رواية عشقها المستحيل للكاتبة زينب مصطفي من 1-8

تانيه مناسبه له وان بعد سنه هنطلق ايوه سمعت كل حاجه 
لتشعر رابحه بالصدمه من معرفة ابنتها للامر 
و رأيك ايه يا عليا 
ترد عليا بتصميم وهي ترفع رأسها عاليآ
3
افتراضي رد رواية عشقها المستحيل للكاتبة زينب مصطفي كاملة بدون تحميل اون لاين
رواية عشقها المستحيل للكاتبة زينب مصطفي الفصل الثالث
بعد مرور ثلاثة أيام 
إنتهى المأذون من عقد قران سليم المنشاوي من إبنة عمه عليا المنشاوي وانتهي عرس الزواج بما تضمنه من استقبال المهنئين وذبح الزبائح بما يليق بعائلة المنشاويه
كان الحاج عتمان يشعر بالفرح لنجاح مخططاته و يوجه سليم للغرفة المتواجدة بها العروس
ألف مبروك يا سليم يابني دي اوضتك انت و العروسة 
ليرد سليم بتهكم
العروسه اللي مشفتهاش لغاية دلوقتي ويا ترى موجودة جوا و لا لسه مخبينها 
يرد عتمان وهو يشعر بالحرج
لاء ازاي العروسه جوا الاوضه بس انت عارف انا مربيها ازاي وان ممنوع اي حد يشوفها قبل الجواز 
يرد سليم والحده بصوته
ابن عمها وجوزها ميبقاش اي حد يا عمي إلا بقي لو العروسة وحشة و كنت خاېف لأرجع في كلامي 
يحاول عتمان النفي ليقاطعه سليم بتهكم
خلاص ياعمي سيبني ادخل لعروستي ولا لسه ممنوع !
يسارع عتمان بالرد لا ودي تيجي اتفضل يابني عروستك مستنياك جوا
يدخل سليم الغرفة الخاصه به هو وعروسته 
قام سليم بالطرق على باب الغرفة ثم دخل اليها ليجد العروس
وهي ترتدي ثوب
الزفاف الابيض والطرحه البيضاء الطويله التي تنسدل على وجه وجسم العروس فتخفيه تمامآ 
يتطلع اليها بتهكم وهي تجلس على طرف السرير وتطرق برأسها للأسفل ليقول بداخله بسخريه
الظاهر العروسة وحشه فعلا لسه لحد دلوقتي مخبيه وشها
يقول وهو يتأملها بسخرية
ازيك يا عروسة 
ترد عليه بصوت شبه هامس
الحمد لله 
يجلس سليم على كرسي مقابل لها وهو يضع رجل فوق الاخرى في تعالي
ويقول لها بصوم صارم
في شوية حاجات كده عاوزين نتفق عليها من دلوقتي علشان السنه اللي هنقضيها مع بعض تمر من غير مشاكل
أولآ محدش هيعرف بموضوع جوازنا غير انا وانتي وامي واختي بس غير دول محدش هيعرف وانتي هتبقى قدامهم بنت عمي اللي جايه تكمل الجامعه بتاعتها في القاهرة وبس
تاني حاجه لازم تعرفيها ان انا مرتبط وكنت على وشك اني أخطب بس طبعآ ده هيتأجل لبعد طلاقنا 
ثالثآ وده الأهم جوازنا هيبقى ع ورق وبس 
أظن انتي فاهمه أنا أقصد ايه وطبعآ أنا مش همنعك تحبي او ترتبطي ومش هتدخل في حياتك طول ما بتعمليش حاجة غلط يعني احنا بالنسبه لبعض ولاد عم وبس 
تقوم عليا التي تشعر بكلماته كالخڼجر تغرس في قلبها بهز رأسها علامة علي الموافقه دون أن تصدر صوت
ينتفض سليم من جلسته ليقول لها پغضب
مش ممكن كده احنا هنقضيها نظام خرس ولا إيه !
انتي ليكي لسان اتكلمي وردي عليا واقلعي الطرحه الي متكفنه بيها دي 
ثم
يقوم بنزع الطرحه عن رأسها لتقع على الأرض لينساب شعرها كشلال من الذهب حول وجهها وظهرها في تموجات ناعمه تسحر القلوب
ترفع رأسها اليه لتصطدم عينيه بوجهها الملائكي ذو العيون الخضراء اللازورديه كموج البحر واسعة تظللها رموش سوداء كثيفه تزيد من روعة عينيها وشفتان صغيرتان ممتلئتان كالكريز الناضج 
ينعقد لسانه تمامآ ويمر بعض الوقت وهو صامت ينظر اليها بدهشه وهو يتأملها بذهول
تتفاجئ عليا بصمته ونظراته المتأمله لها لتملس على تنورتها بتوتر وهي تقول
في حاجة يا ابن عمي !
يرد سليم في دهشة وهو مازال يحاول استيعاب ما يراه
انتي مين !!
ترد عليا وهي تشعر بالدهشة من سؤاله
أنا عليا بنت عمك سلامة النظر 
يتنحنح سليم بحرج
وهو يقوم باختراع سبب لسؤاله الغريب
اه أنا عارف طبعا انك عليا بنت عمي انا قصدي انتي مين قالك مترديش عليا وانا بكلمك 
اظن ده مش من الذوق 
تتفاجئ عليا بكلامه ومهاجمته لها لترد پعنف وهي تنهض من على طرف السرير
انا عندي ذوق واعرف أرد كويس بس انا مش فاهمة أرد على إيه كل الكلام اللي إنت جاي تقوله دلوقتي ماما قالته ليا وبلغتها موافقتي واظن انه مش من الذوق انك كل شويه تكرره عليا 
ينفض سليم رأسه وهو يحاول تجاوز صډمته بجمالها الشديد الذي فاجأه ليرد پعنف وهو يقترب منها حتى واجهها تماما
قصدك إيه إني معنديش ذوق !
تبتلع عليا ريقها وهي ترتبك منها لتدير وجهها بعيد عنه وهي تقول
انا مقلتش كده انت اللي بتدور على سبب علشان تتخانق 
ينفعل سليم بشده وهو يقول
اسمعي أنا مش 
يقطع كلامه صوت طرقات على باب الغرفة
يرد سليم وعليا بانفعال وڠضب في صوت واحد
مين !
يقول لها سليم بغيظ
ممكن تسكتي لحد ماشوف مين على الباب 
تشير عليا للباب وهي ترفع أنفها بتكبر
إتفضل هو أنا مسكاك 
يقول سليم بتهكم
اتفضلي انتي اداري والا هيسألوا انتي لسه ليه لحد دلوقتي بفستان الفرح وده مش حلو لسمعتي كراجل 
ترفع عليا رأسها بتكبر وهي تعقد يديها فوق صدرها وهي تقول
يعني ايه إيه دخل فستاني بسمعتك !
ينظر إليها سليم بطريقه موحيه من أسفل لأعلى ليستقر بصره فوق صدرها
تشهق عليا وهى تضع يدها على صدرها تحاول أن تداريه بيديها وهي تهز رأسها باستنكار وهي تستوعب معنى كلامه لتقول بارتباك
إحترم نفسك إيه الكلام ده عيب عليك على فكره 
يرتفع صوت الطرق من جديد ليشير سليم لعليا التي ابتعدت عن مرمى نظر من يقف بالباب ليتخلص سليم سريعا من جاكت بدلته ويرتدي رداء الحمام فوق ملابسه ويفتح الباب قليلا ليجد الحاجة رابحه بالباب ومعها خادمة تحمل صنيه مملوئه بأشهى أنواع الطعام
تقول له رابحة
ألف مبروك العشا جاهز يابني ولتهمس بصوت خفيض لم يصل الا لسمعه 
عليا كويسه خد بالك منها 
يطمئنها سليم
متخفيش على عليا دي مراتي وفى عينيا 
يرفع صوته في الجملة الآخيره حتى تسمعه الخادمة التي ابتسمت بخجل وهي تناوله صينية الطعام لتنظر له الحاجة رابحة بشكر ثم تغادر
يدخل سليم الطعام للغرفة وهو يقوم بخلع رداء الاستحمام المرتديه فوق ملابسه وهو يقول
دي الحاجة رابحه جايبه العشا 
يرفع الغطاء عن الطعام وهو يبتسم ويقول
مش فاهم والدتك جايبه كميات الأكل دي كلها ليه 
يتفاجئ بعدم وجود عليا بالغرفة ليجدها تخرج من الحمام الملحق بالغرفة وهي ترتدي البيجاما الخاصه به والكبيره جدا عليها وهي تحاول ان تثني أرجل البنطلون لتناسبها فتفشل ثم تحاول ثني اكمام القميص فتفشل ايضا لتتأفف وهي تقول
مش ممكن
مقاسها كبير جدا
يرد سليم وهو ينظر اليها بتعجب
مقاسها كبير علشان مش بتاعتك ايه اللي خلاكي تلبسي بيجامتي ايه معندكيش هدوم مثلآ 
ترد عليا وهي مازالت تحاول ثني أكمام البيجاما
الهدوم كلها في الشنط علشان هنسافر بكره 
ومفيش هدوم برا الشنط الا بيجامتك فاضطريت ألبسها
يرفع سليم حاجبه بخبث
عاوزه تفهميني انهم مش سايبين ليكي هدوم علشان تلبسيها يعني هتقعدي من غير 
تقاطعه عليا بسرعة وقد أكتسى وجهها بحمرة الخجل
لاء هما سايبين ليا طبعا هدوم بس بس 
يرد سليم وهو يبتسم مستمتعآ بخجلها
هتبسبسي كتير لما هما محضرين هدوم ليكي ملبستهاش ليه 
ترد عليا وقد إزداد إحمرار وجهها
اووووف سايبين هدوم قليلة الادب مينفعش ألبسها 
ينفجر سليم في الضحك وهو لايستطيع التوقف خصوصآ عندما رأها ټضرب الأرض بقدميها كالأطفال
تقول وهي تشعر بالغيظ من ضحكه المستمر عليها
ممكن أعرف إيه اللي بيضحكك 
يقول سليم وهو يجاهد لايقاف ضحكاته
اول مره أعرف إن في هدوم قليلة الادب 
ترفع عليا رأسها بطريقة مضحكه وهي تقول
مين اللي كان بيخبط على الباب 
يشير سليم للطعام
الحاجه رابحه كانت بتطمن عليكي وجابت العشا 
تهتف عليا وهي تتجه لصنية الطعام
يا حبيبتي ياماما اكيد كانت قلقانه وعاوزه تطمن عليا 
تجلس امام صنية الطعام وتبدأ في تناول الطعام بشهيه مفتوحة
ينظر لها سليم بدهشة ليقول
انتي
بتعملي إيه فهو مندهش من طريقتها السلسه والعاديه في تناول الطعام امامه
لم يستطع مقاومه مقارنتها بالعديد من النساء الذين يتناولون لا شئ تقريبآ واخرهم جومانه الفتاه التي يعتبر مرتبط بها فهي تعيش على الماء والسلطه ولايتذكر انه رأها مرة تتناول غيرهم 
تجاوبه عليا وهي تستمر في تناول الطعام
باكل أصل جعانه جدا ومكلتش حاجه من الصبح 
تعال كل انت كمان الأكل حلو ونضيف جدا ده من إيد ماما على فكره 
يرد سليم بامتعاض
هو انتي متعرفيش تقولي كلمتين على بعض من غير ما تحدفي طوب انا عارف ان الاكل حلو وعارف ان الأكل نضيف كمان وانه من ايد الحاجه رابحه اللي بحبها وبحب الاكل من إيديها بس كل الحكايه ان انا شبعان ومليش نفس للاكل 
استنى عندك انت بتعمل ايه إزاي تقلع كده قدامي
يلتفت اليها سليم بعدم اهتمام وهو يقوم بخلع بنطاله
قدامك حل من اتنين لأما تقلعي بچامتي علشان ألبسها او اقلع انا هدومي وتحتفظي انتي ببچامتي
تشعر عليا بالارتباك الشديد وهي مازالت تغلق عينيها وتتشبث بطوق بيجامتها لتقول بارتباك
لاء خلاص اعمل الي انت عاوزه انا مش قالعه بيچامتي 
تسمع صوت انخفاض مرتبة السرير تحت ثقل جسمه وهو يقول
انا قولت كده برضه خلصي بسرعه واقفلي النور علشان اعرف انام 
تجلس عليا مكانها مره اخرى بصمت وهي تشعر بضربات قلبها تقفز داخل صدرها لتشعر بانعدام رغبتها في تناول الطعام مره اخرى
تقرر النوم سريعآ حتى تنتهي من محنتها هذا اليوم الطويل
تتلفت حولها ولا تجد مكان تستطيع النوم فيه الا الارض والسرير الذي يحتله سليم بمنتهى الراحه لتشعر بالغيظ من سليم النائم براحه على السرير الكبير الذي يتوسط الغرفه
تقرر ان توقظه لينام هو على الارض فقواعد الذوق تقول ذلك فمن غير المعقول ان تنام هي على الارض وينام هو علي السرير
تقف بجانب االسرير وتنادي عليه بصوت منخفض
سليم سليم ولكنه لايستجيب لتنادي بصوت اقوى
سليمسليييم قوم ليجيبها وهو مازال مغلق العينين
عاوزه ايه 
ترد عليا بتأفف 
عاوزه أنام 
يفتح سليم عينيه وهويقول بخبث
ما تنامي هو انا حايشك
ترد عليا بضيق 
انام فين مفيش مكان غير السرير 
يرد سليم بخبث
اه ماتقولي كده عاوزه تنامي علي السرير 
يقوم بالتحرك قليلا ليترك لعليا مكان بجانبه على السرير
تشهق عليا وهي تقول
انت اټجننت فاكرني هنام جنبك علي السرير انا كان قصدي تسيب السرير وافرشلك الارض تنام عليها 
يرد سليم بتهكم وهو ينقلب بضهره على السرير في وضع اكثر راحة
انتي اللي اټجننتي لو فكرتي ان سليم بيه المنشاوي ممكن ينام على الأرض لو عاوزه تنامي ع السرير اتفضلي انا مش مانعك السرير كبير ممكن ياخدنا احنا الاتنين مع اني مش متعود انام جنب حد بس هتنازل واخليكي تنامي جنبي لو مش عاجبك الأرض واسعه نامي عليها 
تنظر له عليا بغيظ وهي تشعر بالعجز لټضرب الأرض بقدميها كالأطفال وتتركه لتجهيز الارض لتنام عليها 
تنام على الارض وقبل ان تستسلم للنعاس سمعت سليم ينادي عليها
عليا لترد بتأفف
نعم 
تسمعه يقول بهدوء
انتي غلطتي كتير في الكلام معايا وانا سكت بس علشان اليوم ده صعب عليكي بس بعد كده كلام زي اللي قولتيه انت اټجننت وقليل الذوق لو قولتيه تاني هيكون فيه عقاپ كبير
محبش انك تجربيه 
تشعر عليا
بالخۏف ولكنها

تظاهرت بالشجاعة وهي تقول
علي فكره انا مبخفش من الټهديد 
يرد سليم بهدوء
وانا مبهددش انا بنصحك تصبحي على خير 
ترد عليا بصوت منخفض
وانت من أهله وتستسلم للنوم استعدادا للمجهول المتتظرها في الغد 
4
افتراضي رد رواية عشقها المستحيل للكاتبة زينب مصطفي كاملة بدون تحميل اون لاين
رواية عشقها المستحيل للكاتبة زينب مصطفي الفصل الرابع
إنطلقت سيارة سليم المنشاوي التي يقودها سائقه الخاص وهي تحمل عليا وسليم في طريقهما لمدينة القاهرة
كان سليم صامت و منشغل بالحاسب المتنقل الذي يتابع عمله عليه بدون أن يعطي أهميه للجالسه بجواره و كانت عليا التي تشعر بالحزن لمفارقتها والدتها الحبيبه تترقرق الدموع في عينيها وهي تتذكر كلامات والدتها وتوصياتها لها
الحاجه رابحه وهي تبكي 
خدي بالك من نفسك يا حبيبتي واصبري أكيد ربنا شايلك الخير كله 
تنظر في وجه عليا الذي تغرقه الدموع و تقول لها بهمس
مش عوزاكي ټعيطي عوزاكي تبقي شاطره وتقدري تاخدي من الدنيا الي انتي عاوزاه 
وتشد على يد عليا بقوه لتكمل كلامها بصوت ضعيف حزين
أنا عارفه انك بتحبي سليم من زمان وانك مكنش عندك أمل ولا فرصه انك تخليه هو كمان يحبك و ده اللي شجعني ان اطلب منه انه يتجوزك دي فرصتك متضيعهاش ولو ربنا كاتبه ليكي هيسهلك الصعب وهيكون ليكي ولو مش مكتوبلك يبقى ترضي بقسمتك يا بنتي 
تتفاجئ عليا بكلمات والدتها لتحاول النفي الا أن والدتها إبتسمت في وجهها علامة علي معرفتها بالأمر
ترتفع حمرة الخجل لتغطي وجه عليا
الحاجه رابحه تقول
كان نفسي أشتريلك جهازك كله زي أي عروسه أو حتى على الاقل أشتريلك لبس جديد لكن عتمان الله يسامحه مرضاش بس ولا يهمك لتخرج من صدرها مبلغ من المال وتضعه في يد عليا خدي دول يا عليا أنا محوشاهم من ورا عتمان هما صحيح مش كتير بس على الاقل ممكن تشتري بيهم فستانين كويسين تلبسيهم قدامهم علشان متبقيش أقل من حد أنا عارفه يا حبيبتي إن لبسك القديم مينفعش 
تهز عليا رأسها علامة الرفض وهي تقول
لاء يا ماما مش عاوزه حاجه خليهم معاكي يمكن تحتاجيهم ومش عوزاكي تشيلي همي أنا أول ما أوصل القاهره هدور على شغل وأصرف على نفسي مش هخلي حد يصرف عليا لا سليم ولا غيره وكمان مش عاوزه حاجه من عمى عتمان انا مش محتاجه حد 
ربنا ينتقم منه عتمان الخير ده
كله بتاعك وحرمك منه بس هانت كلها سنه والحق يرجع لأصحابه 
تقوم بمسح دموع عليا وهي تقول
أنا عارفه يا حبيبتي انك شاطره وبميت راجل بس علشان خاطري لو بتحبيني ريحيني وخوديهم
تفتح الحاجه رابحه حقيبة عليا الشخصيه وتضع بهم المال لتبتسم وهي تقول
ربنا يكتبلك الخير كله يا حبيبتي ويطمني عليكي 
استفاقت عليا من ذكرياتها تنظر من نافذة السياره للطريق لتلاحظ دخولهم الى حي سكني راقي تحيطه الحراسه من كل جانب
تنظر
بدهشه الى سليم المستغرق في العمل
ايه الحراسة دي كلها احنا داخلين معسكر جيش و لا ايه !
يرد سليم وهو يغلق حاسوبه وينظر الى عليا بجديه
الكامبوند ده بيسكن فيه أكبر رجال الاعمال في البلد وطبيعي تكون عليه حراسه مشدده 
ترد عليا وهي تنظر من نافذة السياره وهي تدعي إنها تفهم حديثه
اااااه 
بس مش فاهمه برضه هما عاوزين حراسه ليه هو حد هيخطفهم
يرد سليم عليها بتهكم
مش عارف انتي إيه رأيك يا نابغة عصرك 
ترد عليا بتكبر و هي تتجه ببصرها إليه
أنا أقولك اكيد منظره فارغة كل واحد منهم ماشي ووراه تلاته اربعه بودي جارد زي الحيطه وموقف حراسه قدام بيته علشان يعمل نفسه الشخصيه المهمه الي مفيش زيها 
تشير بيدها الي فيلا كبيره بيضاء اللون تتوسط حدائق واسعه تبدو كالقصر لها بوابه كبيره من الحديد المشغول ويقع على كل جانب منها غرفه للحراسه مملؤه بالحرس المدججين بالسلاح
لتقول بطريقة العالمة بجميع الامور
عندك الفيلا دي مثلا شوف صاحبها حاطط حراس قد إيه زي مايكون اللي عايش فيها ملياردير وهو تلاقيه كل فلوسه قروض من البنوك وعامل الشويتين دول علشان يرسم نفسه عقدة نقص يعني 
يرد عليها سليم بسخريه وهو يرفع حاجبيه بتهكم
ودي بقى معلومات ولا استنتاج بذكائك العظيم 
ترد عليا بثقه وهي تميل للنظر من نافذة السياره
استنتاج بس بكره تقول عليا قالت 
تعقد حاجبيها وهي تنظر لسليم و تقول
هو إحنا داخلين الفيلا بتاعة الحراسه ليه 
تجد سليم ينظر اليها بسخريه 
تفتكري هندخلها ليه 
تتنحنح عليا بحرج وهي تشير بيدها ناحية الفيلا لتقول باحراج وبصوت متقطع به غصه
هو إنت صاحب الفيلا دي 
يرد سليم عليها بسخرية
أيوه أنا اللي كل فلوسي قروض من البنوك واللي بيعمل الشويتين دول علشان عندي عقدة نقص 
تشعر عليا وكأنها ستموت من الشعور بالأحراج لتقول بتلعثم
أنااااا مقصدش أقصدي يعني لتصمت وهي لاتجد ماتقوله
يرد سليم باستهزاء عليها
أخيرآ سكتي ومش لاقيه حاجه تقوليها الحمد لله ياريت تخلي استنتجاتك العبقريه لنفسك ولأخر مره بقولك خدي بالك من كلامك علشان متعرضيش نفسك لعقاپ إنتي مش قده و اعتبري ده أخر تحذير ليكي 
تهمهم عليا بصوت منخفض
اعتراضآ على كلامه
أعوذ بالله كل شويه خدي بالك من كلامك لا عقاپ مش عارفه ايه 
يقول سليم پحده ونفاذ صبر
بتقولي إيه بطلي تكلمى نفسك و ارفعي صوتك وإنتي بتتكلمي سمعيني بتقولي إيه 
ترد عليا بتأفف
اوففف مبقولش حاجه بكلم نفسي ولا ده كمان ممنوع 
يرد سليم ببرود جليدي وتكبر
أيوه ممنوع ممنوع تكلمي نفسك وانتي معايا مفهوم !
تنظر عليا للجانب الآخر إعتراضا على كلامه
يقول بتحذير هادئ وهو يرفع حاجبه
مفهووووم 
ترد عليا بتأفف
مفهوم
تتفاجئ بالسائق يقوم بفتح باب السياره لها وينتظر نزولها لتنظر لسليم بتساؤل الذي أجاب ببساطه
وصلنا اتفضلي انزلي
تشعر بالتوتر وهي تنزل من السياره لتجد نفسها أمام الفيلا البيضاء الرائعه التي تشبه القصور في فخامتها وتحيط بها حديقه رائعه كبيره ليشير لها سليم أن تتقدمه لتصعد عليا السلالم القليله التي تقود لبوابة الفياه الجميله لينزلها ويتوجه بها ناحية عليا وهو يبتسم ويقول
دي بقى تبقى تالين أختي الصغيره 
أكيد إنتي عليا بنت عمي صح !
تبتسم عليا بخجل وهي تقول
أيوه صح 
تقوم تالين بشد عليا للداخل وهي تثرثر
تعالي اعرفك على ماما دي مستنياكي من الصبح 
تجد سيدة جميله أنيقه تجاوزت الخمسين من عمرها لا يظهر عليها معالم التقدم في السن تتقدم للترحيب بها
أهلا وسهلا يا بنتي نورتينا 
تمد عليا يديها بخجل لتحيتها
ازي حضرتك يا طنط 
إلا إنها قامت بتجاهل يد عليا الممدوده لها وهي تقول
ايه طنط دي اسمي قسمت ماما قسمت لو مكنش ده يضايقك 
ترد عليا بخجل وهي تشعر إنها على حافة البكاء بسبب ترحيبهم الشديد بها
لاء يضايقني إزاي يا طنط قصدي يا ماما قسمت 
تضحك قسمت وهي تربت على ظهر عليا
شوفتي يا تالين عليا بتسمع الكلام من أول مره ازاي مش زيك بتنشفي ريقى على أما تسمعي الكلام 
ترد عليها تالين وهي تضحك بشقاوه
بس يا مامتي عليا هتاخد فكره وحشه عني كده 
قسمت وهي تربت على كتف عليا بحنان
أطلعي ياعليا مع تالين فوق هتوريكي اوضتك ارتاحي شويه وغيري هدومك يكون الغدا جهز 
تصعد عليا
بصحبة تالين لغرفتها وهي تستمع لحديث والدة سليم معه
على فكره چومانه هي وأخوها ووالدتها هيتغدوا معانا النهارده 
يعقد سليم حاجبيه وهو يقول
انتي شايفه يا ماما إن الوقت مناسب للدعوه دي !
أنا عندي شغل متعطل بقاله إسبوع ومعنديش