رواية ادم الفصول من 5ل 8
المحتويات
فى الجامعة وبس مينفعش يعنى نتكلم عمال ع بطال
طب ما كنا زمايل فى الجامعة دلوقتى زمايل نادى
يا بنى الزمايل دول بينهم وبين بعض السلام عليكم وبس
ليييه يعنى
اى كلام تااانى بيفتح للشيطان مجال يدخل بينهم وانا مش عاوزة غير ابقى مرتبطة بأنسان واحد وهو اللى هتجوزه
نظر فى عيناها وقال
طب خلاااص اتجوزك
فتحت سما فمها دهشة وما أن افاقت من صډمتها حتى قالت
بتهزر صح انت بتقول ايه !!
فيها ايه يا سما انا عاوز اتغير وعاوزك تساعدينى وانتى مش عاوزة يبقى فى بينا كلام
لا مينفعش يا أستاذ أدم وبعدين انا مش اعرفك يوم ولا اتنين انا كنت معاك 5 سنين وكنت بشوفك كوووويس وعارفة اساليبك مع البنات
بس عاوز اتغير
وانا مش هقدر ارتبط بيك
ادينى سبب واحد
مفيش قبول من ناحيتك مش متخيلة انك اتغيرت او عاوز تتغير بالنسبة ليا اللى بتعمله ده طريقة جديدة عشان تضحك عليا
رفع أدم احد حاجبيه قائلا
طريقة !!!
اصل اسلوبك مش مقنع ولو سمحت سبنى فى حالى انا محبش حد يجى يشوفك وانت قاعد معايا كده انا عمر ما فى شاب قدر يكلمنى
انا مش اى شاب يا سما ده انا أدم أدم رفعت النجار يعنى مليون بنت تتمنانى
طب كووويس الكلام ده عندك مليون واحدة وبتبصلى انا !!!
فنظر لها أدم بغيظ ثم اتى ل سما اتصال
ايوة يا بابا
انتى فين يا حبيبتى
انا فى النادى
الله مش اتفقنا امبارح انك هتشتغلى معايا
يا بابا قولتلك 100 مرة انا عاوزة اعتمد ع نفسى انا قلت لنفسى هريح شهر وهنزل اقدم ال CV بتاعى فى اى مكتب عقارات انا حابة كده
وايه اللى جبرك ع كده وابوكى عنده شركة ممكن تشتغلى فيها
انا عاوزة ابنى حياتى بنفسى ده غير انى مبفهمش حاجة فى شغل السياحة دى ايه جاب السياحة للهندسة اصلا
ومقولتيش كده امبارح ليه بقى
بصراحة انا مكنتش عاوزة ازعلك وكنت فعلا هشتغل بس مقدرتش مقدرتش يا بابا
ماشى يا بنتى لينا كلام فى البيت
اوك ٠٠ مع السلامة يا بابا
أغلقت سما الهاتف ثم نظرت سما أمامها وجدت أدم مازال أمامها
ايه ده انت لسه قاعد !
شعر أدم بالضيق
فى ايه يا سما قايم اهو قاايم
اتفضل
قبل ما امشى عاوز اقولك ع حاجة
خيير تااانى
خلاااص بقى انسى موضوع الجواز ده نهائى
بمعنى !
يعنى انا مش هطلب منك اننا نتجوز الا لما تشوفى فعلا وتعرفى اد ايه انا اتغيرت
اوك
بس انا هعرض عليكى عرض كل واحد فينا ليه مصلحة
نظرت له بهدم فهم وهى تقول
ايه هو !
اننى عارفة بابا طبعا رفعت النجار اشهر مهندس وليه مكاتب وشركات عقارات كتييير
طبعااا يا أدم استاذ رفعت غنى عن التعريف
انا ممكن اخليكى تشتغلى مع بابا
فلمعت عينان سما
انت بتقول ايه
ابتسم أدم لأن خطته بدأت ان تنجح ثم تابع
يا بنتى سهل جدااا اخليكى تشتغلى فى اى مكتب عند بابا
فنظرت له وهى غير مطمئنة
وده مقابل ايه إن شاء الله مانت مبتعملش حاجة من غير مقابل
ابتسم أدم قليلا ثم قال
بطلى سوء الظن ده انا بس هشتغل معاكى وهنبقى زمايل فى الشغل عشان تقدرى فعلا تحسى انى اتغيرت ومش بكدب عليكى وفى نفس الوقت هتبقى اشتغلتى بعيد عن ابوكى
ايه اشتغل معاك انت !!
قوليلى طيب اثبتلك ازاى انى عاوز اتجوزك واتغيرت فعلا من غير ما ابقى قريب منك وانتى كل ما نكلم سوا ابعد الناس
هتقول ايه مفيش علاقة بين ولد وبنت طب اعمل ايه اشد فى شعرى ويقولوا الواد اټجنن
أبتسمت سما رغم عنها
ما احنا بنعرف نضحك اهو
عادت سريعا لجديتها ثم قالت
طب سبنى افكر
اوك وانا مش هطول عليكى اكتر من كده
واخرج من جيبه المحفظة ووضع امامها كارت برقم تليفونه
ده رقم تليفونى لو وافقتى كلمينى
فأبتسمت
لحقت عملت لنفسك كارت كمان
ابتسم أدم ثم قاال
هو انا قليل فى البلد انتى بس اللى مش عارفة قيمة انك تجوزى واحد زيى
ما هو ده غرور وده مش حلو وده بيدل انك متغيرتش من اصله
اللى بتسميه غرور ده انا بسميه انى واثق من امكانيتى ونفسى مش اكتر
ابتسم لها وهو يشر لها بيده غامزا لها بمعنى انه سوف ينتظر هاتفها فنظرت له وهزت رأسها وحدثت نفسها
مش هيتغير ابدااااا
بينما ذهبت نهال حيث مكتب عمها فطرقت الباب وسمعت صوت يأتى من الداخل
ادخل
فدخلت للداخل و رأها عمها
ايه الجميل نازل يقعد معايا كده
ابتسمت نهال قائلة
شفت بقى يا عمو انا طيبة ازاى وجاية اقعد معاك
فأبتسم لها عامر
طب قوليلى عااوزة ايه يا حبيبتى
فشعرت نهال بالخجل
ع طول فقستنى كده
لأ ما ابوكى حكالى مواويل عنك
فابتسم له
طيب
ياريت
انا الأسبوع اللى جاى إن شاء الله هنزل الشغل مش كده
ايوة
طب انا عاوزة يا عمو بقى الأسبوع ده اقضيه سياحة كده فى اماكن مختلفة حتى اتعرف ع الاماكن وكده
ماشى يا حبيبتى مفيش مانع من بكرة إن شاء الله هيكون السواق عندك ويوديكى الاماكن اللى انتى عاوزها
بجد يا عمو
بجد يا حبيبتى
شعرت نهال بسعادة كبيرة ثم قالت
ميرسى ميرسى يا عمو
بينما كان أمجد يجلس فى غرفته فدخلت عليه والداته
مش ناوى تقولى ايه اللى حصل مع سما برده
فاكس يا ماما الموضوع ده اصلا
ليه بس يا حبيبى !
مش عاوز اتكلم وبعدين يا ماما انا فى بنت تانية فى دماغى
فعوجت ماجدة فمها
طب كويسة محترمة !
ايوة يا ماما هى بس كانت عايشة باارة ومحتاجة اللى يوجهها فى شوية حاجات
شعرت والداته بالضيق ثم قالت
عايشة بارة وعاوز تجوزها لالا الكلام ده مينفعش
ماما يعنى هو انا جبت المأذون وكتبت عليها مسيرك تتعرفى عليها وانا مش هتجوز من غير موافقتك
ربنا يسهل يا حبيبى
اتى اتصال إلى عامر وهو فى مكتبه من مندوب مكتب العزبى
والبضاعة هتكون جاهزة امتى إن شاء الله
فرد عامر
إن شاء الله بعد شهر هى لسه بتتجهز وحصل فيها تعديلات
بس كان المفروض تتسلم بعد كم يوم
معلش حصل عجز فى الخشب واحنا لسه هنجيب الخشب فعقبال ما يتنقل ويجى والعمال يبتدوا شغل فيه هياخد وقت ده غير انكوا طالبين تصاميم كتييير
تمام مفيش مشكلة هبلغ الريس واعتقد انه مش هيمانع
تمام اووووى
ثم اتاه اتصاال اخر من موظف لديه
يا باشا انت لازم تسافر دمياط حالا
حصل ايه
يا باشا ما حضرتك عارف ان الخشب اتحرق دلوقتى والتاجر اللى بنتعامل معاه رافض يدينا البضاعة الا لما حضرتك تبقى موجود
هو انا اول مرة اتعامل معاه
ماهو ليه حق نفس الطلابية خلال اسبوع فاكر ان فى حد بيستغل اسم حضرتك فى السوق وعاوز حضرتك بنفسك عشان يتأكد
طب خلاص انا جاى إن شاء الله بكرة
خلاص يا باشا هقوله
تمام
اغلق عامر الهاتف وحدث نفسه قائلا
انا مش عارف ايه المصاېب اللى بتتحدف عليا دى واحدة ورا التانية دى
ثم تذكر انه سيسافر وانه يريد السيارة بالسواق وايضا نهال تريد السيارة والسواق غدا
يا خبر انا نسيت خاااااالص اعمل ايه دلوقتى !!!!!
بينما كانت نهال فى غرفتها وتنظر فى الشرفة حتى وجدت أمجد يدخل من البوابة فأبتسمت ثم قررت الهبوط مسرعة للحديقة حتى خرجت للخارج ثم اصطدمت به دون وعى فتألمت وقالت
اهاا
فمسك أمجد ذراعها بحنان واهتمام
مالك !!
فى تلك اللحظة كان إياد يتابعهم من فوق ورفع حاجبه ثم اخذ هاتفه وقام بتصوريهم وهو يشعر بالڠضب
اصبرى عليا يا بتاعت الحوادث انتى
بينما نهال نظرت ل أمجد
سورى بجد انا شفتك داخل كنت حابة اتكلم معاك بس واضح انى اتخبطت
فإبتسم أمجد
يعنى اتخبطتى فى حيطة
فضحكت نهال بينما ظل إياد يإخذ لهم الصور فتابع أمجد
انا اسف
انا اللى غلطانة
انا اسف ع الكلام اللى سمعتيه من البنت اللى كانت معايا
نظرت نهال لإسفل وشعرت بحزن شديد
اهااا هى كان معاها حق
هز أمجد رأسه اعتراضا
ازاى بس
انا لبسى وحش وقررت البس من
هنا ورايح بناطيل وشيميزيات
ونظرت لنفسها
زى اللى لبسها ناو
ابتسم أمجد
ده احسن قرار خدتيه
ابتسمت له وقالت برقة
انت شايف كده
شايف كده طبعا
فى تلك اللحظة اقترب إياد وهو يقول
ما تضحكونا معاكوا
عندما رأته نهال شعرت بالضيق وزفرت بأختناق شديد ثم قالت ل أمجد
انا هطلع اوضتى
فقال أمجد
ما تخليكى قاعدة معانا
لا انا هطلع
فقال إياد
سيبها اصل القعدة مش جاية ع هواها
فقالت نهال
بتقول ايه انت
اطلعى انتى اه
فنفخت نهال وتركتهم بينما نظر أمجد ل إياد
يابنى سيبها فى حالها
تحدث إياد بضيق شديد
ملكش دعوة بينى وبينها
فشعر أمجد بالأحراج ثم تابع إياد
يلا عشان نخرج
وفى صباح اليوم التالى دخل عامر غرفة إياد ووجده نائم كالعادة
حبيبى اصحى
خير يا بابا !!!
يا إياد اصحى وفوقلى كده
ففتح إياد عينه بصعوبة
افندم
انا هسافر دمياط فى شغل وهاخد السواق معايا
تحدث إياد بصوت ناعس
طب وانا مااالى
يا بنى افهم بنت عمك كانت عاوزة تتفرج ع اماكن سياحية ووعدتها انى اسبلها السواق بس حصلت ظروف ومضطر اخده معايا
والمطلوب
توديها انت الأماكن دى
يووووه يا بابا انا هشتغل شوفير ليها ولا ايه !!
طب هنعمل ايه يعنى انا معرفش اعتمد عليك فى حاجة وبعدين بقولك خرجها فسحها مش شغل يعنى
ماشى
اصحى بقى كده وركز عشان هى كلها ساعة وهتنزل متنساش بلغها بكلامى ده
فإبتسم إياد بسخرية
اى اوامر تانية من الشوفير
يا بنى دى بنت عمك
خلاص يا بابا انت هتعرفنى عليها عرفت انها بنت عمى
ثم ازاح الغطاء من عليه وتابع
اهو يا بابا هقوم اخد دش واستنى البرنسيس تحت اوامر تانية
ربنا يخليك يا حبيبى
ويخليك يا حبيبى
ذهب إياد إلى الحمام واغتسل ثم خرج وارتدى بنطال اسود وتى شيرت لونه لبنى وقام بتمشيط شعره ووضع العطر الخاص به بينما كانت نهال فى غرفتها ارتدت بنطال جينز اسود وارتدت فوقه بلوزة لونها لبنى كانت البلوزة ضيقة قليلا و بثلاث اربع ذراع كانت تبدو فاتنة بها ثم قامت بتمشيط شعرها ووضعت توكة طوق لونها لبنى وابتسمت وهى تنظر فى المرأة هبطت للإسفل ووجدت سيارة تنتظرها خارج بوابة القصر فإقتربت وكانت ستفتح الباب الخلفى للسيارة فنظر لها إياد
جنبى لو سمحت يا انسة
فلم ترى نهال ملامح إياد واقتربت لترى من بالداخل
ازاى يعنى اركب جن
فوجدت إياد بالسيارة فقالت
انت !!!!
الحلقة السابعة
فنظرت له نهال بشدة
سورى انا كنت فاكرة ان دى العربية اللى فيها السواق اللى عمى سبهولى
لا ما عمك سافر دمياط الصبح تبع الشغل وخد السواق معاه ومصحكيش عشان ميقلقكيش وبلغنى اوديكى للأماكن اللى انتى عاوزها
نظرت له نهال پصدمة قائلة
ايه هبقى معاااك انت !!
فرفع حاجبه
وماله انا يعنى !
لا مش ممكن أامن لنفسى معاك انا لازم ابلغ عمى باللى عملته معايا مانا مستحيل اركب معاك فى حتة
ففتح إياد باب السيارة وترجل منها ثم توقف امامها
فكرى بس تقولى لعمك اللى حصل وانا هقوله انك انتى اللى جرتينى لأوضتك
اتسعت اعين نهال پصدمة
انت بتقول أيه
اه سهوكة ومياصة ولابسة قصير طول الوقت وبتكلمى ده وده وده وفتحاها ع البحرى وانا راجل وضعفت
انت بتقول ايه انت
فأخرج إياد الهاتف وفتحها على صورها مع أمجد وجعلها تنظر
بصى كده
فأتسعت عينان نهال
انت انت ازاى خدت الصور دى
تحدث إياد بسخرية
لا ده مش وقت غباء فتحت الكاميرا ولقطها هكون يعنى خدتها ازاى
انت انت حيوااان وساڤل
لما عمك يشوف الصور دى واقوله ع چون ها فاااكره miss u
فعضت نهال شفتاها
هطلع انا الواد المظلوم وانتى اللى جرتينى للرذيلة
بس انا ٠٠ انا فعلا كنت بقع وأمجد لحقنى قبل ما اقع
والله انا عارف بس بابا ميعرفش
فظلت تدبدب نهال بقدمها فوق الأرض فتابع إياد
يلا يا حلوة ومټخافيش انا اصلا مليش فى الصنف بتاعك
الصنف بتاعى !!
ونظرت له بحدة فنظر فى عيناها الخضراء الجميلة وابتلع ريقه
ايوة ايوة اننى فاكرة نفسك حلوة !!
ثم قال بصوت خاڤت
ده انتى قمر ېخرب بيتك
بتقول ايه سمعنى
مبقولش يعنى من قلة الستات هبصلك انتى
اوك خليك راجل واد كلمتك
اوك ٠٠ يلا اركبى
فكانت ستصعد فى الخلف فرفع إياد حاجبه
مش سواق ابوكى انا اركبى جنبى
فنفخت نهال وجلست بجانبه
وفى الظهيرة كانت سما فى غرفتها جالسة على الفراش تفكر مع نفسها
طب اوافق ع العرض ده ولا ﻷ ده عرض كويس جدا اى خريج كلية هندسة يتمنى بس انه يتعين فراش عند رفعت النجار طب وهتعملى ايه فى
أدم وايه يعنى انا رايحة اشتغل انا كنت معاه 5 سنين جامعة ومقدرش يقربلى وبعدين لو اتغير فعلا زى ما بيقول ليه لأ يمكن يكون زوج مناسب ولو مش اتغير محدش يقدر يجبرنى اتجوزه ٠٠ بس كده
بينما كان أدم يجلس مع صديقه أسر فى النادى على احدى الطاولات فتحدث أسر بخبث
ها ايه اخبار المزة
فى ايه يا أسر انت مش ليك انى اوقعها فى حبى
فأبتسم أسر بسخرية قائلا
طبعا بس انا مش شايف اى نتيجة
الصبر حلو اللى زى سما عاوزة فكر وتكتيك وانا متعودتش ان فى بنت تقول ل أدم ﻷ وهتشوفها هتجيلى لحد عندى وتقولى بحبك وانا اللى هرفضها وهخلى شكلها وحش قصاد الناس كلها
ده انت نفسك ټنتقم بقى
طبعاااا هى شوية ان واحدة ترفض أدم النجار
ضحك أسر قائلا
اما نشوف هتضحك عليها ولا هتضحك عليك
هتشوف يا صاحبى
كانت نهال مع إياد عند الأهرامات وكانت تصورها وتصور نفسها بينما كان إياد ينظر لمجموعة من الفتيات الموجودين فأبتسمت له احدى الفتيات فأبتسم لها ثم اقترب تجاههم وقال
هاااى
فأبتسمت جميع الفتيات
هاااى
فأقتربت الفتاة التى اعجبت به اولا
انا اسمى رنا
ابتسم إياد قائلا
وانا اسمى إياد
انا شيفاك واقف لوحدك
اه ده انا لوحدى خااالص
فضحكت الفتاة
شكلك دمك
جدااااا انتى لسه معرفتنيش اصلا
فأبتسمت له الفتاة بينما لمحته نهال من بعيد يقف مع تلك الفتاة فهزت رأسها وهى لا تصدق وحدثت نفسها قائلة
هيفضل كده ٠٠ بس ع مين هتشووووف
ثم اقتربت منه وهى تقول
إياااد ٠٠ ايدو
واقتربت بجانبه ووقفت بجانبه وقالت وهى تنظر له وقالت بدلال
بتعمل ايه عندك يا حبيبى
فنظرت رنا لهم وإلى ملابسهم المتشابهة فكل منهم يرتدى اللون الأزرق الفاتح اللبنى
ايه ده مانت مش لوحدك وواضح انكو كوبل
فحاولت نهال ان تدارى بسمتها بينما نظر إياد ل نهاال بشدة
ابداااا ابداااا دى دى
قالت الفتاة بضيق
دى ايه بس !! عن اذنك
تركته الفتاة بعد أن اخذت اصدقائها ورحلوا فرمق إياد نهال بشدة
اعمل فيكى ايه طيرتى البت منى
انت جاى هنا عشان تفسحنى مش عشان تتسرمح
انتى انتى مستفزررة
فأخرجت له لسانها ثم قالت
master loooser
اسكتى يا بت
فظلت تضحك بشدة عليه بينما هو كان غاضب ثم قالت نهال
انا جعانة
اتفضلى قدامى
فظلت تضحك على تصرفاته ثم دخلوا مطعم وظلوا يتناولون الطعام فنظرت له
هتودينى فين تااانى
لما تطفحى الأول نبقى نروح اى متحف
اوك
وظلوا يتناولون الطعام ٠٠
فى مكتب عاصم وقف امامه احدى موظفيه فتحدث عاصم پغضب شديد
انت بتقول ايه !!! يعنى ايه العزبى اداهم فرصة تانية
مش عااارف مش عااارف ده عادة مبيديش فرصة تانية لأى حد
يعنى بعد ما ټحرق الخشب يا رامى ولا كأن حاجة حصلت
انا فى دماغى فكرة
فكرة ايه بقى ما خلاص كده الشركة بتاعتى مبقاش ليها اى لازمة
استنى بس يا باشا اصبر عليا وانا هعمل اللازم
نظر له عاصم متوعدا
اخر فررررصة يا زفت
اووووعدك
ظلت نهاال ترى العديد من المتاحف حتى تأخر الوقت فنظرت إلى إياد ثم همت بالحديث
إياد خلاص كده انا عاوزة اروح
طيب يلا قدامى
فذهبوا سويا إلى السيارة واستقلوها سويا معه شعر إياد بالنعاس وتثائب فنظرت له نهال وهى تقول
ايه ده انت عاوز تنام
بقالى يومين منمتش بسببك
طب خلاص انا هسوق
هتسوقى ازاى هتعرفى ترجعى لوحدك
بصراحة ﻷ بس ممكن تشاورلى
ماهى هى يا اذكى اخواتك امرى لله هسوق انا
طيب
وبدأ إياد فى القيادة وما ان دخلوا إلى شارع مظلم لا يوجد به احد حتى سمع إياد صوت فرقعة جامد فأنتفضت نهال
ايه ده
تحدث إياد بهدوء
استنى هنا
ترجل إياد من السيارة ليرى ما حدث وكانت صډمته فتحدث قائلا
يا حلااااوة
فنزلت نهال من السيارة وهى خائڤة
فى ايه يا إياد !!
تعالى يا حواادث هانم ماهو لو مكنش فوانيس يبقى كوتشات
فنظرت نهال للسيارة ووجدت انه يوجد ايطارين للسيارة لا يصلحوا فقالت وهى لا تصدق
اتنين !! طب وهنتصرف ازاى انت حتى لو معاك استبن هيبقى معاك واحدة
بالظبط يا حلوة
ايه الورطة دى
زفر إياد بضيق ثم جلس على الرصيف فنظرت له نهال
انت بتعمل ايه
هعمل ايه يعنى هنستنى اى عربية تعدى تاخدنا
نظرت له وهى لا تصدق
بالبساطة دى
قوليلى ع حل الشارع ضلمة ومقطوع حتى العماير مفيهاش بوابين ومفيش حتى اى سوبر ماركت ولا كشك اروحلك فين انا دلوقتى واسيب العربية كده فى نص الشارع
نظرت له بضيق قائلة
اتصرف انت
مش راجل
اجاب إياد وهو يشتعل غيظا
انا راجل مش حاااوى
فزفرت نهاال بضيق
انت السبب
بقولك ايه يا حوادث انتى اسكتى خااالص واتلقحى اقعدى
نظرت له نهال مشمئزة ثم جلست بجانبه
ومر نصف ساعة ولم يأتى احد فنظرت نهال ل إياد وجدته ساند على يده ونائم فضړبته فى كتفه
انت يازفت انت
ايه فى ايه ! حد يصحى حد كده
انت ليك نفس تنام
طيب اعمل ايه
عدى نص ساعة ومحدش جاه
فأخرج إياد هاتفه وظل يتصل بأحد اصدقائه ولكنه لم يرد عليه احد فتحدث بضيق
ما اكييد طبعا سهرانين ولا سامعين التليفونات اصلا
هنعمل ايه كلم الشرطة
نظر لها شاعرا بالضيق
والشرطة هتعملك ايه يا ظريفة
تيجى توصلنا
بت انت اسكتى
اسكت ليه !! ده حقنا قولى رقمهم كم
نظر لها وهم لا يصدق
انتى هتطلبى دليفرى يا نهال
قولى الرقم كم
فقال إياد لها الرقم واتصلت بهم وعندما اجابها شخص ما
بص حضرتك انا ع طريق مقطوع ومفيش حد خاالص ولا عربيات وعربيتنا الكوتشات فرقعت فحضرتك ينفع تيجى توصلنا
افندم !!
اصل حضرتك لازم تبعت ونش للعربية عشان يحركها
فأغلق الضابط فى وجهها وظلت تقول نهال
الو الو
فنظر لها إياد
كويس انه مشتمكيش الراجل طلع زوق انتى فاكرة نفسك يا بت لسه فى امريكا
فنظرت له نهال
انتوا ازاى عايشين كده
هز إياد
احنا مصريين يا بنتى
فنفخت نهال
طب مفيش حل !!
طب قومى تعالى معايا
هنروح فين
هنشوف اخر شارع مغارة على بابا ده
طب والعربية
يعنى اعمل ايه طيب وبعدين هو حد هيعرف يسرقها وهى بالحالة دى اصلا
وفى تلك اللحظة وجدت مجموعة من الشباب اتية نحوهم فأمسك إياد يد نهال وجعلها تقف خلفه فأقترب احدهم من إياد قائلا
اللى معاك طلعه يا عسل
نظر له إياد مشمئزا وهم يقول
ولو مطلعتش !!
فأبتسم
متابعة القراءة
