رواية ادم الفصول من 29_31
المحتويات
نتخطب
ابتسم آسر
حدديلى ميعاد مع باباكى
تمام
انا بحبك اووى يا سما ومبسوط
قاطعته سما
أجل الكلام ده لما تبقى كل حاجة رسمى
ع راحتك
مع السلامة
سلاااام
تنهدت سما وشعرت بالضيق وهى تنظر للهاتف بينما كان آسر يشعر بالسعادة ثم قام بإرسال رسالة إلى آدم
خطوبتى انا و سما إن شاء الله هتبقى فى اقرب وقت وقررت تبقى انت اول المعزومين
وصلت تلك الرسالة إلى آدم وظل ينظر بشدة للهاتف ٠٠
الحلقة الواحد والثلاثون
ظل أدم ينظر للرسالة وهو لا يصدق ما تقرئه عيناه حقا سما وافقت على ذلك المعتوه وحدث نفسه قائلا
يعنى ايه !! سما وافقت عليه !!! طب ازاى ازاى يعنى تسبنى وتوافق ب أسر !!!
كانت نهال تجلس فى غرفتها تبكى لأنها تشعر بأنها لا تريد أن تترك إياد ولكن يجب أن تتركه فهى لا تريد أن تجعله يتألم فى تلك الأثناء أستمعت لصوت هاتفها وجدت ان المتصل أمجد رفعت حاجبها ولكنها
اجابت
الو
ازيك يا نونا
الحمد لله انت عامل ايه
كله تمام الحمد لله بس عاوزك فى موضوع
موضوع !!
اه ياااريت نتقابل بكرة إن شاء الله بعد الشغل عندى
خير فى حاجة !
أبتسم أمجد بمرح ثم قال
ايه يا نونا مش عاوزة تشوفينى ولا ايه
لا مقصدش بس
مبسش بكرة إن شاء الله الساعة 4 فى مطعم تمام
تمام
يلا تصبحى ع خير
وانت من اهله
وظلت نهال تنظر للهاتف وهى لا تفهم شئ لما يريد أن يحدثها !! ٠٠
بينما كان إياد يجلس فى غرفته على الفراش فسمع احد ما يطرق باب غرفته فقال
ادخل
دخلت يسرية فنظر لها إياد
ماما لو جاية تقوليلى اى حاجة ع نورا او اروح اعتذر ليها فانا مش ليا دماغ للكلام ده
أبتلعت يسرية ريقها ثم قالت
لا بس جاية اشوفك عملت ايه مع نهال !
أبتسم بسخرية ثم قال
اطمنى ٠٠ مش عاوزنى ابقى معاها اصلا خاېفة ټموت وتسبنى فقررت تدورلى على عروسة ٠٠ ايه هتدورولى سوا ع عروسة
قال كلمته الأخيرة بسخرية فشعرت يسرية بالضيق فقالت
طب انا عاوزة اشوفها
ايه !
هزت كتفاها بلا مبالاة
عاوزة اشوف نهاال فيها ايه دى !!
ليه هتقوليلها كلام يضايقها ! ولا هتشجعيها تسبنى اكتر
عاوزة اطمن عليها
أبتسم إياد بسخرية ثم قال
من امتى !
يووووووه هى معملتليش حاجة وحشة ٠٠ كل الموضوع انى زى أى أم خاېفة على ابنها وعاوزة اجوزه احسن بنت وتكون متربية مدتش فرصة ليها اه بسبب انى مبحبش امها
نظر لها إياد بشك ثم قال
ماما مش هتقوليلها كلمة تضايقها
قولتلك لا
خلاص هبقى اخليكى تشوفيها إن شاء الله
ماشى
فى الصباح ٠٠
لم ينم آدم طوال الليلة الماضية كان ينتظر سما فى مكتبها بفارغ الصبر ظل يسير فى المكتب ذاهبا وإيابا حتى سمع صوت الباب يفتح إلتف لكى يرى سما نظرت له سما فبادرها بنظرة صامتة ينظر فى عيناها بقوة كأنه يؤنبها على ماحدث يقول لها بعينه لماذا فعلتى بى ذلك لماذا تتركينى ! لماذا وافقتى على شخص مثل آسر الكثير من التساؤلات تملئ عينه فأبتلعت سما ريقها ونظرت ﻹسفل فقرر آدم ان يتكلم
ليه يا سما
ليه ايه !
صمت قليلا ثم تحدث
ليه وافقتى ع آسر
انا حرة وبعدين عرفت منين
تفتكرى منين البيه بعتلى رسالة عشان يغيظنى وېحرق دمى
ابتلعت سما ريقها
انا مليش دعوة بشغل العيال بتاعكوا ده كل واحد يغيظ التانى شوية
اقترب آدم منها ومسك يدها فى عڼف وبقوة
انتى خلاص اتجننتى بتوافقى عليه ليه ! يفرق هو عنى ايه ماهو صايع وبتاع بنات وكان مراهنى عليكى برده
نطرت سما يده بقوة
انت اټجننت ولا ايه ازاى تسمح لنفسك
زى ما سمحتى لنفسك تكسرى قلبى
ابتسمت سما بسخرية
ياما عملت فى بنات كتير كده جرب من افعالك
قولتلك بحبك ومظلوم يمكن اه فى الأول كنت واخدها رهان بس بعد كده حبيتك بجد مش معقول تكونى محستيش !
تحدثت سما ببرود
انا قولتلك لو اتكلمت تانى فى الموضوع ده هسيبلك الشركة
هتخرجى من الشركة زى ما خرجتى من حياتى
يوووه ده مش اسلوب عن أذنك
استنى هنا
اعتبرينى مستقيلة
زعق آدم فى وجهها
قلت استنى
شعرت سما بالخۏف من قوة صوته فتابع آدم
متنسيش أن فى شرط ميسمحلكيش تمشى قبل سنتين ولا مقرتيش العقد
رفعت سما حاجبها
هتسجنى مثلا ولا أيه مش ٠٠
قاطعها آدم
ده كان شرط وأنتى قبلتيه
عوجت سما فمها
ماشى يا آدم
وضع آدم يده فى جيبه ونظر لها بقوة
افتكرى انى حاولت افهمك بهدوء بس انتى رفضتى وافتكرى انك خونتى قلبى ومع واحد ميستهلش وانتى ضيعتى اى شئ بينا بتصرفك المتسرع ده وبالنسبة للكلام تانى فى الموضوع ده مش هنكلم ارتاحى خليكى فى شغلك وبس اقعدى ع مكتبك
تركها آدم ودخل داخل مكتبه وهو يشعر بالڠضب بينما زلت هى تنظى له وهى تشعر بمشاعر مختلطة ٠٠
وفى الظهيرة كانت نهاال تجلس مع سمر فى منزلها وقد قصت عليها ما حدث نظرت لها سمر بحزن
إن شاء الله هتتعالجى يا نونا الطب اتقدم إن شاء الله هتخفى وهيكون الموضوع بسيط
اللى ربنا عايزه هيكون وانا مش معترضة
ونعمة بالله
بس انا جيالك عشان حاجة تانية
خير يا قلبى
ايه رأيك فى إياد
ابتسمت سمر
ودى محتاجة رأيى اى حد ده مز وحيلاوة قمرين كده مش قمر واحد
ابتسمت نهاال ابتسامة هادئة ونظرت لأسفل
طب ايه رأيك ترتبطى بيه
.
فتحت سمر فمها وظلت تنظر ل نهال بشدة وهى لا تصدق
افندم !!
اللى سمعتيه يا سمر
اللى هو ازاى بقى
بصى يا ستى انا اتفقت مع إياد انى هنفصل عنه بسبب مرضى
وهو وافق بالسهولة دى !
فى الأول اعترض بعد كده قولتله انى هشوفله واحدة غيرى يرتبط بيها
لا انتوا مجانين رسمى
ايه رأيك
رأيى فى ايه ! طب هو بياخدك ع اد عقلك عاوزنى اعمل زيه بطلى هبل يا نهال
عموما هسيبك تفكرى انا مضطرة انزل عشان كمان شوية عندى ميعاد مع أمجد
ارتبكت سمر قليلا
امجد !!! هو انتوا لسه بتتقابلوا
ابدااا وهبقى بفضل اقابله ليه بس كل الموضوع انه اتصل بيا امبارح وقالى انه عاوز يقابلنى عشان هيكلمنى فى موضوع مهم
شعرت سمر بالضيق قليلا
اهااا قولتيلى
فى تمام الساعة الرابعة كانت نهال تنتظر أمجد فى المطعم المتفق عليه وحينما وصل أمجد ابتسمت له ابتسامة خفيفة فبادلها البسمة وقال وهو يسحب المقعد ليجلس امامها
وحشتينى يا نونا
ابتسمت قليلا
انت عامل ايه
الحمد لله وانتى
الحمد لله كله تمام خير كنت عاوزنى فى ايه !
ع طول كده
مبحبش اضيع وقت
ابتسم قليلا
سمعت انك انتى و إياد هترتبطوا
نظرت له بشدة
هنرتبط ! لا محصلش
تتهد أمجد
إياد حكالى كل حاجة
حكالك ايه
كل حاجة يا نهاال انتى ازاى تفكرى تبعدى عنه بالسهولة دى لو هو اللى كان تعبان يعنى كنتى هتبعدى عنه وتسبيه بالسهولة دى !!
انتوا مش حاسيين بيا
لا والادهى انتى كمان بتدوريله ع عروسة !!! انتى مچنون يا بت انتى
عااارف قلت ل سما بس رفضت
انتى مچنونة رسمى بقى !!
وايه يعنى هو مش معترض هو عاوز يرتبط مش مهم مين بقى
مين قالك كده !!! انتى وجودك فى حياة إياد غيره كتير متغيرش بسبب انه معجب يعنى ده بيحبك فعلا
مستحييل !! انا حتى لسه جاية من عند سمر وفاتحتها
نظر لها أمجد بشدة
افندم !! مييين !
سمر اهااا يظهر انك نيستها فااكر صاحبتى اللى يوم ما انفصلنا كانت قاعدة معانا اللى قعدت تقولك يا ميجو
عض أمجد شفتاه ثم قال
فاااكرها
هى قالت انها هتفكر فى انها ترتبط بيه
ابتلع أمجد ريقه
ليه هى مش مرتبطة اصلا !
سمر مرتبطة !!!! لا طبعا دى عاشت طول حياتها فى امريكا زيى ولسه راجعة من اسبوعين ملحقتش ترتبط بحد
اهاا عموما شيلى الموضوع ده من دماغك انا مش فاهم هى ازاى توافق انها تفكر حتى ترتبط ب إياد وانتى صحبتها
انا اللى ضغطت عليها هى كانت رافضة قولتلها هسيبك يومين تفكر
انا قلت اللى عندى اللى بتعمليه ده غلط
تنهدت نهال
كله لمصلحة إياد
لينا كلام تانى يا نهال ٠٠ انتى دماغك ناشفة
بينما كانت سما فى المنزل دخلت غرفة والداها فنظر لها عادل بضيق
ممكن اعرف بقى سبتى آدم ليه !
تنهدت سما
انا جيالك عشان موضوع تانى فى شاب عاوز يتقدملى ويشوف حضرتك
ياااه بالسرعة دى !!! انتى مش بقالك كم يوم فاسخة
ابتسمت سما ابتسامة باهتة
احنا فى عصر السرعة يا بابا
افهم برده سابتى آدم ليه
اخلاقه مش كويسة يا بابا وانا تعبت معاه مش عارفة اغيره
نظر لها عادل بشدة ورفع حاجبه
آدم !! مستحيل ٠٠ وانتى وافقتى ع اللى متقدم ليكى ده عشان تغيظيه
مش مهم وافقت ليه
لا مهم يا سما انتى كده بترمى نفسك ٠٠ وانا مش هسمحلك بده مش عشان واحد مش كويس يبقى اى حد ترتبطى بيه
إجابته سما ببرود
الحب بيجى بالعشرة ومسيرى اتجوز مش هتفرق بقى مين انا عاوزة اروح انام شوية يا بابا انا تعبانة
نظر لها عادل وهو يشعر بالضيق ولكنه تركها وقرر أن يحدثها فيما بعد
بينما كانت سمر تجلس فى منزلها وهى تقضم اظافرها بتوتر وهى تحدث نفسها
يعنى عمال يلف ويدور حواليا وبرده بيكلم نهال انا مش فاهماه يا ترى بيكلموا فى ايه وبيقولوا ايه وهو كان عاوز يقابلها ليه ! هتجنن ٠٠ وبعدين هتجنن ليه اصلا قولى ورايا يا سمر هو ولا حاجة !! ايوة هو ولا حاجة ٠٠ هو بيقولها ايه !!
فى المساء اتصل إياد ب نهال حين رأت نهال رقمه ابتسمت فقد كانت تفتقده طوال اليوم فأجابت مسرعة
السلام عليكم
وعليكم السلام عاملة ايه يا نهال
الحمد لله كله تمام
ياااارب دايما
انت اخبارك ايه
الحمد لله
انا النهاردة خرجت
مع أمجد
فعوج إياد فمه
اهاا كانت خروجة حلوة بقى
اهااا جداااا
عض إياد شفتاه ولم يتحدث فتابعت نهال
وكلمت سمر وقالتلى هفكر
تنهد إياد
لا سيبك من سمر
ليه مشكلتك معاها ايه !!
بس فى واحدة عجبانى اكتر !
شعرت نهال بالغيرة ثم قالت
مين دى بقى !
نورا جميلة وشيك وبنت ناس ومليانة مميزات
شعرت نهال بالڠضب
لا يا إياد كله الا دى
اشمعنا !! انتى مش يهمك سعادتى
وهى سعادتك بقى مع نورا !
اه تعرفى بتهتم بيا جدا لما روحت النهاردة لاقتها قاعدة مع ماما وحضرتلى الغدا حسستنى كده بالأهتمام والحب
عضت نهاال شفتاها
انت بتقول كده عشان تغظنى
اغيظك !! طب ليه ما انتى اصلا عاوزنى اتجوز غيرك
غيرى وغير نورا
بس انا تعجبنى نورا وواثق انك انتى هتحضرى خطوبتنا قريب لأنك بتحبينى وتتمنى ليا السعادة
نزلت دمعة من عيون نهاال
انت بتحبها بقى
شعر إياد بصوت بكائها وصمت قليلا وشعر بالضيق الشديد فتابعت نهاال
رد عليا بتحبها
أخذ إياد نفس عميق ثم قال
بحبها اوووى بس هى اللى فرطت فيا مش انا
صمتت نهاال للحظات
لو كان العكس يا إياد كنت هتعمل اكتر من
يا نهال افهمى مش عاوز غيرك اقولها ليكى بأى لغة مش هسيبك ٠٠ افهمى ده كويس
أبتلعت نهال ريقها ثم قالت
لو هتتبسط مع نورا انا هبقى اول المعزومين
انتى فاهمة انتى بتقولى ايه !
نزلت دمعة من عيونها
مبروووووك يا إياد
شعر إياد بالڠضب واغلق الهاتف بينما ظلت نهاال تنظر للهاتف وهى تبكى بشدة ٠٠
بينما كان آسر يتصل ب سما نظرت سما للهاتف وزفرت بضيق ثم اجابت على الهاتف بصوت مرتفع
الوووو
وحشتينى
وبعدين بقى يا آسر قولتلك مبحبش الطريقة دى وبعدين مش المفروص تكلمنى لحد ما الخطوبة
ليه كل ده
انا عاوزة كده وده اللى المفروض يحصل
طب عاوز اعرف حاجة ٠٠ لسه بتحبيه
وده يهمك فى ايه
يهمنى طبعا انتى المفروض تكونى بتحبينى انا
انتوا ايه انتوا الاتنين كل واحد فيكوا عاوزنى احبه ومبصش للتانى لا انا حرة واعمل اللى يعجبنى انا مش لعبة فى ايد كل واحد يتحكم بيها وهو ماسكها
انا بس بغير عليكى
انا عاوزة اقفل لو سمحت لأنى عاوزة انام
ماشى يا سما بس كلمتى باباكى
اه ومنتظرك بكرة إن شاء الله الساعة 6
ابتسم آسر
تمام يا حبيبتى
نفخت سما ثم اغلقت الهاتف وظلت تبكى بشدة وذهبت إلى المرأة وجلست على المقعد الذى امام المرآة وظلت تبكى بشدة وپحرقة ثم قامت بفتح درج بجانب المرآة واخرجت منه سلسلة عليها حرف A وظلت تنظر لها بشدة وهى تبكى ثم قامت بإرتدائها ووضعت يدها عليها وهى تقول بصوت خاڤت
كنت حابة اعلق اول حرف من اسمك ع قلبى بس طلعت متستهلش يا آدم
فى الصباح ارتدت سمر ملابسها لتذهب للعمل فى اول يوم لها كانت تشعر بالسعادة استقلت سيارتها وذهبت إلى حيث مقر عملها ودخلت مكتبها وجدت فى الداخل أمجد ينتظرها ظلت تنظر له بشدة
خيير يا استاذ أمجد فى حاجة
اه انا جيالك هنا مخصوص بخصوص نهال
نفخت سمر
بطل بقى تتلكك ب نهال انا مش عارفة انت عاوز ايه منى انت لسه مقابل نهال امبارح اعتقد ان اخبارها عندك مش عندى
واعتقد انك مش صاحبة كويسة
نظرت له سمر بشدة
انت بتقول ايه !
اقترب منها أمجد
بقول حقيقتك لما واحدة تعرف ان صاحبتها مريضة واستغلت مرضها عشان ترتبط بحبيبها يبقى متستاهلش تبقى صاحبة
مين قالك كده
كونك توعيدها بإنك هتفكرى بموضوع ارتباطك ب إياد ده يدل انك مش كويسة
شعرت سمر بالڠضب
انا بهاودها باخدها ع اد عقلها بس ده مش معناه ابداااا انى هفكر حتى ابص ل إياد
نظر لها بشدة
ولما انتى مش مرتبطة قلتى ليه انك مرتبطة لما سألتك
لم تنتبه سمر كثيرا لما قاله أمجد فأجابته قائلة
دى حاجة تخصنى وبعدين
صمتت سمر قليلا وركزت فيما قاله أمجد
ها انت بتقول ايه !
ابتسم أمجد
قولتى ليه انك مرتبطة !
ابتلعت سمر ريقها وصمتت قليلا
بينما كانت سما تعمل فى مكتبها اخرجت السلسلة التى بها حرف ال A من تحت ملابسها وظلت ممسكة بها وهى تتنهد
ليه ليه بس يا آدم عملت كده وكسرت قلبى
فى تلك اللحظة سمعت صوت الباب يفتح فتركت السلسلة ع صدرها فنظرت للداخل وجدت ان من يدخل تلك الفتاة التى اثارت ڠضبها من قبل فهى حتى لا تتذكر اسمها نظرت
لها نيللى بأستنكار ثم توجهت نحو مكتب آدم فقالت سما
لو سمحت يا أنسة حضرتك داخلة فين كده
داخلة ل آدم ايه عندك مانع
تنهدت سما
بس هو
صمتت سما قليلا وتذكرت انها ليس لديها اى حقوق كى لا تجعلها تدخل داخل مكتبه فى تلك اللحظة خرج آدم من مكتبه وهو يقول
سما فين تصاميم المول مش قولتلك دخليها ليا بقيتى تنسى كتير ليه !
نظرت
اسفة يا فندم
فإقتربت نيللى من آدم
دووومى حبيبى وحشتينى
فإبتعد أدم ورجع للخلف
فى ايه يا نيللى
وحشتنى اووووى
متشكر يا ستى بس معلش ورايا شغل كتير اوووووى ومش هقدر اقعد معاكى
ثم نظر آدم ل سما
التصاميم بسرعة تبقى فى المكتب يا سما
حاضر يا فندم
وكان سيدخل مكتبه
متابعة القراءة
