كشفته 2الاخير
قفلت السكة وبصيت لعصام بنظرة خلت ركبه تخبط في بعضها. أنت مش بس خاين يا عصام.. أنت تاجر بشر. بعت بنتك عشان تسدد ديونك وتبني حياتك القذرة مع هبة وغيرها.
فتحت الخزنة، أخدت الباسبورت بتاعي، والدهب اللي كنت مخبياه، وكل الفلوس الكاش اللي في البيت.
أنت هتعملي إيه؟ سألني وهو بيحاول يمنعني.
هسافر أجيب بنتي.. وأنت، قسماً بالله يا عصام لو حاولت تمنعني أو تبلغ عني، لهتكون ليلتك الأخيرة في الدنيا دي قبل ما تدخل السج . ن.
نزلت من البيت وجريت على المطار. طول الطريق كنت حاسة إن نور بتنادي عليا. مكنتش بفكر في هبة، ولا في الشقة، ولا في الفلوس اللي ضاعت. كنت بفكر في الطفلة اللي عندها 7 سنين، اللي متعرفش إن أمها الحقيقية لسه بتبكي عليها كل ليلة قدام صورتها وهي بيبي.
وصلت لندن، الدنيا كانت برد ومطر، بس الن ار اللي في قلبي كانت مدفياني. وصلت للعنوان اللي سارة الممرضة بعتتهولي.. بيت هادي وجميل، بس ريحة الوجع طالعة من جدرانه. خبطت على الباب، وفتحت لي بنت صغيرة..
عينيها.. نفس عيني، نفس رسمة الحواجب، ونفس الشامة الصغيرة اللي جنب ودنها. البنت بصت لي باستغراب وقالت بالإنجليزية Can I help you? أقدر أساعدك؟
د موعي نزلت غصب عني، نزلت
البنت خافت ورجعت لورا، وفي اللحظة دي طلعت نادية من جوه على كرسي متحرك، وشها كان شاحب كأنها جثة.
بصت لي وقالت بضعف جيتي يا سلوى؟ كنت عارفة إن عصام هيغلط في يوم ويخليكي توصلي لنا.. خدي بنتك وامشي، أنا خلاص بموت، والسر ده كان بياكل في قلبي.
أخدت نور في حضني، البنت كانت مستغربة بس حست بدفا غريب خلاها تسكت. كنت فاكرة إن الحكاية خلصت هنا، وإني هرجع ببنتي ومنصور على عصام.. بس فجأة، الباب اتفتح ودخل عصام!
مكنتش عارفة إزاي وصل هنا بالسرعة دي، بس نظرة عينه مكنتش نظرة أب جاي يتوب.. كانت نظرة واحد ناوي على شر.
فاكرة إنك هتاخديها وتمشي ببساطة كدة يا سلوى؟ صرخ عصام وصوته هز جدران البيت. البنت دي هي اللي رابطة نادية بيا، وهي اللي مخلية الحسابات والفلوس باسمي هنا.. لو مشيت، نادية هتقفل الحنفيّة، وأنا مش هسمح لده يحصل.
بصيت له بقرف ملوش حدود أنت لسه بتفكر في الفلوس؟ بنتك قدامك، لحمك ود مك، وأنت بتفكر في الحسابات؟ أنت إيه؟ صنفك إيه؟
نادية حاولت تتكلم، بس الكحة كانت بتقطع نفسها. شاورت لعصام بإيد مرعشة وقالت بصوت طالع بالعافية كفاية يا عصام.. البنت من حق
عصام اتجنن، قرب من نادية وزق الكرسي بتاعها لدرجة إنها كادت تقع، وصرخ فيها اسكتي أنتِ خالص! أنتِ اللي أغرتيني بالفلوس، وأنتِ اللي خلتيني أعمل كدة.. ودلوقتي جاية تعملي فيها ولية تقية؟
نور بدأت تصرخ وتعيط، مسكتها وحضنتها أوي وقلت لها بالبلدي بتاعنا متخافيش يا نور.. أنا جنبك، مفيش حد هيلمسك طول ما أنا فيّ نفس.
عصام طلع من جيبه ورق، ورماه في وشي دي أوراق رسمية بريطانية تثبت إن ليلى نور بنت نادية، وإن مفيش أي ع لاقة تربطك بيها قانوناً.. لو فكرتي تخرجي من الباب ده، هبلغ البوليس إنك خاطفة، وهتترمي في السج . ن وتترحلوا والبت هتفضل هنا.
ضحكت بمرارة وطلعت تليفوني والتجيل اللي سجلتهولك في الصالة في مصر وأنت بتعترف ببيعك لبنتك؟ والفويسات اللي بعتتها لنادية بتساومها فيها على مصاريف البنت؟ كل ده ملوش قيمة؟
عصام وشه جاب ألوان، وبدأ يهجم عليا عشان ياخد الموبايل. في اللحظة دي، نور سابت إيدي وجريت على المطبخ، ورجعت وهي شايلة سكينة صغيرة كانت محطوطة على الرخامة. وقفت قدام أبوها وهي بتترعش بس عينيها كانت كلها غض . ب Leave her alone! Go away! سيبها في حالها!
المنظر كان يقطع القلب.. طفلة بتدافع عن أمها اللي لسه عارفاها من ساعة، قدام أبوها اللي باعها من سنين. عصام اتصد م، وقف مكانه وكأن خن جر دخل في قلبه بجد المرة دي.
نور.. أنا بابا يا حبيبتي.. قالها بصوت مكسور.
ردت عليه بنظرة كلها كره You are not my father.. My father doesnt make my mom cry. أنت مش بابا.. بابا مش بيخلي ماما تعيط.
عصام وقع على الركبة، وبدأ يلطم على وشه كالمجانين. ونادية كانت بتنازع أنفاسها الأخيرة على الكرسي. في اللحظة دي، سمعنا صوت سارينة بوليس بتقرب من البيت..
بصيت لعصام وقلت له الممرضة سارة هي اللي بلغت.. واللعبة انتهت يا عصام. يا تخرج من هنا وتختفي من حياتنا للأبد، يا إما السج . ن في انتظارك بتهمة الاتجار بالبشر.
عصام قام جرى وخرج من الباب الخلفي للبيت زي الفار المذعور. البوليس دخل، وسارة الممرضة كانت معاهم. أخدت نور في حضني، وغمضت عيني وأنا بحس بدقات قلبها.
بس وأنا خارجة من البيت مع البوليس عشان نخلص الإجراءات، شفت عربية سودة واقفة بعيد، وفيها شخص أنا عارفة ملامحه كويس.. هبة!
نزلت من البيت والكل. .بشات كانت في إيد نادية وهي بتترحل للمستشفى تحت حراسة، وسارة الممرضة ماسكة إيد
