رواية ادم الفصول من 14_18
الحلقة الرابعة عشر
ظلت تنظر سما بشدة للهاتف ثم أجابت عليه
انت متصل ليه دلوقت !
زم أدم شفتاه بضيق قائلا
ياا ساااااتر حد يكلم المدير بتاعه كده
انت مچنون يا بنى مش قلت ليا 100 مرة انت أدم وبس بالنسبة ليا
تقومى تشخطى كده
هزت سما رأسها بإسى
طب عاوز ايه
انا بس متصل افرحك انى قلت ل رفعت بيه تعملى تصاميم انتى جديدة وتسيبك من تصاميم على
بجد بجد يا أدم !
ايوة وفى الأخر اتهزق
خلاص بس كان ممكن تكلمنى فى ده فى الشغل
كنت عاوز افرحك وابسطك بس يظهر انى غلطان
فأبتلعت سما ريقها
طب خلاص مفيش مشكلة
خلاص تصبحى ع خير
شعرت سما بحزنه فقالت
متزعلش يا أدم
زفر أدم بضيق قائلا
قال يعنى يفرق معاكى
خلاص بقى
يلا سلام يا سما
شعرت سما بالحزن ثم قالت
سلااام
وفى الصباح كان إياد يهبط الدرج ليتوجه خارج القصر وكان يرتدى قميص لونه اخضر وبنطال اسود ويمسك چاكت بإصبعه ويرميه على كتفه الايمن فنزلت خلفه نهال
انت يا بنى البس الجاكت الجو ساقعة
هز إياد كتفاه بلا مبالاة
مش سقعان اصلا لما اسقع ابقى البسه يلا بقى عشان اتأخرنا
اوك يلااا
ما إن وصلوا إلى السيارة الخاصة به حتى ظلت نهال تضحك بشدة فقطب إياد حاجبيه ثم قال
مالك !
ابتسمت نهال ثم قالت
افتكرت يوم ما روحنا الاهرامات وقعدت تعاكس البنات والعربية عطلت بينا وانت قعدت تأنبنى عشان العربية وقولتلى خلاص بخ
ضحك إياد وهز رأسه بإسى فتابعت نهال
اديها رجعتلك العربية اهى عشان تعرف ان مخى يوزن بلد ٠٠ وان صورتنا مع المجرمين كان ليها لازمة
ابتسم إياد ثم قال
طب عينى فى عينك كده !! ٠٠ انتى كنتى حابة تتصورى معاهم اصلا عشان حاسة بمغامرة
أرتبكت نهال ثم قالت
ل٠٠ لا لا مش صحيح
تحدث إياد مبتسما
طب ما تبصى فى عينى
حاولت نهال النظر فى عينه لكنها لم تستطع فشعرت بالخجل والارتباك معا ثم قالت وهى تفتح باب السيارة
اتأخرنا
ضحك إياد قليلا ثم تمتم قائلا
مچنونة
ذهبوا إلى الشركة معااا ودخل إياد إلى مكاتب الموظفين وجد موظفة تنظر فى المرأة وتضع مستحضرات للتجميل فنظر لها وهو يرفع حاجبه وقال بصوت مرتفع
انتى يا انسة
فأرتبكت الفتاة ووضعت المرأة و المكياچ على مكتبها فنظر لها إياد
مخصووم منك يومين
ثم نظر للجميع
واى حد اى حد هنا هشوفه بيعمل اى حاجة فى فترة الشغل غير الشغل هيتخصم منه 10 ايااام وقت البريك اعملوا فيه اللى عاوزيينه لكن وقت الشغل شغل
وتركهم وذهب إلى مكتبه وظلت نهال تنظر له بذهول ثم دخلت خلفه المكتب واغلقت باب المكتب
ايه يا إياد انت فعلا بقيت شديد ومبقاش حد يهمك كده ليه
زفر إياد بضيق قائلا
بابا كان مدلعهم وهما مش متخيلين اننا فعلا فى ازمة وانا مش عجبنى حالهم
فأبتسمت نهال
كل يوم بكتشف فيك حاجة جديدة مكنتش متخيلة انك تبقى بالحزم ده
فأبتسم إياد
بصى يا نهال انا اه مستهتر وكل حاجة بس وقتها مكنش ورايا مسئولية او يمكن محدش طلب منى أنى اشيل مسئولية ومحدش بيحب برده يجيب ۏجع الدماغ لنفسه فكنت عايشها بالطول والعرض لكن دلوقتى فى مشكلة حقيقة فمينفعش اقف اتفرج وانا ساكت
نظرت له نظرات أعجاب فتنحنح إياد قائلا
طب يلا يا هانم ع مكتبك بدل ما اخصم منك انتى كمان
مطت شفتاها بتذمر طفولى قائلة
يا سلاااااام
اه طبعا مبفرقش انا بين موظفينى
فرفعت حاجبيها
ماشى يا مراد
وإلتفت لتذهب فأبتسم إياد
انتى يا بت تعالى هنا
فنظرت له بشدة
بت !!!!
فنظر لها مسبلا عيناه قائلا
ايوة بت طبعا وست البنات كمان
فرمقته بحدة
انا همشى بدل ما اضربك
متقدريش
يووووووه انت رخم رخم يا مراد
فهز إياد رأسه
يا مچنونة روحى ع شغلك وبعدين ابقى اصالحك عشان انا مشغول جداااا
فعوجت فمها وخرجت فظل يبتسم عليها وعلى حركتها الطفولية ٠٠
وفى الظهيرة كانت نورا تجلس فى حديقة القصر مع يسرية على طاولة ما
يا طنط إياد وحشنى اوووى
شعرت يسرية بحزن شديد ثم قالت
متنسيش اللى حصل ل عامر يا نورا و إياااد بيشتغل
بس انا نفسى اشوفه
انا مش مضايقنى غير وجوده مع اللى ما تتسمى بنت عمه
اشتعلت عينان نورا ڠضبا قائلة
ايه هو مع نهال فى الشغل
ايوة
طب يا طنط انا لازم اشوفه قبل ما الحرباية دى تلف عليه وياخد صفها
يااااريت يا حبيبتى عشان انا مش مستريحة بيروحوا الشغل سوا وبيرجعوا سوا ع طول قاعد معها فى المكتب يااااريت يا نورا تحاولى تبعديهم عن بعض
ابتسمت نورا بخبث ثم قالت
مټخافيش يا طنط انا مش هخليهم مع بعض
فهزت يسرية رأسها مؤيدة إياها
بينما كانت نهال فى المكتب حين أتى لها اتصال فنظرت للهااتف وجدت ان المتصل سما فإبتسمت حين رأت رقمها واجابت على الفور
سما حبى
ياا سلااام قال يعنى فاكرانى ولا بتسألى عليا ولا اى حاجة
مانتى عارفة اللى حصل يا سما والشغل بقى فوق دماغى طول الوقت
ويا ترى البرنسيس فاضية تيجى الخميس ده إن شاء الله ولا زى اللى قبله
بصى هحاول لأن انا و إياد الشغل كتيير علينا
عموما يا ستى مامتك قالتلى اقولك تعالى انتى و أمجد اتغدوا
معانا يوم الخميس ولو عاوزة تروحى ابقى روحى بس انتى وحشتينى اوى
خلاص إن شاء الله هاجى
تمام يا حبيبتى
يلا سلام يا حبيبتى
سلااام يا قلبى
واغلقت سما الهاتف ودخل فى تلك اللحظة ادم ورفع حاجبه حين سمع اخر كلمة من سما ثم قال
ده مين ده يا هانم اللى قلبك لاااا انا محدش قلبك غيرى فاااهمة ولا ﻷ
فأبتلعت سما ريقها ونظرت ل ادم
انت انت كنت بتتصنت عليا !!
تحدث أدم بجدية
لا فهمينى كنتى بتكلمى مييين !!
ملكش فيه
لا ليا طبعااا هخصم منك الشهر كله لو مقولتيش كنتى بتكلمى مين
تحدثت سما ببرود
مش هقولك
اثارت تلك الكلمة غيظه فقال
يعنى اخصم
متقدرش هتخصم ليه مش من لوايح الشركة ان ممنوع اقول كلمة قلبى
مش ممنوع طبعا بس لو لحد غيرى يبقى ممنوع وبعدين انتى ليكى لوايح تانية خاالص
نظرت له بعدم فهم قائلة
افندم !!!
طبعااا انا المدير واعمل اللى يعجبنى
انت جايبنى هنا تذلنى لا لو كده بقى يبقى مش عاوزة اشتغل معاااك
بقى كده !!!
ايوة كده
طب ممنوع اصلا تسيبى الشغل الا بأذنى
انت بتجيب القوانين دى منين
دى قوانين أدم للعمل
فنفخت سما فأبتسم أدم
مين قلبك ده يا هاانم اعترفى بدل ما اقټلك انا قايلك انى غيووور موووت خااالص يعنى
يوووووه دى صحبتى ايه ممنوع اكلم صحبتى
فإبتسم أدم
مش ممنوع بس الممنوع انك تقولى ليها قلبى
يا سلاااام
طبعااا واى مرة تقولى فيها قلبى ليها اعرفى ان ليكى عقاپ
انت مجنوووون
اهااا تحبى العقاپ ده يبقى ايه بالظبط
احمر وجه سما خجلا ثم قالت وهى تنظر لأسفل
مانا لازم اخليكى تفكرى 100 مرة قبل ما تقولى لحد تانى يا قلبى
انت مستحيل تكون اتغيرت انا بجد مش طايقاك يا أدم
فنظر لها أدم
فنظرت له سما بحدة فتابع أدم
متفهميش غلط كده هتبقى عزومة ع الغدا وتفضلى معايا وتحاولى تصلحينى لحد ما اعفو عنك
ليييه يعنى !!
فأقترب أدم تجاه سما
عشان انتى حبيبتى وإن شاء الله هتبقى مراتى فمينفعش تنيمى جوزك وهو زعلان منك فاااهمة ياا يااا قلبى
وظل يضحك ويصفر ثم دخل مكتبه مرة اخرى بينما نفخت سما
ماااااشى يا أدم
ذهب إياد إلى مكتب نهال وفتح باب مكتبها وهو يقول
نهال
قالت بتذمر طفولى
عاوز ايه
ايه المعاملة دى !! عموما انا جاى اوريكى التصاميم المزيفة اللى هقول ل داليا عليها
امممممم
فأخذت نهال الأوراق ثم قالت
مش مهم اى حاجة المهم نعرف هى بجد اللى سربت معلومات الشركة ولا ﻷ
فعلا معاكى حق المهم مالك قلبتى ع القناة التالتة كده ليه
مش عااارفة زهقت من الشغل
تحبى تتغدى بارة بعد الشغل
ابتسمت نهاال
يااااريت انا حاسة ان اعصابى تعبت وبقيت متوترة
طب مقولتيش ليه بس
وفى تلك اللحظة سمع إياد صوت هاتفه فوجدها والدته فإجاب على الهااتف
ايوة يا ماما
ارجع بدرى النهاردة من الشغل
خير يا ماما انا مش فاضى
لا فضى نفسك نورا جاية تشوفك
اجاب إياد بضجر
وانا اعملها
انا قلت تخلص شغل وع البيت بسررعة
يووووه بقى
فأغلقت يسرية الهاتف فظل إياد ينظر للهااتف فنظرت له نهال
مالك وشك قلب كده ليه !!
ظل ينظر لها وهو صامت فتابعت هى
مالك يا بنى
مفيش يا نهال مش هنعرف نتغدا بارة النهاردة
ليه فى ايه
ماما عازمة نورا هى عاوزنى اكون موجود وانا زهقت من الزن ده
نظرت له نهال بشك قائلة
انت بتحب نورا دى
ابتسم إياد بسخرية
لا طبعاا
مش من حق طنط تجبرك
انا محدش يجبرنى ع حاجة بس انا مش عاوز ازعل امى فى نفس الوقت
تنهدت نهال
عموما مفيش مشكلة
يعنى مش زعلانة
لا عااادى تتعوض فى يوم تانى
إن شاء الله
ذهب كل من إياد و نهال إلى المنزل حين وصل المنزل وجد نورا تجلس فى حديقة القصر التى عندما رأته ذهبت إليه وقالت
وحشتنى اوووى يا ايدوووو
فنظر لها ورفع حاجبه
عاملة ايه انتى
الحمد لله وانت عامل ايه
الحمد لله
فنظرت نهال لهما فبادلتها النظر نورا
ايه ده تصدقى معرفتكيش اصل لبسك اتغير هااااى
فنظرت لها نهال
هااااى عموما انا طالعة اوضتى يا إياد باااى
مش هتتغدى معانا
لا شبعت بااااى انا طالعة
فظل إياد ينظر لها وابتسم فنظرت له نورا
خليك معايا هنا
مانا معاكى اهو
وحشتنى اووووى بجد
مش عاارف اقولك ايه متشكر اووى
متشكر !!! انت مش مبسوط انى قعدة معاك
عض إياد شفتاه بغيظ شديد
ازاى بس مبسوط طبعااا
انا ليه حاسة انك مش معايا
يمكن عشان لسه راجع من الشغل
انا زعلت اوووى للى حصل لأونكل عامر
ادعيله يا نورا
حااضر
فجاءت يسرية
ايه ده قاعدين مع بعض ! طب يلا الأكل اتحط ع السفرة
فذهبوا جميعا للسفرة فظل إياد ينظر حوله ولم يجد نهال
اومال فين نهال !! مش هتتغدى ولا ايه
فنظرت له يسرية
قالت للخدامة هتنام ملناش دعوة
فنظرت له نورا
ماهى قالت قدامك انها شبعانة انت مش واخد بالك منى خااالص يا ايدو
مانا معاكى
وظلوا يتناولون الطعام وبعد ذلك ذهب إياد إلى المكتب فدخلت إليه احدى الخادمات فنظر لها
نص ساعة كده يا ندى وابعتيلى داليا بفنجان قهوة
اوووك يا إياد باشا
وذهبت ندى لتخبر داليا
حضرى فنجان قهوة للبيه ودخليه فى مكتبه
اوك
ثم حضرت له كوب من القهوة وذهبت إلى غرفة المكتب وطرقت باب المكتب فسمعت صوت من
الداخل
ادخل
فدخلت داليا
اتفضل يا باشا
فأبتسم لها إياد
انا مبسوط اووى يا داليا
خيير يا إياد
التصاميم جت وهعرضها بكرة إن شاء الله ع العزبى
امممم ويا ترى سبت التصاميم فى المصنع ولا الشركة
لا دى هتبقى معايا
طب كووويس
اه طبعا انا هشرب القهوة وهطلع انام
اوك يا حبيبى
غمز لها إياد بعينه اليسرى قائلا
ايوة دلعينى كده عموما خلى ندى تحضر عشا ليا انا و نهال
وانت هتتعشى معها ليه
شغل شغل يا بنتى بلاش غيرة الستات اللى ملهاش لازمة دى
ماشى ماشى يا إياد
ثم خرجت داليا وطلبت من ندى ان تحضر العشاء ل إياد و نهال ثم ذهب إياد إلى غرفة نهال وطرق باب الغرفة ففتحت نهال الباب
ايه ده هى لسه ماشية ولا ايه
فدخل إياد وهو يقول
مين دى
نورا
لا مشيت يجى من ساعة بس كنت بعمل شغل فى المكتب وبعدين كلمت داليا
فرفعت نهال حاجبها
مش فاضى انتى من نورا ل داليا
فأبتسم إياد بخبث قائلا
البنات بتحبنى بقى اعملهم ايه وبعدين انتى متغدتيش وانا قررت اتعشى معاكى
وانا مش عاوزة اكل
انت مكلتيش من الصبح يا بنتى
ثم دخلت ندى ومعها الطعام ووضعته على منضدة بالجوار وخرجت فنظر لها إياد
يلا بقى عشان ناكل ع فكرة انا مكلتش ع الغدا كويس اصلا
ليه يعنى
عشان متعود اكل وانتى فى خلقتى
فإبتسمت نهال
الفاظك حلوة
طبعا طبعا
فأبتسمت نهال وظلوا يتناولون الطعام وهى تأكل شعرت نهال بصداع شديد ومسكت رأسها فنظر لها إياد
مالك يا بنتى
مش عارفة بقى يجيلى صداع جامد كده بقالى فترة بحس انى دايخة
فنظر لها إياد بقلق
تحبى اطلب دكتور
لالا ده اتلاقى نقص اكل اصل انا عندى انيميا
نطمن
حاااضر يلا نكمل اكل انا لما اكل إن شاء الله هبقى كويسة والصداع هيخف
اوك
وتناولوا الطعام وبعد ذلك نظر لها إياد
لو احتاجتى اى حاجة صحينى من النوم
حاضر ناام انت كمان كويس
حاضر
ذهب إياد إلى غرفته ولم يستطع ان ينام فكان يريد ان يرى اذ كانت ستدخل داليا إلى غرفته ام لا وفى تمام الساعة الثانية صباحا دخلت داليا وهى تمشى على اطراف اصابعها ونظرت للكوميدينو الذى بجانب الفراش وجدت الملف فإخذته وحاولت تصوير التصاميم بهاتفها فى تلك الاثناء استيقظ إياد
انتى بتعملى ايه
فأرتبكت داليا
انا انا
إياد
فهمينى بقى بدل ما اتغابى عليكى وانا غبى اوووووى اصلا
فإبتلعت داليا ريقها
يا باشا انا
مين اللى وراكى يا بت
يا باشا اصل
فهز إياد شعرها ورأسها بقوة
يا بت انطقى مش عاوز اضربك
فإبتلعت ريقها
انا بشتغل يا باشا لصالح عاصم البنهاوى
فنظر لها إياد بشدة
انتى تلمى حاجتك وتغورى مش طايق اشوف شكلك هنا فااااهمة
ح حاضر يا باشا
عارفة لو قلتى ل عاصم انى عرفت ھدفنك فى مكانك
مش هقول طبعا يا باشا
وخدى التصاميم دى واديها ليه وقوليله انك سبتى الشغل لإى سبب فاااهمة
حاضر يا باشا
وفى الصباح ذهب إياد إلى العمل بمفرده وعندما استيقظت نهال بحثت عنه ولكنها عندما وجدت ان سيارته ليست بالمنزل علمت انه ذهب للعمل فذهبت هى ايضا بمفردها وظلت تبحث عنه حتى دخلت مكتبه
ايه يا بنى انت فين مش استنتنى تمشى معايا
معلش يا نهال كنت مضايق اووى
حصل ايه
طلعت الزفتة داليا هى اللى سړقت التصاميم قبل كده
بجد !
ايوة وعرفت انها شغالة لصالح عاصم البنهاوى وعرفت دلوقتى ان العزبى تقريبا اتعاقد معاهم بعد ما سمعتنا ما باظت
ثم اضاف قائلا
مش عااارف اعمل ايه يا نهاال
لازم نبلغ عنه
مش هينفع مفيش اى دليل
داليا مش تعتبر شاهد
ومين قالك انها هتشهد معانا سبينى بس افكر عشان انا ع اخرى ٠٠ بس لو معرفتش اسجنه هوقعه فى السوق
حاااضر
بينما كانت سما فى الشركة وبعد ان انتهت من احدى التصاميم طرقت باب مكتب أدم فقال أدم
ادخل
فدخلت سما وهى تقول
صباح الخير يا فندم
صباح النور
انا كان فى عندى تصميم مصمماه ايام الجامعة و حضرتك يعنى تشوفه ولو عجبك تعرضه ع رفعت بيه
تمام ورينى يا سما
فإعطت سما التصميم ل أدم ظل ينظر له بإنبهار
خرااافة
شعرت سما بسعادة كبيرة قائلة
بجد بجد يا أدم
فأبتسم لها وقال بخبث
بجد يا عيووون أدم
فنفخت سما
بطل قلة ادب بقى بجد لو مبطلتش طريقتك هسيب الشركة
يا بت انتى اللى بتشوفى كل كلامى قلة ادب
هسيب الشغل لو فضلت ع كده
طب بغض النظر يعنى انا عيد ميلادى يوم الجمعة وعامله فى نادى عشان تحضريه لأنى عارف انك مش هتيجى البيت عندى
اجابت سما مسرعة
لا مش جاية
ليه بس !!
فصمتت سما قليلا
طب سبنى افكر
فإبتسم أدم
براحتك يا تقيل
فنفخت سما فأعتدل أدم فى جلسته ثم تصنع الجدية قائلا
هبقى اورى رفعت بيه التصميم وابقى اقولك رأيه
تمام
وفى نهاية اليوم كانت نهال مع إياد فى السيارة ذاهبين للمنزل فنظرت له نهال
مش ملاحظ انك بقيت عصبى اووووى
حقيقة
انت النهاردة خصمت من 6 موظفين يومين
اعمل ايه عندهم استهتار وانا معنديش فى الشغل هزار
بس مش كده انت حتى بقيت تزعقلى انا كمان فى الشغل
حقك عليا يا نهال استحملينى اليومين دول
مانا مقولتش حاجة بس انت جو المكتب بقيت اخاڤ منك
فإوقف إياد
السيارة والټفت لينظر لها
لا اوعى تخافى منى انا عارف انى بقيت عصبى بس
فقاطعته
مش بزعل منك بس بضايق لما بتزعقلى قدام الموظفين
هحاول اخد بالى
فإبتسمت
طب يلا روحنى
حاضر
فقاد إياد مرة اخرى السيارة وشعرت نهال بصداع فمسكت رأسها ولم يلاحظ ذلك إياد وظل سائق للسيارة ثم نظر لها وجدها نائمة فإبتسم وقال
بتنامى كده فى اى حتة !!
ثم اكمل طريقه ووصل إلى القصر وبعد ان وصلوا قال بصوت مرتفع قليلا
يلا
فلم يتلقى رد
ميبقاش نومك تقيل كده
فلم يتلقى اى رد فأقترب منها وظل يهز رأسها فوجدها فاقدة الوعى فظل ينظر وهو خاائف
نهاااال فى ايه !!
الحلقة الخامسة عشر
لم يتلقى إياد من نهال أى رد ففتح باب السيارة وذهب تجاه الناحية التى تجلس بها وفتح باب السيارة الخاص بمقعدها وظل يهز فيها
نهال فى ايه
ثم اخرج من السيارة بيرفمه الخاص وظل يجعلها ټشتم رائحته حتى
