ظلمي ج2 بقلم أميمة خالد
المحتويات
جوزي مش هيصرف عليكو .... خرجت هدي و رزعت الباب وراها
محمد كان متضايق انه وصل نفسه لكده ومنال لما حست بكده شغلته بالكلام.... يلا يا محمد نطلع الشنط و نظبط المكان ومع الوقت كل حاجه هتتحل
خديجة مراتك صح اطلع يا حبيبي ارتاح
في شهرين ليلي وريهام فتحوا المحل فعلا في مول
ريهام بفرحة مبسوطة اوي ان قدرنا نعملها
ليلي اه يا اختي بس بقينا علي الحديدة .... البنات نفسهم في حاجات كتير اوي ومش عارفه اجيب
ريهام معلش عرفيهم بس ان دي فترة مؤقتة وبعد كده هيبقي معاهم كل حاجه
ليلي يارب يا ريهام انا نفسي اجيب بيهم كل حاجه ان شالله حتة من السما
ريهام ربنا يخليكي ليهم .... بقولك ايه هتعملو غدى ايه النهارده
ليلي مش عارفه اي حاجه بقي
ريهام هو مش بكره عندهم أجازة
ليلي ايوه
ريهام بس كده هنروح نجيبهم و اعزمكو علي الغدى بره حتي هيفرحو اوي
ليلي تمام يلا
جيه معاد فرح أميرة و ياسر
قبل الفرح بيوم
اتصل ب ليلي يأكد عليها المعاد قفل معاها وأمير كلمه
أمير عاملك حتة مفاجأة
ياسر بتوتر ايه هتيجي الفرح
أمير ضحك لاء يا عم انت الهتيجي
ياسر مش فاهم
أمير حجزت ليكو هنا عشان شهر العسل هدية مني ليكو
ياسر بفرحة احلف كده
أمير عيب يا ابني هو انا ههزر معاك ليه يلا اقفل عشان عندي شغل
قفل أمير مع ياسر وهو بيضحك و كان جنبه مرام بتتفرج علي فيلم
مرام انت معرفتهوش ليه انك في مصر عشان فرحه !
أمير عاملها مفاجأة ليهم
مرام مممم هو انت تعرف خطيبته
أمير طبعا دي اختي الصغيرة
مرام تعرفها منين
أمير افتكر ليلي وابتسم ... قصة طويلة متشغليش بالك المهم بس متتأخريش بكره وانتي بتجهزي
ليلي في شقتها مع البنات
ليلي خبوا عينكو كويس بلاش خم
ريم مخبين والله يا ماما فين المفاجأة بقي
ليلي طلعت فستانين من الشنطة .... فتحوا يلا
ريم وتالين الله
ليلي عجبكو
تالين اوي يا ماما شكله جميل
ريم ده هنروح بيه فرح أميرة
ليلي اسمها خالتو أميرة كمان عيزاكو تبقوا حلوين اوي عشان هتقابلو هناك ناس كتير
تالين ناس مين نعرفهم
ليلي اه ولاء
ريم مفيش حاجة اسمها كده يعني ايه اه لاء
ليلي بصي يا لمضة هناك فيه جدو صفوت و احتمال تيتا خديجة
تالين جدو صفوت باباكي
ليلي ايوه
ريم وتيتا خديجة ام بابا
ليلي صح برضو ولو هي هناك اسألوها عن ابوكو بقي براحتكو ... يلا بقي نجرب الفساتين و التسريحات
يوم الفرح الصبح ليلي جهزت كل حاجه في الشنط وراحت الفندق لاميرة
أميرة في اوضتها زعلانه عشان ليلي مش معاها لوحدها و ياسر دخل ليها
ياسر بهزار في عروسة قمر تبقي مكشرة كده ومش عايزة تبدأ
أميرة مش مكشرة يا ياسر
ياسر كل ده ومش مكشرة امال صحباتك بيفتروا عليكي .... وبعدين عندي ليكي مفاجأة
أميرة هي ايه
ياسر ابتسم غمضي عينك بس
غمضت اميرة عينها دقيقة تقريبا .... ياسر كل ده
ياسر خلاص فتحي عينك
فتحت أميرة عينها و كانت ليلي واقفه قدامها
اميرة فضلت متنحه و رجعت خطوتين لورا وبصت لياسر .... ده بجد
ياسر ايوه قدامك ايه
نطت أميرة علي ليلي و هي بټعيط
ليلي وحشتيني اوي
اميرة بدموع كده تسيبني لوحدي كل ده مجبتيش معايا اي حاجه لشقتي ولا ليا وسيباني يتيمة كده
ليلي حقك عليا انا غلطت لما سيبتك فعلا بس جيتلك اهو عشان مينفعش تبقي اول بنت من بناتي بتتجوز وانا مش معاها
ياسر ابتسم طيب انا هخرج بقي تكونو خلصتو عشان منتأخرش علي الناس
أميرة بعدت عن ليلي و راحت ياسر ... انا بحبك اوي
ياسر باس راسها ... وانا كمان بس يلا بسرعه بقي
خرج ياسر و كان ريم وتالين
أميرة بدهشة ليلى دول بناتك
ليلي كبرو صح
أميرة وبقوا حلوين اوي
البنتين كان عينهم أخضر غامق وملامحهم
صغيرة و خدودهم مدورة وشعرهم اسود وتقيل وليلي بتخلي شعرهم مفرود لحد رقبتهم
جهزت ليلي اختها و كانت عروسة حلوة اوي و ليلي كمان لبست فستان احمر ضيق من فوق و واسع من تحت خالص وطويل و طرحة سودا و شوز اسود عالي وحطت روچ احمر وكانت جميلة ورقيقة
ريم وتالين لبسوا فساتين بينك و جذم بيضا
نزلت أميرة مع ياسر و كانت مبسوطه اوي وبعدها نزلت ليلي وبناتها و صفوت لما شاف بنته استغرب اوي و خديجة كانت واقفة جنبه استغربت من وجودها ووجود بناتها الكبرو و شكلهم جميل وملفت.... نزلت ليلي وقفت قدام ابوها .... عامل ايه يا بابا !
صفوت بصلها كتير و .... انا اسف يا ليلي
ليلي ابتسمت و طبطبت علي ضهره ... وانا بعيد بقيت احسن مليون مره
بصت ليلي ل خديجة ازيك يا عمتي
خديجه بضحكة صفرا الحمد لله
ليلي مسكت ايد بناتها وشاورت ليهم ...ده جدو صفوت بابا البحكيلكو عنه
صفوت نزل في مستوي البنتين وسلم عليهم
ليلي بصت ل خديجة وغيرت نبرة صوتها .... ودي يا حبايبي تيتا خديجة ام بابا الانتو بتسألو عليه دايما
خديجة بصت ليهم بتوتر ازيكو يا بنات
ريم فين بابا ده
خديجة بصت ل ليلي بابا اه مسافر
تالين عارفين ماما بتقول كده بس منعرفش مش بيجي لي ولا شكله ايه .... بتشوفي يا تيتا
خديجة اتوترت و هربت منهم .... عن اذنكو انا هدخل الحمام
وخرجت خديجة وسابت الفرح كله
ريم ماما
ليلي نعم
ريم تيتا دي رخمه اوي
ليلي لاء عيب كده دي ست كبيرة لازم تحترميها
لفت ليلي وهي بتضحك و بتبص علي الباب شافت أمير داخل بيضحك وفي ايديه مرام مراته
ياسر شافه برضو هو و أميرة .... أميرة يالهوي انت مش قولت مش جاي
ياسر ايه ده جيه
بمراته..... فين ليلي
أمير شاف ليلي و ابتسامته اختفت و جمد مكانه يبصلها
الحلقة ١١
إن هذا القرآن يهدي للتي هي أقوم ويبشر المؤمنين الذين يعملون الصالحات أن لهم أجرا كبيرا 9 الإسراء
أمير وقف مكانه وبص ل ليلي شافها واقفه مصډومة و مدمعه من مسكته لمراته.... ف بعد ايده عن ايد مرام بسرعه و تعبيرات وشه اتحولت لأسف ليها
ليلي كانت ماسكة بناتها الاتنين في ايديها و الناس خدوا بالهم من وقوف أمير علي الباب كتير
ليلي لفت وخدت بناتها وطلعت الأوضة فوق تاني و طول ما هي طالعة أمير باصص عليها مشالش عينه عنها
صفوت راح لي عشان محدش ياخد باله .... استاذ أمير اتفضل
أمير بصله ب توهان و افتكر انه في فرح صاحبه...
دخل أمير ومراته جنبه هتولع وسلموا علي ياسر و أميرة
ياسر انت مقولتليش ليه انك جاي
أمير بسرحان كنت عاملهالك مفاجأة علي اساس هي مش هنا
أمير و مرام رجعوا علي ترابيزتهم و اول ما قعدو .... قام أمير وقف وبص لمرام انا رايح الحمام
ضحكت بسخرية الحمام ولا ليها
مردش أمير عليها وطلع علي السلم الهي كانت طالعة عليه لحد ما وصل الأوضة كانت ليلي قاعدة علي السرير بټعيط وجنبها البنتين زعلانين عليها .... خبط أمير علي الباب
ريم أدخل
دخل أمير بتوتر و ابتسم لما شاف البنتين وقرب منهم ... ليلي لما حست بيه مسحت دموعها
أمير انا مش مصدق ان انتو كبرتو كده
تالين هو انت بابا
ليلي غمضت عينها وبصت لبنتها بعصبية و زعيق .... لاء ومش كل واحد هتشوفوه هتقولوا بابا
أمير صعب عليه البنات اتضايق من أسلوب ليلي
ابتسم أمير وسلم علي تالين .... انتي تالين صح
تالين فتحت بوقها انت عارفني وكمان متلغبطتش بيني وبين ريم
أمير ضحك ما انا عارفك عشان عندك حسنة هنا .
ريم اما انت مش بابا و عارفنا كده امال احنا مش عارفين انت مين ليه
تالين وماما زعلت لما شافتك ليه
ليلي حطت ايديها الاتنين علي دماغها من أسئلة البنات و زعلها وكل حاجه غلط في وقت مش مناسب
أمير ممكن تستنو بره وانا هصالح ماما بعدين اتكلم معاكو
خرجوا البنتين بره وليلي لسه حاطة ايديها علي راسها ومغمضة عينها
أمير قعد قدامها علي الارض مش هتبصيلي!
ليلي حركت دماغها ب لاء
أمير البنات كبروا و بيتكلمو حلو اوي ..... ليلي انا أسف
ليلي فتحت عينها
و بصتله هو كان قدامها وقريب منها اوي اسف علي ايه يا أمير انت معملتش حاجة تتأسف عليها
أمير اتجوزت!
ليلي ده حقك انا فرحتلك لما عرفت بس معرفش لما شوفتكو حصل ايه
أمير انا اتجوزت عشان احاول انساكي و اشغل نفسي بس معرفتش وفشلت
ليلي لما تعمل عيلة وتخلف هتنسي
أمير انتي ليه مش مصدقاني وبعدين انا لما حلمت اجيب عيال كنت عايز تبقي انتي امهم .... انا شارط عليها ان مفيش خلفة
أمير انتي شايفة كده
ليلي ايوه
أمير حاضر يا ليلي بس ممكن اقعد مع البنات
ليلي هزت راسها بمواقفه
خرج أمير و شاف ريم وتالين مستنين بره
أمير ممكن تنزلو تقعدو معايا تحت
ريم وماما
أمير هتنزل دلوقتي وهي موافقه نقعد سوا
أمير قرب من ترابيزته بالبنتين ريم شدته من كمه.... علي فكرة الست دي كانت بتسمع فوق انت وماما بتقولو ايه
ليلي فوق ظبطت طرحتها و نفسها .... انزلي و افرحي مع أميرة كأنه مش موجود متبقيش انتي مصدر نكد ليهم
نزلت ليلي وكان شكلها حلو اوي وهي نازلة وأمير طبعا مشالش عينه من عليها طول الوقت .... وليلي بصعوبة مانعة نفسها تبص لي
بعد فترة خرجت ليلي بره تشم هوا عشان جوه حاسه ان هي مخڼوقة من نظرات أمير و ابوها وأختها و بناتها
خرجت ليلي و خرج وراها واحد
ليلي وهي واقفة بعيد شوية سمعت صوت خطوات بصت وراها ..... واحد مبتسم اوي واقفة لوحدك ليه يا قمر
ليلي وانت مالك .... جت تمشي ليلي عشان ترجع الفرح وقف الشخص قدامها ومنعها
ليلي پخوف بعد اذنك عايزة امشي
لسه القدامها هيمسك ايديها كان أمير خبطه بالبوكس وقعه وشاور للحرس يخرجوه
ليلي بعصبية انت ايه الجابك
أمير بزعيق امال اسيبه يمد ايده عليكي وبعدين ايه الأنتي لبساه ده
ليلي حطت ايديها في وسطها لابسة ايه انا !
أمير فستان احمر و ضيق وايه لون الروچ ده
ليلي انت مالك ما تشوف مراتك ماشية ازاي الأول بعدين كلمني انا
أمير معرفش يرد .... طيب اسكتي واقفي هنا
وقفت ليلي مكانها وأمير طلع خد البنات و مشي بيهم قدام ليلي وهي واقفة مستغربة
أمير هتفضلي واقفة يلا
خرج أمير لحد عربيته وفتح للبنات يقعدوا ورا
أمير بص للسواق اطلع خد مدام مرام وروح معاها في تاكسي لحد البيت
السواق تحت امرك ...... مشي السواق
و أمير لف فتح ل ليلي باب العربية في الكرسي الجنبه
ليلي بعند مش هقعد!
أمير يلا عشان اروحك
ليلي بعرف اروح لوحدي
أمير بعصبية متعصبنيش عليكي يلا
عدت ليلي من جنبه وفتحت قعدت ورا مع البنات
أمير ايه ده ان شاء الله
ليلي إن كان عجبك
أمير قوليلي العنوان لو سمحتي
ليلي قالتله العنوان و هما في الطريق بيبصوا لبعض من المرايا
ريم ماما هو مين ده
ليلي واحد زميلي وقريبي
تالين مش بنشوفه ليه
ليلي عشان مسافر وعايش بره
تالين زي بابا !
ليلي ايوه
ريم هو انت بتشوف بابا !
أمير لاء انا في مكان غيره
تالين هو انت عارفه او شوفته قبل كده!
أمير افتكر لما كان بيطلب ليلي وهو جيه هددها.... شوفته مره واحدة زمان
ليلي خلاص بقي يا بنات اسكتو
وصلو
أمير سيبيهم يا ليلي شيلي واحدة وانا هشيل التانية
ليلي لاء
أمير هتعرفي تشيلي الاتنين شيلي
شالت ليلي ريم و طلعت بيها ووراها أمير شايل تالين
دخل أمير الشقة و كانت بسيطة ودافيه اوي ..... ليلي دخلت ريم علي السرير وقامت تطلع ليهم غيار و أمير نيم تالين جنب اختها وقعد قلعهم الجذم
ليلي متتعبش نفسك انا هغيرلهم
أمير بصلها مش تعبان يا ليلي ومتبقيش رخمة كده انتي عارفه اني بحبهم
ليلي عارفه بس اعتقد انك تمشي بقي عشان مراتك
قام وقف قدامها وقرب منها وبصلها ... انتي شايفة كده
ليلي رجعت لورا بس خبطت في الحيطة وأمير فضل واقف قدامها وبيبصلها.
ليلي غمضت عينها عنه و بتوتر لو سمحت يا أمير
أمير بعد عنها انا ماشي ومن بكره مش هكون في البلد عشان متقلقيش عن اذنك
خرج أمير من الشقة وهو مبسوط جدا بقاله سنين محسش بالفرحة دي
اول ما دخل بيته كان ضلمة و كان
بيغني فجأة النور اتفتح وشاف مرام واقفة قدامه مربعه
أمير مساء النور يا مرام
مرام بعصبية مساء الزفت يا حبيبي ... انا ساكتة من اول القرف الانت عملته لاني بنت ناس و محبتش اعمل مشكلة بره لكن دلوقتي بقي من حقي تتكلم معايا
أمير ببرود عايزة تعرفي ايه
مرام دي حبيبتك صح
أمير ايوه
مرام ولما انت بتحبها كده متجوزتهاش ليه
أمير عشان محدش ياخد منها بناتها
مرام مش لو كانو
بناتها!
أمير قصدك ايه
مرام ليه ميكونوش بناتك انت
أمير بزعيق ايه الهبل والتخريف ده
مرام انت قولتلي مبحبش العيال والعواطف واول ما شوفت بناتها قلبت فجأة حنين
أمير يعني انتي عايزة ايه
مرام عايزة اخلف
أمير لاء مفيش خلفة
مرام ماشي وانا مش هطلب الطلاق واريحك ومتنساش ان احنا متجوزين في اسبانيا يعني لو فكرت تتجوز عليا هحبسك يا أمير
مرام سابت أمير واقف هيولع وطلعت اوضتها
تاني يوم الصبح صحيت ليلي و صحت بناتها ونزلوا
ليلي وصلت بناتها الحضانه وطلعت علي بيت ابوها وهي علي الباب تحت شافت محمد خارج وشايل ابنه علي كتفه افتكرت ليلي بناتها وطلعت
صفوت فتح الباب تعالي يا ليلي
ليلي يلا يا بابا أجهز
صفوت أجهز فين
ليلي جهز هدومك عشان هتيجي معايا بيتي
صفوت لاء انا مش همشي من البيت تعالي انتي
ليلي لاء طبعا هو مش ابن اختك و ابنه ومراته جنبنا هجيب بناتي يتحسرو علي نفسهم ولا افرج الناس عليهم ..... انا مش هاجي علي بناتي عشان خاطر حد
صفوت خلاص مش هخرج من بيتي
ليلي تمام كل ما اقدر هاجي ابص عليك واكلمك كل يوم عن اذنك
روحت ليلي اخر اليوم تعبانه ومعاها البنات ولقو قدام الشقة هدايا كتير جدا
ريم الله يا ماما اي ده
ليلي مش عارفه ....تعالي ندخل ونشوف جوه
دخلت ليلي ودخلت كل الهدايا جوه وقعدت قدامهم وبناتها جنبها بيبصوا
ريم ماما ... اسمي مكتوب علي العلبة دي
خدتها ليلي فتحتها كان بوكس ملفوف ومن جواه صورة لأمير مع ريم في برواز و فيه فستان
تالين وانا يا ماما افتحيلي هديتي
ليلي كانت مبتسمه اوي بفرحة ولادها ... وفتحت هدية تالين كان برضو صورة ليها مع أمير في برواز و نفس الفستان
ليلي بضحك انتو اتصورتو معاه امتي امبارح
ريم لما خدنا نقعد معاه اتصورنا... شوفي دول يا ماما فيهم ايه
فتحت ليلي اكبر بوكس كان فيه فستان ليها و ميك اب و برفيوم
و الباقي كان فيهم بيتزا ال ليلي بتحبها و حلويات للبنات وكانو فرحانين اوي......
بعد مرور 11سنه
في شقة ليلي والمنبه بيرن دخلت ليلي أوضة البنات تصحيهم كان كل بنت نايمه علي سرير و جنب كل سرير كومودينو عليه صورة كل بنت مع أمير
ليلي
صحيو الاتنين وقعدو علي السرير
ليلي ايه ده ان شاء الله
تالين بزعل ماما مش هنروح المدرسة
ليلي لييه!
ريم عشان حضرتك طول فترة ابتدائي وثانوي كل ما اقولك بابا تقولي سافر جاي معرفش ايه
متابعة القراءة
