اصلًا قبل ما انزل من نظر الناس ، هكون نزلت من نظرى انا ، ودي حاجة انا مستحيل اقبل بيها ، ابعد عني بقى ، لاني ممكن اعمل ليك مشاكل كتير .
يوسف هستحمل اي حاجة ، بس اعتبريني صاحبك زي اي حد في المدرسة.
ريم بجدية انت مش بتفهم بجد!
يوسف بحدة انا مستحمل طولة لسانك من بدري وساكت ، لكن أكتر من كدا مش هسمحلك.
ريم انا الي مش هسمح لنفسي اني اضيع وقتي او اطول لساني على حضرتك ، انا هقولك كلمة اخيرة ، لان لو الى حصل انهارده ده اتكرر تاني ، صدقني مش هعديها ، انا مش واحده عايزه تسمع كلمتين حلوين من حد و لا واحده عايزه ادور على الاهتمام بره بيتي ، انا متربية وعارفة يعني ايه كلمة ثقة ، عارفة معناها كويس اووي ، بعد ازنك.
رحلت من أمامه ، فشعر وقتها بالغضب ولكنه شعر بالإعجاب أيضًا من شخصيتها وتربيتها. .................................................. ................................................
تقف سانده ظهرها على السيارة ، و يبدو على وجهها معالك الغضب و الحزن ؟ اشفق عليها كثيرًا ، لكن لم يظهر لها ذلك ، ولم يسألها فهي الأن في أضعف الأحوال و أقوى و أكبر أنواع الحزن ؟ 
قال لها انا اسف جدًا لو قولتلك نور من غير انسة .
نور بهدوء وانا كمان اسفة لاني قولتلك جاسر .
جاسر بابتسامة عادي انا اصلًا مش بحب اللقاب ، ممكن بقا تقوليلي جاسر.
نو بجدية وانا بحب الألقاب واحب اوووى اسم الانسه نور او البشمهندسة نور؟
جاسر بحرج اسف ، اركبي يا انسة نور علشان اوصلك؟
استقلت السيارة ولكن في المقعد الخلفي كما جاءت ، وعم الصمت على سيارة 
.................................................. ...........................
كان يجلس في الغرفة وأمامه الحاسوب الخاص به يتابع أهم الأخبار المناسبة لعمله أحضرت له ما طلب وقالت حسام اتفضل نسكافيه اهو .
حسام ببرود حطيه في اي حته؟
فعلت ما طلب وجلست على الكرسي الموضوع أمامه وظلت تنظر إليه بتردد وخوف حاولت التغلب عليه كثيرًا لتقول حسام عايزة اتكلم معاك
وضع اللاب بجانبه ونظر إليها ببرود قائلًا اتفضلي
أروى بجدية انا مبقتش استحمل العيشة دي ، بقيت بتعاملني بجفاء وبرود ، وانا طول اليوم قاعده فاضية ، انا تعبت بجد.
حسام بجدية تصرفاتك هي الي وصلتنا لكدا.
اروى وانا غلطت واعتزرت بيك ، انت ليه مش راضي تسامح.
حسام بحدة لما يجيلي مزاج أسامح هبقى اسامحك.
اروى بحدة مماثلة ومزاجك دا هيبقى امتى ان شاء الله ، بعد 100سنة
حسام بجدية اتعدلي في الكلام يا اروى !
اروى بحدة طب انا عايزه ارجع شغلي. حسام الموضوع دا اتقفل ومش هتكلم فيه تاني.
اروى وانا عايزه اتكلم.
حسام مش هترجعي شغلك ، علشان تبطلي كلام في حاجة تافهة .
اروى بغضب شغلي حاجة مهمة مش حاجة تافهة ، دا مستقبلي واهم شيء في حياتي.
حسام طب يا اروى ، انتِ عايزه اية دلوقتي ؟
اروى بغضب وصوت عالٍ عايزه ارجع شغلي.
حسام وانا قولت لا ، ثم قال بجدية ولو عايزه تخبطي راسك في الحيط ، اخبطى ! علشان انا اتخنقت منك
ثم وقف و ترك لها الغرفة. ضحكت بسخرية وقالت عمرك ما هتتغير !
كل يوم فى الزواج من الممكن أن يقترب الزوجان من بعضهما ، من الممكن أن يتفاهما لكن في هذا البيت ، كل يوم يُؤكِد ، أن زواجهما لم يكن سوى غلطة اقترفاها ، فكانا يظنان أن الحب يمكنه التغلب على عيوب كلا منهما ؛ فالحب شيء جميل هوأسمى شيء في الوجود ، لكن عندما يكون حقيقي ورباط الحب هو الألفة والمحبة والتفاهم .. بالتفاهم يمكن أن نبني بيت والحب يثبته أكثر . فى هذا البيت يوجد رجل من الأصول الشرقية الأصيلة التي تفكر بطريقة رجعية ليست متحضرة ، تفكيره لا يتناسب مع العصر الحالي
.................................................. ........................................
أوصلها إلى بيتها ، و ذهب إلى بيته هو الأخر، اطمأن على والدته واخته وذهب إلى غرفته. أخذ حمامًا دافيء ، و بدل ثيابه . جلس على سريره وهو يفكر في ما حدث اليوم ، فقد تأكد أن خلف الشخص الذى قابله اليوم سرًا له علاقة بماضي نور ، و يبدو أن لنور ماضٍ مؤلم ، جعلها تُغير الكثير من عاداتها. فهو متأكد أن خلف هذا الجبروت والقسوة ، فتاة بريئة طيبة تملك حنان بالغ ، فهي تشبه الزجاج في بريقه ولمعانه ، وتشبهه في حدته عندما يقترب منه أحد ، هي تحتاج من يدفعها لكي تنكسر ، فهي تبني جدارًا عالٍ ، لكنه مبني بالزجاج ، بدفعةٍ واحدة سوف يتكسر ، فهي تحتاج لأحد ليدفعها. ظل يتذكر ابتسامتها و لعبها مع الأطفال ، لكنه طرد هذه الأفكار من عقله ، قائلًا بجدية دي مريضة زي اي حد عندي ، بلاش الاهتمام الزايد دي ، ميرنا هي اهم حد في حياتي. 
نهض واتجه نحو درج الكومودينو ، و اخرج منه ميدالية بشكل مميز ، تحتويي على مفتاح واحد أخذه و اتجه نحو الغرفة المجاورة ، لغرفته وفتحها ، ضغط على أحد مفاتيح الكهرباء ، لتضيء الغرفة بنور مميز. نجد غرفة ذات ذوق رفيع أخذ كتاب من المكتبة المخصصة له وهو يتذكر
فلاش باك
كان يجلس في حديقة منزله ، اتجهت إليه مسرعة و أمسكت يديه ، ثم ظلت تركض وهو يركض خلفها بسرعة حتى دخلت إلى إحدى الغرف .
فقال جاسر بتنهيدة فهميني بقى انتِ جاية الاوضة دي ليه؟
نظرت إليه بابتسامة انت ليه مخلي الاوضة دي مكركبة كدا ومش عايز حد يروقها؟
جاسر بجدية فيها كل حاجة خاصة بيا وموجود فيها كتب كنت بحب اقرأها.
قالت بحماس شديد وانا عجباني ألوان الأوضة اووي ، ممكن نوضبها ونخليها اوضة للكتب وللعبادة ، و لما حد يكون مضايق من حاجة ، يجي هنا يصلي فيها ويرتاح و لو كنا زعلانين من بعض ، نتعاتب فيها ؛ احنا ممكن نخليها مميزة و ممكن نحط فيها الحاجات الخاصة بينا ، انت بس قول اوك وانا هغير الاوضة خالص
ابتسم لها ابتسامة واسعة قائلا انا منيفعش اقول غير حاضر ليكِ اصلًا ، ربنا يخليكِ ليا يا اغلى حاجة ليا في الدنيا.
باك
ظل يتأمل الصورة المعلقة على الحائط ، فتاة غاية في الجمال ، وجهها اذا رسمه فنان لن يجد بمثل هذا الجمال والذي اظهر جمالها هو براءة أعيونها سمع صوت أخته ؛ فقال بجدية في اية يا ريم؟
ريم بحنق فيه ضيوف تحت ؟
جاسر بتساؤل مين؟
ريم بجدية انزل شوف ، ورحلت من أمامه نظر إليها باستغراب ثم أغلق أنوار الغرفة ، و هبط إلى الطابق السفلي ، وذهب إلى غرفة الصالون . ليجد هذا الشخص أمامه ، فيقول بجدية واضحة ازيك يا جمال بيه؟