رواية فرحتي الفصول من 13 الى 19
المحتويات
عشان تيجي معانا وتختار فستان
مصعب انا هخدها مره تانيه
فرح لا هنخدها معانا
نظر لها مصعب مش هتتضيقي
فرح هضايق ليه. انت عارف اني بحب فريده
ابتسم لها مصعب دخلو الشقه وسلمت ع اعتماد ومرزوق
اخذو فريده ونزلو معا . وذهبو الي مول للفساتين
فريده الفساتين هنا حلوه اوي
فرح اه . هنختار انا وانتي شبهه بعض
فريده لا مش هينفع
فرح مش هينفع ليه .
فريده ده فرحك انتي.
فرح انتي بنتي . هنلبس زي بعض
ابتسمت فريده. فرح فهي تحبها كثيرا
اما مصعب فكان ينتظرهم بالخارج ..
فريده الله . حلو الفستان ده
عليكي اوي
فرح وهي تنظر لنفسها في المرايا جميل . انا هاخده
البنت اتفضلي حضرتك ادفعي الحساب .
فرح عايزه واحد تاني شبهه علي قد فريده
البنت شبهه بالظبط مفيش . بس في فساتين قريبين منه. .
ذهبو مع البنت واختارت فريده وفرح فستان اخر لفريده
دخل مصعب ودفع الحساب . وخرجو معا .
لينظر لهم بفرحه وهما يتكلمون معا كانو يتشابهون كثيرا نفس الروح والضحكه وطريقه الكلام.
....
مرت الايام وهم يتجهزون للفرح . ابدلت فرح غرفه النوم باخري جديده ومنعت مصعب ان يدخل الغرفه .
ايضا ابدلت الكثير في الشقه والاجهزه الكهربائيه .
في هذه الفتره كان يجلس مع امه وابيه في شقتهم . حتي تنتهي من كل ما تريد .
.......
اخيرا جاء يوم الزفاف .. تزينت فرح وكانت في ابهي صوره كانت جميله جدا والفرحه جعلتها احلي بكثير
كانت تضحك وعيونها تلمع بشكل جميل ...
حنان كانت كاي ام تبكي من الفرحه وهي سعيده لفرحه ابنتها
فريده كانت معاهم في الكوافير وكانت جميله جدا
دعت لها بالسعاده
ليدخل مصعب وهو يرتدي بدله العريس . كان وسيم للغايه
نظر لها ليجدها تقف امامه بفستان الفرحه والحجاب الذين يزينها .. ليتنفس بابتسامه جميله.
امسك يدها وقبلها مبروك يا فرحي
. ضحكت هي بخجل الله يباركلي فيك ..
مصعب ايه العسل ده يا ديدا
فريده وهي تلف حول نفسها بطفوله حلوه
فرح قمر
فريده انتي اللي قمر . شوفت يادادي. فرح حلو ازاي
مصعب انتم الاتنين قمرات.
لتعلو الزغاريط عند خروجهم . توجهو للقاعه
ودخل مصعب وهو يمشي بجانب فرح في ممر الزفاف.
يكره الافراح ولكن لاجلها سيفعل اي شئ
جلسو وكان الفرح هادئ ليدخل الماذون ويكتب الكتاب
وهكذا اصبحت فرح زوجه مصعب وتعالت الزغاريط والمباركات.
مضي الفرح بهدوء لا يوجد مشاكل ولا اي شئ.
الجميع سعيد لزواج مصعب وفرح. ويتمنو لهم السعاده
بعد انتهاء الفرح. اخذت اعتماد فريده وسلم الجميع علي فرح ومصعب وصعدو لشقتهم
فتح الباب ليحملها علي يده شهقت بخجل وامسكت به
دخل واغلق الباب
كان وجهها احمر من الخجل .
مصعب مبروك يا فرح
فرح بخجل شكرا
خلع جاكت وجلس بجانبها لتبتعد قليلا .
مصعب مش هتغيري
فرح لا . هي فين فريده
مصعب مع ماما اعتماد
فرح هي مجتش ليه
مصعب هي هتيجي . فرح ممكن تغيري الفستان ونصلي
هزت راسها بالموافقه .
مصعب انا هخرج بره واغير هدومي واما تخلصي اخرجي
فرح ماشي
كانت متوتره جدا ولكنها سعيده انها الان زوجته
ابدلت فستانها وفكت الحجاب و خرجت بعد ان توضت
لتجده يجلس ويشاهد التلفاز
مصعب انتي لسه فاكره. انا قولت نمتي
فرح الطرحه كانت رخمه وفيها دبابيس كتير
مصعب كنتي قولتي واساعدك
فرح خلاص انا اتصرفت
وقف مصعب اتوضيتي
فرح اه
صلو معا وبعدها قال الدعاء.
ليقف ويمسك يدها تقف معه اقلعي الاسدال وتعالي نتكلم
نظرت له بتوتر يا فرح هنتكلم الاول ومش
دخلت و ابدلت الاسدال لترتدي روب فوق ملابسها وتركت شعرها وخرجت بخجل . ليبتسم لها واشار الي المكان بجانبه لتجلس
جلس بجانبه ليدير جسده وينظر لها بحب .. امسك يدها وقبلها برقه
مصعب فرح انا بحبك وانتي الوحيده اللي عشانك غيرت فكرتي عن الحياه واتجوزت
نظرت له ليتابع حديثه
مصعب في شويه كده حاجات لازم نتكلم فيها قبل ما نبدا حياتنا كزوجين .
فرح حاجات ايه
مصعب بابتسامه انتي عارفه ان فريده هي اغلي حد لقلبي بنتي وعمري كله . انتي عمري اللي جاي هتشاركي معايا في كل حاجه .. يعني انتي وهي قسمتو قلبي نصين وكل واحده قاعده في النص بتاعها ومربعه
فرح كمل
مصعب انا ممكن اسامح لو قصرتي في حقي يعني شئ طبيعي هنختلف ونتخانق زي اي زوجين. بس فريده عندي خط احمر .
كشرت فرح انت عارف اني بحب فريده وبعتبرها اختي الصغيره وبنتي كمان من قبل حتي اما نتجوز. فاكيد معاملتي ليها مش هتتغير
مصعب فريده فقدت امها وهي صغيره وانا اللي ربيتها وكنت امها قبل ما اكون ابوها . ولحد دلوقتي انا بقوم بدور الام والاب والاخ والصاحب
فرح وانا هشارك معاك. يعني هكون امها واختها.
مصعب اوعديني انك عمرك ما هتزعليها ولا
تزهقي من وجودها في حياتي. لاني مش هقدر اعيش وانتي وهي مش متفقين
فرح مصعب انا مقدره انك خاېف علي فريده . بس مش مني يا مصعب. انت عارف اني بحبها واكيد هعملها كويس هي طفله في الاول والاخر .
مصعب انا بس حبيت افهمك قبل ما نبدا حياتنا اني حبي ليها من نوع خاص. عشان ميكونش في مشاكل
فرح وانا متفاهمه جدا كل ده ومقدره حبك . وصدقني انا كمان بحبها اوي وانت عارف ومتاكد
عارف يا فرح . وعارف كمان اني بحبك اوي واني بعشق وبموت فيكي
ابتسمت له ..
مصعب مش هنام بقي
.فرح مش دلوقتي. تعال ناكل
مصعب ناكل وماله
جلسو يتناولون الطعام
مصعب كلتي وشربتي واتبسطتي . ننام بقي
فرح لا . اصل
مصعب نعم . اصل ايه تاني .
فرح عايزه اتفرج ع التلفزيون
مصعب هفرجك علي فيلم جميل اوي
.
فرح فين .
مصعب ذ في التلفزيون اللي جوه . انا حملته علي الفلاشه
فرح بتصديق عربي وله اجنبي
مصعب الاتنين.
فرح ازاي الاتنين .
مصعب ازاي دي مش بكلام . لازم تشوفي بنفسك
فرح ماشي
دخلو معا. لتجلس امام التلفاز شغل الفيلم
مصعب انتي عبيطه
فرح بتقول ايه
مصعب انا هعملك ع اساس انك فريده ..
وقفت امامه بغيظ. مش انت اللي قولت في فيلم
مصعب وانتي صدقتي
فرح اه
مصعب احنا الفيلم يا روحي .
ابتعدت عنه بلاش قله ادب
ضحك مصعب هو انا قولتلك انك عبيطه. ضيفي عليها هبله واكيد ماما عارفه
فرح والله انت رخم وبارد
مصعب طيب تعالي بقي
هربت منه وركضت للخارج ليمسكها بصعوبه.
.............
17
سبحان الله وبحمده ... سبحان الله العظيم
استيقظ مصعب علي صوت الباب. ليذهب ويفتح كانت حنان ومعاها طعام الافطار و حليب لهم
حنان معلش يا بني. معرفش انك نايم لحد دلوقتي
اخذ منها الطعام ووضعه علي السفره ليقبل يدها
ولا يهمك يا ماما. انتي عامله ايه
حنان الحمد لله يا حبيبي .. انتم اخباركم ايه
ابتسم الحمد لله .
ابتسمت له ربنا يسعدكم . صحي فرح وافطرو مع بعض
مصعب انتي هتفطري معانا
حنان لا يا حبيبي .العرسان بيفطرو مع بعض
مصعب مش هيحصل . هتقعدي تفطري معانا .
ثواني هدخل اصحي فرح
حنان يا بني . استني
مصعب بالله عليكي خليكي . هدخل اصحيها وارجع
دخل مصعب الي فرح التي كانت مستغرقه بالنوم
ابتسم بخبث وجلس بجانبها
لتصرخ في وجهه ..
مصعب الله يخربيت كده . انتي ملكيش في الرومانسيه .
فرح ملكش دعوه بيا وابعد عني. انا اصلا مخصماك
مصعب قومي يا هبله علشان ماما حنان بره. تعالي نفطر مع بعض
فرح مش عايزه افطر معاك . انا هرجع مع ماما
مصعب يكون احسن. معرفتش انام اصلا منك . نايمه بعرض السرير . وبتتخانقي وانتي نايمه
فرح طيب انا هقعد علي قلبك ومش هتنام جنبي . هتنام في الارض بعد كده
مصعب مش مصعب اللي ينام في الارض.
جلست علي الفراش لتقول له مصعب
مصعب بمزاح هتنزل المره دي .. انا انام علي الكنبه
ضحكت هي .. صباح الفل والورد
فرح صباح النور
مصعب ماما حنان بره .هتفطر معانا. قومي اغسلي وشك وفوقي واطلعي
فرح حاضر
خرج من الغرفه وهي دخلت الحمام .
حنان يا بني افطرو انتم
مصعب خلاص بقي يا ماما . هنفطر مع بعض فيها ايه.
حنان هتسافرو انهارده
مصعب اه . هنسافر اسبوع
حنان تروحو وترجعو بالسلامه
خرجت فرح لتقبل امها. وجلسو يتناولون الافطار معا
حنان يا ولاد كلو كويس
مصعب الحمد لله .تسلم ايديك يا ماما
حنان تسلم يا حبيبي
نظر لفرح بمشاكسه منور يا معلم
لتبتسم برخامه ههه. بنورك يا شبح
حنان مجانين والله . انا قايمه وانتم قبل ما تسافرو تعالو سلمو عليا
فرح ما تيجي معانا يا ماما
حنان مش هينفع
فرح ليه . انتي بقالك كتير مخرجتيش .تعالي
لنظر لها بغيظ اه تعالي يا ماما معانا.
حنان مره تانيه نسافر كلنا . انتم لسه عرسان جداد.
خرجت حنان ودخلت لشقتها . لينظر مصعب الي فرخ بغيظ
مصعب فرح انتي عبيطه
فرح انا عملتلك ايه يعني
مصعب احنا مسافرين ليه
بتفكير وبراءه علشان نتفسح
مصعب اممم. نتفسح .هي دي اخر معلوماتك.
حركت راسها
بنعم
مصعب مفروض ان ده هيبق شهر عسل. انا وانتي وبس ورومانسيه وحركات
فرح لا مش قادره. ومش بحب الرومانسيه. انا مش هسافر
ينظر لها ليبكي بتمثيل اهئ اهئ .منك لله. هتشيلي امي
ضحكت بعد الشړ عنك يا مو
مصعب بقرف مو
فرح اه بدلعك. مش انت قولتلي دلعيني
نظر لها انا شكلي استعجلت في الجواز .
فرح يا شيخ روح .
ادخلت الاطباق المطبخ وغسلتها .. لتدخل غرفه النوم.
ابدلت ملابسها لتنام علي السرير
دخل هو پصدمه انتي هتعملي ايه
فرح هنام
مصعب قومي يا فرح اقعدي معايا . انتي لسه صاحيه من النوم
فرح هنام شويه صغيره
مصعب انتي بترخمي صح .
فرح اه .
جلس بجانبها اليه قومي اجهزي علشان نسافر
فرح ماشي. ناخد فريده معانا
المره دي هنسافر انا وانتي وبس .
فرح اتصلت بيها
مصعب لا لسه . هقوم اتصل بيها. وانتي البسي وجهزي نفسك
برقه ماشي يا حبيبي
مصعب انتي اللي حبيبي .
.......
تجهز الاثنان واتصل اطمان علي فرح وسلم علي حنان وسافر الاثنان الي مرسي مطروح
وصلو الي الفندق واخذو مفتاح الغرفه ..
دخل ياخذ حمام . خرج ليجدها نائمه
خرجت من الحمام وانا فاكرها منتظراني زي ما قالت . لقيتها نايمه .. متجوز باندا . بتنام في ي مكان .. نايمتها كويس وغطتها . سرحت فيها انا بحبها فعلا
انا اتغيرت علشانها .. مكنتش هتجوز تاني. بس علشانها هي انا عملت حاجات كتير ومستعد اعمل اكتر.
قبل جبينها وتمدد بجانبها لينام هو الاخر
.......
. استيقظ بعد وقت علي صوتها وهي تنادي عليه
ليفتح عينه نعم يا فرح
فرح وهي تقفز عليه قوم بقي .عايزه انزل واخرج
نظر الي الساعه ليجدها ١٢ مساء
مصعب بكره الصبح
فرح لا دلوقتي
مصعب الساعه ١٢ هننزل فين. الصبح نخرج
فرح مليش دعوه
نظر لها بالعقل
.
عبس وجهها ونظرت له انت جايبني علشان نقعد
مصعب قولتلك هنتفسح . وانتي اصلا اللي نمتي الاول .. مش انا .
فرح هنقعد نعمل ايه . انا جعانه وعايزه اخرج
مصعب هطلب اكل ونقعد نتفرج ع فيلم
فرح فيلم ايه. لا مش هينفع
ضحك هو هنتفرج علي فيلم في التلفزيون . تفكيرك شمال
توترت ده انا برضو . انت اللي تفكيرك قليل الادب
مصعب ياهبله انتي مراتي .
فرح اثبت
لتدفعه بعيدا
فرح يا مصعب بقي. انا جعانه
مصعب قلب مصعب ثواني والاكل يكون عندك . تحبي تاكلي ايه
فرح بتفكير امممم . مش عارفه اي حاجه
مصعب انتي بتحبي الشاورما. اخليهم يبعتو شاورما
فرح وبطاطس محمره وكاتشاب
مصعب ماشي يا قلبي .
ربت علي رسها
فرح اوعي ايدك انت بتكلم بنتك
مصعب انتي وفريده واحد نفس المخ
فرح كده . طيب هتنام ع الارض انهارده
مصعب انا هقوم احجز اوضه تانيه. احسن
فرح استني اما تجيبلي اكل الاول
مصعب بهمس مصلحه
لترد عليه سمعتك علي فكره يامصعب
اتصل بالفندق يبعث بالطعام .. وجلس الاثنان ياكلون
وفي الصباح ذهبو معا الي الشاطئ.
كانو يحلسون امام البحر .
فرح عايزه اشرب .
مصعب خليكي هنا. هقوم اجيبلك
فرح ماشي . وهاتلي بيبسي
مصعب وشوكولاته كمان .
ابتسمت له وهو ذهب ليشتري لها ما تريد . تنهدت وهي تراقبه وهو يبتعد . لا تصدق انه معاها الان وانهم متزوجان تحقق حلمها وتزوجت من حبيب عمرها.
وجدت امامها شاب يبتسم . نظرت الي الجهه الاخري
الشاب ايه يا قمر . هو سابك لوحدك
فرح امشي يا بني بعيد
الشاب ابنك ايه يا عسل
وقفت فرح وبجديه امشي . من هنا بالذوق يدل ما تمشي ڠصب عنك
اقترب منها هاتي رقمك وانا امشي
فرح ده انت عبيط بقي
خلعت الشوز عايز ټضرب بالجزمه يا حزمه
الشاب يا ساتر يارب
فرح لا ده انت عايز ټضرب بقي
اقترب مصعب ليجد تجمع لناس. ليسرع الي المكان وجدها تمسك الحذاء في يدها والناس يبعدون عنها شاب
امسك يدها مصعب انتي بتعملي ايه
فرح الواد ده بيعكسني
واحد من الناس يا بنتي ما انتي ضربتيه
فرح لا يضرب تاني
مصعب خلاص. لمي حاجتك
فرح ماشي
اقترب مصعب من الشاب وامسك ياقه القميص ليجد وجهه احمر من الضړب
تكلمت سيده يا بني مراتك
ضړبته والله .
مصعب يستاهل علشان بعد كده يتربي
الشاب حرمت يا باشا والله.
امسكت فرح يد مصعب پخوف لينظر لها باندهاش . تتحول في ثواني من حال لحال . كانت منذ قليل ټضرب رجل والان تمسك يده كالاطفال پخوف . امام الناس تكون شئ ومعه هو شئ اخر .
انتي كويسه
فرح اه . يلا نمشي
رجعو الي الفندق معا .
في المساء كان يجلس ليجدها تقف امامه وهي ترتدي فستان قصير رقيق عليها
كانت جميله جدا . شغلت الموسيقي . لتقف امامه
ابتسم ووقف امامها ليرقصو معا . كانت تنظر الي عينه وهو ايضا
مصعب بحبك يا فرح
لتشعر بدقات قلبها كان قلبها يجيب عليه وعيونها وكل ما بها ينطق بحبه
لتهمس بحبك يا مصعب
.......
18
أستغفر الله العظيم واتوب اليه
كان مصعب يجلس وهو شارد التفكير . ڠصب عنه كان يشتاق الي ابنته فريده رغم انه يكلمها كل يوم ولكنه لم يبتعد عنها من قبل
فرح تعال نرجع
مصعب ليه زهقتي مني
فرح عمري ما ازهق منك . ده انت روحي يا مصعب
مصعب الله عليكي وانتي رايقه. والنبي عسل
ضحكت لتجلس امامه وهي تنظر الي عيونه بفرحه
فرح هنرجع عشان عارفه ان فريده وحشتك
ابتسم لانه تفهمه بدون ان يتكلم لسه الاسبوع مخلصش .
فرح
قبل يدها ده حقك يا فرح
فرح انا عايزه ارجع. ومش زعلانه وله مضايقه . انا كمان يهمني راحتك
مصعب انتي متاكده
فرح متاكده .
وقفت لترتب الملابس بحبك يا فرح قلبي
فرح وانا بحبك اكتر
مصعب بهمس نتفرج علي فيلم
لتضحك هي فيلم ايه المره
متابعة القراءة
